Diabierna april 10 2026 by Solo DI Pueblo

LOMBA”

DEDICATORIA NA SR. NORMAN DE PALM (†)

ORANJESTAD - Cu

tristesa, pero cu hopi gratitud, Parlamentario y ex Minister di Cultura

Xiomara Maduro ta recorda Sr. Norman de Palm, un figura importante den e mundo di cine, teatro y cultura na Aruba y Corsou.

Norman de Palm tabata un cinematografo, artista, escritor, actor y productor di cine extraordinario, cu a contribui na produccionnan manera Desiree, Almacita di Desolato, y Ava y Gabriel – un historia di amor. Naci na Aruba, su biahe cultural a sigui na Corsou unda el a sigui desaroya su talento desde hoben.

Hunto cu Sr. Felix de Rooy, el a crea obranan di gran balor artistico cu a haya reconocemento

internacional. Pero mas cu su exito profesional, Norman tabata un brug entre cultura y hende. Su trabou pa promove intercambio artistico entre e islanan a fortalece e lasonan cultural y social entre Aruba y Corsou.

Norman a dedica su bida na engrandece e arte teatral, colaborando cu Departamento di Cultura di Aruba y inspirando generacionnan di hoben artista atraves di programanan manera Arte di Palabra y Gang di Arte.

Como ex Minister di Cultura, Parlamentario

Xiomara Maduro tabata tin e honor y placer di reconoce Sr. Norman de Palm pa su aporte balioso na e arte di teatro riba Dia di Teatro den aña 2023.

Su vision tabata cla: kibra frontera, crea oportunidad y laga cultura uni hende.

“Nos kier mustra nos profundo agradecimiento pa tur loke Norman a logra.

Su legado lo sigui biba den cada artista cu el a inspira, den cada escenario unda

su influencia ta sinti, y den cada historia cu ta sigui wordu conta,” Maduro ta expresa.

“Masha danki, Sr. Norman de Palm, pa bo amor, pasion, disciplina y dedicacion. Descansa na paz. Bo legado ta biba

semper. Condolencia na famia, amistades y mundo artistico di Aruba y Corsou,” ta palabranan di Parlamentario y ex Minister di Cultura Xiomara Maduro.

Oranjestad, April 9, 2026: Aruba Bank ta gradici tur cliente nobo y existente cu a habri nan “Internet Savings Account” y a forma parti di e campaña. Cada cliente nan confianza y compromiso pa crea un futuro financiero mas fuerte ta inspira e banco.

“Saving Ritual” ta mustra cu paso chikito

por yega na resultado grandi. Aruba Bank ta encurasha tur hende pa sigui cu e bon habito di spaar regularmente y haci uso di e facilidadnan digital pa maneha bo cuenta di spaar.

Aruba Bank ta keda comprometi pa apoya cada persona den cada paso di den trayecto financiero

INHUSTICIA DEN GOBIERNO:

AUMENTO PA ALGUN, “BIRA LOMBA” PA MAYORIA

Ya ta 8 siman pasa desde cu minister di economia Geoffrey Wever a anuncia cu hopi fanfaria aumento salarial pa funccionarionan riba scala 13 of mas. Un decision cu a wordo presenta como “reconocimiento”, pero den realidad a bira un simbolo cla di desigualdad y injusticia dentro di mesun gobierno.

Mientras un grupo selecto a haya aumento, miles di ambtenaar cu ta traha bou di scala 13 a keda completamente exclui. E mesun hende cu ta carga e trabou diario, cu ta atende publico, cu ta mantene servicio andando, cu ta sinti e golpe directo di aumento di costo di bida, a wordo laga atras.

Costo di bida no ta subi pa scala 13 so.

Gasolin no ta subi pa scala 13 so.

Cuminda no ta subi pa scala 13 so.

Luz y awa no ta subi pa scala 13 so.

Sin embargo, e decision di gobierno a crea dos clase di funccionario: esnan cu ta merece, y esnan cu aparentemente no ta conta.

Mas preocupante ainda, ta cu gobierno ta papia di surplus di cientos di miyon, mientras e mayoria di su propio personal ta lucha pa mantene nan poder

di compra. Esaki no ta falta di recurso, esaki ta falta di voluntad politico y falta di respet pa e base di servicio publico.

Pero tin otro pregunta cu ta grita pa respuesta: Unda ta e sindicatonan?

Ora injusticia ta asina evidente, silencio ta bira complicidad.

Ora miles di trahador ta sinti discriminacion, silencio ta bira debilidad.

Ora gobierno ta trata su personal cu dos balor diferente, silencio ta manda e señal cu tur cos ta bon mientras esaki no ta bon.

Carta a wordo manda. Reunion a wordo pidi. Pero despues, silencio. Ningun presion. Ningun accion.

Ningun defensa contundente.

Sindicatonan no ta existi pa mira. Nan ta existi pa defende. Pa para firme.

Pa exige igualdad. Pa pone limite ora gobierno pasa limite.

Awe, despues di 8 siman, e pregunta ta mas fuerte cu nunca:

Sindicato ta representa e trahadornan, of ta costumbra cu silencio?

Injusticia no mester wordo normalisa.

Desigualdad no mester wordo acepta.

Y respet pa tur funccionario no mester depende di scala salarial.

Noticia di Corte

Homber declara liber di sospecHo di a Haci actonan inmoral cu yiu muHer di su pareHa

ORANJESTAD – Awe mainta, Hues di Corte di Husticia a dicta sentencia den e caso penal cu Ministerio Publico a cuminsa contra e homber Colombiano biba na Aruba, P.(44). P. a wordo asisti pa abogado mr. Mohamed.

SOLO DI PUEBLO por a compronde cu mientras cu Fiscal ta haya P. culpabel, Hues a declara P. liber pasobra no tin prueba.

E acusacion contra P. ta cu riba 6 Februari 2025, el a mishi cu e yiu muher di su pareha, A., y masturba riba e sofa unda A. tabata drumi.

Luna pasa tratamento di e caso a tuma lugar caminda Hues a bisa cu e yiu muher A. a yama Polis y amigonan, bisa cu P. a mishi cun’e na su parti intimo y cu P. a masturba banda di dje. El a haya ataque di panico. Segun P., A. ta sufri di problema psycologico. El a bisa cu den pasado A. a wordo viola. Door di problema mental, A. lo ta kere cu P. lo bay abusa di dje. P. a bisa cu dia 6 Febuari 2025, e tabata na e cas hunto cu su yiu di 5 aña den camber y A. tabata drumi den sofa. El a bisa cu normal, ora e mama bay traha, A. ta sali y no ta keda den cas cun’e. Sinembargo e dia ey A. a keda den cas. P. ta conclui cu aki ta

mira cu A. a planea algo pa perhudik’e. El a bisa cu e no sa si e ataque di panico tabata un set up of no. El a bisa Hues cu A. sa haya e ataque di panico regular. El a bisa cu e tabata drumi y ora el a tende hende bati na porta, el a bay habri e porta y tabata Polis.

Segun P., hopi biaha A. ta acus’e di a abusa di dje. El a bisa cu hopi biaha A. ta set up problema entre e. y e mama. A. ta yama Polis y ora Polis yega e ta bisa nan cu P. kier a abusa di dje. Ora Polis puntr’e, e ora ey ta bisa cu P. no a haci nada.

FISCAL A EXIGI CASTIGO

Fiscal ta haya P. culpabel di a mishi cu e mucha A. Fiscal ta considera esaki, actonan inmoral caminda a tacha e integridad di A. Fiscal a bisa cu esaki por causa cu A. lo por keda afecta pa hopi tempo. Pa cu e castigo, Fiscal a bisa cu e ta tene cuenta cu e tempo cu P. tabata sera relaciona cu e caso. E tabata 105 dia sera. Fsical a exigi 180 dia di prison, di cual 75 dia ta condicional cu un tempo di prueba 2 aña.

Abogado mr. Mohamed ta haya cu P. mester

wordo declara liber pasobra no tin ningun prueba. El a bisa cu e mucha A. mes a saca potret di liquido riba deken di su cama y bisa Polis cu ta P. a masturba eynan. A tuma muestra di e liquido y manda esaki NFI, Hulanda, caminda a constata cu no tin sperma. E abogado ta haya cu no tin ningun prueba y P. mester wordo declara liber.

HOMBER DECLARA LIBER

Awe mainta Hues a bisa cu e ta haya cu no a keda legalmente proba cu P. ta culpabel y ta declar’e liber.

Hues a bisa cu miembro di Forence a tuma muestra di liquido riba deken caminda segun A., P. a masturba. A manda esaki Hulanda caminda Instituto Forence di Hulanda (NFI) a haci investigacion y no a haya nada di sperma. Door cu no tin prueba, Hues no ta convenci cu P. a mishi y haci actonan inmoral cu A. Hues a declara P. liber. Por a mira cu e mama di P. y su pareha a keda contento cu e decision di Hues.

Fraccion di MEP MINISTER GERLIEN CROES A COREGI SU EROR DI “ZIE VRAAG 1”

Un paso den bon direccion, pero transparencia completo ainda ta falta

ORANJESTAD – Fraccion di MEP a ricibi un carta di Minister Gerlien Croes den cual el’a coregi su carta anterior unda pa casi tur pregunta el’a simplemente contesta “mira pregunta 1”. Dentro di dos siman, e minister a reconoce cu e manera di contesta tabata inapropia y a bin cu un contestacion revisa. Esaki ta un paso den bon direccion y mustra cu presion parlamentario ta funciona.

Sin embargo, no tur pregunta ainda a wordo contesta completamente. Particularmente, e preguntanan financiero tocante e gastonan di e biahe ainda ta sin un contesta cla y completo. Esaki ta serio, pasobra ta trata di uso di placa publico.

E biahe en cuestion tabata pa atende un reunion di Rijksministerraad na Hulanda dia 31 di october 2025. Segun e minister , no tabata tin ningun punto riba agenda cu tabata relaciona directamente cu Aruba. No obstante, pa un biahe di apenas un dia di trabou, a haci gastonan halto pa bula bai te Hulanda.

Pueblo di Aruba tin derecho di sa con su placa ta wordo gasta. Transparencia tocante gastonan publico no ta un luho ni un opcion politico. E ta un obligacion fundamental. Esey ta algo cu minister Gerlien Croes mester siña ainda, pasobra den e caso di e jet priva ainda e no a contesta. Ora informacion financiero no ta wordo comparti completamente, e confianza di pueblo den gobierno ta wordo afecta.

Fraccion di MEP ta enfatisa cu Parlamento lo sigui exigi contestacion completo riba tur pregunta, specialmente ora ta trata di placa di pueblo. Sin transparencia, no por tin control. Y sin control, no por tin confianza.

Confianza di pueblo no ta algo cu bo por djis pidi, bo mester gan’e cu transparencia.

AtletA di GimnAsiA di ArubA tA clA pA

WeGAnAn surAmericAno di Hubentud

Malaky van Dinter ta rumbo pa Panama2026

Como e ultimo deporte cu destaca previo na e participacion di TEAMARU na e IV Weganan Suramericano di Hubentud Panama2026, ta yama bonbini na atleta di Federacion Gymnastico Arubano FGA) Malaky van Dinter, cu lo participa den e deporte di Gimnasia den e disciplina di Artistico. Malaky lo ser acompaña door di entrenador Jimmy Palma, unda lo participa den tur modadilidad di Gimnasia Artistico. Esaki lo ta Makaly su prome participacion na un Weganan den un ciclo Olimpico, y cu apenas 13 aña di edad, ta

ricibi un oportunidad unico pa competi na e nivel mas halto di nos region.

Malaky ta trando duro na e momentonan aki na un campo di entrenamento na BogotaColombia, pa asina ta den su miho forma pa e Weganan di Panama2026. Comite Olimpico Arubano (COA) ta desea Makaly y Jimmy hopi exito cu nan participacion na e Weganan Panama2026.

#TEAMARU #ARUBA #COA #AOTRONIVEL

MEP sin nos mAneHo FinAnciero, Gobierno di

AVp Futuro no lo por A AbsorbA e 50% di e subidA di combustibel

ORANJESTAD - Como oposicion, MEP ta reaciona riba e anuncio di Gobierno AVP FUTURO pa absorba 50% di e subida grandi di prijs di productonan petrolero, señalando cu e alivio aki ta solamente posibel danki na e base financiero solido cu MEP mes a construi den pasado den Gabinete Wever-Croes.

MEP ta enfatisa cu durante nan gobernacion, mester a tuma decisionnan dificil, pero necesario pa pone Aruba su finansa publico riba un trayecto sostenibel. Esaki a inclui fortalece fondo publico, restablece confiansa di inversionistanan y crea stabilidad financiero pa Aruba.

Si no tabata pa e maneho responsabel cu Gabinete WeverCroes a implementa, Aruba lo no tabatin e espacio financiero pa absorba parti di e subida di prijsnan internacional di combustibel.

“E decisionnan cu a wordo tuma den pasado ta mustra nan balor awe, ora cu Aruba tin un buffer pa enfrenta shocknan externo,” Lider di MEP Evelyn Wever-Croes ta declara.

E ex Prome Minister di Aruba y Lider di MEP ta añadi cu, aunque nan ta apoya tur desicion cu ta yuda alivia e carga riba e pueblo, ta importante pa reconoce di unda e capacidad financiero aki ta bin.

“Nos di MEP ta reafirma nos compromiso como oposicion constructivo, vigilando e maneho

di finansa publico y asegurando cu e interes di pueblo semper ta na prome luga,” Lider di MEP ta expresa.

Noticia di Corte

Homber declara liber di sospecHo di a Haci actonan inmoral cu yiu muHer di su pareHa

SOLO DI PUEBLO por a compronde cu mientras cu Fiscal ta haya P. culpabel, Hues a declara P. liber pasobra no tin prueba.

E acusacion contra P. ta cu riba 6 Februari 2025, el a mishi cu e yiu muher di su pareha, A., y masturba riba e sofa unda A. tabata drumi.

FISCAL A EXIGI CASTIGO

Abogado mr. Mohamed ta haya cu P. mester

HOMBER DECLARA LIBER

Awe mainta Hues a bisa cu e ta haya cu no a keda legalmente proba cu P. ta culpabel y ta declar’e liber.

Minister Dowers ta fortifica cooperacion Den reino cu enfoke riba

cuiDo y siguriDaD Den caDena huDicial

Diaranson mainta, Minister di Husticia, Integridad, Transporte Publico y Energia, mr. drs. Arthur Dowers, a haci un bishita importante na Zorg en Veiligheidshuis Hollands Midden na Leiden, Hulanda.

E bishita tabata enfoca riba fortifica cooperacion entre instancianan, cu enfoke special riba integracion di e parti di cuido den e cadena hudicial. E obhetivo principal ta pa crea un colaboracion structural unda tur partner, tanto den e parti hudicial como den e parti di cuido, ta traha hunto riba bienestar, cuido y proteccion di personanan cu ta enfrenta situacionnan compleho.

Zorg en Veiligheidshuis

Hollands Midden ta un bon ehempel di con colaboracion multidisciplinario por resulta den un acercamento mas efectivo. E institucion ta brinda diferente servicio y ta conta cu varios experto bao di un solo dak y ta duna cuido na personanan cu ta enfrenta problema relaciona cu violencia domestico, maltrato di mucha, comportamento cu ta crea insiguridad y otro dificultadnan personal. E modelo ta basa riba cooperacion continuo entre partnernan, unda ta comparti conocemento y experencia pa logra solucionnan sostenibel y pa preveni situacionnan di riesgo. Den e sistema aki, tur actor, desde servicio

social te sector hudicial, ta contribui na un plan integral cu ta enfoca riba siguridad y bienestar di e persona.

Minister Dowers ta mira necesidad pa un acercamento mas holistico y strategico, unda cuido

y siguridad no ta separa, sino un responsabilidad comparti.

Colaboracion den Reino ta esencial pa comparti conocemento y experencia, y pa sigui desaroya modelonan cu ta adapta na e realidad di Aruba.

Cu e bishita aki, Minister Dowers ta reafirma su compromiso pa construi un sistema cu no solamente ta reacciona riba problema, pero cu ta preveni, guia y crea oportunidad pa un futuro mas sigur y sostenibel pa tur ciudadano.

fhtMs Di university of aruba ta logra Mantene e re-acreDitacion

prestigioso Di acpha cu exito

E Facultad di Hospitalidad y Turismo (FHTMS) na University of Aruba (UA) ta orguyoso di anuncia cu a logra mantene su acreditacion di e prestigioso “Accreditation Commission for Programs in Hospitality Administration (ACPHA).”

ACPHA ta exigi pa programanan pasa den e proceso di acreditacion

cada shete (7) aña. FHTMS a haña su acreditacion completo pa prome biaha na 2019, y e logro aki mas recien ta refleha su compromiso continuo cu excelencia den educacion.

E logro aki ta pone den cla e dedicacion di e docentenan, personal, studiantenan, comunidad di UA y partnernan di industria di FHTMS, den

ofrece educacion di calidad halto, den hospitalidad y turismo. Mantene acreditacion di ACPHA ta reafirma e compromiso di e facultad ku excelencia academico y mehoracion continuo.

FHTMS ta extende su aprecio sincero na tur esnan cu a contribui na e logro aki y ta spera di sigui fortifica su programanan pa prepara lidernan di futuro den e industria di hospitalidad y turismo.

Parlamentario Xiomara Maduro Rating upgrade di S&P na A- pa Aruba ta confirma CU GABINETE WEVER-CROES A CAMBIA

E RUMBO FINANCIERO DI ARUBA Y A

ESTABLECE UN FUNDESHI FINANCIERO FUERTE PA ARUBA

ORANJESTAD

Parlamentario y exMinister di Finansa, Xiomara Maduro, ta felicita pueblo di Aruba cu e subida historico di Aruba su rating financiero dor di S&P Global Ratings, di BBB+ pa A- cu perspectiva stabiel.

Maduro ta enfatisa cu e resultado aki ta un señal cla cu Aruba su finansas publico a wordo maneha cu disciplina y vision. E ex Minister di Finansa ta enfatisa:”Esaki no ta casualidad. Esaki ta resultado directo di liderazgo fuerte y

decisionnan responsabel di Gabinete Wever-Croes.”

Segun e informe di S&P, Aruba a logra surplus fiscal, debe a wordo reduci significativamente, interes di debe a baha y confiansa internacional den Aruba a crece.

Desde 2022, mas cu 600 miyon florin di debe a wordo paga, poniendo Aruba den un posicion financiero mucho mas fuerte.

Parlamentario Maduro ta destaca, cu despues di e pandemia di COVID 19,

Gabinete Wever-Croes a sa di restablece disciplina fiscal, controla gasto di gobierno y gana confiansa internacional.

“Den un momento dificil, nos a scoge pa lidera cu responsabilidad, y awe nos ta mira e resultado: un Aruba cu ta mas fuerte, mas stabiel y cu mas respet internacional. Si nos keda riba e rumbo aki, Aruba lo sigui avansa. Pero si disciplina fiscal wordo laga un banda, nos por perde tur e progreso aki.” Maduro ta enfatisa.

E subida pa A- ta confirma cu Aruba tin un fundeshi

financiero solido, y esaki ta danki na e politica consistente di Gabinete Wever-Croes, na e seriadad cu a atende cu e reto financiero, y e trabou haci den ekipo na bienestar di Aruba.

“Hopi cu awe ta gaba cu e logro historico aki, tabata

critica nos trabounan TUR dia, pero awe un biaha nan mester acepta cu ta demostra cu nos trabou ta keda duna resultado positivo pa Aruba,” ta palabranan expresa pa Parlamentario y ex Minister di Finansa Xiomara Maduro.

Pueblo ta solidario cu decision di gobierno Pa absorba aumento den

Prijs di combustibel

Diaranson varios ciudadano a expresa nan opinion rib’e decision di Gobierno pa absorba aumento di di prijs di gasolin y diesel pa un periodo di dos luna. Opinion di comunidad na pompstation mes ta mustra cu e medida ta percibi como un sosten concreto na momento cu costo di bida ta subiendo, specialmente pa esnan

a expresa cu nan lo bai sinti un diferencia den nan gastonan diario, specialmente ora cu nan tin cu move continuamente pa trabao y cumpli cu nan obligacionnan diario. Esaki ta enfatisa cu e sosten ta mas notabel den situacionnan unda prijsnan internacional ta subi, cual ta haci e intervencion local mas relevante pa nan realidad diario.

Den e contexto aki, Prome

conseho di Minister. E decreto ministerial ta basa riba e desaroyo reciente den prijs internacional di combustibel, a tuma medida concreto pa mitiga e impacto di e aumento riba comunidad y sector comercial.

manera taxista, operador di tour y trahador independiente, esnan cu ta uza vehiculonan diariamente pa pone pan riba mesa.

E costo di gasolin ta un elemento importante den nan presupuesto mensual, y cu cualkier reduccion aunke temporal, ta representa un alivio directo. Pueblo

Minister Mike Eman a enfatisa cu e decision pa absorba parti di e aumento ta forma parti di un linea cla di gobernacion: proteha poder di compra di ciudadano y interveni na momento cu presion internacional ta menasa stabilidad di nos comunidad.

Diamars Minister di Finansa, Asunto Economico y Sector Primario, mr. Geoffrey Wever a firma e decreto ministerial despues di haya aprobacion di

Segun e sistematica di prijs, gasolin lo registra un aumento di aproximadamente 49.3 cen pa e luna aki, mientras diesel lo subi cu 83.5 cen. Gobierno ta reconoce cu e subida aki ta significativo y cu e tin un impacto directo riba e poder di compra di ciudadano, e stabilidad financiero di nos hogarnan, y riba e operacion di empresanan, specialmente esnan cu ta depende di diesel pa transporte y logistica. Cu e intervencion di Gobierno, e aumento real pa consumidor lo reduci significativamente. Sin medida, gasolin lo subi cu alrededor di 49.1 cen, mientras cu cu intervencion e aumento ta limita na

aproximadamente 24.57 cen. Pa diesel, e aumento lo wordo reduci di 83.5 cen pa alrededor di 45.20 cen. Specialmente pa sectornan manera taxi y operadornan di tour independiente, e reduccion den e impacto di prijs di combustibel ta un beneficio directo. E prijsnan mundial ta sigui influencia e gastonan di combustibel, nan ta reconoce cu e medida di Gobierno ta brinda un alivio practico na e momentonan aki, y ta yuda nan maneha miho nan gastonan semanal y mensual.

Pueblo ta refleha tambe cu ta na su lugar pa uzo mas consciente di combustibel, evita gastonan innecesario y maneha nan recursonan mas eficiente. Den e sentido aki, e esfuerso pa mantene stabilidad no ta solamente un tarea di Gobierno, pero tambe un compromiso comparti entre comunidad y gobierno pa enfrenta retonan economico hunto cu su pueblo.

Minister Geoffrey Wever: ArubA tA loGrA

‘A-’ di s&P GlobAl rAtinGs: un PAso historico PA fortificAcion di nos econoMiA nAcionAl

Oranjestad, 9 april 2026 - Minister di Finansa, Asunto Economico y Sector Primario, mr. Geoffrey Wever, ta anuncia cu hopi orguyo cu S&P Global Ratings ta upgrade Aruba su cualificacion di credito pa ‘A-’, subiendo for di ‘BBB+’. E decision aki ta reconfirma cu Aruba a logra un posicion mas fuerte, resiliente y confiabel riba mercado financiero internacional, basa riba crecemento economico solido, maneho fiscal disciplina y un posicion di debe significativamente mehora.

Importante pa subraya ta cu esaki ta e di dos upgrade consecutivo den solamente dos aña. Na 2025, Aruba a progresa for di ‘BBB’ pa ‘BBB+’, y awor a sigui upgrade pa ‘A-’. E outlook cu a wordo asigna ta ‘stable’, confirmando confiansa continuo den e trayectoria economico y fiscal di pais. Ultimo biaha cu Aruba tabata tin un cualificacion ‘A-/ Stable’ tabata na juni 2012 — casi 14 aña pasa — loke ta haci e logro actual ainda mas significativo. Alabes, e cualificacion ‘A-/Stable’ ta reconoci como e nivel mas halto cu Aruba realisticamente por logra, considerando su structura economico, un economia chikito, habri y concentra.

Maneho financiero di Gabinete AVP-FUTURO manera palabra riba pagina 18 di e Programa di Gobernacion 2025- 2028 ta haci uzo di e presupuesto di Pais Aruba como instrumento strategico pa e desaroyo inclusivo di Aruba. Cumpli cu e normanan di presupuesto manera ancra den ley y disciplina presupuestario ta forma e fundeshi di maneho

na bienestar di cada persona y hogar. Cumpli cu normanan di presupuesto ta keda necesario, pero uzo di presupuesto di Pais Aruba na mehora poder di compra, stimula comercio y hisa calidad di bida riba tur tereno di desaroyo, ta pilarnan di nos strategia inclusivo y ta forma e meta pa un miho calidad di bida pa tur hende

Den un esfuerso colectivo Aruba a logra genera surplus fiscal di 3.6% di producto interno bruto na 2025 y a paga Afl. 140 miyon di debe, reduciendo e peso di interes y creando mas espacio pa inversion den bienestar di ciudadanonan di Aruba.

E relacion fuerte y constructivo cu Hulanda ta keda un factor importante den upgrade pa S&P Global Ratings. Cooperacion mutuo via landspakket cu ehecucion di reformanan strucrural ta yuda fortalece gobernacion, transparencia y disciplina fiscal. Otro componente cu a hunga un rol den e upgrade pa S&P Global Ratings ta e proceso di negociacion pa implementa e ley di Reino HOFA y asina contribui directamente na aumenta confiansa den finansa publico di Aruba, consolidando credibilidad internacional y stabilidad institucional.

E maneho financiero di Gabinete AVP-FUTURO ta refleha banda di disciplina fiscal, e compromiso pa duna bek na comunidad. Maneho di hisa e reparatietoeslag pa fortifica poder di compra di 22.000 pensionado, baha e accijns riba gasolin y diesel, hisa e bijstand di Afl. 400 pa Afl. 600,

hisa e schooluitkering pa compra di material pa skol na Afl. 250, hisa e ouderbijdrage di Afl.120 pa Afl. 250, hisa e schooltoeslag di Afl. 250 pa Afl. 350 pa mucha, baha e prima riba e prome Afl. 30.000 riba entrada di pensionado na 0 porciento y drecha salario di maestronan y kaderpersoneel ta parti di compromiso pa haci uzo di finansa publico duradero y duna bek na tur ciudadano. Creacion di un investeringsfonds nacional combina cu un investeringsagenda enfoca riba crecemento economico duradero, ta mustra un maneho balansa entre responsabilidad fiscal y desaroyo economico. E combinacion di stabilidad macroeconomico cu inversion concreto ta manda un señal fuerte na mercado internacional cu Aruba no solamente ta stabiel, pero ta sigui traha pa futuro.

Diferente factor clave a contribui na e logro historico aki. Economia di Aruba a mustra un dinamica positivo, cu un aumento di 6.6% den turista stay-over y 8.2% den crusero na 2025, consolidando posicion di turismo como motor principal di crecemento

economico. Na mesun momento, Aruba a logra alcansa e meta di debe di 70% di producto interno bruto pa 2031 hopi mas prome, na 2024 caba, y ta na caminda pa yega 50% prome cu 2040. Tambe, fortificacion di activo nacional, manera fondo di pension APFA, a mehora posicion financiero general di pais.

Minister Geoffrey Wever a enfatisa importancia di e logro aki y su impacto directo riba futuro di Aruba:“E cualificacion ‘A-’ no ta solamente un cifra tecnico, sino un confirmacion internacional cu Aruba ta maneha su finansa publico cu responsabilidad y vision.”

E upgrade aki tin implicacionnan directo pa pais. Aruba lo por haya acceso na financiamento na costo mas abou, ta aumenta confiansa di inversionistanan y ta fortalece stabilidad di maneho y institucional. Esaki ta crea un ambiente mas predecibel pa inversion y desaroyo economico, cu finalmente ta beneficia comunidad den su totalidad.

AWE ABO POR TA E SIGUIENTE MIYONARIO DI ARUBA!

ORANJESTAD, Aruba –10 di april 2026: Diamars anochi e resultado di Mini Mega a ser conocí, unda cu e numbernan cu a sali tabata 01-10-17-25 y Mega Ball: 07 y no tabata tin ganador pa e prome premio. Segundo premio a conoce un total di 2 ganado cu tabata tin e 4 numbernan bon, pero sin e Mega Ball. Ticketnan ganado a wordo bendi na Oficina di Lotto na Oranjestad y Lucky Budha Center. Cada un ganado a gana e suma di Afl. 9,557,-.

Si tin un ganado awe nochi, e lo bira e segundo miyonario pa aña 2026! E prome miyonario di 2026 tabata na februari cu a gana e suma di Afl. 1.750.000,y e ticket ganado a wordo bendi na Lucky Cher-Ann 2.

Awe diabierna 10 di april 2026, Mini Mega su jackpot ta na 650 mil florin y cu 2 florin mas, bo por gana e jackpot di 350 mil florin extra cu ta pone e suma bira un total di 1 miyon florin!

Cumpra bo ticket trempan pa bo tambe den wega pa gana e gran total di 1 miyon florin awe nochi! Y si bo no logra pasa na un rebendedo, tambe awor tin e opción di cumpra bo Mini Mega cu Mega Plus riba Lotto Online usando Pay.aw.

Bo no tin bo cuenta di Lotto Online ainda? Bay riba play.lottoaruba.com y registra pa asina bo por

cumpra bo Lotto Online.

Con pa recarga bo cuenta di Lotto Online?

Bay na e menu, scohe “Pone Fondo na mi Cuenta” y scohe Pay.aw. Yena e number di telefon cu ta gelink na e cuenta di Pay.aw y tambe e suma cu bo ta desea di pasa riba bo cuenta di Lotto Online y primi “Manda”. Asina cu primi “manda” lo ricibi un notificacion di e app di Pay.aw pa asina por aproba e request. Ta click riba e notificacion y click riba “Approve” asina cu aproba e transaccion lo por mira e suma a bay riba e cuenta di Lotto Online.

Si no ricibi e notificacion, lo por sali for di e pagina di Lotto y habri e app di Pay. aw, lo por bay na e seccion di "Pay" y despues den e lista di “Pending” y lo por mira e request pa aproba esaki. Manera cu aproba e transaccion lo por mira e suma a bay riba e cuenta di Lotto Online.

Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash.

Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Minister Gerlien Croes:

GOBIERNO

DI ARUBA TA FIRMA

CONVENIO CU

EOZ BONAIRE PA FORTALECE CUIDO DI STUDIANTE Y BAHA TEMPO DI ESPERA NA MDC ARUBA

ORANJESTAD, 8 di April

2026 - Gobierno di Aruba, representa pa e Minister di Educacion, sra. mr. Gerlien Croes, a firma un convenio di colaboracion cu Expertisecenter Onderwijs en Zorg (EOZ) di Boneiro. E convenio aki ta forma parti di un strategia nacional pa fortalece sistema di cuidonan pa muchanan y hoben na Aruba.

E colaboracion ta enfoca riba mehoracion di calidad di diagnostico, intercambio di conocemento profesional y reduccion di tempo di espera pa muchanan cu tin necesidad di sosten educativo y psicologico. Meta principal di e colaboracion aki ta pa brinda sosten mas rapido na muchanan cu tin necesidad di yudansa na e momento cu e mas mester dje.

Durante e ultimo aña, Ministerio a inverti structuralmente den fortalece e forma fundamental di e sistema di cuido di nos muchanan riba diferente nivel:

● Expansion di ekipo di MDC cu un psicologo y logopedista

● Refuerso di inspeccion di enseñansa cu un inspector extra

● Mas capacidad den

Departamento di Enseñansa Aruba

● Mas trahado social escolar (SMW’er) pa sostene muchanan directamente na scol

● Reduccion di cantidad di alumnonan pa klas (maximo 24) pa logra mas atencion individual

E convenio cu EOZ ta agrega un dimension entre Aruba y nos hermana isla Boneiro, unda ta comparti conocemento y experiencia pa sigui profesionalisa e sistema di Aruba.

Segun e convenio, e colaboracion lo enfoca riba:

● Baha y maneha tempo di espera

● Fortalece uso di Papiamento den diagnostico

● Desaroyo di metodonan pa dyscalculia

● Fortalece rol di psicologo di salubridad mental den sistema educativo

Segun Minister Gerlien Croes; "Nos ta traha sistematicamente pa crea un sistema unda ningun mucha no tin cu warda demasiado pa yudansa. E colaboracion aki ta un paso concreto den nos strategia pa pone e bienestar di nos muchanan na prome luga."

E convenio tin un duracion inicial di dos aña y lo wordo evalua pa determina e siguiente fase di colaboracion.

SOPI DI LETRANAN

Un dia fructifero y cu e luz di Cristo por briya den cada un di

nos

" ... Pasobra tur hende cu halsa nan mes, lo keda humilia, ma esun cu humilia su mes, lo keda halsa". Lucas 18,14

Awe nos ta lesa e importancia di humildad y reconoce nos faltanan. Nos por ta manera e fariseo husgando otro y halsando su mes of manera e cobrado di belasting ta reconoce su falta y su necesidad di compasion. Cu humildad nos ta sirbi otro sin busca recompensa; scucha mas y papia menos, na balora e otronan pa loke nan ta y no pa loke nan tin of ta aparenta di ta. Reflexionando continuamente ta yuda evita na cay den orguyo y na mantene nos mirada fiho den e mision cu Señor a confia nos. Biba cu berdadero humildad ta nifica rechasa e mascaradanan cu hopi biaha nos ta pone pa impresiona of pa competi cu otro. No biba un bida superficial of di falsedad, sea un luz pa mundo unda e luz di Cristo ta briya den bo. Loke ta importa no ta con otronan ta mira nos, sino con Dios ta mira nos. Ser bo mes y cu humildad ta acerca nos na e berdadero esencia di nos fe y esey ta haci nos un instrumento den e man di Dios.

Oracion : Señor Hesus, haci mi curason pareu na bo curason. Manso y humilde y obedecido na bo Santa boluntad.

Amen.

FORTALEZA PA FAMIA

Scirbi pa Pastor Marcel Balootje.

LOCUAL DIOS BENDICIONA , NINGUN HENDE POR MALDICIONA

E enemigo e diabel ta asina sushi y mentiroso, cu nos por mira den Mateo 4: 1-11 cuanto intento e a haci pa trece duda den Hesus, pa pone a Hesus tenta Dios,y ofrece Hesus e reino nan di mundo a cambio di alabansa na dje, pero Hesus a corre cune , bisando ta para scirbi adora Senjor bo Dios, y sirbi E so.

Hopi biaha hende ta kere cu otro hende por stroba algo cu Dios a duna nan, cu hende por stroba trabao di Dios, pero nan ta lubida cu ken cu lanta contra Dios. Dios lo lanta contra nan. Hesus a bisa esun cu no ta cu Mi, ta contra Mi, y esun cu ta contra Mi ta plama.( Mateo 12:30-Lucas 11:23).

Tin tres versiculo cu ta mustra claramente cu hende no por depende riba nan mes forsa, pero nan mester confia y depende totalmente riba Dios. Pasobra ta eyden e forsa y bendicion ta.

Proverbionan 21:31 ta para scirbi: E cabay ta wordo prepara pa e dia di bataya, ma victoria ta pertenece na Senjor.

Salmo 20:7 ta para scirbi: Tin cu ta confia den garoshi y otro den cabay,ma nos ta confia den e nomber di Senjor nos Dios.

Salmo 33:16-19 ta para scirbi: Rey no ta wordo salba pa medio di e ehercito poderoso, un guerero no ta wordo libera pa medio di hopi forsa.

Un cabay ta speransa falso pa gana victoria,tampoco e no ta libra ningun hende cu su forsa enorme.

Ata e wowo di Senjor ta riba esnan cu ta teme Senjor,riba esnan cu ta spera riba Su misericordia.

Pa libra na alma for di morto,y pa tene nan na bida den tempo di hamber.

Mi carnenan ta tende Mi bos y Mi conoce nan,y nan ta sigi Mi. Y Mi ta duna nan bida eterno, y nan lo no perece nunca,ni un hende lo no ranca nan for di Mi man.Mi Tata kende a duna Mi nan, ta mas grandi cu tur y ni un hende por ranca nan for di man di Mi Tata. Ami y e Tata ta un .( Juan 10:27-30).

Pesey e palabra di Dios ta bisa den Santiago 4:7:-8: Pesey somete boso mes na Dios , resisti e Diabel y e lo huy for di boso, Hala serca Dios, y E lo hala serca boso.

Con lo mi maldiciona esun cu Dios no a maldiciona? Y con mi por denuncia esun cu Dios no a denuncia?( Numbernan 23:8).

Nos sa cu ningun hende

cu ta naci di Dios, no ta haci pica,ma Esun cu a nace di Dios ta ward’e, y e malbado, no ta mishi cune.

Nos sa cu nos ta di Dios y cu henter e mundo ta bao di control di e malbado,Y nos sa cu e Yiu di Dios a bini pa duna nos comprondemento,pa nos conoce esun cu ta berdadero,y nos ta den esun cu ta berdadero, den Su Yiu Hesus Cristo. Esaki ta e Dios berdadero y bida eterno.( 1 Juan 5:18-20).

Hende por intenta contra nan prohimo ,nan por haci locual cu nan kier, nan por laga nan mes wordo usa como mensahero di diabel, pero nan no por para locual Dios a cuminsa, hopi biaha envidia, ta pone hende cana caminda di man sushi, cana den scuridad y berguensa, pasobra nan no por soporta crecemento di nan prohimo, y cu e mesun boca cu nan ta haci oracion , nan ta desea malo pa nan prohimo,pero Dios no ta drumi, E ta vigila tur situacion, y conoce cada curason.

Locual Dios duna bo,ningun hende por kite for di bo.

Sinceramente,Pastor Marcel Balootje.

E tribon cabEs di martiu ta riba E lista di protEccion di nos lEynan local

ORANJESTAD – Directie

Natuur en Milieu (DNM) ta informa tocante e tribon cabes di martiu cu ta un especie protegi pa ley. E tribon cabes di martiu ta haya su nomber pa via di e forma di su cabes. Su nomber cientifico ta Sphyrna mokarran y na Ingles conoci pa e Great hammerhead, e ta e especie di tribon mas grandi den e famia Sphyrnidae. Ta hay’e den lama rond mundo, den awanan tropical den e region ecuatorial. E forma di su cabes yama ‘cephalofoil’ ta hancho y e parti dilanti ta casi stret den forma di e letter T, cu su wowonan ta peilo afo cada banda. Su boca localisa bou su cabes tin 17 rij di djente triangular n’e parti ariba di su cacumbein. E ta replasa su djentenan cada 8 dia. Algun sorto di tribon ta gasta 30.000 djente den nan bida. E sorto aki por biba 30 aña y e peso maximo registra ta rond di 450 kilo. Su tamaño ta varia entre 4.6 meter y 6.2 meter y su color ta shinishi scur of bruin y bou di su curpa ta blanco.

E especie femenino ta bira mas grandi cu e machonan. E ta un pisca predador solitario y landado fuerte, cu ta alimenta su mes cu otro pisca, secat, kreeft, otro sort'i tribon mas chikito y su faborito ta chucho (sting rays). E embra ta pari yiunan cada dos aña, nan por haya entre 13 y 42 yiu cu ta nace bibo (vivaparous). E yiunan ta nace entre 50 y 70 centimeter cada un.

Aunke e ta potencialmente peligroso, e tribon cabes di martiu no ta ataca hende y tin biaha e por comporta su mes curioso rond di buceadonan. E tribon aki ta hopi gara y ta popular riba e mercado Chines como ingrediente principal pa sop’i tribon. Asina ta resulta cu e poblacion di e tribon cabes di martiu ta baha den cantidad rond mundo. Union Internacional pa Conservacion di Naturalesa (IUCN) a consider’e como criticamente na peliger desde 2019. Na Aruba tambe nos ta haya nan den lama y p’esey ta pidi piscadonan pa eherce cautela. E presencia di tribonnan ta indicacion di un condicion saludabel di e ecosistema marino.