Accidente serio ribA schotlAndstrAAt, 1 personA tA resultA heridA
Schotlandstraat - Diasabra atardi rond di 3'or y mey a sosode un accidente serio riba e t-kruising dilanti di ASD.
Mesora a manda unidad di Brandweer, debi cu a pensa cu un persona lo a keda pega den auto.
E impacto tawata asina duro cu e cura di hero di e compania menciona a wordo kibra manda paden.
Na e sitio nos a compronde cu e Mitsubishi Lancer bayendo direccion panort a wordo sorprendi pa un Chevrolet Captiva cu a dal den e banda rechts, ora cu e la subi caminda for di Caya Soeur Dionysia.
E ta dal e Lancer pege contra e cura di hero kibrando esaki, pa despues sigui bay pega bou un container staciona riba e tereno.
Paramediconan a controla esnan envolvi y por a mira despues di un rato e chauffeur di e Lancer sali cana bay na e ambulance, siendo cu e impacto tawata den su banda. Pues e
chauffeur ta scapa.
Polis di trafico a presenta y hunto cu Forensys lo cuminsa nan investigacion, aunke cu e ta basta duidelijk.
SIMAN DECISIVO PA EX MINISTER BENNY SIEVINGER (AVP) Y CASO AVESTRUS
KIKO TA CASO AVESTRUS?
- E siman aki, corte di casacion, Hoge Raad na Hulanda, lo duna su veredicto final den e Caso Avestruz, un di e casonan di corrupcion mas significativo den historia reciente di Aruba. Cu e decision aki, lo yega un momento decisivo den un proceso legal cu a dura varios aña y cu tabata tin un impacto grandi riba confiansa den gobernacion na Aruba.
E Caso Avestruz ta un caso di acusacionnan serio di soborno, corupcion y mal uso di tereno di gobierno. Den juli 2024, Corte di apelacion na Aruba a haya varios sospechoso culpabel, incluyendo ex-ministro di Infrastructura di AVP, Benny Sevinger, hunto cu otro funcionarionan. E condenanan tabata basa riba prueba cu mustra cu tereno publico a wordo duna na forma indebido a cambio di contribucionnan politico, beneficio personal y otro tipo di fabor, por ehempel un gym, y fiesta pa e yiu muher di e ex minister, Stephanie Sievinger, actual parlamentario pa AVP.
Segun e sentencia di Corte den apelacion, e accionnan menciona a atacha e principio di transparencia y integridad den servicio publico seriamente. E caso a resulta den condenanan mash alto cu den prome instancia, algo inusual pa Aruba, entre otro condena di prison y limitacionnan riba participacion politico pa esnan declara culpabel.
Despues di e veredicto di Corte
di apelacion, e acusadonan a apela na Hoge Raad. Den e fase aki, Hoge Raad no ta revisa e hechonan mescos mas, sino ‘solamente’ si e proseso legal a wordo sigui correctamente y si ley a wordo aplica di manera husto.
E acusadonan a bisa, entre otro, cu tabatin persecucion politico, un punto cu lo wordo considera dentro di e evaluacion huridico di e corte mas halto.
E veredicto cu lo wordo anuncia lo tin implicacionnan grandi, no solamente pa e personanan involucra, pero tambe pa e sistema democratico y e percepcion di husticia na Aruba. E decision lo duna mas claridad riba e maneho di casonan di corrupcion y lo confirma e importancia di un estado di derecho fuerte y independiente.
E veredicto lo ta e ultimo stap tambe pa e ex minister Benny Sievinger, cu si e wordo haya culpable, lo mester bai prison. E veredicto lo tin consequencianan tambe pa su yiu, Stephanie Sievinger, cu a declara na multiple occasion, cu su unico mision den politica ta pa representa e legado di su tata. Si Hoge Raad confirma locual Corte di apelacion a dicta, cu su tata ta un corupto criminal, ki legado e ta bai representa e ora?
Fraccion di MEP ta enfatisa cu
transparencia, responsabilidad y integridad ta keda pilarnan esencial pa fortalecemento di confianza publico. Lamentablemente casonan di corupcion ta socede ainda, pero importante. ta, pa no sconde esaki bou tapijt, manera e gobierno di AVP a hasi. Ta importante pa mesora cu mira cosnan Sali for di man, pa investiga, y entrega keho. Sim ester, contra bo mesun hendenan. Asina MEP a goberna. Y ta asina so comunidad lo haya confiansa bek den su gobierno.
Noticia di Corte
Lo mester bay scucha dos testigo y laga psycologo traha raport
Dama cu a mata Dos henDe cu auto ta keDa encarcela
ORANJESTAD – Awe merdia 2’or e dama C.F.D. a presenta den Corte pa e caso penal cu Ministerio Publico a cuminsa contra dje. E caso tabata pro forma y Hues a stipula cu na Juli 2026 lo trata e caso.
SOLO DI PUEBLO por a compronde cu abogado a pidi pa laga C.F.D. liber pero Fiscal a bay contra. Hues a rechaza e peticion di abogado y a bisa cu C.F.D. ta keda encarcela te Juli 2026 ora di trata e caso. Tambe Hues a instrui pa scucha dos testigo manera abogado a pidi y tambe pa psycologo traha un raport.
ACUSACIONNAN
Fiscal di Ministerio Publico ta acusa C.F.D. cu riba 4 Januari 2025 riba Smith Boulevard un tiki despues di Renaissance Hotel, a dal mata
cu un Jeep dos persona y intento di mata otro dos persona, kendenan na e momento ey tabata cruzando caminda. C.F.D. tabata core cu un velocidad hopi halto y sigui core bay.
Fiscal a presenta mas acusacionnan contra C.F.D. cu ta:
- tabata core sin rijbewijs y sin keuringskaart; - no tabata core na man drechi di caminda; - tabata core mucho duro y no a controla su velocidad;
- tabata core auto bou influencia di alcohol
DAMA TA KEDA DETENI
E caso tabata pro forma o sea cu Hues lo scucha peticion di abogado y Fiscal y tambe lo fiha fecha pa tratamento di e caso. Ta asina cu abogado a trece defensa pa suspende e detencion di C.F.D.
y cu kier scucha dos testigo. Tambe e abogado a pidi pa laga un psycologo traha un raport di e situacion di C.F.D.
Fiscal a para riba cu C.F.D. mester keda encarcela, mirando e seriedad di e caso. El a mustra cu dos persona a wordo mata y e otro dos personanan a haci denuncia di intento di mata.
Hues a rechaza peticion di abogado pa laga C.F.D. liber. Hues a bisa cu C.F.D. ta keda encarcela te dia 3 Juli 2026, dia cu lo trata e caso.
Hues a ordena tambe cu mester scucha dos testigo y cu psycologo lo traha un raport despues di a evalua C.F.D.
Parlamentario Eduard Pieters (PPA):
logronan granDi a sosoDe cu
Dialogo internacional
Den e rueda di prensa di diabierna 10 di april parlamentario Pieters a trece algun observacion hopi importante padilanti. E Rijkswet HOFA ta keda un topico di momento y e ta un situacion grave pa loke ta trata nos posicion di Aruba su Constitucion. Sinembargo, segun Pieters, fraccion di PPA a haci varios intento pa discuti esaki na nivel local. Incluso a convoca reunion cu e gremionan, a yama reunion publico y a busca dialogo continuo cu
gobierno riba e topico aki. Pero durante e reunion publico, a resulta ya gobierno unilateralmente a manda e ley di HOFA pa Rijksministerraad, sin ningun consenso di Parlamento. “Pues a bypass e proceso democratico completamente,” Pieters a declara.
Dialogo internacional como unico caminda Mirando cu espacio local pa dialogo ta limita y a hiba varios encuentro cu diferente gremio, PPA a
tuma decision pa hiba e combersacion na nivel internacional, na Den Haag. “Historicamente, cambio grandi semper a logra na mesa di dialogo,” Pieters a enfatisa. “Y si nos no por logra esaki na Aruba, nos lo busca e espacio afo.”
Democracia mester proteccion y no manipulacion
Pakico PPA ta haya cu e situacion actual ta lanta un pregunta fundamental? E pregunta ta: ta Parlamento
ainda ta funciando como bos di pueblo of ta bira un instrumento di control politico? Pakico e preguntanan aki? Pasobra un retraso di 240 dia, manipulacion di agenda y bypass di proceso legal no ta cos chikito. Ta señal serio di un sistema cu ta desviando di su rol democratico. PPA ta manda un mensahe cla: Democracia y transparencia no ta opcion. Respet pa reglamento no ta opcion. “Parlamento mester bolbe na su esencia:
representa pueblo,” Pieters a conclui. “Paso sin esaki, nos no ta papia mas di democracia, pero di control.” Aruba merece mihor.
INVESTIGACION DEN OFICINA DI
GERLIEN: KIKO TA PASANDO?
Tin incertidumbre ta rondona oficina di minister Gerlien Croes. Informacion cu a yega na nos mesa di redaccion ta bisa cu tin un investigacion tumando lugar den su propio entorno di trabou.
Aunke e detayenan exacto no ta conoci ainda, e informacion ta sugeri cu por tin asunto serio di indole financiero, manera falta di placa of irregularidadnan cu placa cu mester wordo aclara. Loke ta hala mas atencion, ta cu e situacion ta conecta cu un persona cerca di dje y su partido, cu ta traha directamente den oficina di e minister y no por descarta cu ta un di su secretarianan of ayudante, escogi y poni eynan pa su persona.
Segun e informacion cu nos tin, polis hunto cu recherche a yega na oficina di e minister pa conversa, interoga i /of busca mas informacion tocante e situacion cu ta desaroyando. No ta exclui cu nan a papia cu uno of mas empleadonan como parti di e investigacion. Tampoco por descarta cu tin un rabo largo den e caso aki cu lo yega te na Partido Futuro.
E hecho aki ta pone luz riba loke ta pasando internamente, y ta trece un pagina nobo den bida politico di Gerlien. El’a pasa gran parti di su oposicion ta ataka, lastra, tilda su opositornan ne manera di mas baho cu tin, pa awor bin sali na cla un
informe dje indole aki.
Te cu awe, nunca Gerlien a duna pueblo splicacion kico ta pasando. Su silencio ta contribui na mas pregubta rond di e caso, mientras cu rumornan ta sigui haya bida.
Sin haci conclusion prematuro, e situacion ta pone enfasis riba responsabilidad i maneho. Investigacion oficial lo determina e hechonan i eventual responsabilidad, pero e atencion publico
awor ta dirigi riba e oficina unda tur esaki ta tuma luga.
Nos lo sigui e desaroyo di e caso aki di cerca, segun cu nos haya mas informacion.
TEAMARU su ekipo di natacion a yega Panama2026
ATLETANAN DI ARubA AquATICS FEDERACION
TA CLA PA REPRESENTA ARubA
E prome grupo di atletanan di TEAMARU a yega Panama, pa asina participa na e IV Weganan Suramericano di Hubentud Panama2026. E prome grupo pa mira accion ta e atletanan di natacion, unda cu 6 hoben hunto cu entrenadora Tyrine de Kort lo cuminsa e proceso di entrena y cuminsa competi dia 16 di april proximo. Pa e atletanan femenino,
ta conta cu partipacion di Eva-Marie Kock, Gabriella Hermans y e abandero fememino di TEAMARU
Xia Rodriguez. Pa e atletanan masculino, ta conta cu Luis-Mario Arends, Jayrick Winterdal y e abanderado masculino y atleta cu a participa na e Weganan Panamericano Junior ASU2025, Ocean van Loon.
DICON ABO NO POR HAYA TERENO PA TRAHA BO CAS NA ARUBA?
PA MOTIBO DI CORUPCION DEN CASO AVESTRUZ
Oranjestad – E Caso Avestruz, den cual ex minister Benny Sievinger tin un condena di 4 anja, no ta solamente un caso legal di corrupcion. E ta parti di nos historia di consecuencianan real cu nos comunidad ta sinti te awe: falta di tereno pa nos hobennan por construi nan propio cas. Kiko ta e esencia di e caso?
Durante añanan, terenonan di gobierno cu mester a sirbi pa desaroyo di comunidad, a wordo entrega indebidamente a cambio di fabor politico y beneficio personal. Un solo persona a haya 90 mil meter cuadra di e ex minister Benny Sievinger, y a cambio a duna otro fabornan politico.
Un otro persona, cu e ex minister a declara cu ta su amigo, a haya miles di meter cuadra di tereno, y a cambio a regala e ex minister un gym nobo nobo na su cas, y a construi un cura p’e. Cu e tereno ey e persona a gana miyones di florin, y autoridadnan a logra confisca ainda un cuenta bancario di dj’e na Curacao cu 1 miyon riba dje.
Un otro compania a haya tereno y privilegionan pa construi mas kamber di hotel, y a cambio, nan a cubri gastonan di fiesta pa e yui muher di e ex minister, Stephanie Sievinger. Huez a constata den e veredicto tambe cu e estudio di su yiu muher, Stephanie Sievinger, a wordo paga cu placa cu e minister a gana, speculando cu tereno di gobierno.
Dicon e caso a ta perhudica abo awe ainda?
Segun informacion cu a sali na cla den proceso hudicial
veredictonan di Corte, e necesidad pa tereno di vivienda ta aumenta mucho mas cu e poco oferta disponibel. E desbalance aki ta wordo enpeora door maneho incorrecto den pasado di ex miniser Benny Sievinger. Ademas, e desbalance aki ta haci cu tur tereno y cas cu tin disponibel awor, ta na prijsnan inpagabel.
Nos hobennan merece un oportunidad real pa traha y construi nan futuro na Aruba. Esaki ta un derecho, no un privilegio. Consecuencianan
y reportahenan di medio di comunicacion cu ta publico pa tur hende, e corupcion aki a contribui na un escases serio di tereno disponibel pa ciudadanonan por traha nan cas. Pa hopi famia Arubiano, e consecuencianan ta doloroso y directo. Hobennan no por haya un pida tereno pa cuminsa nan bida independiente. Parehanan hoben ta keda dependiente di nan mayornan pa hopi mas tempo. E sonjo di tin un cas propio ta bai cada bes mas leu. E realidad aki ta mustra cu corupcion no ta un concepto leu di bo. E tin impacto directo riba calidad di bida di hende comun. Cada pida tereno cu a wordo usa pa interes particular di e ex minister Benny Sievinger pa privilegia su amigonan, ta un oportunidad perdi pa un famia, pa un hoben, pa futuro di nos isla.
Segun cifra y analisis presenta den diferente informe publico y
E veredicto di e Hoge Raad e siman aki, lo no duna nos e terenonan
bek, lamentablemente. Pero e ta importante pa hobennan cu no por haya tereno ni cas, por lo menos compronde e motibo dicon. Y pa nos como comunidad percura pa nunca mas tipo di corucpion asina tuma luga mas
AVP/FUTRO kieR ObligA 12 mil
PeRsOnA cU A Ricibi FAse PA PAgA e PlAcA bek
Den un desaroyo politico sorprendente, Partido AVP, mediante parlamentarjo John Hart, ta e mesun awor cu ta pone presion pa cuestiona e programa di FASE (un medida di emergencia cu a yuda mas cu 12 mil ciudadano durante e crisis di COVID-19) unda cu nan propio declaracionnan, nan ta bisa hopi mas di kiko nan kier.
Parlamentario di AVP, John Hart, a sali publicamente cu acusacionnan serio despues di analiza e rapport di Algemene Rekenkamer (ARA) riba Jaarrekening 2020. Segun Hart, casi 43 miyon florin a wordo paga den marco di FASE sin un base legal formal na e momento, algo cu el a califica como un violacion grave di regulacionnan financiero.
Pero e pregunta grandi cu hopi hende den pueblo ta haci awor ta: kiko AVP kier realmente cu esaki?
Pueblo mester paga bek ?
Si sigui e logica di AVP, e conclusion lo por ta peligroso: si e pagonan tabata “ilegal”, esey lo kier bisa cu e miles di hende cu a depende di FASE pa sobrebibi durante pandemia, mester paga e placa bek?
Durante COVID-19, hopi Arubiano a perde nan trabou di un dia pa otro. Gobierno di e tempo ey a tuma un decision rapido pa evita hamber y pobresa, aunke no tabatin un ley formal mesora. Esaki mes ta confirma pa ARA desde 2022, cu despues Parlamento a atende e situacion cu un ley pa formalisa e
pagonan.
Pero awor, despues di 4 aña, AVP ta bin cu e mesun informacion comosifuera ta algo nobo.
Iregularidad of realidad di emergencia?
Algemene Rekenkamer Aruba a señala ciertonan falta di procedura y of control, manera algun pago dobbel of falta di documentacion formal, pero esaki no nifica automaticamente fraude of abuso di e ciudadano comun.
Mes John Hart a reconoce cu e situacion tabata extraordinario, pero e ta insisti cu Parlamento mester investiga y saca conclusionnan.
Sinembargo, criticonan ta bisa cu AVP ta usa e informe selectivamente pa crea confucion y desvia atencion di otro tema politico serio.
Golpi politico riba lomba di e pueblo
E mas grave di tur es cu e discurso aki por crea miedo innecesario den comunidad. Hendenan cu a ricibi FASE no a haci nada malo, nan a solamente aplica pa yudansa durante un crisis global.
Si AVP ta sugeri indirectamente cu esaki mester wordo debolbi, esey ta un posicion peligroso y abusivo.
E realidad ta simpel:
FASE tabata un decision di emergencia. Parlamento despues
a legalisa e proceso. Pueblo a depende di e yudansa pa sobrevivi
E berdadero pregunta
Enbes di trata di pone culpa riba lomba di ciudadano, AVP mester contesta un pregunta cla:
Nan ta dispuesto pa bisa e mama cu a perde su trabou durante COVID cu e mester paga bek e yudansa cu a mantene su famia na bida, pasobra e momento ey no tabatin un ley?
Pueblo di Aruba no ta bobo. Nan ta mira claramente con e mesun
partidonan cu nunca a tuma accion na 2022, awor ta “spierta” pa critica decisionnan cu a salba miles di bida.
Na final di dia, esaki no ta solamente un debate tecnico riba finansas, e ta un cuestion di humanidad, responsabilidad y honestidad politico.
Y si AVP kier realmente lucha pa transparencia, nan mester cuminsa cu un posicion cla:
Proteha e pueblo, of castiga nan pa a sobrevivi covid-19?
Aruba ta anfitrion pa plataforma internacional Yegada di Comisionado europeo marCa paso importante pa Foro Lgo-ue
Den marco di The 21st Overseas Countries and Territories – European Union Forum, Aruba a ricibi awe na Aeropuerto Internacional Reina Beatrix e Comisionado di OCT di Union Europeo, señor Jozef Síkela. Na su yegada, e Comisionado a wordo ricibi pa Prome Minister Mike Eman hunto cu VicePremier Gerlien Croes y Minister Plenipotenciario Mildred “Milly” Schwengle. E recepcion aki marca e inicio di un serie di encuentro y dialogo den contexto di e foro internacional cu Aruba ta anfitrion.
Eman a indica cu: “Pa Aruba, esaki ta un momento di honor. Nos ta ricibi liderazgo di Union Europeo y partnernan di OCT na nos isla.”
E foro aki ta duna Aruba un oportunidad pa presenta no solamente nos vision, pero tambe e oportunidadnan concreto cu Union Europeo ta ofrece. Ta importante pa nos comunidad sa cu e oportunidadnan aki no ta limita pa gobierno so, pero pa sector priva y ciudadano tambe por beneficia di dje. Aruba tin un trayectoria fuerte cu proyecto financia pa Union Europeo, for di nos museo arqueologico te na nos Parke Nacional y iniciativa di sostenibilidad.
Islanan chikito manera nos tin reto similar, pero tambe nos tin capacidad pa logra resultadonan grandi
ora nos traha hunto. Esaki ta un momento importante pa fortalece cooperacion y posicion Aruba den un contexto internacional.
Di su banda Minister Gerlien Croes a expresa cu: “Nos ta trahando activamente riba tema manera refineria, transporte, y maneho di desperdicio, cual ta topiconan cu tin impacto directo riba calidad di bida.”
E foro aki ta reuni islanan cu tin un laso cu Union Europeo pa dialoga riba prioridadnan y oportunidadnan pa desaroyo. Pa Aruba, esaki ta un oportunidad importante pa presenta nos prioridadnan y busca sosten concreto pa proyecto relevante pa nos comunidad. E colaboracion cu Union Europeo ta ofrece oportunidad real pa financiamiento y desaroyo di proyectonan, tanto pa gobierno como pa sector priva. Aruba a beneficia caba di diferente fondo Europeo, incluyendo programa manera Erasmus+ y iniciativa di innovacion y digitalisacion. Nos meta ta cla: habri mas portanan pa Aruba y logra mas oportunidad pa bienestar di nos comunidad.
Jozef Síkela, naci dia 17 di juni 1967 na Rokycany, Republica Checo, ta un politico y ex-bankero cu experiencia amplio den sector financiero internacional. El a ocupa
diferente posicion di liderato den institucionnan bancario manera Creditanstalt, Česká spořitelna y Erste Group. Desde december 2024, e ta fungi como Comisionado Europeo pa International Partnerships, despues di su periodo como Minister di Industria y Comercio di Republica Checo.
Den su trayectoria, Síkela a contribui significativamente na temanan manera siguridad energetico, desaroyo di energia renobabel y inversion den tecnologia moderno, incluyendo su rol durante e maneho Europeo na e crisis energetico reciente.
The 21st Overseas Countries and Territories – European Union Forum, cu lo tuma luga na Aruba durante luna di april 2026, ta un plataforma internacional di gran importancia pa dialogo riba relacionnan entre Union Europeo y su partnernan den e diferente paisnan y teritorionan ultramarino.
E foro ta reuni formuladornan di maneho, diplomaticonan, academiconan, representantenan di sector priva y organisacionnan di sociedad civil pa discuti cuestionnan strategico, incluyendo cooperacion economico sostenibel, estado di derecho, adaptacion na cambio climatico y transformacion
digital.
Como pais dentro di Reino di Hulanda y como Pais y Teritorio Ultramarino (LGO) di Union Europeo, Aruba tin un rol unico como brug entre Europa y region Caribe. E foro ta brinda un oportunidad importante pa fortalece e posicion strategico aki y pa stimula dialogo y cooperacion concreto entre partnernan internacional.
E conferencia lo inclui
sesionnan plenaria, panelnan tematico, dialogonan di maneho y eventonan di networking, cu tambe espacio pa encuentro bilateral entre delegacionnan gubernamental y institucionnan Europeo.
Cu e yegada di Comisionado Jozef Síkela, Aruba ta reafirma su compromiso cu cooperacion multilateral y su rol activo den promove dialogo, stabilidad regional y desaroyo sostenibel.
Fraccion di MEP ta denuncia
ACTO DI MINISTER GERLIEN CROES PA STOP E PROYECTO DEPORTIVO MULTIFUNCTIONAL
NA SANTA CRUZ TA INACEPTABEL
Un minister di deporte cu no tin curason pa deporte!
ORANJESTAD — Durante
un reunion cu Aruba
Sport Unie dia 1 di april 2026 den Parlamento, a sali na cla cu e proyecto deportivo multifunctional cu tabata proyecta banda di Compleho Deportivo
Betico Croes na Santa Cruz a wordo para. E proyecto mester a bin riba e tereno pabou di e compleho na Santa Cruz, cu veld di futbol di yerba, atletiek baan, veld di basketball 3x3, baseball 5 y beach tennis. Un tremendo proyecto cu, si gobierno no a cambia, awe lo tabata cla caba.
E proyecto aki a wordo prepara completamente pa ex Minister Endy Croes, durante Gabinete WeverCroes 2, y fondonan a wordo aloca te cu material deportivo a wordo cumpra, cu awor ta bayendo perdi. Esaki ta un situacion hopi serio pa desaroyo di deporte na Aruba.
Awor, e proyecto ta para, riba orden di Minister Gerlien Croes y e material deportivo ta keda warda den container cu ta cabando cada dia. Containernan ta den mal estado, material ta bai atras, y esaki ta nifica destruccion di capital di mas cu mei miyon florin di placa publico. Esaki ta inaceptabel. Y algo sigur cu e minister por wordo teni responsabel p’e.
Mas preocupante ainda ta cu cada biaha cu Aruba
Sport Unie kier desaroya e tereno, semper tin obstaculonan. Un di e argumentonan cu a wordo usa ta cu tin supuesto descubrimientonan arqueologico. Pero e mesun argumento aki ta wordo usa pa mas cu dies aña, y te ainda no tin ningun conclusion cla, ningun solucion, ni ningun direccion definitivo. No por ta asina cu despues di dies aña ainda no tin claridad. Si realmente tabatin un asunto arqueologico serio, investigacion mester tabata cla caba hopi tempo, y e parti di e tereno cu no tin problema mester a wordo desaroya caba.
Deporte na Aruba no por sigui wordo atrasa pa motibo di envidia, burocracia, falta di decision of falta di vision. Nos hubentud mester facilidadnan deportivo, nos federacionnan mester espacio pa train, y nos pais mester inverti den deporte pa salud, disciplina y desaroyo social. Mester remarca cu e mesun Minister Gerlien Croes aki a para proyecto di un scol na Paradera, y despues a para e proyecto deportivo aki na Santa Cruz. Su colega Minister Geoffrey Wever a declara
cu e ta contra comercio den Savaneta, Santa Cruz y Paradera. Ta kiko e ministernan aki tin contra e pueblo pafo di Playa y San Nicolas?
Esaki no ta solamente un tema di un tereno na Santa Cruz. Esaki ta un tema
di vision pa deporte na Aruba. Esaki ta un tema di respet pa organisacionnan deportivo. Y esaki ta un tema di responsabilidad cu placa di pueblo.
Fraccion di MEP den un carta oficial di Parlamento a urgi e
minister responsabel pa duna claridad, pa tuma responsabilidad y pa busca un solucion rapido pa e proyecto aki por sigui. Deporte di Aruba merece miho. Nos deportistanan merece miho. Nos hubentud merece miho.
dr. Eric Mijts di Universidad di Aruba
Proyecto local y cooPeracion internacional uni Pa Proteccion di nos naturalesa
Den contexto di e 21 edicion di Overseas Countries and Territories – European Union Forum, e rol di proyecto local y conocemento academico a keda bisto como elemento esencial pa enfrenta e reto ambiental cu islanan manera Aruba ta confronta.
dr. Eric Mijts di Universidad di Aruba a comparti su experiencia riba e participacion di Aruba den e programa europeo BESTLIFE2030, cu ta duna sosten concreto pa iniciativa di conservacion y desaroyo sostenibel.
Segun dr. Mijts, Aruba recientemente a presenta e proyecto REEFLECT, un iniciativa cu ta construi riba e base di e proyecto anterior Turning the Tide, enfoca riba restauracion di ecosistemanan tanto na tera como den lama.
“Nos ta trahando riba recuperacion di manglo y rif di coral, cu ta esencial pa
biodiversidad y proteccion di nos costa,” segun Mijts.
E proyecto REEFLECT ta pone enfasis riba sostenibilidad a largo plaso, incluyendo creacion di un base di boluntario y uzo di tecnica moderno manera plantacion di fragmentonan di koraal y desaroyo di rif artificial.
El a indica cu e trabounan aki ya ta resultado di varios aña di colaboracion entre Universidad di Aruba, organisacionnan local manera Aruba
Conservation Foundation y partnernan academico internacional.
“Den pasado a desaroya conocemento y practica local pa restauracion di rif, y awor nos por escala e impacto di e trabounan aki,” el a añadi.
Mijts a subraya cu e situacion di rif di coral na Aruba ta un reto serio, considerando cu gran parti di e cobertura y diversidad di coral a perde durante decadanan pasa.
“Rif di coral no solamente ta importante pa naturalesa, pero tambe pa pesca, turismo y proteccion contra evento di tempo extremo,” el a splica.
Den e contexto aki, e apoyo di Union Europeo ta considera fundamental pa islanan chikito, kende ta enfrenta limitacionnan den recurso y capacidad.
“Cu sosten di Union
Europeo, nos por crea red di colaboracion y haya e medio pa implementa solucionnan concreto na tereno,” segun Mijts.
Ademas di BESTLIFE2030, Universidad di Aruba ta involucra den varios otro proyecto financia pa Union Europeo, incluyendo e programa SISSTEM pa solucionnan sostenibel, investigacion den diversidad linguistico
y iniciativa internacional riba turismo y patrimonio natural.
E participacion activo di institucionnan academico den e foro OCTA ta resalta e importancia di integra conocemento, investigacion y cooperacion internacional pa logra un desaroyo sostenibel y resiliente pa Aruba.
Gracita Arrindell Minister Plenipotenciario di Sint Maarten:
Ta impor TanTe pa yega na conclusionnan
conhunTo y for Talece cooperacion
DuranTe ocTa
Minister Plenipotenciario di Sint Maarten, Gracita Arrindell, a enfatisa e importancia di union y cooperacion entre e islanan pa enfrenta reto comparti, durante e 21 edicion di Overseas Countries and Territories – European Union Forum.
Durante su participacion na Conferencia Ministerial, Arrindell a expresa su aprecio pa Gobierno di Aruba pa e organisacion di e encuentro internacional. “Nos ta hopi gradeci pa e caluroso bonbini y hospitalidad cu nos a ricibi na Aruba”
Segun e Minister, e foro a mustra claramente cu, apesar di diferencianan entre teritorio, e islanan ta enfrenta desafionan similar. “Tur di nos ta comparti e mesun reto nan, manera cambio climatico, conectividad y conciencia riba biodiversidad,” el a indica.
E a subraya cu e balor principal di e conferencia ta den e posibilidad pa yega na conclusionnan conhunto y fortalece cooperacion entre partnernan. “Ta importante cu nos no solamente papia, pero cu nos yega na resolucionnan conhunto cu lo guia nos pa dilanti,” segun Arrindell. Ademas, el a destaca e importancia di intercambio di conocemento entre islanan, señalando cu cada teritorio tin su propio experiencia cu por contribui na solucionnan comun. “Nos mester sigui comunica y comparti best practices pa fortalece nos capacidad como islanan,” el a añadi.
Den su comentario riba expectativa di e foro, Arrindell a enfatisa cu e resultado final mester tin impacto real pa e comunidadnan. “E declaracion final
mester tin significado y traduci den accion concreto pa beneficio di nos ciudadanonan,” el a declara.
E participacion di Sint Maarten den e foro ta confirma e compromiso di e isla pa cooperacion regional y internacional, cu enfoke riba responsabilidad, transparencia y bienestar di su pueblo.
Tocante OCTA/OCT-EU Forum
The 21st Overseas Countries and Territories
– European Union Forum Na april 2026 Aruba lo ta anfitrion di e di 21 edicion di Overseas Countries and Territories – European Union Forum, un plataforma internacional pa dialogo entre Union Europeo y su Paisnan y Teritorionan Ultramar (LGO).
E foro ta reuni formuladornan di maneho, diplomaticonan y representantenan di sector publico y priva pa discuti temanan strategico manera cooperacion sostenibel, cambio climatico y transformacion digital.
Como Pais y Teritorio Ultramar, Aruba tin un rol unico como brug entre Europa y region Caribe. E foro ta brinda un oportunidad pa fortalece cooperacion y intercambio entre partnernan internacional.
SABIDURIA DEN NOS ALEGRIA
Skirbi pa Ruthy Lady Ruth Vrieswijk-Bergen
Nos relato di e siman aki lo ta uno un crenchi mixto, bayendo bek den tempo un crenchi atrobe pa comparti toch un par di potret bunita di un di nos actividadnan bunita cu a tuma lugar luna pasa den Maart, y pic di nos Poem Tshirt patrocina pa ATA y un actividad di futbol na Yami Yami cu mi bunita amiga Verna y algo mas cu varios ya a hanya un crenchi atencion den un di nos relatonan pero cu no a sali cu e picsnan den Diario pa motibo cu Nilton tawata cu vakantie y ta mayoria bes ta e ta traha riba nos relatonan cu su curason professional.
Nos no ta relata ful e storia di nobo, sino, ta just menciona cu lectornan ta gusta wak e impresionnan bunita hunto cu e relato. Danki na Awe Mainta, EANEWS, solo di pueblo y Extra Bonaire cu a pone e relato cu su picsnan,sperando cu e biaha ki si Diario tambe lo sigi publica nos relato plus pics, cu ta wordo hasi atrobe awor cu Nilton ta bek na trabao despues di su vakantie bon mereci. Cu un danki grandi di nos curason pa gerente di Diario cu tambe ta stima
y kere den nos lectornan grandi di edad. Nos ta papiando di e anochi di Poeta Patria cu a cana nechi e anja aki y cu a tuma lugar na San Nicolas Store Kulture Cafe den curason di San Nicolas y no den un tent.
Y papiando di curason, nos curason ta hopi disapunta den HOH hospitaal cu a bisa nos un luna pasa cu nan ta bay manda e carta priminti, pero te cu awe den April 2026 ainda no a ricibi ningun carta. Nos tambe ta contento cu mientras tanto tin hopi cambio y adaptacion na actividadnan tumando lugar den y pafor di hospital y cu awor nan ta usando bek e entrada principal cu a keda cla den su remodelacion. Ta ripara cu of nan ta bezig ta sigui schuif af of schuif op e carta cu e resultado di e Hoorzitting cu a tuma lugar dia 15 di januari ultimo, den cual nan no por a contesta ningun di nos preguntanan, un hoorzitting cu nan a prohibi nos di filma pero cu nan si kier a filma pa nan notulennan, cu un laptop nan dilanti, pero cu no ta duna impresion di ta profesionalnan. Pues
ningun partido a filma e Hoorzitting. Punto ta , cu nan a neglisha nos mama y ningun zaalarts y ningun specialista a bin atende cu nos mama ora su sucu a baha y keda baha te bao zero cu a causa un otro stroke. Dokternan cu ta traha solamente fey distancia fey di nan lessenaar telefonicamente y ta sigui duna opdracht pa mas infuus y mas glucose, cu hasta e zusternan a perde cabes pasobra ora nan yama pa un dokter, e contesta cu a hanja ta cu dokter ta druk. Podise nan kier hinka e susedido aki den nan doofpot, pero pueblo no ta lubida, pasobra nos a hanya reaccionnan di hendenan cu tambe a pasa den un mal experiencia cu un miembro di nan famia y cu tambe a fayece. Nos a bisa nan den e Hoorzitting cu un persona no ta un dokter professional cu curason si e ta studia pa logra solamente e titulo, of obtene e jas blanco y of e salario. Ta e zuster y verpleegkundigennan ta hasi e trabao di dokter pa nan, mientras cu e asina yama dokternan ta just skirbi receta y duna ordo pa pone infuus y glucose, locual a pasa cu nos mama.
Ta 6 luna caba cu nos a despedi di nos mama y despues nos tata y nos ta sigur cu nan ta na paz den luz eterno, pero no hoef di a wordo pusha den nan morto pasobra mama a drenta hospitaal y a bira mas malo eyden pa falta di atencion adecuado y
debido. HOH podise tin falta di staf y personal, pero no por ta asina cu no tin ningun dokter available pa wak e patient y of papia cu famia di e patient ariba nan peticion. Foei ! No sea un dokter di ganja ganja, no sea un dokter superficial. Como un pensionado nos tambe sa cu hopi lugar falta di trahador. Nos tambe sa cu prijsnan di cuminda ta subi regularmente. Y nos sa cu awendia jan en allemaal por studia pa bira dokter di esaki of dokter di esaya. Wak prome den bo curason si bo ta stima bo prohimo mescos cu bo mes, pa su bida den bo man of bo mesun bida den un di bo colleganan cu no ta worry con tratabo. Nos tur sa cu ta Dios tin e ultimo palabra.
Pa medio di esaki nos ta bolbe aserca e klachtencommissie di e Hoorztting di HOH cu
nos pregunta, cuanto luna mas tin cu warda riba e carta chombom cu talbes no lo tin ningun validez, nos no ta interesa den hanya e informacionnan di boso cursonan nobo y of cambionan y adaptacionnan, nos kier sa pakiko boso no ta yuda nos grandinan cu e mesun atencion cu esnan mas hoben. Pa awe, te aki nos relato. Danki pa boso atencion di curason, pasa un bon dia yen di alegria y un ‘bearhug’ di Ruthy Lady Ruth. P.S. Nos a manda un carta atrobe pa e secretaria di klachtencommissie cu copia pa prensa. Mi ta puntra mi mes, si mi tawata un politico cu a pasa den algo asina, si e si lo a wordo atendi y yuda na forma relampago ? Si ta un di nan grandinan a pasa den algo asina kiko nan lo a hasi ? Manera ta bisa na ingles :’ Food for thought’.
Un cos so mi a roga Señor: esey so mi ta t`anhelá cu mi por biba den cas di Señor tur dia di mi bida pa contemplá splendor di Señor y bishitá su tèmpel
Salmo 27:4
Cu dolor na nos curason, nos ta participa fayecimento di nos ruman stima
Na nomber di
Su mayornan:
†Alfredo y †Regina Ruiz-Ridderstaat
Su rumannan y sobrino(a)nan
Filomena y Antonio Geerman-Ruiz y yuinan
Jose Emmanuel Ruiz y Anna Witsenburg y yuinan
Alfredo y Jaqueline Ruiz-Trinidad y yuinan
Maria Coromoto Ruiz, *07-07-1956 – †31-03-2026
Su Omonan y tantanan:
†Reina Lambertus Ridderstaat, †Hermonica Ridderstaat
†Joaquin Ridderstaat, †Nemencio y Memita Ridderstaat-Diaz
†Juan y Gisela Ridderstaat-Maduro, †Andres y †Teresita Ridderstaat-Semeleer
†Paus y †Ramona Ruiz-Coronel, †Silvania y †Melvin Capello-Ruiz
Su primo-y primanan:
Editha y †Juan Lopez-Lambertus y nan yui, Gabriela Lopez y Ewald Winklaar y yiunan
†Alfred Lambertus y yiunan, Rosanna Ridderstaat y yiu, Chito Ridderstaat
Susan Ridderstaat y yiunan
†Maria Altagracia y †Ricardo van der Biezen-Ridderstaat y yiu
†Juan Carlos Ridderstaat, Annie y Sergio Barros- Ridderstaat
Alexander Ridderstaat
Mildred Ridderstaat y Javier Ras y yiunan, Andresito Ridderstaat
Jorge Ridderstaat y Mildred Dirksz y yiunan
Arminda (Vivi) y Facundo Franken-Ruiz, Alfred Ruiz y May Wong
Danilo Ruiz y Jesper de Jong,Mariela y Jasper Bruin-Ruiz
Melvany Capello y yiunan, Sidney y Gesmeline Capello-Leito
Demas famia y conocirnan
Maria Luisa Dirksz, Jenny, Marcia, Carmencita y Benny Cornelio, Sheila y Peter, Astrid y Kili Tromp-Hoek, Aileen Franken, Martha Maduro y Gerladine Angela-Croes, demas bisiñanan, ex coleganan di DIMP y tur demas amigo- y amiganan y conocirnan
Famia: Ruiz, Geerman, Trinidad, Witsenburg, Gordon,Lambertus, Lopez, Winklaar, Ras, Capello, Ridderstaat, Barros, Dirksz, Franken,Wong, de Jong, Bruin, Leito y Swaen.
Gradecimento:
Dr. Mikkeo Martis, Dr. Sil Kordes, Sra Lola Geerman di WKF,Personal di Oconlogie afdeling
Nos disculpa si den nos tristesa nos por a lubida un of otro famia y amistad
Nos ta invita pa acto di despedida cual lo tuma lugar ariba diahuebs 16 april 2026 for di 9or pa 11or di mainta na Pro-Cathedral San Francisco de Asis, Oranjestad y despues lo sali bay pa Santana Catolico na Playa.
Nos ta lamenta cu despues di entierro nos lo no por ricibi bishita di condolencia na cas.
DI LETRANAN
Un
feliz comienso di weekend colma cu hopi amor y bendicion di Dios.
Stima Señor, bo Dios, di henter bo curason, cu henter bo alma, cu henter bo mente, y cu tur bo forsa. E di dos mandamento mes importante: ”Stima bo prohimo manera cu bo ta stima bo mes. No tin ningun otro mandamento cu ta mas importante cu esakinan.” (Marco 12, 30-31)
Dios a crea bo segun su imagen, a duna bo e mesun capacidad pa stima, a supla den bo e mesun rosea di amor. Si bo ta cristian, bo tin cu tuma e antorcha di amor for di Cristo, carge cendi durante henter bo bida, y pase despues na bo yiunan, na bo amigonan y coleganan. E antorcha di amor aki tin cu pasa di man pa man, tin cu cende cas pa cas, ilumina curason pa curason y mente pa mente. Scuridad tin miedo di e antorcha di amor aki. Unda e antorcha aki ta cendi scuridad ta dirti bira nada, manera pida ijs. T’esaki ta amor: no ta nos a stima Dios prome, sino t'E a stima nos y a manda su Yiu pa E bira sacrificio pa pordon di nos picanan. (1Huan 4,10) Solamente ora bo ta descubri e tesoro cu ta den bo paden cu yama amor y solamente ora bo ta entrege na otro, lo bo ta feliz.
Oracion: Señor guia mi y proteha mi den Bo cosnan di haci di tur dia. Pa bo Amor ta semper hunto cu mi. Bo promesa ta real! No obstante ki tribulacion mi haya mi aden, mi sa cu Dios no ta laga mi bandona, den nomber di Hesus di Nazaret. Amen.
”Lo Bo ta sacerdote pa semper na e mesun manera cu meLkisedec.”
(HeBreunan 7, 17B)
Ruman aki nos ta mira Hesus cu e titulo Sacerdote/Rey di Husticia pa semper, bunita titulo pa Hesus aunke Hesus no mester di ningunintroduccion of titulo paso E ta Dios y Dios ta Amor. Asina mes den Hesus nos por experencia Amor, E Amor Unico cu nos tur ta anhelaconsciente y inconscientemente nos tur ta anhela di experencia E Amor di Dios.
Ta dificil pa esey sosode? Ta bon pa nos sa cu tur cos ta depende di con habri nos curason ta pa Hesus y con nos ta permiti Spirito Santo move den nos. Diadomingo nos a scucha cu nos tin e donnan y awor ta keda nos nada mas cu resa y pidi Spirito Santo habri nos curason pa nos experiencia y pone e donnan den practica y asina acepta y cumpli cu Dios su boluntad den nos bida y nos biba!
Oracion:Hesus mare nos tur por reconoce cu Abo ta nos Rey di Husticia y acerca Bo curason misericordioso pa nos salbacion.
Amen
FORTALEZA PA FAMIA
Scirbi pa Pastor Marcel Balootje.
e poder di dios ta kiBra tur cadena
Ta bon pa tur hende sa, cu tur cos cu nos pone den man di Dios, Dios ta Todopoderoso, Dios ta contesta oracion y Dios ta haci milager, no lubida cu nada ta imposibel pa Dios.
Caminda man di hende no por yega, of caminda hende no por presenta , Dios ta yega, Dios ta alcansa y Dios ta trece solucion.
Imaginabo un hende ta haci operacion, despues e ta hala hilo, parti pafo ta mustra bon, pero Dios ta esun cu ta cura esun di parti pa den, pasobra parti di paden man di hende no por yega pa aplica ningun remedi.
Ora un mama ta na estado, man di hende no por alcansa e yiu, tur cos por wordo mira via di echoscan, pero Dios ta esun cu ta duna crecemento y ta pone tur wesonan na lugar.
Hopi biaha hende por encontra nan mes den situacion dificil caminda man di hende no por alcansa, of hende no por bay caminda nan ta pa yuda nan.
Den Genesis Dios a manda 2 angel pa saca Lot for di Sodoma y Gommora pasobra ningun hende por a bay saca Lot.
Den Daniel capitulo 6, Dios a manda un angel bay sera boca di leon. Pasobra e porta di e cueba tabata seya y ningun hende por a yuda Daniel.
Den Hechonan 12 :7-10
Pedro tabata sera, mara cu dos cadena, drumi meymey di dos solda, y guardianan dilanti porta tabata warda e prison. Diripiente un angel di Senjor a presenta, a stoot Pedro na su custia,lante for di sonjo, bisando “Lanta lihe’’ y e cadenanan a cay for di su mannan.
Marco 5:4 ta conta nos e historia di e homber posei pa demonjo, cu aunke e demonjo a bisa cu ta “Legion” nan ta , Hesus a ordena nan pa sali, y nan a pidi permiso pa drenta den un trupa grandi porco,y e trupa di porco a basha careda na un sero steil y bay cay den laman.
Pablo a reprende un mucha muher adivinadora y asina e cu Silas a wordo sera pasobra nan a para e negoshi di maldad, nan a bati nan , tira nan den prison, y duna ordo pa warda nan bon warda, y pone sepa na nan pia. Mey anochi nan tabata canta Himno di alabansa,na Dios, diripiente a bini un temblor asina fuerte, cu e fundeshi di e prison a wordo sacudi , y mesora
e portanan a habri,y e cadenanan di nan tur a los.
E ora ey nan a sclama na Senjor den nan angustia, y e a salba nan for di nan afliccion, E a saca nan for di scuridad y for di sombra di morto, y a kibra nan cadenanan na pida-pida. ( Salmo 107:13-14).
Mi a spera cu pasenshi riba Senjor y E a inclina Su mes na mi,y a scucha mi sclamacion, e a sacami for di e pos di destruccion, for di e lodo di klei, y E a pone mi pia riba baranca y a haci mi pasonan firme.( Salmo 40:1-2)
Ningun situacion cu hende por ta, nunca ta dificil pa Dios, pasobra Dios a primiti cu nunca e lo bandona nos, ni tampoco laga nos desampara.
No haci bo curpa ningun danjo, no tampoco tuma decision decabeya, pero pone bo fe y confiansa den Dios, y Dios libera bo, pasobra Dios, ta grandi fuerte,poderoso y maraviyoso.
Dios ta haci cosnan bon y cosnan exelente, nunca e ta laga e husto desampara,
No tin cadena cu Dios, no por kibra, y no tin enfermedad cu Dios no por sana.Sinceramente, Pastor Marcel Balootje.
BO TA PAPIA DI DIOS, PERO BO NO TA DEN E
IGLESIA DI SALBACION CU CRISTO-HESUS A LANTA NA HERUSALEM 2000 ANJA PASA
Den Bijbel Huan 10: 16, ta bisa : “Mi tin otro carne tambe, cu no ta den e cura aki. Esakinan tambe Mi tin di guia y nan lo scucha Mi boz y lo bira un cura y un wardador.” Akinan Hesus ta bisa bon cla, cu tin hendenan cu no ta den e Iglesia aki. Nan tambe tin di wordo guia, evangelisa y nan tur lo drenta den un solo Iglesia y nan lo tin un solo wardador di Iglesia. Awor, ta ken ta e un wardador di Iglesia aki na mundo? Den Bijbel Huan 21: 15-17, ora cu Hesus a bisa Pedro, duna Mi lamchinan di come, cuida Mi carnenan y duna Mi carnenan di come. Esaki ta significa, cu Pedro ta encabesa y ta representante di Cristo Su Iglesia, pa dirigi den predicashinan, pa duna ensenjansanan, pa evangelisa, pa administra e doctrinanan di Sacramentonan y pa guia e Iglesia di CristoHesus. Awor, si nos lesa Bijbel Mateo 16: 15-19, na unda Cristo-Hesus a bisa Simon Pedro: “Abo ta Pedro (osea baranca) y riba es baranca aki, lo Mi lanta Mi Iglesia y forsanan di fierno lo no podera di dje.
Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Compronde bon, ora cu Hesus a duna Simon e nomber Pedro, cu ta significa baranca, esaki kiermeen cabes visibel di Cristo-Hesus Su Iglesia. Ora Hesus a duna Pedro e yabinan di Reino di Cielo, esaki ta significa cu Pedro y su sucesornan tin e yabinan di Reino, cu ta e
Iglesia di Hesus, cu ta e unico caminda y porta pa por drenta den e Reino di Dios. Hesus ta duna Pedro y su sucesornan e autoridad, di loke ta permiti y di loke ta prohibi den Iglesia. Ora cu Hesus a bisa Pedro, cu forsanan di fierno lo no podera di Su Iglesia, Esaki ta e diabelnan den fierno cu lo persigi e Iglesia di Hesus y nan lo lanta diferente sectanan y religionnan falso, pa desvia hendenan for di Iglesia pa nan perdicion. Na anja 1521, un tal Martin Luthero un frere teologo aleman, a bin cu e theoria di interpretacionnan liber di Bijbel.
E interpretacionnan liber di Bijbel aki, a trece hopi divisionnan na mundo y a produci 36.000 diferente sectanan y nan a lanta nan mes un religionnan, sectanan y predicando e Bijbel den nan mesun manera. Pedro y su sucesornan tin e yabinan di Reino di Cielo, pero e sectanan nan no tin e yabinan di Reino di Cielo y nan no tin e salbacion. Den Bijbel Lucas 13: 25-30 Hesus ta bisa, cu lo bini hendenan di Oriente y di West, di Noord y di Zuid pa tuma parti den e Reino di Dios. Esaki ta e hendenan di henter mundo den e Aliansa Nobo di Dios Tata y cu a bautisa den e Iglesia Universal di Cristo-Hesus. Ora Hesus a bisa, cu porta di Reino lo sera pa bosonan y bosonan lo keda pafor, eynan lo tin yoramento y mordemento di diente. Esey ta esnan na mundo, cu no a acepta e Aliansa Nobo di Dios Tata y cu no a bautisa den e unico Iglesia Universal di Cristo-Hesus. Den Bijbel
Mateo 16: 15-16, Hesus ta bisa Su Apostelnan: “Pasa rond di mundo y predica e Bon Noticia pa henter humanidad.
Esnan cu kere y ta bautisa lo ta salba, ma esnan cu no ta kere, nan lo ta condena,” E palabra pasa rond di mundo y predica e Bon Noticia pa henter humanidad ta significa, Universal, Hesus Su Iglesia ta Universal. Universal ta Catolico. Compronde bon, ora cu Hesus a manda Su Apostelnan pa predica y pa bautisa, e Iglesia Universal di Hesus a cuminsa crece pa henter mundo. Hesus a institui Su 7 doctrinan di Gracia di Salbacion pa Su Iglesia. Bautismo Mateo 28: 19-20, Confirmacion Echonan di Apostelnan 2: 1-4, Confesion Huan 20: 23, Eucaristia Lucas 22: 19-29, Matrimonio Mateo 19: 4-6, Sacerdote Marco 3: 13-19, Enfermonan Hacobo 5: 14-15. Hesus ta bisa bon cla Bijbel Marco 16: 15-16: “Esnan cu no ta kere y cu no ta bautisa, nan lo ta condena.” Pesey, no tin salbacion pafor di Iglesia Universal di Cristo-Hesus.
E Iglesia Universal di Cristo-Hesus, tin mas cu 2000 anja. Corda bon loke cu Hesus a bisa, cu e podernan di diabel lo no podera y lo no kibra Mi unico Iglesia. Pesey nunca no ta laat pa busca e berdad, prome cu Dios yama bo pa duna cuenta.
