Parlamentario Xiomara Maduro ta cuestiona Minister Dowers riba oportunidadnan pa diversificacion economico awo cu e situacion na venezuela ta cambiando
Durante reunion publico, Parlamentario Xiomara Maduro a haci un serie di pregunta na Minister di Energia y Infrastructura, Arthur Dowers, tocante e ausencia di un plan concreto pa Aruba probecha e oportunidadnan economico cu ta surgi despues di e cambionan reciente na Venezuela. E cuestionamento aki ta duna seguimiento na e mocion aproba den Parlamento dia 26 di februari 2026, unda 20 parlamentario a vota pa Gobierno presenta, den un periodo di cuatro siman, un plan concreto cu ta indica detayadamente con Aruba por beneficia di e panorama nobo den region.
Gobierno ta manda señal contradictorio
Segun Maduro, Gobierno ta manda un señal ambivalente. Den partido AVP tin parlamentario cu ta positivo pa un futuro di e refineria, mientras cu den partido FUTURO tin parlamentario cu ta contra e refineria. E falta di claridad aki ta crea incertidumbre riba si Aruba realmente ta “open for business” of no. E parlamentario a enfatisa cu Aruba mester manda un solo mensahe fuerte y consistente na e mercado internacional.
Oportunidadnan real pa diversificacion
Ya na 2019, Aruba a identifica seis sector clave pa diversifica su economia, entre nan logistica.
Awor, cu e situacion na Venezuela
a cambia y exportacion di petroleo ta bira mas activo atrobe, expertonan ta indica cu e region ta mira un aumento den actividad logistico y transporte di crudo. Ademas, Aruba a yega di wordo uza caba como un punto strategico pa transporte di crudo Venezolano pa Estados Unidos. Maduro a splica cu, aunke Aruba ta chikito, nos tin potencial pa bira un hub strategico, mirando cu nos tin bentahanan unico manera:
• Cercania geografico na Venezuela
• Stabilidad politico
• Seguridad y trankilidad • Bon conexion aereo y financiero
Esaki por posiciona Aruba como un “trusted hub” den region.
Rol di refineria y tank farm
Un punto importante di preocupacion ta e decision di Gobierno pa desmantela e refineria, mientras cu no tin claridad si a haci un estudio serio riba oportunidadnan alternativo. Maduro a haci e siguiente preguntanan:
• Kico ta e oportunidad pa Aruba uza su tankfarm pa warda y maneha crudo Venezolano?
• Ta existi un plan pa converti Aruba den un centro di transshipment of almacenamento?
• Ki oportunidad tin pa
desaroya un sector di servicio maritimo completo, incluyendo crew change, catering, servicio tecnico, seguridad y servicio legal?
Rol di Hulanda y falta di investigacion
E parlamentario tambe a cuestiona e rol di Hulanda, despues cu a wordo sugeri cu Hulanda por yuda cu desmantelacion di e refineria.
Segun Maduro:
• Con por ta cu tin apoyo pa desmantela sin cu tin un investigacion riba oportunidad economico?
• Dicon experticio Hulandes no ta wordo uza pa identifica oportunidad di negoshi pa Aruba?
• Of Aruba ta wordo laga afo di e cadena di balor economico?
Balor historico y cultural di refineria
Ademas, Maduro a enfatisa cu e refineria tin un balor historico y cultural profundo pa Aruba. Pa mas di 60 aña, e refineria a forma parti esencial di bida, trabou y desaroyo di e pueblo Arubano. Pa e motibo aki, e parlamentario a puntra si, den caso di desmantelacion, Gobierno lo tene cuenta pa:
• Conserva cierto parti di e refineria
• Proteha elemento cu tin balor historico
• Crea un espacio, monumento of recordatorio permanente pa mantene e historia
“E refineria no ta solamente un facilidad industrial, pero un simbolo di nos historia y progreso,” Maduro a indica.
Necesidad di direccion cla
Maduro a conclui cu Aruba tin potencial pa crea entrada economico independiente, sin cu mester depende di Hulanda ni recuri na mecanismo manera Rijkswet HOFA pa haya financiamiento. Sinembargo, pa logra esaki, mester tin liderazgo firme y direccion cla. “Nos no por sigui sin movecion. E pais mester un plan concreto, un vision cla y un solo mensahe: Aruba ta ‘open for business’ of no,” asina Parlamentario Maduro a declara.
bibo
caso tristo: e di 5 accidente FataL Pa 2026
ASO TRISTO: E DI 5
ACCIDENTE FATAL PA
2026 Diasabra pa 6:45 di mainta, Central di Polis ta wordo informa cu un auto lo mester a alcansa un peaton na altura di ex-Xavier University na Santa Helenastraat. Polis y ambulance ta wordo despacha pa e lugar di e sucedido cu maximo urgencia.
Na yegada di patruya di polis ta constata cu berdad un auto, Toyota Corolla blanco a alcansa un peaton. E peaton ta grave y no ta reacionando y e chauffeur a bandona e sitio.
Hoben
Personal di ambulance a duna asistencia medico na e señora (peaton) pero lamentablemente no por a haci nada mas pe y e señora ta fayece na e sitio.
Specialista di trafico y polis technico a presenta pa haci nan investigacion.
Departamento di Slachtofferhulp tambe a presenta na e sitio pa brinda sosten na e famia. E chauffeur envolvi den e accidente fatal a entrega su mes y Polis a detene.
A test e chauffeur y e la supla cero riba e machine di alcosensor. Dr. forensico Wemeijer a constata morto
di e señora victima: Liris Aurelia Senior Barrios naci na Colombia dia 25 September 1959. (66 aña).
E señora ta bira di 5 morto den trafico pa aña 2026. Cuerpo policial ta manda
palabra di condolencia na famia di e fayecido.
a cay den rooi cu su auto
Tamarijn - Diadomingo merdia polis a bay poco
pura den un bahada riba caminda di Tamarijn,
unda lo tin un accidente serio.
Na yegada esnan rond a guia polis kiko lo a sosode, y cu e chauffeur lo a move di e sitio. Polis por a constata visualmente cu e auto a perde control y bay cay
manera den un rooi, casi bo no ta wak e mes.
Ambulance a ser pidi y basta mas pariba di e sitio polis a topa cu e hoben sinta, y momento cu Paramediconan a presenta e hoben cu supuestamente
lo tawata herida na garganta a nenga nan servicio
Polis di trafico na e sitio a keda pa tuma su declaracion di locual a sosode.
Durante control Di trafico, chauffeur no a sigui orDo Di polis
Camacuri - Diabierna anochi polis motorisa lo tawata tin un control di trafico manera ta custumber riba Green Corridor.
E control tawata dirigi riba velocidad di e autonan. Dado momento a capta velocidad halto riba un pickup Chevrolet, y a dun'e
ordo pa e para na rotonde di Seri Tijshi.
Posiblemente e chauffeur aki lo tawata desea un poco excitement riba su diabierna anochi y a gewoon sigui core bay.
Di eynan a start un persecucion cu a termina den un caya pariba di
Camacuri Appartements. E chauffeur un cabayero a drenta un caya unda cu su aventura a termina, debi cu polis a logra blokea esaki.
Segun su version, e no a mira y ni tende polis su tras. Eynan mes e la wordo deteni y lo haya un multa.
un Detencion y heriDo Den pelea na tarabana
Tarabana DakotaDiabierna anochi den careda di 9'or varios patruya mester a bay den Tarabana parti pariba, unda cu lo a surgi un pelea formal.
Ta asina cu algun persona
cu tawata dilanti Pacifico
Restaurant lo a hayanan envolvi den un "pelea" unda cu aparentemente di trincion un di esnan envolvi a haya un boter riba cabes.
Parse cu e chauffeur
tambe lo a wordo agredi ki seriedad no ta conoci, e auto cu nan tawata cu ne tambe a sufri daño. Pa e motibo ey Forensys tambe a presenta.
E hoben herida a move di e sitio, unda cu e la yega na un otro adres y eynan a haya atencion medico di Paramediconan.
Mientrastanto un otro hoben[tegen partij] sospecha di tawata meti den e maltrato a wordo deteni. Esaki a sosode na e adres ya conoci pa polis
den Mandolinstraat.
Lo ta trata di un problema bieu. Si ta bon polis tin
atencion pa e caso aki, y no ta descarta cu lo por tin continuacion.
Parlamentario Hendrik Tevreden: “ArubA tin un Gobierno di 50%”
ORANJESTAD – Mundo ta bou di presion. E prijs di petroleo ta keda aumenta y tur isla den Caribe ta sinti e consecuencianan. Sinembargo, ta den e momentonan aki cu liderazgo ta wordo poni bou di luz. E pregunta no ta si prijsnan lo subi, pasobra nos tur sa cu nan lo subi; e pregunta real ta kico esunnan den liderazgo ta bay haci pa mitiga e impacto ey.
Diferencia den Liderazgo: Proteccion completo vs Alivio na mita
Ora nos analisa kico ta pasando rond di nos den Caribe, nos ta mira un diferencia grandi den liderazgo. Mientras e presion internacional ta aumenta, otro islanan a scoge pa pone e bienestar di nan ciudadanonan como prioridad.
• Anguilla: Gobierno a tuma e decision pa absorbe e aumento completamente. E pueblo no ta bay paga p’e subida. Den e caso aki, e famianan ta wordo proteha pa un 100%, y no djis cu un 50%.
• Korsou: A scoge pa no aumenta e prijs di gas pa cushina, Esaki ta totalmente contrario cu loke ta pasando aki na Aruba, unda cu Minister Wever di Finansa si a aumenta esaki, poniendo un peso financiero extra riba presupuesto di cada famia y hogar.
• Sint Maarten: Nan ta preparando activamente pa baha e peso di impuesto y duna sosten social na esunnan mas vulnerabel.
Y na Aruba, bo lo puntra? Awel, aki ta “Sla di Prijs”
Den un analisis
medidanan actual, Parlamentario Hendrik Tevreden ta señala cu e proteccion contra e aumento di prijs no ta yega na tur ciudadano di e mesun forma. Tevreden ta splica cu e yudansa aki ta crea un desigualdad bisto: mientrastanto cu e uzo di gasolin ta wordo mitiga pa un 50%, y esun di diesel pa un 40%, esunnan cu no tin un vehiculo propio ta keda totalmente exponi, cargando cu e peso completo (100%) di e aumento.
E Parlamentario ta splica cu, door cu Minister Wever a scoge pa mitiga solamente 50% di e aumento, e resto di e peso ta wordo pusha directamente riba e consumidor. E personanan cu ta depende di transporte publico pa bay busca nan pan di cada dia, no lo scapa di e Sla di Prijs aki. "Esaki ta un 'plesiter temporal' di dos luna, sin un bista total di kico lo pasa den e dianan cu ta sigui," Tevreden a enfatisa; señalando cu e problema real ta e falta di un vision duradero pa e bienestar di Aruba. Cu un Gobierno sinta riba un surplus di 500 miyon florin, nos pueblo no a spera un tiki ayudo... nos a spera mucho mas.
Falta di vision y solucionnan real
Awor Minister Wever ta bisa nos cu el a mitiga prijs pa e comerciantenan tambe, comosifuera cu esey lo evita e aumentonan; e comerciantenan tambe tin cu deal cu e aumento di King Ocean, e aumento di coriente y e subida di prijs di e productonan cu nan ta importa. Kiermen nos sa caba cu e Sla di Prijs lo wordo pasa pa e consumidor.
Nos sa cu nos ta importa casi tur cos y cu nos ta depende di recursonan den exterior. Pa e motibo aki, nos tin di traha den direccion pa yega na solucionnan duradero. Palamentario Tevreden a enfatisa riba e siguiente solucionnan:
1. Fondo di Emergencia: Crea un reserva pa tempo di crisis.
2. Hedge pa Termino Largo: Pa garantisa stabilidad di prijs.
3. Diversifica Importacion: Busca rutanan di importacion mas economico.
E solucionnan aki no ta fantasia, nan ta real si busca nan activamente," Tevreden a subraya. El a declara cu no por keda sinta riba un 'stoel di felpa' cu e idea cu Hulanda semper lo saca man pa brinda 'garnachi'. E mentalidad aki no ta e liderazgo cu nos mester si nos kier pa Aruba ta un pais mas fuerte.
Conclusion
E Parlamentario a enfatisa cu un crisis ta rekeri ayudo rapido, pero tambe un ayudo mas completo posibel: "Di un Minister cu ya tin seis aña sinta riba stoel, nos a spera cu e lo a presenta solucionnan duradero, mirando cu el a experiencia un crisis caba cu e gobierno anterior."Tevreden a conclui cu e realidad duro aki: "Awe Gobierno ta paga 50% di e aumento di gasoline, pero mañan pueblo ta paga 100% di e consecuencianan di un Gobierno sin vision y di un liderazgo ausente."
Dicon e miyones ta keda den caha di Gobierno, pero ta e 'garnachi' so ta yega pa e pueblo?
Dos turista heriDa Den acciDente riba aveniDa alo tromp
Weststraat/ Avenida Alo Tromp
Diasabra mainta den careda di 10'or polis y brandweer a wordo manda na e crusada di Weststraat cu Avenida Alo Tromp, pa un accidente serio di trafico.
E motibo cu brandweer a ser manda tawata cu un vehiculonan tawata benta di banda y lo a pensa cu tin hende pega den auto. Na yegada di materiaalwagen esey no tawata e caso y nan por a sigui nan caminda.
Locual a sosode riba e crusada aki, uno conoci
pa accidente pa falta di dunamento di preferencia.
E v-car un Suzuki Jimny cu 2 turista aden a subi e crusada sin pone tino, net momento cu un Chevrolet tawata biniendo di zuid.
Debi na e impacto e Suzuki a bay den banda, y atrapando e ocupantenan pa un rato.
Ambulance cu a presenta a atende cu esnan herida y na final a opta pa bay cu nan Hospitaal pa un control mas riguroso.
Takelwagen mester a lanta e v-car pa asina trafico por a circula bek.
Parlamentario Xiomara maduro ta gradici sr. ivan Quandus
Pa
conserva nos tradicion den su documentario:
“Historia y Perseveracion di caHa di orgel di aruba”
Parlamentario Xiomara
Maduro ta felicita sr. Ivan Quandus cu su bunita
documentario “Historia y perseveracion di Caha di Orgel di Aruba”, un
proyecto cu ta honra y conserva un parti esencial di nos identidad cultural.
Maduro ta accentua e importancia di documenta
nos historia, y specialmente nos tradicion musical, manera esun di cah’i orgel, cual pa hopi generacion a forma parti di bida diario y celebracionnan di nos pueblo. E instrumento aki ta un simbolo di alegria, union y herencia cultural den curason di Aruba.
Segun e parlamentario, iniciativanan manera esaki ta fundamental pa
sigura cu e conocimento, e storianan y e balor cultural di nos tradicionnan no perde, sino keda preserva pa futuro generacionnan.
“Documenta nos historia ta clave pa mantene nos identidad bibo.
E documentario aki ta un paso importante den e direccion corecto,” Maduro a expresa.
Cu e obra aki, sr. Ivan Quandus ta contribui significativamente na e preservacion di nos patrimonio cultural musical.
Su esfuerso ta sirbi como un inspiracion pa e comunidad, specialmente pa nos hobennan, pa nan por aprecia, proteha y continua cu e bunita tradicion di cah’i orgel na Aruba.
Parlamentario di AVP, Stephany Sevinger: Congestion na Palm BeaCh ta demanda soluCion struCtural raPido
ORANJESTAD (17 di april 2026)
- Miembro di Parlamento pa AVP, Sra. Stephany Sevinger, a indica cu e situacion di trafico y parkeo den e area di high-rise na Palm Beach a yega na un punto critico, unda e problema no ta solamente incomodo, sino tambe peligroso y un mal bista pa un di e areanan mas importante pa nos economia y industria turistico.
E zona di Palm Beach ta representa un di e motornan principal di turismo na Aruba, unda miles di bishitante ta move tur dia.
Segun parlamentario Sevinger, e congestion y desorden actual no ta refleha e calidad, profesionalismo y hospitalidad cu Aruba kier mustra na mundo.
No solamente bishitantenan ta afecta, pero tambe miles di empleado cu ta traha na hotel, restaurant, casino, tienda y otro
servicio den e strip di high-rise. Hopi di nan ta enfrenta dificultad diario pa yega trabou na tempo y pa regresa cas, loke ta crea stress, atraso y afecta e bienestar di hopi hende cu ta mantene nos economia andando.
Parlamentario Sevinger a enfatisa cu, aunke Palm Beach ta un punto focal importante, e problema di parking y trafico a bira un reto nacional. Cu e crecemento di turismo y e aumento continuo di vehiculo riba nos isla, nos ta mira situacion similar den diferente area, manera na Eagle Beach unda ciudadano ta obliga pa nan mes controla parkeo riba santo, y cerca di faro unda congestion y desorden ta crea riesgo pa siguridad di usuario di caminda. Tambe den centro di Oranjestad, parking a keda pa añanan caba un di e obstaculonan mas grandi pa desaroyo economico y mobilidad
urbano.
Segun Sevinger, e situacion actual ta representa un peliger real pa siguridad di conductor, peaton y tur usuario di caminda. Falta di parking suficiente, falta di trottoir adecua y congestion continuo por resulta den accidente y por complica acceso rapido pa servicionan di emergencia ora cada seconde ta conta.
Parlamentario Sevinger a reconoce cu e retonan den e areanan mas afecta no ta nobo y cu e autoridadnan relevante ya ta plenamente consciente di e problema. Tin diferente estudio haci y proyecto ya identifica pa aborda e situacion di forma structural.
“P’esey, e prioridad principal awor mester ta implementacion efectivo y rapidez den ehecucion,” Sevinger a declara. “Comunidad, empleado y empresarionan ta desea mira progreso concreto y resultado visibel den un tempo razonabel.”
Sevinger ta consciente cu proyecto di infrastructura den un area turistico cu hopi actividad ta naturalmente compleho y ta rekeri coordinacion entre diferente institucion y sector. Sin embargo, segun su persona, e urgencia di e situacion ta exigi claridad den planificacion, comunicacion constante cu e comunidad y responsabilidad pa evita retraso innecesario.
Soluciona e problema di trafico y parking na Aruba no ta solamente un cuestion di comodidad, sino un cuestion di siguridad publico, sostenibilidad economico y reputacion nacional.
Parlamentario Sevinger a expresa su apoyo total na e proyecto y iniciativanan cu ya ta den proceso pa mehora mobilidad, amplia capacidad di parkeo y optimalisa fluho di trafico den e areanan mas afecta. Su persona a indica cu lo sigui sostene esaki cu accion y mocion den reunionnan parlamentario venidero.
Na mes tempo, Sevinger a haci un yamada respetuoso na tur autoridad y partner relevante pa prioritisa y acelera e realizacion di e solucionnan cu ya ta identifica, pa asina logra resultado concreto cuanto mas pronto posibel. “E meta final ta cla: crea un infrastructura moderno, sigur y funcional pa miles di empleado, residente y bishitante cu ta uza nos camindanan tur dia,” parlamentario Sevinger a conclui. Sevinger a agrega cu infrastructura den un pais den crecemento no ta un luho, sino un necesidad fundamental. Inversion den e area aki — manera iluminacion publico, siguridad, asfalt y maneho di trafico — ta esencial pa sosten e desaroyo di Aruba y pa evita cu problemanan cu a keda neglisha pa hopi tempo sigui agrava.
Parlamentario Evelyn Wever-Croes
DESPUES DI 1 AÑA CU A PIDI REUNION, PARLAMENTO A REUNI
ORANJESTAD —
Diabierna ultimo a tuma luga un reunion publico den Parlamento relaciona cu e Landspakket, e pakete di reforma cu a keda acorda entre gobiernonan di Aruba y Hulanda dia 13 di november 2020.
“Ora mi bisa cu e Parlamento aki no ta funciona, esaki ta un ehempel. Mi a pidi e reunion 8 april 2025, y e reunion a wordo yama 16 april 2026. Siendo cu e tareanan di reforma a wordo publica riba website na juni, september y december aña pasa, cual tabata bon momentonan pa duna un update na Parlamento. Segun Presidente di Parlamento, e no por a yama e reunion pasobra di parti di Minister Gerlien Croes no a sinti cu e tabata cla pa e reunion. Si tempo cu ami tabata
minister, lo mi a contesta algo asina, sigur e mesun Gerlien Croes lo a protesta.
Politica ta consistencia, si bo ta contra algo como parlamentario, e ora como minister bo mester ta consistente. Como minister presidente, ami tabata bay Parlamento regularmente pa duna update di e topico aki.
Pues mi no ta compronde dicon e gobierno aki tin tanto miedo di duna informacion. Gobierno a faya un biaha mas den duna transparencia den e tema asina importante. Warda 1 aña pa un reunion wordo yama, ta totalmente inaceptable”, lider di Fraccion di MEP a duna di conoce.
Landspakket ta un proyecto di Gabinete WeverCroes, pa trece reforma riba diferente tereno, pa
haci Aruba mas fuerte y resiliente. E terenonan cu a wordo acorda e tempo ey cu Hulanda ta finansas, gasto y efectividad den aparato gubernamental, belasting, labor y area social, economia, cuido y enseñansa. Mester remarca cu e palabracionnan haci den 2020 ainda ta wordo traha riba dje, y ta bon pa mira e continuidad den proyectonan.
“Mi ta gradici tur e empleadonan publico, pa e trabou cu nan a sigui haci, desde di cambio di gobierno, pa logra e reformanan necesario pa haci nos pais mas fuerte y resiliente. Nan a trece hopi informacion padilanti, pa cual mi a recomenda e diferente comisionnan fiho den Parlamento, pa yama reunionnan riba cada tema separa, pa nan por comparti e informacion.
Ta hopi importante pa cada parlamentario tin informacion mas detaya posibel di cada trayecto y cada tema. Apesar cu a tarda un aña pa e reunion a wordo yama, mi ta hopi satisfecho di por a tuma nota cu e fundeshi cu nos a laga atras, ta wordo continua”, Evelyn WeverCroes a duna di conoce.
E BON NOTICIA
NA E SECTANAN CU NO TA ACEPTA
MAMA MARIA, CU NO TA HONRA Y CU
NO TA STIMA E MAMA DI HESUS.
Den Bijbel Genesis 3: 14-16, Dios Tata a bisa na e colebra satanas: “Lo Mi trece enemistad entre abo y e muher, entre bo descendiente y entre e descendiente di e muher. E muher cu su descendiente lo trapa riba bo cabes y lo bo lastra bao di su pia.” Akinan e muher ta Maria, cu Dios Tata a escoh’E pa e bira Mama di E Salbador. Maria Su descendiente ta, Cristo-Hesus y tur esnan den Cristo-Hesus Su Iglesia. E descendiente di e colebra satanas ta esnan cu no ta acepta, cu no ta honra y cu no ta stima Maria y cu ta persigi e descendientenan di Maria den Cristo-Hesus Su Iglesia. Den Bijbel Revelacion 12: 17: “Anto e dragon a rabia contra e muher y e’l a bai hasi guera na e demas yiunan di e muher.” Akinan e diabel tin rabia riba Maria y e diabel ta persigi y ataka e yiunan di Maria den Iglesia.
Den Bijbel Lucas 1: 41-43, Maria ta bishita Su prima Elizabeth y Elizabeth a keda yena cu Spirito Santo y a bisa: “Di unda mi ta merese e honor cu Mama di mi Senjor ta bishita mi?” Maria ta wordo yama Mama di Dios, pasobra Su Yiu Hesus ta E di dos Persona di E Santisima Trinidad. Y den Bijbel Huan 20: 28, akinan Apostel Thomas ta expresa na Hesus: “Mi Senjor y Mi Dios.” E palabra Senjor ta significa Dios, pesey Maria ta Mama di Dios. Den Bijbel Lucas 1: 46 – 49; “Maria a bisa: Mi curason ta alaba Senjor, Mi Spirito ta alegra den Dios Mi Salbador, pasobra E a mira riba Su humilde sirbidora. For di awor, tur generacionnan lo jama Mi felis.
Di berdad E cu ta Todopoderoso, a haci na Mi, Su obranan milagroso y Santo ta Su nomber.” Akinan tur e pueblonan di mundo lo honra y lo venera Mama Maria. Den Bijbel Huan 19: 25-27, akinan Hesus na Crus klaba a bisa: “Mama, ata bo yiu eynan y despues E’l a bisa Huan: Ata bo Mama eynan.” Akinan Hesus ta ofrece nos Su Mama, pa nos stimel’E, pa nos honrel’E y pa nos acepta Maria como nos Mama Celestial. Manera cu e Apostel Huan a acepta Maria como su Mama y e Apostel Huan ta representa e Iglesia di CristoHesus, pesey Maria ta Mama di Iglesia.
Den Bijbel 1 Reynan 2: 19-20, ta bisa: “Ora cu Betsabe, e mama di Rey Salomon a drenta den e sala di e Rey, pa papia cun’e ariba asunto di Adonias, e Rey a lanta pa ricibi su mama y a buig su dilanti. Despues e’l a bai sinta riba su trono y a duna ordo pa nan trece un stoel di trono pa su mama, e mama a sinta na man drechi di su yiu Rey Salomon y a bisa su yiu: Mi kier a pidi bo un fabor chikito, mi no ta spera cu bo lo nenga mi. Rey Salomon a contesta: Mi mama, pidi mi loke bo kier, lo mi no nenga bo.” Akinan e mama di Rey Salomon a haya un trono, pa sinta na man drechi di su yiu Rey. Hesus ta Rey di Universo, den Bijbel Lucas 1: 32 – 33, na unda e Angel Gabriel a anuncia na Maria: “Senjor Dios lo duna Hesus e trono di Su antepasado Rey David y te den eternidad lo E ta Rey di e descendientenan di Jacob y Su Reino lo no tin fin.” Cristo-Hesus ta Rey di Universo y
ta sinta riba Su Trono den Gloria. Awor, lesa Bijbel Revelacion 12: 1, ta bisa: “Un senjal grandi a aparece na Cielo: un Muher bisti cu solo, cu luna bao di su pianan y riba su cabes un corona di diesdos strea.” E Muher bisti di solo ta Maria y e corona di diesdos strea ta simbolisa, e oficio Real den Reino di Cielo. E significacion di solo, luna y streanan bao di Su pianan, den Bijbel Genesis 37: 9-11, akinan e Profeta Jozef ta sonja di mira con, solo, luna y streanan ta buig su dilanti y esaki ta simbolisa, Reinado y Autoridad.
Awor nos ta compronde, cu Mama Maria ta Reina di Cielo y di Tera y Mama Maria ta sinta na Su Trono na man drechi di Su Yiu Hesus. Hesus Rey di Universo, lo no nenga Su Mama fabornan, mescos cu Rey Salomon no a nenga Su mama fabornan.
Un mensahero di Dios. Scirbi pa Seferino Tromp Koyari 13-D Tel. 5931157/5870048
ID. 57.11.22.40
E-mail: etajuni@yahoo.com
Cas PrinCesa a Corona dos reina
Dianan 9 pa 14 di juni 2026 ta tuma luga na Bogotá, Colombia e certamen internacional Mini Model of the World
Cas Princesa Aruba, a tene un anochi di coronacion na e luhoso residencia di famia Kofi na Piedra Plat.
Aki, dilanti famia y amigonan a corona e Baby World Aruba 2026 cu ta Ceanne van der Linde. Tambe a corona Jaysi-ann Croes como e Teen Model Aruba 2026. Tur dos ta forma parti di Diamond Dance & Modeling group.
E maestro di ceremonia tabata Addonsito Croes y e fotografo Alwin di Zoom Aruba.
Presente tawata e reinanan di Miss Youth Aruba 2025 y 2026 bou guia di Robin Croes. Tambe e ex reinanan y esunnan actual di Cas Princesa Aruba.
Tur dos lo ta saliendo comienso di juni pa Bogota caminda nan lo
tin un programa extenso pa cumpli cu ne den nan participacion.
E comision di Cas Princesa Aruba encabesa pa juffrouw Jessica Anthonij ta yama danki na tur cu a sostene e coronacion y ta desea e dos reinanan hopi exito di awo caba.
Mas informacion: Cas Princesa Aruba riba Facebook of Instagram.
Miembro di Parlamento pa AVP, Dennerich Kelly:
No tur prijs ta deN maN di gobierNo, pero gobierNo si tiN deber di proteha poder di compra
ORANJESTAD (17 di april 2026) - Miembro di Parlamento pa AVP, Sr.
Dennerich Kelly, a enfatisa cu e preocupacion creciente den comunidad tocante e subida di costo di bida ta real, husto y merece un debate serio y responsabel. Na supermercado, na pomp di gasolin y den cas di hopi famia, pueblo ta sinti cu bida ta bira cada dia mas costoso. Pa hopi famia, adulto mayor y trahadonan cu entrada medio y abou, poder di compra no ta un concepto abstracto, sino un realidad diario.
Segun parlamentario Kelly, hopi hende ta lansa e pregunta: “Unda gobierno ta?” E pregunta ey ta completamente legitimo. Pero, pa su persona, e contesta ta exigi nuansa, claridad y honestidad, y no
un respuesta simplifica pa beneficio politico.
“Nos mester ta cla riba e punto cu no tur prijs ta den man di gobierno,”
Kelly a declara. “Aruba ta un economia chikito y habri, cu ta depende hopi riba importacion. Esaki ta nifica cu prijs di producto basico, combustibel y otro necesidad ta determina en gran parti pa factornan internacional manera prijs di petroleo, costo di transporte y desaroyonan den mercado mundial — factornan cu ningun pais por controla completamente.”
Kelly a enfatisa cu esaki no kiermen cu gobierno no tin un rol importante. Al contrario, responsabilidad di gobierno ta pa evalua, tuma decision prudente y aplica medida cu por suavisa e impacto riba
pueblo, sin pone stabilidad financiero di pais na riesgo.
Den e contexto aki, parlamentario Kelly a referi na e explicacion presenta recientemente den Parlamento pa Minister di Finansa, Asunto Economico y Sector Primario, mr. Geoffrey Wever. Segun e informacion presenta, Gobierno AVP-FUTURO ya a tuma varios paso concreto pa proteha consumidor y poder di compra, incluyendo un reduccion temporario di accijns riba combustibel, medidanan pa mantene stabilidad den prijs di utilidadnan via hedging, y continuacion di iniciativa manera reparatietoeslag. Ademas, gobierno ta traha cu un mitigatienota basa riba scenario, monitor continuo y coordinacion entre institucionnan relevante pa actua na momento corecto.
Parlamentario Kelly a destaca cu liderazgo no semper ta nifica reacciona mas liher, sino tuma decision basa riba data, analisis, conseho di experto y sentido di responsabilidad. Pa un pais manera Aruba, cu espacio fiscal limita, decisionnan apura por crea alivio temporal, pero tambe por causa problema mas grandi riba largo plazo.
Na mes momento, Kelly a reconoci cu e
preocupacionnan den comunidad no por wordo minimalisa. Cada subida di prijs ta sintie den bida diario di hopi hende.
P’esey, e ta esencial cu politica publico sigui enfoca riba proteccion di e gruponan mas vulnerabel y fortalecimento di poder di compra unda esaki ta posibel.
Den su rol como miembro di Parlamento, Kelly a enfatisa cu supervision y responsabilidad continuo ta parti esencial di su trabou.
“Como miembro di Parlamento, mi lo sigui monitor e situacion di cerca, exigi claridad y transparencia tocante e medidanan cu ta tuma, y keda den contacto cu e preocupacionnan den comunidad, pa garantisa cu e decisionnan ta mantene conecta cu e realidad di nos pueblo.”
Den su declaracion, Kelly a indica cu den e debate
publico mester tin mas claridad tocante cual prijs gobierno por influencia directamente y cual no. Pa su persona, esaki ta importante pa construi expectativa realistico y permiti cu pueblo y gobierno por traha hunto riba solucionnan sostenibel.
“E reto cu nos tin dilanti ta mas grandi cu awe so. No ta solamente con nos ta reacciona riba e situacion actual, sino con nos ta prepara pa loke por bini,” Kelly a expresa.
Den un mundo cu ta bira cada bes mas impredecibel, Aruba mester sigui tuma decisionnan bon balansa y responsabel. Como representante di pueblo, mi lo sigui cumpli cu mi deber pa controla y monitor e pasonan cu gobierno ta tuma, semper cu interes di nos pueblo na prome lugar.
FORTALEZA PA FAMIA
Scirbi pa Pastor Marcel Balootje
ODIO NUNCA LO GANA, AMOR DI DIOS TA SUPERIOR
Mundo ta yena cu odio, y bo ta mire aunke cuanto hende kier sconde nan odio, toch e ta sali dilanti, pasobra dilanti di Dios nada ta keda scondi.
Ta ora algo sosode nos ta mira cuanto hende ta odia, y cuanto ta stima, cuanto ta pordona, cuanto kier duna un oportunidad pa cuminsa di nobo, cuanto ta declara hende morto na bida, pasobra pa medio di palabra expresa curason ta papia.
Proverbionan 10:12 ta bisa: Odio ta lanta pleito , ma amor ta tapa tur pica.
Esun cu ta odia su ruman no conoce Dios, pasobra Dios ta amor, esun cu no kier pordona su ruman, su relacion cu Dios ta kibra, aunke bo tin rason Dios ta bisa pa bo pordona.
Esun cu sconde odio tin lipnan mentiroso, y esun cu plama calumnia ta un bobo. ( Proverbionan 10:18).
Ken cu ta odio su ruman ta un matado, y boso sa cu ningun matado, no tin bida eterno ta permnece den dje.(1 Juan 3:15)
Ta un trend pa nos tende hende bisa cuanto nan ta odia cierto hende, y hasta nan ta odia hende pa cosnan bon cu nan ta haci, pa motibo di envidia, pasobra envidia ta lanta odio.
Bo ta tende un hoben ta bisa cuanto e ta odia su school caminda e mester bay pa e sinja algo pa bida.
Un hoben ta bisa cu e ta odia polis, caba e polis no a hacie nada, ta simplemente e hoben ta asina rebelde cu e no por soporta
caminda tin orden y respet.
Awendia pa cualkier motibo bo ta tende e expresion di odio, y bo ta mira den un hende su cara cu odio ta wordo expresa, y esey ta peligroso pasobra odio ta pica.
Pero nos mester tene cuenta cu mester stima otro pasobra Dios a stima nos prome.E a duna su Yiu unigenito pa ken cu kere den dje no bay perdi ma tin bida eterna.
Yui chikitonan no laga nos stima cu palabra ni cu lenga, ma cu hecho y cu berdad.
Wak con pa siglonan largo e diabel a sembra odio entre nacion cu nacion, pais cu pais,ruman cu ruman, division tur caminda, pasobra esey ta su naturalesa, pa
horta, pa mata y pa destrui.
Odio ta trece desorden, caminda tin odio no tin confiansa, tampoco respet, y con cu hende purba tapa cu smile , cara bunita, y hipocresia, toch odio ta sali dilanti y pone cara di hende na berguensa.
Odio nunca por vence amor, pasobra amor ta bini di Dios, y amor ta puro santo y berdadero, amor semper lo sali pa dilanti hunto cu husticia di Dios.
No laga malo vence bo, ma mas bien vense malo cu bon,( Romanonan 12:21).
Ta tempo pa cada mayor lanta riba , y stop di usa expresion cu ta trece odio den cas, pasobra odio ta trece rebeldia den cas y ora e odio ey
sali for di cas, e por causa danjo na hende, pasobra odio por haci tur sorto di cos stranjo.
Awor Dios ta manda nos stima nos prohimo manera nos mes, trata tur hende bon, respeta tur hende , no ta importa ken e persona ta , sea e ta rico of pober , gordo of flaco, nos respet semper mester tey.
Esun cu ta bisa cu e ta den lus y sinembargo ta odia su ruman ta den scuridad ainda. Esun cu ta stima su ruman ta permanece den lus, y no tin motibo den dje pa trompica.ma esun cu ta odia su ruman ta den scuridad y no sabi na unda e ta bay.( 1 Juan 2:9-11)
Sinceramente, Pastor Marcel Balootje.
DI LETRANAN
SUDOKU
Un feliz dia yena di hopi fe y speransa
den nos bon Dios
”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.
Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7)
Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.
Y inspira nan pa nan sigui conta na e siguiente generacion. Amen.
”T'esaki Ta e cos cu Dios kier pa boso haci: pone boso fe
Den esun cu el a manDa!"(huan 6,29)
Nos ta bibando den un mundo cu ta uza loke ta facil pa despues bent'e afo: take-away, saca placa for di muraya (ATM), mashin cu ta traha tur sorto di cos. Nos tin tanto pura cu nos kier benta hasta Dios afo! Loke Señor ta spierta nos awe p'e ta pa pensa un rato riba nos relacion cu n'E.
Loke nos ta haci ta pa interes propio of ta pasobra Dios ta pidi di nos: stim'E mas cu tur cos y stima nos prohimo manera nos ta stima nos mes? Esaki ta implica practica integridad, honestidad, humildad, husticia y misericordia. No ta facil, mi ruman. P’esey laga nos pidi:
Oracion: Señor, habri mi horea pa mi scucha Bo, habri mi sinti pa mi comprende loke Bo ta pidi di mi y habri mi boca pa mi proclama Bo y duna mi forsa pa cumpli cu Bo boluntad. Amen!
Drenta su portanan cu gradicimento
Drenta su tempel cu canticanan di alabansa.
Glorific’e bendiciona su nomber
Salmo 100:4
A bay sosega cu un bunita edad di 94 aña:
Na nomber di su:
Yiunan:
†Franklin “Bagadjan” Maduro
†Milda Croes-Maduro
Reymundo “Maikel” y Elvira Maduro-Roza
†Robert “Robby” Maduro
Judith y Jimmy Tromp-Maduro
Mario “Ricky” y Linda Maduro-Zahler
Nieto(a)nan:
Jesica y Humphrey Franken-Maduro
Michelle y Sendy Farro-Maduro
Michael “Maikito” Maduro y Jessica Kock
Mildenny Croes y Shannon Silberie
Julia Tromp y Wilman “Ashrok” Reyes-Perez
Julian Tromp
Jôya Tromp
Bisanieto(a)nan:
Humphrey J. y Jearyselle
Gwendelyn y Daniel
Philip, Gerslyn
Q-chella, Q-elisa
DeSean, DeQuion
Tataranieto(a)nan:
Hailey-Jaë, Sophia, Daniel
Rumannan:
†Marianita Willems
†Francisco “Chico” Willems
†Vicente “Chento” Willems
Vda. Juju y †Hendrick Croes-Willems
Cornelia Maduro-Willems
Viuda di Mario Maduro Cariñosamente yama “Nea, Abelita, Awela” *17-02-1932 - †11-04-2026
†Victoriano “Tojanchi” y †Nora Willems-Danies
Carmen y Lu Dabian-Willems
†Ina y †Chano Flanegin-Willems
Vda. Sita y †Wilbert Roos-Willems
†Florencio Willems
Sobrino(a)nana:
Mariska, Stuart, Jozef, Hendrick Jesus, Francisco Miguel, Judelly, Win, Aldrin, Aymar, Amelaine, Janine, Vincent, Noraima
Ayudante: Diana Ventura
Primo- y primanan, ihanan, comer y compernan, bon bisiñanan di Ponton, amigonan y conocirnan.
Demas Famia: Willems, Maduro, Gomez, Comenencia, Vrolijk, Roza, Croes, Tromp, Zahler, Franken, Farro, Kock, Silberie, Reyes Perez, Danies, Celestina, Dabian, Flanegin, Roos, Zavala, Trimon, Restrepo, Vaca Ruiz, Wever, Orman, Martha, Pietersz, Quandus, Kelly.
Ta invita pa acto di condolencia y entiero cual lo tuma lugar na Misa San Francisco na Playa diaranson 22 di April 2026 di 2or pa 4or di atardi. Despues lo sali pa Santana Catolico na Playa.
Disculpa nos
E DI 18 ANIVERSARIO DI MENS ERGER JE NIET
LIVE TA CUMINSA NA CENTRO DI BARIO BRAZIL
esenta y cuater (64)grupo a trek lot y ta cla pa cuminsa E campeonato na Centro di Bario Brazil dia 24 april cu un Desfile Jump Up, 7:30 pm cu DJ. Mikes y Savaneta Brass Band. Despues di
April segun e calendario.
RUTA DI E DESFILE / JUMP UP TA CORTICO: Ta cuminsa riba e caminda net pabou di Centro di Bario Brazil / veld di futbol, direccion caminda di Mabon, na e T-weg Misa Cristo Rey (amen) ta bira na man robes direccion pariba te na e T-weg pariba di S.P.O school direccion pa Centro di Bario Brazil.#49 . Na e entrada den C.B.B cada grupo mester drenta mescos cu e desfile di tur aña, caminda nomber di cada grupo ta wordo menciona etc.
Tin premio pa e grupo miho uniforma y e grupo mas anima. Corda bin cu algo pa identifica bo grupo for di leu, p.e. bandera, banner, borchi etc. Aña pasa cuater team tabata invicto te final. Despues di hopi susto, Entre Nos Family a bira e campeon mundial invicto, sigui pa e Sub Campeon WEB NV, 3er. Crazy Rescuerers, 4to. Sin Miedo.
1. The Beef People.
2. Falcetas.
3. Gaña Sa.
4. Kill By The Dice.
5. Kibra Tres.
6. Setar Pevesa .
7. Pending Group.
8. Family Gang.
9. Jolly Peeps.
e Jump Up ta sigui cu un wega super amistoso entre maestronan di schoolnan, E.B.P San Nicolas, E.P.I, Maria School y Rosario College. Y e campeonato mes ta cuminsa dia 25
17. Dice Mastersz.
18. Keep On Walking.
19. Demolation Squad.
20. Pv Sinta Riba Dje .
21. Happy Family.
22. Eagle Giants.
23. Bou Palo Gang
24. Hot Ones Band.
25. Hat Master.
26. Pasa Dushi Pasa Pret.
27. Mete La Pata.
28. Dushi Yiu.
29. Justice Warriors
30. Happy Line Dancers.
31. Oruans.
32. Jun Jun Racing.
33. Bin Bo Haya.
34. Bombers.
35. No Cunsumi.
36. Biba Lekker.
37. Flatstone.
38. Dynamite.
10. Bongo's.
11. Dream Catcher.
12. La Cabana.
13. Who's Next.
14. Youth Family Gang.
15. Sin Miedo.
16. Group Pending.
39. Goza Bida.
40. X-Clusive Vip.
41. Bura Nechi.
42. Leysner & De Cuba
43. Screngerenge.
44. Lucky Shot Bricethy.
45. Weet Niks.
46. The Crazy Rescuers.
47. El Louvre.
48. Team Bee Blessed.
49. Chipi Chipi Tiné.
50. Vroom Toyota.
51. Pegado Di Pleister Elite.
52. Red Devils On.
53. Commando.
54. Fusion Boys & Girls.
55. Aruba Vision Center.
56. Familia Diki.
57. Ibisa Pia Afo.
58. Sv. Web Nv.
59. Calloway Corporation.
60. No Cansami Enterprises.
61. Hunga Malo Pasa Bon.
62. Entre Nos Family.
63. Heavy Yiu.
64. Team Eloy
Pa mas informacion por yama/whatsapp Inky na 5934453 of WW na 5923969.