Diabierna februari 27 2026

PERMITI DUMPNAN

Homber canando cu rifle den dakota

Olijfistraat DakotaDiaranson anochi algun unidad di polis a bay direccion Dakota, pa ta exacto den Olijfistraat. Ey banda habitantenan a avisa autoridad di un conoci di e bario canando cu un rifle.

Mas cu claro, esaki a causa

spanto debi cu e persona aki ya a yega di hay'e den problema cu polis pa su comportacion no normal.

Polis a wordo mustra unda e persona lo a wordo mira pa ultimo biaha. Agentenan a tira bista y den un/e cura a topa cu e supuesto arma di candela

largo.

Tawata algo bieu, cu falta diferente componente. No ta conoci pa nos si por ta un windbug rifle.

Algun rato despues polis a topa cu e homber y a bay cu ne warda pa papia cu ne.

luna di locura cu lotto 5 Himno y bandera edition!

Cu cada 2 Lotto 5 riba e mesun ticket, ricibi 1 Lotto 5 loco extra completamente gratis!

ORANJESTAD, Aruba – 27 di februari 2026: Luna di maart lo ta un Luna di Locura cu Lotto 5 en conexion cu celebracion di Himno y Bandera! Cu cada compra di 2 set di number di Lotto 5 riba e mesun ticket, bo ta ricibi un Lotto 5 loco extra completamente gratis ariba e mesun ticket.

Si bo cumpra 4 Lotto 5 riba e mesun ticket bo ta ricibi 2 Lotto 5 loco completamente gratis. Si cumpra bo 6 Lotto 5 riba e mesun ticket bo ta ricibi 3 Lotto 5 loco gratis. Kiermen mas Lotto 5 bo cumpra riba e mesun ticket, mas Lotto 5 loco bo ta ricibi gratis y asina mas chens bo tin pa gana e jackpot di Lotto 5!

Lotto 5 ta costa solamente 4 florin pa ticket y bo por combina bo 5

numbernan for di 01 te cu 35. Pidi bo rebendedo pa bo 2 set di 5 numbernan riba e mesun ticket y asina bo ta ricibi un Lotto 5 loco completamente gratis. Si bo no sa cua numbernan pa kies, bo ta pidi bo rebendedo pa 2 Lotto 5 loco riba e mesun ticket y ricibi un tercer Lotto 5 loco completamente gratis.

E promocion aki ta valido pa henter e luna di maart cuminsando desde diadomingo 1 di maart te cu dia 31 di maart 2026 pa e sorteonan di Lotto 5. Por cumpra bo weganan di Lotto te cu 7:30PM na bo rebendedo preferi. Sorteo di Lotto 5 ta hunga riba tur diaranson y diasabra anochi pa 7:45PM na TeleAruba pero tambe por wak sorteo di Lotto riba nos pagina di

Facebook y YouTube.

Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Tambe lo por hunga

Lotto Online door di bishita: play. lottoaruba.com pa por registra. Cumprando Lotto bo ta contribui na deporte riba nos isla.

E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Shailiny Tromp-Lee: Firmesa y ProFesionalismo Pa un TraFico mas sigur

Parlamento ta duna "go" na ley pa frena ‘Roekeloos Rijden’ y ‘Hit and Run’

Durante e reunion publico di dia 25 di februari 2026, Parlamento di Aruba a marca un paso decisivo pa siguridad riba nos careteranan. Como parlamentario, mi a hiba un disertacion enfoca riba e necesidad urgente pa transforma nos leynan di trafico den hermentnan real di proteccion. E situacion actual, caminda accidentenan grave a bira "rutina", no por wordo tolera mas den un sociedad moderno.

Un Marco Legal sin Buraco Mi a duna mi sosten pleno na e iniciativa legislativo di mi coleganan Rocco Tjon y Edgard Vrolijk. Pa hopi tempo, tabatin "buraconan" legal cu tabata stroba autoridadnan di actua contra conductanan extremadamente peligroso prome cu un tragedia mes sucede.

Cu e introduccion di Articulo 2a, nos ta pone un stop na esaki. Awor tin un definicion cla pa kico ta roekeloosheid—manera core den luz cora, uza celular of "bumperen". Mas importante ainda: e castigo pa e falta di respet aki pa bida humano ta subi te na un maximo di 8 aña di prizon. Aki nos ta manda un mensahe fuerte: bida no tin prijs.

Exigencia pa Resultado: E Tarea di Gobierno

Como parlamentario, mi no ta limita mi mes na djis aproba un ley; mi ta vigila su ehecucion.

Pa e ley aki no keda djis riba papel, mi a exigi di Gobierno, y especificamente di Minister di Husticia, un enfoke riba tres punto clave:

• Handhaving y Bijscholing: No por tin confusion riba caya. Mester percura pa nos cuerpo policial tin e training y e medionan necesario pa identifica y actua contra e conductanan aki mesora.

• Prevencion Tactico: E grupo di 18 pa 21 aña ta esun di mas riesgo. Mi a pidi pa plan nan concreto cu ta combina e forsa di ley cu conscientisacion den scolnan secundario.

• Evaluacion Critico: E ley ta stipula un evaluacion despues di 5 aña, pero pa mi esey ta demasiado leu. Mi a urgi pa un evaluacion intermedio despues di 2 aña. Nos mester sa si e medidanan ta funciona of si mester ahusta e direccion mas trempan.

"Un ley no ta stuur un auto; e chauffeur ta esun cu tin e control. Castigo mas halto ta un parti di e solucion, pero e kura real ta den nos consenshi. Cada bes cu bo

gara un stuur, bo tin e bida di bo famia y di otronan den bo man. Responsabilidad propio ta e prome y e miho capa di seguridad cu nos por tin."

Conclusion

E cambio di ley aki ta un instrumento fuerte, pero su exito ta rekeri un triangulo perfecto:

un ley sin faya, un Gobierno cu ta mantene e ley debidamente, y un pueblo cu ta asumi su responsabilidad.

Como boso representante, mi lo keda monitoria e proceso aki cu e mesun rigor y profesionalismo cu e tema aki ta exigi.

Miss Teen ArubA inTernATionAl TA clA

pA su TeMporAdA 2026. “ e AcAdeMiA di bellezA”

GLW Foundation ta den pleno preparacion pa Miss Teen Aruba International 2026. E aña aki celebrando 17 aña di eleccion unda cu durante añanan Miss Teen Aruba International a sa di demostra cu e comiscion ta traha den e mihor formacion di e candidatanan y e logronan durante e utimo 19 aña nan aki cu George Winterdaal como Presidente ta e prueba di e trabou bon haci cu e candidatanan. Paisnan unda e candidatanan a bai representa Aruba ta na Rep. Domincana, Panama, El Salvador, Bahamas, Guatemala, Costa Rica, Nicaragua, Honduras, Colombia, Bulgaria , Russia, Puerto Rico y mas. Desde cu George a tuma e presidencia di Miss Teen Aruba y despues Miss Teen Aruba International a usa e lema“Algo mas cu un certamen di beyeza” y tur aña ta organiza diferente proyectonan. GLW Foundation ta haci e.o Cupcake di Speranza, Un man pa nos ruman, Feed the Kids y tambe un sin fin di actividadnan caritativo cu e candidatanan. E commission organisador sigur ta prepara e candidata cu tur equipo necesario pa asina por yude den su desaroyo pa futuro. Hopi candidatanan di Miss Teen Aruba International despues a sigui participa den otro Plataformanan manera

Reina Hispanoamericana, Miss International, Miss World y Miss Universe. Bo tambe kier participa ? Wel ta masha facil?

E aña aki GLW Foundation a haci algun cambio masha interesante.

Bo tin e edad di 15 pa 19 aña? Bo tin gana di biba un experencia unico? Bo kier representa Aruba na nivel international? Bo kier amplia bo conocemento general y siña mucho mas di varios topico. Wel esaki ta bo oportunidad pa participa.

Gastonan ? Hopi biaha e preocupacion di Mayornan ta e gastonan halto cu no nesesariamente ta asina, Mirando e situacion comishon organisador e aña aki lo cobra un suma masha atractivo cu lo cubri basicamente tur gasto di a candidata pa e elleccion official . Mayornan ta paga un solo package cu lo inclui e inscripcion di e candidata, trahe di baño pa anochi final, Trahe di Baile di apertura, Trahe pa Entrevista cu Hurado, Sapato pa anochi final , Trahe di Gala ( diferente diseño ) pa anochi final, Tshirt Uniform pa e temporada, Trahe pa Instalacion, Sjerp, ) Si cualkier mayor ta desea mas informacion por yama libremente George Winterdaal na 5616151. Final di Miss Teen Aruba International lo tuma

lugar dia 19 July 2026 den Renaissance Convetion Center.

GLW Foundation a prepara un agenda di actividadnan recreativo, social y educativo masha great mes cu hopi eventonan unda nan lo siña hopi pero tambe lo pasa dushi y disfruta di e temporada 2026.

Nos ta desea GLW Foundation tur clase di exito pa e temporada nobo di Miss Teen Aruba International.

Bo ta desea di representa Aruba na nivel international, no duda mas y yama of Whatsapp awe mes pa mas informacion na 561-6151.

GLW Foundation ta masha contento cu e exitonan international di nos representantenan den 2025.

- Briannah Arrindell Candidata MTAI 2024 ( Teen Turismo Mundial 2025 )

- Tara van der Werk

MTAI 2025 ( Teen Nuestra Belleza International 2025 ) - Zahaira Marin

Mrs. Tourism Aruba ( 1st Runner Up Turismo Mundial 2025 ) - Elize Heronimo

Little Nuestra Belleza ( 4th Runner Up Nuestra Belleza Int’l 2025 )

Miss Teen Aruba International ta mas cu un certamen di beyeza, nos commission ta enfoka riba duna seminarionan pa nos candidatanan ta mas confia den nan mes, eleva nan autoestima y yudanan crece den varios ambitonan den bida pa nan futuro.

Parlamentario Edgard Vrolijk:

Mike eMan ta perMiti duMpnan

ilegal kibra ley y contaMina nos barionan

ORANJESTAD – "Un lider cu ta papia di 'Bon Comun' pero ta permiti pa dumpnan ilegal opera sin permiso, no ta un lider responsabel. Sr. Mike Eman ta permitiendo un disaster den nos medio ambiente y ta birando complice di infraccionnan grave contra nos leynan,” asina e Parlamentario di MEP y experto huridico, Edgard Vrolijk, a declara.

Infraccion tras di infraccion

Vrolijk, conoci pa su conocemento profundo di nos leynan, a splica cu e falta di mando di e Minister actual ta bisto. "Pa opera un dump, bo mester di un Hindervergunning y un studio di impacto riba

salud y medio ambiente.

Awe nos ta mira dumpnan ilegal ta habri den tur bario sin ningun control. Door di haci di ciego, Mike Eman ta manda un mensahe hopi peligroso: cu na Aruba bo por kibra ley sin consecuencia."

Segun Vrolijk, e daño no ta djis visual (sushi riba caminda), sino legal y ecologico. "Nos parha nacional, e Shoco, ta perdiendo su habitat pa motibo di e actividadnan ilegal aki. E mesun Minister cu mester proteha nos naturalesa ta esun cu ta permiti su destruccion. Esaki no ta vision, esaki ta un iresponsabilidad total."

No tin handhaving Edgard Vrolijk ta cuestiona

dicon e departamento nan encarga, bou mando di Minister Eman y Minister Dowers, no ta actua. "E ciudadanonan ta bati alarma, Polis di Bario sa kico ta pasa, pero nada no ta pasa. Mi tin cu recorda e Ministernan aki cu unda derecho di un persona ta caba, esun di e bisiña ta cuminsa. Bo no por uza un tereno priva pa contamina un bario completo y afecta salud di nos muchanan y grandinan."

Serlimar mester wordo

fortifica

Mike Eman a hari e ‘tekenwedstrijd’ y awe e ta pio. Un Minister President cu ta drenta bario, planta mata pero tin e pais aki sushi mane nunca antes bisto. "Nos mester stop di yena Serlimar cu campañado y cuminsa uz’e pa loke e ta: e motor di nos limpieza y e autoridad cu ta controla infraccionnan. Nos mes por maneha nos sushi den un forma sostenibel, pero nos mester un Minister cu tin e curashi di aplica ley y

ta duidelijk cu Mike Eman no tin."

Reunion Publico

Fraccion di MEP no ta keda keto. Edgard Vrolijk a confirma cu lo pidi un reunion publico pa confronta Minister Mike Eman cu e realidad legal di su falta di maneho. "Pueblo a cansa di promesa di 'tapa wowo' tur diahuebs. Aruba merece un pais limpi, ordena y unda ley ta conta pa tur hende, sin excepcion."

Eduard PiEtErs (PPa): “salud mEntal no mEstEr ta fragmEnta y domina Pa Ego PErsonal”

Desde e momento cu parlamentario

Eduard Pieters di fraccion di PPA a huramenta, el a tuma un decision cla: no ban papia di salud mental for di distancia politico, pero sinta na mesa cu e profesionalnan cu ta traha tur dia den e veld aki y ban lora man y traha hunto. Salud mental no ta un topico secundario p’e. Pa Eduard Pieters esaki ta un compromiso personal y profesional, forma durante mas di su 20 aña den educacion y servicio publico. Pa prome biaha den su rol como parlamentario, el a cuminsa un rondo di consulta serio, cu enfasis special riba e parti specialisa di cuido di salud mental na Aruba.

Respaldo: Specialisacion y gap den sistema

Aña pasa, Pieters a bishita

Fundacion Respaldo y a sinta cu director y miembro di directiva. E dialogo tabata profundo, concreto y sin filter. E informacion comparti a mustra tanto compromiso profesional como limitacion structural. For di e bishita ey, el a formula preguntanan crucial na minister en cuestion, tocante:

● capacidad di cuido specialisa

● continuidad di tratamento

● recurso humano

● y e gapnan cu tin den e cadena/sistema di atencion

Salud mental specialisa no por traha aisla. Si e sistema no ta conecta, e pashent ta cay den e gap.

Stichting Hunto: Cuido basico, prevencion y rehabilitacion

Diaranson Eduard Pieters a bishita

Stichting Hunto, pa haya un panorama mas amplio riba GGZ basico. E ta gradici e fundacion y su directiva pa habri su portanan y comparti informacion transparente. E realidad cu a mustr’e ta impresionante y duro na mesun momento.

● Cuido Psico-social: na

Dakota un team dinamico di profesionalnan ta brinda servicio psico-social na mucha, hoben y adulto. Practicamente nan tin un lista di espera di menos di 1 siman pa intake y 2 pa 3 luna pa haya ayudo psicologico.

● Inloophuis: un espacio unda e adictonan ambulante por drenta, descansa, combersa, come y haya un prome contacto humano sin prehuicio.

● Centro Colorado: un trayecto structural di rehabilitacion, cu programa completo di desintoxicacion, recuperacion y reintegracion social.

E sistema tin componente fuerte. Pero componente fuerte separa no ta sistema fuerte. “Bo ta ripara e pasion y amor pa nan trabou, sinembargo falta un miho cooperacion entre Respaldo y Stichting Hunto na beneficio di e pashentnan” Eduard a elabora.

Tambe a compronde cu nan tin mester di mas profesional pa baha e lista di espera. Esaki ta contrario na loke Minister Wyatt-Ras a contesta parlamentario Pieters, esta cu no tin lista di espera den basis GGZ.

Ego no por ta mas grandi cu problema

“Den tur e bishitanan, un patronchi a bin dilanti: e profesionalnan tin pasion, pero e coordinacion mester mehora. Salud mental no por ta competencia entre e institucionnan. Ora un pashent ta move for di GGZ basico pa cuido specialisa, of for di rehabilitacion pa reintegracion, e transicion mester flui mas cu ta posibel, pa bienestar general di e pashent y henter bienestar di Aruba,”Eduard a expresa.

Pieters ta duna un mensahe directo: “Respaldo y Stichting Hunto mester por traha HUNTO, laga ego un banda y construi

un modelo integra cu tur e profesionalnan necesario pa brinda e cuido di salud mental mihor cu ta posibel. No ta cuestion di protagonismo institucional. Aki ta cuestion di bida humano.”

Un sistema integral cu gobierno mester lidera

E rondo di consulta no a termina ainda. Tin mas partner den e veld cu Eduard Pieters ta pendiente pa bishita, pa forma un panorama completo, incluyendo e entidadnan no afilia directamente cu Respaldo of Stichting Hunto.

Meta final ta cla: exigi gobierno pa presenta un maneho integral y structural pa salud mental y adiccion. No un otro documento conceptual bunita, ni tampoco un proyecto piloto. Eduard ta exigi gobierno pa bin cu un plan cu ta contene cronograma, tin su metanan midibel, tin un presupuesto cla y structural y tin un coordinacion obligatorio.

Segun Eduard: “Pasobra cada caso cu ta cay door di deficiencia entre nos sistemanan, cada adicto

ambulante cu no haya siguimento y cada hende cu ta fayece door di gapnan structural, ta uno di mas”.

“Salud mental no ta estadistica. Ta nos yiunan, nos famia, nos comunidad. Aruba no tin luho pa fragmentacion ni division institucional,”. Eduard Pieters ta sigui traha y ehecuta su rondanan di consulta tras consulta, pa construi un base serio di conocemento y despues exigi accion politico.

E momento pa uni ta awe, pasobra cada dia cu nos warda, e problema ta sigui crece. Y salud mental no ta un tema cu por warda mas.

DIA MUNDIAL DI RESILIENCIA DI TURISMO

Pa hopi pais den desaroyo, incluyendo paisnan menos desaroya, estadonan insular chikito den desaroyo (small island developing states, SIDS), paisnan na Africa y di economia mediano, turismo ta constitui un fuente mayor di entrada, divisas, entrada di impuesto y empleo. Pasobra turismo ta conecta persona cu naturaleza, turismo sostenibel tin e capacidad unico di stimula responsabilidad ambiental y conservacion.

Turismo sostenibel, incluyendo ecoturismo ta un actividad multi-sectorial cu por contribui na tur tres dimension di desaroyo sostenibel y pa logra e Obhetivonan di Desaroyo Sostenibel (sustainable development goals, SDGs) fomentando crecemento economico, mitigando pobreza, y crea empleo pleno y productivo y trabou decente pa un y tur.

Turismo tambe por contribui na acelera un cambio pa patronchi di consumo y produccion mas sostenibel, promove uso sostenibel di oceano, laman, recurso marino, promove cultura local, mehora calidad di bida y empodera economicamente hende muher y hoben, pueblo indigena y comunidad local y promove desaroyo rural y mihor condicion di bida di poblacion local, incluyendo di criador di bestia y agricultor familiar.

E utilisacion di turismo sostenibel y resiliente como un herment pa fomenta un crecemento economico sosteni y inclusivo, desaroyo social y inclusion financiero, ta facilita formalisacion di e sector informal, promocion di mobilisacion di recurso domestico, proteccion ambiental y eradicacion di pobreza y hamber, incluyendo e conservacion di biodiversidad y recurso natural y e promocion di inversion y gestion empresarial den turismo sostenibel.

Dia Mundial di Resiliencia di Turismo (17 februari) a ser proclama pa e Asamblea General di Nacionan Uni mediante e resolucion A/RES/77/269 y ta boga pa enfatisa e necesidad pa fomenta e desaroyo di un turismo resiliente pa por maneha choque externo, teniendo na cuenta e vulnerabilidad di turismo pa emergencianan. E tambe ta un yamada pa Estado Miembro pa desaroya strategia nacional di rehabilitacion despues di disrupcion economico, incluso mediante cooperacion publico-priva y e diversificacion di actividad y producto.

2027 AÑA INTERNACIONAL DI TURISMO

SOSTENIBEL Y RESILIENTE

Na februari 2024, e Asamblea General di Naciona Uni a dicidi di proclama 2027 como Aña Internacional di Turismo Sostenibel y Resiliente mediante resolucion A/RES/78/260.

E ta encurasha tur estado, Nacionan Uni y tur otro actor pa probecha di e Aña Internacional

pa promove accion na tur nivel, incluyendo via cooperacion internacional, y pa sostene turismo

sostenibel y resiliente como forma di promove y acelera desaroyo sostenibel

Naciona Uni a encarga UN Tourism cu e implementacion di e Aña Internacional di Turismo

Sostenibel y Resiliente.

Februari 2, 2026 a presenta oficialmente e “Roadmap to the International Year of Sustainable And Resilient Tourism” na e organisacion UN Tourism di Nacionan Uni.

E Road Map ta producto di un proceso colaborativo, y ricibi cu entusiasmo pa e Comite pa Turismo y Sostenibilidad (CTS) di UN Tourism.

E Aña Internacional di Turismo Sostenibel y Resiliente lo permiti UN Tourism, como organisacion principal internacional di turismo, apoya Estado Miembro den posiciona turismo como un berdadero sector transformativo pa e agenda post-2030.

Algun instrumento di UN Tourism pa utilisacion pa accion den e Aña Internacional ta e Un Tourism Data Dashboard, e Tourism Statistics Database y e plataforma Tourism4SDGs (https://www. tourism4sdgs.org).

SITUACION DI TURISMO SOSTENIBEL Y RESILIENTE NA ARUBA

E situacion actual na Aruba pa cu desaroyo di turismo no ta sostenibel ni resiliente.

E proceso pa e Dialogo Nacional pa Desaroyo Sostenibel basa riba e documento “Transforming our world: The 2030 Agenda for Sustainable Development”, cual ta defini e 17 Obhetivonan di Desaroyo Sostenibel (SDGs) y 169 meta concreto pa realisa, inicialmente a ser ricibi cu hopi entusiasmo pa Gabinete Mike Eman II, cu a crea un Comision Nacional pa SDGs cu den su fase inicial hasta a ser duna apoyo di UNDP pa Aruba sirbi como pais piloto y Aruba a conoce un Center of Excellence for Sustainable Development of SIDS crea dor di Reino Holandes y UNDP na 2015.

Na 2017 e actividadnan di e Comision Nacional pa SDGs poco poco a cuminza mengua y den e periodo 2017-2025 e Center of Excellence for Sustainable Development for SIDS a ser elimina y accion nacional pa SDGs a cay den otro.

Rainbow Warriors Core Foundation a yuda crea e SDGs mediante e federacion di 1300 NGOs yama Beyond 2015 y como actual miembro di e federacion internacional pa promove e SDGs Together 2030 a participa den e 4th UN Conference on SIDS teni na 2024 na Antigua y na e 3rd UN Ocean Conference teni na Nice, Francia na 2025, na cual ultimo conferencia ningun delegado di pais Aruba tawata presente.

Den un reunion sosteni cu Prome Ministro Eman, 13 februari 2026, nos a haña e bano friu

di e comentario cu lo prefera e Dialogo Social y e ideologia di Bon Comun como subsituto pa e Dialogo Nacional pa Desaroyo Sostenibel segun SDGs.

Ademas e documento Corporate Plan 2026 di Aruba Tourism Authority y su proyecto pa Regenerative Tourism y uso di Responsible Tourism Impact Report ta desvia completamente di e Dialogo Nacional pa SDGs stipula pa Nacionan Uni cu mester ta basa riba “Participation of all Stakeholders in decision-making for sustainable development leaving no-one behind”.

E documento di Nacionan Uni “Stakeholder Engagement and the 2030 Agenda: A Practical Guide” ta mustra bon cla cu Aruba no ta siguiendo NINGUN guia pa maneho di desaroyo sostenibel di Nacionan Uni.

Rainbow Warriors Core Foundation despues di a participa den e dos conferencia menciona a logra di crea un red extenso di colaboracion pa desaroyo sostenibel entre islanan den Pacifico, Africa y Caribe.

Y nos lo reinicia e Dialogo Nacional pa Desaroyo Sostenibel segun SDGs involucrando e Major Groups and Other Stakeholders (piscador, agricultor, criador di besta, acuacultor, hende muher, mucha y hubentud, comercio y industria, trahador y sindicato, comunidad cientifico y technologico, NGO, y personanan cu descapacidad).

Pronto lo anuncia mas riba e tema aki y lo elabora con lo cuminza prepara e Dialogo Nacional pa SDGs aki cual lo conta cu sosten internacional di Union Europeo y Nacionan Uni y cu lo sirbi pa duna contenido na actividad den cuadro di Aña Internacional pa Turismo Sostenibel y Resiliente 2027 basa riba SDGs segun e normativa stipula dor di Nacionan Uni. PA MEDIONAN DI PRENSA EN GENERAL

Accion di BArio tA sigui crece cu sosten fuerte di comunidAd

E proyecto Accion di Bario, cu a re-inicia na comienso di Gabinete AVP-Futuro, ta sigui gana fuersa den e aña aki, cu sosten significativo di comunidadnan riba nos isla. Awe mainta, durante un di e Accion di Bario den Companashi, Fultonstraat,

Hubadastraat, Edisonstraat y Farenheitstraat, a bira evidente e acogida positivo di parte di e residentenan mes.

Prome Minister Mike Eman a expresa su satisfaccion cu e participacion activo

di ciudadanonan. “Nos ta solamente contento cu cada biaha cu nos yega den un bario, nos ta haya un acogida sincero y un disposicion di traha hunto. Esaki ta mustra cu comunidad mes kier forma parti di e solucion,” el a indica.

Durante e actividad di awe, diferente departamento y organisacion a participa activamente, incluyendo famia Gil cu a haci preparacion adelanta y a uni den e esfuerso di limpiesa, Selimar, GKMB, Polis di Bario y fundacionnan cu ta brinda apoyo den diferente area, entre otro bienestar di mascota/animal y limpiesa

di entorno.

Na mes momento a haci anuncia cu e siguiente proyecto cu ta Baki den Bario, cu ta re-inicia tambe, esaki lo tuma luga dia 7 di maart venidero, riba veld na Tanki Leendert.

Ademas di e accion regular, Gobierno ta trahando pa establece un presencia mas permanente den bario. Segun Prome

Minister Eman, tin plan pa lansa pronto e proyecto di “baki permanente” den bario, posiblemente na zona di Barcadera, pa fortalece contacto directo cu comunidad.

Accion di Bario ta enfoca riba mas cu solamente

limpiesa; e iniciativa ta busca pa crea un presencia institucional mas cercano, fortifica siguridad y estimula co-responsabilidad.

“Nos kier empuha cada ciudadano pa forma parti di e esfuerso. Gobierno por facilita, pero comunidad mes tin un rol esencial pa mantene barionan limpi y sigur,” Minister President a enfatisa.

Cu sosten creciente di e residentenan, Accion di Bario ta consolida como un instrumento importante pa fortifica cohesion social y mehora calidad di bida den diferente bario di Aruba.

EvElyn WEvEr-CroEs y MEP ta

fEliCita ProME MinistEr nobo di Hulanda rob JEttEn

Lider di fraccion di MEP Evelyn Wever-Croes a felicita prome minister nobo di Hulanda Rob

Jetten di partido D66, cu a huramenta dialuna mainta.

“Mi a conoc’e como un colega minister, un politico hoben, dinamico y ambicioso, cu un gran curason pa pueblo di Hulanda. Un hende cu sa scucha, conecta cu otro y no ta evadi responsabilidad. Un persona cu interes genuino den e bienestar di e demas paisnan di Reino”, segun Evelyn Wever-Croes. Rob Jetten tabata na Aruba na 2023 pa e prome

conferencia di energia y clima di Caribe, cu a wordo organisa pa Rob Jetten y Evelyn Wever-Croes. Durante e periodo ey, el’a duna su compromiso na sigui yuda Aruba transiciona pa energia mas limpi, y a compromete cu Aruba lo haya fondonan pa esaki. Recientemente e prome minister anterior di Hulanda, a anuncia cu e fondonan aki ta inclui den e presupuesto di Hulanda pa 2026.“Awor e ta asumi liderazgo di Hulanda. Esaki no ta solamente un gran honor, sino tambe

un responsabilidad especialmente den un tempo caminda confiansa, stabilidad y vision ta mas importante cu nunca. Mi a desea Prome Minister Jetten sabiduria den su decisionnan, fortalesa den momentonan dificil y, mas cu tur cos, e balentia pa pone interes general semper na prome lugar. Cu su liderasgo por ta guia pa integridad y dedicacion sincero na cada habitante di Hulanda y di Reino Hulandes”, Evelyn WeverCroes a finalisa bisando.

aunkE no ta Haya E Manta dEn nos aWa

tEritorial, E ta ProtEHa Pa nos lEynan loCal

ORANJESTAD – Directie Natuur en Milieu DNM) ta informa tocante e especie protegi Manta. E manta yama na Ingles Giant Manta Ray (Mobufa birostris) ta haya su nomber gigante como cu e ta esun di mas grandi di e mantanan di mundo. E por midi te cu 8 meter cu su halanan habri y por pisa rond di 2000 kilo. E embranan ta poco mas grandi cu e machonan. E manta aki por biaha te na un maximo velocidad di 40 kilometer pa ora. E manta gigantesco aki ta animalnan migrante cu ta crece poco poco. E manta su repoduccion ta sosode cada 2 pa 3 aña y e ta haya un yiu bibo. E yiu ta nace despues di 12 luna y ta midi 1 meter y mey. Nan por biba mas of menos 45 aña.

Por reconoce e manta pa nan curpa grandi den forma di

diamante cu halanan largo cada banda. Tin dos variacion di color di curpa, preto cu bariga blanco of completamente preto. Nan wowonan ta cada banda di e cabes cu un boca grandi. Dilanti di nan boca nan tin dos structura yama ‘cephalic lobes’ na Ingles, cu ta extende y ta yuda crea un canal pa awa pasa. Despues e ta filtra e cuminda prome cu e guli esaki. Nan ta alimenta nan mes door di filtracion via nan caicay (gills), nan ta come cantidad grandi di ‘zooplankton’ y tambe cabaron y otro piscanan chikito.

Rond mundo ta haya e manta gigante den ocean, awa tropical, subtropical y awa cu temperatura entre 19 pa 22°celsius, pero den otro parti tambe ta haya nan den awa cu temperatura entre 25 y 30°celsius. Nan menasa

ta orcanan, especie di tribon y tambe hende cu ta gara nan cu meta comercio internacional. E demanda ta halto pa e caicaynan (gills) di e especie. E sorto ta clasifica na peliger pa Union

Internacional pa Conservacion di Naturalesa (International Union for Conservation of NatureIUCN) y ta protegi den nos leynan local.

Sindicatonan: reinicio di d ialogo Social importante pa a ruba

Reinicio di Dialogo

Social a ser ricibi cu un tono constructivo door di diferente sindicato cu a participa den e reunion recientemente cu Gobierno. Representantenan sindical a enfatisa importancia di mantene un plataforma structura di intercambio riba tema social y economico relevante pa pais. Mas di 21 gremio a participa den Dialogo Social cu a inicia 22 di februari.

Presidente di FTA, Hose Figaroa, a indica cu dialogo social semper ta un instrumento esencial ora decisionnan importante mester wordo tuma. Segun Figaroa, e espacio pa scucha y intercambia punto di bista entre Gobierno, sector sindical y otro actor den comunidad ta fortalece proceso di gobernacion. “Dialogo social ta algo positivo. E hecho cu tin oportunidad pa scucha opinion di diferente sector den pais ta un paso importante,” Figaroa a declara.

Rodney Solognier, representante di Sindicato SPA, a mustra optimismo cu e plataforma a reanuda. El a enfatisa cu sindicato ta mira positivamente e apertura pa trata tema manera salario minimo, Ley di Pensioen General y otro asunto cu tin impacto directo riba trahado.

“E dialogo ta un bon comienso. Lo mas importante ta cu tin espacio pa nos punto di bista wordo presenta y considera,” Solognier a

indica.

Di su banda, dr. Jaybert Dijkhoff, consehero di sindicato TOPA, a resalta cu e reactivacion di dialogo social despues di periodo di interupcion ta un señal positivo di comunicacion institucional.

“Ta algo sumamente positivo ora Gobierno ta yama gremio, representante di dunadornan di trabou, sindicato y otro organisacionnan pa sinta na mesa. E ta un plataforma importante pa feedback,” Dijkhoff a expresa.

El a menciona cu entre e punto discuti tin revision di Ley di Pensioen General y propuesta di ley pa brinda apoyo na famianan cu tin muchanan cu necesidad di cuido intensivo. Segun Dijkhoff, e temanan aki ta un comienso di discusion mas amplio riba proteccion social y di bienestar.

Dijkhoff tambe a nota cu Gobierno a indica intencion pa recohe feedback adicional y continua e proceso den un manera structura, dunando espacio pa reflexion y aporte adicional di diferente sector.

Gremionan a mustra disponibilidad pa sigui participa activamente den e siguiente fase di Dialogo Social, cu meta di contribui na decisionnan cu ta fortalece stabilidad, proteccion social y desaroyo sostenibel di Aruba.

Minister President mr. Mike Eman a presidi

Minister

Minister Gerlien Croes:

“Ki CK -off Meetin G ” di introdu CC ion di

Maneho n aC ional di d eporte y Conseho n aC ional di d eporte pa a ruba

ORANJESTAD, 24 di februari 2026 –Recientemente a tuma luga e kick-off meeting di e Maneho Nacional di Deporte (Nationaal Sportbeleid Aruba) y pa prepara e Conseho Nacional di Deporte (Nationale Sportraad) di Aruba. Durante e reunion importante aki, representantenan di gobierno y diferente partner riba tereno deportivo a reuni pa tuma e prome paso conhunto den direccion di un base deportivo ampliamente sosteni y factibel pa Aruba.

Durante e reunion a dialoga riba e futuro maneho, cua ta e resultado mas importante y visibel den dies aña pa deporte na Aruba y con gobierno y partnernan por traha hunto pa logra e meta aki. E participantenan a comparti nan experticio incluyendo e federacion of instancia cu nan ta representa y compromete nan mes pa cu e trayectoria, ideanan y sugerencianan pa fortalece e sector di deporte y crea mas oportunidad pa tur hende.

E reunion aki a marca e comienso di un colaboracion fuerte pa sigui traha na un sector di deporte fuerte y prepara pa futuro, unda deporte ta contribui na salud, desaroyo di talento, participacion, conexion y e formacion di cuidadanonan den nos comunidad. Den cuadro di economia, deporte por tin un influencia positivo tambe riba nos economia por medio di ‘Sport Tourism’.

Durante e reunion conhunto cu tur

t oi t oi t oi

Dialuna atardi autora sra. Desiree Correa a duna un presentacion di Poppenkast na biblioteca pa un grupo di mucha y nan mayor. Un presentacion hopi anima y alegre cu interaccion entusiasma di e publico presente.

Siman pasa, autor Desiree Correa, a presenta su obra

literario ‘Toi-toi-toi’ na Biblioteca Nacional Aruba.

E buki ‘Toi-toi-toi’ ta contene diferente obra di teatro cortico na Papiamento. Obranan di Teatro skirbi pa Desiree y tambe obranan di teatro traduci y adapta pa Desiree Correa.

Den e obra aki, Desiree ta presenta 20 obra teatral. Obranan di cual mayoria ela presenta na Cas di Cultura. Pa chikito tin obranan pa Poppenkast.

Titulo di e buki ‘Toi Toi Toi’ ta referi na un saludo cu cada actor ta bisa otro pa dun'e suerte cu su presentacion riba stage.

stakeholder- y partnernan envolvi a reuni pa cuminsa oficialmente cu e trayecto nacional aki. E apertura a wordo haci pa minister Gerlien Croes como Minister di Deporte. E reunion aki ta marca un paso importante den rumbo pa un Nationaal Sportbeleid coherente y ampliamente sosteni pa Aruba.

Den detaye a trata e meta y alcance di e trayecto, e rol y responsabilidad di tur organisacionnan envolvi. Tambe a presenta e planificacion di e proceso, incluyendo workshops y momentonan di consulta cu lo contribui

na realisacion tanto di e Nationaal Sportbeleid como di e Nationale Sportraad. Ademas a papia riba e resultado cu ta ser spera di e trayecto, manera formulacion di un mision y vision, principionan central, prioridadnan strategico y accionnan concreto pa futuro di deporte na Aruba.

Cu e kick-off meeting aki a marca inicio di un trayecto nacional significativo enfoca riba colaboracion, compromiso y responsabilidad, cu e meta pa construi un base di deporte fuerte y prepara pa futuro di Aruba.

CelebraC ion riba Plaza 18 di Maart Na honor di e 2147 firmantenan di nos historia

E lucha pa nos Status Aparte a cuminsa na inicio di siglo pasa ora cu e visionario Henny Eman sr. a start un campaña di conscientisacion riba un situacion cu no tabata husto pa Aruba. Un situacion cu tabata rekeri cambio pa bienestar di nos pueblo.

Aruba, bou guia di Henny Eman sr., a cuminsa boga pa un separacion di Corsou, pero cu lasonan estrecho cu Hulanda: un Status Aparte. Su grito pa separacion a haya oido den tur skina di nos isla. Cu establecimento di e refineria Lago y e waf, logra mediante su

intermediacion, Aruba a haya prosperidad, y e deseo pa autonomia a bira mas fuerte y determina. Shon Henny Eman a organisa demostracionnan grandi cu e lema Vox Populi, Vox Dei (Bos di Pueblo ta Bos di Dios). E bos di Pueblo mester a wordo scucha. Na 1942, durante Segunda

Guerra Mundial, Reina Wilhelmina a anuncia cu despues di guera lo cambia e relacionnan dentro di Reino. Na 1948, Reina Juliana a sigui cu e proceso di transformacion.

Entre september 1947 y januari 1948, Shon A. Eman, hunto cu Henny Eman sr., Aristide Wever y Padu Lampe, a organisa 42 encuentro den club y casnan pa colecta firma di hombernan Arubiano riba 21 aña. Den circunstancia dificil y infrastructura limita, nan a logra colecta 2147 firma.

E firmanan aki a forma e base di e mocion di 18 di

maart 1948, ora Shon A. Eman a entrega e mocion na Mesa Rondo na Den Haag. Un momento historico cu a marca un paso decisivo den nos lucha pa autonomia. A dura casi 40 aña mas pa e anhelo di e pueblo bira realidad riba 1 di januari 1986, ora Aruba a logra su Status Aparte. E logro aki ta fruto di generacionnan di lider y pueblo comprometi. E 2147 firmantenan, hopi di nan ya no ta cu nos, a laga un legado permanente. Nan nomber ta simbolo di balentia, determinacion y amor pa Aruba.

Un dia fructifero y cu e luz di Cristo por briya den cada un di nos

" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14

Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.

Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.

Amen.

Vision di Mike eM an cu sVT na a ruba awor Ta inspira o T ro pais den r eino

M anera s t. Maarten

E programa Sociale Vormingstraject (SVT), introduci na Aruba na 2010 como un vision di Prome Minister Mike Eman, ta sigui demostra su balor como un instrumento eficiente pa desaroyo di hubentud. E programa ta enfoca riba disciplina, formacion di caracter, guia personal y preparacion pa mercado laboral, brindando hobenan cu ta den dificultad un segunda oportunidad pa construi un futuro positivo.

E impacto di SVT na Aruba awor ta sirbi como ehempel pa otro pais den Reino. Parlamentario di St. Maarten, Sjamira Roseburg, a bishita Aruba recientemente pa informa su mes tocante con e programa ta funciona y con su efecto positivo ta riba desaroyo di hubentud y adultonan hoben. Durante su bishita, el a sostene reunionnan cu personal militar directamente envolvi den e ehecucion di SVT. Roseburg a indica cu St. Maarten tin un falta di programanan structura cu ta combina guia, disciplina y mentor pa hobennan. Segun Roseburg, un modelo adapta di SVT por pone mas enfoke riba prevencion, specialmente pa hobennan entre 12 y 18

aña, sin laga afo adultonan hoben cu tambe por beneficia di e programa.

E parlamentario a enfatisa cu SVT no ta un castigo, sino un programa di guia social cu ta den union cu sosten militar, trahadonan social y educadornan pa forma hoben cu mas confiansa, responsabilidad y habilidadnan di bida. E meta ta pa yena un bashi importante den e sistema di sosten social na St. Maarten.

E exito di SVT na Aruba ta confirma cu un inversion den hubentud cu vision y structura por duna resultadonan positivo y sostenibel. Awor, e modelo Arubiano ta sirbi como inspiracion regional, mustrando cu iniciativa nacional por traspasa frontera y contribui na fortalesemento di hubentud den otro pais den Reino.

Recientemente tambe a tuma luga e Graduacion SVT na Aruba unda cu hobennan ta cosecha fruto di nan esfuerso

Cu hopi orguyo e hobennan cu a termina e programa

Sociale Vormingstraject (SVT) na Aruba a tuma parti na un ceremonia di graduacion presidi pa Premier Mike Eman.

Participantenan manera G’Dior Tromp, Bradley Werleman y Kendrick Yarzagaray a comparti cu nos nan experencia: na comienso e tabata dificil, pero cu disiplina, guia y colaboracion, nan a logra surpasa retonan y cambia nan futuro.

Minister Mervin WyattRas tambe tabata presente na e graduacion di SVT.

Minister di Asunto-nan

Social y Salubridad, Mervin Wyatt-Ras, tabata presente na e ceremonia di graduacion di SVT (Vogatie- en Technische Dienst). Su presensia na e evento a refleha e compromiso continuo di e ministerio pa sostene desaroyo social y educativo den e comunidad. E Minister a pone enfasis riba e importancia di formacion tecnico pa futuro di hobennan y pa fortifica e bienestar social riba nos isla. SVT ta combina entrenamento militar (Fase 1) y curso di stasje/ trabou (Fase 2) pa hobennan entre 17–25 aña, dunando nan e oportunidad pa studia, prepara pa trabou y construi confiansa y responsabilidad. Mas cu 80% di graduadonan a logra sigui un trabou of entrenamento, incluyendo hende muhe hoben.

Siguiente trayectoria SVT 2026 ta cauminsa 9 di maart 2026. Hobennan interesa pa inscribi of por acudi na: Mariniers Kazerne Savaneta, Bureau Sociale Vorming, of tuma contacto cu Jessica Ras via info.formacionsocial@ gmail.com

Aki por mira y comproba cu e exito di Aruba ta sirbi como modelo pa St. Maarten, cual Parlamentario Sjamira Roseburg a bishita recientemente pa evalua con un programa similar lo por beneficia e hobennan na St. Maarten.

Parlamentario Sjamira Roseburg a comparti

su profundo respet y admiracion pa e vision di Prome Minister Mike Eman, kende a tene e balentia y conviccion pa crea un programa cu ta toca bida y cambia destino.

“SVT no ta solamente un programa, e ta un regalo di speransa pa hopi hoben cu a pensa cu nan no

tabata tin salida. E vision di liderasgo manera esun di Mike Eman ta mustra cu un pais por lanta su hubentud cu amor, disciplina y oportunidad. Aruba por sinti orguyo cu a sembra un modelo, cu awor ta florece tambe na St. Maarten,” Roseburg a expresa cu emocion.

Cft: "Mester di M as fortale C e M ento di M aneho finan C iero"

Kralendijk – Riba 23 di februari 2026, Colegio di supervision financiero di Boneiro, Sint Eustatius y Saba a bishita Boneiro. Durante e bishita aki, e maneho di e entidadnan gubernamental a para central. Cft ta urgi Boneiro pa determina y implementa un politica oficial dirigi riba entidadnan gubernamental. Banda di esaki, Boneiro mester inverti den fortalecemento duradero di maneho financiero, y duna prioridad na mehoracion di e capacidad di implementacion den e organisacion.

Entidadnan gubernamental: di nota pa implementacion No tur cos ta na ordo cerca e companianan gubernamental di Boneiro. E problemanan persistente cerca Selibon y Tourism Corporation Bonaire ta subraya esaki. P'esey, actualmente ta trahando cu un nota di politica interno dirigi riba mehoracion di e maneho di entidadnan gubernamental. Cft ta reconoce cu esaki ta un bon prome paso. Boneiro mester sigui elabora esaki, y converti esaki den politica oficial, determina pa Colegio Ehecutivo den consulta cu Conseho Insular. Den e marco aki, ta importante pa garantisa cu e nombramento di e miembronan di directivanan y di huntanan di supervision ta tuma luga di manera independiente. Di e manera aki, ta crea un marco cla y evaluabel pa maneho di entidadnan gubernamental. "Bon maneho di entidadnan

gubernamental ta forma e base pa hustificacion cla di recursonan publico pa tareanan publico", Cft ta afirma. Ademas, e ta yuda fortalece e capacidad di implementacion di Boneiro. Cft ta insisti cerca Colegio Ehecutivo pa determina y implementa e politica aki riba termino cortico.

Maneho financiero

Cft ta bolbe pidi atencion pa maneho financiero. Den e añanan pasa, Boneiro a tuma pasonan importante pa mehora maneho financiero. Entre final di 2024 y medio 2025, Cft a constata un recaida. Entretantu, a bolbe drenta e caminda pa mehoracion. Sin embargo, fortalecemento continuo y duradero di maneho financiero ta keda necesario, awor cu a bin resulta cu Boneiro a aumenta e presupuesto pa 2025 considerablemente na fin di aña, y toch ta cera cu subrealisacion. Ademas, a cera 2025 cu un deficit preliminar tambe, sin splicacion mas detaya.

Anteriormente, Colegio

Ehecutivo a priminti pa tuma medidanan concreto pa asina aumenta e calidad di e presupuesto y di maneho financiero. Esaki pa por coregi e implementacion di e presupuesto den un fase mas tempran. Esaki no solamente ta importante pa e presupuesto regular, sino sobretodo tambe pa e pagonan special. Un cantidad grandi di esakinan ta cerca di caduca y hasta lo recupera nan. Durante su ultimo biahe, Colegio ta afirma cu Boneiro mester bira mas 'in control'.

Cft lo sigui e promesanan aki tocante di e medidanan pa fortalecemento di maneho financiero cu hopi atencion. Colegio Ehecutivo a priminti cu ya caba desde april di e aña aki aproximadamente, esakinan lo conduci na

TEAM SNOR LO ENFRENTA SERO BLANCO!

Calabas/Kudawecha - Diasabra awo, 28 di februari, net riba e ultimo dia de februari, Team Snor lo enfrenta nan eterno rival, esta Team Sero Blanco, cuminsando desde 8’or di anochi. E anochi aki lo mester wordo “vastgeprikd” riba kalender como otro

sambombaso den domino!

No ta di awo, pero di basta tempo caba e ekipo procedente di “White Mountain” tin un “appeltje te schillen” cu e team cu a bolbe habri temporada nobo biento en popa!

E mundialmente famoso Domino Square Garden,

situa net n’e grens entre Calabas y Kudawecha, lo bay ta chikito p’e avalancha di fanatico di ambos ekipo cu lo bin apoya nan team y, mas cu claro, probecha dje snacks por nada cu ta skeiro rond full halftime! Manera di custumber, entrada lo ta completamente gratis pa pueblo en general y e pasapalonan lo ta “reketekete” totalmente por nada.

E aña aki Snor a bolbe habri temporada cu bon pia, y mas cu logico e ta cargando e bijnaam “Da Team to Beat”. Varios team lo no ta di acuerdo, of hisa schouder y bisa

“tcht!”, pero un cos mester admiti si cu Team Snor, bou liderasgo dje flamante stratega Nelson “Snor” Perez acompaña pa su temibel side kick kende ta famoso pa salbar e team den oranan sumamente preta, awe en dia ta un dje ekiponan cu mas duro pa surpasa. Mas cu claro,

Sero Blanco lo tin gana pa nan t’e team cu lo pone Snor dobla bigote warda! Pues shonnan, diasabra awor 28 di februari, cuminsando pa 8’or aya ne palacio di domino na Kudawecha, e grandioso encuentro entre Team snor contra Sero Blanco DT!

R AA d vAN Advi ES A p RESENTA S u R ELATO

A N uAL 2025 NA Mi N i STER - pRES id ENTE

E presidente di Raad van Advies, mr. David Kock, y e secretario, mr. Albert Braamskamp, a bishita Minister-Presidente mr. Mike Eman dia 18 di februari 2026, pa formalmente entrega e Relato Anual 2025. E encuentro a transcuri den un ambiente ameno

y constructivo, unda a reflexiona riba e trabounan realisa durante e aña pasa y riba diferente desaroyo riba tereno di legislacion y acesoria constitucional. Durante e conversacion, a keda resalta cu Raad van Advies ta celebrando su 40 aña di existencia e aña aki. E aniversario

aki ta representa un logro historico y un momento significativo den e consolidacion institucional di Aruba.

Desde cu Aruba a bira un pais aparte, e Raad a cumpli un rol fundamental den e proceso legislativo. For di e Relato Anual 2025 ta sali e Raad ta preocupa cu e reduccion di produccion legislativo compara cu añanan anterior. Minister-Presidente a splica cu, apesar di e reduccion den cantidad, tin diferente iniciativa di ley actualmente den preparacion. Dos propuesta di ley ta cla pa evaluacion na Raad van Advies, mientras cu un cantidad di otro trayecto legislativo a out-source

pa reenforsa y acelera e capacidad di produccion legislativo. Raad van Advies a enfatisa cu lo nan sigui monitorea e desaroyonan y a subraya e importancia di legislacion di calidad, cu ta juridicamente solido y practicable. Como tarea principal,

Raad van Advies ta duna acesoria independiente riba diseñonan di landsverordeningen, landsbesluiten y otro regulacionnan. Cu su rol acesora, e Raad ta contribui na garantisa calidad huridico, coherencia y ehecutabilidad di e legislacion di Aruba.