Prome anochi cu animacion di diferente artista local
Siman di Feria Patriotico na Aruba’s Carnival & Entertainment Village Prome Minister Mike Eman cu vision grandi pa duna San Nicolas mas bida cultural y eventonan nacional. Pa prome biaha, diferente actividad patriotico a tuma luga den Carnival Village. Entre nan tabatin e Festival Un Canto pa Aruba su Himno y Bandera, cu a tuma luga dia 6 y 7 di maart, treciendo hunto talentonan local di tur edad.
E celebracion cultural a culmina diadomingo cu un bunita Explosion Cultural, cu a inclui un variedad di presentacion
completo, ya ta mustra un exprecion artistico impresionante di e herencia musical y cultural di Euson. E proyecto ta forma parti di e vision pa sigui transforma San Nicolas den un galeria di arte habri, resaltando talento y historia cultural di Aruba.
Feria Patriotico a trece comunidad hunto
cultural, cu a pone color y tradicion riba scenario.
di canto, baile y arte. Durante e evento tambe a presenta tur e ganadornan di e categorianan infantil, hubenil y adulto.
E actividadnan cultural aki ta mustra e vision di Prome Minister Mike Eman pa fortifica cultura y identidad di San Nicolas, pa asina e districto por sigui crece como un centro di arte urbano. Actualmente e artista Rasheed Lowe, den colaboracion cu Tito Bolívar, ta trahando riba un mural nobo riba e edificio di Chocolate
City Bar & Restaurant na Bernardstraat, dedica na e gran musico Arubiano Julio Bernardo Euson.
E mural, cu ta casi
E Feria Patriotico riba su prome anochi na Aruba’s Carnival & Entertainment Village na San Nicolas tabata un bunita comienso, treciendo hunto comunidad, cultura y talento local den un ambiente di orguyo nacional.
E actividad a cuminsa cu un momento solemne cu Scouting Aruba, encarga cu e acto di hisa bandera di Aruba, sigui pa presentacion di e Himno “Aruba Dushi Tera”, canta pa Stephanie Quant. E momento aki a crea un ambiente di respet y patriotismo entre tur esnan presente. Despues di e ceremonia oficial, e publico presente a disfruta di un variedad di programanan cultural cu a inclui shownan di baile
E ambiente festivo a sigui cu e entrada di The Rhythm Brassband, cu a anima e publico presente cu ritmo y energia, preparando e scenario pa e presentacion di e monarcanan di Aruba su Carnaval 72. Durante e anochi, varios hoben artista di carnaval a haya oportunidad pa presenta nan musica y talento riba escenario. Entre e presentacionnan tabatin Brooke Lockhart, Reina Hubenil di Carnaval 72; Ashandric Richardson (Jammer Jr.) cu e cancion Carnaval is a Party; Stephanie Quant cu e tumba hubenil Eynan mi ta bay; Zaidyen Donker (Johnny Boy) como Johnny Boy The Instructor y Jaylon Machado cu Amor. Tambe e publico a disfruta di presentacion di varios ganado di competencia di carnaval hubenil y infantil, entre otro Roadmarch Queen Infantil Adeliza Henriquez (Reina Fantasia), Roadmarch King Youth Brayden Elisabeth (Stinging B Junior) y Rei di Tumba Infantil Jaymerson Kelly. Un momento special tabata
e presentacion di Melody Franken, Reina di Tumba Hubenil di Carnaval 72, cu e cancion Ban Cumi, cu a haya un reaccion sumamente positivo di e publico presente.
E anochi a clausura cu un tremendo presentacion musical di Shine Music, cu a mantene e ambiente bibo te na final di e evento, haci hopi hende disfruta di musica y celebracion di cultura Arubiano. Prome Minister Mike Eman a expresa su gran satisfaccion cu e participacion di comunidad y e energia positivo cu a reina durante e Feria Patriotico, cu a demostra un biaha mas con cultura, musica y tradicion por trece comunidad hunto.
E Feria Patriotico ta parti di e celebracion di 40 aña di Nos Status Aparte y 50 aña di Nos Himno y Bandera.
Si bo no a logra bin e prome anochi, no perde e Feria Patriotico cu ta continua awe 12 di maart. Entrada ta completamente gratis, pa asina tur hende por bin celebra e rikesa cultural di nos isla hunto.
VOX: Un pOdcast pa eleVa bOs di hOben ta bek
Heart-Centered Leadership Foundation (HCLF) tin e grato placer di anuncia cu su podcast di hoben pa hoben ta bek y den un formato nobo. Desde 4 di maart por mira un episodio nobo tur diaranson 2:00 pm riba e plataformanan di Youtube y Facebook di HCLF. Vox ta un podcast unda ta duna hobennan e oportunidad di por comparti experiencia, ideanan y perspectiva unico di kico e ta pa ta un hoben. Asina ki HCLF ta traha riba un di su metanan principal cual ta pa promove e participacion di hoben. Durante temporada aki cu lo tin 11 episodio unda hobennan entre 15 y 30 aña lo combersa
riba temanan manera autenticidad, identidad, bienestar emocional y mental, vulnerabilidad, conexion, independencia, y mas.
Esaki lo ta e di 3 temporada di e podcast. A lansa e podcast originalmente na final di 2019 y a produci 2 temporada. A tuma un descanso entre 2022 y 2024 pa re-evalua e direccion cu ta hiba e podcast. Cu sosten di fondo hulandes Fonds 21 a cuminsa aña pasa cu e preparacion pa lansa un temporada nobo, den un bachi nobo. E biaha aki e podcast ta den formato di video y hobennan tin un rol crucial dilanti y patras di camera: hobennan cu ta
encabesa e podcast door di guia e combersacionnan como “host” di e podcast, y tin hobennan cu ta tras di camera ta maneha aspectonan tecnico manera camera, direccion, lus y zonido. Pa prepara nan pa e rol aki, un grupo di 10 hoben a haya tayernan incluyendo 2 facilita pa e team dinamico di Stichting Djis pa Hari Multiverse tocante kico ta un podcast y con pa prepara pa filmacion. Ademas a haci dos ronda di test, unda videografo local hoben, Jeremy Franscico di Phrames and Motion,
a sostene e hobennan den fortalece nan habilidad tecnico: con pa set up y posiciona cameranan, microfonnan, y lus.
E podcast ta wordo graba den un espacio cu HCLF a converti den un studio: VOX Impact Studio ta posibel danki na apoyo di comision di Teresita Center y sosten di Oranje Fonds y Kans Fonds.
HCLF ta haci un invitacion pa bishita e cuenta di youtube www.youtube. com/@VOXAruba of
e pagina di facebook HCLFoundationAruba pa mira e episodionan di e podcast y sostene nos hobennan. Pa mas informacion por tuma contacto cu HCLF na 5841211 of na hclfaruba@ gmail.com To Lead From The Heart Teresita Center, Bernhardstraat 125, San Nicolas, Aruba| +297 5841211 ǀ
E: hclfaruba@gmail.com W: www.hclfaruba.org ǀ
KvK # S 997 ǀ Tax # 5026755 |Bank Acc.: CMB # 63197010
DiaDomingo awo PartiDo aVP lo celebra Dia Di Himno y banDera Hunto cu su Pueblo
Partido AVP lo organisa un celebracion special hunto cu comunidad y sostenedornan di partido en conexion cu Aruba su Dia di Himno y Bandera unda cu e aña aki nos isla ta conmemora 40 aña di Status Aparte y 50 aña di Himno y Bandera.
Segun e organisadornan, tradicionalmente Partido
AVP ta celebra e ocasion riba 18 di maart, pero e aña aki a tuma decision pa move e actividad pa diadomingo awo 15 di maart, mirando diferente actividad oficial y protocolar relaciona cu e celebracion nacional y e bishita di Su Mahestad Rey Willem-Alexander na Aruba.
Parlamentario Clifford
Heyliger a splica cu e celebracion di AVP, organisa pa mas di 37 aña
caba, semper cu e meta pa reuni comunidad hunto cu partido pa celebra Aruba, su historia y su identidad nacional.
E actividad lo tuma luga na cas di Partido AVP, cuminsando di 10 or di mainta te 4 or di atardi, cu un programa familiar cu ta inclui cultura, entretenimento, deporte y gastronomia.
Ambiente cultural y entretenimiento
Durante e dia lo tin diferente presentacion musical entre otro:
• Caha di Orgel • Guzzie Dancers • Kenward
Henriquez • Stephany Quant • Azucar
Ademas, bishitante por disfruta di un ambiente cultural cu musica, baile y
actividadnan recreativo pa henter famia.
Actividadnan pa mucha y deporte
Ronaldinho Zara cu ta un activista di Partido AVP a comenta cu p’e muchanan lo tin un torneo di futbol pa categoria hubenil, cu lo inclui diferente grupo di edad. E organisadornan ta invita tur ekipo di mucha pa participa den e torneo amistoso, cu lo tuma luga riba un veld di turf chikito dilanti Cas di partido AVP, recordando e tradicion di deporte comunitario. Tambe lo tin competencia di domino pa adulto y actividad recreativo pa tur edad.
Cuminda y ambiente familiar
Parlamentario Dennerich
Kelly a splica tambe cu manera comunidad ya ta custumbra, lo tin un amplio variedad di cuminda y bebida, entre otro hamburger, hotdog, chicken nuggets, sate, chicken cutsmall, raspou,
cotton candy, bolo y koffie, asina cu tur bishitante por disfruta di un ambiente familiar y acogedor. Organisadonan ta invita tur ciudadano pa bin participa den e celebracion di Aruba hunto den orguyo patriotico, treciendo bandera y compartiendo un dia di cultura, deporte y union.
“Nos ta invita tur Arubiano pa bin celebra hunto cu nos e amor pa nos isla,” e organisadornan a expresa. E celebracion lo tuma lugar dia 15 di maart na cas di Partido AVP, for di 10:00 di mainta te 4:00 di atardi.
Minister Geoffrey Wever: IntroduccIon dI boet y sancIon pa vIolacIon dI prIjsnan
Oranjestad, maart 12–Despues di un trayecto largo di preparacion, Mnister di Finansa, Asunto Economico y Sector Primario, mr. Geoffrey Wever ta anuncia introduccion di boet y sancion pa cada violacion di prijsnan stipula di productonan den e Canasta Basico. Proteccion di consumidornan ta prioridad di maneho economico di Gabinete AVP-FUTURO. Implementacion di boet y sancion ta parti di e maneho pa fortifica control di prijs di productonan di prome necesidad y asina garantiza cu consumidornan ta paga e prijsnan di productonan manera stipula pa gobierno.
E Canasta Basico cu ta consisti di 1.399 productonan di diferente marca, peso, contenido y paketamento di prome necesidad y di cual e prijs ta wordo determina pa gobierno, ta un instrumento di maneho esencial pa proteccion di consumidornan contra subimento di prijsnan internacional. Segun informacion riba control di prijs, e averahe di violacion di prijs stipula pa negoshi den 2025 tawata 1,0 porciento. Di tur e control eherci den 2025, 1,2 porciento di e negoshinan controla a viola e prijsnan stipula. Den 2025 a duna 126 advertencia por escrito (“schriftelijke waarschuwing”). Aunke tin control di prijs tur
dI
productonan den canasta basIco
luna ainda no tawata posibel pa duna boet of sancion na negoshinan cu ta viola prijsnan stipula di productonan di e Canasta Basico.
Pa por implementa un maneho di boet y sancion, den november 2021 a trece e cambio necesario den e ‘Prijzenverordening” pero cu ainda esaki no a drenta na vigor. Despues di un trayectorio largo di preparacion, Conseho di Minister riba peticion di Minister Geoffrey Wever a duna aprobacion na e concepto di e Landsbesluit
Bestuurlijke Handhaving Prijzenverordening. E siguiente paso ta pa pidi conseho na Raad van Advies riba esaki. Ta premira cu e introduccion di boet y sancion pa cada violacion di prijsnan stipula di productonan den e Canasta Basico lo drenta na vigor den e di dos kwartaal di 2026.
introduccion di e Landsbesluit
Bestuurlijke Handhaving Prijzenverordening, Gabinete AVP-FUTURO ta transforma un set di regla riba papel pa un instrumento legal y real, pa duna boet y sancion pa tur cu no ta cumpli cu prijsnan stipula pa productonan den e Canasta Basico. “Den maneho di proteccion di consumidor, duna boet y sanciona negoshinan cu no ta cumpli cu prijsnan stipula ta un paso historico den desaroyo economico di Aruba. E
Canasta Basico ta keda un instrumento importante pa sigui duna proteccion na consumidornan y garantiza cu ora un consumidor cumpra un producto den e Canasta Basico e consumidor ta paga e prijs manera stipula pa ley segun minister
Geoffrey Wever. E decreto ta introduci dos instrumento principal pa cumpli cu prijsnan stipula di productonan den e Canasta Basico y lo wordo maneha pa e Directie Economische
Zaken, Handel en Industrie (DEZHI). E prome instrumento ta un boet administrativo pa maximonan cu ta yega te na Afl. 25.000 pa groothandel y Afl. 12.500 pa kleinhandel pa cada violacion. E di dos instrumento ta un Orden di Castigo (Last onder dwangsom) cu ta un medida cu ta obliga e negoshi pa coregi un violacion of enfrenta un penalidad monetario cu ta ripiti.
E introduccion di e cumplimento administrativo (bestuurlijke handhaving) ta representa un cambio significante den con gobierno ta proteha esnan mas vulnerabel y cu menos recurso. Anteriormente, e mecanismonan di cumplimento tawata limita, pero e decreto nobo aki ta duna gobierno e poder pa impone consecuencia directo, den forma di boete y sacionnan riba e negoshinan cu no ta tene nan mes na e regulacionnan di prijs pa productonan esencial.
Gabinete AVP-FUTURO
ta reconoce e importancia di e Canasta Basico pa comunidad di Aruba, y cu e decreto aki, nos ta tuma stapnan concreto pa protehe y vigila cumplimento di e ley.
Minister Geoffrey Wever ta gradici Departamento di Asunto Economico, Comercio y Industria y Departamento di Legislacion y Asunto Huridico pa e trabao eherci pa asina facilita introduccion di boet y sancion pa cada violacion di prijsnan stipula di productonan den e Canasta Basico.
Parlamentario di AVP, John Hart: Presu P uesto D oW 2026 mester marca un cambio
Pa mantencion P reventivo D i infrastructura
ORANJESTAD
(10 di maart 2026) –
Parlamentario John Hart (AVP) a indica cu e presupuesto pa aña 2026 di Departamento di Obra Publico (DOW) lo bin pronto dilanti di Parlamento di Aruba pa discusion. Segun Hart, e momento aki ta importante pa evalua e maneho di infrastructura den e ultimo añanan y pa determina con e pais por tuma un direccion diferente pa futuro.
Parlamentario Hart a mustra su preocupacion cu e maneho di infrastructura den e ultimo añanan. Segun e, ta cla cu rond di Aruba tin un falta di atencion riba diferente areanan esencial. Entre otro, el a menciona mantencion insuficiente di careteranan, falta di iluminacion den diferente barionan, bermnan di caminda y trottoirnan cu ta deteriora, y tambe falta di sleeping police den diferente caya, situacion cu ta crea mas insiguridad den trafico. Ademas, Hart a mustra preocupacion riba estado di diferente edificio di gobierno y scolnan cu tin atraso serio den mantencion.
Segun Hart, DOW y gobierno tin un rol central den atende e problematica aki, pero Parlamento tambe tin un responsabilidad importante ora trata e presupuesto pa sigura cu ta uza e recursonan di forma efectivo. Parlamentario Hart a referi tambe na e rapport di Jeugdmonitor 2024, presenta aña pasa den Parlamento. E estudio aki ta ofrece informacion
valioso riba e situacion social di Aruba. Entre e punto principalnan, e rapport ta mustra cu pobresa na Aruba no ta un incidente aisla, sino un problema mas profundo y sistematico. Segun e estudio, deterioro di barionan ta contribui na desigualdad social, cu consecuencianan directo pa siguridad, enseñansa y salud mental di nos hubentud.
Hart a enfatisa cu deterioro fisico y social den barionan ta fortalece un sinti di pobresa y tin impacto directo riba calidad di bida di famianan. “Realidad ta cu den e ultimo añanan, y specialmente den e ultimo lunanan, nos por conclui cu hopi barionan a keda atras. Aunke tabatin surplus fiscal, e deterioro di infrastructura ta visibel. Barionan ta mas deteriora cu nunca,” Hart a declara. Segun dje, e situacion aki ta resultado di añanan di falta di asumi responsabilidad riba asuntonan structural.
Pesey, Hart ta mira e presupuesto di DOW no solamente como un documento di infrastructura y mantencion, sino tambe como un instrumento importante pa contribui na combati pobresa y mehora calidad di bida den nos barionan.
Den e contexto aki, parlamentario Hart ta enfatisa cu e presupuesto 2026 mester refleha un cambio claro den maneho: di un modelo reactivo pa un modelo preventivo. “No nos por sigui warda te ora cos kibra pa despues
bay drecha. Mester tin planificacion y inversion structural pa mantene nos infrastructura,” Hart a indica.
Segun Hart, e presupuesto mester inclui suficiente recurso pa sigura cu barionan tin miho caretera, asfalt, sleeping police y infrastructura adecua pa aumenta siguridad di trafico. E tambe a subraya cu planificacion a largo plazo ta esencial pa logra resultado concreto.
Durante e reunion publico riba e presupuesto di DOW
2026, parlamentario Hart lo sigui enfatisa e importancia di planificacion structural, pa asina pueblo di Aruba por mira resultado mas concreto y sostenibel den mehoracion di infrastructura y calidad di bida.
Parlamentario e duard Pieters
“ n os mester com P ronde trauma Pa P or sana nos sociedad”
Durante celebracion di Dia Internacional di Hende Muher, parlamentario Eduard Pieters a bishita un simposio organisa pa Soroptimist International Aruba, un actividad dedica na empoderamento di hende muher y proteccion di su dignidad den sociedad.
E encuentro tabata hopi mas cu un celebracion simbolico. Tabata un momento di reflexion profundo riba realidad social cu Aruba ta enfrentando. Tres profesional a comparti nan perspectiva, pero un charla cu a impacta Pieters profundamente tabata e presentacion di Eugene Clementia, cu a trata e tema di trauma cu pasa di generacion pa generacion.
Segun Pieters, e tema aki ta uno di e discusionnan mas importante cu Aruba mester cuminsa tene seriamente.
Trauma intergeneracional: Un realidad cu nos no ta papia di dje suficiente
Trauma intergeneracional ta un concepto cada dia mas reconoci den psicologia moderno. Pero
mas importante ainda, ta un realidad social cu ta refleha den hopi problema cu nos ta mira tur dia na Aruba.
Violencia relacional, abuso domestico, adiccion y ruptura familiar no ta aparece di un dia pa otro.
Hopi biaha e raiz ta den trauma cu nunca a wordo trata, trauma cu pasa di famia pa famia y di generacion pa generacion.
“Niun hende niun mucha ta lanta mainta cu decision pa bira un adicto of pa maltrata un hende muher,” Pieters a indica.
“E comportacionnan aki hopi biaha tin raiz den pasado, den trauma, den experiencia di loke e persona a biba desde chikito.”
Comprende esaki ta un paso esencial pa preveni violencia y construi un sociedad mas saludabel.
Violencia relacional ta un problema di tur sociedad
Un otro punto importante cu a sali durante e simposio ta cu violencia relacional no ta discrimina. No ta importa status economico, nivel educativo, bario of profesion.
E problema ta presente den tur capa di sociedad. Pa Pieters, esaki ta mustra cu Aruba mester trata e problema aki cu mas seriedad. Educacion riba trauma, emocion y e relacionnan saludabel mester bira parti di un combersacion nacional. Evento manera e simposio aki no ta solamente importante pa hende muher, ta igualmente importante pa hende homber. “Comprension ta e prome paso pa cambia comportacion,” Pieters a enfatisa.
Nos pasado tambe ta forma nos presente
Un reflexion profundo cu a sali durante e charla tabata e impacto di historia riba identidad social di nos pueblo. Aruba, manera hopi sociedad den Caribe, tin un pasado compleho cu ta inclui esclabitud, holocausta, migracion y trauma historico. Hopi famia na Aruba tin raiz, cu ta conecta cu e generacionnan cu a pasa door di e circumstancianan traumatico. Pa Pieters, ignora e pasado no ta soluciona nada. “Si nos no
compronde nos pasado, ta dificil pa nos compronde nos presente y construi un futuro diferente,” el a expresa.
Sanacion social ta cuminsa cu reconocemento di historia y apertura pa dialogo.
Respet pa hende muher mester ta 365 dia Pieters a enfatisa cu Dia Internacional di Hende Muher no por keda limita na un fecha simbolico. “Respet pa hende muher mester ta un balor permanente den nos sociedad. Hende muher ta forma columna di famia y comunidad. Ta nos mama, nos wela, nos ruman, nos yiu.
Proteha dignidad di hende
muher ta significa crea un sociedad, unda violencia no tin lugar, unda educacion emocional ta importante y unda respet ta fundamental,” Eduard a expresa.
Pa Pieters, evento organisa pa Soroptimist Aruba ta mustra claramente cu Aruba mester habri mas espacio pa dialogo riba trauma, violencia y salud emocional. E tema aki no ta solamente social, sino ta un tema nacional. “Si nos kier combati violencia relacional, adiccion y ruptura familiar, nos mester cuminsa cu comprension di nos pasado, educacion di nos presente y responsabilidad pa nos futuro,” Eduard a finalisa bisando.
Parlamentario di AVP, Clifford Heyliger: Revitalisacion di oR anjestad ta clave pa desa Royo economico
y u R bano
ORANJESTAD (10 di maart 2026) – Durante e reunion reciente di comision di infrastructura den Parlamento di Aruba, presidente di e comision y parlamentario Clifford Heyliger (AVP) a comparti informacion relevante presenta pa Oranjestad Investors Group, cu ta enfoca riba e potencial pa revitalisa centro di ciudad Oranjestad.
Segun e presentacion, un di e solucion principal pa reanima actividad den centro di ciudad ta pa inverti den e renobacion y modernisacion di infrastructura urbano. E vision ta pa crea un Oranjestad mas dinamico door di traha diferente tipo di actividad economico y cultural, incluyendo museo, hospedahe tipo AirBnb, comercio, apartmento y luga di trabou. Parlamentario Heyliger
a indica cu e momento aki ta particularmente importante pa avanza cu e tipo di iniciativa aki. Entre e factornan positivo menciona ta cu actualmente tin inversionista motiva pa inverti den centro di ciudad, gobierno ta mustra un actitud proactivo, y tin introduccion di diferente iniciativa fiscal pa stimula inversion.
Segun e informacion comparti, si logra implementa tur plan, inversion total por supera AWG 250 miyon den desaroyo di centro di Oranjestad.
Sinembargo, Heyliger a indica cu inversionistanan tambe a comparti algun preocupacion y reto cu nan ta confronta. Entre esakinan ta e proceso pa obtene permiso, incluyendo permiso di construccion y permiso precario, cu segun nan por tuma hopi tempo. Ademas, e presencia di adicto y actividad ambulante den diferente parti di centro di ciudad ta bin dilanti como reto adicional pa e desaroyo di e area. Durante e dialogo tambe a sali na cla cu tin diferente plan den desaroyo pa mehora e situacion den centro di ciudad. Entre e iniciativanan menciona
ta e creacion di mas luga pa parkeer, mescos cu implementacion di sistema di camara pa aumenta siguridad den e area. Ademas, Heyliger a señala cu gobierno a crea un task force specifico pa atende e problematica relaciona cu adiccion den centro di cuidad. E parlamentario a enfatisa cu revitalisacion di Oranjestad ta un stap importante pa fortifica economia di Aruba y pa crea un centro urbano moderno, sigur y atractivo pa residente, empresario y bishitante pareu. Segun Heyliger, e dialogo entre sector publico y sector priva ta esencial pa logra un desaroyo sostenibel di centro di ciudad.
Trayec T o di disciplina y opor T unidad: Graduacion di Formacion s ocial ( sVT #19)
Un grupo di hoben a celebra un momento importante den nan bida cu e ceremonia di graduacion di Formacion Social (SVT) #19, caminda nan a ricibi nan certificado despues di completa e segundo fase di e programa. E ceremonia a tuma luga den presencia di Prome Minister Mike Eman, Minister Mervin Wyatt-Ras, representante di Marina Real, instructornan y famianan orguyoso.
Durante su discurso, Prome Minister Mike Eman a enfatisa e importancia di e programa SVT como un oportunidad pa hobennan cu ta buscando orientacion den un momento crucial di nan bida.
Segun Premier Eman, hopi di e participante nan ta yega na un punto den nan bida caminda nan ta reflexiona riba nan futuro: si nan kier sigui studia, cuminsa traha, of busca un caminda cu ta duna mas significado na nan bida.
“E programa aki ta duna e hobennan oportunidad pa traha riba nan personalidad, disciplina y nan vision pa futuro,” Eman a expresa. El a resalta cu e iniciativa di SVT, crea pa yuda e hobennan desaroya nan potencial y pa duna nan e guia necesario pa logra nan meta personal y profesional. Prome Minister tambe a reconoce e contribucion di Jessica Ras y Nicole WhitfieldGodett, cu desde e inicio a hunga un papel importante den desaroyo
di e programa, manera tambe e sosten continuo di Marina Real y ARUMIL. Trayecto di disciplina y oportunidad
Segun Jessica Ras, coordinadora di Formacion Social, e grupo di SVT #19 a cuminsa nan trayecto na maart di aña pasa y despues di un aña di entrenamento y formacion nan a logra completa e programa cu exito.
“Awe tres hoben a finalisa e trayecto. Nos ta sumamente contento cu nan a logra termina cu exito,” Ras a explica.
Segun Ras, e programa ta enfoca riba disciplina, desaroyo personal y orientacion profesional, duna hobennan e oportunidad pa prepara nan mes pa un futuro stabiel. Hopi participante despues di completa e programa ta haya motivacion pa sigui un carera profesional,
incluyendo interes pa sigui un trayecto den ARUMIL.
Experiencia di e participante nan
Pa Alexander Dorotal, e trayecto SVT a representa un paso importante den su desarrollo personal.
Segun el, e programa a yuda el comprende e importancia di disciplina y perseverancia pa logra su meta.
“Mi kier logra algo den mi bida y duna mi mes un oportunidad pa sigui dilanti,” Dorotal a expresa.
Pa Leonardo Gomez, e experiencia tabata positivo y educativo, apesar cu e prome lunanan tabata exigente.
“E prome lunanan tabata un tiki duro, pero despues bo ta custumbra. Bo ta siña hopi y bo ta forma bon amistad cu otro hoben,” Gomez a relata.
El a indica cu e programa a dun’e e confiansa y orguyo
pa sigui avansa den su bida.
“Mi ta recomenda otro hoben pa participa. Bo ta haya un diploma y e ta algo cu por yuda bo den futuro,” Gomez a comenta.
E ceremonia di graduacion di SVT #19 a marca e final di un etapa importante pa e participantenan, pero tambe e cuminsamento di un capitulo nobo den nan desaroyo personal y profesional.
Hefe di Brandweer a H aci
B
is H ita di traB ao cerca minister d owers
Diaranson mainta, Hefe di Servicio di Bombero Aruba, ing. Jair Tromp, a haci un bishita di trabao na Minister di Husticia, mr. drs. Arthur Dowers den cual e commandante a duna un presentacion di e situacion actual den organisacion di bombero. Den su presentacion, Tromp a bay den detaye riba e desaroyo recien den Brandweer,pero tambe riba e metanan y prioridadnan principal pa e aña aki. Ademas, a presenta e puntonan strategico principal pa e proximo cuater aña, cu e obhetivo di sigui fortalece e organisacion di bombero y prepara esaki pa e retonan di futuro. E enfoke pa Brandweer Aruba ta riba formacion y certificacion personal, atrae personal nobo, y inverti den ekipo moderno pa fortalece e capacidad operacional y nivel di preparacion di e servicio. Minister Dowers a
subraya e importancia di un servicio di bombero bon prepara y profesional pa mantene siguridad den comunidad. Brandweer tin un rol fundamental den proteha bida, propiedad y infrastructura, y nan ta semper cla pa reacciona rapido y eficazmente den situacionnan di emergencia. E bishita a duna oportunidad pa
intercambia pensamento riba con por sigi desaroya e organisacion di bombero y con por fortalece e servicio cu nan ta brinda na comunidad di Aruba den e añanan nos dilanti. Minister Dowers tin aprecio pa e trabao y dedicacion di e hombernan y muhernan di bombero, cu ta dedica pa mantene siguridad riba Aruba.
Un dia fructifero colma cu gracia na abundancia
El a contesta: ’Hipocritanan, profeta Isaias a describi boso bon bon ora cu el a bisa, manera ta skirbi: E pueblo aki, Dios ta bisa, ta alaba Mi cu nan boca so, ma den nan curason nan ta leu fo'i Mi. (Marco 7,6)
Locual ta molestia Hesus ta e hipocresia, e hipocrita ta fingi desconoce algo of fingi di ta inocente. Si tin buraco den e ley e lo uze p’asina hustifica locual e ta haci pa su cumbinencia. Esaki ta un blasfemia paso Dios bo no por gaña pero ta fingi desconoce of simplemente no ta worry. E di ocho mandamento ta bisa pa hende no lanta falso testimonio ni tampco gaña. Nos por puntra nos mes si na tur momento nos ta consciente di esaki y nos ta haci esaki. Hopi biaha nos ta faya, haci redo of lanta falso testimonio riba otro hende, p’esaki nos lo mester reflexiona y pidi pordon, confesion ta importante pa nos haci, p’asina cambia nos bida y pa sigui biba un bida corecto den fe y cu un curason limpi di pica y di tur mal pensamento p’asina nos no ta hipocrita y sigui riba caminda di Dios.
Oracion: Señor Hesus, duna nos e gracia di por compronde bo palabra y laga nos no wak e splinter den e wowo di otro mas bien yuda nos mira e biga den nos mes wowo. P’asina nos no gaña ni biba mane hipocritanan. Pa e motibo aki nos ta acudi na Señor, yuda nos cura nos mal accionnan cu ta aleha nos di e amor di Dios.
Fundacion Lanta PaPiamento ta invita comunidad Pa Lansamento di e buki ‘ata comPa nanzi atrobe!’
ORANJESTAD, 10 di Maart 2026 – Fundacion
Lanta Papiamento (FLP) tin e placer di invita henter comunidad di Aruba pa un anochi literario y cultural special pa celebra lansamento oficial di e buki nobo: ‘Ata Compa Nanzi atrobe! – un cuenta picaro pa hoben y adulto’. E storianan den e buki ta skirbi pa Señora Yvette Ecury (dfm) y Señor Andy Daal. E buki ta consisti di shete storia den tur dos ortografia di idioma Papiamento. E evento aki lo tuma luga diabierna venidero, dia 13 di maart 2026, na Biblioteca Nacional Aruba na George Madurostraat 13, Oranjestad.
E anochi aki lo ta yena cu nostalgia, arte di ilustracion, presentacion y literatura, dedica na e personahe icono di nos cultura literario, Compa Nanzi. E programa lo cuminsa 6:30 pm y entrada pa e evento ta completamente gratis.
E programa ta varia y bibo.
E lansamento lo no ta simplemente un acto formal, sino un celebracion literario cu presentacionnan atractivo:
- Contamento di storia. E publico lo por disfruta di e presentacion di e storia “Compa Nanzi y Cha Tiger” pa e grupo dinamico contado di storia: Aida, Onty, Richard y Madelene.
- Bautismo unico. Un momento special lo ta e bautismo di e buki: madrina di e buki, Señora Astrid Britten (Directora di BNA), lo batisa e obra den un forma simbolico.
- Ilustracion y entrevista. Lo tin un ‘video call’ cu e autor Andy Daal cu lo conta con e storianan aki a nace y un entrevista cu Nigel Matthew tocante e bunita ilustracionnan den e buki.
- Benta di buki y mas. E anochi aki bo por cumpra un ehemplar di e buki y tambe por haci donacion na e fundacion pa mas proyecto educativo.
- Detaye di e Evento
Fecha: Diabierna, 13 di
maart 2026.
Ora: 6:30 pm - 9:00 pm. Luga: Biblioteca Nacional Aruba, George Madurostraat 13. Entrada: Gratis.
Fundacion Lanta Papiamento ta invita comunidad di Aruba pa hunto cu nos duna honor na nos tradicion di contamento di storia y promove e uzo di nos dushi idioma Papiamento. Pa mas informacion, por tuma contacto cu Fundacion Lanta Papiamento via nos pagina di Facebook y Instagram @flparuba of via email adres: flparuba@gmail. com.
