Chauffeur buraChi a Causa boksmento na solito
Solito - Diaranson anochi den careda di 11'or a sosode un boksmento cu basta daño material riba e caminda di Solito pa Tanki Leendert.
Informacionnan cu a drenta a papia di hende herida, pero na yegada di polis no tawata tin heridos. Pero si agentenan a capta cu un di e chauffeurnan lo ta bou influencia. A haci e testnan necesario y e la wordo deteni.
Locual a sosode ta cu e
chauffeur di e Yaris a yega e crusada T, pero a gewoon sigui core y dal contra un SUV Hyundai pasando.
Chauffeurnan no tur, pero
tin hopi no ta importa cu nan ta subi core auto bou influencia y cu tur e consecuencianan negativo cu esaki ta trece cu ne.
setar a partiCipa na e Coastal Clean up
event
di ahata en Conexion Cu earth day
SETAR ta orguyoso di a participa na e Coastal Clean Up Event organisa pa AHATA en conexion cu celebracion di Earth Day.
Hunto cu un grupo di empleado, SETAR a dedica un mainta pa limpia e area di Bucutiweg, aportando na un costa mas limpi y na un medio ambiente mas sostenibel pa nos isla.
Como Aruba su compania nacional di telecomunicacion, SETAR ta reafirma su
compromiso cu sostenibilidad y cu su metanan di ESG (Environment, Social y Governance), tumando accion pa protege y cuida nos medio ambiente.
Earth Day ta recorda nos cu accionnan chikito, ora cu nan wordo haci hunto, por crea un impacto significativo. Cu e participacion aki, SETAR ta sigui demostra su compromiso pa contribui na e bienestar di nos comunidad y na e preservacion di Aruba su medio ambiente.
Fraccion di MEP
Fraccion di Mep ta pidi reunion urgente riba turismo
ARUBA NO POR SIGUI RICIBI MAS Y MAS TURISTA, E MOMENTO PA ACCION TA AWOR!
ranjestad – Fraccion di MEP a entrega un peticion urgente pa un reunion publico cu e minister di Turismo pa debati tocante e rumbo di turismo na Aruba y e falta di accion concreto pa ehecuta e modelo di High Value, Low Impact.
Despues di recuperacion economico despues di pandemia, e gabinete anterior, Gabinete Wever-Croes 2, a scoge conscientemente pa cambia rumbo: no mas turismo di cantidad, pero turismo cu ta crea mas balor cu menos impacto riba nos pais y nos comunidad. E decision aki a bin directamente for di e preocupacionnan den nos comunidad riba presion di turismo riba calidad di bida.
Sinembargo, segun MEP, e realidad actual ta mustra algo completamente diferente.
Enbes di controla crecemento, nos ta mira:
• Mas vuelo aereo y expansion di asientonan
• Mas yegada di turista
• Ningun limite pa proteha nos capacidad di carga
Esey ta nifica cu presion riba trafico, vivienda, infrastructura y medio ambiente ta sigui aumenta,
e nos ciudadanonan mas y mas ta keha di e molesternan aki. Mas preocupante ta cu gobierno
AVP Futuro no ta pone ningun atencion na esaki.
“Aruba no por sigui crece sin control. Nos ta un isla cu limitacionnan. Si nos no actua awor, e impacto lo bira mas dificil pa controla despues,” segun fraccion di MEP.
MEP ta enfatisa cu e discusion aki ta mas cu economia so. Turismo ta toca directamente e calidad di bida di nos pueblo, costo di bida, acceso na vivienda pa nos hobennan, proteccion di naturalesa y en general e futuro di Aruba.
Pesey, MEP ta pidi un reunion urgente pa haya clarificacion di gobierno riba algun punto.
• Concretamente con e modelo di High Value, Low Impact lo wordo ehecuta
• Con gobierno lo controla e crecemento di turismo
• Con expansion di vuelo ta cuadra cu e meta di menos impacto
• Ki medida concreto lo wordo tuma pa proteha calidad di bida di nos pueblo
Fraccion di MEP ta bisa
cla: Aruba mester scoge un direccion.
“No ta cuanto turista nos
ta ricibi lo defini nos exito, sino con nos ta maneha turismo pa beneficio di nos pueblo” lider di fraccion di
MEP Evelyn Wever-Croes a duna di conoce.
DIMAS A proceSA cASI 100% DI e petIcIonnAn DI 2025 y A SubrAyA e IMportAncIA pA tIn bo eMAIl ADreS
perSonAl SeMper nA orDo Den e proceSo
Diariamente, DIMAS ta procesa y entrega un cantidad significativo di permiso na clientenan cu a cumpli corectamente cu tur rekisito. Departamento di Integracion, Maneho y Admision di Stranhero (DIMAS) a atende na 2025 un total di 26.413 peticion pa locual ta trata admision. Di e total aki, 97.5% a keda procesa y tin sea un decision of tin un conseho (sea positivo of negativo). Den e total aki tin tambe personanan cu a ricibi un admision temporal na Aruba (VTA) pa por haci nan testnan medico final. Unabes DIMAS haya resultado final di e testnan medico, lo saca electronicamente e decision final. De facto ta menos di 3% falta pa procesa ainda pa locual ta 2025 y DIMAS ta trahando pa atende cu e retraso aki pa locual ta trata 2025. Te cu April 2026 tin 6662 peticion registra pa un titulo di estadia. Di esakinan ya a procesa un total di 77.7% y e team di DIMAS ta trahando duro pa procesa demas peticionnan tambe.
DIMAS ta sigui tuma pasonan concreto pa mehora e servicio na su clientenan. Actualmente ta trahando riba mehoracion di e proceso di comunicacion, incluyendo revision di mecanismo
DI AplIcAcIon pA perMISo
pa verifica datonan di contacto y explora canalnan adicional pa notificacion di clientenan.
Alabes, ta esencial cu tin responsabilidad comparti:
• Cliente mester percura cu nan informacion, specialmente email, ta corecto ora di entrega peticion;
• Mester actua cu precision y responsabilidad ora di yena datonan personal di cliente.
• Mester facilita tur documentacion necesario segun lista di rekisito
Pa facilita acceso na informacion, DIMAS a habri comienso di maart 2026 dos bali di informacion unda clientenan por haya claridad riba nan peticion sin mester haci cita previo. Esaki ta exclusivamente pa informacion of haci entrega di un of otro documento cu tabata falta.
Mientrastanto DIMAS atende mas di 2300 cliente segun orden di yegada na e dos puntonan di informacion aki.
Un prome analisis ta confirma cu e cliente ta pasa na DIMAS pa e siguiente motibonan:
- Mester informacion general riba e diferente productonan of servicionan;
- Kier solicita of no sa con pa pidi un coreccion;
- Kier entrega un documento cu a keda falta;
- Kier haya splicacion con e mes por monitor e progreso di su peticion;
- Kier informacion di e proceso cu no a sigui cana, despues cu a cumpli cu pago.
DIMAS ta remarca cu tambe tin un cantidad di cliente cu ta pasa DIMAS, mientras ya e decision a ser manda pero esaki no a yega cerca e cliente pa diferente motibo:
- Sea cu ta eror den e adres di email suministra
durante e peticion;
- Email di DIMAS a bay den Spam box;
- Email adres cu ya no ta den uzo mas door di e cliente (inbox a yena);
- Uzo di email di tercero, en bes di email personal di e cliente;
- Cliente no a yena Email.
DIMAS ta sigui traha y fortifica comunicacion y garantisa un servicio mas eficiente y confiabel. Ademas ta trahando pa yega na un proceso mas
rapido, mas eficiente y transparente pa tur cliente.
Awe tA bo oportunidAd di gAnA Afl. 1.850.000,- cu Mini
MegA y MegA plus!
ORANJESTAD, Aruba – 24 di april 2026: Diamars anochi e resultado di Mini Mega a ser conocí, unda cu e numbernan cu a sali tabata 05-06-07-17 y Mega Ball: 13 y no tabata tin ganador pa e prome premio. Segundo premio a conoce un total di 4 ganado cu tabata tin e 4 numbernan bon, pero sin e Mega Ball. Ticketnan ganado a wordo bendi na Euro Lottery, Sunshine Lottery, Cadena Alexander Cumana y M&F Valero Essoville. Cada un ganado a gana e suma di Afl. 6.379,-.
Si tin un ganado awe nochi, e lo bira e segundo miyonario pa aña 2026! E prome miyonario di 2026 tabata na februari cu a gana e suma di Afl. 1.750.000,- y e ticket ganado a wordo bendi na Lucky Cher-Ann 2.
Awe diabierna 24 di april 2026, Mini Mega su jackpot ta na 1 miyon 150 mil florin y cu 2 florin mas, bo por gana e jackpot di 700 mil florin extra cu ta pone e suma bira un total di 1 miyon 850 mil florin! Bo no tin bo cuenta di Lotto Online ainda? Bay riba play. lottoaruba.com y registra pa asina bo por cumpra bo Lotto Online.
En conexion cu Dia di Rey dialuna 27 di april no lo tin sorteo di Lotto pa merdia y anochi y nos oficina di Lotto na Oranjestad y San Nicolas lo ta sera. Diamars 28 di april sorteo y orario di oficina ta continua normal.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y
Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan
y na mes momento inverti den deporte local pa medio di donacionnan na e comision di subsidio.
Charline Tromp Ta empleado superior di aruba bank
Oranjestad – 22 di april 2026 - Charline Tromp ta empleado superior di Aruba Bank pa luna di maart 2026. Un empleado cu ta demostra dedicacion, iniciativa y un fuerte compromiso cu e cliente, logrando asina e reconocimento aki.
Charline a sobresali pa su contribucion excepcional den servicio na su clientenan. Su forma profesional y empatico di traha ta refleha claramente e balornan principal di Aruba Bank.
Den su tempo liber, Charline ta disfruta di relaha bandi lama, un actividad cu ta yuda recarga energia y mantene enfoka pa sigui supera cualkier reto.
Pabien, Charline, pa ta un empleado cu ta representa e bon cultura di servicio di Aruba Bank.
Dangui Oduber: Gobierno no tin respet pa pueblo!
Despues cu concepto Di rijkswet HoFa ta worDo manDa HulanDa, parlamento Di
aruba ta Hay’e concepto pa lesa!
E parlamentario Dangui Oduber a lansa un critica fuerte awe contra e maneho di e coalicion AVP-Futuro, declarando cu e gobierno aki NO tin ningun respet pa e pueblo di Aruba. Segun Oduber, e forma con e concepto di e Rijkswet HOFA a wordo maneha, mandando esaki Hulanda prome cu Parlamento di Aruba por a tuma nota, ta un falta di respet grave pa e organo di mas halto di nos democracia.
Un "Bypass" di nos Democracia
E parlamentario Oduber a expresa cu e tema di
Rijkswet HOFA ta un asunto fundamental cu un gobierno no por “bypass’’ Parlamento sin mas. Segun e parlamentario, e ley aki lo kita nos Libertad, lo kita nos Status Aparte y lo manda nos bek mas cu 50 aña atras. "Nos ta biba den un pais liber, nos Status Aparte a percura pa progreso y nos no por permiti pa un grupito di politico cu no ta kere den nos pais bay entrega nos libertad y autonomia," e parlamentario a splica. Ademas, e parlamentario a expresa cu e problema mas grandi ta e echo cu e rijkswet aki ta kita derecho di Parlamento, unda un
parlamentario NO por aproba, desaproba, ni trece ningun cambio den e ley. Oduber ta lamenta cu e gobierno di AVPFuturo a falta respet pa pueblo door di no manda e concepto pa Parlamento prome, pa e wordo revisa y cambia prome cu e la bay Rijksministerraad na Hulanda.
“Mosterd na de Maaltijd”: Parlamento a keda afo
Despues cu e concepto di e Rijkswet HOFA a wordo manda Hulanda, Parlamento di Aruba finalmente a ricibi e documento e siman aki
pa "wak y lesa". Oduber a categorisa esaki como "LAAT" y un falta di respet total. Segun Oduber, esaki ta “mosterd na de maaltijd,” mirando cu e Conseho di Minister di Hulanda ya a aproba e concepto caba. "Parlamento di Aruba NO por trece NINGUN cambio mas den e Rijkswet HOfA aki, y esey ta algo cu NOS no ta bay acepta," Oduber a subraya.
Falta di Consenso y logica financiero
E Parlamentario a enfatisa cu no tin ningun tipo di consenso pa e ley aki:
• 10 miembro di Parlamento ta abiertamente contra.
• Tur sindicato na Aruba ta contra.
• Mas di 10.000 ciudadano a firma nan rechaso contra e Rijkswet HOFA.
Ademas, e Parlamentario a cuestiona seriamente e posicion di politiconan manera Gerlien Croes y Geoffrey Wever ,kendenan kier pa nos celebra cu nos ta biba den un pais liber, pero na mesun momento kier entrega y bende nos pais pa un “sakito di placa”. Oduber ta haya insolito cu nan kier entrega nos finansa publico y nos autonomia financiero,
siendo cu aki dos aña caba e debe di nos pais lo baha bou di 50%!
Oduber a remarca cu Aruba ya tin un supervision financiero ancra den e Landsverordening Aruba financieel toezicht (LAft). Aruba ta cumpliendo debidamente cu tur e normanan financiero y ta pagando su debenan cu Hulanda. Bisando esaki, no tin ningun motibo valido ni ningun hustificacion pa acepta e Rijkswet HOFA. Ta tristo cu e gobierno aki, hunto cu su parlamentarionan, kier bende nos pais di e forma aki. Libertad di un pais ta algo sagrado y no por wordo negocia.
Libertad di un país ta sagrado Nos ta un pais liber desde aña 1986 y, danki na e libertad aki, nos isla a logra prospera y progresa. Nos tin awo, e libertad pa tuma nos propio decisionnan, e libertdad pa vota den nos parlamento, e libertad pa usa nos fondonan manera nos ta desea. “Tur esaki ta wordo kita for di nos cu e Rijkswet HOFA,” Oduber a conclui.
E pregunta principal ta keda: Dicon Aruba mester acepta e Rijkswet HOFA?
MENSAHE PA DIA DI TERA 2026 CU E
TEMA “NOS PODER, NOS PLANETA”
E aña aki a Nacionan Uni y Earth Day Network a scohe atrobe e tema “Our Power, Our Planet”.
E realidad amargo ta cu esfuerzonan pa logra e metanan acorda den e Acuerdo di Paris pa reduci uso di combustibel fosil y emisionan di gasnan invernadero crea dor di uso di carbon, azeta y gas a cuminza fracasa y e lobby di e industria global di hidrocarburo a hasta logra mediante legislacion introduci na Merca, Inglaterra y docenas di pais rond mundo censura, silencia y pone sentencia pisa riba activistanan y NGOs manera Just Stop Oil, Extinction Rebellion y Greenpeace, protestando contra e sabotahe di e Acuerdo di Paris y accion global pa elimina combustibel fosil.
Den e caso di litigacion di Energy Transfer contra Greenpeace pa a sostene e campaña di protesta contra e Dakota Access Pipeline un hurado a otorga Energy Transfer un suma di daño y perhuicio di mas di 300 miyon USD cu Greenpeace USA, Greenpeace Council na Holanda lo mester paga.
E idea tras e tema Our Power, Our Planet ta cu e ciudadano, consumidor y votador mester por yuda na combati cambio climatico, yuda reduci polucion di plastico, contaminacion di aire, tera y laman, conserva biodiversidad, proteha medio ambiente y duna tur ser humano acceso na energia, awa potabel, Internet, acceso na cuido medico, garantia di seguridad alimentario, empleo husto y por conta cu derechonan humano garantisa.
Pesey e tema di Dia di Tera, cu ta Our Power, Our Planet mester ser interpreta como Nos Poder, Nos Planeta, señalando cu nos mester tin e poder den nos man pa yega na un desaroyo sostenibel inclusivo y equitatitvo pa tur ser humano. E campaña Building up STEAM for Sustainable Development, esta Creando e Forza mediante Ciencia. Tecnologia, Ingenieria, Inteligencia Artificial y Matematica (STEAM) pa Desaroyo Sostenibel lo enfoca riba con e cinco componente aki por sirbi pa crea e poder pa pone den man di tur ser humano. Ademas di enfoca riba e dianan observa pa Nacionan Uni lo tambe dedica atencion riba e siguiente SDGs, SDG 3-Bon Salud y Bienestar, SDG 4-Educacion di Calidad, SDG 8-Trabou Husto y Crecemento Economico, SDG 9-Industria, Innovacion y Infrastructura, SDG 11-Ciudad y Comunidad Sostenibel, SDG 12-Consumo y Produccion Responsabel, SDG 13-Accion Climatico y SDG 14-Bida bou Awa.
Y finalmente lo haci anuncio di programa y proyecto concreto nobo den cuadro di STEAM pa Aruba riba Dia Mundial di Telecomunicacion y Sociedad di Informacion, Dia Mundial di Medio Ambiente y Dia Mundial di Oceano. PA MEDIONAN DI PRENSA EN GENERAL
Pa mas informacion, tuma contacto via telefon na 7478280 of via email press.rwicore@gmail.com.
DIA MUNDIAL DI CREATIVIDAD Y INNOVACION-APRIL 21
Dia Mundial di Creatividad y Innovacion ta ser conmemora April 21 y ta enfoca ariba e papel cu creatividad y innovacion ta hunga den nos economia local y global y alaves den e procesonan pa soluciona problemanan cu nos ta encontra pa yega na un desaroyo sostenibel.
No tin un interpretacion universal di e concepto di creatividad. E concepto por ser comprendi di cubri e spectrum di expresion artistico te cu soluciona problema (problem-solving) den e contexto di desaroyo economico, social y desaroyo sostenibel.
Pesey Nacionan Uni a designa April 21 como Dia Mundial di Creatividad y Innovacion pa eleva e concientisacion pa e papel cu creatividad y innovacion ta hunga den tur aspecto di desaroyo humano.
TEMA PA 2026
STEP OUT AND INNOVATE, HARNESSING CREATIVITY FOR GLOBAL PROGRESS
LANTA Y INNOVA, UTILIZANDO CREATIVIDAD PA PROGRESO GLOBAL
E tema pa 2026 ta “Step out and Innovate, Harnessing Creativity for Global Progress” esta “Lanta y Innova, Utilizando Creatividad pa Progreso Global”.
Pa implementa innovacion mester den promer instancia di individual, studiante, empresario y organisacion tanto den sector priva, sociedad civil, mundo academico, enseñanza y gobierno pa crea iniciativa, proyecto y infrastructura pa por innova.
Dia di Tera 2022 a crea Science, Technology and Innovation Platform Aruba consistiendo di cuater fundacion: Natural Care Aruba Foundation, Rainbow Warriors Core Foundation, International Teleport Aruba
Foundation y Institute for Industrial Development Aruba Foundation.
Na 2023 e plataforma a ser amplia cu Caribbean Applied Engineering and Science Research Foundation, cu enfoke riba innovacion den sector priva y comunidad. Den un Memorandum of Collaboration nan a delinea cu e plataforma cu tin un “open and flat network structure” di un comunidad innovativo (innovation community) ta utilisa e quadruple y quintuple helix models di Union Europeo pa desaroyo economico y social local, regional y internacional acopla y sincronisa na e Obhetivonan di Desaroyo Sostenibel (SDGs) di Nacionan Uni.
E areanan di colaboracion ta ciencia fundamental, investigacion y desaroyo di ingenieria y ciencia aplica, ciencia abierto y inclusivo, incluyendo citizen science y entorno di innovacion (startup accelerators, incubators y parke cientifico y tecnologico)
Ta enfoca riba e siguiente SDGs: Bon Salud y Bienestar, Educacion di Calidad, Awa Limpi y Sanitacion, Energia Berde y Pagabel, Trabou Husto y Crecemento Economico, Industria, Innovacion y Infrastructura, Ciudad y Comunidad Sostenibel, Consumo y Produccion Responsabel, Accion Climatico, Bida bou Awa, Bida riba Tera y Partnerships pa SDGs.
Cinco area tematico transversal a ser identifica pa ciencia, tecnologia y innovacion:
1. Salud, trabou, bienestar y envehecimento
2. Maneho di recurso natural y renovabel (awa, energia, desperdicio, agricultura y biodiversidad)
3. Ciencianan biologico y medico
4. Economia di conocimento, infrastructuran digital, inteligencia artificial, e Internet of Things
5. Ciencia y tecnologia espacial, incluyendo robotica, sensor remoto y tecnologianan autonomo.
Nacionan Uni ta integra innovacion mediante rednan specialisa y marco strategico, manera United Nations Innovation Network (UNIN) y e Office for Digital and Emerging Technologies (ODET) y ademas tin programa specialisa manera UNDP Accelerator Labs, UN Global Pulse, Giga Initiative (proyecto di UNICEF y ITU pa conecta TUR skol na mundo riba Internet) y UN-Climate Change Hub.
Na 2024 UNIN a destaca diferente enfoke innovativo: (1) Inteligencia
artificial y machine learning, (2) Ciencia di comportamiento, (3) Blockchain, (4) Cultura di Innovacion, (5) Innovacion di data, (6) Transformacion Digital, (7) Drone y imagen satelital, (8) Inteligencia artificial generativo, (9) Innovacion en general, (10) Escalamento di innovacion, (11) Finanza innovador, (12) Innovacion basa riba telefon mobil, (13) Prevision Strategico, (14) Innovacion den proceso di negoshi y (15) Tecnologia di frontera (avanguardia).
Na 2025 e Technology and Innovation Report 2026 di e organismo UNCTAD di Nacionan Uni a enfoca riba uso inclusivo di inteligencia artificial pa desaroyo.
Dia Mundial di Creatividad y Innovacion 2026 ta enfatisa e papel di creatividad den logra desaroyo sostenibel en particular den resiliencia economico, mediante creacion di empleo inclusivo den industria creativo y cultural, global problem solving pa atende cu cambio climatico y con pa utilisa inteligencia artificial pa progreso, teniendo en cuenta aspectonan etico y di gobernancia.
E campaña di Rainbow Warriors Core Foundation, Building STEAM for Sustainable Development 2026 lo bay amplia extensamente riba creatividad y innovacion pa SDGs y progreso y lo tambe bay detaya e papel cu e plataforma STIP Aruba lo bay hunga den esaki.
Cuido Cu dignidad: aVP ta sigui Para firme banda di nos grandinan
ORANJESTAD (22 di april 2026) – Recientemente, fraccion di AVP a haci un bishita oficial di comision na Stichting Algemene Bejaardenzorg Aruba (SABA), unda nan a ricibi un presentacion amplio tocante e futuro, vision y sostenibilidad di e organisacion, cu tin un rol crucial den e cuido di nos adultonan mayor.
Durante e encuentro, representantenan di SABA a comparti informacion importante tocante e diferente retonan cu e institucion ta enfrenta den e cuido diario di nos grandinan. Entre esakinan tabatin e falta di personal califica, presion financiero continuo, y e necesidad urgente pa modernisa infrastructura y servicio pa por responde na e demanda creciente. A keda cla cu Aruba ta drenta den un fase demografico unda e poblacion ta bira mas grandi den edad, locual ta crea un demanda cada bes mas grandi pa cuido di calidad.
Fraccion di AVP a scucha cu hopi atencion e plannan cu SABA tin pa fortalece e calidad di cuido,
mehora e condicionnan di trabou pa e personal, y amplia e capacidad di e organisacion pa sigui brinda atencion digno, humano y profesional na nos adulto mayor. Durante e dialogo, tambe a enfatisa e importancia di desaroya un sistema sostenibel pa e sector di bejaardenzorg, cu no solamente ta depende di subsidio, pero cu ta basa riba un planificacion di largo plazo cu lo garantisa continuidad, stabilidad y siguridad den e cuido. Esaki ta particularmente relevante den bista di e introduccion di e concepto di ley pendiente pa regula y fortalece e sector.
Un punto central den e discusion tabata e necesidad pa mas colaboracion structural entre gobierno, sector di salud, y diferente instancia social pa sigura cu e sector di cuido pa adulto mayor ta ricibi e apoyo necesario. E presentacion a confirma cu SABA ta traha cu gran dedicacion, compromiso y un profundo sentido di responsabilidad pa proteha e bienestar di nos adultonan mayor.
Fraccion di AVP a expresa
nan sincero aprecio pa e trabou valioso cu SABA ta haci tur dia y a reconoce cu e organisacion ta un pilar fundamental den nos sistema social y di salud. AVP a reafirma nan compromiso firme pa sigui pone e tema di cuido pa adulto mayor na e agenda
politico, cu e meta claro pa garantisa un futuro cu dignidad, siguridad y bienestar pa tur nos grandinan na Aruba.
DEPARTAMENTO DI LABOR Y INVESTIGACION
TA INFORMA RIBA E SERVICIO ADAPTA DI E
SECCION CONFLICTO Y RETIRO
ORANJESTAD –
Departamento di Labor y Investigacion ta informa pueblo di Aruba cu nos lo adapta e servicio di nos seccion di Conflicto y Retiro cuminsando
diahuebs 23 di april 2026 pa un temporada cortico den preparacion di nan mudamento.
Pronto lo brinda e servicionan di seccion
Conflicto y Retiro na MFA Noord y MFA Savaneta. Nos ta pidi pa keda pendiente pa mas informacion tocante nan mudamento.
Pa casonan cu ta rekeri conseho laboral urgente por tuma contacto durante e orario di 8:00’or pa 11:00’or di mainta y di 1:00’or pa 3:00’or di atardi riba e siguiente number: 523-7720.
Nos disculpa si esaki por trece cualkier inconveniencia.
Un feliz dia fructifero colma
cu hopi
gracia di Dios.
’Ningun hende no por bini cerca Mi, si mi Tata cu a manda Mi no hal’e
cerca Mi’. (Huan 6, 44)
Cristo ta bisa cu ta via di Dios so un hende por yega cerca djE. Mescos tambe den e lectura ta pa medio di un angel di Dios Felipe a
topa cu e africano. Cristo mes ta splica cu E ta e pan cu ta duna biba. Esaki ta nifica cu nos tin di sigui busca Cristo pa medio di oracion, pa medio di lesa Bijbel, cumpli cu e 10 mandamentonan, haci
bon obra, haci sacrificio y scucha e Palabra di Dios. Busca pa por conoce e Palabra di Dios, laga Pastoornan y Diacononan splica e Palabra di Dios ja asina nos por yega cerca di Dios y Cristo Hesus. Felipe a splica e homber di Etiopia e loke e tabata lesa di profeta Isaias y ora el a compronde el a wordo batisa mesora. Rumannan nos tin di sigui y busca e pan cu ta duna bida cu ta Cristo. Haciendo esaki nos tin sigur di haya bida eterno.
Oracion: Dios Tata laga Spirito Santo inspira nos pa nos por sigui busca e pan cu ta duna nos bida cu ta Cristo. Amen.
FORTALEZA PA FAMIA.
Scirbi pa Pastor Marcel Balootje.
FRIALDAD DI MUNDO,TA HALA BO FOR DI CAMINDA
DI DIOS
Kico cu presenta den bo bida, cu ta hala bo for di caminda di Dios, bo tin cu samina bo mes, y busca Senjor bek cu henter bo curason.( Job 22:22-23).
Por ehempel si tempo bo tabata soltero bo tabata busca Dios, cu henter bo curason,y bo tabata sirbi Dios tur momento , y awor cu bo ta casa,cos a cambia ,samina bo mes , pasobra matrimonio ta entre homber, muher y Dios.
Si tempo bo tabata sin trabao, sin auto, bo tabata sirbi Dios, bo tabata den oracion tur momento, y awor cu bo a hanja trabao y auto, bo ta pone mas atencion na trabao y auto y bo a lubida riba Dios, bo mester samina bo mes y bolbe bek na Senjor.
e proposito di Dios pa su bida, cu e mester corda cu prome cu tur cos Dios tin e prome lugar.
Asina cu un hende ta pretende di tuma lugar di Dios den bo bida, tene cuenta cu manipulacion, cu envidia,cu e spirito di Jezabel cu kier tin dominio riba tur esnan cu tin liderasgo y ta usa hende pa domina hende y stroba e proposito di Dios, pasobra diabel no tin respet.
Ta facil pa un hende mes ripara con su bida spiritual ta fria, por ehempel:
Bo no ta lanta para ora di oracion, esey ta nifica cu bida spiritual ta friando.
Pasobra cosnan di Dios ta poco importante pa bo. ( No lubida riba Josue 1:7-8).
E enemigo (e diabel) ta batibo cu flohera,y asina mantene bo den e situacion cu bo ta.
Mateo 6:33 ta recorda nos cu: Busca e reino di Dios y Su husticia,y tur e cosnan aki lo wordo anadi na boso.
Un mayor cu ta stima su yiu , no ta kite for di caminda di Dios, pero e ta encurasha e yiu pa e sirbi Dios, pasobra e stima su yiu y e kier pa e tin Dios na prome lugar den su bida, e tin di guia su yiu,riba e caminda, pasobra hende no por complace y agrada hende y lubida riba Dios, ( Galationan 1:10).
Un hende cu ta stima un hende di berdad, ta apoya e persona, pa e tene cuenta cu e yamada di Dios pa su bida, pa e tene cuenta cu
Ora bo ta un persona cu tur caminda bo ta yega na tempo, na trabao bo ta tur ora na tempo, na fiesta bo ta tur ora na tempo, bishita di famia bo ta tur ora na tempo, pero ora ta trata di cas di Dios:
Bo no ta worry si bo bay of no bay, si bo ta na tempo of no.
Cu un tiki cansancio ya bo a give up y laga pa otro dia, anto si e cosnan aki ta pasando den bo bida:
E ta perhudica bo bida di oracion, e ta perhudica bo lesamento di Bijbel.
Bo ta bini iglesia y ni sikiera bo ta halsa bo man pa alaba Senjor.
Revelacion of Apocalipsis 3:14-16 ta para scirbi;Mi conoce bo obranan cu bo no ta ni friu ni cayente,mara bo tabata friu of cayente. Asina anto pasobra bo ta lou, y ni cayente ni friu , lo Mi scupibo for di Mi boca.
1 Corintionan 15:33 ta recorda nos cu: Mal compania ta danja bon custumber.
2 Timoteo 3:1-7 ta mustra nos hopi cla e tempo trabahoso cu nos ta bibando aden y con nos tin cu cuida.
Dios ta bisa pa nos stima otro, pero no laga ningun hende ocupa e lugar di Dios den bo curason.
Sinceramente, Pastor Marcel Balootje.
ArubA tA ribA cAmindA pA un futuro sostenibel cu pArke mArino, restAurAcion di corAl y reforestAcion
Den cuadro di celebracion di Dia di Mama Tera, Prome Minister Mike Eman a comparti un mensahe amplio riba importancia di proteha y restaura naturalesa di Aruba, tanto riba tera como den lama.
Prome Minister a splica cu, despues di mas cu cuatro aña di dialogo y cooperacion cu diferente
entidad, incluyendo Aruba Conservation Foundation, Aruba a yega na un momento clave: e firma di un acuerdo pa desaroyo di un Parke Marino.
E proyecto lo enfoca riba:
• proteccion di bida marino
• conservacion di coral
Segun Prome Minister Eman, mas cu 30% di
teritorio di Aruba ta protegi caba como parke natural riba tera, pero e parti marino tabatin mester mas atencion. Cu e paso aki, Aruba ta avansa pa un maneho mas balansa di su ecosistema.
Un ehempel concreto ta e proyecto di restauracion di coral, inicia na 2022, unda tecnicanan innovativo, incluyendo uzo di structuranan submarino, a contribui na recuperacion di coralnan.
E resultadonan te cu awo ta positivo y ta mustra progreso visibel.
Ademas, Prome
Minister a pone enfasis riba esfuersonan di reforestacion na Aruba. E meta ta pa planta miles di mata nativo den diferente area, incluyendo:
• parkerenan urbano
• area den San Nicolas y otro distrito
• zona rond di caminda y rotonde
Un di e iniciativa nobo ta creacion di “zonanan di exclucion di cabrito”, caminda acceso di bestia ta
limita pa duna vegetacion natural oportunidad pa recupera. E medida aki, combina cu apoyo pa criadonan, incluyendo incentivanan pa mehora maneho di bestianan.
Prome Minister a enfatisa cu e esfuerso aki ta rekeri participacion di tur sector di sociedad, entre otro scolnan, companianan y comunidad en general.
Diferente compania a compromete caba pa contribui na plantacion y mantenimiento di area natural, despues di iniciativa manera e Conferencia di Bon Comun.
Tambe lo organisa
actividadnan di concientisacion, incluyendo proyeccion di material educativo, pa stimula participacion di comunidad.
“Nos no kier laga Dia di Mama Tera ta simbolico so,” Prome Minister a señala, “pero pa e ta un momento pa decisionnan concreto.”
E vision ta cla: revitalisa naturalesa di Aruba, fortalece ecosistema y crea espacio unda comunidad por conecta cu entorno natural.
Hunto, Aruba ta trahando pa un futuro mas berde, sostenibel y balansa.
