URATACA CENTER
Teriyaki Chicken, Fried rice, Banana & Batata Diahuebs 20 Oktober 2016 -Edicion-10 Vol.2094 Sta.Cruz #110 Tel: 585-9500 Fax:585-0951 - E-mail: solodipueblo@gmail.com
1.50
Tel: 585-5212
Andre Bosman di Tweede Kamer ta rabia riba trocemento
Mike Eman tambe a reconoce su eror No tira culpa riba Hulanda!! Ta Hulanda y Aruba a comete eror! Partido MEP:
PRESIDENTE DI PARLAMENTO NO TABATA TIN E DECENCIA PA ATENDE CU FAMIA KOOLMAN E futuro di Aruba den Reino Hulandes ta core peliger? Y kico lo bin na su lugar? RBC ta apoya MJF den nan lucha contra cancer di pecho
MIKE MESTER STOP DI GAÑA Bingo Drive di FSTT pa sostene Cruz Cora di Aruba Diasabra dia 29 di Oktober 2016 den parkinglot di SETAR
Comision Marcha Nacional ta gradici e comunidad di Aruba pa e sosten
Pagina 2
Diahuebs 20 Oktober 2016
Comision Marcha Nacional ta gradici e comunidad di Aruba pa e sosten
Cinco dia a pasa despues di e Marcha Nacional pa Nos Seguridad. Un biaha mas nos kier gradici henter e comunidad di Aruba cu a acudi masalmente pa uni e causa aki. Hendenan opositor di e marcha, cu probablamente no ta preocupa cu e situacion di criminalidad cu nos ta biba aden, a malinforma cu e marcha tabata di 300 persona, mientras cu den su peak el’a yega un 1900. Tambe, hende sin escrupulo a purba instiga nos hendenan pa no acudi na e marcha pasobra lo tin actonan di vandalismo y violento, sin conta cu a purba di pone un tint politico p’e. Nos tur por a mira un grupo enorme di persona cu a comporta y a demostra cu nos ta hende decente, serio y cu un proposito comun: LOGRA UN ARUBA SIGUR pa nos tur. Toch segun diferente media, e marcha aki tabata esun mas grandi y mihor organiza den HOPI tempo. Nos tur a bin na un bon manera pa pidi Gobierno di Aruba cambia su prioridadnan. Lamentabel ta cu despues cu Gobierno di Aruba a firma un compromiso cu nos tur pa pone SEGURIDAD como
PRIORIORIDAD, nan a sigui enfoca ariba otro asuntonan. Nos no ta bay elabora den e nombramento di Nos Gobernador, pero esaki a cautiva e atencion total di Gobierno sin cu tabata necesario. Mientras tanto, niun di nos puntonan a wordo atendi y na lugar di esey, Minister di Husticia, Arthur Dowers a subi avion. Minister Dowers no mester duna MEP, ni niun sindicato un contesta, pero e mester para firme y responde pueblo cu e puntonan cu a wordo treci pa’dilanti. Adhunto aki un copia di e manifiesto di Comision ProSeguridad, pa asina tur hende ta informa di loke a wordo pidi y e timeframe cu a wordo duna pa Gobierno di Aruba actua. Despues di e marcha aki, caminda hende di tur condicion y color politico a mobiliza, Gobierno di Aruba no a tuma accion, loke ta demostra cu nan no ta tene na cuenta cu e peticionnan di e ciudadanonan.
Un biaha mas Comision ProSeguridad ta urgi nos gobierno pa actua di manera responsabel y enfoca riba e crisis di inseguridad cu Aruba ta biba aden.
Pagina 3
Diahuebs 20 Oktober 2016
Andre Bosman di Tweede Kamer ta rabia riba trocemento
Mike Eman tambe a reconoce su eror No tira culpa riba Hulanda!! Ta Hulanda y Aruba a comete eror! Parlamentario Hulandes, sr. Andre Bosman, den un entrevista exclusivo cu SOLO DI PUEBLO, a trece su lamento riba publicacionnan haci door di e corant Antiliaans Dagblad y riba declaracionnan haci door di Mike Eman.
Den e edicion di diarazon 19 di Oktober, AD ta publica cu “Plasterk erkent foute benoeming van de gouverneur”, esta cu Minister Plasterk a reconoce eror den nombramento di gobernador.
Segun Andre Bosman, cu e raportahe aki ta duna full un otro bista di e realidad. Si lesa e declaracion en comun di Hulanda y Aruba, ta bisa specificamente cu e proceso di nombramento di gobernador no a cana completamente bunita, door di AMBOS partido, esta door di Aruba y Hulanda. E percepcion awor ta wordo crea door di Antiliaans Dagblad y sr. Mike Eman, cu Hulanda so a actua fout y cu Hulanda ta reconoce su fout! Esaki no ta berdad! E berdad ta cu tanto Hulanda y Aruba a contribui cu e proceso no a cana bunita.
Mas iritante pa sr. Bosman ta e hecho cu Mike Eman a duna full un otro resumen di e reunion cu Plasterk, por cierto un diferencia grandi.
Na Hulanda Mike Eman ta admiti y ta shake hand cu Hulanda y
ta bisa cu AMBOS a comete eror! Pero pa medionan na Aruba, Mike Eman ta bisa full un otro cos, esta cu ta Hulanda a haci fout y a reconoce su eror. Tanto Antiliaans Dagblad y sr. Mike Eman ta bisa full un otro cos!
Segun sr. Bosman, cu e cosnan aki ta irit’e of molesti’e, ora cu periodistanan no ta haci nan propio investigacion. E proceso di nombramento di Gobernador ya tabata tin hopi tardanza y tabata hopi laat. Aruba tabata hopi laat. Ademas Mike Eman “deed geen goeie voorstellen”, es decir cu Mike Eman no tabata trece nombernan di candidatonan cu tabata apto pa bira gobernador. Tur esaki ta trece cune cu enberdad
e proceso por a encamina mihor! Pues absolutamente no por bin bisa cu Hulanda mester a reconoce eror. Hulanda so no tin culpa, pero Aruba tambe y Mike a reconoce su fout!
Ta hopi laf, ora cu kier tira tur culpa riba Hulanda, tur culpa riba Den Haag y bisa cu Hulanda kier dicidi riba Aruba! Segun sr. Bosman, esaki ta: “pertinent niet waar”!
Ta di lamenta tambe cu Aruba tin un cantidad di prensa comprometi cu Gobierno, pasobra den opinion di sr. Bosman, un prensa mester ta hopi critico, pasobra ta hustamente prensa critico ta e base di democracia. Sr. Bosman a
sigui bisa cu ta for di basta tempo caba e ta waak cu Antiliaans Dagblad no ta suficiente critico y esaki ta hopi di lamenta. Na final sr. Bosman a bisa cu Aruba tin un bon persona como gobernador nobo! Pueblo di Aruba ta carga y sostene e gobernador. Ta di lamenta cu Antiliaans Dagblad y Mike Eman kier troce e berdad y bini cu un version contrario di loke a keda palabra na Hulanda.
Sr. Bosman a cera cu un atake fuerte riba Mike: Mike Eman, Si bo haci palabracion, bo ta cumpli cu nan? Keer op keer nos ta conclui cu un afpsraak haci cu Mike Eman no tur ora ta un afspraak.
Ex - empleado indesea a menaza doño di restaurant Diamars, pa mas of menos 5'or di atardi, Central a dirigi patruya na 297 Restaurant na Palm Beach pa un persona desconoci. Na e sitio a papia cu e homber S.B., kende a declara cu el’ a kita un persona for di trabao di dicho local. E ex –trahador, e hoben R. Segun S.B., e hoben R. ta bin tur dia
entre 4'or y 6'or di atardi na dicho restaurant. Mirando cu R. ta bin tur dia y no ta cumpra nada, el’ a wordo cori for di e restaurant. Na e momento ey el ‘a cuminsa menaza e manager. Segun S.B. esaki a pasa tur dia pa varios dia. Recientemente R., hunto cu otro dos hoben a bin ey y tabata tin un
cuchiu cun'e. Door di esaki S.B. a haya miedo y a yama polis. S.B. a wordo avisa pa bay recherche y pa duna keho. Polis a core den vecindario, pero no a topa cu R. ni su amigonan. S.B. tambe a wordo conseha pa yama polis di biaha si e mira nan den vecindario. Central a wordo poni na altura.
Pagina 4
Diahuebs 20 Oktober 2016
Director di SVb, sr. Edwin Jacobs:
Cifra di AO na SVb ta bao di normanan internacional
E cifra di AO den sector priva na Aruba ta bao di e normanan internacional . Esaki sigur ta un pluspunt pa Aruba. Director di SVb, sr. Edwin Jacobs ta duna di conoce cu den e ultimo 10, 15 aña e ta bao di 3% promedio. Sinembargo tin sector caminda cu e ta mas halto cu otro pero esaki ta depende di diferente factor. Manera edad of tipo di trabao ta hunga un rol. E trabaonan den oficina unda no tin mucho trabao fisico pero trabao mental, ey e cifra di AO ta mas abao. Caminda cu fisicamente ta exigi mas di un trahador, e chance ta grandi cu tin hopi mas AO cu den un oficina. Por ehempel den e sector turistico tin hopi mas malezanan contagioso manera griep et. Hopi di e factornan aki ta pone cu un factor ta pone cu un ta mas halto cu otro, pero na momento cu bo tuma en general como pais, Aruba ta bao di 3% cual cu ta bao di e normanan internacional. Director di SVb ta duna di conoce cu e sala di espera na SVb ta hopi chikito. Loke ta un realidad
ta cu e edificio di SVb banda di hospital a keda traha den añanan 80 y ta bisto cu actualmente e no ta suficiente pero na e momentonan aki ta tratando pa haya un tereno patras di SVb mes y lo por bay elimina e trailernan cu a keda poni algun aña pasa den un forma temporal . Pa otro aña SVb lo kier drecha e parti di patras di e edificio na Eagle unda lo por bay re- ubica esnan cu ta den trailers y pone nan den e edificio. Lo bay traha dos wachtkamer mas y tambe dos kamber di control. Na e momentonan aki SVb ta den e proceso di busca dokter pa asina por amplia e servicio. Ta contracta dos dokter mas den servicio. Awor a tuma dos pero ta bay tin mester di mas den futuro. Tambe SVb ta den cambia e proceso di number pa ta na turno. Locual tin awor ta haci e ora di espera hopi largo. Lo bay pone e ora tambe riba e formulario. Esaki ta pone tambe cu e sala di espera no ta keda yen. E pacient ta bin bek na e ora stipula.
Dienst Publieke Scholen ta reacciona:
A conduci investigacion relaciona cu keho contra Juffrouw di school y a actua a base di conseho
Manera mayor di e alumno di Reina Beatrix School a menciona, el’ a cana e caminda corecto pa locual a pasa cu su yiu. Dienst Publieke Scholen (DPS) ta encurasha tur mayor cu tin keho riba e forma con docentenan ta sea trata cu e alumnonan of e calidad di les cu ta duna den klas, pa pone DPS na altura. Meta ta pa haci tur lo posibel pa salvaguardia interes di e alumno. Den e caso specifico aki, e mayor a entrega un keho y DPS a atende e keho conforme procedura. Manera den tur caso di keho, a duna e juffrouw "toegangsontzegging" pa 6 siman cu e meta pa haci un investigacion separada dor di DPS y Inspeccion di Enseñanza. DPS a sigui e consehonan di Inspeccion di Ensenansa y a papia cu e mayor. Lo no duna informacion specifico pa protege e mucha mas hopi posibel. Ta di lamenta cu informacion specifico ta sali den prensa, mirando cu esaki
ta trece cune mas atencion negativo riba e mucha. Na tres ocasion mayor a pidi pa cambia su yiu di klas. A tene cuenta cu e deseo di mayor, pero siman pasa diamars e mayor ta pidi pa e yiu keda den e mesun klas. Y despues diabierna siman pasa e mayor a cambia di idea atrobe y a pidi pa su yiu cambia di klas. Ta bon pa enfatiza cu diabierna siman pasa, contrario na locual e mayor ta bisa den prensa, school no a papia cu e alumno dilanti 4 adulto, pasobra den situacionnan asina no ta papia cu e alumno concerni sin presencia di su mayornan. Dialuna dia 17 di Oktober 2016 mayor a bolbe pidi pa
cambio di school. DPS ta enfatiza cu ningun momento Minister di Enseñanza a bisa cu juffrouw ta bay bek den klas y cu yiu di senora S. ta cambia di klas. DPS como directiva di school ta atendiendo e caso aki.
E alumno concerni desde e momento cu e keho a drenta ta ricibiendo guia di trahador social di school. E klas ta hayando diferente lezing di e.o. Telefon pa Hubentud riba e tema “bullying”. E maestro lo haya guia di "Teacherscare”. E cabezante y zorgteam di school ta bao guia di DPS. DPS ta subraya cu bienestar di e alumno concerni y tur otro alumno ta na prome lugar.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Pagina 5
Diahuebs 20 Oktober 2016
RBC ta apoya MJF den nan lucha contra cancer di pecho RBC ta revitaliza su meta “yuda nos comunidadnan prospera” pa haci donacion na MJF Recientemente RBC Royal Bank a haci un donacion na Mary Joan Foundation pa duna sosten den nan lucha contra cancer di pecho. Pierre Rafini, Country Manager di RBC Royal Bank (Aruba) N.V. conhuntamente cu Mirjam-Auwerda Jansen, Area Vice-President di Personal Banking a entrega un cheque na sra. Arabella Reyes-Colina, Presidente di Mary Joan Foundation (MJF).
"E trabao cu MJF ta haci pa nos comunidad y pa esnan cu ta diagnostica cu cancer di pecho ta di sumo importancia. E maleza aki ta afecta hopi di nos personalmente y por medio di e contribucion aki nos kier duna bida na RBC su meta: yuda nos clientenan crece y nos comunidadnan prospera. En general e trabao di MJF ta wordo posibilita por medio di donacionnan y cu e gesto aki nos kier demostra nos preocupacion personal na esnan cu ta biba cu
cancer”, segun Rafini.
En conexion cu e cancer awareness week RBC a invita e fundacion pa tin un booth na RBC Sasaki Branch pa asina duna informacion y conscientiza cliente. Trahadornan di RBC tambe a haya un presentacion tocante e maleza aki cu wordo presenta pa sra. Consuela Cameron, Trahador Social.
Mary Joan Foundation a lanta desde aña 2007. Nan meta ta sirbi comunidad tambe door di conscientiza y suministra informacion tocante cancer di pecho y bienestar fisico y spiritual. Mary Joan Foundation kier logra su obhetivonan mediante lectura, seminario, reunion, articulonan den corant, programanan na radio y television, acercamento personal y diferente otro actividad.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Ministro encarga cu Salubridad ta anuncia cu entrante 21 oktober 2016 durante 14 dia lo tin oportunidad pa un y tur tuma conocemento na Departamento di Legislacion y Asunto Huridico, Schotlandstraat 53, di un peticion cu a ser haci pa obtene un hotel-vergunning pa e parcela Stadionweg 19. E permiso aki ta concerni cuminda pa wordo consumi den e parcela. Durante dicho periodo aki tur hende por expresa por escrito nan obheccion contra dunamento di e permiso menciona, dirigi na e Ministro encarga cu Salubridad, via intermediacion di Director di Legislacion y Asunto Huridico, Schotlandstraat 53.
Pagina 6
Diahuebs 20 Oktober 2016
Remetido
MASHA PABIEN SAN NICOLAS CU BO REFINERIA CITGO Y AWOR CU BO GOBERNADOR SR. ALFONSO BOEKHOUDT! Mi no por comprende, pakico tin tanto bululu y criticanan infunda ariba un persona integro, cu ta sr. Alfonso Boekhoudt. Ainda tin elementonan na Aruba cu ta biba di odio, venganza y cudishi. Shonnan, desmantela Boso curazon cu ta yena cu venganza, envidia y odio. Y yene cu Gracia, Amor y Bondad di Dios pa otro, pa Boso por tin un bida feliz. Si awor aki mester haci un encuesta na Aruba, pa cu persona di sr. Alfonso Boekhoudt pa bira Gobernador. E sosten di e pueblo di Aruba lo ta masal pa su persona. Durante e reunion di Parlamento, unda cu e amienda di Desiree Croes tabata den wega, un persona cu ta papia Hulandes a acerca mi persona y a bisa mi cu E ta traha cu gabinete di Gobernador. Tambe el’a duna mi su nomber y ta di nacionalidad Surnameño. Nos a conversa algun topico di politica di Aruba y el’a puntra mi si mi ta na altura cu Aruba lo bay haya un Gobernador nobo. Y si mi a tende e nombernan di esnan cu ta candidato pa bira Gobernador. Mi a conteste cu mi a tende varios nomber, pero den tur e nombernan cu nan a menciona, ta un persona so mi ta haya cu ta cualifica pa bira gobernador, esey ta sr. Alfonso Boekhoudt. E ta un homber serio y honesto, E no ta un marioneta, tampoco E ta politiek ziek. Mi a bise tambe cu e ta casi mescos cu Gobernador Fredis
Refunjol. E diferencia ta cu Fredis Rafunjol ta un bon hungador di softball, cu ta bati hopi bon. Mi a bise tambe cu mi tin sigur cu Gobierno di Aruba y pueblo di Aruba lo sostene sr. Alfonso Boekhoudt pa bira nos Gobernador, pasobra e ta un homber integro y di credibilidad, honesto y sincero y Hulanda mes a mira con sr. Alfonso Boekhoudt tabata den su trabao como Gevolmachtigde Minister. Debi na su capacidad, Hulanda a nombr’e Gobernador di Aruba. Mi a bisa e meneer ey cu San Nicolas ta hopi contento, di haya un Refineria y awor un Gobernador cu a nace na San Nicolas y ta biba na San Nicolas. Pakico tur hende a bira diripiente contra San Nicolas. Ta Playa so mester haya tur cos? Mi a sinti cu e meneer ey ta haci un encuesta. Mi no a weita e persona ey nunca y ora el’a caba, e persona ey a bisa mi cu e ta bai sigui saluda su amigonan. Y mi a bise cu un mihor persona cu sr. Alfonso Boekhoudt no tin, pa bira nos Gobernador. E motibo pakico mi no ta sostene e otronan, ta pasobra mi ta haya cu sr. Heny Eman y Bermudez ta dos chubato bieu cu merece un stoel di zoya pa bay sigui zoya na cas y e otronan no merece pa discuti ariba nan. Mi a bisa e meneer tambe cu mi preferencia ta keda,
mihor. Si sr. Alfonso Boekhoudt ta bon pa traha pa Gevolmachtigde Minister na Arubahuis na Hulanda, dicon awor diripiente e no ta bon pa bira Aruba nos Gobernador? E escogencia di Hulanda ta na su lugar, e ta bon escogi. Esnan cu a lastra su bida priva ariba caya y a yame pa traidor, boso no a sinti e candela di diabel den boso boca y e holor fuerte di asufre di diabel? Hulanda simplemente a mustra Aruba su poder cu e tin, WIE BETAALT, BEPAALT! Na Aruba nos lo sigui canta e cantica, di “bula ariba cay abao, haci kico cu Bo kier, bay Hulanda, bay Nacionnan Uni, ta Alfonso Boekhoudt mes, ta Alfonso Boekhoudt mes! Y si nos ta sinti nos macho para den nos zapato, nos no ta bay LEMBE na Hulanda sino para e cachi’cambitonan ey manera AVP ta yama nan y bisa nan pa duna Aruba su independencia prome cu solo baha. Pero promer cu esey nos mester corda si, ayo paspoort Hulandes, ta kende lo bay paga pa nos defensa y e debe grandinan cu tur Gobierno a haci ariba cabez di e Pueblo humilde aki.
Hiacintha Thijsen Trimon, Savaneta 210-A
sr. Alfonso Boekhoudt, pasobra pa mi e ta esun di
Bingo Drive di FSTT pa sostene Cruz Cora di Aruba Diasabra dia 29 di Oktober 2016 den parkinglot di SETAR
FSTT ta organiza un biaha mas su grandioso fundraising event cu ta un Bingo DRIVE den parkinglot di SETAR. Esaki lo ta di 3 biaha cu ta organiza e Bingo, e prome aña a tene na Club Caiquetio y di aña pasa a tene riba parkinglot di SETAR cual a surpasa tur expectativa. Sigur lo tin
premionan hopi atractivo mientras cumprando un ticket of un buki bo ta contribuyendo pa un bon causa cu ta e Cora di Aruba y pa otro proyectonan di trabaonan caritativo y social di FSTT. FSTT ta un fundacion cu a empleadonan voluntario di SETAR cu ta duna nan
contribucion financiero mensualmente pa un bon causa. Tur aña FSTT ta yuda cu pakete di Pasco pa esnan di menos recurso y ta traha durante henter aña ta yuda cu trabao comunitario. Henter pueblo di Aruba ta keda cordialmente invita pa e tremendo
fundraising event cu lo tuma lugar diasabra dia 29 di Oktober 2016 na SETAR, parkinglot na Seroe Blanco cuminsando desde 8:00 pm. Entrada ta 10 florin pa ticket (porta lo habri desde 4’or di atardi). Lo tin bar y cushina bon surti na encargo di e voluntarionan di Cruz
Cora Aruba. Ta bay tin un tremendo animacion di Rincon Boyz y doorprizes pa tur hende cu a sostene e tremendo Fundraising event y contribui na e bon causa aki. Riba e potretnan por mira 2 potret di e Bingo Drive di FSTT anteriornan.
Pagina 7
Diahuebs 20 Oktober 2016
Parlamentario di MEP, sr. Guillfred Besaril
Nos hobennan cu ta caba nan estudio, no ta haya espacio pa drenta Mercado Laboral Segun e parlamentario ,un di e motibonan principal cu e hobennan tin problema actual pa integra den e Mercado Laboral ta e hecho cu e hendenan di edad mas halto ta sigui traha mas largo y esaki ta pone cu no tin e necesidad
Den e conferencia di prensa semanal di partido MEP parlamentario Guilfred Besaril a duna di conoce cu aki algun dia ta bay trata e presupuesto di Aruba. Segun e parlamentario na momento cu ta haci un analisis riba e presupuesto, ta mira cu ta hustifica con ta bay haci uso di e placa den aĂąa 2017. Segun e parlamentario tin cierto pasada cu ta hopi importante pa fraccion di MEP. Por a tuma nota cu gobierno ta acepta cu e cifra di desempleo bao di nos hobennan ta alarmante. Sinembargo no ta mira den ki direccion gobierno kier bay den e parti di pa emplea e hobennan na Aruba. Tampoco e mandatario ta mira e impacto di e cuestion cu lo mester bay aumenta e edad di pensioen. E realidad ta cu tin algun plan di algun proyecto y atraves di e proyectonan lo bay purba di yuda cierto gruponan den e caso specifico aki di e hobennan , pero te na e momentonan aki fraccion di MEP no ta mira un analisis di parti di gobierno cu ta mustra e impacto di e aumento di edad di pensioen general cu a subi pa 65 aĂąa.
pa habri e funcion pa hobennan cu a caba di studia of cu ta cla pa drenta e Mercado Laboral. Nan no por haya e oportunidad aki. Parlamentario Besaril ta duna di conoce cu esaki ta loke ta haya falta unda cu gobierno no a
haci e investigacion aki. E pregunta ta keda: Ta husto pa subi e edad di pensioen pa 65 aĂąa? Fraccion di MEP ta bay ta pendiente riba e impacto cu esaki ta trece cune!
Pagina 8
Diahuebs 20 Oktober 2016
TRASH Store a ricibi impactante coleccion di camisa pa hende homber E prome tendencianan di temporada di fiesta ya caba ta den shop.
hende homber cu por wordo adapta pa asina funciona pa diferente ocasion. TRASH Store ta enfoca ariba e variedad di estilo pa asina por cumpli cu tur gusto. Camisanan clasico te na estilonan mas moderno ta obtenible na TRASH Store. E factor di color sigur ta hunga un importante rol mirando cu
E temporada pa bisti bon ta na porta. Definitivamente un y tur ta percura pa nan vestuario pa tur e actividadnan social di temporada. TRASH Store ta lanza e prome coleccion di temporada di fiesta pa hende homber. Un
surtido impresionante di camisanan cu por fungi pa un estilo mas formal combina cu carson y tambe pa actividadnan mas casual si bisti esaki cu jeans. E idea ta pa por presenta piezanan di moda pa
moda masculino awor ta opta pa mas opcionnan. Tononan di blauw, preto y blanco como tambe tononan di cora ta e colornan clasico di moda y sigur ta obtenibel actualmente. Tononan manera “hunter green”, “Multi color” y “Utraviolet” sigur ta e colornan nobo cu moda internacional ta
OCTOBER
Tijna y blow Fl. 100.00 y GRATIS bo corte
propone pa e temporada especial aki. Pa mira mas di e coleccion di TRASH Store por bishita nan pagina ariba facebook. E boutique ta situa na Sibelius Straat # 8 y ta habri di Dialuna pa Diasabra di 10’or di mainta pa 7’or di atardi.
Pagina 9
Diahuebs 20 Oktober 2016
Turista Britanico burachi causando problema Diamars, pa mas of menos 11'or y 50 di anochi, Central a dirigi patruya pa un hotel riba e High Rise Strip pa un homber burachi y fastioso. Na e sitio nan a wordo atendi pa personal di e hotel, kendenan a declara cu ya pa algun dia nan ta hayando problema cu un pareha for di Gran Britania. Diamars, pa di tres biaha nan a wordo avisa. E homber lo mester a maltrata su amiga na bar. Patruya a papia cu e homber yama L.P., kende a declara un storia cu no ta cuadra riba un caso di violacion di su amiga. Tambe cu e lo a bay cu un dama di "escort" mas tempran, cu lo a ocasiona problema entre e pareha. .L.P kier a evita cu su (ex) amiga Y.O. sali e anochi y a oblig'e pa drenta nan kamber. Den e bar di e hotel e lo a baha un tiki pisa riba dje, caminda cu patruya por a mira cu tabata tin un marca na su braza drechi ariba.
Segun security L.P. lo a dal Y.O. cu man habri na su cara. Mirando tur e problema, Y.O. no kier keda cerca su (ex) amigo. L.P. tabata bao di influencia di alcohol, si no tambe den combinacion di droga, cu na principio di siman personal di limpieza a haya den su kamber. E tabata rabia y hopi inquieto. Mirando cu L.P., despues di varios biaha a haya advertencia di parti di polis, toch e tabata busca Y.O. problema, tabata insult'e y rete, e homber a wordo deteni pa su propio seguridad y di otro y hiba warda di Shaba. Ey el’ a wordo presenta dilanti di Fiscal Auxiliar y a keda encarcela.
PUEBLO A HHAĂ‘A SU PEN BEK
Pa kualkier informacion solodipueblo@gmail.com of
☎ 585-9500
Pagina 10
Diahuebs 20 Oktober 2016
BO A BUSCA, BO A HAYA! Dia 7 di Oktober ultimo Conseho di Ministro di Reino (CMR) a nombra e ministro plenipotenciario actual, Alfonso Boekhoudt como e siguiente Gobernador di Aruba. For di e silencio den media cu a sigui despues na Aruba por a destila cu gobierno na tabata ‘encanta’. Siguientemente el’ a expresa su rabia den su carta fecha 12 di Oktober den cual gobierno ta termina su confianza den su ministro plenipotenciario y ta kit’e for di su funccion entrante 1 di November. Segun gobierno di Aruba e nombramento ta ‘completamente en pugna di e reglanan cu CMR a stipula’. Gobierno ta sali for di punto di bista cu e nombramento aki ta ilegal ‘pasobra gobierno no a propone Boekhoudt manera e procedura (cu no a legaliza formalmente) den Reino ta stipula pa nombramento di gobernador’. Pa di prome biaha CMR no a tene cuenta cu e lista di deseo di gobierno di Aruba. Sí gobierno di Hulanda a indica anteriormente cu e tres candidatonan cu gobierno di Aruba a postula, pa varios motibo no tabata aceptabel. Pesey (segun fuente bon informa) a pidi pa otro candidato. Gobierno di Aruba no a cumpli cu e peticion aki, posiblemente basa riba e pensamento cu laat of tempran Hulanda lo guli e deseo/exigencia di Aruba, manera casi semper tabata e custumber. Sinembargo, pa di dos biaha den un tempo cortico gobierno di Aruba a kiboca den e firmeza di Hulanda pa no sigui acepta hechamento di baina. Den e ultimo conflicto aki gobierno di Aruba ta mustra riba violacion di parti di Hulanda di
palabracion pa cu e procedura cu mester sigui pa nombra gobernador. En principio en berdad palabracion ta mara partido segun e principio di ley ‘pacta sunt servanda’. E partidonan envolvi mester cumpli cu tur palabracion a base di buena fe. Sinembargo, desde Status Aparte, Aruba, den su relacion cu Hulanda, a eleva incumplimento di palabracion na e nivel di arte. Un di esnan mas conoci tabata Protocol 1993, cu tabata encera entre otro introduccion di Ley di Financiamento di partido politico, mehoracion di e administracion financiero y otro asunto importante pa (comunidad di) Aruba. Mayoria di e palabracionnan ey tabata tin como meta mehoracion di e calidad di gobernacion na Aruba. Hulanda a purba di logra bon gobernacion na Aruba pa medio di dialogo politico y palabracionnan cla pa asina kibra e spiral financ iero - e c onomi c o negativo. Sinembargo, su intentonan tabata en vano. Pero na Aruba mes gobierno na gran escala (t)a viola regularmente e principio di ‘pacta sunt servanda’, hunto cu norma y stipulacion di ley. Tanten cu gobierno di Aruba mes ta peca na un manera sistematico contra e principionan basico aki, e ta carece e autoridad moral di exigi di otro pa NAN sí tene nan mes estrictamente na e principionan. Si gobierno di Aruba kier haya derecho di papia riba e tereno aki, e mester cuminsa cumpli cu e lista largo di palabracion-nocumpli, tanto cu Hulanda como cu su partnernan local. Pero, hopi mas importante cu e pregunta
si a cumpli cabalmente cu e proceduranan, ta e pregunta si e (futuro) gobernador ta capaz pa hiba un rumbo neutral na un manera firme den e neishi di maribomba politico di Aruba. E peliger ta hopi grandi cu un candidato cu simpatia partidista no ta cumpli e funccion di gobernador adecuadamente. Posiblemente esey, ademas di e edad avanza di e candidato principal
di gobierno, a hunga un rol den e consideracion di Hulanda pa rechaza e proposicion di gobierno. Esey ta pone na cla cu e interesnan di Aruba y Hulanda den e asunto aki ta completamente contrario. Mientras cu gobierno di Aruba ta anhela un gobernador ‘for di propio seno’ cu ta goza di e confianza di e partido, Hulanda ta prefera un funcionario
cu ta salvaguardia e interesnan di Reino (incluso di Aruba) na un manera neutral y profesional. Pa comunidad di Aruba no por ta un escogencia dificil cual interes ta prevalece y consecuentemente cual candidato ta mas apto pa logra esey. Pa Armand Hessels
Pagina 11
Diahuebs 20 Oktober 2016
MIKE MESTER STOP DI GAÑA Analizando henter e badabada y berguenza cu Mike a hinca Aruba aden ATROBE y a haci tanto drama di hasta EXIGI pa e Rey anula un Decreto Real, mester conclui un solo hecho y esaki ta cu Mike ta un GAÑADOR PATALOGICO. Hulanda a ORDEN’E pa bin Den Haag pa “pone para straight” y puntra si ta loco el’a bira acusando y exigiendo pa Rey anula un Decreto Real. E mas tristo ta cu Mike tabata DEBIDAMENTE na altura desde prome cu Juli, cu Hulanda bao ningun circumstancia lo nombra Bermudez, pero e no tabata “bastante homber” pa informa Bermudez di esaki. Mike tabata sa debidamente desde Juli y e mes a aproba pa Alfonso hiba conversacion cu Hulanda como posibel candidato pa gobernador y Mike tabata debidamente na altura cu Alfonso A KEDA E UNICO candidato cu a pasa e “screening” di Hulanda. Hulanda mester tin su motibonan pakico nan no tabata kier Bermudez como candidato. Tur hende na Aruba ta na altura cu na DOS ocasion Mike a “OVERRULE un decision cu Bermudez a haci, hasta den Parlamento y cu Bermudez a tuma esaki “boca cayao”. Esaki ta prueba cu Bermudez NO TIN CURASHI pa para Mike!! Sabiendo tur esaki, ainda Mike ta tribi di derocha placa di pueblo y bay haci su mes y Aruba di un spectabel ridiculo na Hulanda pa 2 dia cu un delegacion di 5 hende ( Mike, Benny, Nicole, Speed y Doina). Bay Dialuna y regresa Diarazon. Tur a biaha den KLM business-class y e gastonan ta core den careda di 10 mil florin pa persona, pues como 50 mil florin na pasashi so !! Y pakico? Pa den algun ora di tempo e dobla rabo y manera un chocho manso saca un declaracion hunto cu Plasterk, na unda ta declara cu di awor en adelante e ta acepta tur loke a keda dicidi y percura pa den futuro comporta su mes, sino e lo a regresa Aruba cu un “Algemene Maatregel van Rijksbestuur” y na unda Hulanda “letterlijk” lo bin sinta riba su stoel y e mester bay cas, hunto cu tur otro! Pa ki motibo Benny a bay Hulanda? Kizas pa tene Mike su man ora e tembla pa enfrenta Plasterk? Pa
ki motibo Nicole tambe mester a bay? Y pior ainda, pa ki motibo mester paga pa Speed tambe bay Hulanda pa 2 dia, djis pa grababo para den Binnenhof ta papia kakalaka! Arubahuis tin hende cu por saca bo potret y graba kico bo kier y sin gasto alguno! Mike sa bon cu aya e por gaña na su antoho, pasobra Plasterk no ta bay reacciona riba NADA cu e bisa. E sa tambe cu den NINGUN LEY ta menciona cu ta Aruba ta DICIDI. Aruba ta haci RECOMENDACION pero ta Hulanda TA DICIDI !!! Conociendo cu e ta un gañador PATALOGICO, e lo bin cu tur sorto di storia y mentira na su regreso y awor ya caba tin varios “carpata green” cu ta haciendo lo ultimo pa defende na su radio y riba red social. Den nan tin algun cu tin rabia cu nan mayor nunca a haya e chens di bira gobernador of gobernador interino! Mike a gaña pueblo den e asunto di BBO. El’a gaña pueblo cu Aruba no tin un MEGA DEBE. E ta gaña rond mundo cu tur cos na Aruba ta di 5 strea. El’a gaña cu cara seco cu Hulanda a “verkracht & verneder “ e , mientras cu e mes a firma na Hulanda di bay di acuerdo cu CFT. El’a gaña cu “over his dead body” CFT lo drenta Aruba y cu NUNCA e lo entrega e derecho financiero di Aruba, pero a dobla rabo y ata CFT ta control’e tur luna. E ta gaña tur hende den nan cara cu Aruba ta un ehempel pa mundo. El’a gaña cu te a haci cu Refunjol a haya verlenging como Gobernador mientras cu esaki tabata UN DECISION y PREROGATIVO di Hulanda ! Awor
e ta gañando pueblo den henter e asunto tristo cu e mes a ocasiona. E ta gaña cu Hulanda a admiti di a haci un eror grandi, mientras cu Hulanda a declara bon cla cu e decision a bay segun regla di Statuut y cu Raad van State tabata na altura di e decision! E UNICO cos cu Hulanda a admiti ta cu kizas tabata tin un “schoonheidsfout” den algo y ta logico cu nan ta bisa Mike esaki, pa complace un tiki y “strijk su ego”!! Plasterk a pone Mike declara na Hulanda cu Mike tin CONFIANZA den e Gobernador nobo, pero den un otro carta Mike ta kita tur confianza den Ministro Plenipotenciario Alfonso Boekhoudt y manera un loco a core dune su retiro entrante 1 di November 2016, lagando e famia SIN ENTRADA durante dos luna!! Acaso ta trata di 2 hende diferente? Esaki ta un acto di un gobierno drechi?? Mike MESTER percura pa REVOCA su decision absurdo “per direct”, pidi Alfonso disculpa pa su ERROR GRAVE y ofrece sr. Alfonso Boekhoudt su retiro entrante 31 di December 2016 . Despues di esaki Mike MESTER ENTREGA SU RETIRO PER DIRECT!!!!!!
Mike ta un Gañador Patalogico
Hende cu ta gaña y cu mes hasta ta kere su mentiranan, ta ser yama “Gañador Patalogico”. Ciencia medico ta analisa hendenan asina di tin un karakter narcistico y cu un deficiencia di personalidad.
Mayoria hende kizas ta gaña un of mas biaha, pero manera Mike no tin comparacion. Mundo conoce 2 sorto di mentiroso : esun cu ta conciente di su mentira y e otro cu e mes ta kere cu loke e ta gaña, ta un berdad! E ultimo aki tin e nomber di “Pseudologia Fantastica” : nan ta gaña asina hopi cu nan a perde e nocion di kiko ta berdad of kiko ta mentira. Nan ta kere tur e mentiranan cu nan mes ta bisa, pasobra henter nan bida ta un mentira grandi y hasta nan recuerdonan di infancia/ hubentud ta basa riba mentira y ta casi imposibel pa un hende asina bin bek den e realidad di bida! Sorto di hende asina ta ser yama como GAÑADOR PATALOGICO y mayoria biaha ta haci esaki pa nan probecho personal y pa haci nan mes mas grandi cu nan ta enberdad. Nan ta maestro den manipulacion y mayoria biaha un persona narcistico ta aparenta di ta “charmant & leuk” pa di forma aki apodera di otro hende! Nan kier mira nan mes manera riba un pedestal y kier ricibi admiracion di otro! Ta mas cu bisto pa pueblo ki sorto di GAÑADOR Mike ta !! E mester a pidi su retiro di hopi tempo caba, ora ela haci WEGA bebiendo Ensure den tent, ora ela laga CFT drenta y apodera di Aruba. Den pasado ela ofende y insulta e Representante di Rey, pero awor e ta EXIGI pa e REY anula su decision y loke ela haci awor, ta colmo de los colmos. BAHA,ENTREGA RETIRO DI BO GABINETE Y PURBA SCAPA E POCO CARA SI TIN AINDA! Esaki si ta un mierda di bon trabao !!
Pagina 12
Diahuebs 20 Oktober 2016
Drs. Booshi Wever di UPP:
E futuro di Aruba den Reino Hulandes ta core peliger? Y kico lo bin na su lugar? Diasabra awor 22 di Oktober 2016 lo bay tin un fiesta grandi na Carnival Village na San Nicolas pa celebra atrobe un biaha mas e deal cu gobierno di Aruba a cera cu Citgo y Valero. Un deal cu a bay cu un aprobacion casi unanime di Parlamento. Esaki ta ponemi corda riba e refran di e Romanonan: “Pa tene e pueblo contento, duna nan pan y fiesta”!!!! Na mes momento e relacion entre Hulanda y Aruba ta mustra atrobe di ta uno keto bay den deterioro. Esaki a bin ta tuma lugar desde e huelga di hamber di sr. Eman. Un huelga cu a culmina den un KB y tambe introduccion di CAft, señalando asina e desconfianza di parti di gobierno y parlamento Hulandes pa cu e forma descontrola y corupto di goberna door di e gabinete Mike Eman I y II. Pero e problema pa nos Isla no a caba aki. Sr. Eman hunto cu minister Sevinger a haya ta bon pa bay reinforza nan sentido di masochismo ora a tuma vuelo bay Hulanda e siman aki. Cu dos man habri, nan a acepta e humiyacion di e gobierno di Reino pa cu nombramento di un gobernador pa Aruba. A dobla rabo mey mey di pia y a logra un declaracion di parti di Plasterk cu e procedura cu a ser hiba, no a gana un premio di beyeza, pero sorry, e nombramento ta keda pa loke e ta. Y ainda falta, pasobra ata e miembronan di Tweede Kamer a duna ministro Plasterk “opdracht” pa bay evalua con pa get rid di e islanan Aruba, Corsou y St. Maarten cerca Nacionnan Uni. E mesun Nacionnan Uni cu tabata testigo con sr. Eman a core campaña pisa pa logra un asiento den e Veiligheidsraad pa Hulanda. Apesar cu sr. Eman no a acerca Parlamento den e asunto di gobernador aki, UPP ta sinti cu Parlamento di Aruba atrobe a bolbe faya. Un intermediacion di parti di Parlamento, por lo menos di oposicion lo tabata na su lugar, pa evita cu nos como Aruba por a haci un mal beurt dilanti politiek Den Haag y e pueblo Hulandes. Sigur si nos mira e reaccionnan. Nos ta kere cu Parlamento mester a haci un intento pa pidi gobierno di Hulanda y sr. Plasterk duna Parlamento un chens pa papia cu sr. Eman prome. Hunto Parlamento di Aruba y gobierno lo tabata tin e oportunidad pa hustamente fortifica e posicion autonomo di Aruba den Reino. Tabata un custumber cu a wordo regla den palabracionnan di Conseho di Minister di Reino, cu Hulanda a trapa riba dje. Na mes momento e zet aki lo por a pecura pa acontecimento- y desaroyonan intransparente asina no tuma lugar. Y asina esaki juist evita e division cu nos tin den nos comunidad.
pa esnan cu probablemente lo ser busca door di e gobernantenan nobo. Consecuentemente esaki sigur lo ta desastroso pa Aruba. Den e situacion vunerabel cu nos a ser hinca for di fin di 2009 door di un gobierno maligno, Aruba por ta un “prooi” pa cay den man di Venezuela?? Awor aki tin un vacuum grandi di poder riba Aruba door di un gobierno cu a perde tur crediblidad y parce ta wordo dirigi door di amigonan cu a inverti grandemente den e campañanan electoral. Nos a cuminsa perde nos autonomia y nos dignidad como pueblo. Y e pueblo lo sinta man cruza? Lagando politiconan Hulandes, grandemente ayuda door di e gobierno actual di Mike Eman, kere cu nan por hunga cu nos Pais na nan antoho? Loke na su turno por desemboca den un situacion super peligroso pa nos pueblo?? tin e derecho di auto - determinacion. Pero e realidad actual cu binimento di Citgo na Aruba, por haci cu por tin un full otro scenario. Ya durante di e presentacion oficial na porta di entrada di e refineria of e mehorador, por a scucha sr. Luongo ta haci algun expresion encuanto estrecha lazonan entre Aruba y Venezuela. A referi entre otro na binimento di e ferry for di Venezuela, cu por cierto ta den man di un persona hopi liga na e partido na mando na Venezuela. Hunto cu esaki nos mester tene cuenta tambe cu e denuncia haci door di Camara di Comercio encuanto bendemento di N.V.’s na comerciantenan Venezolano y otro stromannan. Si enberdad Hulanda kier deshaci di nos y na e mesun momento comerciantenan, probablemente liga na Chavismo logra di envadi nos isla, despues cu e partidonan opositor tuma e poder over na Venezuela (y e chens ey ta grandi), lo por bay existi e posibilidad cu den un futuro cercano nos isla lo por bira un escondite
Nos no por laga otronan dicidi pa nos. Nos NO por laga otronan dicidi pa nos ki dia nos ta bira independiente. Nos pueblo no merece esey. Ta p’esey cu UPP ta bisa un biaha mas cu a bira tempo pa UNI pa introduccion di reglanan di Good Governance, nos pueblo merece un gobierno cu ta mantene su mes na reglanan di bon gobernacion. Asina ey so nos lo por logra cu lo tin respet pa Aruba no den Reino so pero pafor tambe. Asina aki SO nos no ta core e riesgo di cay den un vacuum cu por tin consecuencia desagradabel y indesea pa Aruba y nos pueblo.
Maduro Heavy Eq.N.V. Piedra #5/#6-Grijs-Tur tipo di Santo Coba Pos-Fundeshi-Haci Tereno Limpi
*Puntra pa Special di Luna Tel:5851708/ Cel:5931608/5943207/5620331 Email: mheqnv@hotmail.com
Awor tur esaki nos por wak como politikeria di parti di Hulanda, pasobra after all Aruba
Ta p’esey UPP ta kere cu nos ta na un cruzada na unda e pueblo Aruba mester dicidi su propio destino. Esaki na un manera civico y sereno y no den e situacion cu nos ta awor. Na unda nos tin un pueblo super dividi. Y UPP ta convenci cu cambia e rumbo di un destino desastroso pa hasie uno prospero y briyante pa nos pueblo NO mester ta dificil.
Pagina 13
Diahuebs 20 Oktober 2016
Partido MEP:
Parlamentario di MEP, mr. Juan Ady Thijsen:
PRESIDENTE DI PARLAMENTO NO Aruba na merced di TABATA TIN E DECENCIA PA ATENDE Hulanda door di e mal CU FAMIA KOOLMAN liderazgo di Mike Eman
Aruba henter y tambe den Reino Hulandes tur hende por a sigui e asunto di nombramento di un gobernador pa Aruba. Na final di cuenta Alfonso Boekhoudt ta nos siguiente gobernador. Sinembargo full e actitud di Mike Eman den esaki, segun parlamentario mr. Juan Ady Thijsen, tabata uno bochornoso. For di comienzo Mike Eman a para riba e candidatura di Angel Bermudez y a sigui persisti aunke Mike Eman tabata sa cu Hulanda ta contra e candidatura di Bermudez.
Mervin Wyatt-Ras tin apenas algun siman sinta riba e stoel di presidente di parlamento y ya caba por mira su arogancia. Famia Koolman a yega na porta di Parlamento sin haci un cita y simplemente pesey presidente di parlamento cu tabata paden den un otro reunion, a nenga di ricibi nan. Segun regla e mester a manda e griffier di parlamento pa atende famia Koolman, pero e no a manda ni e griffier ni e griffier suplente. Drs. Mervin Wyatt-Ras a manda un secretaria pa tuma e carta di famia Koolman. Esaki tabata un bofta den cara di famia Koolman cu ya caba ta den hopi sufrimento. Famia Koolman a bisa na mas di un ocasion cu nan ta AVP-ista, y pesey nan ta mas decepciona den nan gobernantenan y parlamentarionan di AVP. Ta di lamenta cu e presidente di parlamento su arogancia a strob’e di atende cu pueblo. Toch ta netjes cu despues cu su consenshi a remord’e, el’a yama miembro di
famia, pa disculpa su mes. Lamentabel ta e momento ey cu el’a scoge pa ataca e lider di MEP cu si tabata presente y riba peticion di famia a tuma e carta pa entreg’e na Parlamento. Algo cu famia e keda masha agradecido p’e. Ta logico cu e presidente di parlamento den su envidia riba e lider di MEP a realiza despues cu el’a
comete un eror. Hecho ta cu si Mervin Wyatt-Ras no tabata asina arogante, e por a lanta 5 minuut di su lessenaar y atende e famia pafor. Awor el’a realiza cu otro si a mustra e decencia ey y e kier rabia. Ta momento pa presidente di parlamento cu ta viola tur regla y ley, y awor hasta regla di decencia, mustra tiki mas madurez.
Mike Eman ta menciona e acuerdo di procedura di 2001/2002 pero ta evita di bisa cu segun e acuerdo aki mester tin draagvlak pa e candidato locual no tabata e caso. No tabata tin draagvlak pa Bermudez. Hulanda tin problema cu edad di Bermudez cu ta hopi halto. Bermudez di su banda a priminti cu e por bay full e 6 aña. AVP ta lubida cu Hulanda tambe tin contract cu Bermudez a firma cu Ministro Yrausquin como consehero na unda ta poni cu Bermudez no ta traha full time. E pregunta cu ta keda den aire ta, si Hulanda a tene cuenta
cu e caso di Interbank. Finalmente Mike Eman a viaha te Hulanda pa scucha personalmente cu no ta bin ningun cambio y cu Alfonso Boekhoudt ta keda nombra como nos siguiente gobernador. Pior ainda, segun parlamentario mr. Juan Ady Thijsen, Plasterk ta pone Mike Eman firma un declaracion pa recorda Mike Eman cu ainda Aruba y Hulanda tin trabao pa caba especialmente den interes di Hulanda. Esey nos por conclui pasobra Mike Eman ta cumpliendo cu Hulanda unda hasta den presupuesto di Aruba di 2017 interesnan di Hulanda ta ancla manera Gasunie, Antony Veder, LNG project etc, mientras te awe Mike Eman ta wardando riba un prestamo cu interes abao pa baha obligacionnan di Aruba, castiga door di Hulanda pa e hecho cu gobierno di AVP no a pone orde den finanzas di Aruba manera palabra cu Hulanda. E mal liderazgo di Mike Eman ta bay a costo di Aruba y segun parlamentario mr. Juan Ady Thijsen Aruba no por sigui asina y merece mihor.
Pagina 14
Diahuebs 20 Oktober 2016
For Sale Used & New Vehicle On a Rent to own agreement. Mitsubishi Lancer 2010
Directora di Opleidinginstituut mr. drs. Jeannette Richardson-Baars:
Den transcurso di 2 aña lo tin hopi Polis nobo na Aruba premira cu esey ta bay logra tambe exitosamente, Richardson-Baars a laga sa.
Current price fls. 10 000
Deposit 5000 fl y paga e resto poco poco!
E plan ta pa Augustus 2017 tin otro klas atrobe cual ta e nivel 4. El’a sigui bisa cu loke ta unico den e ramo di educacion policial ta cu awor aki tin un klas cu a caba nan nivel 3, pero nan a cuminza un paar di aña pasa na nivel 2. “Nan ta e prome klas cu ta bay haci e jump di nivel 2 pa nivel 3 y nivel 4. Esey ta e prome klas cu ta haci esey. Nos ta hopi orguyoso di esey pasobra toch ta algo apart. E ta tuma hende hopi tempo pa nan pasa door di school, bay traha, bay bek school y e ora sigui te cu final”, e director di Scol di Polis a remarca.
Toyota Camry
No tin liek di azeta , motor ta para traha keto y e no ta bati crank ,transmision ta cambia keto , color di azeta ta normal , vehiculo no ta huma blanco ni preto , shocks ,bearing , cv joints , bol joints tur ta den bon condicion y stoel nan paden ta limpi
Call now 5694343 ; price awg 3500 fl
World Wide Quality Products Mal de parkinson y pa Alzehimer Demencia Sube tus habilidades de concentrasion Refuersa tu cerebro con mas oxigeno
Polis pa Turismo Den 2017 ta cuminza cu un klas asina atrobe cu ta bay traha mas tanto den e ramo di Turismo. Nan ta Polisnan cu por traha ariba caya den e area di hotel pa trece mas seguridad pa e turistanan. Despues cu tabata tin 6 klas di Kader Opleiding cu nan tabata train na Scol di Polis y cu ta e hendenan cu ta duna e guia na e nos hendenan ariba caya, a cuminza e aña aki cu e meter kader opleding cu ta e nivel un tiki mas abao.
Dirigido a mejorar la agudeza mental Da al cerebo el impulso que necesita con un respaldo superior al systema inmune Este reacciona contra los virus que causan inflamacion. Incluye nutrientes conocidos por sus propiedades para mejorar la circulacion y oxigenacion del cerebro.
Composicion :
Targeted transfer factor , combinacion exclusiva de vinpocetina , extracto de upersia serrata , lecitina de soya , N-acetil tirosina ,n-acetil cisteina , extracto de bacopa monnieri , extracto del balsamo de limon , extracto de ginkgo biloba , Magnesio 672mg. Sugerido para : Proporcionar agudeza mental Habilidad para recordar y la concentracion Mejorar la circulacion y la utilizacion del oxigeno del cerebro Demencia Aumentar el flujo sanguineo Reparar neuronas cerebrales dañadas Derrame cerebral Aneurisma Mal de Parkinson Alzehimer Uso : 3 capsulas diarias Ingerir con 8 oz. De liquido 90 capsula.
Jama awe mes : 5694343
Scol di Polis a tene un ceremonia unda a haci entrega di diploma na dos klas cu a caba nan fase cu ta klas Niveau 4 - 2012 y Niveau 3 - 2014. Jeanette Richardson-Baars, Director di Scol pa Polis a indica cu nan ta celebra e entregamento di diploma di un klas pa nan praktijk
y e otro klas lo sigui cu nan niveau 5 Opleiding. E klas niveau 3 ta bay sigui cu nan nivel 4 y nan ta bay ricibi nan MBO Diploma den dos aña. Tin un klas nobo cu a cuminza na 2015 y 2016 na Augustus. Banda di esey ta bezig cu e niveau 2 cu mester cuminza na 2017 y ta
Esaki, segun RichardsonBaars ta e grupo cu ta traha ariba caya bao nan guia. A cuminza cu dos klas e aña aki. Otro aña lo sigui cu dos mas y despues lo bira un total di 6 klas cu Scol di Polis ta bay train. El’a indica cu tur ora Scol di Polis ta bezig cu un opleiding cu ta fit cu e rango cu e hendenan mes ta haci y e trabao cu nan mes ta haci den praktijk.
Pagina 15
Diahuebs 20 Oktober 2016
Parlamentario di MEP, sr. Guillfred Besaril:
“Aruba, un siman despues di e marcha contra Criminalidad”
Den conferencia semanal di Partido MEP, Parlamentario sr. Guillfred Besaril, a elabora riba e marcha contra Criminalidad cu a tuma lugar diahuebs 13 di Oktober ultimo, concretamente riba resultado di e marcha en cuestion. sr. Besaril a declara lo siguiente. “E Marcha di diahuebs siman pasa tabata uno historico. Pa prome biaha den historia di nos Pais nos por a mira Pueblo uni pa un causa cu nunca a ser premira cu lo por a bira un motibo di disgusto cronico den nos sociedad. Pueblo por lanta para contra un aumento (medida) cu nan ta sinti no ta husto. E clase trahado por lanta para pa mehoracion di nan condicionnan laboral. Studiantenan por lanta para pa un mehoracion den e sistema educacional. Sinembargo na momento c’un comunidad dicidi di uni pa nan siguridad y ta exigi mas atencion contra criminalidad, e ta un señal cla y raspa cu poco t’e atencion of interes cu a ser dedica n’e derecho di mas basico cu nos tur tin como ciudadano di Pais Aruba, esta di un biba trankil!
Bo por tin un auto ultimo modelo, e Mercedez Bentz di mas bunita para dilanti bo porta di cas. Y kico ta pasa cu e mesun auto bunita ‘ki si bo no ta worry pa yene di gasolin? Esaki ta e mihor ehempel cu mi por duna di e situacion na Aruba den pleno 2016 y dicon nos a yega asina leu pa loke ta trata siguridad y prevencion di criminalidad riba nos Isla. Prioridad di Gabinete Eman durante e ultimo 7 aña tabata grandemente dirigi riba embeyecimento di producto “Aruba”. Mas klinker cu asfalt, mihor! Mientras masha poco atencion a ser dedica na otro aspectonan di mesun importancia pa un comunidad sano manera entre otro diversificacion di nos economia, mehoracion continuo di nos sistema educacional, cuido medico y sigur su “gasolin” cu ta Husticia y Seguridad! Un inversionista ta busca cierto garantia prome cu e inverti den un proyecto of negoshi. Un di e garantianan di mas importante ta Seguridad; ken den su sano huicio lo bay hinca su placa den
un lugar cu constantemente ta victima di atraco? E escogencia politico pa hinca casi tur energia den Infrastructura ta logico for di e perspectiva di mercadeo; nan ta logronan cu facilmente por ser mira y utiliza p’e maquinaria grandi di PR di partido AVP p’asina sigui basha santo den wowo di Pueblo! Mehoracion di nos cuido medico casi bo no ta mir’e a menos bo ta malo of tin un familiar cu problema di salud. E retonan den nos educacion bo no ta sinti’e a menos cu bo tin yiu ta bay school. Economia y labor no ta bati na bo porta a menos cu derepente bo haya bo sin trabao. Pero Criminalidad? E aspecto aki si no a keda scondi y e motibo t’e discuido y falta di convivencia
grandi den e ultimo 6 pa 7 aña riba e tereno di prevencion di Criminalidad. Pueblo di Aruba conforme articulo 1.5 di nos Constitucion tin e derecho na libertad y biba den tur trankilidad. Pero pa Gabinete Eman, klinker y asfalt tabata mas importante cu respeta nos derecho. 7 aña tabata mas cu suficiente. Awor a yega ora pa duna Pueblo loke nan a exigi durante e marcha di diahuebs ultimo; su trankilidad! Na varios ocasion mi a sugeri na Gobierno na nomber di Partido MEP, pa reinstitui e servicio di helicopter. Redefini e tarea di Guarda Nos Costa pa tin mas vigilancia y control na nos costa y wafnan. Pone mas polis uniforma riba caya y mientras ta traha riba e problematica di personal, sea creativo y pone camara unda mester y/of manda busca mas cacho (K-9 units) specializa den patruya. Introduci e sistema di boton di panico pa duna proteccion adicional na nos grandinan, comerciantey victimanan di intimidacion/ maltrato. Si Kustwacht na Corsou no por brinda Aruba e servicio cu su Pueblo ta exigi, wel pone radar bek na Aruba anto! Y den cuadro di e convivencia necesario, institui un departamento di Control di Calidad Husticia cu e tarea specifico di keda monitor continuamente kico ta Pueblo su deseo riba tereno Husticia y Seguridad. Pueblo a Papia idioma cla dia 13 di Oktober 2016 y si Gabinete di sr. Mike Eman no ta cla pa duna oido, hala un banda laga otro haci’e e ora!” Parlamentario Besaril a termina.
PUEBLO A H HAÑA SU PEN BEK
Pa kualkier informacion solodipueblo@gmail.com of
☎ 585-9500
Pagina 16
Diahuebs 20 Oktober 2016
Mas coleccion nobo di Halloween costumes , yegando dia 19 Okt!
Nos tin algun ya caba den nos tienda! Dialuna pa diabierna 12-8 pm Diasabra 11:00 am pa 7:00 pm!
Store hours:
Nos ta warda bo!