Diahuebs april 23 2026

BLACKMAIL 3 DAMA PA AÑAS,

SENTENCIA

TA CAY DIABIERNA

Diabierna Hues ta dicta sentencia den caso di homber cu a chantagea 3 dama y hasta a viola un dama

Minister Dowers:

Huma den cas a causa conmocion na Hooiberg

Hooiberg - Diamars anochi rond di 8'or y mey polis y brandweer a bay un adres den e parti di Hooiberg Kavel, unda cu un cas lo ta na candela y tin mucha paden.

Na yegada di unidadnan, tanto brandweer y polis mesora bomberonan a drenta accion pa mira kiko tur ta pasando.

dia

di

mama

A resulta cu berdad tawata tin huma den e cas, pero no tawata tin candela mes. Na e sitio nan a ser informa cu lo ta algun papel a kima y esnan

cu a mira huma mesora a bati alarma. Pero ya e habitantenan mes lo a paga esaki.

Ambulance tambe a wordo pidi y a presenta, unda cu Paramediconan a haci un control ariba e muchanan cu lo a inhala poco huma.

Tera 2026: "nos PlaneTa, nos Poder" – un yamada Pa accion na comunidad di aruba

ORANJESTAD - Dia 22 di april, rond mundo y tambe na Aruba, nos ta celebra Dia di Mama Tera. E aña aki, e tema oficial ta "Nos Planeta, Nos Poder" (Our Earth, Our Power). E slogan aki ta subraya cu e futuro di nos naturalesa no ta den man di destino, sino den man di cada ciudadano cu ta tuma e decision pa actua awe. Directie Natuur en Milieu (DNM) ta felicita y encurasha e comunidad pa participa den un forma of otro e dia aki. Pa Aruba, un isla rondona pa un biodiversidad marino unico y un ecosistema delicado, e tema aki tin un nificacion profundo. "Nos Planeta, Nos Poder" ta un recordatorio cu e hermentnan pa combati cambio climatico y proteha nos recursonan natural ta den nos mesun capacidad di innovacion, educacion y union. Iniciativanan y Accion Den cuadro

di e celebracion aki, ta haci un yamada na henter comunidad, di scolnan y fundacionnan te na sector priva y gobierno, pa reflexiona riba e impacto di nos accionnan diario. E enfoke di 2026 ta poni riba:

• Energia y Eficiencia: Con nos por uza nos "poder" pa schuif pa fuentenan di energia mas limpi y reduci nos rastronan di uzo di carbon.

• Proteccion di Biodiversidad: E importancia di conserva nos flora y fauna local, manera nos mondinan y costanan, cu ta e prome pa defende contra e efectonan di cambio di clima.

• Participacion Comunitario: Programanan di limpiesa, plantamento di mata local y educacion ambiental pa generacionnan cu ta sigui. Un Compromiso Colectivo E meta di

2026 no ta solamente pa conscientisa, sino pa mobilisa y actua. Ora nos bisa "Nos Planeta, Nos Poder", nos ta declara cu comunidad di Aruba tin e forsa pa ta ehempel den region pa loke ta trata sostenibilidad y conservacion ambiental. Cada accion chikito ta yuda: di e decision pa uza menos plastic di un solo uzo, te na e participacion den proyectonan di midi mata y otro forma di monitor nos naturalesa.

Nos ta invita henter e pueblo di Aruba pa bisti color berde of blauw e dia aki como simbolo di apoyo na nos isla, y pa participa den e diferente actividadnan. Pa mas informacion tocante con por contribui of pa haya sa mas di e proyectonan ambiental local, por bishita e websitenan oficial di organisacionnan ambiental na Aruba manera Ban Lanta y Planta, Turtugaruba, Aruba Birdlife

Conservation y tambe Aruba Conservation Foundation cu tin programanan pa boluntario. "Ban cuida locual ta di nos. Pasobra nos planeta ta nos bida, y nos accion ta nos poder.”

Chantage Cu potret! homber a haCk y blaCkmail 3 dama pa añas, sentenCia ta Cay diabierna

Diabierna Hues ta dicta sentencia den caso di homber cu a chantagea 3 dama y hasta a viola un dama

ORANJESTAD – Diabierna 24

April 2026 mainta, Hues di Corte di Husticia ta dicta sentencia den e caso penal cu Ministerio Publico a cuminsa contra e homber D.E(29).

SOLO DI PUEBLO por a compronde cu luna pasa tratamento di e caso a tuma lugar, caminda Fiscal a haya D.E. culpabel y a exigi 5 aña di prison.

ACUSACIONNAN

E acusacionnan cu Fiscal a presenta contra D.E. ta:

** Na Juni 2014, D.E. a viola e dama S., kende e tempo ey tabatin 17 aña. Ademas S. tabata victima di “hack” y chantage di D.E.

** Entre Januari 2015 y 11 Januari 2023, D.E. a hack y chantagea e damanan B. y T.

NO COMPLETO RESPONSABEL

Psycologo y Psychiater a wordo scucha e dia ey den Corte, caminda nan ta haya cu D.E. tin problema mental y cu e mester haya tratamento na Respaldo. Nan ta haya cu D.E. ta menos responsabel pa su actonan.

DEMANDA DI DAÑO

Ta asina cu e dama S. na Hulanda, a demanda 28.674 florin na daño material pa tur e tratamento cu e mester a sigui na Hulanda. Tambe el a demanda 84 mil florin di daño material door cu el a keda afecto y awor mester haci 1 aña extra di su

E dama T. a demanda 57.790 florin na daño material cu ta encera entre otro tur e tratamento cu e ta hayando.

FISCAL A EXIGI 5 AÑA DI PRISON

Fiscal a bisa Hues cu e victimanan a sufri pa hopi tempo door di D.E. y nan a keda afecta. El a sigui bisa cu e acusado tambe mester haya tratamento pa su problema mental. Fiscal a cuestiona e forma con D.E. tabata hack y forza e victimanan pa manda protet sino e lo publica potretnan di nan riba media.

Fiscal a remarca cu apesar cu e victimanan tabata roga D.E. pa stop, e no tabata haci caso. Fiscal a tuma D.E. na malo pa su actitud. Fiscal a bisa cu pa cu e castigo, e ta tene cuenta cu psycologo y psychiater cu ta bisa cu D.E. ta menos responsabel pa su actonan

door di su problema mental. Fiscal ta haya cu mirando e seriedad di e caso, no tin espacio pa castigo combina pa asina D.E. haya tratamento. Fiscal a bisa cu ora D.E. sali liber di KIA, e por sigui tratamento. Fiscal a exigi 5 aña di prison pa D.E. Subsidiario Fiscal a bisa cu si Hues ta haya cu castigo combina lo ta na su lugar, por pone e tempo di prueba te 10 aña. Fiscal a aproba e demanda di daño di e dama S.

CASTIGO TA MUCHO HALTO

Abogado di D.E., m.r. Illes a bisa

Hues cu e ta haya e exigencia di Fiscal mucho halto. E abogado a bisa cu Fiscal no a tene cuenta cu e situacion mental di D.E., manera psycologo y psychiater ta mustra.

E abogado a bisa cu D.E. a bisa

Hues cu e tabatin relacion sexual cu e dama S. y cu esaki tabata cu aprobacion di S. E abogado ta haya cu no tin prueba di violacion

y mester declara D.E. liber y cu e demanda di daño di e dama S., mester wordo poni un banda. E abogado ta haya cu e demanda di S. ta asina compleho pa wordo trata den un caso penal. E ta haya un caso civil na su lugar.

E abogado a bisa cu D.E. ta admiti di a haci malo y mester haya castigo. Na opinion di e abogado, Hues mester tene cuenta cu raport di psycologo y pshychiater kendenan ta mustra cu D.E. e ta menos responsabel pa loke el a haci. Mr. Illes a bisa Hues cu den KIA, D.E. ta bou vigilancia special pa no mata curpa. Na opinion di mr. Illes, castigo di prison ta haci cu D.E. no por haci nada, pero tratamento ta trece cambio den su comportacion.

Hues a bisa cu e mester mas tempo pa studia e caso. El a bisa cu Diabierna awor 24 April 2026, e lo sera tratamento di e caso y di biaha lo tin sentencia.

Minister Dowers: intervencion necesario pa trece orden y siguridad den trafico

drs.

Arthur Dowers, a anuncia un maneho mas stricto riba e uzo di vehiculonan electrico riba camindanan publico. Pa basta tempo caba, e uzo di step electrico, scooter electrico y bicicleta electrico ta bayendo for di control, creando situacionnan cu no por sigui ignora. Specialmente den e area di hotel, e situacion ta evidente: decenas di step electrico, bicicleta electrico y hasta scooternan grandi electrico ta para riba acera, caminda y hasta unda peaton tin cu cana. E realidad aki ta pone presion riba infrastructura existente y ta crea riesgo directo pa siguridad di tur usuario di e espacionan publico.

Segun e Landsverordening

Wegverkeer, e vehiculonan aki ta considera como vehiculo di motor, cu ta nifica cu nan mester cumpli cu reglanan specifico pa por ta riba caminda publico.

Sinembargo, ningun di e vehiculonan menciona ta cumpli cu e exigencianan legal estableci.

E Comision Siguridad di Trafico a pasa varios luna trahando activamente riba un solucion structural pa e problema aki. Despues cu pa falta di corahe di ministernan di husticia di e gobiernonan anterior, awe, despues di evaluacion profundo y coordinacion cu instancianan relevante, Minister Dowers a bisa ta basta: mester restablece orden y siguridad den trafico.

Exigencianan legal y siguridad

E obhetivo principal di e maneho aki ta pa garantisa siguridad riba caminda pa esnan cu ta uza e vehiculonan aki, y alabes pa otro usuarionan manera automobilistanan, ciclistanan, peaton y tur esnan cu ta depende di acera y camindanan publico pa move cu trankilidad.

Pa participa den trafico di forma sigur,

vehiculonan mester cumpli cu e exigencianan di ley segun e Landsbesluit Voorschriften Voertuigen. Esaki ta inclui brake cu ta funciona bon, luznan adecua, identificacion tecnico y structura sigur. Ademas, tin obligacionnan manera rijbewijs valido, registracion di vehiculo, inspeccion y minimo un seguro WA.

E realidad actual ta mustra un falta total di cumplimento. Doñonan di e vehiculonan aki no tin seguro, no tin aprobacion tecnico di DTI, ni ta paga motorrijtuigbelasting. Disponibilidad y acceso facil ta permiti cualkier persona conduci sin control riba capacidad ni conocemento di nos leynan di trafico.

“No por sigui ignora e situacion aki y doñonan di e vehiculonan aki mester tuma responsabilidad of autoridad lo tuma accion,” Minister Dowers a declara.

Ademas di e riesgo di siguridad, e bista

den sector turistico ta deteriora. Usuarionan cu ta frecuenta e area turistico ta mira e vehiculonan aki como molester den trafico, afectando tanto e experiencia como reputacion di Aruba como destino sigur y ordena. E consecuencianan di falta di regulacion ya ta visibel. Practicamente tur dia tin accidente unda e tipo di vehiculonan aki ta envolvi, incluyendo incidentenan serio y hasta fatal den pasado. Den caso di accidente cu otro vehiculo cu si ta cumpli cu ley, cobertura di seguro ta bira un problema serio, aumentando impacto

financiero y legal pa e partidonan envolvi. Gobierno, bao di liderazgo di Minister Dowers, ta tuma un posicion firme y decisivo. E maneho nobo ta enfoca riba control, cumplimento cu ley y clarificacion di reglanan pa garantisa cu espacionan publico ta keda sigur pa tur hende.

Por ultimo Minister Dowers a manda un mensahe cla na tur doño di e vehiculonan aki, "kita nan for di caminda publico of autoridad lo kita esakinan" y esaki lo ta acompaña cu multa pa cada vehiculo cu autoridad kita.

Un Yamada pa ScUcha Y TUma accion pa naTUraleSa

ORANJESTAD, ARUBA

– 22 APRIL 2026 – Riba

Dia di Mama Tera, Aruba Conservation Foundation (ACF) ta invita Aruba completo pa tuma un momento pa refleha riba un mensahe simpel pero urgente: si naturalesa por a papia, kico e lo ta bisando, y e ta wordo scucha di berdad?

Cu e lansamento di e campaña di

habitat.

conscientisacion

Naturalesa ta Papia, ACF ta presenta un mensahe cu ta trece e comunidad mas cerca di e mundo natural di Aruba, pa e wordo admira, wordo compronde, y pa wordo proteha. E mensahe tin como meta pa incentiva e audiencia pa tuma un momento pa refleha riba kico naturalesa ta bisando y pensa riba ki accion mester tuma pa protege.

E mensahe ta presenta su mes den tres acto. E ta cuminsa cu hiba e audiencia pa wak Aruba su paisahe y especienan di cerca, revelando e bunitesa y detayenan chikito cu hopi biaha ta keda sin wordo mira y asina conecta cu naturalesa. Siguientemente, e escena ta transiciona pa mustra e realidad di menasanan creciente riba e isla su medio ambiente y impactonan humano riba su ecosistema fragil. Den e ultimo acto, ta recorda cu tin speransa, asina resaltando e esfuersonan colectivo di un comunidad cu tin di tuma accion hunto pa proteha, preserva, y restaura Aruba su naturalesa. Filma na Aruba durante un periodo di 2 luna, e produccion akinan a wordo traha cu un compromiso profundo y respetando naturalesa. Tur imagen a wordo captura di un distancia respetoso y bou di guia di expertonan pa sigura cu no tin disturbio na ningun especie of

“E mensahe di conscientisacion aki ta funcciona como un vehiculo pa nos para keto, y refleha kico naturalesa ta purbando di bisa nos”, ta comenta Tyson Lopez, Director General, Aruba Conservation Foundation.

“Naturalesa semper ta comunica cu nos a traves di su bunitesa, su cambionan, su resiliencia, y hasta ora e ta bou pression. Pero awo, ta e momento pa nos haci mas cu solamente djis scucha. Nos mester compromete na tuma accion colectivo pa asina garantisa cu e futuro generacion por disfruta di un miho medio ambiente.”

Aruba su areanan natural mas y mas ta bou pression profundo. Di areanan terestre, costanan y awanan, e manera cu nos ta comporta nos mes den naturalesa ta afecta su futuro y nos futuro directamente. Naturalesa ta Papia y ta haci un yamada pa un cambio di comportacion, pa sosten y aprecio pasivo pa tuma

responsabilidad activo.

Scucha naturalesa papia no ta solamente un sentimento y un conexion. E mester wordo refleha den nos escogencianan diario door di move cu cautela, respeta barera, proteha habitatnan y scoge concientemente pa reduci impacto riba e lugar cu ta nos hogar.

ACF ta enfatisa cu conservacion no por wordo logra door di un grupo di persona so. Conservacion di Aruba su herencia natural ta rekeri accion colectivo di yiunan di tera, residentenan, bishitante, socionan, gobernantenan y henter nos comunidad.

Riba Dia di Mama Tera, Naturalesa ta Papia ta e yamada pa scucha cu intencion y berdaderamente compromete na naturalesa su proteccion.

Naturalesa ta papiando caba, locual cu ta bin despues ta con Aruba, como comunidad ta dicidi di responde.

Bishita www.acf.aw/ naturalesa-ta-papia pa scucha.

Parlamentario Xiomara maduro ta cuestiona e dobel standard di minister Geoffrey Wever

Parlamentario Xiomara Maduro ta critica Minister Geoffrey Wever pa su “dobel standard politico” den e caso Avestruz.

Segun Maduro, Wever tabata hopi firme den 2021 ora el a papia riba e caso di Benny Sevinger. Na e momento ey, el a manda un carta habri pa Mike Eman bisando cu Benny no por huramenta como Parlamentario, ya cu esaki lo ta “un mancha scur den historia politico di Aruba” y un mal ehempel pa nos hobennan. Pero awe, cu castigo a cay pa Benny den e caso di Avestruz, Minister Wever ta scoge pa keda keto y no duna su opinion riba e caso. Pa e motibo aki, Parlamentario Maduro ta puntra:

• Unda e mesun liderazgo di Wever a keda?

• Ta pasobra e ta bou di e hala di Mike Eman awe, e ta den

silencio?

• Of ta paso e tin miedo di perde sosten den Parlamento?

“Compasion” no ta rason pa keda keto

Durante un reunion na Parlamento, Wever a bisa cu e no kier duna su opinion, pasobra e tin compasion pa e famia. Pero Parlamentario Maduro ta bisa cu compasion no por ta un rason pa un minister keda keto y no duna su opinion riba un caso cu a causa asina hopi daño na comunidad. E Parlamentario ta remarca cu e caso Avestruz a perhudica hopi hoben cu a warda aña largo pa un tereno. “Net Minister Wever, cu a campaña bou di e young professionals, awe no tin opinion? Pueblo tin derecho di sa kico e Minister ta pensa awor cu hues a duna e sentencia final.” Maduro ta

expresa.

Asumi responsabilidad

Pa e Parlamentario di MEP, ta e deber di Minister Wever y su coleganan den gobierno pa duna claridad, asumi nan

responsabilidad y mustra con lo evita cu situacionnan asina por bolbe ripiti. Maduro ta conclui: “Bo no por ta fuerte contra Benny den 2021 y keto den 2026 awo cu castigo a cay den caso Avestruz.”

Eduard PiEtErs ta Para firmE na dEn

Haag:

“autonomia no ta nEgociabEl y cooPEracion no mEstEr ta un Excusa Pa kita nos autonomia”

Durante su mision oficial na Den Haag, parlamentario Eduard Pieters a probecha e oportunidad pa manda un mensahe cla, firme y sin ambiguedad: Aruba ta kere firme den cooperacion dentro di Reino Hulandes, pero no lo acepta un situacion unda, paso pa paso, ta limita su autonomia bou di nomber di “supervision”, mientras e esencia di nos democracia ta esun afecta. HOFA no ta un ley tecnico pero ta un cambio di poder Den su encuentro cu representante clave di e institucionnan di Reino Hulandes, Pieters a presenta e posicion di fraccion di PPA tocante e Rijkswet HOFA. Un ley cu, segun e, no solamente tin e implicacionnan tecnico-financiero, pero cu por resulta den un cambio structural den e balansa di poder entre Aruba y Hulanda, cu lo tin e consecuencianan di largo plazo pa autonomia y autodeterminacion di nos pais. Pieters a enfatisa cu e discusion aki no por reduci na un cuestion tecnico of administrativo, paso esaki ta toca e derecho fundamental di Aruba pa maneha su propio finansa y tuma decision pa su propio pueblo, sin interferencia desproporcional di afor.

Nos no mester di Rijkswet: nos tin nos propio solucion

E posicion di PPA ta definitivo: Aruba no ta contra supervision, pero si contra imposicion sin consenso real y sin respet pa e proceso democratico cu e mesun ministernan actual a para y lucha p’e. Como alternativa concreto, Pieters ta bolbe propone un begrotingskamer ancra den e propio Staatsregeling di Aruba, un mecanismo serio y structural, cu ta duna garantia di control financiero, pero den un cuadro, unda responsabilidad ta keda den man di Aruba mes, en bes di transferi pa nivel di Reino, sin suficiente legitimacion local.

Si Aruba ta cumpli, pakico castiga nos cu mas control?

E argumento aki ta reforza door e realidad financiero actual di Aruba, unda, a pesar di e presionnan economico global, nos pais a logra baha su schuldquote (debe mara na e producto domestico bruto) significativamente y ta sigui traha cu disciplina riba su finansa publico. “Nos ta mustra cu nos por maneha nos finansa cu responsabilidad,” Pieters a subraya, “pero toch nos ta enfrenta un propuesta cu por limita nos libertad di accion. Esey mester pone nos na reflexiona hopi serio.”

E pregunta central ta inevitabel: si Aruba

ta cumpli y ta mustra progreso, pakico tin necesidad pa mas control externo?

Sin Aruba su bos, otro lo dicidi pa nos Durante e combersacion, a keda evidente cu e proceso di e ley ainda no ta finalisa, mirando cu Conseho di Estado ainda mester duna su conseho y finalmente Tweede Kamer lo tuma e decision definitivo. Pero precisamente p’esey mes, Pieters a enfatisa importancia di presencia activo di Aruba na Den Haag, paso sin participacion fuerte y consistente, e narativa lo ta defini pa otro.

Awor ta e momento pa para firme of perde loke nos a gana

Pa fraccion di PPA, esaki no ta un dossier mas, pero un punto crucial, cu lo determina con autonomia di Aruba lo ta protehi den futuro. “Nos no a lucha pa Status

Aparte pa despues entrega esaki pocopoco, paso pa paso,” Pieters a conclui cu firmeza. “Autonomia no ta negociabel y nos tin un responsabilidad pa defende esaki cu conviccion.”

TRAMIL TA LAnsá guIA nobo nA

dI MATA MedIsInAL

dI KARIbe

E organisashon Karibense TRAMIL a lansá resientemente e guia na papiamentu E guia práktiko di TRAMIL di mata medisinal di Karibe pa kuido primario di salú. Ku e publikashon aki, TRAMIL ta hasi konosementu sientífiko tokante mata medisinal mas aksesibel pa komunidat lokal. TRAMIL (Traditional Medicine for the Islands) ta un ret Karibense aktivo for di 1982, ku ta enfoká riba promoshon i dokumentashon di medisina tradishonal den region. E guia ta presentá 38 espesie di mata medisinal, organisá den ocho kategorianan di malesanan komun.

Mayoria di e matanan deskribí ta konosí riba e isla i ta haña nan tantu den naturalesa komo alrededor di kas.

E publikashon aki ta un sinòpsis parsial di e di tres edishon di Farmacopea Vegetal Caribeña, ku ta kontené informashon mas amplio i detayá. Pa kada spesie di mata, e guia ta indiká e nòmber na papiamentu, e parti di e mata ku ta usa i e aplikashon pa malesanan spesífiko. Tambe ta inkluí instrukshonnan kla di preparashon, ilustrá ku dibuhonan skemátiko, i informashon tokante kontra-indikashonnan pa garantisá uso sigur. TRAMIL ta validá uso

di mata medisinal komo parti di su esfuerso pa reforsá kuido primario di salú den Karibe. Pa esaki, dato ta wordu kolektá via enkuesta den diferente paisnan Karibense. Espesienan di mata ku ta usá pa minimalmente 10% di e partisipantenan ta pasa pa un proseso di validashon sientífiko. E proseso aki ta wordu ehekutá na universidatnan i laboratorionan den region i riba kontinente suramerikano, segun

protokòl sientífiko establesí.

E guia tambe a ser publiká den seis otro idioma den region, inkluyendo idiomanan prinsipal, kreòl i indígena. E tradukshonnan a ser realisá ku sosten finansiero di fondo di Union Europeo, via Parc Naturel Régional de la Martinique. E redakshon lokal di e edishon na papiamentu tabata den man di John de Freitas (biólogo) i Noris

Doran (eksperto di idioma papiamentu). Un danki speshal ta bai na Cultuurfonds Caribisch Gebied i Landsloterij pa nan kontribushon na finansiá gastunan di imprenta. E buki a ser publiká na un kantidat limitá I lo ta optenibel na librerianan. Tambe e lo ta na benta den oranan di mainta riba diasabra 28 di mart i 4 di aprel na tienda di salú Harmonia (Prof Kernkampweg).

Spantenbier na CaS blanCo ta marCa

progreSo di proyeCto y pone enfaSiS

riba naturaleSa y SoS tenibilidad

Ayera tardi a tuma luga spantenbier na Cas Blanco, den Parque Nacional Arikok, unda invitadonan, colaboradornan y representante di diferente sector a reuni pa celebra e progreso di e proyecto.

Durante e actividad, tambe a presenta e video “Naturalesa ta Papia”, un iniciativa cu ta pone enfasis riba conciencia ambiental y e importancia di conecta cu naturalesa di Aruba.

Prome Minister Mike Eman a haci acto di presencia na e evento, subrayando importancia di proyecto cu ta contribui na conservacion di naturalesa y desaroyo sostenibel di e isla.

E encuentro a tuma lugar na werplek di Cas Blanco, unda actualmente ta desaroyando infrastructura cu respet pa e entorno natural. E momento di spantenbier a simbolisa

un paso importante den e construccion y desaroyo di e instalacion.

Organisacion di e evento, coordina pa Aruba Conservation Foundation, cu ta traha activamente na proteccion di patrimonio natural di Aruba.

E actividad a reuni participante den un ambiente informal pero significativo, enfoca riba colaboracion, sostenibilidad y e balor di cuida nos naturalesa pa futuro generacionnan.

CUMPLIENDO CU LEY, AFTA A ENTREGA CUENTA ANNUAL 2025 NA

MINISTER GEOFFREY WEVER

Oranjestad, 20 april 2026 - Diabierna ultimo, Minister di Finansa, Asunto Economico y Sector Primario, mr. Geoffrey Wever, a ricibi directiva di Aruba Fair Trade Authority (AFTA) pa entrega oficialmente nan jaarverslag 2025. E entrega aki ta confirma e compromiso continuo cu transparencia, bon gobernacion y consolidacion di un mercado moderno y husto pa Aruba.

Desde su fundacion riba 1 di januari 2024, AFTA a bira un pilar importante den e proceso pa crea un ambiente economico unda empresanan por competi di forma husto y consumidornan por beneficia di mihor servicio, innovacion y prijsnan mas competitivo. Como autoridad independiente, AFTA ta opera cu su propio competencia legal y instrumentonan pa supervisa mercado y actua ora practicanan inhusto surgi.

Den e jaarverslag 2025, AFTA a presenta e progreso logra durante su di dos aña operacional, incluyendo fortalecemento institucional, proceso di investigacion, orientacion na empresanan y preparacion pa e siguiente fase di proteccion di consumidor. Esaki ta mustra cu Aruba no

solamente a crea e cuadro legal necesario, pero cu tambe ta duna contenido real na reformanan cu ta modernisa nos economia.

Proteccion di consumidor ta sigui ta un prioridad strategico pa Minister Wever. P’esey, Gobierno a sigui traha den cooperacion cu AFTA riba instrumentonan legal y regulatorio pa fortalece e posicion di consumidor den mercado. E meta ta pa garantisa cu e ciudadano tin mas seguridad, mas informacion y mas proteccion contra practicanan comercial inhusto.

“Mi ta sumamente contento cu AFTA a sigui crece y madura como institucion. Den poco tempo nan a demostra cu Aruba por tin un autoridad serio, profesional y efectivo cu ta boga pa competencia husto y proteccion di nos ciudadano. Un economia fuerte mester tin reglanan cla y husto pa tur hende,” segun Minister Geoffrey Wever.

Minister Wever a enfatisa cu un mercado ordena y confiabel ta esencial pa atrae inversion, stimula emprendemento y amplia oportunidadnan pa empresanan local. “Ora inversionista mira cu Aruba tin institucionnan independiente, transparencia y seguridad

huridico, nan tin mas confiansa pa inverti na Aruba. Esaki ta traduci den empleo, crecemento economico y mas bienestar pa nos comunidad.” minister Wever a comenta.

Cu entrega di e jaarverslag 2025, AFTA ta confirma cu Aruba ta avansando cu accionnan concreto den construccion di un economia mas competitivo, moderno y

resiliente, completamente den linea cu e Programa di Gobernacion AVPFUTURO 2025-2028.

Pa mas informacion tocante AFTA y su trabounan, por bishita nan website oficial: www.afta. aw

Firma di memorandum oF understanding ta Fortalece cooperacion pa conservacion y desaroyo sostenibel riba dia di mama tera

Awe mainta, na ocasion di celebracion di Dia di Mama Tera, a tuma luga ceremonia oficial di firma di un Memorandum of Understanding (MOU), unda Prome Minister Mike Eman hunto cu Minister di Infrastructura Rene Herdé a forma parti di e acto, conhuntamente cu Tyson Lopez y Natasha Silva di Aruba Conservation Foundation.

E seleccion di e fecha aki no tabata casual, sino un refleho directo di e enfoke di e acuerdo: fortalece compromiso cu proteccion di naturalesa y desaroyo sostenibel di Aruba.

E acuerdo ta marca un paso importante den fortalecemento di cooperacion entre diferente entidad, cu

enfoke riba conservacion di naturalesa, maneho responsabel di recurso natural y desaroyo sostenibel di e isla.

Den su intervencion, Prome Minister Mike Eman a enfatisa importancia di e compromiso diario di esnan cu ta traha pa proteha naturalesa di Aruba. El a destaca cu, den medio di ocupacionnan diario, hopi biaha no ta reconoce e conexion profundo entre e diferente ecosistema di e isla, for di cadushi y vegetacion na tera, te manglar y bida marino.

Segun Prome Minister, e proyecto di Parque Marino ta busca fortalece e conexion aki, creando condicionnan pa proteha

tanto naturalesa na tera como maritimo. Premier Eman a subraya cu e iniciativa aki ta resultado di un vision cu a existi pa hopi tempo y cu awor ta bira realidad pa medio di e firma di e acuerdo.

Prome Minister a conclui su palabra cu un mensahe di aprecio pa tur esnan involvi, resaltando importancia di sigui traha hunto pa cuida y preserva patrimonio natural di Aruba.

E firma di e MOU ta representa un compromiso pa sigui desaroya iniciativa cu ta contribui na bienestar di Aruba, mientras cu ta mantene un balansa entre progreso y preservacion di naturalesa.

“INVERTI DEN NOS PROPIO TALENTONAN: FUTURO DI TURISMO TA CUMINSA DEN

KLASLOKAAL” EDUARD PIETERS A EXPRESA

DESPUES DI SU BISHITA NA ROC MONDRIAAN

Durante su bishita di trabou na Den Haag, parlamentario Eduard Pieters, a haya un confirmacion cla di un vision cu el a defende pa hopi aña: enseñansa mester conecta directo cu realidad di trabou. Na ROC Mondriaan, un instituto di enseñansa vocacional, Pieters a mira con teoria y practica ta integra den un manera, cu ta prepara

e studiantenan pa mundo real, no solamente pa haya trabou, pero pa sobresali tambe den dje.

Un modelo cu ta traha y cu Aruba por adapta

“E diferencia aki ta den e entorno,” Pieters a splica. “E studiantenan ta siña den un ambiente cu ta replica e industria mes; hotel, cushina y servicio. Esey ta crea

seguridad, experiencia y e nivel desea.” Esey no ta solamente enseñansa, sino un preparacion real pa un industria competitivo, manera ta conoci den e sector hotelero. Pa Pieters, esaki ta un ehempel cla con Aruba por fortalece su propio sistema, specialmente den un sector clave y importante manera turismo.

Turismo di calidad mester talento di calidad

Aruba ta move den direccion di un modelo di turismo mas selectivo: high value, low impact tourism. Pero e cambio aki no por sosode sin inversion den nos propio hendenan. “Nos no por papia di turismo di calidad, si nos no ta forma e profesionalnan di calidad,” Pieters a enfatisa. Esey ta nifica: miihor formacion, mas oportunidad pa nos hobennan y un caminda bon delinia for di estudio te liderazgo.

Di operacion pa liderato

Un di e puntonan mas importante di e bishita tabata e enfoke riba crecemento profesional.

Na Mondriaan, e studiantenan no ta limita na rol basico. Nan tin acceso na un trayecto cu por hiba nan te nivel di management. “Nos mester forma no solamente empleadonan, pero tambe nos lidernan di futuro,”

Pieters a bisa. Y pa Aruba, esaki ta crucial, pasobra sostenibilidad di nos economia ta depende di e nivel di nos propio talentonan.

Cooperacion como punto clave pa futuro

Pieters a subraya tambe e importancia di colaboracion internacional. E relacion entre Mondriaan y EPI, cu e experiencia existente cu Corsou y e otro partnernan, tin oportunidad real pa crea un ecosistema

educativo cu ta conecta Caribe cu Europa. “Nos tin e oportunidad pa traha hunto y crea un coriente di talento fuerte pa nos region,” el a indica.

Un direccion positivo, pero cu mester accion

E bishita na ROC Mondriaan a confirma cu Aruba tin e potencial pa crece den direccion corecto.

Pero pa Pieters, e mensahe politico ta cla: inversion den enseñansa mester bira prioridad, conexion cu industria mester fortalece y nos hobennan mester haya mas herment pa logra exito.

“Nos tin talento. Awor ta cuestion di mehora e sistema cu ta duna nan e oportunidad pa sobresali,” Pieters a conclui. Futuro di Aruba no ta solamente den turismo, sino tambe ta den con nos ta prepara e hendenan cu mester traha y maneha e industria ey.

SUDOKU SOPI DI LETRANAN

Un feliz dia yena di hopi fe y speransa den nos bon Dios

”…sino conta e generacion venidero: esta gloria di Señor, su poder, ye cosnan milagroso c’El a haci.” ( Salmo 78, 4bc) E Evangelio di awe ta cuadra, manera semper, tempo cu ami tabatamucha. Mi mayornan semper tabata educa mi tocante di Dios, CristoHesus y Spirito Santo. Y un Bijbel no tabata haci falta. Haci oracionta cos di tur dia. Y sin falta bishita e cas di Dios.

Awendia nos ta ripara e generacion di awo, no tin mucho balor pa cuDios. Pero anos a sigui conta nos yiunan tocante di Dios manera nosgrandinan a haci? Anos a siña e hubentud tocante e milagronan ysacrificio cu Cristo Hesus a haci? Of di e donnan cu Spirito Santo tinpa nos? Y anos a tene man di nos yiunan, hibando nan, tur siman, pacas di Dios pa scucha su Palabra? Ban sigui cu e bunita custumber cunos grandinan a haci. Ban sigui hiba e futuro generacion ariba ecaminda cu Cristo Hesus a traha pa nos. ”…pa nan tambe confia denSEÑOR, no lubida Dios su obranan grandi…”(Sal 78, 7)

Oracion: Señor mi Dios motiva mi y guia mi, cu yudansa di SpiritoSanto, ariba mi responsabilidad pa conta y educa e generacion nobo di Bo Maraviya.

Y inspira nan pa nan sigui conta na e siguiente generacion. Amen.

FORTALEZA PA FAMIA.

Scirbi pa Pastor Marcel Balootje.

SINCERIDAD DI CURASON

TA IMPORTANTE DILANTI DI DIOS

Dios ta stima hende sincero, sinceridad ta importante pa Dios, hende cu no ta papia so , pero hende cu ta biba locual nan ta papia. Pasobra den sinceridad di curason di hende, bo ta hanja sa e berdad completo. Y hende sincero ta cana den e berdad di Dios mescos cu Rey Ezequias a cana, mescos cu Daniel a cana, asina nos tin di cana, y Dios lo haci cosnan grandi den nos bida.

Ta para scirbi den Salmo 91:14-16 bisando: pasobra e a stima Mi, pesey lo Mi libre,lo Mi protehe, pasobra e conoce Mi nomber. E lo sclama na Mi,y Ami lo conteste,

Lo Mi ta cune den angustia,lo Mi rescate y honre, Cu bida largo lo Mi satisface,y lage mira Mi salbacion.

E sinceridad cual nos tin cu trata Dios cune ta mucho mas halto cu sinceridad humano, pasobra Dios conoce cada intento di nos pensamento, e conoce cada buelta den nos curason, prome cu nos papia Dios sa kico nos ta bay papia, y ningun hende no por ganja Dios.

Pesey ora Dios mira cu nos curason ta sincero, porta grandi ta habri den nos bida , pa motibo di nos sinceridad.

Confia den Senjor cu henter bo curason,y no depende riba

bo mes comprondemento, den tur bo camindanan reconoc’E y E lo dirigi bo berehenan.

Sinceridad ta wordo demostra ora nos ta depende riba Dios, ora nos ta kere y confia y sa cu tur locual cu nos tin mester ta bini di Dios, pasobra ningun hende por ta independiente di Dios, Su palabra ta bisa nos, pega den Mi , boso por tur cos leu for di Mi boso no por nada.

Pesey e palabra ta recorda nos cu tur cos nos por den Cristo cu ta duna nos fortalesa.

Ata Bo ta desea berdad den e parti mas intimo,y den e parti scondi,lo Bo haci mi conoce sabiduria.

Tur hende cu ta sincero cu Dios, lo crece y madura, pasobra sinceridad ta vitamina pa crecemento.

Un matrimonio sincero ta crece y lo duna bon testimonio na nan yuinan. Un trahado sincero semper por aspira na un puesto nobo cu un bon aumento di salario, pasobra Dios ta bendiciona hende sincero.

Sinceridad ta bal mas cu placa, pasobra sinceridad cu integridad a nace hunto ta dificil pa bo ta un hende integro y bo no ta sincero, no ganja bo mes.

Laga nos hala serca cu

un curason sincero, yen di siguransa di fe,cu nos curasonnan purifica di un mal consenshi, y nos curpanan laba cu awa puro. Laga nos tene firme na e confiansa di nos speransa sin vasila.Pasobra Esun cu a priminti ta fiel.( Hebreonan 10:22-23).

Sinceridad ta base di tur cos caminda no tin sinceridad, no tin nada, pasobra no tin amor , ni tampoco balor di locual hende mester tin.

Den bida tin hende ta topa cu un bon muher of un bon homber pero pa falta di sinceridad tur cos ta cay na awa, pasobra e pilar di amor no ta bon tipo , ni bon curpa, pero e pilar di amor, matrimonio y bon relacion ta sinceridad.

Sinceridad ta pone hende stima nan yamada, cu Dios tin riba nan bida, sinceridad ta uni tur locual ta di Dios, Sinceridad ta pone hende para keto y fiha nan bista riba Dios, constantemente.

Hende sincero no ta wak nan propio interes, pero loke ta di Dios, y locual ta duna gloria na Dios, ta bini na prome lugar, y nan ta para firme pa esey.

Dios ta stima hende cu ta sincero.

Sinceramente, Pastor Marcel Balootje.

Baki den

Bario pronto cu fecha noBo

Organisacion di e actividad Baki den Bario ta informa cu e siguiente edicion no lo tuma luga segun programa anteriormente.

Actualmente, ta trahando riba algun ahustacion den e planificacion di e actividad, cu meta pa sigui fortalece e concepto y e experiencia pa comunidad. E iniciativa Baki den Bario ta surgi bou liderazgo di Premier Mike Eman, como parti di un esfuerso continuo pa promove conciencia y responsabilidad comparti den mantene nos isla limpi y cuida nos entorno.

Den e contexto aki, ta evalua con e actividad por sigui desaroya y aporta na un impacto mas duradero den diferente bario, semper cu enfoke riba participacion di comunidad y sostenibilidad.

Mas informacion riba e siguiente fecha lo wordo comunica tan pronto cu esaki ta confirma.

Organisacion ta gradici comprension y pasenshi di comunidad, y ta reafirma su compromiso pa sigui desaroya iniciativa cu ta contribui na bienestar, limpiesa y bon comun di nos isla.

“Señor ta mi wardador, mi’n tin falta di nada.

Den cunucu di yerba berde e ta ponemi sosega. E ta hibami na awa trankil, pa mi bolbe haya forsa”.

- Salmo: 23

Cu inmenso tristesa den nos curason, pero conforme cu boluntad di Dios, y agradecido pa su bida y amor, nos ta anuncia fayecimento di nos kerida mama, wela, bisawela y tanta:

Na nomber di su:

Mayornan:

† Simon van der Veen Quant Arends y † Sarah Emilia Arends Sequera

Tanta y manera mama: † Delfina Isabel Sequera

Esposo: † Mario Federico Arends

Yiunan: Simon van der Veen Quant & Dalila

Arends, Ramon & Vivianne Arends

Maria Veneranda “Chicha” Arends

Maria Delfina “Fina” Arends

Mario Federico & Sharissa Arends

Nieto(a)nan: Simon v/d Veen Quant Arends

Ramon Andres Arends & Michelle Henriquez

Maria Elizabeth & Kevin Leung

Daniel Jose Arends & Arianny L. Medina

John Frederick Lopez

Ariana Gabriella Arends

Alyssa Carolina Arends

Anna Cathalina Arends - Arends

Miho conoci como “Cata” 23 februari 1937 – 17 april 2026

Bisanieto(a)nan: Ramon Mikael, Violet Victoria y Liam Gabriel

Rumannan: † Gardenia “Bebe” & † Eric de Cuba

† Eric & Nancy Arends

Swa y cuñanan: † Max & Adwina Arends

† Clarita & † Jenny Arends

† Hubert “Ipi” & Arlene Arends

† Maria Leoncita “Oncha” Arends

† Silo Franken

Sobrino(a)nan: Jeanette y Sarita

Nancy y Gardenia

Max, John y Eddie

Johan, Milton, Raymond, Anthony, Mariebelle y Gregory

Ana Maria y Mylene

Herby, Landa, Debbie, Lienchie y Betchie

Carlos y Angela Maria

Ayudantenan: Mercy, German, Sherry y Naomi

Primo-, prima-, consuegra-, iha-, comer-, comper-, y demas famianan.

Nos disculpa si den nos momento di tristesa nos por a lubida un ser keri.

Acto di despedida lo tuma luga diahuebs 23 di april 2026 na Aurora Funeral Home di 9:00 am pa 11:00 am. Acto di cremacion lo tuma luga despues den seno familiar. Nos ta lamenta cu despues di acto di despedida nos no ta ricibi bishita di condolencia na cas.