PREOCUPACION PA VELOCIDAD HALTO:
Varios heridos den accidente di auto na sero Patrishi
Sero Patrishi - Diasabra anochi laat polis y varios ambulance a bay riba e caminda di Sero Patrishi pa Paradera, pa un accidente serio cu varios heridos.
Polis a topa cu dos auto, uno panort di caminda y e otro pazuid, ambos tawata tin hopi daño material riba nan.
Den e boksmento aki, varios persona a resulta herida, un mas serio cu otro. Tres ambulance a presenta, uno a sali cu urgencia direccion Hospitaal.
Na e sitio di e incidente, nos a compronde cu e auto blanco pazuid di caminda a dal cu velocidad hopi halto tras di e Honda cu tawata panort di caminda.
E auto blanco marca poco desconoci lo tawata biniendo di pariba.
Polis di trafico a presenta pa nan investigacion.
PreocuPacion Pa Velocidad halto:
Unidad motorisa ta reparti 44 multa pa velocidad halto
Den e ultimo dianan por a ripara cu tin varios accidente grave, caminda velocidad halto ta hunga un rol.
Den un forma preventivo pa asina baha e cifra di accidentenan y garantisa siguridad den trafico, Cuerpo Policial Aruba a intensifica e controlnan rond di e isla.
Diabierna anochi unidad motorisa a tene un control pa cu velocidad halto.
Esaki a tuma lugar na altura
di Seroe Tijshi. E resultado di e control aki ta duna un bista preocupante di e comportacion di algun chauffeur den trafico.
Un total di 44 chauffeur a wordo haya boet pa maneha mas duro cu e velocidad maximo permiti.
E caso mas extremo tabata un persona cu a wordo gara coriendo na un velocidad di no menos cu 146 km pa ora.
Polis kier manda un aviso cla y raspa cu e controlnan aki lo sigi den e temporada aki.
KPA ta enfatisa cu e meta no ta djis duna boet, sino pa evita desgracia cu por costa bida.
Bo ta adverti! Tene bo mes na e regla nan di trafico of prepara pa ricibi boet halto.
Ban sea mas consciente den trafico. Corda cu yega bo destino safe tin mas balor cu yega liher of no yega mes. Corda bo tin bo famia ta wardabo.
Un trafico sigur ta responsabilidad di nos tur.--
Homber Hopi buracHi a Hit&run palo di luz na bubali
Bubali - Washington, Diasabra marduga algun ciudadano a scucha un desordo duro riba caminda di Bubali.
Ora cu nan a bay tira bista, nan a bin topa cu Nissan March cu a dal contra un palo di lus y riba dje a reverse y bandona e sitio.
E la wordo sigui y por a mira cu e drenta Washington.
Eynan e no a yega mucho leu debi cu polis a bin topa cu ne y mirando cu e tawata hopi bebi a detene. Ta trata di un ex agente, cu kizas lo mester tawata sa miho.
Elmar a bay un e impacto tawata, pero a resulta cu e waya cu a cay tawata di Setar. Nan a presenta poco mas despues pa dreche.
A.T.A. TA compAr Ti resulTAdo di jAnuAri 2026
Alabes Visa Credit Card Spending 2025 ta indica tendencianan nobo Durante 2025, Aruba a registra 1,028,071 Visa cardholders di 152 pais, cu a genera un total di USD 696 miyon den gasto. Esaki ta mustra un patronchi di gasto amplio, unda tanto cardholders como transaccionnan a sigui subi na ritmo saludabel.
Den 2025, Restaurants & Dining a keda e categoria cu mas gasto, totalizando USD 204.4 miyon. Hotels & Lodging a sigui cu USD 166.9 miyon, y Retail cu USD 153.6 miyon. Food & Grocery (USD 46.3 miyon) y Transportation (USD 31.2 miyon) tambe a forma parti di gasto principal. Ademas, diferente regionnan ta mustra comportacion distinto: Estados Unidos y Canada ta gasta mas den dining y lodging, Europa ta dedica un porcion mas grandi na alohamento, y Latino America ta gasta na un manera mas balansa den retail, dining y grocery.
ESTADISTICA CONFORME ACTUALISACION DEN E INDUSTRIA DI TURISMO
STAYOVER, ESTADIA Y PARTICIPACION DI MERCADO
E panorama di turismo pa januari 2026 ta mustra un combinacion solido di yegadanan, estadia prolonga y un mescla amplio di mercado. Aruba a ricibi un total di 136.578 bishitante stayover, mientras cu e cantidad total di nochinan di estadia a yega 1.064.432, resultando den un promedio di estadia, esta Average Length of Stay (ALOS) di 7.8 anochi, un cifra cu ta refleha un nivel mas halto di compromiso y interaccion cu Aruba como destinacion.
Ademas, e region Norte Americano a contribui na un total di 73.9% di bishitante, sigui pa Latino America cu 18.9%. Europa a contribui cu 4.7%, mientras cu otro regionnan a contribui cu 2.5% di bishitante. Momentum tabata mas fuerte for di Latino America. Argentina a mustra e rendimento mas fuerte y a sobrepasa Canada den total di yegadanan durante e luna. Tambe, bishitantenan for di Argentina a keda mas largo cu e promedio general. E tendencia aki a wordo fortifica pa e airlift nobo, ora cu Aerolineas Argentinas, cu a cuminsa su vuelo pa Aruba na januari, a mustra un rendimento fuerte na su fase inicial.
Dato di profiel di bishitante ta enfatisa e atraccion di Aruba como destinacion pa varios generacion: Generacion X y Baby Boomers hunto ta forma 54.1% di tur bishitante, mientras cu un crecemento continuo den bishitante Gen Z ta refleha biahe multi‑generacional y tambe un segmento mas hoben cu ta sigui crece. Tambe mester menciona cu satisfaccion general di bishitante a keda halto, reforsando e experiencia fuerte cu Aruba ta ofrece como destinacion.
Na centro di e strategia turistico
di Aruba tin un vision mas amplio: un transicion for di turismo tradicional pa un economia di bishitante regenerativo, un modelo cu ta duna bek. E enfoke ta riba stabilisa e cantidad di bishitante mientras ta atrae e bishitante corecto pa medio di un strategia
di reemplaso, duna prioridad na bishitante di balor halto cu ta keda mas largo, ta contribui mas na economia local y cu ta comparti balornan di biahe responsabel.
Bishita www.ata.aw tur luna pa A.T.A.‘Statistical Monthly Report’.
Fundacion Lanta PaPiamento ta Lansa serie di video cortico Pa conscientisa comunidad riba uzo di PaPiamento Ta invita tur hende pa celebra nos idioma
ORANJESTAD, 22 di februari 2026: Fundacion
e videonan a cuminsa pasa durante e programacion di Telearuba, partner den e proyecto aki, y tambe riba plataformanan social di Fundacion Lanta Papiamento, esta Facebook y Instagram. Tambe nan ta disponibel riba Coleccion Aruba (coleccion.aw).
Cada video ta presenta situacionnan di bida real, caminda hende ta papia Papiamento cu orguyo. Un ehempel ta un mama cu ta stimula su yiu pa papia Papiamento y un maestra cu ta inspira su studiante pa balora nos idioma. Tur video ta caba cu e yamada pa accion: “Nos idioma Papiamento, cuid’e”.
Lanta Papiamento ta anuncia lansamento di cinco video cortico, pa medio di e campaña titula “Papiamento: Nos Raiz, Nos Futuro”. E videonan aki tin como obhetivo promove uzo consciente di Papiamento den bida diario y den educacion. Cada video tin un duracion di 15 seconde y ta enfatisa Papiamento como idioma di identidad y union pa nos comunidad.
Na ocasion di Dia Internacional di Idioma Materno, dia 21 di februari,
Fundacion Lanta Papiamento por a haci e proyecto aki danki na e sosten financiero di Comite Conmemoracion Pasado di Sclavitud. Ta gradici tur colaborador y talento local cu a contribui pa e produccion por a bira
realidad: Creator Films/ Ronney Dotel, e actornan y studiantenan Nelson Gonzalez, Tuesday Irwin, Katelyn Lejuez, Roos van der Sloot, Lupita Bernabela, Luz Mary Pabón, Rubia Bernabela, Alisaène Abdul, Shahayra Croes y ChristopherJohn Lejuez. Ta gradici specialmente tambe Biblioteca Nacional Aruba,
Departamento ArubianaCaribiana, Fleur Up Boutique y Telearuba. Pa mas informacion sigui Fundacion Lanta Papiamento riba social media y sintonisa Telearuba pa wak e videonan inspirador aki. Corda cu Papiamento ta nos raiz y tambe ta nos futuro.
Minister di infrastructura a haya presentacion innovativo di organisacion pLace
Durante un presentacion na SETAR, Minister di Infrastructura, drs. Rene Herdé a ricibi informacion riba un proyecto innovativo encabesa p’e organisacion internacional PLACE, un entidad sin fin lucrativo cu ta dedica na adkiri imagen di resolucion halto di tereno.
Segun Minister Herdé, e proyecto ta ofrece potretnan y mapa di Aruba cu un nivel di precision sumamente halto, cu ta permiti uzo strategico pa planificacion fisico, infrastructura, naturaleza, seguridad y desaroyo urbano.
“E nivel di detaye ta asina halto cu e informacion por wordo uza pa planificacion di caya, edificio, tuberia y diferente proyecto di Infrastructura,” Minister Herdé a splica.
E proyecto ta implica pa saca potret aereo detaya di nos isla, locual lo facilita acceso na informacion geografico valioso pa departamento gubernamental, companianan di utilidad y sector priva.
Segun Minister Herdé, e balor di e tipo di informacion aki ta enorme, paso e ta permiti
decisionnan cu mas precision, inversion mas efectivo y un planificacion mas sostenibel pa futuro di Aruba.
E organisacion PLACE lo traha estrechamente cu diferente departamento local durante un periodo
preocupacion
pa veLocidad haLto
di aproximadamente un luna, cu meta pa posiciona Aruba como un ehempel den uzo di tecnologia geografico pa desaroyo moderno.
Minister Herdé a indica cu esaki ta un paso importante pa modernisa planificacion infrastructural di Aruba y
crea un base solido pa mas desaroyo den futuro.
Minister Herdé kier gradici PLACE, DIP y DLV pa organisa e Proyecto, DOW pa nan presencia y SETAR pa financia y facilita esaki.
EuroparlamEntario malik azmani di bishita na aruba
Awe mainta, Prome Minister Mike Eman hunto cu Minister Gerlien Croes a ricibi na Bestuurskantoor Malik Azmani, miembro Hulandes di Parlamento Europeo y representante di e partido liberal VVD, cu ta forma parti di grupo politico Renew Europe. Azmani, kende ta sirbi desde 2019 como Europarlamentario, ta actualmente presidente di delegacion di Parlamento Europeo pa e Asamblea Parlamentario Caribe–Union Europeo. Durante su bishita, a papia riba cooperacion entre Europa y Caribe, y manera con relacionnan institucional por sigui fortalece.
Prome di su rol actual, Azmani a sirbi nuebe aña como miembro di Tweede Kamer na Hulanda, caminda el a enfoca riba migracion, siguridad y asuntonan Europeo. El a studia Derecho na Universidad di Groningen y a cuminsa su carera profesional na Servicio di Inmigracion y Naturalisacion Hulandes (IND).
Den Parlamento Europeo, Azmani a ocupa posicionnan di liderazgo importante, incluyendo Primer Vicepresidente di Renew Europe y lider interino di e grupo durante 2024. E ta ampliamente reconoci pa su trabou riba politica migratorio, gobernacion democratico y cooperacion internacional.
Durante e encuentro na Aruba, a enfatisa e importancia di dialogo continuo y colaboracion
estrecho entre Aruba, Hulanda y institucionnan Europeo, mirando oportunidadnan comun pa desaroyo, stabilidad y fortalecemento institucional den region.
E reunion a tuma luga den un ambiente constructivo, reafirmando e balor di cooperacion entre partnernan den Reino y dentro di marco mas amplio di Union Europeo.
Eduard PiEtErs ta boga Pa lidErazgo, autonomia y cooPEracion cu dirEccion cla dEn rEino
Pa prome biaha, parlamentario
Eduard Pieters a participa den IPKO cu a tuma lugar na Aruba mes. IPKO no ta un formalidad diplomatico so, ta un espacio strategico, unda e paisnan autonomo den Reino Hulandes y Hulanda mes ta confronta reto comun y defini e prioridadnan comparti. Pa fraccion di PPA, aunke cu un solo asiento den Parlamento, e presencia tabata cla: Aruba mester lidera cu dignidad, claridad y vision.
Un Reino di e paisnan autonomo sin uniformidad
Segun Eduard: “Cada pais a presenta su puntonan, su desaroyo y su preocupacionnan. Esaki ta precisamente loke IPKO mester ta: un foro di intercambio sincero. Pero e punto fundamental, segun PPA, ta cu Reino Hulandes no ta un structura uniforme. Tin interes grandi, finansas publico, stabilidad institucional, seguridad huridico, cu mester keda den linea comun. Pero tambe tin e realidadnan local cu por diferencia”.
Loke ta aplica pa Corsou of Sint Maarten no semper ta identico pa Aruba. Autonomia ta significa, cu nos mester por adapta e decisionnan segun nos propio contexto, sin perde e cooperacion general.
Cooperacion cu respet mutuo
PPA ta kere firmemente den e lazonan cu nos tin den Reino. No como dependencia, pero como aliansa strategico. Comercio, clima, migracion, educacion y seguridad ta tema cu ta trascende frontera. Un pais chikito manera Aruba mester uza e plataforma di Reino inteligentemente, fortalece colaboracion y na mesun tempo protega su autonomia.
E mensahe di Pieters tabata cla: cooperacion no mester ta condiciona. Hulanda mester respeta posicion di e paisnan autonomo y nos mester bay na mesa cu preparacion serio y unidad interno.
Unidad nacional ta poder politico
E echo cu IPKO a tuma lugar na Aruba ta un simbolo fuerte. Pero simbolismo so no ta suficiente. “PPA ta boga pa un frente nacional den e temanan cu ta toca interes constitucional y economico di pais. No tin espacio pa division partidario, ora nos ta papia di posicion di Aruba den Reino. Un pais cu ta para unifica tin mas peso den negociacion cu uno cu ta fragmenta. E responsabilidad ta comparti entre gobierno y
oposicion: pone interes nacional riba orguyo politico,” Eduard a indica.
Autonomia no ta evento sino un compromiso continuo
Status Aparte y autonomia no ta concepto ceremonial; ta un obligacion continuo. Aruba mester presenta disciplina financiero, planificacion strategico y liderazgo coherente pa mantene credibilidad den Reino. Cooperacion fuerte ta basa riba confianza y reciprocidad.
“IPKO na Aruba a mustra cu nos
tin oportunidad pa lidera dialogo dentro di Reino.
Fraccion di PPA lo sigui traha pa fortalece cooperacion, pero semper cu un linea cla: respet pa autonomia y proteccion di interes di pueblo Aruba.
Pasobra un pais fuerte no ta esun cu ta sigui otro sin cuestiona, sino esun cu ta negocia cu sabiduria, unidad y determinacion,” Eduard Pieters a termina bisando.
Te M aT ica di vivienda M es T er di un solucion urgen T e
ORANJESTAD (22 di januari 2026) – Miembro di Parlamento John Hart a expresa su gran preocupacion riba e situacion actual di vivienda na Aruba, indicando cu pa hopi di nos yiu di tera, cumpra of huur un cas ta bira impagabel y den algun caso hasta imposibel.
“Na momento cu nos ta stimula nos young professionals na Hulanda pa bolbe Aruba, un di e prome preguntanan ta: mi
por haya trabou? Y despues ta bin un pregunta igual di importante: mi por haya un cas pa biba?” asina Hart a declara.
Segun e parlamentario, e tematica di vivienda ta un asunto urgente cu mester atencion inmediato. E ta dirigi preguntanan formal na Minister di Infraestructura, Sr. Rene Herde, pa claridad riba e maneho y direccion di politica di vivienda. Ademas, el a pidi Presidente di Parlamento, Sr. Marlon
Sneek, pa un vragenuur pa habri e debate den Parlamento cu a keda programa pa dia 2 di maart proximo.
Un parti esencial di e iniciativa aki ta cu Miembro di Parlamento Hart a scoge deliberadamente pa hiba e voz di comunidat mes den Parlamento. Pa medio di e pagina di Facebook AVP Fraccion y un publicacion specifico riba e tema di vivienda (https://www. facebook.com/share/
Varios heridos den accidente
di auto na s ero Patrishi
Oranjestad ArubaDiasabra den oranan di anochi lamentabelmente Aruba ta conoce un otro caso di suicidio.
Mesora a pone e departamentonan concerni na altura. Manera e protocol ta indica, di parti autoridad a start nan investigacion unda cu a usa e epartamento ecnico di polis.
Slachtofferhulp tambe a presenta, y na final un cas funeral a presenta pa hiba e curpa.
Mester bisa cu apenas aña a cuminsa unda cu Aruba ta registrando varios di casonan un tras di otro. Pues no mucho tempo di e otro casonan di e aña aki.
Cu algo mester wordo haci, esey ta un hecho. Y no ta 1 instancia pero esaki ta trabou di varios
Famia ta regala Sa B a camanan di cuido na memoria di Franci S co ‘Fijn’ lopez
E famia di Francisco ‘Fijn’ Lopez, kende recientemente a fayece, a haci un donacion di cuater cama di cuido na SABA pa nan institutonan di cuido, despues di a organisa diferente evento pa recauda fondo fin di aña pasa.
Na prome instante e meta tabata pa yega na fondo pa cumpra un cama abou special pa Fijn, pa asina baha e riesgo di cay pa motibo di su malesa Parkinson.
Na final e resultadonan tabata asina exitoso cu su famia por cumpra cuater cama special y asina por yuda otro pashent vulnerabel di SABA.
Pa Fijn lastimamente e camanan no a yega na tempo; el a fayece riba 11 december 2025 na e edad di 76 aña den Huize Maris Stella. Pa motibo di esaki su famia a opta pa entrega e camanan na e cas di cuido aki.
“Lastimamente mi tata no por a haci uzo di su cama special. Sinembargo, cu e donacion aki a cumpli cu local mi tata henter
su bida tabata para pe y boga pe; yuda otro. Awor cuater otro pashent vulnerabel por disfruta di e camanan special. Esey ta crea un herencia bunita”, su yiu muhe Nathalia Lopez ta enfatisa durante e entregamento di e camanan na director di SABA, Sulima Geerman.
SABA ta informa cu nan ta masha contento cu e donacion aki y ta spera cu mas interesado lo sigui e bunita ehempel aki. E necesidad di camanan di cuido ta hopi mas grandi y nan ta aprecia mas donacion. “Den un periodo unda nos ta falta suficiente recurso, e colaboracion aki ta haci un diferencia grandi. Danki na e esfuersonan di e famia y comunidad henter, e bienestar di nos habitantenan a mehora. Nos ta hopi agradecido pa esaki”, segun directiva di SABA. E ultimo race pa Fijn
Fijn tabata un atleta pasiona pa hopi aña, kende a participa na basta marathon y triathlon
rond mundo. Banda su amor pa deporte e tabata un docente dedica, haciendo su trabou na Sint-Maarten unda el a inspira masha hopi hoben cu su disciplina y su actitud positivo den bida. Cu su 48 aña Fijn a ricibi e diagnosis di Parkinson. Asina mes sufriendo di e malesa aki, el a keda biba su bida segun su lema ‘Better and Better Every Day’. Desde 2025 Fijn tabata keda na Huize Maris Stella. E falta di camanan adecua, specificamente camanan cu por baha mas abou posibel, a causa cu Fijn su estadia tabata uno cu basta reto pa su bienestar. Esaki a motiva su famia pa tuma accion. Nan a recauda fondo durante competencianan deportivo na Aruba y na Sint-Maarten fin di 2025 unda a pidi atencion tambe pa esunnan sufriendo di Parkinson. Famia, su amigonan, ex-alumnonan, deportista y un gran cantidad di sostenedo a bini hunto pa mustra nan amor y
prome minister:
apoyo. Na e evento na Aruba Fijn mes a participa den un rolstoel di deporte special, pusha pa su sobrino Jeff Lopez. Na SintMaarten su amigonan deportivo di antes a core e careda den su nomber.
Fijn semper tabatin un soño grandi: pa forma un team di relay Rubiano y participa na St. Maarten Day’s Relay Race. Diesun coredo di pia, hunto fuerte y orguyoso, cargando e bandera di Aruba pa mustra nos amor pa nos isla, asina su yiu Nathalia Lopez ta conta. Esun cu kier participa y ta motiva pa sigui cu Fijn su deseo, por manda un Whatsapp pa Tri-Bike (+297) 7352734, pa asina ricibi mas informacion.
Finalmente e famia Lopez y SABA kier gradici un y tur cu a contribui na e iniciativa bunita aki. Esun cu kier haci un donacion na SABA, por haya mas informacion via e link aki: https://sabaruba.org/ donations
“aruBa ta move dilanti cu optimiSmo y colaBoracion”
Durante su encuentro cu delegacion di parlamentarionan Hulandes, Prome Minister mr. Mike Eman a describi e momento como un encuentro special, particularmente mirando cu Hulanda recientemente a forma un gobierno nobo y cu tin miembro nobo den e Eerste y Tweede Kamer.
Segun Premier Eman, e bishita tabata un oportunidad importante pa estrecha e lasonan cu tanto cara conoci como miembro nobo di Parlamento Hulandes.
“Tin un optimismo hopi grandi riba e direccion cu Aruba ta tumando,” el a expresa.
Prome Minister a indica cu e delegacion a reconoce e enfoke di gobierno riba un desaroyo mas ekilibra, crecemento economico hunto cu proteccion di naturalesa y un reparticion mas husto di e beneficionan di nos pais.
Segun Eman, Aruba ta percura pa no solamente crece, pero crece cu responsabilidad social y ambiental. Aruba como hub y living lab
Minister Eman a destaca
tambe e vision di Aruba dentro di Reino: capitalisa oportunidadnan di win-win caminda Aruba por actua como hub, puente y living lab pa innovacion y desaroyo conhunto cu institutonan Hulandes.
El a menciona colaboracion cu institutonan manera TNO, Rotterdam School of Management y otro partner academico y tecnico, incluyendo proyecto innovador manera tecnologia di “happy flow” na aeropuerto — un ehempel concreto di cooperacion practico.
Segun Premier Eman, Aruba tin caracteristicanan unico:
• Suficientemente desaroya pa lidera proyecto piloto
• No demasiado grandi ni demasiado chikito
• Strategicamente
ubica den region
E vision ta amplia: desde revitalisacion di area di refineria, pa innovacion industrial y agricola, te infrastructura y cooperacion regional. Progreso comparti Prome Minister a subraya cu progreso den Reino ta logra ora partnernan ta inverti den otro y mira oportunidadnan comparti.
E tono general di e encuentro tabata positivo, cu un palabra central cu tambe parlamentarionan a ripiti durante nan entrevista: Vooruitgang — Progreso. Aruba, segun Prome Minister Mike Eman, ta move dilanti cu optimismo, colaboracion y un vision cla pa futuro.
Turis Ta a bolT er cu s uzuki Jimny diasbra marduga
J.E Irausquin Boulevard - Diasabra marduga algo prome cu 4'or polis a bay pura pabou di e ex edificio House of Cheng, esun cu ta bay pa e high rise hotels.
Eynan segun informacion, un accidente serio a sosode y cu e auto a bolter.
Polis di Noord cu a yega, a topa memey caminda un Suzuki Jimny ariba su banda.
E ocupantenan cu ta turista no tawata herida.
Na e sitio por a saca afo, cu nan lo tawata biniendo cu velocidad halto di pariba y no conoce e caminda. Debi na e esaki nan a hala hopi na nan man robes.
Esaki a causa cu nan a dal un Toyota Vitz asina duro mande den e mondi lagando un pida su visibel.
Takelwagen mester a presenta pa lanta e auto.
Doño di e Vitz lo a haya un mal sorpresa ora cu e la yega bek na su auto cu a sufri daño.
Delegacion F ecc g ermany D i bishita cerca Prome m inister Pa Fortalece coo P eracion cultural
Awe mainta, Prome Minister, den su capacidad como Ministro di Cultura, a ricibi un delegacion di Federation of European Carnival Cities (FECC) Germany, cu actualmente
ta di bishita na Aruba den marco di un intercambio cultural oficial.
E bishita ta forma parti di cooperacion internacional dentro di red global di carnaval, mirando cu SMAC ta awor un miembro activo di FECC.
Durante nan estadia na Aruba, e delegacion a asisti na tres di nos paradanan di Carnaval, obteniendo experiencia directo riba organisacion, participacion comunitario y impacto cultural di nos celebracion nacional.
Durante e encuentro cu Prome Minister, a enfatisa e balor di Carnaval como un di e actividadnan cultural mas importante
di Aruba, no solamente den termino di tradicion y identidad, pero tambe den su impacto economico y turistico.
E reunion a sirbi como un oportunidad pa reafirma
compromiso di Aruba cu diplomacia cultural y cooperacion internacional. Tambe a resalta e potencial pa amplia colaboracion dentro di red internacional di Carnaval, fortaleciendo
posicion di Aruba den escenario cultural global. E gesto di reconocimiento oficial a subraya apoyo continuo di gobierno pa desaroyo strategico di sector cultural di Aruba.
Un dia fructifero colma cu gracia na abundancia
El a contesta: ’Hipocritanan, profeta Isaias a describi boso bon bon ora cu el a bisa, manera ta skirbi: E pueblo aki, Dios ta bisa, ta alaba Mi cu nan boca so, ma den nan curason nan ta leu fo'i Mi. (Marco 7,6)
Locual ta molestia Hesus ta e hipocresia, e hipocrita ta fingi desconoce algo of fingi di ta inocente. Si tin buraco den e ley e lo uze p’asina hustifica locual e ta haci pa su cumbinencia. Esaki ta un blasfemia paso Dios bo no por gaña pero ta fingi desconoce of simplemente no ta worry. E di ocho mandamento ta bisa pa hende no lanta falso testimonio ni tampco gaña. Nos por puntra nos mes si na tur momento nos ta consciente di esaki y nos ta haci esaki. Hopi biaha nos ta faya, haci redo of lanta falso testimonio riba otro hende, p’esaki nos lo mester reflexiona y pidi pordon, confesion ta importante pa nos haci, p’asina cambia nos bida y pa sigui biba un bida corecto den fe y cu un curason limpi di pica y di tur mal pensamento p’asina nos no ta hipocrita y sigui riba caminda di Dios.
Oracion: Señor Hesus, duna nos e gracia di por compronde bo palabra y laga nos no wak e splinter den e wowo di otro mas bien yuda nos mira e biga den nos mes wowo. P’asina nos no gaña ni biba mane hipocritanan. Pa e motibo aki nos ta acudi na Señor, yuda nos cura nos mal accionnan cu ta aleha nos di e amor di Dios.
No perde e oferta excepcional riba ekipo di cushina
INDUSTRIAL NA E WAREHOUSE SALE DI STIMAMI STERILISAMI
ORANJESTAD, Aruba — 20 di Februari 2026 — Bo tin un restaurant, food truck, compañia di catering, of bo ta bai habri uno pronto y bo ta buscando ekipo di cushina industrial di calidad halto y pre-usa? Eora no perde e oportunidad di haci bo compras na e Stimami Sterilisami Warehouse Sale cual lo tuma lugar diabierna 27 di Februari na Engelandstraat 5 (dilanti di Martijn Trading y banda di Coastal Crafters), for di 8:00 di mainta te 1:00 di atardi, of te ora tur mercancia wordo bendi. Un seleccion amplio di ekipo di cushina industrial di calidad halto, pre-usa, cual a generosamente wordo dona door di e resort renombra, Bucuti & Tara Beach Resort, y su restaurant, Elements Restaurant, lo ta na benta y
ENTRANTE F EBRUARI 27!
tur fondo lo bai na Stimami
Sterilisami su programa nacional di sterilisacion di cacho y pushi. Cu prijsnan atractivo y un variedad diverso di articulonan, e evento aki ta ofrece un oportunidad excelente pa restaurantnan, cafes, food trucks, hotel y otro negoshinan incorpora ekipo valioso pa fortalece nan operacion.
Ta importante pa nota cu e articulonan ta di grado comercial y destina pa uso profesional, no pa cushina regular domestico.
Informacion importante pa cumpradonan Clientenan cu ta cumpra ekipo grandi di cushina lo mester por move e articulonan nan mes y organisa nan propio transporte, ya cu e organisadonan no lo por asisti cu move ni entrega. Ta
importante pa nota cu e articulonan ta di grado comercial y relativamente pisa. Tur articulo cumpra mester wordo retira durante e orario di
benta, ya cu nos no lo por warda ningun articulo pa busca despues. Tanto pago cash
como pago cu tarheta lo wordo acepta.
Sea parti di algo significante
FUNDASHON STIMAMI
STERILISAMI
www.stimamisterilisami. com
Aruba Bank 6012630190
1
KVK: S1744.0
Cada compra realisa durante e benta ta duna sosten directamente na e programa nacional di sterilisacion di Stimami Sterilisami, cu ya a logra mas cu 47,000 sterilisacion di cacho y pushi rond desde 2016. Na 2026, e
iniciativa vital aki ta sigui avansa danki na e generosidad di nos sostenedonan, e compromiso di nos boluntarionan y e apoyo continuo di nos comunidad. Ora bo asisti na e evento aki, bo ta haña mas cu un bon oferta—bo ta contribui na un solucion duradero. Cada compra ta yuda di un manera mas humano reduci e cantidad di animalnan sin cas riba isla y ta sostene un Aruba mas saludabel y cu mas compasion.
Nos ta spera di topa bo aya y nos ta gradici pa bo ta forma parti di e cambio positivo.
Tocante Fundashon Stimami
Sterilisami
Fundashon Stimami
Sterilisami ta un organizacion caritativo dedica na reduci den un manera humano y efectivo e cantidad di pushi y
Minister Arthur Dowers:
cacho abandona na Aruba, mediante su programa di sterilisacion cu ta cubri ful e costo di sterilisacion. E fundacion ta usa 100% di e donacionnan pa yuda cubri e costo di sterilisacion pa doñonan individual di mascotanan y organisacionnan boluntario cu ta cuida animalnan di caya.
E organisacion ta mantene un administracion financiero transparente, cu su contabilidad habri y su cifranan ta audita regularmente pa segura claridad y confiansa total.
Pa contribui na e causa, donacionnan por wordo hasi via transferencia bancario: Bank: Aruba Bank
Account Number: 6012630190
Account Name: FUNDASHON STIMAMI STERILISAMI
Er A D i r E fi NE ri A NA Arub A tA pA pA sAD o
Diaranson merdia, un delegacion di Eerste y Tweede Kamer Hulandes cu ta na Aruba pa e Interparlamentair Koninkrijksoverleg (IPKO), riba invitacion di Minister di Husticia y Energia, mr. drs. Arthur Dowers, acompaña pa Director di RDA Robert Henriquez y Director Financiero di RDA Frederick Nuboer, a haci un recorido extenso riba e tereno di refineria.
E anuncio recien di Prome Minister Hulandes Dick Schoof y Prome Minister Mike Eman tocante e futuro di e industria petrolero na Aruba, a haya atencion di e delegacion Hulandes. Durante e bishita, nan por a constata personalmente e estado actual di e facilidad: un instalacion cu infrastructura di hero bieu frustia, tubonan cu a cay,
structuranan cu a colaps pa falta di mantencion y areanan grandi cu ta contamina cu diferente residuo industrial manera pitch y azufro. E condicion actual di e structuranan den e refineria ta asina deteriora cu ta haci cualkier trabao di inspeccion sumamente peligroso y ta rekeri trabaonan di desmantelacion di varios “towers y vessels” prome, cual RDA no por carga financieramente. Modernisa e refineria lo rekeri inversionnan extremadamente halto cu no ta economicamente ni ambientalmente hustificabel. Ademas, e presencia di desperdicio residual, e fraccion mas pisa cu ta keda despues di refinacion di petroleo, y otro contaminacion industrial ta haci e area no apto pa
uzo recreacional, hotelero of residencial. E prioridad actual ta pa sanea y despues decontamina e tereno principal di e refineria, un proceso tecnico compleho cu por dura mas cu 5 aña prome cu cualkier otro desaroyo por inicia.
Minister Dowers a enfatisa cu decisionnan pa cu e futuro di e refineria mester ta basa
riba realismo economico, responsabilidad ambiental y obhetivonan sostenibel pa Aruba. E era petrolero na Aruba ya ta pa pasado y awo mester crea oportunidadnan economico nobo y sostenibel pa futuro generacionnan. Gobierno ta comprometi cu un vision di transicion responsabel, enfoca riba
sostenibilidad, energia mas limpi y reutilisacion strategico di e area industrial, sin compromete siguridad ambiental ni salud publico.
Transparencia, responsabilidad y sostenibilidad lo keda e base di tur decision relaciona cu e futuro di e tereno di refineria.