Diahuebs maart 5 2026

MASCARADA A CAY:

Motociclista ta scapa despues di accidenta contra un auto

Ponton - Diamars anochi riba e caminda di Ponton pa ta mas exacto tegenover di e pompstation a sosode un accidente di trafico.

Mesora a notifica polis y ambulance, debi cu tawata trata di un impacto duro, momento cu e brommer a dal contra e parti dilanti di un Nissan Sentra.

Na e sitio, nos a compronde cu e motociclista te hasta a bay parcialmente bou di e auto, esaki segun testigo.

E brommer, aparentemente lo tawata pasando of a bay pasa auto y ta haye envolvi den un boksmento cu por a

resulta hopi mas serio pe.

Den e impacto e brommer keda lastra varios meter bay nort, y stop banda di un cura di cas.

Ambulance cu a yega na e

sitio y mesora a atende cu e motociclista. E caminda mester a wordo cera, debi cu e auto a kibra di un manera cu e nor core mas. Takelwagen tawata necesario.

MASCARADA A CAY: GeRlien CRoeS Y Su GAñAMento Di "GAS to" pA

noMbRA

Pueblo di Aruba ta demostrando cu nan memoria politico ta mas largo cu e ciclo di eleccion. Den e dianan aki, un nubia di cuestionamento ta colga riba e nombramiento di e Minister Plenipotenciario (Gevolmachtigde Minister), caminda e pasado y e presente di Gerlien Croes ta drenta den un conflicto directo.

E Contradiccion di Gasto

E punto di discusion principal ta e cambio di postura den e coalicion. Na prome instancia, Gerlien Croes mes a yega di declara cu e mes lo mester a asumi e funcion aki pa asina evita e gastonan halto cu e puesto ta trece cu n’e. E argumento tabata basa riba soberania financiero: pakico gasta hopi cen si nos por hacie nos mes?

MiniS teR nA Den HAAG

Sinembargo, awe e panorama ta diferente. Cu e nombramiento recien di un persona nobo den e posicion aki pa su mesun gobierno, e pregunta cu ta resona den tur skina di Aruba ta: Kico a cambia?Diripiente e gasto no ta un problema mas? Of e austeridad tabata simplemente un discurso pa e momento ey?

E Caso “Desiree”

Division Interno

y e

No por lubida e tension palpabel den seno di AVP. Rumornan y analistanan politico ta señala cu e asina yama “lange tenen” di Gerlien Croes tabata e factor decisivo pa boycot Desiree Croes.

Henter e fraccion di AVP a vota

CASo bRoMeliA

Ayera e sospechoso H. Ruiz a presenta den un Cita cu Fiscal na Ministerio Publico pa responde pa malversacion di fondonan publico di placa di SSA (Stichting Sportsubsidie Aruba) den e caso conoci como Bromelia.

Siman pasa Corte den Prome Instancia a condena e sospecoso principal den e caso Bromelia, e homber K.R.V., pa un castigo di prison di 16 luna, di cual 10 ta condicional, y un periodo di prueba di tres aña.

Durante e investigacion Bromelia a resulta cu e sospechoso Ruiz a haci gastonan priva cu e carchi bancario di SSA pa un montante di mas of menos Afl. 1800. Ademas el a comete falsificacion.

Mientrastanto el a paga e suma menciona back na SSA.

Teniendo cuenta cu su funcion como dirigente di Conseho di Supervision di SSA, Ministerio Publico ta considera e hechonan aki especialmente grave.

Awe Ministerio Publico a ofrec’e un resolucion extrahudicial, cu el a accepta. Ta trata di 100 ora di trabao pa comunidad, un multa di Afl. 1500 y publicacion di e comunicado di prensa aki.

finalmente contra Desiree pa ocupa e puesto na Den Haag, locual hopi ta mira como un movecion personal tras di un cortina politico. E "dobbel moral" aki ta locual ta provocando e rabia di e ciudadano comun cu ta exigi transparensia. "Pueblo no ta stupido. Nos ta wak, nos ta corda, y nos ta spera integridad den maneho di nos pais."

E falta di coherencia entre locual a wordo predica y locual a wordo ehecuta (nombramiento nobo) ta debilita e confianza den e lidernan. Ora politica ta wordo uza pa "staca" colega enbes di sirbi e interes general, e pueblo tin tur derecho di cuestiona e berdadera motibo tras di e decisionnan aki.

COMISARIO DI POLIS UNIFORMA SR. SILVIO DE MEY: MI TAAGRADECIDO

Oranjestad, ARUBA: Cuerpo

Policial Aruba den cuadro di nos 40 aniversario ta inicia cu un seccion informativo y educativo yama “E porta blauw episodio: E bida di un Polis”. Nos ta para keto un rato y conoce Sr. Silvio de Mey, comisario di polis uniforma. Inicio di mi carera Policial: Tabata na aña 1983 mi ruman mayor cu a caba su estudio militar e tempo ey, ela encurasha ami pa aplica pa estudio di polis. Tabata di e forma aki inespera mi a tuma e reto, aplica na Warda di Polis bieu na Oranjestad. Asina aki mi carera como polis a cuminsa y awe 41 aña despues ainda mi ta stima mi trabou di sirbi mi Pais. No ta algo cu tabata planea simplemente ela “pop up” e momento ey.

Estudio Policial: Mi a cuminsa opleiding di polis riba 17 september 1984. Durante opleiding di polis mi a conoce e trabou di polis cu hopi disciplina y a traha mi caracter pa e persona cu mi ta awe. Algun materia a bay fastioso pa mi. Pero durante tempo mi a siña hopi cos y poco poco mi a mehora. Tabata mas o menos 1 aña despues mi a termina mi estudio cu exito, asina mes cu e tampo ey e opleiding di polis tabata semi militar. Nan tabata hopi streng e tempo cu semper bo mester tabata prepara. Lesamento y sa bo materia tabata primordial e tempo ey!

Ken ta sr. De mey?: Durante añanan ma siña separa mi bida persona cu trabou. E no ta facil si! Pero bo tin cu hacie vooral pa e funcion di polis. Den mi tempo liber mi ta dedica na core wak naturalesa. Mi tin mi Jeep pa asina core y admira naturalesa, wak e bahada di solo, bay lama sambuya un rato Tambe mi ta gusta wak hopi documentario asina mi ta tuma tempo pa mi mes. Mi tin contacto tambe cu ex-polisnan na unda nos ta sinta bebe te y combersa un rato. Asina aki mi ta separa mi mes pa cu trabou y disfruta cada momento cu

mi por cu ta hopi importante pa mi.

1986: Prome cu Cuerpo Policial Aruba a nace mi tabata forma parti di Cuerpo Policial Antiyas Hulandes. Despues cu nos a termina nos estudio nos tabata tin e escogencia of nos ta keda Aruba of nos ta bay Antiyas, esaki den porta cu Aruba ta bay haya su Status Aparte. Nos tabata mas o menos 200 polis so; incluiendo nos klas, a dicidi di keda Aruba y lanta Cuerpo Policial Aruba ariba 1 januari 1986. Algun polis di Antiyas a bin traha na Aruba pero mayoria di nos como polis Arubiano a keda Aruba. E no tabata facil na prome instante, nos tabata hopi hoben y a madura hopi trempan pa motibo di e cambio nobo aki. E ta un gevoel hopi bon pero cu reto pasobra nos tabata tin nos mesun altocomisario, nos propio identidad y imagen. Algo nobo pa Aruba y pa mi!

Estudio Policial:

1 januari 1986 (Status Aparte): Sectie Surveillance Dienst Buitendistricten (Santa Cruz/Noord/Strandpolitie

1991- 1992: Sectie Surveillance Oranjestad: agent eerste klasse;

1992-2001: Sectie Jeugd en Zeden Politie: brigadier/ brigadier eerste klasse;

2001-2009: Bureau Interne Zaken en Onderzoek (BIZO): hoofdagent/ hoofdagent eerste klasse; 2009-2012: cu rango di onderinspector/onderinspecteur eerste klasse y cu meestertitel di UvA, mi a cuminsa cu e studie di Nederlandse Politie Academie (Executive Master Tactical Policing major in leadership): pero durante di estudio mi a carga e rango di Inspector den opleiding, tabata un estudio dual traha y studia cu a tuma lugar entre Hulanda y Aruba, despues a fi nalisa cu esaki na 2012 mi por carga e titulo EMTP patras di mi nomber cu ta un titulo reconoci pa NVAO; despues mi a sigui traha den KPA como Inspector di polis);

2012-2015: Coordinador di ploeg na Warda di Oranjestad (Inspector di Polis); 2015-2017: District chef Oranjestad (Inspector/Inspector eerste klasse);

2017-2018: District Chef Santa Cruz (Inspector eerste klasse);

2018-2023: Hoofd Staf Korpschef (HSKC: Hoofd inspector of Chief of Staff );

2023- 2025: Waarnmend Hoofd Algemene Politie Dienst (hoofd inspector/waarnemend Commissaris van Politie); Unit Narcotica ta resorta bao di mi persona te cu awo.

2025 - pa awe: Hoofd Algemene Politie Dienst (Comisario di Polis uniforma)

Sirbiendo nos comunidad: Un victima no tin un voz y ami ta e voz pa nan. Esaki ta yena mi cu satisfaccion pasobra mi a traha riba casonan hopi grandi na fabor di e victima. Mi ta traha pa mi Pais y na unda cu mi por yuda mi ta yuda mesora! Esey ta e miho gevoel cu mi ta sinti haciendo e trabou aki.

Vision pa e funcion: Como comisario di Polis tin diferente reto pero un di nan ta, comunidad ta crece, hende su mentalidad ta cambia, nos ta haya hende di otro Pais tambe ta bin biba aki, generacion ta pensa otro cu esun di awo. Tin hopi diferencia y ta un reto pa ta un lider, pero esey no ta kita afo cu nos mester keda mantene nos Pais sigur! Pa nos preveni delitonan no wordo cometi localmente. Seguridad mester wordo garantiza tur dia y esey ta mi reto y lo percura esey tur dia.

Trabou di Polis:

E trabou aki tin su retonan, peliger pero e ta bunita tambe. Nos tey, nos ta yuda un otro persona su su problema of pa esun cu no tin voz. E ta un trabou hopi nomble, mester probecha di e momentonan bon y bunita cu tin den Polis, pasobra problema ta bin di mes. Pero e cosnan bunita ta esun cu haci e trabou aki uno nomble!

Trayectoria Policial: Mi a drenta polis cu 18 aña. Mi ta

un di e polisnan cu a pasa den tur e rangonan for di aspirant te cu awe comisario. Bo tin cu tene na e momentonan cu presenta, sigui bo metanan y bo ta logra! Probecha di tur e oportunidad cu e Cuerpo ta duna bo, pa asina bo sigui crece. Pone bo metanan, sigui padilanti y logra. Si, abo kier traha un carera policial e ta posibel, djis pone bo pasion den bo trabou.

Mi ta yama danki: Danki na altocomisario Arnhem, Gobierno di Aruba pa kere den mi cu awe mi ta den e posicion aki di comisario. Mi ta sinti mi mes hopi pasiona pa haci e trabou aki y cu yen energia. E grupo grandi di hobennan polis ta esun cu ta dunami energia pa asina sigui brinda e mihor dimi.

E sosten di famia: Semper mi ta agradecido pa tur persona cu a sostene ami. Pero mas aun mi famia cu semper tabata tey pa ami. Nan ta esun cu ta soporta un tiki mas dimi ausencia of yega cas cu un poco beis. Nan ta esun cu tey pa ami. Mi ta hopi agradecido na mi yiunan cu semper tabata tey. Cada polis tin nan sosten y mi sosten ta mi yiunan. E ta bon y importante pa busca un refugio y bo famia ta e refugio. Semper busca un bon amigo of un bon colega. E ta yuda bo den bo carera policial!

E porta blauw, episodio: E bida di un polis, ta sigui cu mas seccion pa asina nos comunidad por biba un tiki mas di serca di nos hendenan, e agente policial cu despues di pasa e porta blauw ey tambe ta un persona, un cuidadano di nos Pais. Un cuidadano policial cu un storia bunita pa conta nos comunidad.

Minister Geoffrey Wever: Ta inviTa pueblo henTer pa e mercado semanal di sanTa rosa, maar T 7

Oranjestad, Maart 3Ministerio di Finansa, Asunto Economico y Sector Primario, mr. Geoffrey Wever, ta invita pueblo di Aruba pa bishita e mercado di Santa Rosa cu lo tuma lugar atrobe Diasabra awor, Maart 7.

E sector primario ta uno masha importante, y ta un sector di enfoke pa e ministerio di Minister Wever. Ta reuni frecuentemente cu varios stakeholder den e sector, y a wordo indica cu tin un deseo pa e Mercado di Santa Rosa tuma lugar cu mas frecuencia. Mirando e importancia y impacto positivo di e sector primario y e popularidad di e Mercado di Santa Rosa, nos a tuma stapnan concreto pa wak esaki bira realidad.

Awor nos ta contento pa

anuncia cu e Mercado di Santa Rosa lo tuma lugar semanal, enbes di mensual. Pueblo por disfruta di cumpra varios producto fresco y local, aportando na e economia local di Aruba, y tambe na e cunukero y agricultornan di nos isla. E mercado aki lo tuma lugar 3 siman na Santa Rosa y un siman na Plaza Lolita den e centro di San Nicolas como parti di e Pop-up Market.

Ta importante tambe pa comparti cu si bo persona kier participa cu bende producto local (fresco) na e mercado di Santa Rosa, registra na tempo ya cu espacio ta limita.

Por registra cerca Santa Rosa via email na info@ santarosa.aw of por pasa personalmente na e oficina di Santa Rosa cu ta situa na Piedraplat 114-A.

Tambe por tuma contacto via telefon na 585-8102.

Minister mr. Geoffrey

Wever ta felicita Santa Rosa pa e bon trabou cu nan ta eherciendo y pa e apoyo cu nan ta duna na e sector primario. Sector primario ta forma un parti di nos cultura di Aruba, y nos ta invita pueblo henter

pa bishita e Mercado di Santa Rosa y forma parti di crea un impacto positivo den nos economia y nos comunidad.

ArubA Tourism AuThoriT y A nombrA CArl

QuAnT Como ‘AreA DireCTor europe’ pA sigui for TAleCe e merCADo europeo

Aruba Tourism Authority (A.T.A.) tin e placer pa anuncia cu Carl Quant a keda nombra como Area Director Europe. Carl ta tuma e posicion oficialmente dia 1 april 2026, y den su responsabilidad nobo e lo dirigi tur strategia pa e mercado Europeo y impulsa desaroyo turistico di Aruba den Europa. E posicion di Area Director Europe a wordo ocupa e ultimo 15 añanan pa Tirso Tromp, cu a traha cu gran pasion, entrega y energia. Siguiendo su regreso pa Aruba, Tirso lo tuma e funcion di Senior Business Manager na A.T.A. iniciando dia 1 april

2026, caminda e lo sigui haci un aportacion valioso na e organisacion.

Den su funcion nobo, Quant lo traha di cerca cu e ekipo Europeo y cu partnernan strategico pa sigui reforsa e posicion di Aruba den continente. E enfoke ta riba consistencia di marca ‘Aruba’, lasonan duradero cu partnernan, y tambe atrae huespednan di calidad halto cu por identifica nan mes cu e balornan y caracter di nos isla.

Quant a cuminsa su carera den e sector di hospitalidad na Aruba, trahando cu diferente cadenanan

di hotel internacional.

Su trabou cu Aruba Conservation Foundation (ACF) a hunga un rol importante y a contribui na su conocemente di conservacion di naturalesa y turismo responsabel. Despues cu Quant a muda pa Hulanda, el a eherce diferente funcion entre otro comercial y strategico den hotelnan di ‘business’

y luho, cu a permiti Quant gana experiencia valioso den mercado Europeo.

Carl a sigui su carera na A.T.A. como Sales & Marketing Manager Europe, unda cu e lo ocupa e posicion te cu 30 di maart 2026. E combinacion di experiencia internacional y su conexion profundo cu Aruba ta duna un base firme pa su funcion como

Area Director Europe.

“Ta un honor pa mi pa por tuma e responsabilidad aki. Pa mi, Aruba ta mas cu un destinacion; e ta un luga cu ta brinda un sensacion unico di bolbe cas. Mi ta contento di por traha hunto cu e ekipo y nos partnernan den Europa y pa sigui forma relacionnan fuerte y un posicionamento cu ta refleha e calidad y balornan di nos isla,” asina Carl Quant a expresa.

CEO di A.T.A., Ronella Croes, tambe a refleha riba e transicion aki: “Tirso Tromp a representa Aruba na Europa cu pasion y dedicacion durante hopi aña. Su entrega y amor pa e isla a laga un marca permanente, tanto den nos ekipo como bou di partnernan. Den su funcion nobo e lo sigui contribui di manera significante. Cu Carl Quant nos ta continua riba un base solido. Su manera di traha enfoca riba e hende, su experiencia y su conexion cu Aruba ta duna mi hopi confiansa pa cu e siguiente fase pa Europa, un region clave pa cu strategia di diversificacion pa Aruba.”

DVG ta informa SuShi depoSita na damnan ta menaSa pa Salud publico

ORANJESTAD, Aruba – 04 maart 2026: Segun un noticia publica ayera. Departamento di Agricultura Santa Rosa a expresa su preocupacion pa cu e situacion unda sushi ta wordo benta rond di damnan na Aruba. Na diferente damnan, sushi ta keda tira na rand of asta den e awa mes, algo cu Santa Rosa ta cualifica como condenabel.

E damnan aki no ta simplemente almacena awa. Na Aruba, hopi cunukeronan ta usa e awa di dam pa muha cosecha y tambe pa duna bestianan bebe. Ora sushi ta wordo tira na of den e damnan aki, e awa por wordo contamina cu bacteria, sustancianan peligroso of resto di material cu por afecta salud tanto di animal como di hende. E peligro ta serio. Bestia

cu bebe awa contamina por bira malo of transmiti enfermedad. Si e awa contamina ta usa pa agricultura, e contaminacion tambe por drenta den e cadena alimenticio. Esaki por crea riesgo pa salud publico, specialmente ora producto di tera local ta yega na consumo humano.

Ademas di esaki, tambe ta wordo haci un apelacion na companianan di chica poz pa tene cuenta cu e peligro cu nan por ocaciona. Deposita awa sushi den damnan of laba trucknan di chica poz cu awa di dam por contribui na contaminacion di e awa. Practicanan asina no solamente ta afecta medio ambiente, pero tambe por pone den peligro agricultura, bestianan y salud di comunidad. E preocupacion ta aun mas relevante awor cu mercado di productonan local ta creciendo na Aruba. Cu mas produccion local ta wordo promovi y consumi,

ta mas importante aun pa sigura cu e awa cu ta wordo usa pa agricultura ta limpia y seguro. Autoridadnan ta sigui insisti cu damnan no ta lugar pa deposita desperdicio. Mantene e damnan limpi ta esencial pa proteha produccion local, bienestar di bestia y salud publico di Aruba.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_ volksgezondheid_aruba, of Follow nos den WhatsApp Channel, subi nos website www.dvg.aw, yama nos na 5224200 of mail nos na servicio@dvg. aw

Minister Gerlien Croes: ArubA tA

3 di maart 2026 – Awe a firma oficialmente dos acuerdo di gran importancia pa futuro di educacion profesional na Aruba. Cu e firma aki, Ministerio di Educacion, hunto cu e partnernan local y internacional, ta confirma su compromiso pa fortifica calidad, innovacion y conexion cu mercado laboral.

Fortalece colaboracion local den MBO

E prome acuerdo ta un colaboracion entre Dienst Publieke Scholen (DPS) representando EPI y OABA y Stichting Educacion Profesional Basico (SEPB). E meta principal di e colaboracion ta modernisa y fortifica eduacion profesional (MBO) riba Aruba durante e proximo dos añanan.

E acuerdo ta enfoca riba:

● Innovacion den metodo di enseñansa

● Profesionalisacion di docentenan

● Desaroyo di un linea di aprendisaje continuo for di scol te na mercado laboral of educacion pa adulto

● Flexibilisacion di trayecto di estudio

● Un miho conexion entre enseñansa y necesidadnan di mercado laboral

E colaboracion aki lo contribui na un sistema di enseñansa cu ta mas adapta, relevante y prepara hoben- y adultonan miho pa futuro profesional.

Continuacion di alianza internacional cu ROC Mondriaan

Ademas, a wordo renoba y formalisa e alianza strategico entre ROC Mondriaan (Hulanda) y e institucionnan na Aruba. E colaboracion aki, cu lo dura te 2030, ta basa riba igualdad y un pasion comparti pa ofrece e mihor enseñansa na tur studiantenan — tanto na Hulanda como na Aruba. E enfoke pa e añanan binidero ta inclui:

● Innovacion y calidad den enseñansa

● Flexibilisacion di enseñansa y concepto di “Leven Lang Ontwikkelen”

● Intercambio di docente y studiante

● Temanan actual manera

AI, desaroyo di team y igualdad di oportunidad

Invercion den talento y futuro di Aruba

Cu e dos acuerdo aki, Aruba ta pone un paso firme den direccion di un sistema di educacion profesional moderno, dinamico y conecta cu e mundo real. E colaboracion local y internacional ta crea oportunidad nobo pa studiantenan, docentenan y pa desaroyo economico di nos pais.

Ministerio di Educacion ta expresa su gratitud na tur partnernan involucra y ta reafirma su compromiso pa sigui traha hunto riba un vision comparti: un Aruba unda talento ta desaroya, innovacion ta florece y enseñansa ta sirbi como base solido pa progreso sostenibel.

SETAR TA ApoRTA nA E FESTivAl un CAnTo pA ARubA Su Himno y bAndERA 2026

SETAR ta orguyoso di continua cu su aporte y colaboracion cu Comision Promove Cultura y Fundacion Cultural di Festival Folklorico pa e Festival un Canto pa Aruba su Himno y Bandera, un tradicion cultural cu ta trece hunto talentonan hoben y adulto rond nos isla pa honra nos Himno y Bandera.

Diamars atardi a tuma

luga e trekmento di lot di e secuencia na SETAR Conexion Center, marcando asina e comienso di e ultimo preparacionnan pa e categorianan di Infantil, Hubenil y Adulto.

Como Aruba su compania nacional di telecomunicacion, SETAR ta contribui tur aña na eventonan cultural cu ta celebra e identidad, union

y creatividad di nos isla. E edicion di e aña aki ta uno special, ya cu Aruba ta celebra 40 aña di Status Aparte, 50 aña di Himno y Bandera y na mes momento 40 aña di SETAR.

SETAR ta desea tur participante, agrupacionnan musical y e comisionnan organisatorio hopi exito cu e preparacionnan. Y nos ta invita pueblo di Aruba completo pa bin disfruta y celebra hunto durante e Festival cu lo tuma luga diabierna y diahuebs awo na Carnival Village na San Nicolas.

Si e Baranca por a papia den Salanan di MovieS a ru B a

E siman aki e documental

Si e Baranca por a Papia: Storianan di Sclavitud lo estrena den tur sala di Movies Aruba: Gloria, Renaissance y Principal. Produci door di periodista Melissa Stamper y Elai Petronia y Randall Luidens di The POV, e projecto ta marca un momento importante den e panorama cultural di Aruba como un documental completamente produci na e isla, cu e enfoke riba un parti di nos historia cu hopi biaha a keda for di e conversacion publico: e historia di sclavitud na Aruba.

Si e Baranca por a Papia ta investiga e historia di sclavitud na Aruba dor di pone enfoke riba e lugarnan unda e pasado aki a tuma lugar. Door di combinacion di investigacion periodistico, archivonan historico, mapanan bieuw, dramatisacion y entrevista cu expertonan local, e

film ta pone riba mapa e lugarnan cu awendia nos conoce manera cunucu, tereno of concessiegrond, pero cu tin un pasado mas profundo liga cu sistema di plantage y trabou forsa. E documental ta sigui e historia di personahenan manera Virginia, Juan y Thomas, cu nan bida a wordo registra den archivonan, pero cu awor nan historia ta bira visibel riba pantaya grandi. E produccion no ta solamente un relato historico, sino un invitacion pa reflexiona riba nos pasado y con e ta influencia nos presente.

Publico henter ta invita pa mira e documental y participa den e dialogo tocante e pasado y futuro di nos isla. E documental lo pasa for di 5 di maart na Movies Aruba y lo pasa pa un siman na tur localidad. Pa mas informacion tocante horario di screening por bishita e website di Movies Aruba.

ULTIMO SIMAN INSCRIPCION PA

PARTICIPA NA POETA DI PATRICIA 2026

E aña aki un biaha mas Comision Celebracion Dianan Nacional (CCDN), hunto cu Comision di Arte di Palabra, cu ta consisti di Departamento di Cultura Aruba (DCA) y Fundacion Corector di Papiamento (FCP), ta organisa e prestigioso competencia pa nombra nos Poeta di Patria pa aña 2026. E aña aki ta uno special mirando cu nos ta celebrando 50 aña di nos Himno y Bandera y 40 aña di nos Status Aparte. Pa e motibo aki nos ta extende un invitacion na tur escritor, poeta y declamado di aña y mas, pa busca den nan curason e inspiracion pa skirbi bo miho elogio y poema na Papiamento, di nos dushi tera Aruba y su cultura.

Boso participacion ta un aporte grandi na e celebracion di nos Himno y Bandera 2026 y amor pa nos patria.

E ultimo dia pa inscribi pa participa y pa entrega bo obra ta dia 6 di maart 2026.

E competencia di Poeta di Patria lo tuma luga dia 14 di Maart 2026 na Nicolaas Store na San Nicolas pa 7 or pm.

Escritornan cu inscribi lo mester bin presenta nan obra. Den caso cu e persona mes no por presenta su obra, por laga un otro persona present’e, esaki na nomber di e autor.

Cada escritor por entrega un (1) obra, e poema mester ta na Papiamento y por tin entre 4 cu 5 strofa; cada strofa mester tin 4

liña y por rima.

Pa inscribi pa e competencia di Poeta di Patria 2026, por manda

un mail na artedipalabra@ gmail.com , of por yama na Departamento Di Cultura Aruba pa mas

informacion tel: 582-2185 Link pa inscribi digital: https:// forms.office.com/r/

DIA b IERNA 6 DI MAART, bOLD LO PRESENTA SU

DI 3 RD ANNUAL SPECIAL WOMEN' S SEMINAR

Bold Properties Empoderando Hende muher!

sosten, inspiracion y crecimiento entre muhernan den Aruba.

Bold tin 13 hende muher cu ta traha hunto pa logra nan metanan profesional y personal. Fundamental na Bold; ora un muher yuda otro muher crece, tur dos ta gana.

Segun representantenan di Bold, un di e camindanan mas poderoso pa yega na nos meta ta precisamente ora nos dicidi yuda otro.

Motibo pa amplia e impacto y invita mas hende muhernan di nos comunidad pa forma parti di un experiencia cu lo inspira y fortalece.

evento lo enfoca riba temanan relevante cu ta motiva, reflexiona, y yuda reconose bo potencial y para firme den bo propio capacidad.

Lo crea un espacio unda muhernan por comparti ideanan, gana confianza y sinja di experiencia di otro, cu interaccion y construi relacionnan positivo basa riba bon energia y respeto mutuo. E intencion ta cla: educa, sostene y empodera cada hende muher Aruba ta bendiciona cu hopi muhernan cu a tuma posicionnan importante y cu ta haci un diferencia real den negoshi, liderato y den nos sociedad. Y ora hende muher traha hunto, e impacto ta aun mas grandi.

Un feliz dia fructifero colma cu hopi gracia di Dios.

’Ningun hende no por bini cerca Mi, si mi Tata cu a manda Mi no hal’e cerca Mi’. (Huan 6, 44)

Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a

topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci

bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.

Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.

“Señor ta mi wardador, mi n’tin falta di nada; Den cunucu di yerba berde, E ta ponemi sosega. E ta hibami na awa tranquil, Pa mi bolbe haña forsa”. Salmo 23:1,2,3.

Cu inmenso dolor na nos curason, pero conforme cu e boluntad di Dios, Nos ta anuncia fayecimento di:

Francisco Reinaldo Besaril

Miho conoci como “Butchi” of “Padu” *20 September 1941 – +27 Februari 2026

Na nomber di su compañera di bida:

Francisca “Enita” Ras

Su Yiunan:

Reinaldo MackIntosch y Famia

Guillfred Besaril y Siglaine

Omar Besaril y Danny

Emmely Besaril y Famia.

Su Rumannan:

+Alberto “Chombé” Besaril y Famia

+Pedro “Peruz” Besaril

Candido (Candy) Besaril y +Mercedes.

Sobrino, Sobrinanan:

Andy Besaril y Anita

Gina Besaril y Famia

Sandro Besaril y Carolina

Sandra Besaril

Indirah Croes – Besaril y Rimberth

Carlos Besaril y Yelitza

Tamara Bisslik – Besaril y Gerald.

Nieto y Nietanan:

Sophie, Stacey Nayeli, Zayah

Elena, Gabriel Shavienne y Elyshua.

Bisanietonan: Liam y Luna.

Mama di su Yiunan:

Emmely Diana Giel y Famia

Silvia MackIntosch y Famia

Mane un yiu:

Agnes Croes y Famia

Mariela Ras y Famia

Lisa Canhigh y Famia

Ex Collegenan di:

Caribbean Hotel & Casino

Concorde Hotel & Casino

Hilton Hotel & Casino

Aruba Grand Hotel & Casino y WEMA Hardware Store (San Nicolas).

Ex Compañeronan di FTA

NO TIN SALBACION PAFOR DI IGLESIA DI CRISTO-HESUS

Primo, Primanan, Famianan, Bisiñanan, Amigonan di Cas y demas Amistades: Besaril,Rasmijn, Henriquez, Ras, Giel, MackIntosch, Croes, Wever, Dullens, Maduro, de Kort, Bisslik, de Cuba, Wernet, Colina, Luidens, Vives, Vrolijk, Arends, Donker, Trimon, Geerman.

Famia Becerrit, Seco, Palencia y demas familiares na Venezuela.

Nos disculpa cu si den nos tristesa nos por a lubida na menciona un of otro famia.

Demas conocirnan, amigonan di Barrio y en General:

Ta invita n’e acto di entiero cu lo tuma lugar Diahuebs 5 di Maart 2026 na Misa Cristo

Tin sectanan ta bisa, cu salbacion no ta bini di Iglesia. Bijbel ta bisa den Efesionan 1: 22-23; “Dios a pone tur cos bao di pianan di Cristo y E’l a pone Cristo como cabes di Iglesia, na cual ta Su Curpa. Plenitud di Esun cu ta realisa tur cos den tur.” Bijbel Colonsensenan 1: 18: “Cristo ta cabes di E curpa, esta di Iglesia. E ta origen di tur cos, Esun prome cu a lanta for di morto, pa asina E ta Esun prome den tur cos.” Iglesia ta E curpa di Cristo, pa sigi cu e mision di salbacion di Cristo. Den Bijbel Mateo 28: 19-20, akinan Hesus a manda Su apostelnan, pa haci henter e nacion discipelnan di Hesus y e mision aki ta universal, pa henter mundo. Pesey Iglesia di Hesus, mester ta universal y universal ta nifica Catolico (mira den woordenboek). Hesus a institui Su doctrinanan, pa Su Iglesia cumpli cu nan. Bautismo Mateo 28: 19-20, Eucaristia Lucas 22: 19-29, Confirmacion Echonan di Apostelnan 2: 1-4, Reconciliacion Huan 20: 23, Matrimonio Mateo 19: 4-6, Sacerdotal Marco 3: 1319, Enfermonan Hacobo 5: 14-15. Den Bijbel Mateo 16: 15-19: “Hesus ta puntra Su apostelnan: Anto boso mes, ta ken boso ta bisa Mi ta? Simon a contesta: Bo ta E Mesias, E Yiu di Dios bibo! Hesus a bis’e: Felis bo ta Simon yiu di Huan, pasobra no ta hende a revela bo esaki, ma Mi Tata cu ta den Cielo. Mi ta bisa bo: Abo ta Pedro (o sea baranca) y riba es baranca aki, lo Mi lanta Mi Iglesia y forsanan di fierno lo no podera di dj’e. Lo Mi duna bo e yabinan di Reino di Cielo y loke bo prohibi na tera, ta prohibi den Cielo tambe y loke bo permiti na tera, lo ta permiti den Cielo tambe.” Akinan Hesus ta bisa bon cla, Mi Iglesia, o sea un solo Iglesia. Forsanan di fierno, ta e demonionan den fierno cu lo bin cu diferente institutonan di sectanan, pa podera y pa kibra e Iglesia di Hesus, pero nan lo no logra. Hesus a duna Simon e nomber Pedro, cu ta significa baranca, o sea cabes visibel di Cristo Su Iglesia. Hesus a duna Pedro e yabinan di Reino di Cielo, esaki ta e yabinan pa e porta di Reino, o sea cu e Iglesia Universal di Cristo ta e unico caminda

pa e Reino di Cielo. Tocante e yabinan di Reino di Cielo, por lesa den Bijbel Revelacion 21: 10-14, cu ta bisa di e ciudad Santo di Herusalem cu ta bahando for di Cielo briyando di Dios Su Gloria. E muraya di e ciudad tabatin 12 piedra di fundeshi grandi y ribanan e 12 nombernan di e 12 apostelnan di E Lamchi tabata scirbi. Esaki ta e 12 yabinan di e 12 portanan di Reino di Cielo, na unda e 12 nombernan di e apostelnan ta scirbi. Hesus a duna autoridad na Pedro, pa dirigi Su Iglesia, loke ta permiti y di loke ta prohibi. Den Bijbel Marco 16: 15-16, Hesus ta bisa Su apostelnan: “Pasa rond mundo y predica e bon noticia na henter humanidad. Esun cu kere y bautisa, lo ta salba, ma esun cu no ta kere, lo ta condena.” Compronde bon, cu tur e humanidad di mundo y hasta e Hudiunan mes, nan mester kere den Cristo Hesus y nan mester drenta den Iglesia Universal di Hesus y ser bautisa, pa nan por ta salba y pa nan por drenta den Reino di Cielo. Awor, den Bijbel Efesionan 1: 22-23 y Colosensenan 1: 18, ta bisa, cu Iglesia ta Curpa di Cristo y Cristo ta cabes di Iglesia, cu ta Su Curpa. Y den Bijbel Mateo 16: 15-19, Hesus ta bisa Simon: “Abo ta Pedro y riba es baranca aki, lo Mi lanta Mi Iglesia.” Akinan ta un Iglesia tin. Den Bijbel Mateo 28: 1920, akinan Hesus ta bisa, cu Su Iglesia mester ta Universal, pa henter mundo.

Lesa Bijbel Echonan di Apostelnan 20: 28-30, na unda San Pablo ta bisa, cu lo bini lobonan feros, o sea sectanan, iglesianan y religionnan falso cu lo bini cu doctrinanan robes, pa kibra e unico Iglesia cu Hesus a gana cu Su propio Sanger. Compronde bon, cu na anja 1521, un tal Martin Lutero un teologo protestant aleman, a bin cu doctrinanan robes y enterpretacionnan liber y falso di Bijbel. Y asina aki a bin hopi divisionnan y a lanta diferente sectanan y religionnan falso na mundo, ganjando hopi hende y buscando hendenan debil den fe, pa cai den nan trampanan di condenacion. Pesey, no tin salbacion pafor di Iglesia Universal.

PORTA DI HARMONIA UN ESPACIO MUSICAL PA TUR EDAD

Porta di Harmonia no ta solamente atrae nos muchanan y hobennan, pero ta atrae tambe personanan di tur edad. Un ehempel ta Lucia Ridderstad, di 65 aña di edad. Lucia ta un studiante cu ta tuma les di piano y les di violin. Lucia ta un ehempel bibo di cuanto musica por transforma bida. Pa Lucia, musica no ta solamente nota y technica, pero un manera pa sinti e curason y compronde harmonia den bida.

Pa loke cu ta Rufo Wever, Lucia ta bisa: “Mi ta corda Rufo Wever, pero no cu mi conose Rufo Wever. Pasobra tempo di Rufo Wever ami tawata hopi jong y el a fayece hopi despues. Pero mi ta corda Rufo Wever sigur.” Mi ta corda hopi musiconan manera Padu, Rufo Odor, mi ta corda Joy Kock dencual mi a bai scol cu Joy Kock. Rufo Wever mes a cuminsa toca piano na su edad di 6 anja. Ta bon tambe pa nos como comunidad conose un tiki mas di Rufo Wever y manera cu Lucia a comparti tocante di Rufo Wever cu loke esa ta cu Rufo Wever a perde un brasa di man.

Esei ta berdad. Rufo Wever, un musico Arubiano

un comerciante por inverti

100 florin den e Proyecto pa paga tambe pa e muchanan y asina por kita hopi muchanan for di caja. Na merca mes tambe tin un scol di auditorium cu muziek, y mi sobrino tawata bai muziek mainta trempan cu su saxophone of kiko cu ta nan ta huur anto nan ta bai les e momento eynan. Y riba un dia cu mi tawata tey tawata tin un uitvoering, masha bunita mes e cos ey tawata. Awor cu leer Orkest ta na Aruba, Hesus mi ta felis.

Mi famia mes no ta di musiconan, ta ami basta

anja pasa mi a cuminsa for di tempo cu Instituto Venezolano tawata existi. Anto eynan mi a cuminsa cu cuarta. Mi ta desea di toca den publico. Mi ta toca guitara tambe, mi ta canta riba coro y toca guitara riba

coro. Asina ta, mare un dia ami cu mi Maestro Rafael, cu ta esun cu ta duna mi les di piano, cu nos por toca huntu pa demostra prome cu mi bai for di e mundo aki cu mi por echt toca pasobra esei ta mi deseo.

renombra y co-compositor di e himno “Aruba Dushi Tera,” a perde su brasa den un accidente di auto na edad di 24, pero apesar di esaki, el a diseña un extremidad artificial cu a permiti’e sigui toca piano y, door di puro determinacion, Rufo a haci un comeback exitoso como musico.

Lucia ta hanja e vision di prome Minister Mike Eman hopi bon y cu tipo di proyectonan asina aki e muchanan mester probecha di dje. Pasobra loke cu bo ta paga pa tuma e les cu bo ta desea no ta nada. E ta costa solamente 5 florin pa luna. E idea pa habri Porta di harmonia ta hopi bon, no solamente pa e bario di Noord, aunke cu esaki ta e pilot, pero riba su mes e ta tremendo. Lucia ta recomenda na e adultonan y kier bisa na nan pa bin tambe pasobra e ta hopi educativo, bo tin docentenan cu ta tremendamente cu a studia pa esaki y e les ta costa solamente 5 florin cu no ta nada. Lucia ta pensa tambe cu ojala cu e comerciantenan por hinka placa aden of adopta un mucha pa e sinja toca algo, no solamente un, pero 5 mucha mes. Tur luna

“Señor ta mi wardador, mi’n tin falta di nada

Den cunucu di yerba berde e ta ponemi sosega.E ta hibami na awa trankil, Pa mi bolbe haña forsa”.Salmo: 23

Cu profundo dolor y tristeza na nos curazon pero conforme cu boluntad di Dios y agradecido pa tur locual ela nifica pa nos, nos ta participa fayecimento di:

Sra. Leoncita Ceferina

Donata-Danies

Mihor conoci como Chia, *06-11-1936 - †23-02-2026

Vda. di dfm. Federico Mercelino Donata

Su yuinan:

Franklin Donata

Vda. Vilma Marchena-Donata

Marlene Escobar-Donata y esposo Luis Escobar Sherwin Donata y esposa Ingrid Donata-Franken

Nuera: Maria Ridderstaat

Yerno: dfm Charles (Boei) Marchena y yuinan y famia

Su nieta nan y nieto:

FORTALEZA PA FAMIA

UN

Vanessa Donata y Angelo Anthony, Charlene Marchena, Je-an Donata y Rensley Vrolijk, Vilencha Marchena y Jason Leest, Luigene Escobar

Su bisanieto nan y bisanieta: Dayvion Willems, Kaedan Geerman, Geetesh Outar, Jayviënne Leest

Inmensamente agradecido na su ayudante nan: Elsy, Cecilia, Madeleine, Karen, Charline Y tur cu a duna un man pa su cuido

Su amistad nan di semper: Maria Dijkhoff, Andrea Dirksz, Denisia Kock-Dijkhoff, Corry Laclé, Astrid y Ronchi na Corsow, Nanita Marti na Corsow

Sobrina y sobrino nan y nan famia, Prima y primo nan y nan famia

Tur iha nan / esnan mas yega na dje: Elmira Colmenares, Meveline Danies, Maria Brete, Carmensita Danies, Nino Faro

Su comper y comer nan

Bon bisiñanan: Brete y Dijkhoff Demas bisiñanan, famia y conocirnan, Tur cu a dune atencion durante su enfermedad

Inmensamente agradecido na su dokter di cas dr. M. van den Ham y su team di Cas di Dokter pa nan excelente atencion y servicio cu semper nan a brinda.

Ta invita pa acto di condolencia y entiero cu lo tuma lugar diamars 3 di maart 2026 di 2or pm - 4or pm na Aurora Funeral Home y despues pa Santana Catolico Pastoor Kraanwinkel na Paradera.

Nos disculpa si pa motibo di nos dolor y tristeza nos por a lubida di menciona un of otro famia.

Ta duel nos pero nos no por ricibi bishita di condolencia na cas.

Ta bai tin 3 Santo Sacrificio di Misa na Misa Santa Filomena na Paradera dia nan: 5 maart 2026 7or pm, 7 maart 2026 7or pm, 10 maart 2026 7or pm

Despues di e ultimo Santo Sacrificio di Misa ta bay tin un Santo Rosario na cas Tanki Leendert 98-A.

Scirbi pa Pastor Marcel Balootje.

BIDA

NOBO DEN SENJOR

Si nos nota algo tremendo, cu a pasa, nos ta keda boca habri, cu nunca ora Hesus tabata yama un hende e no tabata wak e situacion cu e persona tabata aden. Ora E tabata yama su disipulonan e tabata djis bisa nan sigi Mi, y e no tabata bisa nan bo tin algo di drecha, of bo tin algo cu no ta bon, pasobra Hesus tabata sa cu una bes nan sigi E nan bida lo cambia.

Hende no por cambia nada den nan bida, solamente Dios por haci cambio pa nos, pesey e ta bisa den Mateo 11:28 : Bin serca mi tur cu ta cansa y carga y lo Mi duna boso sosiego.

E no ta wak bo picanan, ni si bo ta rico of pober, gordo of flaco, tampoco rasa of color, tur hende ta bon bini serca Esun cu tin e poder pa cambia curason y bida di hende.

Awendia pa bo drenta cierto organisacion, ta wordo exigi, cierto adaptacion den bo bida pa bo bira miembro. Serca nos Señor Cristo Hesus, no tin condicion, pasobra tur esnan cu yega serca dj’E tin bida nobo.

Ta mas bunita ora nos lesa locual tin para scirbi den 2 Corintionan 5:17 : Pesey si un hende ta den Cristo, ta un criatura nobo e ta , e cosnan bieu a pasa caba, ata tur cos a bira nobo.

Tur e cosnan cu tabata causa stress, preocupacion, depresion, dolor di cabes, presion halto a pasa pasobra den Cristo Hesus tin bida nobo, ta E so por haci e cambio cu nos no por haci.

2 Corintionan 5 ;19 ta bisa cu nos: Esta cu Dios den Cristo tabata reconciliando e mundo cu Su mes sin tumanan pica nan na cuenta, y E a encarga nos cu e palabra di reconciliacion.

Pica di un hende no ta obstaculo, pa e keda sin

entrega su bida na Cristo Hesus.

Diabel semper lo keda gaña hende cu nan no ta bon, cu hende lo papia riba nan.

Pero Dios den su inmenso amor ta habri su brasanan pa tur esnan cu kier bini serca dj’E.

Ora Hesus tabata riba crus y cu e criminal a bise, Señor corda riba mi ora bo drenta bo reino, Hesus a contesta, awe mes lo bo ta hunto cu Mi . Hesus no ta haci ningun pregunta na e homber pakico bo tambe ta riba crus, pero asina cu e homber a reconoce cu Hesus no tin falta di nada, ta suficiente pa Hesus tuma Su decision, pasobra e homber a demostra cu e ta arepenti.

Nos ta bibando den tempo den cual scuridad ta halando hende na boshi, hopi ta kere cu nan bida no por cambia, y cu nan tin di keda manera nan ta, pero hopi no ta altura, cu nan mes no por cambia nada den nan bida, ta solamente un bida nobo den Cristo Hesus ta un bida cambia.

No ta hende a reconcilia cu Dios, pero ta Dios a reconcilia cu hende, no tumando na cuenta nan pica,( 2 Corintionan 5:19) pasobra pica ta un ofensa pa Dios, pero Dios den su inmenso misericordia, no ta wak esey pasobra nos salbacion ta mas importante cu nos pica. Pasobra pica ta hiba hende fierno, pero salbacion den Cristo Hesus ta hiba nos tur na Bida Eterna.

Si Cristo Hesus no cambia nos bida, ta ken por cambie? E a muri na crus pa pordon di nos picanan, pa asina haci posibel pa nos tin bida eterna y cu nos tin entrada na cielo, serca Tata.

Sinceramente, Pastor Marcel Balootje.

Bishita Real lo maRca un paso no B o pa depo R te acuatico na aR u B a

Atleta

y federacion ta mira e groundbreaking na Savaneta como un impulso grandi

pa futuro

Den marco di e celebracion nacional di 18 di Maart, cu e pais ta conmemora 40 aña di Status Aparte y 50 aña di Himno y Bandera, e programa di e bishita di Su Majestad Rey Willem-Alexander lo inclui un momento simbolico di gran balor: e groundbreaking na Piscina Olimpico na Savaneta, relaciona cu e desaroyo di un piscina nobo pa fortalece e infrastructura deportivo acuatico di Aruba.

Den un serie di entrevista na sitio, diferente bos di e comunidad deportivo a expresa orguyo y emocion pa e hecho cu e celebracion nacional tambe ta crea espacio pa progreso den deporte y participacion di e hobennan.

Devin De Veer, miembro di e famia di Barracudas Artistic Swimming, atleta den categoria Masters y coach di hobennan, a expresa cu e grupo ta sinti hopi orguyo pa forma parti di e evento.

Segun Devin, e presentacion lo inclui combinacion di atleta di diferente edad, desde muchanan di 12 aña of menos, te cu atleta den categoria Masters, cu algun di nan ta rond di 40

aña.

Tur atleta a tuma e presentacion hopi serio y cu nan a dedica tempo y training pa prepara e show. Pa representa Aruba den un evento di caracter nacional ta algo cu tin un significado special pa tur miembro di e ekipo.

Leandro Santiesteban, atleta nacional cu ta bin for di famia landado, a comparti cu e oportunidad pa forma parti di e programa den e dia historico aki ta un honor grandi:

“Pa mi ta un orguyo pa representa Aruba den un momento asina. E ta un impulso grandi pa nos hobennan y pa deporte.”

Maureen Croes, representante di e sector acuatico, a subraya cu e proyecto ta bay hopi mas leu cu un ceremonia. Segun el a splica, e piscina nobo lo resolve necesidadnan importante pa entrenamento y competencia, entre otro: mas espasio pa warmup y miho condicion pa disciplinanan cu ta rekeri profundidad specifico, manera artistic swimming.

“E desaroyo aki ta cambia e vision pa e federacion y

pa tur e atletanan,” Croes a expresa, añadiendo cu e logro aki ta fruto di hopi aña di trabou, planificacion y persistencia pa yega te e etapa di realisacion.

A pone enfasis riba e balor di e evento pa e comunidad deportivo, pasobra e actividad lo invita no solamente atleta elite,

pero tambe hobennan, masters y landadonan pa ta presente y mira di cerca un paso nobo den desaroyo deportivo di Aruba.

Den e vision aki, e groundbreaking ta bira un simbolo di inversion den hubentud, salud y futuro. Cu e momento aki, e

celebracion di 18 di Maart ta confirma un mensahe importante: celebra Aruba ta no solamente recorda e historia y e lucha di generacionnan pasa, sino tambe sigui traha riba e futuro, cu oportunidad, infrastructura y inspiracion pa e siguiente generacion.