DJAKA GRANDI DEN VUELO DI
CinCo auto envolvi den boksmento riba sero tijshi
Sero Tijshi - Diahuebs mainta den carded di 10'or a sosode un boksmento di cadena ariba Sero Tijshi. Mesora trafico a stagna y polis y ambulance tawata na caminda.
Polis cu a yega a bin topa un total di 5 envolvi. E boksmento tawata basta duro, unda cu un auto MG a dal drenta patras di un flatbed, lantando esaki.
E Flatbed na su turno a dal tras di un Nissan Tiida. Un taxi Ford Ecosport a dal tras di e MG.
Patras di taxi por a mira un Toyota pickup.
Dos ambulance a presenta na e sitio y por a mira Paramediconan transportando un señora pa ambulance. E señora tawata mustra ok, pero a
wordo hiba Hospitaal pa control.
Posiblemente debi di no mantene distancia a causa e boksmento di cadena aki.
Djaka granDi Den vuelo Di klM pa aruba
ORANJESTAD – Mas cu 250 pasahero a keda pega na Aruba i Boneiro despues cu un djaka a wordo deskubri durante vuelo di KLM pa Aruba. Segun vocero di e compania, e situacion aki ta “realmente hopi special”.
KLM a confirma na RTL Nieuws cu e incidente a tuma luga diaranson anochi, durante un biahe di Amsterdam pa Aruba. Den mitar di e trajecto, riba lama grandi, miembro di tripulacion a mira e djaka. “Nos no sa con e bestia a logra subi avion. El’a wordo deskubri mientras e avion tabata pasando mita di su ruta.
Ta hopi lamentabel pa e pasaheronan cu mester a pasa den esaki,” segun e vocero a bisa.
Biahe a sigui igual
Apesar di e situacion, e piloto a decidi di continua e vuelo pa Aruba. “E avion tabata riba lama, asina cu no tabatin hopi opcion pa bira bek,” No ta cla unda e raton tabata durante e resto di e vuelo, pero segun e maneho, tripulacion a pone atencion tur ora riba e animal.
Pasaheronan a keda calmo
Segun KLM, pasaheronan a keda calmo i no tabatin
panico. “Nos por afirma cu e raton no a yega serca di cuminda, i tripulacion a maneha e situacion na manera profesional.”
Debi na presensia di
un raton den e avion, e proceso di limpiesa a bira mas stricto, loke a causa cu e avion no por sigui su ruta programa. Esaki a hinka 250 pasahero den un situacion indesea, unda
nan vuelo a retrasa. Nota di Solo di Pueblo: KLM no a informa si e djaka a wordo haya na Aruba of e a keda scondi den e avion.
Ta inTroDuci salario MiniMo pa ora enTranTe 1 januari 2026
ORANJESTAD- Minister di Labor mr. Wendrik Cicilia conhuntamente cu Departamento di Labor y Investigacion (DAO) ta anuncia introduccion di un salario minimo pa ora entrante 1 di januari 2026. E cambionan principal den e ley di salario minimo
- Dia 1 di september 2025, den Parlamento di Aruba a aproba unanimamente e cambionan den e ley di salario minimo pa asina introduci un salario minimo pa ora. Entrante 1 di januari 2026 ta bira obligatorio cu tur empleado di 18 aña of mas, cu ta gana e salario minimo, mester gana por lo menos e salario minimo pa ora sin importa e cantidad di ora cu ta traha. E salario minimo pa ora entrante 1 januari 2026 ta bira e suma di Afl. 11,58. E cambio aki ta encera tambe cu tur empleado cu ta traha menos cu 40 ora pa siman (p.e. 5 ora pa siman) tin cu wordo paga e suma di Afl. 11,58 pa ora.
- Tambe a aproba pa haci un coreccion den e calculacion di un salario minimo pa luna. Entrante 1 di januari 2026 lo uza factor 4,333 (antes tabata 4,28) pa haci e calculacion. Factor 4,333 ta e resultado di 52 siman total den un aña dividi door di 12 luna cu ta bira 52/12 = 4,333.
- Posicion di e empleadonan domestico ta bira mas cla. Pa e empleado domestico cu ta biba cerca su dunado di trabou ta conta un salario minimo di Afl. 5,35 pa ora pa motibo cu e dunado di trabou ta cubri e extra gastonan di biba den forma di alohamento y cuminda di e empleado. Pa tur otro empleado domestico cu no ta biba cerca su dunado di trabou e salario minimo di Afl.11,58 pa ora ta aplicabel. Con ta calcula e salario minimo pa siman of pa luna?
Pa calcula e salario minimo pa siman lo uza e siguiente formula:
Salario pa siman = cantidad di oranan di trabou pa siman x salario minimo pa ora.
Pa calcula e salario minimo pa luna lo uza e siguiente formula:
Salario pa luna = cantidad di oranan di trabou pa siman x salario minimo pa ora x factor 4,333
Pa mas informacion riba e introduccion di salario mínimo pa ora
• Bishita website di DAO: www.daoaruba. com Tin un documento Frequently Asked Questions (FAQ) riba e salario minimo pa ora disponibel den diferente idioma;
• Por email na : dao.uurloon@gmail.com
• Por yama na tel: 5237720, email directiearbeid@aruba.gov.aw of por bishita oficina di DAO situa na Paardenbaaistraat 11 entre 7.30 am pa 12:00 pm y 1:00 pm pa 3:30 pm.
Eduard Pieters di PPA: Presentacion di aruba na Hulanda tabata manera un ‘sales PitcH’ Pa caft y rijkswet Hofa
Durante e di 36 Congreso di Reino na Hulanda, unda Aruba tabata representa pa Minister Geoffrey Wever, a sosode un situacion cu a preocupa y alarma tur e islanan den Reino. Durante un sesion, unda e minister actual di Aruba a haci un presentacion hunto cu e presidente di Cft, a resalta cu Aruba su gobierno ta bende un organo di supervision independiente na tur otro isla den Caribe. Pa fraccion di PPA, esey ta un señal alarmante: un minister no mester keda como salesman di Cft ni di un Rijkswet, cu por mara e autonomia y autodeterminacion di Aruba.
Un presentacion bunita cu un final peligroso
Segun Pieters, durante e di dos dia di congreso, Minister Wever a demostra un panaroma financiero bunita: Aruba ta saliendo for di su debe, debe externo
a baha den 5 aña for di 127% di tempo di pandemia pa rond di 60% awor; tin surplus consistente; Aruba ta cumpli cu LAft y ta cumpli cu e norma di 1% di surplus; economia ta creciendo y ta stabiel.
Tur hende a tende: Aruba ta canando riba un bon caminda cu su maneho financiero.
“Pero na final di e presentacion, a drenta un buelta peligroso: Minister Wever a indica cu gobierno ta cla y ta convenci pa pone Aruba bou di un Rijkswet pa supervision financiero. Esaki a causa un shock den e sala”. E pregunta cu mas a resalta tabata: “Si Aruba ta bayendo asina bon, pa kico nos mester mara nos mes den un Rijkswet? Dicon Aruba no ta scoge pa sigui fortalece nos mesun Landsverordening, evalua y mira con por cambia e LAft?”
Corsou y Sint Maarten cu
aviso cu nos no por ignora Minister di Corsou a hisa su man y a duna un mensahe bon cla na Aruba: “Lebumay e cuestion di un Rijkswet. Si bo hinca bo mes den un structura asina, bo no ta sali nunca mas for di dje!”
E delegacionnan di e otro islanan a haci e mesun pregunta y no por caba di kere cu Aruba ta cla pa entrega su autonomia y autodeterminacion:
● “Con ta posibel cu Aruba, cu ta prepara pa celebra 40 aña di Status Aparte, ta dicidi di busca un Rijkswet, net awor cu e cosnan finalmente ta stabilisa?”
● “Sint Maarten a ripiti nan mesun experencia: “Unabes bou di RAFT, practicamente no por sali for di dje”.
● “Dicon kier bay contra di un desaroyo asina bunita y dal un stap atras, sali for di un ley local y pasa pa un Rijkswet cu alfin ta Hulanda ta dicidi? Esaki no ta desaroyo y crecemento di un pais den Reino”.
Segun nan, e caminda cu Aruba ta siguiendo ta pone nos autonomia y madures politico-financiero bou presion innecesario.
Alternativa di PPA: Begrotingskamer si, Rijkswet no! Fraccion di PPA ya a presenta un Nota di
Minoria basa riba e consultanan cu gremio, expertonan y a bin cu un alternativa concreto: lanta un begrotingskamer independiente, ancra den leynan local, bay den un dialogo serio cu Hulanda pa baha interes y fortalece disciplina presupuestario, sin mara Aruba den e Rijkswet HOFA y pone un paro na e proceso di Rijkswet. “Niun otro partido politico a bin cu esaki; paso esaki ta precisamente e tipo di solucion cu ta mantene nos autonomia, rekeri responsabilidad y evita ripiti eror di Corsou y Sint Maarten, cu tin un Rft, pero sin e resultado desea.
“Como Arubiano, mi a sinti mi decepciona y fastioso: en bes di hinca Aruba mas firme riba su propio pia, gobierno actual, via Minister Wever y Minister Eman, ta pusha pa un Rijkswet cu por horca nos maneho financiero pa generacion. Fraccion di PPA ta keda boga pa para e proceso di Rijkswet HOFA, traha diligentemente riba e begrotingskamer y salvaguardia nos Status Aparte den forma di nos autodeterminacion cu pueblo di Aruba a lucha p’e,” Eduard Pieters a finalisa bisando.
Minister Geoffrey Wever:
No lo tiN iNflacioN deN 2025 Na aruba: -0.1%
Oranjestad, 11 december 2025 – Minister di Finansa, Asunto Economico y Sector Primario Geoffrey Wever ta elabora riba e expectativa pa inflacion y e desaroyo actual di e indice di prijs di consumo (CPI) pa 2025. E CPI ta midi e cambio promedio den prijs riba mercado di un canasta di productonan y servicionan cu consumidornan ta paga. Oficina Central di Estadistica (CBS) ta publica tur luna e desaroyo actual di e nivel di prijs y no ta haci proyeccion pa loke ta spera di inflacion.
Departamento di Asunto Economico, Comercio y Industria (DEZHI) ta publica dos biaha pa aña e “Economic Outlook” cu ta contene e proyeccion economico. Parti di e analisis economico aki tambe DEZHI ta publica e
expectativa pa e inflacion.
Na final di 2024 DEZHI a proyecta un inflacion di 1.7 porciento pa 2025. Basa riba informacion disponibel riba desaroyo local y internacional, den luna di mei 2025 DEZHI a ahusta e proyeccion pa un inflacion di 1.9 porciento pa 2025. Den DEZHI su Economic Outlook 2025-2027 riba pagina 16 DEZHI ta duna un analis y ta premira un inflacion di -0.1 porciento pa 2025.
Publicacion di CBS riba inflacion pa e luna di oktober ta mustra cu consumidornan a e experencia un inflacion di 0.2 prociento. Cifranan publica di CBS ta mustra cu desde 2022 den cual Aruba a conoce un inflacion di 5.5 porciento, pa 2025 e nivel di prijs di productonan y servicionan
a baha considerabelmente.
Basa riba e informacion publica di CBS, desaroyo internacional como e bahada den prijs di bari di petroleo y su impacto positivo riba prijs di gasoline y diesel y desaroyo local manera bahada di accijnzen riba gasoline y diesel desde 1 di mei 2025, DEZHI ta premira un inflacion di -0.1 porciento of “deflatie”.
E nivel di prijs den un pais den un impacto directo riba e poder di compra di tur hende. Pesey banda di proyecto e inflacion ta monitor tur luna kico CBS ta publica cu tawata e inflacion. Como isla nos ta importa tambe inflacion y baha accijnzen riba gasoline y diesel como instrumento di e maneho economico di Gabinete AVP-FUTURO pa mitiga e impacto di prijsnan internacional riba nos nivel di prijs den economia
segun minister Geoffrey Wever.
Minister di Finansa, Asunto Economico y Sector Primario, Geoffrey Wever, ta gradici CBS pa e trabao di tur luna di
publico e desaroyo di nivel di prijsnan na Aruba y ta invita un y tur pa bishita e website di CBS www. cbs.aw pa tur informacion detaya y oficial.
ArubA bAnk tA clAusurA 2025 cu Afl. 100,000 nA fundAcion contrA ViolenciA relAcionAl (fcVr)
Oranjestad, Aruba — 10 di december, 2025 – Den cuadro di su celebracion di 100 aña, Aruba Bank ta anuncia cu orguyo un donacion significativo di Afl. 100,000 na Fundacion Contra Violencia Relacional (FCVR) pa clausura su celebracion di 100 aña.
E aporte aki ta refleha e compromiso firme di Aruba Bank pa sigui inverti den seguridad, dignidad y bienestar di nos comunidad.
A base di e colaboracion aki, e fondo lo wordo inverti den remodelacion di e hogar transicional, creacion di
un espacio terapeutico, y modernisacion di sistema digital di FCVR un proyecto vital cu ta bisa di un futuro mas sigur pa victima di violencia relacional.
Segun Aruba Bank, e donacion aki ta representa hopi mas cu
sosten financiero; e ta un compromiso di speransa y union. "Nos ta kere den un Aruba mas fuerte y mas sigur pa tur. Den nos aña di celebracion di 100 aña, nos a duna bek na comunidad cu a duna nos nan confiansa," a bisa representante di Aruba Bank durante e ceremonia di entrega.
Aruba Bank ta expresa gran aprecio pa e dedicacion, pasenshi y trabou incansabel di FCVR den su mision pa proteha y guia victima riba caminda di recuperacion.
YegA bArcAderA diAsAbrA Awo: bAn tene
ArubA limpi durAnte bAki den bArio
“Esfuerso conhunto dunando bon resultado”, ta locual cu Prome Minister di pais Aruba a expresa awe mainta durante momento cu prensa na e localidad asigna pa e siguiente accion di Baki den Bario. Hunto cu Minister di Tursimo mr. Wendrick Cicilia y demas departamento envolvi cu e proyecto aki a invita e comunidad, muy particular e area di Simeon Antonio, Cas Paloma, Mahuma, Wayaca, Companashi, Santa Marta pa e ultimo accion di Baki den Bario pa 2025.
Prome Minister a indica cu esaki ta esfuerso conhunto di diferente partner den comunidad. Iniciativa di e accion di limpiesa aki (mensual) a
hiba su costo y organisacion logistico, cual tabatin mester di sosten tanto financiero como den capacidad organisatorio. Mester a reenforsa y ta cu sosten di Ministerio di Turismo a logra esaki.
E intencion di Baki permanente den areanan strategico lo ta e meta pa 2026. Ta mirando e posibilidad di seis locacion pa aloca e bakinan aki, algo structura, accesibel y coordina, pa asina e comunidad por tin caminda pa deshaci di nan desperdicio 24/7. Pa locual ta trata e accion di Baki den Bario di e fin di siman aki, lo bira e tereno net pabou di Arugas, na Barcadera. Tin un espacio amplio caminda lo tin e bakinan disponibel
pa asina e pueblo por bin deshaci di nan sushi.
E ta un yamado na henter e comunidad, probecha e momento y temporada pa deshaci di desperdicio y haci e cas, e bario, scolnan, clubnan, compania limpi y bin tira tur sushi aki na Barcadera durante e accion di Baki den Bario.
Minister President, acompaña pa diferente instancia y departamento social lo drenta e bario di Kiviti tambe awe diahuebs durante e Accion di Bario semenal. Aki tambe lo bay topa cu e ciudadanonan di e bario pa asina mira kico ta e necesidadnan y con lo por bay duna un man. Invitacion na Barcadera y vecindario,
pa cuminsa prepara tur locual cu por durante siman y diasabra awo trece e desperdicio na e area asigna pa asina uni na e esfuerso grandi tumando luga pa un Aruba limpi y dushi pa biba riba dje. For di 7:00 AM te cu 11:30 AM lo tin diferente departamento presente pa asina coordina e entrega y facilita e fluho di auto pa tur cos cana lihe y organisa.
Hoben profesional cu a aporta na diferente proyecto importante pa direccion di desaroyo
Comite Olimpico Arubano ta gradici stagiaire Joey Francisco pa su trabou y dedicacion
Diasabra ultimo durante asamblea general di Comite Olimpico Arubano (COA), a conclui cu e proyecto di “Capacity Building Training” (CBT) fase 2, unda cu ta traha cu federacionnan miembro di COA a traves di cursonan capacitacion. Den e caso di CBT fase 2 a yuda e federacionnan miembro pa traha un plan strategico y/
of un “strategic framework” pa asina eleva e nivel di maneho deportivo y planificacion a plaso largo. E fase aki di e CBT a conta cu diferente siman di tayer unda cu profesionalnan a bin duna curso, pues un trabou cu ta rekeri planificacion, logistica y ehecucion di nivel.
Pa e CBT fase 2 bou di guia di Director di Desaroyo
Patrick Werleman, a haya ayudo di Joey Francisco cu a bin cana stage den cuadro di su estudio “Bachelor of Arts in Organization, Governance and Management” (OGM). Joey ta den proceso di finalisa su estudio na Universidad di Aruba y como experiencia practico y oportunidad di gana conocemento di con un organisacion internacional manera COA ta opera y haci maneho, a acerca COA pa por cana stage.
Mester bisa cu Joey a haci un tremendo trabou den apoya Patrick y e direccion di desaroyo, ademas di organisa, prepara y ehecuta e proyecto di CBT fase 2, comunicando estrechamente cu tur federacion miembro y otro gruponan di interes y a percura pa tur cos cana exitosamnte. Durante e asamblea general di
COA a gradici Joey pa su tremendo trabou y ta contento pa mira cu Aruba tin un hoben profesional cu sigur tin e capacidad pa por forma parti di cualkier organisacion cu tin mester di persona dinamico y cla pa aporta. #TEAMARU
EntrEga di bo nEcEsidad di pErsonal (ManpowEr planning) 2026
ORANJESTAD - DAO ta informa cu e periode pa entrega bo necesidad di personal pa aña 2026 a habri desde 5 december 2025. Desde aña 2023 a introduci un metodo nobo cu ta dinamico, flexibel y transparente pa colecta y publica e Manpower Planning (necesidad di personal) a corto y a largo plaso riba e mercado laboral y ta pidi bo cooperacion den esaki.
E necesidad di personal (Manpower Planning) tin su base legal den e Ordenansa Laboral 2013 (Arbeidsverordening 2013, AB 2013 no.14) cual ta vigente desde 1 di april 2013. Un dunado di trabou tin e obligacion, basa riba articulo 30 punto 1 di e Ordenansa, pa somete un Registro di Personal riba peticion di e Director di e Departamento di Labor & Investigacion (Directie Arbeid & Onderzoek, DAO). Pa entrega di e necesidad di personal (Manpower Planning) por haci uzo di e portal di e database Laboral di DAO. Via e portal aki por entrega e Registro di Personal y e Manpower Planning. Via e portal aki un compania por mira su informacion directo cu ta registra na DAO. Por entrega e Registro di Personal desde comienso di aña 2026. Esaki ta encera informacion di personal di bo compania te cu 31 december 2025. E entrega di e Manpower Planning informacion ta desde 5 december
2025. Den e formulario cu mester yena riba e portal, mester indica e necesidad di personal pa e aña venidero den un empresa y tambe den e mesun formulario ta indica e necesidad di personal en conexion cu un proyecto specifico pa e aña venidero.
DAO ta informa cu por sigui entrega necesidadnan nobo, cambionan of adicionnan riba e Manpower Planning (e necesidad di personal) indicacion di bo compania durante e aña 2026 via e portal di Labor of si bo no tin acceso riba e portal ainda, bo por entreg’e uzando un Excel sheet y manda esaki via email: dao.labora@aruba.gov.aw . Desde 5 di december 2026, lo por download e Excel sheet for di e website www.daoaruba.com (Excel sheet:DAO Personeelsbehoefte 2026) of bo por pidi esaki via email na aanvraagpr@gmail. com, y DAO lo mand’e pa bo via email. DAO tin varios compania cu ya tin nan acceso riba portal di e database LABORA. Si bo ta desea di ricibi bo login informacion pa subi e portal, por manda un email pa sr. Simon Brete (simon.brete@aruba.gov.aw) of por yama na 523-7718.
Publicacion di necesidad di personal (Manpower Planning) riba website di DAO
E Manpower Planning colecta di companianan den aña 2026, nos ta analisa nan cada kwartaal den 2026 y ta public’e na forma anonimo y na e nivel macro. Ta public’e den e prome siman di e siguiente luna despues cu e periodo di entrega finalisa. E analisis ta concentra riba e tendencianan y conocementonan necesario pa cu e sectornan y funcionnan di e necesidad di personal indica. Lo publica e resultado di e Manpower Planning pa cada kwartaal riba e website di DAO (www.daoaruba.com) y ta contribui na un mihor comprondemento di e dinamica di e personal riba e mercado laboral y ta sostene e planificacion strategico como tambe desaroyo di maneho pa cu gobierno y Minister encarga cu Labor.
Pa companianan cu ta haci uzo di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario.
Si tin pregunta, por tuma contacto cu sr. Simon Brete na number di telefon 523-7718 of via email simon.brete@aruba.gov.aw of cu sra. Louisetty Croes na number di telefon 523-7722 of via email louisetty.croes@aruba.gov.aw.
Ewald biEMans a sirbi 50 aña dEn Hunta di aHata (11 dEcEMbEr 2026)
Hunta di AHATA a gradici
Ewald Biemans pa su 50 aña di dedicacion na Aruba Hotel & Tourism Association durante un lunch special pa celebra su contribucion. Pa 5 decada, Sr. Biemans a funciona como miembro di e hunta cu un compromiso na integridad y responsabilidad. Como doño di Bucuti & Tara Beach Resort semper e la representa un ehempel exitoso di maneho
sostenibel, dunador di trabao responsabel, y amor pa naturalesa. Su vision, conocemento y bos semper ta respeta y su apoyo fuerte pa e asociacion semper ta aprecia.
Despues di 50 aña, Sr. Biemans a dicidi di tuma su retiro di e hunta desde Januari 2026.
Chairman of the Board, Paul Gielen, y Presidente Tisa LaSorte a regala
Ewald Biemans un cuadra, di artista local, Suelyn Dankerlui, representando bunitesa di Aruba su naturalesa cu alabes ta palanca di nos economia.
Sr. Biemans a gradici e hunta y a recorda cu den su carera ela experiencia crecemento di Aruba su turismo di 15,000 bishitante te na 1.5 miyon, agregando: “Nos mester proteha loke a hasi nos turismo posibel”.
ArubA TA PAr TiciPA den FloridAcAribbeAn cruise AssociATion su “HolidAy GiFT ProjecT”
Aruba Tourism Authority (A.T.A.) y Aruba Ports Authority NV (APA NV) ta anuncia cu orguyo di por a participa un aña mas na e proyecto “Holiday Gift Project” dirigi pa Florida-Caribbean Cruise
Association (FCCA). E celebracion di e aña aki a tuma lugar dia 9 di december, cu St. Paulus School na San Nicolas. A selecciona e scol como beneficiario honra di 2025. Holiday Gift Project
tin como meta pa trece alegria den e temporada di fiesta, entregando regalo, y creando momentonan di felicidad. E aña aki, e muchanan di St. Paulus School a disfruta di un mainta yena di sorpresa, ambiente festivo y bunita interaccion cu ta keda den recuerdo di tur esnan presente.
E evento a demostra e poder di colaboracion, unda diferente organisacion a uni pa crea un celebracion magico pa e muchanan di St. Paulus School. Santa Claus tabata e invitado
special, capturando e atencion di tur mucha. Santa su yegada a agrega un toque special ora el a baila hunto cu e muchanan, mientras diferente klas a brinda presentacionnan di baile pa entretene tur cu tabata presente. E mainta a representa e berdadero esencia di FCCA Holiday Gift Project: “trece alegria y crea recuerdonan cu ta keda pa semper”.
A.T.A. y APA NV ta reafirma nan compromiso pa sigui apoya iniciativanan cu ta fortifica comunidad y e laso entre Aruba y su partnernan regional. Pa
medio di participacion continuo den proyecto manera FCCA Holiday Gift Project, Aruba ta demostra su dedicacion na responsabilidad y bienestar di su comunidad.
A.T.A. y APA NV ta gradici FCCA, ekipo di St. Paulus School, Capitan y tripulacion di Carnival Horizon, Diamonds International, Concept Creations, Parlamentario Clifford Heyliger, Arubus, Dazzling Entertainment y A Touch of Steel pa nan contribucion valioso na e celebracion di e aña aki.
NOS MANEHO SOSIAL TA NA PELIGER?
“Gobièrnu
ta laga yudansa finansiero i lasonan ku NIBUD kai?”
WILLEMSTAD,
CURAÇAO — Frakshon di PNP den Parlamento ta eksigí klaridat urgente for di Minister di SOAW. Despues di un bishita di trabou di lider di frakshon, sra. Ruthmilda ‘Mimi’ Larmonie resientemente na NIBUD, Hulanda, a resultá ku e koperashon krusial pa yuda nos hendenan sali for di debe i pobresa ta na peliger. “Nos ta nota un negligensia total. Proyektonan manera e ‘Geldkrant’ a para i e akuerdo ku NIBUD ta menasá di kaduká sin akshon. Ken ta para pa e hòmber i muhé chikí ku ta luchando ku kosto di bida?” asina LarmonieCecilia ta puntra.
Dia 8 di dezèmber último, durante un bishita di e Komishon di Reino na NIBUD, e instituto a ekspresá preokupashon serio. E akuerdo di koperashon, firmá na novèmber 2023 bou di liderazgo di PNP e tempu ei, ta kaduká na 2026, pero te ainda Gobièrnu aktual no a duna ningun señal di bida pa renobá esaki. Esaki ta nifiká ku Kòrsou ta kore riesgo di pèrdè hèrmèntnan esensial pa kombatí pobresa.
Unda ‘Geldkrant’ a keda?
PNP ta kuestioná dikon e proyekto di ‘Geldkrant’, un medio efektivo pa siña pueblo kon manehá plaka den tempunan difísil, a “fris” òf paralisá
despues di apénas un edishon. “Den un tempu ku inflashon ta haltu i nos hendenan tin mester di guia finansiero mas ku nunka, ta inkomprendibel ku ta stòp inisiativanan ku ta funshona,” LarmonieCecilia ta enfatisá den su karta na Minister America-Francisca.
E frakshon ta preokupá ku falta di vishon ta laga míles di siudadano den un “limbo”, pegá den debe sin bista riba un ‘komienso limpi’ (schone lei). Tambe ta parse ku e unidat pa yudansa di debe ('schuldhulpverlening')
i entrenamentu pa ámtenarnan no ta hañando e prioridat nesesario.
PNP a manda un seri di pregunta pa Minister di SOAW pa haña sa si di bèrdat a pone prioridatnan sosial un banda. Nos pueblo meresé mihó ku un maneho laks..
Cede di BBQ Cushina di Nestor
Diadomingo 7 di dec.
Menú
Ham di pasco
1/2 galinja jena
Roast beef mushroom sauce
Lomito mushroom sauce
Bbq mix
Galinja
Loinribs
Lomito
Pincho
Special Salada batata
Aros con pollo
Pa pedido por jama riba 7497071.
Of pasa na Siribana 45b St Cruz.
Nos kier desea un y tur un felis dianan di fiesta
Oranjestad, Aruba, 8 di december 2025. CWR, bufete di abogadonan estableci aki na Aruba cu ta enfoca riba clientela corporativo, a forma parti recientemente den un episodio di e serie famoso di TLC, “90 Day Fiancé”.
Den e episodio aki, Chloe, di Baxford, y Johny, di Aruba, a bishita CWR pa haya conseho legal riba nan preparacion matrimonial y futuro hunto. Durante di e consulta, socio di CWR, Sr. Anthony Ruiz, ta duna guia y conseho, mientras cu e logo di oficina CWR tabata claramente visibel den pantaya.
"90 Day Fiancé" ta sigui parehanan internacionalmente mientras nan ta experencia e retonan legal, cultural y personal pa construi un bida hunto. E show aki
tin un audiencia grandi internacional y hopi biaha ta presenta e obstaculonan cu e parehanan ta encontra na momento di emigra y e rekisitonan legal cu esaki ta trece cune.
“Na CWR nos ta atende regularmente cu clientenan internacional cu kier inverti of emigra pa Aruba, incluyendo parehanan cu ta bai comparti nan bida, bienes y responsabilidadnan cu otro den diferente hurisdiccion,” segun socio Sr. Anthony Ruiz. “E preguntanan cu a wordo trata den e eposiodo aki ta hopi similar na locual cu nos ta trata diariamente na nos bufete".
Croes Wever Ruiz
CWR (Croes Wever Ruiz), funda na 1970, ta uno di e bufetenan di abogado cu mas experencia bou
hurisdiccion di corte comun di apelacion na Aruba, Corsou, Sint Maarten, Boneiro, Saba y Sint Eustatius. E bufete ta ofrece amplio servicionan legal specialisa riba leynan corporativo, complementa pa servicionan corporativo di trust y consehonan fiscal pa tanto cliente local como internacional. CWR tin un base extenso di clientenan corporativo como tambe priva for di Norte America, Europa y America Latino cu inclui
institucionan financiero, companianan di seguro, y den e industria di hospitalidad.
FORTALEZA PA FAMIA
Scirbi pa Pastor Marcel Balootje.
UZAMENTO DI DROGA Y ABUSO DI ALCOHOL TA
FATAL NO CUMINSA CUNE
Pa hopi tempo e uzo di droga a wordo di babysit riba nos isla, y awor e a lanta manera un orkaan riba nos mirando tur bario tin su adiccion. No ta den Playa, of San Nicolas so, pero tur caminda rond Aruba tin adicto, kende hopi biaha ta muchanan cu a lanta den cas di bon famia, cu a bay bon scol, hasta tin di nan gradua, pero un dia riba conseho di amigo, of riba nan mes cuenta a bay purba cu droga y a keda aden.
Nos Fundacion e Fortaleza y Sosten pa Famia, Kende ta construyendo un Rehab Center pa Damas:
Ta roga tur Mayor, Tur Instancia, Tur Scol
Tur Iglesia, Tur Misa, Tur hende tanto mucha, hoben, Adulto Mayor, pa keda leu for di Droga y abuso di alcohol.
Pasobra a bin sali na cla cu si bo tabata usa droga of abusa di alcohol, y bo a stop, toch ta keda e risico di bira malo,pasobra pa e tempo cu bo tabata usa droga of abusa di alcohol bo a debilita organo den bo curpa.
Anto pa e motibo ey cualquier malesa cu dal bo, tin e forsa pa manda bo cama, pasobra bo a danja bo organonan.
Pesey awor nos tin tanto problema cu salud mental, confusion mental,Stroke, Cancer di pulmon, inmunidad contra griep.
E pakete diabolico cu nos tur por lesa den Juan 10:10 cu e enemigo a bini
solamente, pa horta, pa mata, y pa destrui, nos por mire completo den uso di droga y abuso di alcohol.
Den nos bida diario nos por mira cuanto accidente,morto, violencia, crimen e dos enemigonan di humanidad aki ta causando.
Y locual ta mas remarkabel ta cu ningun di nan no ta gratis pero ta hende mes bao di influencia di scuridad ta inverti den nan propio destruccion.
Alcohol no ta barata y droga tampoco ta barata, tin cas caminda mayor ta sinja yiu bebe y tin cas caminda mayor cu yiu ta droga hunto.
No ta importa si ta homber of muher uzo di droga ta wordo di babysit, cuanto mayor no ta duna nan yiu placa pa e bay cumpra droga, sino e mucha ta rabia y kibra cos den cas, eynan caba nos ta mira con nos ta babysit uso di droga, cual nos sa cu e ta malo.
No tin asunto di gobierno no a haci nada, pasobra ningun caminda riba mundo, ningun gobierno por dicidi kico hende ta permiti den nan cas y nan sa masha bon
cu esaki lo crece y bira un problema social pa nos tur.
E uso di droga y alcohol riba nos isla chikito aki, mester ta un preocupacion pa nos tur, pasobra como un isla turistico, nos poblacion mester demostra respet y displina.
Tin algun experto cu por sali dilanti y bisa bo cu droga ta remedi, y cu nan tin hopi tempo ta uza droga y cu mester legalisa, awor puntranan cu locual nos ta mirando awor sin legalisa mes ta tristo, y penoso, ta con lo haci si mester legalisa, con nos lo enfrenta nos turismo, como One Happy Island of One Happy Flying Island, sin lubida cu e aumento di criminalidad y inmoralidad riba nos isla ta depende hopi riba uzo di droga y abuso di alcohol.
Tin hopi hende cu a pasa 60 anja y cu te ainda ta mara na Droga, y ta abusando di alcohol, y te ainda no kier realisa e danjo haci na nan bida.
No laga nos muchanan y hobennan sigi mesun ruta, pero ban yuda nan pa Stop Awor.
Sinceramente, Pastor Marcel Balootje.
Descubri alimentonan imprescin D ibel cu no por falta D en bo D ieta
Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato.
Tomati
Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E.
E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento.
Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.
Awacati
E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol.
Knoflok
E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan.
Ademas, e ta un excelente regulador di presion arterial y ta yuda e digestion.
Di un otro banda, hopi chef ta recomenda saca su parti interior berde, pasobra e por resulta pisa pa e digestion.
E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco.
Selder
Selder ta famoso pa stimula e potencia sexual. Ademas, su con-
sumo ta yuda mehora e problemanan chikito di memoria vincula cu edad. Selder tambe ta posee un porcentahe halto di hero, pesey e ta un aliimento imprescindible contra anemia.
Por ultimo, como curiosidad, e juice di selder ta yuda supera e trastornonan di soño.
Chuculati
Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia.
Ademas, solamente 100 gram di chuculati scur, ta posee 375 miligram di fosforus.
Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer.
Spinazie
Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina.
Appel
Appel ta e fruta pa excelencia. E alimentonan imprescindibel aki
ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral.
Rasenchi
Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium.
Alimentonan imprescindibel: Salmao
Salmao, specialmente esun silvestre of salvahe, ta posee cantidad-
nan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional.
Yoghurt
Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion.
Ademas, e ta un producto hopi recomendabel pa dietanan abao den caloria.
Vol of sin vet, yoghurt ta un producto perfecto pa bo alimentacion.
Brocoli
Brocoli ta un bon fuente di vitamina A (principalmente den forma di beta-karonteen), di vitamina C y di acido folico.
Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico.
Berries
Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt.
Ya sea di color cora, preto, no lage di purbe como acompañamento pa smoothies, tert of otro dessert.
Stingray Swimming t eam a ruba a logra 70 medaya na Siegfried f ranci S co
i nvitational 2025
Stingray Swimming Team
Aruba a finalisa un fin di siman extraordinario na Siegfried Francisco Invitational 2025 na Curaçao. Cu cuatro sesion di competencia yena di energia, disciplina y pasion, nos delegacion di 21 atleta a representa Aruba cu orguyo, coleccionando 70 medaya: 29 oro, 23 plata y 18 brons, kibrando cantidad di mehoracion personal (PB’s) y mustrando un espirito di team ehemplar y determina.
Sesion 1 Highlights
Stingray a habri e competencia cu un actitud fuerte, acumulando 7 oro, 8 plata y 4 brons. Leandro Santiesteban, Iva Werleman, Emma Ponson y Richmyra Hoen a sobresali den varios evento, mientras e otro
oro, 3 plata y 7 brons na su coleccion. Leandro a domina den 50 Breast, 200 IM y 100 Free, mientras Emma y Iva a logra oro den 200 IM. Richmyra agrega un oro crucial den 100 Free. Tres mixed medley relays consecutivo a obtene oro, demostrando e forsa di ekip. Bartolomeo, Emiliano, Duncan, Emma, Zainel y Jordan a contribui cu plata y brons na e cantidad di medaya.
atletanan: Mary-Ann, Rosaleen, Vira y Emiliano tambe a briya. Y sin laga afor e potente relaynan di 9–10 y 13–14 mucha homber a gana oro; 13–14 mucha muher plata; y 11–12 mucha homber brons.
Sesion 2 Highlights
Sesion 2 a sigui cu e mesun potential di Stingray: 8 oro, 7 plata y 3 brons. E victorianan importante di Mary-Ann, Duncan, Emma, Leandro y Richmyra a domina e eventonan di velocidad. Dos mixed relays 9–10 y 8 & under a logra oro, mientras 11–12 relay a logra plata. Emiliano y Emma logra brons den e eventonan di lomba, demostrando un sesion halto di nivel.
Sesion 3 Highlights
Stingray no a baha intensidad y a agrega 9
Sesion 4 Highlights
E ultimo sesion tabata un demostracion di resistencia fisico y mental, unda a logra un total di 5 medaya di oro, 5 plata y 4 brons. E atletanan a sigui logra PB’s y a finalisa fuerte despues di un programa intenso di tres dia. Stingray a mantene su nivel competitivo te ultimo heat, demostrando consistencia y determinacion.
High Point Trophy: Logro Extraordinario pa Stingray
E culminacion di e competencia aki a trece un momento di gran orguyo: varios atleta di Stingray a gana High Point Trophy den nan categoria, cual ta un prueba cla di consistencia, dominio y excelencia durante tur evento. E premio
aki ta otorga solamente na e atleta cu ta logra e MAYOR total di punto den e 4 sesion di competencia. Un reconocemento cu ta exigi talento, disciplina y rendimento constante.
E logro aki ta mustra no solamente e capacidad individual, pero tambe e nivel di entrenamento y compromiso cu henter e team di Stingray.
- Girls 8 & under 3rd place: Mary-Ann Gammara
- Boys 8 & under 2nd place: Duncan Ponson
- Girls 9-10 1st place: Richmyra Hoen
- Girls 9-10 2nd place: Iva Werleman
- Girls 11-12 2nd place: Emma Ponson
- Boys 11-12 1st place: Leandro Santiesteban
Cada competencia un crecement mas fuerte Durante tur cuatro sesion, Stingray Swimming Team
Aruba a mustra cu nan no ta solamente compete, pero nan ta forma y inspira un generacion di atleta. Hopi PB’s, hopi medaya, hopi victoria den relays y excelente resultado di High Point Trophies, cu ta sigui pone nos team riba un nivel deportivo regional.
Un feliz dia fructifero colma cu hopi gracia di Dios.
’Ningun hende no por bini cerca Mi, si mi Tata cu a manda Mi no hal’e cerca Mi’. (Huan 6, 44)
Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a
topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci
bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.
Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.
ESNAN CU A DIVORCIA Y TA BIBANDO CU OTRO PERSONA DEN ADULTERIO Y NAN TA KERE CU NAN TA SALBA
Bo no sa, cu unabes cu bo ta casa pa Dios den e Sacramento di Matrimonio, bo ta keda casa pa Dios te na morto y Dios no ta reconoce divorcio. Awor, si bo ta un hende divorcia y bo ta biba cu otro, anto ta con bo por yama bo companjante bo esposo of bo senjora maske cu boso ta casa pa raad? Bo no tabata sa cu bo ta bibando den e pika condenabel di adulterio? Bo sa cu e pika di adulterio ta condenabel pa Dios y na tur esnan cu a muri den nan pikanan di adulterio, nan lo no drenta den e Reino di Dios y nan destino lo ta den fierno of den purgatorio. Bo mester compronde cu e di 6 Mandamento di Dios Tata ta bisa bon cla: “Lo bo no comete e pika di adulterio.” Lesa den Bijbel Mateo 5: 32, na unda Senjor Hesus ta adverti bon cla: “Ami ta bisa boso: Ken cu divorcia di su senjora, si no ta pa motibo di infieldad, e ta pone su senjora comete adulterio. Es cu casa cu e senjora divorcia, e tambe ta comete adulterio.” Akinan nos por compronde bon, si un homber divorcia di su senjora, anto e ta provoca cu e senjora ta bay busca un otro persona pa biba cun'e den e pika di adulterio. Akinan e homber cu a divorcia di su senjora, ta keda responsabel di su senjora cu el a divorcia. Y tambe e homber ta keda responsabel di su senjora cu ta bay perdi den e pika di adulterio. Na e dia di huicio dilanti di e tribunal di Dios Tata, e homber y e muher tin di duna cuenta di nan actonan di divorcio y di adulterio.
Lesa den Bijbel Marko 10: 6-9 : “Na principio di creacion, Dios a traha homber y muher, p'esey e homber lo laga su tata y su mama pa e uni cu su
muher y nan dos lo bira un solo curpa. Di manera cu nan no ta dos mas, sino un solo curpa. Pues loke cu Dios a uni, no ta permiti pa hende separa.” Esaki ta e Sacramento di Matrimonio di Dios den Misa, na unda cu Dios ta uni e pareha den un solo curpa, pa medio di un sacerdote y cu dos testigo. Tambe bo por compronde, cu Dios no ta reconoce divorcio y e pareha mester keda uni te na morto, maske cu nan a divorcia pa raad. Dia cu bo a casa den e Sacramento di Matrimonio den Misa pa Dios, bo no a huramenta pa Dios dilanti di altar, cu bo lo keda fiel den bon tempo y den tempo di adversidad, den tempo di abundancia y den tempo di pobresa, den tempo di salud y den tempo di enfermedad, den tempo di pas y den tempo di pleito y di stima otro manera bo mes y di keda fiel te na morto?
Awor mi ta puntra bo, ta na unda bo huramentonan a keda dilanti Dios? Laga nos lesa den Bijbel Mateo
5: 33, na unda cu Senjor Hesus ta bisa tocante huramento : “Tambe boso a tende loke a ser bisa na boso antepasadonan: Lo bo no kibra huramento y lo bo cumpli loke cu bo a huramenta na Senjor.” Akinan, bo no a huramenta dilanti di Dios den Misa, di keda hunto y fiel cu bo pareha te na morto?
Den Bijbel Huan 4: 5-42, akinan nos por lesa, ora cu e muher Samaritana a pidi Hesus p'e haya e awa di bida eterna, p'e no
haya sed di awa nunca mas, anto Hesus a bise, bay busca bo esposo y bin cun'e cerca Mi. E muher Samaritana a bisa Hesus, mi no tin esposo, anto Hesus a bise'le, bo tabata tin 5 homber y e homber cu bo ta bibando cun'e awor, no ta bo esposo. Akinan nos por compronde cu e muher Samaritana ta bibando den e pika grandi di adulterio, pasobra ela divorcia di su prome casa, pa despues ela bay biba cu diferente homber den e pika di adulterio. Akinan tambe, Senjor Hesus ta bisa na tur esnan cu a divorcia y ta bibando den e pika di adulterio, pa nan bay busca nan senjora of nan esposo cu Dios a uni nan den e Sacramento di Matrimonio, pa e pareha cu a divorcia por ta salba di e condenacion den fierno. Bo no tabata sa, si bo muri den bo pika di adulterio, bo no por drenta den e Reino di Dios. Lesa den Bijbel 1 Corinthionan 6: 9 y 10: “Boso no sabi, cu e inhustonan lo no drenta den e Reino di Dios? No ganja boso mes, pasobra ni e fornicadornan, ni e adoradornan di diosnan falso, ni esnan den adulterio, ni e homosexualnan, ni e ladronnan, ni e burachenan, ni e blasfemadornan, ni esnan golos pa plaka, ni e abusadornan, nan tur lo no drenta den e Reino di Dios.”
Tambe den Bijbel Testament Bieuw Levitico 20: 10, na unda cu Dios Tata ta bisa: “Si un homber ta comete adulterio cu un muher casa di su prohimo, nan dos lo muri, e adultero y e muher adultera.” P'esey cambia boso bida prome cu ta laat, pa boso no ser condena den e candela di fierno despues di morto.
