Dialuna 2 juni 2014

URATACA CENTER

Special di awe:

Kool Stoba, Aroz, Salada & Banana

Dialuna Juni 2 2014 - Edicion-8 Vol.194093

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Manera ladron den anochi: ........ prueba na pag.2 !!!

Afl. 10.00 (di 12 pa 3pm) Tel: 585-5212

Tiara Air bringando pa mantene cabez riba awa

Dos hoben a fayece den fin di siman

Mike a atraca 45 miyon florin di Airport Alisha Tijshen

Deporte ta na Luto y mester choll pa representa Bo pais Minister Schwengle a bolbe briya cu su ausencia

JJ RENDON consehero di AVP a haya 12 miyon dollar di Narco Colombiano. Cuanto AVP a haya?

VIA FACE BOOK:

Directiva diario a firma sin consulta miembro Aki un miembro ta puntra ta kico a wordo firma y nan contesta pa warda!

Ryan Kock

Den fin di siman a drenta e noticia cu dos persona hoben a fayece. Alisha Thijsen ta yiu muher di Norman Thijsen y sobrina di Parlamentario Adi Thijsen. Tambe e hoben Ryan Kock a dicidi di pone fin na su bida den un centro deportivo na Noord. Solo di Pueblo ta extende nos palabranan di condolencia na ambos famianan cu a perde nan ser keri.

Discordia entre Otmar y Jonatan di Aruba Film Festival ATA no kier sponsor e film fest mas di 500.000.00 florin

Corant Hulandes a cuminza critica Mike Eman

Dialuna Juni 2 2014

Pagina 2

Manera ladron den anochi: ........ ata prueba !!!

Mike a atraca 45 miyon florin di Airport Den e reciente nota financiero entrega na Staten pa Juan David, tin skibri cu na aña 2013, pa por a cubri e Mega Debe crea pa Mike Eman, e premier mester a atraca Aruba Airport Authority pa un suma di 45 miyon florin. E mes lider politico aki den pasado a critica Nel Oduber ora cu tabata exigi cu Gobierno mester haya sumanan di placa di companianan Nv di Gobierno. E tempo aya Mike Eman a bisa cu HAMAS Y NUNCA e lo bay tuma ni UN SOLO DEBCHI di companianan NV, pasobra cu esaki ta un forma di belasting scondi cu ta sali di placa di pueblo. Sinembargo den tur scondi, Mike Eman a pasa man pa 45 miyon florin cu ta di airport. E nota ta yame un SUPER-DIVIDEND UITKERING. Awor e pregunta ta: Ta dicon Mike Eman kier tuma tur hende haci sokete? Dicon el’a bati su boca tanto asina riba Nel Oduber y awe e ta ranca 45 miyon florin di airport? No a keda Mike Eman nada otro di comete e atraco aki riba Airport pa asina e por scapa su cara. Manera ta conoci e bari di debe no tin final di e tantismo debenan cu Eman a crea pa Aruba. Awor nan kier pasa machete ariba tur hende, pero MENOS riba Rietveld cu te awe Gobierno ta paga un huur di 70 mil florin pa luna. TNO ta otro cu tambe ta paga su huur di 30 mil florin pa luna. Mike Eman su so den su oficina tin 150 coordinador y tur otro minister tin entre 50 pa 60 coordinador. Ta kita pan di boca di pueblo, pero pa e amigonan di GO GREEN di Mike Eman, eynan si tin placa pa sigui cria tur. Kico partido AVP lo tin di bisa awor? Cu e atraco ariba airport aki? Acaso nan por a lubida e caso di sr. Rafini di Elmar? Cuanto nan a critica MEP? Pa awe nan hinca man den placa di airport pa sigui cria nan medionan di comunicacion?

Mama a denuncia yiu rebelde pa menaza y destruccion E muher C. a bay warda di Polis na San Nicolas diasabra pa 8.30 y a bisa cu su yiu homber C.C. kende ta un conoci di Polis, e anochi prome a destrui su auto y a menaz’e cu morto. Tambe el’a bisa cu den oranan di mainta el’a rebeldia contra su tata y a mande cu piedra y menaz’e cu morto. Polisnan a bay na su cas na Zeewijk y a papia cu C.C. y a constata cu e ta bao di influencia di un of otro substancia. Relaciona cu esey, Polisnan a detene y a hibe cera. E mama a bay duna keho y el’a keda sera pa investigacion, relaciona cu menaza y destruccion.

SERVICIO DI HACI CURA Y TERENO

LIMPI CU BOBCAT.

Aruba Softball Bond hunto cu Royal Power y HEINEKEN ta presenta Champs of the Champs 2014 "The 8th Edition" 30 Juni - 6 Juli 2014 10 equipo internacional CONFIRMA!!!!!! Delegacionnan di mas di 500 persona

Competencia halto nivel den combinacion cu un ambiente unico!! Keda Pendiente.

Dialuna Juni 2 2014

Pagina 3

Deporte ta na Luto y mester Discordia entre Otmar y Jonatan di choll pa representa Bo pais Minister Schwengle a bolbe briya cu su ausencia Deporte di Aruba pasando den un miseria. Desde cu Minister Schwengle a tuma cartera over for di Visser deporte ta pasando di Guatemala pa Guatepeor. Schwengle sin ningun plan pa rescata e catastrofe cu Visser a laga atras ta sigui hundi e deporte Arubano. Algun dia atras por a lesa den prensa skirbi cu un seleccion di Futbol U11 no a haya ningun support di Schwengle pa por realiza nan viahe como seleccion pa defende nan bandera. Un pais pa e desaroya Bo mester inverti den nos hobennan. Tambe por recorda con un seleccion di softball algun luna pasa mester a bay riba propio forza. Mientras ministernan ta viaha bay Hulanda, bay FIESTA den Arubadag cu delegacion di mas di 100 hende cu tur cos paga. Mientras Mike Eman y Schwengle ta tirando atraco den cahanan di NV di gobierno

malgastando miyones di e pueblo aki pa Aruba ta e ehempel na mundo den green energy. Un locura total como un pais asina chiquito. Mientras cu Mike Eman y Schwengle a bay di acuerdo pa aumenta di 7 minister pa 9 minister. Esaki ta costa pueblo 10 miyon extra pa aña. Manera un atleta hoben a bisa. Tin pa nan pero NO tin pa NOS. Weekend cu a pasa tabata tin 3 wega riba veldnan na Pos

Chiquito unda seleccion di North a enfrenta Seleccion di South den un serie di 5 pa waak ken lo titular campeon y ricibi e derecho pa representa Aruba. Diabierna, Diasabra y Diadomingo ni pa 1 solo minuut Schwengle no a pasa tereno pa duna sosten na e hobennan. Awor lo cuminsa e caminda di cruz pa waak si atrobe muchanan aki mester subi caya bay bende rifa pa por biaha. Aruba ta den un gara increibel di un minister cu lo pasa pa historia como esun cu a pone deporte na Aruba Choll pa nan por viaha. Miseria tras di miseria nos atletanan ta pasando aden den tur edad. A yega tempo pa cuminsa denuncia abiertamente contra e mal maneho y abuso di poder di Schwengle contra deporte y su incumplimento total como minister. Un bagazo perdi. Deporte merece mihor.

JJ RENDON consehero di AVP a haya 12 miyon dollar di Narco Colombiano. Cuanto AVP a haya? E tenemento di man cu e baho mundo no tin final. Recientemente nomber di Aruba ta skeiro atrobe den un escandalo na Colombia y na Merca. E biaha aki ta pasobra cu un consehero di AVP, JJ RENDON, a deal cu un narcotraficante Colombiano cu ta yama CALLE SERNA, pa e entrega su mes na autoridad Mericano riba suela di Aruba. Imaginabo con leu e baho mundo tin trato preferencial di nos Minister di Husticia Arthur Dowers. Con ta posibel cu pais Aruba por tolera pa un narcotraficante asina grandi drenta nos pais y pa Merca bin detene aki na Aruba ariba nos teritorio? Tur esaki aparentemente a wordo coordina pa JJ RENDON kende ta un

consehero di Partido AVP, kende ta siña AVP trikinan sushi pa asina domina e mente di pueblo pa gana eleccion? Awor ta ora pa e bocaton Baba sali dilanti y splica pueblo si e tambe a haya placa di e narco Colombiano CALLE SERNA via loke JJ RENDON a deal. Awor Baba tin cu splica nos ta

via cual abogado di partido AVP e deal aki a core! Na Colombia esaki a costa cu JJ RENDON mester a bandona e campaña di Santos mientas cu Alvaro Uribe a bay Ministerio Publico pa asina entrega un keho, pasobra tur cos ta mustra cu JJ RENDON a duna Santos 2 miyon dollar, es decir cu e campaña di Santos a wordo paga cu placa di narco. Aki na Aruba tambe, aparte di CALLE SERNA, AVP a contribui pa laba placa di fraude y corupcion Venezolano ora cu den campaña deliberadamente nan a tuma placa di fraude na Venezuela. Nos lo bolbe bek riba e punto aki.

Aruba Film Festival ATA no kier sponsor e film fest mas di 500.000.00 florin

Den Amigoe di diasabra ultimo a sali un noticia ariba e Aruba Film Festival di 2014. E promotor Jonatan Viera a informa AMIGOE cu keto bay e ta wardando ariba e sponsor di 500 mil florin pa asina e por organiza su festival. El’a bisa cu si e placa no wordo poni ariba mesa, e festival lo cay na awa. E corant a acerca Ronela Croes di ATA kende a declara cu nan lo stop di sponsor Aruba Film Festival y cu esaki ta pa motibo di e factor sorpresa di aña 2012. Segun e directora di ATA a splica, cu na ningun momento tabata tin riba agenda pa organiza un concierto na 2012. E concierto a pone cu e evento a core hopi risico. Debi na esaki, ATA ta termina confianza den Jonatan Viera y ta stop di sponsor e suma di 500.000.00 florin. Di otro banda Jonatan Viera a conta e corant cu tur loke Ronela Croes ta bisa no ta cuadra cu berdad, pasobra e idea pa bini cu concierto a sali di Minister Otmar Oduber mes. Segun Jonatan a splica, cu ta netamente Otmar a pidi’e pe organiza algo asina y dje forma ey el’a bay sondea e posibilidad y asina a agrega e conciertonan. Solo di Pueblo a bay bek den nos file y nos a topa cu varios articulo cu ta mustra cu ariba e fecha di a lanza e programa di AIFF, e propio minister Otmar Oduber tabata presente y tabata duna tur sorto di palabra di elogio pa e idea pa agrega 3 mega concierto hunto cu e film festival. Tabata e Minister mes cu a fix pa asina por a haya e tereno di APA pa asina organiza e concierto. Cu awe kier tira tur culpa riba Jonatan, ta mustra cu tin algo cu no ta corecto. Solo di Pueblo te hasta a topa cu varios articulo di Otmar cu a gaba e film festival y cu esaki lo desaroya e industria turistico y hibe riba otro nivel y calidad. Sinembargo e minister a dicidi di cambia di opinion of e minister lo a haya cierto rapport cu ta mustra otro, esta cu e Film Festival por ta un placa tira afo cu no ta yuda Aruba den nada. Por cierto ayera 1 di Juni, Jonatan Viera a retira tambe di Cas di Cultura, cual posicion como director el’a bin ta ocupa pa e ultimo 3 añanan. Aki por mira un desenlace di proyecto y di idea, pa cual Otmar Oduber mes a bin ta promove e idea pa un Film Festival y awor a laga e proyecto aki cay manera un patia berde y lo mas cruel ta cu nan kier colga Jonatan Viera riba e 3 conciertonan cu a wordo organiza, siendo tur prueba tey cu ta Otmar mes a steun e conciertonan. Te hasta Otmar a bay cana un dia prome cu e concierto, esta 21 di Juni 2012, pa asina e inspecciona henter e tereno di concierto. Awor pa Ronela Croes ( Lesa Otmar) bin laga e proyecto cay manera patia berde? Ra ra ra !!

Dialuna Juni 2 2014

Pagina 4

Dama chauffeur a perde control den bocht y bolter

Cabayero a cay cu brommer y a fractura su pia

‎ Diasabra atardi pa mas o menos 5:25 Polis a bay den e bocht di Franse Pas pa bay WELA. Na e lugar nan a haya un KIA Cerato gebolter. Segun

e dama chauffeur e lo a perde control den e bocht. E dama mes tabata ok, pero polis a pidi pa un ambulance toch pa haci un control.

Diabierna anochi algo prome cu 7’or y mey, polis di trafico y ambulance a bay na Paradera, na altura di Hong Kong Paradera pa un cabayero cu a cay cu brommer y tabata basta herida. Na yegada enberdad nan a topa cu un cabayero benta abao cu su pia mal fractura. Ambulance a yega na e sitio y despues di a prepar’e, a transporte pa hospital. E brommer a haya basta daño material. Aparentemente e cabayero a bin di pariba cu velocidad basta halto. Na e rotonde el’a bay draai cu e brommer y a perde control y cay cu e brommer. Na e sitio conoci of famia e motociclista tabata strobando prensa di haci su trabao, haciendo gestonan cu nan man menos bunita. Polis a wordo pidi pa hala nan atencion y nan atende cu nan ser keri y laga prensa haci su trabao.

Dialuna Juni 2 2014

Pagina 5

Pueblo, nos tambe por tuma medida contra di sr. Juan David Yrausquin No bay cumpra auto mas Yrausquin and Sons.

na R.E.

Sr. redactor masha danki pa e espacio concedi Tres aña pasa, mi a baha cu pensioen, despues di a labora pa 41 aña pa Gobierno di Aruba. Mescos cu tur otro pensionado, mi a cumpli cabalmente cu mi trabao y grandemente mi a yuda construi Pais Aruba. Actualmente mi ta gozando un mundo di mi pensioen bon mereci. Mi señora y ami, a adapta un sistema di biba (life style) cu ta coresponde na e salario cu mi ta ricibi for di Apfa. Siman pasa, mi bida a transforma den un fierno, ora cu mi a haya tende cu nos flamante Gobierno, por medio di sr. Juan David Yrausquin, kier introduci un medida cu ta habraca nos pensionadonan for di otro. Juan David Yrausquin awor kier bay torno na e duurtetoeslag. Esaki ta bay ta devastador pa nos cu ta pensionado. Na Apfa, mi a haya tende cu Gobierno ta bay reduci mi pensioen cu nada mas y nada menos cu 375 florin. Ora cu mi a haya tende esaki, mi a hera drenta den shock y mi presion a bay te tube. Te dia di awe, mi no a recupera ainda di e noticia devastador aki. Si mi mester muri pa motibo di e disgusto grandi aki, esaki ta keda ariba bo consenshi, sr. Juan David Yrausquin. Ta parce cu abo no tin famia. Sr. Juan David Yrausquin ta di con bo tin tanto odio asina contra e ambtenaar y e pensionadonan. Sr. Juan David Yrausquin, bo a converti un pensionado super tranquilo, den un monster cu ta dispuesto pa bay te lo extremo. Dicon? Pasobra, loke cu bo kier haci cu nos, e pensionadonan, ta un inhusticia di marca mayor. Baha pa caba y boso bay fierno. Tanto abo como bo otro coleganan minister, boso ta un set di sinberguenza! Sr. Juan David Yrausquin, pa bo e 375 florin cu bo ta bay horta di mi, ta peanuts. Pasobra bo persona, a lanta ta landa y sambuya den placa. No ami un pober pensionado. Anto ainda e medidanan cu A.Z.V. kier introduci no a drenta na vigor. Ni tampoco e recogemento di sushi di cas door di Serlimar. Parce cu ta deshaci bo kier deshaci di nos cu ta pensionado. Nos no ta den bo caminda sr. Juan David Yrausquin. Sr. Juan David Yrausquin, NO ta e ambtenaarnan y e pensionadonan di Apfa, tin culpa cu nos Pais Aruba ta bancarota. No ta nos a malgasta e placa. Cuminsa tuma medida contra di bo Gobierno prome, entre otro retira dos minister y bin back cu 7 minister manera cu e tabata antes, manda mayoria di e casi 700 coordinadornan cu no ta haciendo nada y cu no ta necesario, cas. Boso stop di viaha. Boso stop di fiesta tur siman. Stop di paga un dineral na Publicidad. Sr. Juan David Yrausquin, tuma e medidanan aki prome, anto despues nos POR cuminsa papia over di e duurte - toeslag. Por ultimo, sr. Juan David Yrausquin, nos ta hendenan grandi caba y un gran mayoria di nos tin problema di salud. Nos ta supose di ta hibando un bida tranquilo. Pakico bo tin di cunsumi nos asina. Nos por ta bo tata of bo mama. Por fabor, den nomber di nos Creador, mi ta pidi/roga bo, pa bo reconsidera e decision cu bo a tuma. Danki.Un pensionado super rabia y malcontento Afzender: Lucio E. Thijzen Telefoon: 5846996

Mabon 2-B

Pensionado

S.A.D.A. / S.I.M.A.R. / S.P.A., boso nan ta un set di traidor Sr. redactor masha danki pa e espacio concedi. Cu masha asombro , Comision Salba Aruba, a tuma nota cu e Presidentenan di S.A.D.A., S.I.M.A.R. y di S.P.A. a firma e protocol cu Gobierno di Aruba. E protocol aki ta transcendental. Especialmente pa e pensionadonan di APFA. E meta di e protocol aki, ta pa duna Gobierno espacio pa elimina e duurtetoeslag for di e pensioen cu e pensionado di Apfa ta recibi. E duurtetoeslag aki cu Gobierno kier bay elimina, NO ta aplicabel solamente pa e pensionadonan di Apfa PERO pa e ambtenaarnan tambe. Mañan ora cu nan baha cu pensioen, nan tambe ta bay considerablemente atras den nan pensioen. E ora ey ta demasiado laat pa protesta. Eliminando e duurtetoeslag aki, Gobierno ta mata e ta mata e pober pensionado. Nos pensionadonan, awor ta hendenan di tercer edad, cu a yega di traha duro den nan bida, pa asina hiba Pais Aruba pa delanti. Awor aki, cu e pensionadonan mester biba un bida trankil, e Gobierno aki, cu ta esun di mas malo cu nos Pais Aruba a conoce for di Status Aparte, ta cabando cu nan sin misericordia. E pensionadonan aki, ya caba a adopta un life style, segun nan pensioen cu nan ta recibi for di Apfa. E tres sindicatonan, esta S.A.D.A., S.I.M.A.R y di S.P.A. mester ta na altura, kico realmente ta e meta di e protocol. Ningun di e tres presidentenan aki di e tres sindicatonan ariba menciona, ta personanan ignorante. Un cos si Comision Salba Aruba, ta lamenta profundamente cu nan tres a firma e protocol aki. Firmando e protocol aki, e tres sindicatonan ariba menciona, intencionalmente a perhudica tur e pensionadonan di Apfa. Nos ta cataloga esaki, como un traicion di alto grado. Hendenan sin escrupulo so por haci un acto asina contra di nan ex-coleganan. Comision Salba Aruba, ta totalmente convenci, cu aki politica a hunga un rol

grandi. E no ta un secreto publico. Tur hende aki na Aruba ta bon na altura cu tanto e presidente di S.A.D.A., e presidente di S.P.A. y e presidente di S.I.M.A.R. ta simpatizadornan ferviente di partido A.V.P. Nan ta presidentenan cu ta dispuesto pa bende nan alma mes, basta nan no perhudica nan partido A.V.P. Ta nan pleno derecho, pa simpatiza e partido di nan preferencia. Pero como presidente, hamas nan mester demostra publicamente cu nan ta simpatiza partido A.V.P. Douaneronan, Polisnan y maestronan, boso ta hendenan educa. Habri boso wowo! Busca drechi kico realmente e duurtetoeslag ta contene. Firmando e duurtetoeslag, boso tambe ta wordo perhudica mescos cu e pensionadonan di Apfa. Boso presidentenan, kier bende boso un seis pa un nuebe. Por ultimo. No laga politica ciega boso. Boso mira e realidad. Pais Aruba practicamente ta bancarota. Durante campaña, sr. Mike Eman y partido A.V.P. a priminti Pueblo cu hamas nan ta bay tuma medida. Kico nos ta notando awor aki, e Gobierno aki encabeza pa sr. Mike Eman ta medida tras di medida nan ta tumando. Esaki nos ta yama Kiezersbedrog. Exigi boso presidentenan pa reconsidera y bisa Gobierno cu nan ta hala atras.

Comision Salba Aruba

Hotel to Go na Shaba Tremendo ganga nos ta e original Descuento riba tur cos Djies yega lo bo Sali content Yama na 568-9019 Despues 10:00 Am

Dialuna Juni 2 2014

Pagina 6

Gobierno........... bo tey ???? Bon dia mi kier pidi muy respetuosamente un espacio pa por yega na nos pueblo di Aruba Kico ta kico Tur pueblo di Aruba Mester sa kico ta pasando, no ta posibel cu aki nos tin hopiiiii compañía di construcción y awe nos tin hopiiiii hendenan cu no tin trabao pasobra tur empleado mester pasa pa Job Center no worry cu tin 3,4,6,8 y hasta 9 permiso Mester bay labor pa ricibi e noticia Negativo . E cos ta cu cada día cu pasa más desempleado nos tin di tur nacionalidad incluyendo Arubianonan. Aruba awe ta pasando por mal momento económico y no nos por acepta cu awe trece más di 1.500 Dominicano pa traha na remodelación di Westin (Riu). Job Center awe si tin hopiiiii POSITIVO pa drenta hendenan aki nan. Mi puntra unda gobierno tey?..... Unda bay tur compañía cu tin hopiiiii employer desempleado ?... Nos Mester sa cu nos ta prome cu tur cos di afor ya suficiente ta cu akinan so e poder lo tin dos o tres compañías pasóbra no laga oportunidad Pa otro so Dos o tres siempre ta ne tur proyecto. Job Center Mester duna positivo prome a tur hende cu tin tempo na Aruba mes y no acepta cu awe Bin hende pa traha di afor ARUBA AWE NO MESTER HENDE DI AFOR Danki pa lagami bo space Ciudadano preocupa

MADURO HEAVY

EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta

Rosa Tereno, Coba Pos y Fundeshi.

ROOI BOSAL 49 TEL.: 585-1708 FAX.:585-6299

Homber a horca curpa den area di Noord Polis ta investigando e caso Diasabra mainta a drenta informe cu a descubri un curpa horca na e tribune na e veld di Centro di Bario Noord. Mesora a dirigi un patruya pa e sitio. Na yegada di e patruya, nan a bin encontra e curpa sin bida di un hoben masculino lomba sunu bao di e tribune na e veld. Polis a avisa tur autoridad competente y mesora a start un investigacion. Den e investigacion a bin logra saca afor cu aki ta trata e hoben R.R.K. di apenas 32 aña, straño of pa puro casualidad cu su tata a fayece net un aña pasa. Na famianan di e fayecido ta bay nos mas sincero palabranan di condolencia.

Dialuna Juni 2 2014

Pagina 7

Miembro di Tweede Kamer, Ronald Van Raak kier claridad riba financiamento di campaña!

Corant Hulandes a cuminza critica Mike Eman

Ta buscando un tal Spagetthi cu a sponsor AVP miles di dollars procedente di fraude na Venezuela !!!

Miembro di Tweede Kamer, sr. Ronald van Raak recientemente den un debate a acentua hopi riba e financiamento di campaña politico na Curaçao. Segun Van Raak cu loke a pasa cu Gerrit Schotte, ta laga un mancha pa semper ariba politica. Maske cu Gerrit Schotte te ainda no ta wordo condena, lo ta mihor pa warda un rato y laga e caso cana su caminda pa na final wak kico lo sosode. Sinembargo di igual forma cu Gerrit Schotte a haya placa di campaña for di hendenan dudoso, aki na Aruba tambe nos tin partido AVP cu a permtiti nan mes di wordo gesponser cu placanan di fraude y corupcion. Solo di Pueblo tin informacion concreto cu ta mustra cu durante campaña, Partido AVP a haya placa for di algun comerciantenan Venezolano cu awe a huy di Venezuela, pasobra nan a horta e pais. Tur cos ta mustra den e direccion aki cu deliberadamente maletin di placa, personal como tambe material a yega Aruba for di Venezuela. E informacion aki ya caba a yega cerca presidente di Venezuela Sr. Nicolas Maduro, kende

no ta simpatiza e idea aki mucho, pasobra te mes personanan aki ta esnan cu a horta su gobierno y aparentemente ta usa e placa horta pa bringa su gobierno. Esaki ta haci cu alto ehecutivonan di Venezuela tin bista ariba Aruba. Tur cos ta mustra cu e big sponsornan aki tabata na Aruba tambe riba fecha di eleccion. E pregunta grandi ta: Husticia di Aruba ta ronca na soño? Nan no sa ken ta drenta Aruba y kico na ta bin haci? Lo no dura mucho cu e bom aki lo explota. Micheal Williams a papia di un tal Señor Spagetti. Awel awor nos tin cu bay waak ta con e Spagetti aki ta bay sinta! Spera cu Partido AVP, no bira mucho nervioso.

Corantnan Hulandes a cuminza realiza cu Mike Eman ta un mentiroso cu ta gusta inventa storianan bunita. Henter e show di ‘ 5 strea’ awor ta den corant Hulandes unda nan ta bisa textualmente: Aruba is allang geen 5 sterren eiland meer. Nan a cuminza skirbi ariba e Mega Debe cu ta creciendo tur tur dia. Tambe nan a bisa cu apesar di purba corta gasto, toch e no ta logrando nada o sea ningun resultado. Porfin por tuma nota cu tin mas hende a cuminza wak e comedia di Mike “Pachi Damon” Eman. Mike a drenta Gobierno na 2009 hayando un finanzas publico saludabel cu un debe di 2.2 biyon. Den apenas 5 aña di tempo el’a bom e debe na 3.5 biyon y awor e no sa con pa fia mas y peor ainda e no sa con pa paga bek. Que tristo loke Mike Eman a haci cu nos pueblo.

Alisha Thijsen a fayece diasabra a causa di overdose Diasabra merdia a yega e noticia cu un hoben, Alisha Thijsen lo a fayece. Alisha ta yiu muher di e conocido productor di television, sr. Norman Thijsen. Norman Thijsen den ora di diadomingo anochi a confirma e noticia aki y de paso a informa cu su programa di dialuna ta continua, unda e mes lo duna un palabra na e ocasion aki. Nos redaccion y nos director Edmond Croes como tambe Famia Croes ta extende palabra di condolencia na Norman Thijsen, su señora esposa y na henter famia Thijsen. Aki e post di Norman Thijsen, ken a confirma e noticia cu su yiu muher di edad hoben a fayece a causa di un overdosis di droga. Norman Thijsen: Nos mainta mañan dialuna cu un programma special ariba dia mundial sin tabaco. Un programa cu FADA cu conscientizacion ariba e

consecuencianan di droga. Nos mainta cu Siomara Everon cuminsando 9:00 am na Telearuba cu un programa aki lo ser dedica na Alisha Thijsen cu a fayece a consecuencia di

overdose. Como productor di nos mainta y tata di Alisha, mi ta sintimi yama pa continua y conscientiza ariba e tema aki y lo tin un statement ariba e sucedido di Alisha Thijsen.

Dialuna Juni 2 2014

Pagina 8

Quadracer cu un pareha a cay den greppel ariba caminda di Hato

The Casino na Radisson a yama bon bini na slot machinenan nobo

E super slot machinenan nobo di Ainsworth A560 a wordo introduci recientemente na The Casino na Radisson. Pa mas cu mitar di un siglo, e nomber di Ainsworth ta sinonimo cu e industria di wega di suerte. Funda na 1995 pa Len Ainsworth, el’ a bira un fabricante y productor lider di slot machinenan rond di mundo. Recientemente,

The Casino na Radisson na Aruba tabata e prome riba e isla cu a presenta e modelonan mas nobo di slot machinenan di Ainsworth cu diferente tema y animacion grafico, yena cu funcionnan divertido y multiple opcionnan di pago, bonusnan, progresivonan, cual ta haci e experiencia di wega di suerte riba e slot machinenan particular aki

asina excepcionalmente rapido y dinamico. Bo ta invita pa purba bo suerte riba e machinenan nobo. Hungadornan na The Casino na Radisson ta gana regularmente y gana grandi, manera sr. Burns, kende a gana un Straight Flush riba e mesa di Let it Ride, mustrando un 5-67-8-9 di Curazon, pa un ganashi total di $5,544.00 na placa cash!

Polis a bay atende dos grupo cu kier a enfrenta otro na un fiesta na Paseo Herencia

Diadomingo atardi pa mas o menos 5:30 un quadracer cu un pareha riba dje a cay den e greppel na Hato. E quadracer pa un of otro motibo a kita na su man drechi y a bay cay den e greppel. Dos patruya di

trafico a presenta y mesora a pidi pa Ambulance pasobra e cabayero tabata gritando di dolor. E dama a haya golpi pero no di e grave ey. Ambulance a transporta ambos pa hospital.

Diasabra madruga den careda di 3’or Polis di Noord a bay Paseo Herencia. Aki dos grupo di persona kier a agredi otro. Na prome instante a wordo bisa cu ta trata di un grupo di Corsou contra un grupo di Aruba, pero esaki no tabata e caso. Polis na e sitio a papia cu esnan encarga cu seguridad y nan a splica cu ta trata berdad di dos grupo. Pero cu esaki ta un grupo di Sta. Cruz y un grupo di San Nicolas. Un di e gruponan a bandona e sitio, pero a laga sa cu nan ta bin bek cu arma di candela. Polis pa buena marcha y pa

seguridad di tur hende a termina e fiesta. Cu ayudo

di mas patruya a zorg pa tur hende bandona e lugar.

Dialuna Juni 2 2014

Pagina 9

Porfin Gobierno ta acepta cu nos situacion financiero ta malo Lamentablemente cu ehecucion teribel di decisionnan cuestionabel (parti I) Awe ainda hopi ta comenta encuanto e retironan cu a tuma lugar na un manera inhumano di e grupo grandi di contractantnan cu ta traha pa Gobierno. Un decision tuma pa conseho di Minister (tur minister incluyendo nos Prome Minister) pero cu no a percura pa ehecucion profesional caminda ta tene cuenta cu derechonan di esnan envolvi. Tambe sigur a deha di percura pa por garantiza continuidad di trabaonan necesario y di suma importancia pa e caha di pais Aruba y e servicio cu mester ser duna na nos pueblo. Cerca mi ta surgi e pregunta cu si enberdad e decisionnan tuma ta

dolor ainda ta cu ta corta tambe den proyectonan of gastonan cu ta garantiza cuido di calidad pa nos grandinan y muchanan special y tambe den formacion y educacion di nos muchanan.

esnan mas prudente. Ta cuminsa cu reduccion den cantidad di trahador cu gobierno tin den servicio pero na mes momento

Tiara Air bringando pa mantene cabez riba awa

CEO di Tiara Air Alejandro Muyale a manda un comunicado pa tur su empleadonan, stakeholdernan y clientenan den cual e ta bisa cu e gobierno Venezolano a anuncia di a yega na un acuerdo cu e siguiente aerolineanan: Aero-Mexico, Tame, Aruba Airlines, Insel Air, Avianca y Taca unda cu gobierno lo bay paga nan debenan den dollar acumula te cu December 2013. Alejandro Muyale mes ta na Caracas Venezuela na e momentonan aki y ta negoshando cu e autoridadnan pa asina haya un areglo igual pa Tiara Air. Tur cos ta mustra cu Tiara lo haya e mesun

concesionnan otro siman. Segun Alejandro Muyale, Tiara Air tin un bon relacion cu e gobierno di Venezuela door di e trato husto y e bon prijsnan di den pasado. Tiara ta bulando ainda aunke limita y tin un flight schedule constante pero limita cu vuelonan pa Punto Fijo a base diario y cu ta wordo ehecuta pa un di tres partido. Tiara Air ta spera di por conclui e negociacionnan cu e gobierno Venezolano y asina por reanuda e operations poco poco. Den esaki Alejandro Muyale a pidi sosten di tur empleado, stakeholder, administracion y clientenan.

ta sigui cu proyectonan cu no ta necesario y sigur no lo trece alivio na e situacion di crisis cu nos pais ta aden. Mas

Recientemente na un entiero mi a wordo acerca pa un ciudadano preocupa. E tabata di bishita na un di e casnan di anciano y por a scucha e trahadornan menciona na otro cu no tin e likido necesario mas pa haci heridanan di nos grandinan limpi y cu mester usa awa. Tambe nos por a scucha un director di un cas di anciano cu Gobierno ta cortando alrededor di awg. 21.000,- pa luna riba nan budget, cual ta haci

casi imposibel pa nan por ofrece cuido di calidad na nos grandinan. E mesun grandinan cu a traha asina duro na progreso di nos pais y awor mester goza di un bon y dushi bida. Ironia di bida ta cu e mesun Prome Minister cu ta laga tur e cosnan aki tuma lugar, te mesun minister cu ta pasa rond den e casnan di anciano parti sunchi y basket di fruta y buscuchi pa e grandinan. Ta ken nan ta tuma haci? Durante e dianan nos dilanti mi lo sigui elabora mas ariba diferente decision cuestionabel cu Gobierno a tuma y ta implementa of lo bay implementa. Y con pueblo ta sigui ser enga単a y manipula.

BOTO DI ARUBA A ZINK NA VENEZUELA Na ciere di nos redaccion nos a baya e informe cu lo tin 3 boto Arubiano den problema na Venezuela. Segun nos a comprende un boto talvez lo a zink. Ta ser menciona e boto di

nomber Renegade. Un otro boto cu ta yama NO STRESS a yega sano y salvo. Ta un total di 11 persona tabata tin den 3 boto. Awe nos lo haya mas informacion.

Dialuna Juni 2 2014

Pagina 10

SOLO....NOTICIA DI POLIS Intermediacion den problema familiar

Asistencia di Polis a wordo pidi diabierna pa 1.20, na haltura di Bondia Supermarket pa un problema den famia. Polisnan a topa cu un problema, unda un yiu homber bao di influencia no kier drenta den auto di su mayornan. Polisnan a papia cune y el’a drenta den e auto.

Asistencia pa destruccion Polisnan a bay diabierna pa 2.15, Esso Heights pa un destruccion. E doño W. a splica Polisnan cu e bentana y e porta dilanti a wordo kibra. Polis a tuma e keho.

Homber a drumi den auto mey mey di caminda Polisnan diabierna pa 6.15 durante patruya a topa cu un auto Kia Cerato A-58769 para mey mey di caminda. Polis a mira cu e chauffeur drumi tras di stuur tabata bao di influencia di alcohol y na soño. Banda di dje tabata tin dos botter di cerbez yen. . Polisnan a purba lanta e chauffeur, pero sin resultado. A pidi presencia di dogcatcher cu a hib’e warda di Polis, unda el’a keda cera pa buracheria despues cu el’a presenta dilanti Fiscal.Ta trata di e homber L.Q. naci na Aruba di 32 aña.

Homber malo a drenta den auto y no kier baha Asistencia di Polis a wordo pidi diabierna pa 5.50, na General Aviation den Bucutiweg unda un homber desconoci a drenta den un auto di huur y no kier a baha. E doño di Action Carrental, K.B. a bisa cu e homber ta sinta tras di stuur di e auto V-2855, un Hyundai color shinishi, sin permit y no kier baha. Segun K.B., un turista a lubida di cera e auto na yabi. Polisnan a papia cu e homber, cu tabatin solamente un boxershort bisti, pero e no tabata tende. Door di e bahul, cu no tabata na yabi, Polisnan a logra habri e porta pa saca

e homber for di auto. El’a bisa cu e tin un luna caba cu e no ta bebe su remedinan y e ta pacient di dr. Cayama. E homber J.M.A.P. naci na Venezuela di 47 aña, tabata completamente bruha y no tabata parce bao di influencia. Mirando e descripon cu mas tempran den oranan di anochi a wordo duna naVaradero, ta cuadra cune. El’a keda deteni pa su mes bon y pa seguridad di otronan. Polisnan a hib’e warda di Polis unda el’a presenta dilanti Fiscal Auxiliar. Polisnan a haya ordo pa busca contacto cu su dokter y si no logra, lo a hibe poli pa observacion.

Mama no sa si mester duna keho contra su yiu Asistencia di Polis a wordo pidi diabierna 11.05, na un cas na Noord pa un yiu homber rebelde. E mama G. a bisa cu e bon conoci pa Polis su yiu, Jose P. kier hink’e cu cuchiu y a bis’e cu e ta mate. Tambe ora cu el’a cera su mes den kamber, J. tabata kibra algun cos den cas. Como cu e mama ta un pacient di presion, ambulance a bin na e sitio pa control’e. E no sa si e ta bay duna keho contra su yiu.

Ladronnan a bay Puppies a disparce for di cu generator cura disparce for di E muher C.M. a bay diabierna 13.58 warda cura di Polis na Macuarima pa duna keho di Asistencia di Polis a wordo pidi diabierna pa 8.37 na Union Caribe den Caya Ernesto Petronia pa un ladronicia. E manager S.G.F. a bisa cu dia 28 di Mei pa mas o menos 19.30, nan a cra e lugar na yabi. Dia 30 di Mei mainta el’ a bay habri e negoshi y a mira cu e porta pazuid di e edificio tabata habri. El’a mira cu e candal tabata kibra y un generator cu tabata den e cura a disparce. Ta trata di un generator di e marca Yamaha color preto/cora di 5400 watt. E ta sospecha cu ta e conocido choller Shakira a bay cune, Esaki ta paosbra algun dia prome, el ‘a bin cerca nan y a puntra kico nan ta haci cu e airconan cu no ta sirbi. Polis a tuma e keho.

Chauffeur haya cu marihuana Durante Patruya diabierna pa 8.55, na haltura di Valero, Polis a core pasa banda di dos auto, un truck grandi color shinishi y un truck di carga di Caribbean Overseas y a haya holor skerpi di marihuna. Polisnan a bay bek y a papia cu e dos personanan den e truck. Tur dos a declara cu nan no tin nada di haci cu e holor di marihuana y nan tambe a haya e holor. Polis a controla e pickup shinishi. E chauffeur a bisa cu un rato prome el’a huma un sigaria di marihuana. Polis a controla e pickup y a haya un sakito di plastic cu marihuana. Segun e chauffeur ta pa su mes uso. Despues polis a sigui controla e pickup y a haya mey mey di e dos sientanan un otro saco cu marihuana. El’a keda deteni pa posesion di droga y hiba warda di Polis na Dakota. Ta trata di R.K. naci na Aruba di 43 aña.

ladronicia. El’a bisa cu su cacho Bendog a haya siete puppies. Despues cu e puppiesnan tin un siman bieu, dialuna ultimo ladronnan a bay cu nan. Polis a consehe pa e bay na e instancianan concerni cu por yude den e caso. Polis a tuma su keho.

Cacho a morde mucha na Hooiberg Asistencia di Polis a wordo pidi diabierna 14.42, na un cas na Hooiberg, unda un cacho a morde un mucha. E doño di e cacho a bisa cu su bisiña di 11 aña, tabata hunga den cura cu su nietonan. Segun e homber e mucha tabata tenta e cacho ora cu e tabata come y e cacho a mord’e. Ora cu Polis a yega na e sitio, nan a papia cu e personal di ambulance, kende a bisa cu e mucha tin algun rasca na su braza y no ta serio.

Homber tabatin bala cayente den su poder Presencia di Polis a wordo pidi diabierna 16.25, na Aqua Windie’s pa un caso sospechoso. A resulta cu e mucha homber D. di 22 aña, durante trabao di limpieza a haya un caha di plastic cu algun municion den dje. Den dje tabata tin tabatin un bala cayente, 1 powerhead, 4 punta di harpoon y algun herment pa pisca. Despues di algun pregunta haci na e homber S.O.A., el’a admiti cu e baki di plastic ta pertenece na dje. El’a bisa cu e no tin permit pa nan, pero e ta usanan pa defende su mes contra tribon, ora cu e bay tira pisca na costa Noord. Mas o menos 16:30, e homber S.O.A. a keda deteni pa tin arma den su poder y hiba warda di Polis di Strand, unda el’a keda presenta dilanti Fiscal Auxiliar y a keda deteni pa investigacion.

Dialuna Juni 2 2014

Pagina 11

Segundo edicion di MIX UP MONDAYS a pone drama den Cas Di Cultura Pa participa na e proximo MIX UP MONDAYS por tuma contacto cu Jane Vermaas Dialuna pasa e segundo edicion di MIX UP MONDAYS a pone drama den Cas Di Cultura. Publico presente, den un sala bastante yen pa un dialuna, a lanta para for di e stoel y a goza e beatnan di e.o. Central Pieces y Probono y a disfruta di baile di True Flavor Crew. E anochi a wordo habri door di Jane Vermaas di Jane PR + cu a splica e concepto di MIX UP MONDAYS cu ta encera cu tur e artistanan cu ta haya e oportunidad pa briya riba e stage di Cas di Cultura tambe ta responsabel pa nan parti di e venta di ticket y mester yuda promove e show riba nan propio Facebook. Asina Cas di Cultura kier conscientiza e artistanan cu nan mester profesionaliza nan mes pa un carera den e industria di ‘performing arts’ locual ta encera venta y promocion pa nan mes. Specialmente e grupo di e hobennan di Central Pieces, cu a pone publico goza di nan Hip Hop tabata e ‘rising stars’ di e anochi y na final di e show Probono, e banda di Daniel Tecklenborg, a puntra nan pa join den nan ultimo cantica cu tabata un espactaculo. Otro artistanan cu a participa tabata Othmar Matos y Janice Pachanga (Zouk), Clemens Hoekstra y Joos Lekatompessy (Blues)y Edgard Oduber (Cuarto).

PUEBLO A HHAÑA SU PEN BEK

Pa kualkier informacion solodipueblo@gmail.com of

☎ 585-9500

Tambe e huespednan por a disfruta di un dushi Mix Up Cocktail gesponsor

door di Smirnoff. Pa artistanan cu lo kier participa pa e proximo

MIX UP MONDAYS por tuma contacto cu Jane Vermaas di Jane

PR + na 5971709 of janevermaas@gmail.com

Dialuna Juni 2 2014

Pagina 12

Durante investigacion di un caso di atraco, autoridad a logra detene 3 persona

Diadomingo madruga durante investigacion di un caso di atraco autoridad a nota un persona sospechoso na un adres cerca di unda un I-Phone horta tabata duna indicacion di su locacion. Mesora a bay papia cu e hoben pero esaki a opta di core bay sconde den e apartamento. Mesora a tuma contaco cu fiscal kende a duna autorizacion pa drenta den e apartamento aki. Despues di a drenta e apartamento a bin haya e hoben aki y tambe un otro hobencito cu ta ilegal na Aruba. Buscando den e apartamento a bin logra haya un dama scondi den cashi di cushina bao di labaplato. Tur tres a keda deteni. Ta trata di 3 Venezolano cu a keda intencionalmente ilegal na Aruba. Polis a hiba nan warda di polis y a pasa nan pa Guarda Nos Costa pa nan sigui atende e proceso di deportacion.

Na Hyatt Hotel Aruba:

Grupo Medico di Age Management Medicine Group cu e prome congreso mundial di maneho di edad E siman aki di 5 pa 7 di Juni, e Grupo Medico di Age Management Medicine Group ta organiza e prome congreso mundial di maneho di edad na Hyatt Hotel Aruba. Dr John Croes, miembro organizatorio di e congreso, ta splica cu Aruba mester ta orguyoso cu e grupo aki a scoge Aruba pa un evento asina grandi den mundo di medicina. Lo bin Aruba e mihor specialistanan ariba tereno di malezanan cronico y dificil pa cura, caminda conhuntamente cu specialistanan di Aruba lo discuti tratamentonan mas efectivo y cu menos efectonan secundario pa nos pacientenan. Expertonan di rond mundo lo ta presente pa mustra con nos curpa lo sigui bira bieu, pero bo organonan, bo cuero, cabey y apariencia general por mustra mas jong y liber di malezanan cronico manera diabetes, presion halto, cancer, alergia, lupus, etc. Lo papia ariba con pa usa hormoon biologico pa evita molester di andropausa, menopausa, problemanan di prostaat y envehecimento acelera di hopi paciente. Con e atletanan por usa hormoon biologico, vitamina, suplementonan futuristico pa un mihor rendimento. Tin expertonan presente ariba tur cirujia plastica di futuro, lo discuti Botox su efectonan secundario, mesoterapia di futuro, nutricion y con pa haci ehercicio cu mihor efecto ariba nos curpa. Pa e obesonan, cholesterol y sucu cu no kier baha cu nada, lo tin e mihor expertonan pa si単a nos

con nutricion, ehercicio y maneho di genetica ta e medicina di futuro pa mehora e salud general di Aruba. Lo tin demostracion di diferente producto, computers y aparatonan nobo ariba mercado pa haci nos salud y nos envehecimento mas agradabel, liber di sufrimento y dolor. Dr. Croes ta informa cu tur esaki ta un esfuerzo personal pa trece solucion y vision nan nobo pa yuda baha gasto den salubridad publico. Estadisticanan di tur pais ta mustra cu gasto medico lo aumenta drasticamente den e siguiente a単anan y cu practicando medicina na e forma actual lo hiba tur pais den un desaster y tur seguro medico den henter mundo lo bira impagabel; hasta na Hulanda caminda nan porcentahe di salibridad publica den nan GDP actualmente ta mas of menos 8 % , lo bira 30% na a単a 2030, segun expertonan, si no cambia nos manera di practica medicina. Mester bin medidanan mas agresivo, colaboracion mas fuerte entre Gobierno y diferente instancia di salud, dokternan mester ta mas pro-activo y duna educacion na e paciente pa nos pueblo por tin un mihoe calidad di bida y cu nos tur hunto ta responsabel pa nos salud. Tur informacion presenta lo ta basa ariba evidencia cientifico. Por haya mas informacion pa esun nan cu ta interesa den participa, por subi ariba website: Dr John Croes of Age Management Medicine Group : Home Idioma usa lo ta Ingles y Spa単o.

Dialuna Juni 2 2014

Pagina 13

Mentira di partido AVP no conoce limite:

Na 2009 Gabinete Oduber a paga cu e placa di Plant N.V. 80 miyon florin na APFA y a likida tur debe existente Ta tristo pero e realidad amargo ta cu nunca nos por gara e politiconan di AVP ta papia berdad, sino tur biaha nan ta recuri na e mesun letania, mentira y manipulacion cu ya nan ta custumbra cu ne. Esaki nos por a comproba siman pasa ora cu den un comunicado di prensa e partido di gobierno AVP a haya ta bon di acusa MEP y instiga pueblo cu ta MEP lo a laga e fondo di APFA den estado di bancarota na 2009, haciendo como sifuera cu esaki ta e motibo di e aumento e edad di pensioen te na 65 aña. Esaki ta un mentira flagrante cu un biaha mas nos di MEP kier a desenmascara e mentirosonan di AVP. AVP a laga e fondo na werki Ora cu e politiconan di AVP sin ningun escrupulo ta papia di e supuesto bancarota di APFA na 2009 nan a lubida di conta pueblo cu ta nan propio gobierno na 2001 a laga e fondo di pensioen di APFA na werki cu un debe total di Af. 277066891,00,

esta mas cu 277 miyon florin y di cual Af. 157032024,00 (mas cu 157 miyon florin) tabata di ‘pensioenbijdragen en duurtetoeslagen’. Pues Gabinete Eman III tabata retene e prima di e empleadonan publico y NO tabata traspasa esaki pa e fondo di APFA. Esaki nan a haci aña den aña afo y ta door di nan iresponsabilidad nan a manca e fondo malamente hibando esaki den un deterioro cu tabata casi imposibel pa soluciona. Y awe nan kier tira culpa riba MEP pa cu

nan iresponsabilidad di derocha placa cu no ta di nan. MEP a paga tur debe Contrario na e hecho maligno aki, durante gobernacion di MEP (2001-2009) como un gobierno drechi y responsabel sagradamente tur e primanan di e empleadonan publico a wordo traspasa pa APFA y na 2009 cu e 250 miyon florin di placa di Plant N.V. Gabinete Oduber a paga e restante di 80 miyon florin di debe na APFA, liquidando asina

tur e debenan existente. Asina responsabel y huicioso nos di MEP ta cu nos no a hinca e placa di Plant N.V. den locuranan manera di Tram, Green Conference, Aruba meets the World etc., pero a percura pa hinca un parti substancial di e placa di Plant den APFA y asina salvaguardia e fondo di nos empleadonan publico. Baha for di lomba di MEP Y kico a pasa desde 2009 te cu awor cu e fondonan di APFA, ta AVP so por splica pueblo esaki. Ta

AVP so por splica dicon di dia pa anochi nan kier hisa e edad di pensioen te na 65 aña pa e empleadonan publico. Ta AVP so por splica si nan ta traspasando tur luna e primanan di e empleadonan pa APFA y cu nan a stop cu nan mal maña di retene e primanan y malgasta esaki na nan locuranan, manera cu nan a haci durante 1994-2001. Ta AVP so por splica pueblo e motibo pakico nan a saca 100 miyon florin di e fondonan di APFA y hinca esaki den man di algun capitalista cu ta experimentando con nan lo gasta e suma aki ya cu esaki no ta nan placa toch. Pregunta ta si deliberadamente nan ta haci esaki p’asina un biaha mas tira tur culpa riba nos partido MEP, manera cu nan a bolbe vocifera den nan ultimo comunicado di prensa. A bira tempo pa AVP stop di tira culpa riba otro, goberna drechi y baha for di lomba di MEP ya cu MEP durante e ultimo 4 añanan no ta den gobierno mas.

Homber atraca pa atracadorn​an, cu a baha na awa cu su tas di laptop, cellular, tablet y 200 Euro Diahuebs algo pasa di mey anochi, e cabayero J.R.R. de Marchena a yega na warda di Shaba y a declara cu un 15 minuut pasa el’a wordo atraca pa dos persona. Esaki a sosode na momento cu el’a sali for di cas di su amiga na Alto Vista y a cana bay na e auto. Yegando na su auto dos homber a cana bin cerca dje. Un tabata tin un

cuchiu den su man. Nan a bise pa e no mira nan cara sino nan lo hink’e. E otro homber a coy e tas di su laptop y nan a exigi’e kita su T-shirt y e tabata tin mag di bisti’e back ora nan bandona e sitio. Unico cos cu e victima ta corda cu tur dos ta color scur. Nan a logra bay cu su tas di Laptop marca Samsonite preto. Den e tas e tabata tin un Samsung 10 tablet

preto, un Samsung Galaxy S-3 mini, un camara Polaroid y 200 Euro. El’a splica polis cu e mester di e denuncia pasobra e tablet y cellular ta di uso pa trabao y tambe cu e mainta e mester ta 6’or na airport pasobra e tin cu bay back Alemania, unda e ta residencia. Atraco Team a yega na Warda di Polis y a tuma e caso aki y e ta bao investigacion.

Dialuna Juni 2 2014

Pagina 14

Francis Jacobs di MEP:

Porfin pueblo di Aruba y specialmente e hobennan ta duna MEP razon Durante dos eleccion, di aña 2009 caba MEP tabata treciendo e mensahe cu partido AVP ta campaña cu puro mentira y manipulacion pa gana eleccion y cu sed pa yega na poder. Awe pueblo di Aruba y specialmente nos hobennan a cuminsa duna MEP razon di loke MEP tabata bin ta treciendo padilanti, esta di no kere e manipulacion y engaño di AVP. Recientemente nos por a tende y lesa den medionan di comunicacion cu Parlamentario sr. Rasmijn di AVP tin un plan pa bin cu un mediawet pa controla e famoso facebook cu ta un comunicacion internacional. Esaki ta loke a hala atencion di e hubentud cu ta haci uso di e medio aki tur dia y a bin ta comprende tambe cu e motibo ta cu AVP kier silencia e hubentud den su totalidad, ya cu e hubentud dia pa dia ta trece e berdadnan di e malgobernacion di AVP riba facebook. E pensamento aki di sr. Rasmijn y AVP no ta aceptabel pa e hubentud, segun nan expresionnan riba facebook. Na e momento aki por sigui

diferente combersacion cu hubentud ta trece padilanti y ta menciona cu nan ta consciente cu AVP a priminti cielo y tera y no a cumpli cu ningun di nan promesanan y cu awe nan ta consciente cu AVP no ta pone ningun atencion na e hubentud di Aruba y mucho menos na deporte di nos hubentud. Hubentud ta na altura segun nan expresionnan cu e gobierno di AVP no tin importancia na enseñanza y cu tin diferente studiante den exterior ta bibando den un miedo di e situacion financiero malo cu Aruba ta pasando aden y mirando e aumento drastico di desempleo, no ta pensa

mes di bin traha na Aruba despues cu nan termina nan estudio. AVP a manipula cu mentira atraves di e mesun medio electronico aki y awor kier bin cu un mediawet pa prohibi expresionnan di nos hubentud pa motibo cu mirando cu e mesun medio di comunicacion aki ta e medio cu nan a usa pa gana eleccion y awe ta refleha tur nan mal trabao cu nan ta hibando y cu ta cabando cu nos pais y mas ainda cabando cu e futuro di nos hubentud. Danki Dios cu gran mayoria di e hobennan na e momentonan aki ta duna MEP razon di loke nos tabata avisando na e pueblo di Aruba y specialmente hubentud di e mentiranan cu AVP tabata manipula nan cu palabranan bunita, campaña miyonario cu materialnan di campaña caro pa simplemente gana eleccion y por tin e poder cu awe e hubentud ta malcontento. AVP por ta sigur segun e mesun expresionnan di hubentud riba facebook, cu e proximo eleccion AVP por wel di dobla warda pasobra otro gay lo bay canta.

Homber mata door di mas di 80 tiro cu ta perfora su curpa

Na Amstelveen, pathaloog a haci autopsia riba e curpa di Gwenette Martha y a constata cu e curpa a wordo perfora mas di 80 biaha door di tiro di arma di candela. E balanan a pasa di un banda pa otro banda di su curpa. E tironan tabata procedente di minimo dos arma di candela automatico, un di e armanan di candela tabata un Kalasjnikov. Gwenette, tabata diahuebs siman pasa den un negoshi di Shoarma, na Amstelveen hunto cu su amigo cu ta un conocido di polis como bendedor di droga, bodyguard y chauffeur. Despues a bin dos homber mas cerca nan na mesa, un di e hombernan a cana bay pafor cu Gwenette y tironan fatal a cay. Mayoria di tironan tabata na su pecho. Na momento cu el’a wordo likida, Gwenette no tabata arma. Aparentemente e likidamento di Gwenette lo tin di haber cu otro asesinatonan di ultimo añanan a cay den e

baho mundo di Amsterdam. Na December caba tabata tin un intento di asesinato riba Gwenette cu a fracasa y unda el’a entrega un keho. Gwenette Girigorie Martha a nace dia 7 di Februari 1974 na Corsou, pero a crece na Amsterdam. Na un edad relativamente jong el’a cuminsa comete atraconan chikito riba caya y ladronicianan hunto cu un grupo di amigonan. Dia 5 di Maart 1992 Gwenette su bida a cambia na momento cu na un club nocturno na Amsterdam su unico ruman homber a wordo tira y a fayece den su braza na entrada di e club, despues cu nan a hayanan den un confrontacion cu un gang di Marocano. Despues di morto di su ruman el’a keda bay mas den e bida di baho mundo y a cay varios biaha cera. Gwenette aparentemente a cuminsa tira varios atraconan grandi, rond di Hulanda y tambe tabata meti den traficacion di droga y labamento di placa. Durante un di e biahanan cu e tabata cera, el’a logra huy for di prison, pero despues a wordo haya na Belgica. Gwenette Martha ta bai den historia na Hulanda como un criminal, un gangster basta grandi.

Dialuna Juni 2 2014

Pagina 15

Problema atrobe na Olde Molen

Polis ta haya casi 18 mil Euro scondi bao hood di auto

Diasabra den oranan di anochi, polis na Roosendaal Hulanda a detene dos homber Frances pa duna declaracion, despues di a haya bao di e hood di auto casi 18 mil Euro

Diadomingo mainta tempran, dus den careda di 6’or un batayon di Polis a bay Olde Molen. Aki autoridad a confronta loke por bisa cu e problema di tur weekend. Esta e orario cu e establecimiento por keda habri. Nos no ta bay den mucho detaye. Pero manera nos por mira e

doño ta mustrando Polis na e sitio aparentemente su vergunning. Despues di basta papiamento cos a bin calma un biaha mas. No ta conoci ki paso ley lo bay tuma contra e n‎ egoshi aki, cu tin aparentemente su permiso cu ta permiti’e tin un orario full diferente cu otro lugarnan nocturno.

scondi. Durante patruya polis a mira dos homber masha sospechoso para na nan auto. Nan tabata coba den e motor di auto y esaki mesora a hala nan atencion. Ora nan a mira polis, nan a cera e hood y

a cuminsa core, pero un poco mas leu polis a para e auto aki pa control. Bao di e hood, nan a haya 18 mil Euro cash scondi. E dos hombernan aki di 18 y 32 aña a keda deteni y hiba Warda di Polis, pa interogacion. Mirando cu nan ta Frances, a pidi un tolk pa traduci. E hombernan a declara cu nan ta cardealer pero recherché ta sospecha cu aki por ta trata di labamento di placa. E auto tabata tin plachi di number Aleman. E auto y e 18 mil Euro a keda confisca y despues cu e dos cabayeronan aki a haya nan boet, nan a wordo laga back den libertad.

Dialuna Juni 2 2014

Pagina 16

Chauffeur di BYD ta hit and run na Savaneta

E chauffeur a wordo para y deteni un rato despues

‎ Diasabra pa mas o menos 4’or di madruga un chauffeur a haye envolvi den un caso di ‘hit and run’ na Savaneta. Esaki a sosode altura di Domino’s Pizza. E chauffeur victima , bayendo direccion pabao a pone señal pa bira bay pariba bek. E BYD aki a bay pas’e y a dal den dje y

sigui core bay. E chauffeur victima a core su tras y a logra pare altura di WEB y a avisa Polis. Polis a yega y a detene e chauffeur di e BYD cu tabata bastante bao influencia. E tipo di practicanan aki ta pasando tur dia aki na Aruba. Corda semper coy e number di e auto cu a dal den bo.

Na Maastricht, Hulanda:

Tata a haya su yiu di 27 aña gravemente herida den su cas y a fayece na e sitio Diabierna pa mas o menos 5’or y cuarto di atardi ora local di Hulanda, na Maastricht un tata a yega cas di su yiu muher di 27 aña y a topa su yiu gravemente herida den su cas. Mesora a pidi asistencia di ambulance y polis, pero na yegada no por a haci nada mas. Y su yiu a fayece. Aparentemente ta trata di un asesinato. Mesora polis a cuminsa cu un investigacion. Un testigo a mira un rato prome cu e melding a drenta , un homber sospechoso sali for di e flat. Riba e burgernetbericht, polis a manda un mensahe cu descripcion di e asesino, pa asina pidi e habitantenan di e bario nan cooperacion, si nan

por a mira, tende of sa algo di e caso aki, pa tuma contacto di inmediato cu Polis y asina trata na pone man riba e asesino. E area a keda cera pa mas investigacion y tambe e helicopter di polis

a wordo lanta pa yuda busca e sospechoso. Con el’a wordo asesina polis no kier a divulga, pero aparentemente lo ta trata di varios hinca.

Polis a para fiesta Asistencia di Polis a wordo pidi diasabra pa 3.15, na O Restaurant pa un pelea. Segun testigonan dos grupo di hoben a bin busca problema y a bringa cu otro, pero ya a bay for di e lugar. Polisnan a bay paden y a papia cu e guardia, kende a bisa cu ta trata di un gang di San Nicolas vs esun di Santa Cruz. E guardia a bisa cu e grupo di Santa Cruz a bisa

cu nan lo bolbe cu arma di candela pa caba di regla e asunto cu e gang di San Nicolas. E guardia a pidi polisnan pa para e fiesta debi na e peleanan. Ora cu polis a controla e permit a resulta cu a pasa e ora stipula den e permit y a para e fiesta. Polisnan a stop e fiesta y a manda y tur hende cas.

Pagina 17

Dialuna 2 Juni 2014

Champ of the Champs e aña aki lo ta riba veld di SV Dragon Hitters (Duracell) na Barcadera

Aruba Softball Bond hunto cu SV Royal Power y Heineken den pleno preparacion pa cu e mahestuoso Torneo Internacional Champ of the Champs 2014 “The Eight Edition” . Manera ta conoci cu pa di 8 aña consecutivo ta organizando e gran torneo aki. E aña aki tin 10 equipo internacional a confirma nan participacion. Hulanda, Costa rica, Panama, Republika Dominicana (2), Venezuela (2), Curacao(3) mas e mihornan di Aruba pa sera e total di 16 team reparti den 4 pool di 4 team. Luna di Juni lo intensive e mercadeo pa e Torneo aki mientras un cantidad di trabownan admistrativo ta wordo eherse pa por tin tur cos bon hinka den

otro. Comision a bishita veld di SV Dragon Hitters na Barcadera mihor conosi antes como veld di Duracell y a traha un plan den totalidad. Veld lo wordo converti totalmente na un manera unico pa asina duna e fanaticada grandi e satisfacion pa ta na tereno disfrutando di e ambiente y weganan di halto nivel. Claro cu e parti di animacion y ambiente tambe lo bay tey cu diferente bandanan di Aruba manera Tsunami, D’Licious mano a mano cu Rocco Flava , DJ Avin y diferente sorpresa mas. Asina Aruba cuminsa prepara y reserva Bo dianan 30 Juni te cu 6 di Juli pa Champ of the Champs 2014. Eyden Bo mester ta!!!!!

MUSICITY FESTIVAL ta celebra e cultura di Aruba Nos herencia via musica, baile, cuminda y hopi mas. Durante e festival di 3 dia, e organizacion ta spera na haci un donacion di mas cu 250,000 na varios fundacion y necesidad di diferente school na Aruba cu e apoyo di e comunidad Arubano. Oranjestad, Aruba – Durante un conferencia di prensa na Plaza Betico Croes e team organisatorio di e festival nobo totalmente diseña pa recauda fondo pa diferente instancia y necesidad escolar a presenta nan idea pa cu e festival cu ta hiba e nomber di Musicity Festival ( Festival musical den parti di ciudad ). E festival aki lo ta uno di tur tipo di musica, baile y cuminda cu lo tin un duracion di 3 dia, 5 stage cu diferente tema cultural cu lo tuma lugar e weekend di 4-5-6 di Juli. E focus principal lo ta riba e cultura di Aruba treciendo asina tur nos artista local ( cantante, banda, artista nobo ) sin lubida e mescla y fusion di nos cultura cu e ritmo latino di diferente banda latino basa riba nos isla, tambe sin laga afo e influencia di Caribe. Den cas di cultura lo tin un stage

☎ 585-9500

Un weekend di celebracion cu mas di 65 banda, cantante, Dj’s, grupo di baile y otro tipo di entretenimento. Di banda conoci te na artista nobo ritmo di tumba, caha di orgel, calypso, merengue, salsa, hip hop, R&B, Jazz, reggue, accoustic y gospel pa menciona un par. Diferente scol di baile cu lo haci nan presentacion. Mas cu 50 tent di diferente tipo di cuminda pa escoge. Musicity Festival lo tin algo pa un y tur. Pa e famia cu tin mucha e festival lo tin un area cu 30 Dino Jump, core den trein, Disney characters, face paintings, arts & crafts, bumper boats, jugglers y hopi wega. E area di mucha lo ta esun mas grandi cu Aruba a yega di conoce pa asina entretene e muchanan y nan pasa un dia contento

saludabel y health screenings y hopi mas. Musicity Festival lo tuma lugar 3 dia largo den e area di Plaza Betico Croes y Entertainment Center. E festival lo start diabierna 4 di Juli 8.00pm na Cas di MusiCity Culture and Heritage Music Festival Cultura cu un presentacion special di e historia cultural di Aruba. Diasabra y Diadomingo a area di evento ta habri 12 di merdia cu presentacion non stop na tur 5 stage te cu 11.00pm Diasabra y te cu 10 .00pm diadomingo. Mas cu 200 tents di diferente establecimento lo ta presente pa asina bende arte local, paña, bolo, cuminda di diferente cultura ( Local, Surinam, Colombia, Venezuela, Jamaica, Dominicano, hulandes, etc. ) E festival aki sigur lo ta uno hopi grandi pa e cantidad di artista y entretenimento cu lo tuma lugar durante e evento. Pa mas informacion sigui nos riba

Den e area di health & wellness lo tin diferente tents cu informacion di nutricion, movecion

w w w.f a c e b o o k .c o m / musicityaruba of twitter: #musicityaruba

di 15 aña. Esaki a sali publica den corant local diabierna mainta. E damita a wordo hiba den un cas bandona y a wordo abusa mas di 30 biaha door die e 13 hombernan aki. entre nan tabata tin un tata cu su dos yiu hombernan. E incidente aki a pone hopi tension riba e e famia di e victima, mirando tur e atencion cu e caso aki a haya den e medionan di comunicacion, e famia

a dicidi di muda y keda na un adres desconoci. Na Malesia abuso sexual ta pasa relativamente hopi, na 2012 como un 3 mil denuncia a keda entrega di abuso sexual, cual mitar di e casonan ta trata di mucha muhernan di bao 16 aña. Tur e 13 abusadornan a keda deteni y mester a aparece dilanti mesa berde y asina duna cuenta di nan acto cruel.

Polis a detene 13 homber pa a abusa di un damita di 15 aña, mas di 30 biaha

PUEBLO A H HAÑA SU PEN BEK

Pa kualkier informacion solodipueblo@gmail.com of

cu concierto di gospel na unda lo tin diferente coro y banda hacienda nan presentacion.

Recientemente polis na Malesia a detene 13 homber pa motibo di a abusa di un mucha muher

Pagina 18

Dialuna 2 Juni 2014

SOLO Deporte...... Organizacion Cabayista Arubano cu “team-building” pa seleccion di Jinete & Amazona Recientemente e seleccion di Jinete & Amazona di Aruba a bay riba un “Afternoon Snorkel Trip” riba e catamaran “De Palm Pleasure”. Un total di 14 mucha a participa y nan a pasa hopi leuk ta snorkel na Boca Catalina y na e barco hundi “Antia”. E trip aki a bira posibel danki na un gesto hopi apreciabel di De Palm Tours pa cu e muchanan cu den e prome siman di Juli lo competi den e Campeonato Mundial di Jinete y Amazona na

e ciudad di Pereira, na Colombia. Ta hopi importante pa e muchanan participa den actividadnan destina na logra “team-building” y De Palm Tours a ofrece O.C.A un man pa logra e meta. Durante e actividad, e hobennan a logra haci hopi cos hunto y esaki sin duda algun a trece e seleccion mas cerca di otro pa asina nan por sali como un team uni pa bay representa nos bandera.

Ta Bende

Honda Fit Japones 2001 Color Perla, Automatic, Full Equip., aerosport kit, power windows, power locks, power mirrors, airco, DVD Player, Mc Wheels Honda Original, HID Lights Pa mas informacion jama: 600-0501 of 600-8994 For Sale BMW 523i M-tech front bumper, 5Sp/PW/PS/ PB/ 18” Mag rims Tel: 567-8188 Awg. 11.000,Ta haci tur trabao Ta haci trabao di metslacarpinte- verf- plummingdrecha dak- plafondwelder- coriente- kap mata- haci cura limpi. Yama 563-8188/585-1147

Ta bende un mesa di biljard hopi bon condicion pa inf yama 5610148 / 5673062

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 19

Dialuna 2 Juni 2014

Solo Deporte...... ATCO Concrete Indians ta propina Red Machine nan di 4 derota den baseball AA A continuación di e campeonato baseball “AA” entre Atco Concrete Indians y e campeonnan Red Machine cu e anja aki ta pasando den un comienzo difícil cu solamente un victoria y 4 derota . Atco ta piki un careda den cabez di promer inning cu triple di Lynell Koolman y anota riba hit di Francis Kelly. Red Machine ta tuma ventaha cu 2 careda den bom di prome ayuda pa dos error di Marc Danies den right field. Den di 5 inning Atco ta bolter e score na nan favor anotando 4 careda contra e pitcher Jonathan Perez cu hit di Jason Orman pa empuha 2 careda. Red Machine ta anota nan ultimo careda den bom di shete y Angelo dos Santos ta bin pone 2 cero sigi y Aldemar Betrian ta será e ultimo entrada pa su di 2 wega salva. Pitcher Alfred v/d Linden tabatin tremendo labor permitiendo solamente

3 hit na Red Machine pa gana su di 2 wega (2-0) y perdedor tabata Jonathan Perez. Atco Concrete Indians: 6 careda, 8 hit y 2 error. Red Machine: 3 careda, 3 hit y 1 error. Mihor bateadornan pa Atco Concrete Indians : Jason Orman 5-4 , John A. Thiel 2-1, y Alvaro Maduro tambe di 2-1. Pa Red Machine : Derward Ruiz 2-1 y Marvin Brown 3-1. Diamars awor dia 3 juni lo bai tin e encuentro entre tata y jui esta e benjamínnan di AA cu tin solamente 1 derota , Bluefins v/s Atco Indians cu ta invicto. Pueblo di Noord bin aprecia e gran duelo di Noord pa 7.45pm den stadion Crismo Angela/ Nady Croes. Wak pa bo tei!!!! Sino por scuche via Top Fm cu Amador y Alex. Directiva di ABBA ta recorda e publico di bon baseball pa acudi na parque Nady Croes/ Crismo Angela pasobra baseball a start cu bon pia y bon wega !!!!

Pagina 20

Dialuna 2 Juni 2014

SOLO Local Seleccion Mundial cu training special

Probechando di e dia liber diahuebs ultimo, Organisacion Cabayista Aruba (OCA) a tuma e oportunidad pa organiza un training special pa e ekipo cu lo bay representa Aruba na e Mundial de Jinetes y Amazonas. E evento aki lo tuma lugar dianan 4,5 y 6 di Juli na Pereira, Colombia.

poco diferente di e norma mirando normalmente tur e jinete y amazonanan ta train individual. Bao e guia di e headcoach di e seleccion, Igor Kock, e muchanan a wordo dividi den grupo di 4 of 5. Cada grupo a drenta riba cabay pa asina core hunto y wordo evalua manera ta den competencia nan ta.

Riba e dia aki, henter e team di Aruba a bini hunto na Villa Floralina pa un team training, un

Cada mucha mester a haci nan recorido en conhunto, despues haci nan prueba individual pa

asina termina nan training. Despues di nan prueba cada mucha a papia un rato cu e headcoach pa asina haya sa kico nan por haci mihor. Despues di e training e headcoach a trece tur e muchanan hunto pa asina por splica y mustra nan e manera corecto pa haci tur prueba. E training aki tambe a duna e oportunidad pa varios mayor por wak e progreso di nan yiu y tambe e team henter. OCA ta contento

pa por bisa cu e training di seleccion ta progresando hopi bon y tur e muchanan

ta mustra cu nan ta cla pa por representa Aruba otro luna na Colombia.

Pagina 21

Dialuna 2 Juni 2014

ALERTA -- BIENTO FUERTE Y OLANAN HALTO. ALERT -- STRONGWINDS AND HIGH WAVES. ALERT -- HARDE WIND EN HOGE GOLVEN.

SOLO Local Brindando nos hendenan mas variacion

Medicosmetics Aruba a presenta producto di beyeza nobo pa e temporada aki Garnier y Maybelline New York ta amplia nan portfolio Recientemente tabatin un anochi di presentacion oficial di e prestigioso marca di cosmetico Maybelline New York y e linea di producto di cuido di cabey; Garnier, na Renaissance Convention Center, unda cu Rainira Leander a haci un excelente presentacion. Tanto Maybelline New York como Garnier ta producto cu ta existi pa 100 aña caba y den transcurso di tempo a conkista un mercado amplio y varia. Awo nan a caba di saca algun producto nobo, specialmente pa tur e damanan cu semper ta buscando e ultimo den e lineanan di producto di beyesa y cuido di cabey. Maybelline New York a lansa e productonan: Master Hi-Light un ‘light boosting blush & bronzers

– Master Glaze glisten blush stick – Dream Wonder smooth whipped powder – Baby Skin Instant pore Eraser – Lipstick Color Elixir Creamy Lip Lacquer – Lipstick Color Sensational The Buffs – Color Show Nail Lacquer y Street Art Textured Top Coats. Mayoria di e productonan ta bin den diferente tono y variacion y cada un ta garantisa un miho look natural. Garnier tambe a presenta algun producto; Garnier Prefered Clean + Best Care – Garnier Ultra Lift, cu ta un solucion anti embehecimento – Ultra Lift Transformer Anti Aging Skin Protector, cu ta mas un tratamento y ta specialmente pa e hendenan 50 plussers – Garnier Olia, cu ta un producto di tiña cabey cu a pesar di su nomber, no

ta laga bo cabey keda vet, pero si ta penetra mas profundo y ta keda mas largo y tambe e shampoo y conditioner mas nobo, Damage Eraser. Ambos producto ta bin di un empresa cu hopi aña di experiencia den fabricacion y distribucion di e productonan di

beyesa popular, cu ta conta cu e calidad di mas halto y di gran prestigio den mercado. Busca bo productonan di Maybelline New York y Garnier y disfruta di un gran experiencia di beyesa total, reflehando un look mas natural y espectacular.

PRONOSTICO DI TEMPO PA ARUBA VALIDO TE DIALUNA 2 DI JUNI 2014 COMPILA: DIADOMINGO 1 DI JUNI 2014 17:00 (21:00 UTC) TEMPO: PARCIALMENTE TE LEVEMENTE NUBLA Y NO TA ANTICIPA AWACERO SIGNIFICANTE. TEMPERATURA MAXIMO 33 GRADO CELSIUS Y TEMPERATURA MINIMO 27 GRADO CELSIUS. SOLO TA SALI 06:14 AM Y TA BAHA 07:03 PM. BIENTO: FRESCO TE FUERTE DI DIRECCION OOST CU AVERAGE DI 22 NUDO Y CU BIENTO MAXIMO DI 34 NUDO. SITUACION GENERAL: E TEMPO TA BIRANDO MAS STABIEL Y SECO RIBA DIALUNA. DOOR CU E DISTURBIO DEN NIVELNAN HALTO TA DEBILITANDO, NUBIANAN DEN MESUN NIVEL TA BIRA MENOS. E BIENTO TA KEDA FUERTE PA E SIGUIENTE DIANAN. UN YOBIDA LEVE Y BREVE POR CAI DEN ORANAN DI MARDUGA PA MAINTA TEMPRAN PERO E CANTIDAD DI AWACERO NO TA SIGNIFICANTE. TEMPO TROPICAL: NADA DI IMPORTANCIA. CONDICION DI LAMA: OLANAN TA BINIENDO FOR DI DIRECCION OOST CU HALTURA DI 6 TE 9 PIA. TENE CAUTELA RIBA LAMA DEBI NA E BIENTO FUERTE. PROSPECTO DI TEMPO PA E CUMIENSO DI E SIMAN: PARCIALMENTE TE LEVEMENTE NUBLA Y NO TA ANTICIPA AWACERO SIGNIFICANTE. BIENTO TA KEDA FRESCO TE FUERTE. TEMPERATURA LO FLUCTUA NET RIBA NORMAL. REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA : AIRPORT MAX 32 / MIN 27 / 0.00 HADICURARI MAX 30 / MIN 27 / 0.00 E PROXIMO BULLETIN LO WORDO PUBLICA DIALUNA 2 DI JUNI 2014 17:00 (21:00 UTC)

Pagina 22

Dialuna 2 Juni 2014

Solo Local...... Minister di Enseñansa a subi barco compaña pa algun studiante y docente di scol

USS Eagle a keda contento cu nan bishita na Aruba Ta trata aki di e barco di bela USS Eagle, di US Coast Guard cu desde siman pasa ta mara den nos waf na Oranjestad. Diabierna merdia Minister di Enseñanza, Michelle Hooyboer-Winklaar a haci un bishita oficial riba e barco, unda e mariniernan hoben ta train entre 6 pa 8 luna. Diahuebs ultimo e mariniernan abordo a duna Minister Hooyboer un man pa yuda verf St. Michael School na Brazil y diabierna e mandatario a yega hunto cu 14 alumno y docentenan di enseñanza pa por a subi e barco y almorza cu e capitan y haya un tour inolvidabel riba e barco. "Nos a selecta un grupo di studiante y docente masha special, cu ta destaca den enseñanza pa compaña mi riba e barco. Mi ta haya cu esaki ta un honor grandi, cu sin duda lo mi kier a comparti cu nan", asina Minister HooyboerWinklaar a enfatiza. Di otro banda, e bishita aki ta di masha importancia pa e mariniernan mes cu ta den training pa incorpora den US Coast Guard. Nan a haya bon oportunidad pa papia cu nos hendenan, pa intercambia ideanan, pa cera conoci miho cu nos isla. Aspectonan di nos enseñanza, cultura y custumbernan tambe a bini padilanti durante e combersacion cu nos hendenan. Durante e bishita di USS Eagle a pone hopi enfasis riba enseñanza, despues di varios reunion cu a tuma lugar entre Ministerio di Enseñansa y e consul general di Merca pa Caribe Hulandes staciona na Corsou. E resultado tabata 2 actividad unda e mariniernan a contribui cu enseñansa durante

nan bishita na Aruba, un tabata e verfmento di St. Michael School y tambe nan a hunga un wega di futbol amistoso contra e ekipo local SV Britannia. "Di e forma aki, e mariniernan Mericano sin duda ta pasa bishita Aruba, ta descansa un poco di nan proceso di training, pero tambe a haci trabao comunitario pa nos pais, algo cu nos ta aprecia masha. E idea ta pa nos sigui probecha di e tipo di bishitanan

asina, nos enseñansa sin duda mester di dje", asina Minister Michelle

Hooyboer-Winklaar a duna di conoce durante un conversacion riba USS

Eagle.

Pagina 23

Dialuna 2 Juni 2014

Solo Local...... Bebiendo Coca Cola el a gana pasashi y tur cos paga pa bay Brazil

Cristal Martha ta bay mira wega entre Hulanda y Spaña Por sigui manda SMS pa gana hopi otro premio mas Apenas el a manda un SMS siman pasa cu e codigo bou di e tapadera di Coca Cola, cu ya Cristal Martha a logra bira e ganado di e premio grandi di pasashi pa dos persona, cu tur cos paga, pa bay mira un wega di futbol di e campeonato mundial di FIFA na Brazil. Recientemente Tropical Bottling Company, agente di Coca Cola di Aruba, a entrega e premio aki. "Esaki ta un di e momentonan grandi den nos campaña, pa hiba dos persona Brazil cu tur gasto paga", asina Vanessa Hollander, gerente di mercadeo y promocion di Tropical Bottling Company a bisa na momento di anuncia ganado di e campaña di busca un codigo bou di e tapadera geel di Coca Cola. Siendo un di e patrocinadonan principal di e campeonato mundial di futbol organisa pa FIFA, Coca Cola ta gasta mas o menos 30 mil florin na gasto di viahe pa dos persona mira algun wega di e campeonato mundial. E ganado, Cristal Martha, a bisa di a keda masha contento di a gana e premio aki. E mes no tabata planea pa bay Brazil, pero cu e premio aki sigur e no lo ni pens'e dos bes. El a conta cu e ta bebe Coca Cola cu masha frecuencia pero a warda e tapaderanan y ta apenas dos dia prome el a cuminsa manda e mensahenan. Vanessa Hollander a conta cu e ganado ta ricibi pasashi y tur cos paga pa

dos persona bay 3 dia Rio de Janeiro y 3 dia Salvador na Brazil. Na Salvador lo bay mira e wega entre Hulanda y Spaña. Separa di entrega e premio grandi, tambe a regala como 19 premio mas, cu ta den cuadro di e campaña di Coca Cola. "Apenas nos ta na mita di e campaña, pues tin hopi premio mas",tur siman 20 premio di Coca Cola y otro companianan sosteniendo e campaña. Segun Vanessa Hollander a splica. E premionan ta varia for di productonan di Coca Cola te cu biahe pa Punta Cana, pa Panama y sin lubida airco y stoof di AMC Unicon, celular di Setar, premio di Sport Caribe (Adidas), di Aruba Bank, Renaissance Marketplace, The Cinema’s, Texas do Brazil, De Palm Tours, Kooyman, Aquarius Restaurant, Little Switserland, Sam’s, Tango tours y Funmiles. Pa por a participa, Cristal Martha a cumpra un Coca Cola di 20 ons, a ricibi un codigo bou di e tapadera color geel y a mand’e via SMS na number 6565 via Setar. E campaña a dura 12 siman largo y separa di otro premionan, awor a regala un biahe pa dos persona pa Brazil pa mira e wega di Hulanda contra Spaña dia 13 di Juni 2014. E tremendo campaña aki ta posibel danki na e sosten di Aruba Bank y Setar. Ta invita tur bebedo di Coca Cola pa check e code bou di e tapa color geel, mand’e via SMS y bo ta participa cu chens di gana mas premio!

Pagina 24

Dialuna 2 Juni 2014

Noticia Local.... Durante AIDS Candlelight Memorial di Women’s Club of Aruba

Xavier University y Laboratorio Familiar a coopera cu Feria di Salud Dia 18 di Mei ultimo Women’s Club of Aruba (WCA) a celebra e di 31 AIDS Candlelight Memorial. Esaki ta un evento cu ta wordo celebra rond mundo y e tema di UNAIDS pa

2014 ta ‘Laga nos tene e luz riba HIV’, traduci na Ingles e ta ‘Let’s keep the light on HIV’. WCA a celebra esaki cu un caminata di Linear Park pa Renaissance y bay bek, caminda studiante-

y profesornan di Xavier University School of Medicine cu nan invitadonan di Aureus University School of Medicine a participa hunto cu miembronan di WCA y publico presente. A cende

4 bela di diferente color: un berde (speranza), un cora (apoyo), un preto (fayecidonan) y un blanco (concientizacion) pa nos corda riba tur esnan cu ta sufri di HIV y pa recorda tur esnan cu a fayece di e enfermedad aki, lagando nan famia den sufrimento atras. A cende bela tambe pa tur e hobennan di Aruba, pa nan por concientisa nan mes tocante e enfermedad aki y pa den futuro nan tambe por contribui pa biba den un mundo liber di HIV/AIDS. Xavier University a keda encanta di por a participa na e Feria di Salud cu e futuro dokternan di medicina, kendenan a duna consulta gratis na e bishitantenan tanto local como di exterior. Gobernador interino Su Excelencia Sra. Ella Tromp-Yarzagaray tabata presente na e ocasion aki y a haci uso di e oportunidad pa haci su test gratis y a keda contento cu e resultado. Tambe Laboratorio Familiar tabata presente na e Feria di Salud, caminda publico por a haya informacion di diferente topico di salud,

haci un test gratis di HIV y ricibi splicacion priva tocante esaki. Riba tereno di medicina tin hopi avance pa mehora bida di esnan infecta, pero ainda tin hopi barera pa supera, pa tur persona infecta y afecta door di HIV por biba un bida sin stigma y sin descriminacion. Sra. Mily Henriquez hunto cu dr.Gil Apacible di Xavier University a inicia e anochi di concientisacion aki y sra. Omaira Silva, presidente di WCA, a duna contenido na e tema di 2014. Na final tur presente a forma un cinta bibo teniendo un bela blanco den nan man y hisando esaki na laira pa conmemora y clausura e anochi aki. Sra. Milagros Posner, kende pa varios aña ta chairman di e comision di HIV/AIDS ta trahando incansablemente pa yuda nos comunidad bira cada dia mas conciente di e malesa aki, ta gradici tur cu a coopera pa nan sosten y apoyo. “One Club, One Team in Unity for Voluntarism”! 2013 – 2014

Polis a para fiesta Asistencia di Polis a wordo pidi diasabra pa 3.15, na O Restaurant pa un pelea. Segun testigonan dos grupo di hoben a bin busca problema y a bringa cu otro, pero ya a bay for di e lugar. Polisnan a bay paden y a papia cu e guardia, kende a bisa cu ta trata di un gang di San Nicolas vs esun di Santa Cruz. E guardia a bisa

cu e grupo di Santa Cruz a bisa cu nan lo bolbe cu arma di candela pa caba di regla e asunto cu e gang di San Nicolas. E guardia a pidi polisnan pa para e fiesta debi na e peleanan. Ora cu polis a controla e permit a resulta cu a pasa e ora stipula den e permit y a para e fiesta. Polisnan a stop e fiesta y a manda y tur hende cas.

Pagina 25

Dialuna 2 Juni 2014

Noticia Local.... “Duna arte un lugar digno den bo bida”

Resultado di e concurso 1 aña website: artisit.webs. com

e ganadornan di curason y ta bai tuma contact cu nan masha pronto.

Ganadornan di premionan di e concurso 1 aña website: artisit.webs.com a bira:

3) S. Chobin 6) Josselyn van der Linde.

Poco tempo pasa a parece e video Tiffany works of art made by Waldy Simson part 3. Den e video informacion ta wordo duna tocante, entre otro, spilnan y composicionan di colo cu a wordo traha den tiffany dor di artista polifacetico Waldy Simson. E video por wordo mira via e website di Waldy Simson: artisit. webs.com, YouTube, facebook y Google.

Waldy Simson ta felicita tur

Waldy Simson

1) Emmy Verschoor 4) Jessica Maduro Irausquin 2) Marijke 5) Cynthia Tolud

Smuller

Via Facebook di Simar:

Directiva Diario a firma sin consulta miembro

Siña pa Bo biba Comision di Salud (Health Committee) di Women's Club of Aruba cu ta promove salud di nos comunidad ta kere den Prevencion. Den tur e proyectonan cu nos a organiza den curso di añanan nos por ripara cu Prevencion a sobresali. Segun calculonan a descubri cu e percentahe di cancer na pecho cerca hende muher ta hopi halto aki na Aruba. Esey ta un motibo pa nos hende muher, siña con e mes por controla y samina su pecho-nan y ripara si tin algo straño. E comision di Salud di Women's Club hunto cu Mary-Joan Foundation,

tur e organizacionnan concerni a uni pa traha na bienestar di nos comunidad. Consulta con pa siña haci e saminacion bo mes ta bay ta riba 7 y 14 di Juni venidero. Diasabra 7 di Juni, 2014 na: IMSAN (Centro Medico), San Nicolas pa: 10:00 am -2:00 p.m. Diasabra 14 di Juni, 2014 na : Hospital Dr. Horacio Oduber, Oranjestad pa 10:00 am. pa 2:00 p.m. *Tur Informacion y consulta riba e 2 dianan aki ta completamente gratis. “One Club, One Team in Unity for Voluntarism”! 2013 – 2014

Siña pa Bo biba ! Ta invita Bo pa bin siña samina Bo pechonan pa por detecta

DIANAN: Diasabra, 07 di juni 2014 IMSAN San Nicolas Orario 10:00 am pa 2:00 pm

na tempo

Diasabra, 14 di juni 2014 Dr. Horacio Oduber Hospital Orario 10:00 am pa 2:00 pm

Cancer di Pecho

Conhuntamente cu:  Mary Joan Foundation  BOB (Stichting Bevolkingsonderzoek Borstkanker Aruba  Koningin Wilhelmina Fonds  Mammapoli  XAVIER University School of Medicine  y cu cooperacion di nos dokternan femenino di HAVA (Huisartsen Vereniging

Aki un miembro ta puntra ta kico a wordo firma y nan a contesta pa warda! Nos ta puntra nos mes te con leu e tipo di dirigentenan sindical aki ta kere cu nan por yega, ora cu nan ta maneha un sindicato y un directiva diario ta dicidi pa tur e miembronan. Esaki ta loke nos ta considera un golpi mahos ariba e miembronan, kende no a wordo consulta. Den un post via facebook, e sindicato ta contesta un miembro cu nan tin cu

HAVA (dokternan femenino di cas), Mammapoli di Dr. Horacio Oduber Hospitaal, Koningin Wilhelmina Fonds, BOB (Bevolkings Onderzoek Borstkanker) a bini cu e proyecto pa haci e hende muher consciente cu e mester controla su pechonan y siña e hende muher con e mes por hacie na e manera corecto. E slogan di e proyecto ta: "Siña pa Bo biba". E dokternan femenino di cas, lo ta presente pa siña e damanan con nan mes por samina nan pechonan tur luna. Tambe 2 dokter femenino di Xavier Univerity lo duna un man. Fuera cu e ta un proyecto importante, ta hopi bunita pa mira con

Aruba)

Women’s Club of Aruba Pa mas informacion CONTACT: Health Committee Members

warda pa haya e protocol firma pa asina por mustra e miembro. Ta ki sorto di mentalidad esaki ta? Ken ta dirigi Simar? Un set di dictadornan Avepista sin moral, sin diginidad, sin berguenza?

592 7133 - 582 3152 - 582 1187 593 1580

Women’s Club of Aruba

Pagina 26

Dialuna 2 Juni 2014

Merdia Diadomingo 01 Juni:

Resultado di number: Merdia Diasabra 31 Mei: Catochi

Big 4

7999 6687 5614

5933

Zodiac

Lotto di Dia

7566 Sagitario

xxxxxxxxxxx

Catochi

Big 4

2344 0387 4259

5224

Zodiac

Lotto di Dia

7023 Tauro

01 – 02 – 23 – 27 – 30

Sto Dom

Anochi Diasabra 31 Mei: Catochi

Big 4

2112 2093 9319

5154

Zodiac

Lotto 5

6528 Virgo

17 – 22 – 02 – 33 – 24 Joker: 31 Letter: E

Lotto di dia

Corsou

07 – 25 – 01 – 24 – 26

9950 5638 5291

4906

Obtenibel na Jess Lottery banda di Wema Sta. Cruz:

0344

Powerball Mei 31 :15-27-31-34-48-1

0526

Diario

Super 4

2824

8403

7219 7159

4 skina DIA 2479

4 Skina Cur 4606

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Mega Millions Mei 30 : 10-13-42-43-62-2

Telefonnan importante: BOTICANAN: Maria Di Servicio Noord Seroe Preto Fergusonstraat Kibrahacha NV Oduber NV Paradera Santa Cruz San Lucas San Nicolas Santa Anna Trupial Eagle 4 Centro Medico Aloe Central NV Dakota NV Del Pueblo

585-8145 586-4606 584-4833 583-0620 582-2007 582-1780 588-6638 585-6890 584-4830 584-5712 586-0027 582-8671 587-9011 584-5779 584-4606 585-1965 588-7364 582-1253

POLIS: Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222 Fundacion: Cas Fada FAVI Famia Planea Autismo Aruba Pa Hende Muherrr Pa Hubentud Bloedbank Aruba Solo di Pueblo Canal 22 Tip pa redaccion

584-2050 583-2999 582-5051 588-9591 588-1179 583-5400 588-6138 587-4260 585-9500 585-9500 592-6895

Dokter y Botica na Warda pa bao di Brug: Yama pa informacion na Horacio Oduber Hospital: 527-4000

Dokter y Botica na Warda pa riba di Brug:

Yama na Centro Medico

524-8833

Pagina 27

Dialuna 2 Juni 2014

Publica bo clasificado, awor cu prijs pa siman: Afl. 35.00 pa 1 siman / Afl. 140.00 pa luna. Pasa na nos oficina na Sta. Cruz 110 of e-mail nos na solodipueblo@gmail.com TA BENDE 2 CAS NA TANKI LEENDERT TERENO PROPIEDAD 10.780 M2 NA MONTAÑA 2 CAS NA PARADIJSWIJK YAMA : 5937118. CLASIFICADO

Bo tin mester di un fotografo ON THE SPOT pa bo fiesta di cumpleaños, ricibimento of otro actividad? Nos ta GARANTIZA bo un super BON prijs! Yama 5620119 of 7403140 CLASIFICADO

SOPI DI DIA

f 9,50

1/2 CHICKEN

f 15

Cilantro Grill situa dilanti Colegio San Hose na Sta. Cruz, tur dia tin specialnan di dia. Yama haci bo pedido:

Sta Cruz Barber Shop a habri su porta. Habri tur dia te cu 9’or anochi. Situa dilanti Colegio San Hose, (banda di Blush). Pasa cerca nos y nos lo drecha bo look y ponebo master master!

Pa bestel bo plato yama nos na 587-0430

TA BENDE

Un fax machine marca: SHARP den bon condicion. Plain paper Prijs: fls. 125, Yama: 593 - 8182

f 9,50

Prepara riba carbon natural. Cu pan bruin of aros + saus.

Pa pedido

CUMINDA

Cushina di Dochi Lee NOS SNACKS tur dia tin special di dia. bestel bo cuminda tempran na 585-2585

Fundacion biba feliz ta busca un sirvienta interna cu experiencia pa cuida un persona di edad. interesado nan por yama na tel 5856741 entre 1:00 y 4:00 pm. o ta acepta persona nan cu no tin permiso pa traha .

f 15

DUSHI PINCHO!

DUSHI PINCHO!

Prepara riba carbon natural. Cu pan bruin of aros + saus.

594-0635

TA BUSCA

Prepara riba grill. Ta bin cu aros, salada + banana.

Prepara riba grill. Ta bin cu aros, salada + banana.

CORONA

Tur dia tin specials di dia na Topacio Restaurant, situa banda di Botica Noord.

Special di 11:30 am. pa 3 pm.

Special di 11:30 am. pa 3 pm.

585-8459

Barber

DIADOMINGO

DIASABRA

Pa pedido

CUMINDA

Specials

Specials SOPI DI DIA MIXED BBQ

CUMINDA

585-8459

UPHOLSTERY Estableci desde 1997

Unda bo trabao ta garantisa 100+100% PARADERE SHIRIBANA 4 – TEL: 566-4358 y 583-1146

Nos tin hopi experiencia di verf y renoba tur set di sala y recliner Y tambe nos tin tur sorto di tela pa fura.

Riba muebles Europeo y Americano

Tambe nos tin areglo di pago.

Mito Upholstery

ta fura tur tipo di stoel di cas, oficina, bar, rest, tambe auto, pick up, etc traboao garantiza tel : 5852843 cel: 6608780

TA HUUR

CUMINDA

Sta Cruz Bar y Restaurant. Pa pidi cuminda yama: 585-8088

Ta huur espacio comercial na Centro Comercial Noord. Perfecto pa cualkier sorto di oficina. Adres: Noord 82. Pa informacion yama 730-7000

TA HUUR Ta huur Trappers Club pa cualkier ocasion. Airco, espacioso. Pa fiesta di ricibimento, reserva tempran. Tambe pa encuentronan religioso. 748-8280

garage sale

awe y mayan panja nan den bon condishon mucha muhe 2 y 10 anja mucha homber 7 anja y hopi cos nan mas 1 te 5 fls sale y tambe tin un paar di mata. hooiberg 27g riba caminda pa indian rock.

TA BENDE Chica Pos Marios Septic Tank

PORCO DI DOS LUNA BIEU AFL 60,- PA UN TEL 5941317 / 5859870

Servicio Rapido pa chica pos. Pa servicio yama: 5603500

Pagina 28

Dialuna 2 Juni 2014

Solo Local...... Minister Hooyboer-Winklaar ta felicita Universidad di Aruba cu evaluacion positivo di Acreditacion Facultad di Ley ta haya seyo di calidad internacional Despues di un trayecto intensivo cu varios evaluacion Universidad di Aruba a ricibi recientememte e grato noticia for di Hulanda cu e resultado final di acreditacion ta uno positivo pa e estudionan di facultad di ley di nos Universidad. Ambos e Bachelor como e Masteropleiding Rechtsgeleerdheid ta cumpli cu tur e standaardnan internacional di acreditacion y ta ricibi reconocemento di e instancia oficial di acreditacion di Hulanda y Belgica esta Nederlands Vlaamse Accreditatieorganisatie (NVAO). E evaluacion final a tuma luga november ultimo unda cu un panel di experto a studia varios documento y material y a tene diferente combersacion cu stakeholders di e estudionan. E evaluacion tabata riba diferente componente riba nivel di e meta y contenido di e estudionan, calidad di docente, calidad di facilidadnan y guia, e systema di cuido di calidad y evaluacion y por ultimo e resultadonan di estudio. E resultado final tabata positivo y esaki a keda publica oficialmente siman pasa door di NVAO. Minister Hooyboer-Winklaar ta expresa su satisfaccion cu e resultado final y ta felicita Universidad di Aruba y e Facultad di Ley cu e logro grandi aki. Segun Minister HooyboerWinklaar nunca nos no a duda den e calidad cu Universidad di Aruba ta ofrece, pero esaki ta un confirmacion importante di un instancia externo y independiente cu nos Universidad ta ofrece

calidad y por midi su mes cu cualkier Universidad den exterior. Pa por ofrece calidad na un nivel internacional riba un isla chikito tin su retonan, pero Universidad di Aruba a demostra cu esaki ta posibel y nos mester ta sumamente orguyoso di esaki segun Minister Hooyboer-Winklaar. E facultad di ley ta e prome facultad di Universidad cu ta haya e evaluacion positivo aki. E demas facultadnan ta den e mesun proceso y pronto por spera cu nan tambe lo finalisa e trayecto di accreditacion cu exito. Na 2012 IPA tabata e prome instituto na Aruba pa ricibi e seyo di calidad. E proceso di accreditacion tabata largo pa ambos Universidad di Aruba como IPA door cu Aruba mes mester a lobby hopi pa por participa na e systema di accreditacion di Hulanda mirando cu esaki tabata mara na un ley di Hulanda cu a keda introduci na a単a 2003. Prome cu esaki nos no tabata conoce e systema di accreditacion, pero mas bien e systema di visitacion cu a yega di tuma luga varios biaha na Aruba door di entre otro HBO-raad y Asociacion di Universidadnan di Hulanda VSNU. Na a単a 2006 e participacion di Aruba y Antiyas na e sistema di acreditacion a wordo haci posibel door di minister Van der Hoeven di Hulanda y desde 2008 a logra haya financiamento via di FDA pa por cubri e gastonan mirando cu ta trayectonan hopi costoso. Minister HooyboerWinklaar tin admiracion grandi pa e determinacion di e institutonan di ense単ansa superior di nos pais mirando cu nan

mes a mira e necesidad y importancia di midi nan calidad y di demostra nan mes. Minister HooyboerWinklaar ta mira cu e logro aki lo tin un impacto grandi pa nos ense単ansa superior na Aruba. Mas porta lo habri pa cooperacion internacional y e interes di studiantenan pa studia na Aruba mes lo subi mirando cu awo nan por ta garantisa cu nos institutonan ta cumpli cu tur e standaardnan internacional di accreditacion. Minister Hooyboer-Winklaar ta felicita tur cu a traha duro pa haci e logro aki posibel. Un pabien grandi na tur studiante, docente, personal di sosten, team di maneho di Universidad y na Aruba completo. Aruba por ta oruyoso di nos Universidad di Aruba!

Pagina 29

Dialuna 2 Juni 2014

Solo Local...... Pa sostene fundacion "Bon Nochi Drumi Dushi"

Minister Michelle Hooyboer a sinta 4 ora pa recauda fondo

For di diasabra atardi 5:00pm te cu 9:00pm, Minister Michelle H o o y b o e r- W i n k l a a r, encarga cu maneho di Ense単ansa di nos pais y un sostenedo fiel di Fundacion Bon Nochi Drumi Dushi, a participa den forma activo na e "paalzitten" na Cafe The Plaza. E a単a aki, e organisadonan ta dedica tur fondo recauda na Fundacion Bon Nochi Drumi Dushi, cu a yega eynan cu stand di buki pa bende y hopi mas. Di e forma aki e fundacion kier logra yega na mas fondo pa por sigui

cu nan trabou di promove lesamento na cas y pa den algun caso, nan mes bay cas cu boluntarionan pa lesa pa e muchanan prome cu nan bay drumi. Minister Michelle Hooyboer-Winklaar na varios ocasion a bishita casnan pa lesa buki pa e muchanan, como un muestra di sosten y pa encurasha mayornan pa sigui haci esey a base regular pa nan yiunan. Ta un hecho cu lesamento ta yuda habri conocemento di e muchanan, ta haci nan mas sabi y ta yuda nan den compronde y domina idiomanan miho.

Aunke hopi cansa na final, e mandatario a bisa di a

keda satisfecho di por a duna un man substancial

pa yuda e fundacion yega na nan meta.

Pagina 30

Dialuna 2 Juni 2014

Minister Dr. Alex Schwengle

Renobacion di Hospital ta mara na mas calidad di cuido

“Laga tur locual cu ta sperami ta bunita, Laga tur locual cu mi encontra den mi caminda ta bunita, Laga tur locual cu ta rondonami ta bunita, Laga tur locual mi laga atras keda bunita y laga esakinan Termina den tur buniteza” A fayece inesperadamente:

Alisha Ninotchka Thijsen *25 Maart 1997 - † 31 Mei 2014 Acto di entiero lo wordo anuncia despues!!!

Cu un inversion di riba 252 miyon florin den e siguiente 4 añanan, Aruba ta cla pa tin un di e hospitalnan di mas moderno y eficiente den nos region. Pero mas cu e edificio nobo, e Minister di Salud Publico y Deporte a bisa cu e calidad di cuido tambe lo conoce un mehoracion substancial. Diaranson atardi Dr. Horacio E. Oduber Hospitaal a organisa un ceremonia di "groundbreaking" den cual a pone e prome piedra pa e trabounan di construccion di edificionan nobo y despues renobacion di esun existente. SOGA, hunto cu AIBBank ta encarga cu e financiamento, mientras cu construccion lo ta den man di e compania OHL Arellano Construction Company di Miami cu lo tin

como partner local ALBO Aruba, Bohama, AWM Caribe, Croon y C.H.S. Minister Dr. Alex Schwengle, encarga awendia cu Salud Publico, Cuido di nos Grandinan y Deporte a bisa den su discurso cu p'e e ocasion ta masha special. E ta imagina su mes cu si e tabata un specialista trahando ainda den Hospital, cu e lo tabata hopi orguyoso di e logro aki. Pasobra construccion y renobacion di e edificio no ta solamente construccion, sino ta e plan pa hisa e calidad di cuido. Riba dje, e edificio nobo y esun renoba lo no ta beneficioso solamente pa e pashentnan sino tambe pa e propio empleadonan cu ta traha diariamente eyden pa ofrece un cuido

excepcional. Cu e proyecto aki, ta subraya no solamente e necesidad pa por traha den un edificio nobo y moderno, pero tambe e ta simboliza e era nobo cu cuido na Aruba ta drenta aden awo. "Y ta maneho di Gabinete Mike Eman I y II, cu nos ta traha duro pa ofrece mihor calidad di cuido". Na final, Minister Dr. Alex Schwengle a enfatisa cu e edificio nobo so no ta suficiente. "Nos mester uni y dialoga mas cu otro, hunto nos mester yega na protocolnan nobo riba e nivel di calidad di cuido cu ta brinda na pashentnan. Pues ami ta cla pa yuda den e proceso, pero mi lo mester di Boso pa duna un man pa nos alcansa un Hospital di 5 strea".

Staff y personal di Ad Patres funeral home ta extende nos mas sincero condolencia na famia di e fayecida. Condolencia por wordo manda riba nos website: www.adpatres.webs.com

Si Dios ta cu nos ken porta contra di nos A fayece cristianamente:

Sr. Vdo Jossy Emanuel Arends Mihor conoci como: “Dotty ” Na edad di 77 aña

Ta invita tur amigo, bisiña y conoci pa asisti na e acto di entiero cu ta tuma lugar Diarazon 4 di Juni pa 10’or di mainta saliendo for di the Olive Tree Funeral Home pa santana catolico na Playa. E resto mortal lo ta reposa for di 9’or di mainta den The Olive Tree Funeral Home na Cumana. Nos ta lamenta cu despues di entiero nos no por ricibi bishita di condolencia na cas. Nos kier a pidi nos disculpa si nos por a lubida un of otro famia den nos tristeza.

Invitacion Special na Trideum, di Spirito Santo Diadomingo 8 di Juni, Pentecoste Celebracion masha importante di nos religion Catolico.

Dia: Ora: Lugar:

5-6-7- di juni 2014 5:30 P.M. Pro Catedral San Francisco

Pagina 31

Dialuna 2 Juni 2014

Obituario Solo di Pueblo........ “ Laga tur locual, cu ta sperami ta bunita, Laga tur locual, cu mi encontra na caminda ta bunita, Laga tur locual, cu ta rondonami ta bunita Laga tur locual mi ta laga’tras keda bunita y laga esakinan termina den tur buniteza. ”Cado Wever Cu inmenso tristeza na nos curazon, pero agradecido pa tur locual ela haci y significa pa nos, nos ta participa fayecimento cristian di nos mama, wela, bisawela, ruman y tanta stima:

Sra.Vda. Maria Salomé DirkszRosenberg Cariñosamente yama: “Meme” of “Chichi”

Na nomber di su: yiunan: Frida Dirksz Esi y Margarita Dirksz-Pantoja Mena Dirksz Rudolf Dirksz Joy Dirksz Mescos cu yiu: Suzette Boekhoudt y Andre Kelly y yiunan nietanan: Myrenne Dirksz y Jonathan Tromp Crystal Dirksz y Eldridge Weller Lizienne Dirksz y Gregory Giel Carolina Dirksz Angelina Dirksz nisanieto: Jaythan Tromp bisanieta: Elayna Weller rumannan: † Cecilia Geerman-Rosenberg y famia Sra.Vda. Agnes Croes-Rosenberg y famia Martina y Nico Boekhoudt-Rosenberg y famia Ex-suegra: Mayra Tromp y famia cuña: Sra.Vda. Janda Dirksz-Boekhoudt y famia amiganan: Sra.Vda. Ida Tromp y famia Tineke Jansen y famia Marian Trapenberg y famia ayudantenan: Celestina y Piri Rojas sobrino y sobrinanan: Nanuska Maduro-Geerman y famia Jean Pierre Geerman y famia Nelson Croes y famia Ronnie Croes y famia Miriam Croes y famia Charwin Boekhoudt primo y primanan, comer y compernan, ihanan y demas famia ta invita tur amigo, bisiña y conoci pa asisti na e acto di entiero cual ta tuma lugar diarazon 4 Juni 2014 pa 3’or di atardi saliendo for di the Olive Tree Funeral Home -Cumana pa santana catolico “Pastor Kraanwinkel” na Paradera. E resto mortal lo ta reposa for di 1’or di merdia na the Olive Tree Funeral Home, Av. E.J. “Watty” Vos 44, Cumana.Adres pa condolencia:

the Olive Tree Funeral Home - Cumana

Diamars 3 Juni 2014 di 7’or pa 9’or di anochi Nos ta lamenta cu despues di entiero nos no por ricibi bishita di condolencia na cas. Nos kier a pidi nos disculpa si nos por a lubida un of otro famia den nos tristeza.

Gradicimento y Invitacion

Pa medio di esaki nos kier a gradici tur esnan cu di un of otro manera a mustra nan atencion durante enfermedad, fayecimento y entiero di:

Sra. Leoncita “Chichi” Lamper-de Cuba Gradicimento ta bay tambe na tur cu a manda flor, krans, telegram y cu a yama nos. Boso muestra di atencion tabata y ta un gran consuelo pa nos. Alavez nos kier a invita pa tres santo sacrificio di misa, ariba: Dialuna 2 Juni 2014 Diaranzon 4 Juni 2014 Diahuebs 5 Juni 2014 tur pa 7 or di anochi na Misa Birgen di Fatima na Dakota. Boso presencia lo ta altamente aprecia. Na nomber di su esposo, yiunan y demas famia “Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haya forza”. Salmo: 23 A fayece Cristianamente :

John Carl Larmonie *23-01-1933 †31-05-2014

Acto di entiero lo tuma lugar diamars 3 di Juni 2014 na misa Sagrado Curason pa 4’or di atardi, despues lo sali pa Santana catolico na Savaneta. E restonan mortal lo ta reposa for di 2’or di merdia den misa. Si den nos tristeza nos a lubida algun persona, nos ta pidi nos disculpa. Adres pa condolencia: Aurora Funeral Home, dialuna 2 di Juni 2014 di 7’or pa 9’or di anochi. Despues di entiero no ta ricibi bishita di condolencia na cas.

De Here is mijn licht en mijn heil, voor wie zou ik vrezen? De here is mijns levens veste, voor wie zou ik vervaard zijn? Psalm 27:1 Dankbaar voor alles wat hij voor ons heeft betekend, delen wij u mede dat van ons is heengegaan, Met diepgelegenhied maken wij bekend; Mijn echtgenoot, onze vader, broer, oom, zwager, neef en lieve opa

HAROLD ROOHIET BALGOBIND 26 Maart 1951 30 Mei 2014 Omringd door zijn dierbaren, heeft hij op moedige en waardige wijze afscheid genomen van het leven. De uitvaartdienst zal gehouden worden op woensag 4 juni, 2014 om 3.00pm in de Iglesia Emmanuel, Granada weg 12C, Cumana. Het ligt vanaf 1.00pm opgebaard. De begrafenis zal plaatsvinden te Sabana Basora Vanuit Olive Tree Funeral Home San nicolaas Gelegenheid tot condoleren op Dinsdag 3 Juni te Gravenhorststraat 4 te Brazil van 7.00 pm – 9.00 pm Na de begrafenis liever geen rouw beklag aan huis. Mi ta chikito, misa Duna mi Bo paz Drenta den mi cas Drenta den mi bida Cambia tur mi structura Sana tur mi heridanan Siña mi di Bo santidad Mi kier stima Abo so Pasobra Bo ta mi gran amor Haci un milager den mi. Cu hopi tristeza pero conforme cu boluntad di Dios, nos ta participa fayecimento cristianamente di:

Maria H.A. Dirksen *13-08-1953 †29-05-2014 mihor conoci como “ Ija “

Acto di entiero lo wordo anuncia despues.

Pagina 32

Dialuna 2 Juni 2014

My Guardian Group Walk & Run 2014 a kibra record di participante! My Guardian Group Walk & Run a reparti e premionan pa e coredonan como lo siguiente: 1-2-3 lugar den 6 categoria di edad masculino y femenino 6km : • U16, 16-19, 20-29, 3039, 40-49, 50+ 1-2-3 lugar den 5 categoria di edad femenino 10 km : • U20, , 20-29, 30-39, 4049, 50+

E tabata un diadomingo mainta masha energetico na unda cu bo por a mira y sinti un ambiente di compañerismo y hermandad entre e participante. Tur participante tabata motiva, apesar di e orario mainta tempran e gana di haci movecion ta predomina e soño. Hopi canador a disfruta promer cu salida di un koppi di koffie of thee di Smit & Dorlas. E evento a inicia na momento cu a

los a tiro di salida. Pa e ocasion aki tambe tabata presente Cheryldine Muller, kende a percura pa un tremendo animacion. Y despues cu tur participante a yega bek na e edificio di Guardian Group Fatum nan por a disfruta tambe di un demoonstracion di Capoeira. Tambe tabata tin stacion di differente fruta, aquafina, gatorade, icetea y sopi

pa e participantenan pa cortesia di Divi Resorts. E ganadornan absoluto masculino y femenino 6 KM ta Chester Hill cu tempo di 23:47 y JoaAnne Kock cu tempo di 28:27 respectivamente. E ganadonan absoluto masculino y femenino 10KM ta Jean Andrew Fingal cu tempo di 36:30 y Merrienne Stamper cu tempo di 43:28.

1-2-3 lugar den 6 categoria di edad masculino 10 km U20, 20-29, 30-39, 40-49, 50-59, 60+ Ganadonan masculino y 6km:

absoluto femenino

• Ticket Curaçao, incluyendo registracion pa My Guardian Group Walk & Run dia 26 di October 2014 Ganadonan masculino y 10km:

absoluto femenino

• Ticket Curaçao, incluyendo acomodacion pa 2 anochi y registracion pa My Group Walk & Run dia 26 di October 2014 Guardian Group Fatum ta gradici inmensamente e partnernan den e evento aki cual ta ALBO, Divi Resorts, Romar Trading, Smit & Dorlas, Ling & Sons,Total Services, IBISA, Tri-Bike Aruba, RCA,tur personay tur e instancianan cu contribui pa por a realisa e exitoso Walk & Run 2014. Danki special ta bay pa Aruba Triathlon Association pa nan sosten y ayudo den organiza e evento aki y last but not least e coleganan voluntario di Guardian Group Fatum. Boso aporte valioso a haci e evento aki un vez mas exitoso! Nos ta sumamente agradecido na un y tur cu a contribui y participa.