Issuu

E MESA ON THE FIELD pag 15 MEI, 2013 - Edicion 4 Tel: 585-6917 - E-mail: voxpopulimep@gmail.com

PROYECTO DI MOLINA DI BIENTO

NA URIRAMA AINDA TA DEN PLANIFICACION

Cortesia

MEP DEN MOVECION, BISHITANDO TUR BARIO, MUSTRANDO CU PA MEP E SER HUMANO TA CENTRAL

PAG 4

Districto di Noord a desaroya grandemente, danki na e gobiernonan di MEP PAG 12

AVP A PERCURA PA SERA REFINERIA VALERO Historia breve di ciere di e refineria: PAG 6

Partido MEP ta den movecion y den tur districto cada fin di siman varios team ta sali pa bishita casnan. Di punta pariba te punta pabao, e intencion ta pa tur cas haya por lo menos un bishita di bo partido Movimiento Electoral di Pueblo. Miembronan di directiva, hala hubenil YEGA y candidatonan ta prepara tur fin di siman pa hiba e mensahe di partido MEP den cada hogar, y e recepcion den pueblo ta bon. Hopi hende kier ricibi mas informacion riba e situacionnan real di nos pais, especialmente riba tereno di finanzas di nos pais y tambe kico MEP ta bay haci pa mehora e problemanan di cada dia di nos ciudadanonan. Durante e bishitanan politiconan di MEP por constata pa nan mes cuanto famia no ta logra paga tur nan debenan pa fin di luna. Cuanto famia ta ‘frifi aki, frifi aya’, paga un parti e luna aki, y otro parti otro luna, simplemente pasobra placa no ta yega. Si antes cu 100 florin bo por a cumpra tur locual bo tin mester pa un siman, awor e mesun 100 florin bo no por cumpra ni mitar di locual bo tabata custuma di cumpra. Tres aña pasa un bleki di

boonchi tabata costa 95 cent, awe e ta costa dos florin cu 5 cent. E aumento di costo di bida den ultimo tres añanan ta causante di hopi dolor den nos hogarnan. Y esnan cu ta purba busca ayudo na instancianan social no ta logra haya e yudanza tampoco. “Ora nos bishita casnan, no ta splica kico ta e vision di nos partido, pa pone e ser humano central bek. Ta basta cu tanto inversion den klinker y asfalt. Awor mester duna atencion na e ser humano. Tur inversion, tur desaroyo economico, mester por draai rond di e ser humano, y con pa mehora su calidad di bida. Con pa baha costo di bida, pa cada ciudadano por tin un calidad di bida mas digno. Con pa crea empleo pa esnan desemplea por haya un otro oportunidad. Con pa inverti den salubridad publico pa duna cada ciudadano un bon cuido di salud. Con pa inverti den enseñanza pa brinda nos hobennan mas oportunidad, Con pa pone mas placa disponible pa nos grandinan por haya un cuido digno. Con pa stimula nos economia pa trece bienestar pa henter nos comunidad. Esey ta nos compromiso cu cada ciudadano di nos pais: pone e ser humano central y mehora calidad di bida di e ser humano” lider di MEP, Evelyn Wever-Croes a duna di conoce.

Pag 2

Vox Populi

MEI 2013

Actividad PENDIENTE RIBA

AGENDA

19 Mei: Rifa di 10 mil florin y lanzamento di candidato nobo riba parkeerplaats di ComplehoDeportivo Frans Figaroa na Noord: 11:00 am pa 11:00pm

Dia 1 di Juni 2013: Bingo Club Caiquetio

pa 7.30 pm

NOS TA WARDA BO !!

Vox Populi

MEI 2013

Pag 3

LIDER NA PALABRA

Partido Movimiento Electoral di Pueblo ta un partido social democrata. Nos ta kere firme den e principionan social democrata y di solidarismo, salvaguardiando interesnan di esnan mas vulnerable den nos comunidad, y amplia esaki tambe cu e clase media, debi cu e grupo aki tambe a wordo hopi neglisha den e ultimo 4 a単anan. D u r a n t e gobernacion 20132017 gobierno di MEP lo pone e ser humano central. E ciudadanonan ta e parti mas importante den cada pais. Si nos neglisha e ser

VISION DI MEPpa2013-2017 oportunidad forma masha

humano, nada otro ta bay. Nos por tin e careteranan di mas bunita, e klinkernan di mas luhoso, pero si nos hendenan no tin suficiente entrada pa mantene nan famia, si nos hobennan no tin

desaroya ni distrai sanamente, si nos hendenan no ta goza di un bon salud, si nos hendenan no ta feliz, nos no tin nada. Den ultimo 4 a単anan nos hendenan a wordo neglisha. Berdad a aumenta onderstand, a duna reparatietoeslag, a aumenta e placa di school pa esnan mas vulnerable. Pero tur esaki no a yuda mucho p a s o b r a costo di bida a bira demasiado h a l t o . Belasting a wordo c o b r a n a

agresivo y inhumano. Ademas, tur esaki no ta nada compara cu e miyones cu a wordo gasta na asfalt, klinker y beton. Nos pais mester un desaroyo e c o n o m i c o dirigi riba brinda oportunidadnan real na nos hendenan, tur esnan cu ta biba riba nos pais. Pa sobra ta nos responsabilidad pa cuida tur esnan cu awor ta biba riba nos pais. E desaroyo economico mester ta dirigi riba crea empleo, y crea mas fluho di entrada pa nos pais, na forma structural y duradero; structural y duradero kier meen brinda oportunidad na esnan cu awor ta riba nos pais, cu perspectivanan pa crecemento. Nos pais a crea oportunidadnan ultimo 4 a単anan, pero cu a pone cu nos mester a sigui importa forza laboral, mientras cu miles di persona na Aruba mes a keda sin empleo. Awor nos mester cambia e rumbo aki y crea oportunidad pa esnan cu a keda atras. Na mes momento nos

mester pone orden financiero riba nos pais. MEP lo maneha finanzas publico, e placa di nos pueblo, na forma responsabel. Cu presupuestonan na tempo, realistico y balancea. Cu un plan realistico pa baha e debe nacional. Cu disciplina. Mescos cu nos ta maneha finanzas den nos hogar, asina nos lo maneha finanzas di nos pais. Den nos hogar nos no ta haci gastonan cu nos no por afford. Nos no ta corta den gastonan di educacion di nos yiunan pa nos fiesta ni viaha. Nos no ta corta den cuido medico di nos yiunan, pa embeyece pafor di nos cas. Nos ta pone prioridad na nos yiunan, na nos famia, na nan bienestar. Asina nos mester maneha nos pais, poniendo prioridad na e ser humano y creando bienestar pa tur. Esaki ta e base pa nos programa di gobernacion 20132017.

VoxPopuliMEP@gmail.com

Vox Populi

Pag 4

MEI 2013

ENERGIA

PROYECTO DI MOLINA DI BIENTO NA URIRAMA AINDA TA DEN PLANIFICACION

Den e prome siman di Februari 2013 Parlamento di Aruba a trata e proyecto di Molina di biento na Urirama. Presidente suplente di Parlamento, Chris Dammers, cierto momento a saca publico for di tribuna pasobra segun e, e e publico tabata haci desordo. Berdad tabata tin hopi tension, principalmente ocasiona pa e tantisimo coordinadornan riba payroll di gobierno cu a sinta den tribuna, simplemente pa causa problema. Asina habitantenan a haya nan forsa pa sali di sala, y no por a sigi e reunion aki cu ta importante pa nan bida.

VIOLACION DI CONSTITUCION DI PAIS ARUBA Lider di MEP, siguiendo reglanan di nos Constitucion a bisa president suplente di Parlamento cu e mester pone na votacion si e portanan di Parlamento ta keda cera pa publico, of si e mayoria den Parlamento kier pa tene e portanan cera. Esaki despues cu e dia prome centenares di persona a manifesta dilanti edificio di Parlamento, organiza pa e organizacion Salba Urirama, pidiendo pa habri e portanan bek. Pero e president

suplente di Parlamento, obviamente debi na falta di informacion, no a honra e peticion di lider di MEP y asina a viola nos Constitucion. Ni ora el’a wordo mustra riba e violacion flagrante aki, e no a recapacita, y a woro sosteni pa president Paul Croes cu tampoco kier a habri e portanan bek. Cu esaki Paul Croes y Chris Dammers ta pasa pa historia como esnan ci a viola Constitucion di pais Aruba, simplemente pa temor.

RIESGO DI SALUD Durante e tratamento di e reunion por a nota cu e aspecto importante di riesgo na salud di hende, no a haya debido atencion. Tur esnan cu a duna gobierno conseho no ta exclui cu e molinanan ta haci daño na salud di hende. Esey kier meen cu expertonan mes a avisa gobierno cu e molinanan por causa problema na salud di hende. Oposicion a mustra tambe riba desaroyonan na Maastricht, Hulanda, caminda a para construccion di parke di Molina di biento pasobra e molinanan ta causa daño na salud di hende si nan ta mucho serca di casnan habita. Dicon e ta un problema na Hulanda, pero no na Aruba? Acaso bida di hende na

Aruba ta bal menos cu na Hulanda?

CASO DEN CORTE DI HABITANTENAN

URIRAMA NO TA BAHA GASTO DI CORIENTE

Habitantenan a entama un caso sumario contra gobierno cual formalmente nan a perde, pero de facto e veredicto di 6 di Maart ultimo ta un triunfo grandi. Pasobra den e veredicto ta stipula cu gobierno no por sigui cu e proyecto tanten cu henter e proceso wordo encamina, den cual mester tene na cuenta e obhecionnan di habitantenan. Desde e dia ey no por a haci nada mas na e proyecto, pero e ta den planificacion ainda. Habitantenan ta riba un alerta constante pa cu esaki.

Ademas, e parke di molina di biento no lo baha gastonan di produccion di coriente na WEB. Esey a keda establesi pa WEB y no a wordo contra aresta. E pregunta ta e ora: dicon tanto empeño cerca e partido AVP pa ‘bulldoze’ e proyecto aki, sin tene cuenta cu salud di hende? E proyecto aki no tin ningun beneficio pa e habitantenan di Noord, ni di henter Aruba. Es mas, ta mas caro so produccion di coriente lo bira, pasobra WEB mester bay haci inversionnan grandi prome cu por draai riba energia di biento.

VOTACION Lamentablemente fraccion di AVP a bari e argumentonan aki for di mesa, sin cu e ministernan a contesta e preguntanan. E 12 parlamentarionan di AVP, incluyendo Paul Croes y Juan David Yrausquin, a vota na FABOR di e parke di molina na Urirama, demostrando asina cu compromisonan financiero di partido AVP ta haya mas prioridad cu salud di hende. Parlamentarionan independiente Marisol Lopez-Tromp y Mervin Wyatt-Ras a bandona sala y NO a vota, lagando asina e habitantenan di Noord na caya. Fraccion di MEP, PDR y Booshi Wever a vota CONTRA e proyecto, pero lamentablemente nan bos no tabata suficiente.

VADER PIET Fraccion di MEP a urgi gobierno pa haci un studio na efectonan di e molinanan na Vader Piet. Minister Mike de Mesa ta convenci cu e molinanan na Vader Piet no ta haci ningun hende malo y cu tur hende na San Nicolas ta contento cu e molinanan. MEP ta di opinion cu awor poco poco tin informacion ta saliendo afor cu no tabata conoci tempo a bin cu molinanan na Vader Piet, y cu mester evalua e situacion hopi bon. AVP a vota CONTRA e mocion

aki pa hasi un studio na San Nicolas, sin splica dicon nan no kier pa e studio aki wordo haci. MEP no ta laga e asunto te aki, pero lo sigui lucha pa e evaluacion aki tuma lugar. Si e molinanan no ta causa molester na ningun hende, nos tur por drumi mas trankil. Pero si nan ta causa molester, nos mester tuma accion.

VISION DI MEP MEP ta convenci cu nos pais mester bai den direccion di energia alternativa. MEP ta mira cu tin hopi otro forma con pa yega na energia menos dependiente di fuel. Pa asina den futuro nos por rebaha e prijs di coriente. Den esaki mester sigui e plan di WEB Aruba NV, cu den pasado a proba di sa con pa haci inversionnan den e direccion aki. Pesey MEP kier pa en vez di inverti 250 miyon den e compania di Henk Hutting, inverti esaki directo den WEB, pa WEB por sigui inverti, sin tin cu causa daño na nos medio ambiente y na salud di hende. Energia duradero y sostenible, pero sin pone bida di hende na riesgo, y den balanse cu nos medio ambiente.

Vox Populi

MEI 2013

Pag 5

ENSEñANZA PUEBLO TA PUNTRA:

DICON E SCHOOL SECUNDARIO HAVO/VWO NA NOORD AINDA NO A WORDO REALIZA? Durante gobernacion di MEP entre 2001 y 2009 un punto di prioridad den e maneho di enseñanza tabata pa construi un di dos school secundario HAVO/VWO, pasobra e unico scol na Aruba di HAVO/VWO, Colegio Arubano, ta demasiado yen. Mesora gobierno di MEP a cuminsa busca un lugar y a base di estudionan haci a yega na e conclusion cu e school aki mester bin den e districto di Noord. E lugar exacto a wordo haya y tramites a wordo haci pa por cambia e uso di e tereno, cu tabata den un ‘zona berde’. Gobierno di MEP a cana e procedura y a destina e lugar pa por construi e scol.

cu centro di ciudad a desangra totalmente. Kier meen nos pueblo no a haya ni esun, ni e otro.

Mike Eman I no tabata interesa den un school na Noord. Gabinete Mike Eman I tabata solamente interesa den klinker y asfalt tur caminda, y den un tram den centro di ciudad. Tur esaki por cierto, contrario na e propio promesanan di campaña di AVP mes. E placa destina pa e scol HAVO/VWO na Noord a wordo usa pa embeyecemento di centro di ciudad, un proyecto cu tardananan gigantesco y cu a causa

Y asina a pasa pues cu te dia di awe Noord no por a mira e proyecto di school HAVO/VWO den Noord realiza, y cu te dia di awe nos tin falta di espacio pa por brinda studiantenan di HAVO/VWO un mihor calidad di enseñanza. Na Juni 2012, 3 aña despues, gobierno a firma cu Stichting Onroerend Goed Aruba (“SOGA”) pa construi e school aki den bario di Montaña, y segun Mike Eman e tempo ey, construccion lo a cuminsa den e aña 2012 ainda. Nada di e promesa aki a bira realidad.

Mientras tanto luna pasa gobierno a bolbe firma un otro acuerdo cu FDA pa por cuminsa cu construccion di e school awor na Shaba, y Benny Sevinger a priminti cu construccion lo cuminsa e luna aki. Pero tampoco por mira algo concreto ainda riba e proyecto aki. Un cos ta sigur: gobierno di AVP a hunga cu e inteligencia di e pueblo aki suficiente, cambiando su storia cada biaha y sin por realiza e proyecto. Y tur esaki a causa un sla grandi na enseñanza na Aruba debi na e retraso di 4 aña cu e proyecto aki tin. Pasobra si e gobierno actual a simplemente sigui cu e proyecto cu gobierno di MEP a laga cla 4 aña pasa, ya nos

por tabata tin nos school construi y studiantenan contento pa algun aña caba. E decision di e gobierno di AVP pa para e proyecto aki, a causa daño ireparable na nos enseñanza. Y pa colmo, a inverti e placa den un otro proyecto cu tampoco tin fin di keda cla. Berdad ta MEP mes mester bin den gobierno pa keda cla cune. Na momento cu MEP ta den gobierno na November di e aña aki, nos lo percura pa e proyecto aki wordo realiza cu tur prioridad. Enseñanza tin un prioridad halto den nos programa di partido y e school aki mester bin mas pronto cu ta posibel.

E siguiente paso tabata financiamento di e proyecto. E tempo ey sr. Nelson Oduber tabata den e fase final di negociacion pa asina haya e placa cu ta toca Aruba den Plant Hotel. A keda palabra cu parti di e placa lo wordo destina pa construi e school aki. E otro parti lo a wordo financia pa Fondo Desaroyo Aruba (“FDA”). Lamentablemente e cambio di gobierno a bin, net ora cu tabata kedando cla cu tur tramites, y gabinete Nelson Oduber IV no a logra keda cla cu e proyecto aki. Sinembargo a laga tur cos cla pa e siguiente gobierno djis ehecuta. Pero nos tur sa kiko a pasa despues. Gabinete Mike Eman I a sinta y a cambia destinacion di casi tur proyecto cu MEP a laga cla. Gabinete VoxPopuliMEP@gmail.com

Pag 6

Vox Populi

MEI 2013

refineria valero AVP A PERCURA PA CERA REFINERIA VALERO Historia breve di ciere di e refineria: • Djey AVP a bin cu otro engaño, esta cu Valero mes ta habri e refineria si duna nan un regalo di 10 miyon dollar pa aña, durante 20 aña, cu envez di 28% di Winstbelasting nan lo paga 7% so cu un minimo di 10 miyon dollar. AVP a deal cu nan pa kita e 1% di BBO y cu e ora ey e refineria lo habri. • Mientras tanto Mike Eman a sera un deal cu Valero y na lugar cu e refineria paga e suma di 290 miyon florin di e 1% di BBO riba exportacion, gobierno di AVP a dicidi di regala e multinacional Valero un suma di 76 miyon florin y gobierno mes a haya 214 miyon florin y cual suma nan a malgasta den algun luna di tempo. • Despues e caha di engaño a habri atrobe. Mike Eman a bisa cu un compania di Colombia, esta Pacific Rubiales Energy cu un grupo Canades lo bin cu nan petroleo pisa pa rafina esaki na Aruba.

• Na November 2008 gobierno di MEP a discuti cu Valero - mirando nan situacion delicado - con lo por coopera pa mira si por haya e inversionnan necesario den e refineria pa haci’e mas competitivo. • Durante 2009 Mike Eman a bisa e CEO di Valero Bill Klesse cu e ta bay gana eleccion y pa warda riba dje te ora cu e ta den gobierno. Mientras tanto Valero a declara cu e ta warda riba resultado di e arbitrahe y nan no ta negocia cu Gabinete Oduber mas. Mike Eman a cuminsa grita henter campaña 2009 cu e lo habri e refineria cu Valero despues di eleccion, pasobra e tin un deal di 40 miyon florin cu Bill Klesse. Pa por yuda AVP y influencia resultado di eleccion, Valero a anuncia cu e ta stop e operacion di e refineria. • Asina cu AVP a gana eleccion Mike Eman a anuncia cu den un siman di tempo e ta bay PEMEX na Mexico y lo habri e refineria. E tempo ey Mike Eman a declara cu e ta amigo di Presidente Calderon y ex-Presidente Fox. Ora cu e mes a ripara cu e ta gaña atrobe, el a bisa cu ta La Reina y un delegacion di gobierno di Hulanda ta bay papia cu PEMEX, locual ta otro mentira flagrante. • Ora cu Mike Eman no por a gaña mas, el’ a laga Mike de Meza bay New York pa papia cu Petrochina. Ora cu el a bolbe el a declara cu Gabinete Oduber lo a trata e Chinesnan malo y cu den dos siman tur cos ta cla.

• A sigui cu e engaño cu e Ministro di Relacion pa Exterior di Hulanda Maxime Verhagen y e Ministro di Transporte di Hulanda Eurlings ta bay fix un deal cu Petrobras pa sea cumpra, forma un partnership of bin cu nan petroleo y rafina esaki na Aruba. Tur e tempo aki e mas cu 700 empleadonan di Valero no tabata tin ningun garantia di trabao y entrada, nan no por fia na banco, no por haci nada, nan tabata den inseguridad completo pa cu nan futuro, pasobra Mike Eman a hunga ruleta Ruso cu nan pan. • Durante aña 2012 un gran cantidad di viahe e ministernan Eman y de Meza a haci pa Brasil hunto cu gremio comercial pa reuni cu Petrobras, tambe a reuni cu Ecopetrol na Colombia, a reuni cu Pedevesa di Venezuela y parlamentarionan di AVP tambe a reuni cu ehecutivonan di e mesun compania aki, a reuni un gran cantidad di biaha cu Petrochina na Merca, a reuni cu embahador di China na Hulanda y tur biaha nos por a scucha e mesun storia bunita for di e dos Mikenan: “Carga pasenshi, ya cu tur cos ta mustra bunita y cu lo bay tin un solucion positivo pa cu reapertura di e refineria”. • Sinembargo ta bisto – ora cu e noticia a drenta dialuna 3 di September 2012 cu e refineria lo dal su porta sera – cu durante un temporada largo Gabinete Eman tabata sa caba di e destino di e refineria, pero tabata tuma e trahadornan di Valero y e pueblo haci. • FINALMENTE AVP A CERA REFINERIA VALERO DIA 15 DI NOVEMBER 2012!!

Vox Populi

MEI 2013

Pag 7

PARTIDO PARTIDO MEP A LANZA 5 CANDIDATO NOBO DURANTE ACTIVIDAD EXITOSO NA SANTA CRUZ Dia 17 di Maart MEP a organiza un actividad magno den curazon di Santa Cruz, riba Plaza Victoria. E celebracion a cuminza cu bendemento di varios tipo di cuminda, y un mercado di purga. Durante henter dia tabata tin entretenimento di diferente banda, entre otro Rincon Boyz, D’licious y Grupo di Betico. E cantante invita tabata Enmeris, conoci pa e cancion “Bai gaña baca”, di Corsou. Tabata tin miles di persona durante henter dia, y na cierto momento a alcansa sigur 4 mil persona. E punto culminante ta momento cu lider di MEP a anuncia 5 candidaton nobo riba lista di MEP.

di San Nicolas. Ronwayne ta un conocido musico y ta activo riba e tereno di cultura. Ronwayne a drenta politica cu e compromiso cu San Nicolas, "we do not promise, we act". E pueblo di San Nicolas ta esun cu mas a ser engaña pa e gobierno na mando y esey ta algo cu mester desaproba. Guillfred Besaril, di districto di Savaneta. Guillfred ta conoci como lider sindical, y como polis, y el'a drenta politica pa duna su aporte na tur esnan cu mester un ayudo y pa yuda pa combati criminalidad na Aruba, algo cu

ta sumamente necesario. Partido MEP ta sumamente satisfecho cu e acogida cu pueblo a duna candidatonan nobo di partido MEP.Te hasta e hecho cu contrincantenan ta ataca e candidatonan nobo e lider di MEP ta mira como hopi positivo: "Imaginabo si nan no critica! Si nan critica kiermen cu e impacto tabata grandi, y esey mes nos kier logra."

di Marlon Werleman, e candidatonan ta pa prome biaha a dirigi nan mes na un publico asina grandi den ambiente politico. Tambe mester remarca cu cada un a splica dicon nan a scohe pa partido MEP, e partido cu realmente tin e ser humano na pecho, pero tambe pa e lider di partido, sra. Evelyn Wever-Croes, cu segun nan palabra ta un persona integro,

trahado, cu curashi y cu merece e sosten, palabranan cu a wordo bon ricibi door di e publico. Lider di partido a gradici tur esnan cu a presenta na e actividad y pa nan sosten. "MEP ta creciendo mas liher cu mi mes a spera, y mi ta gradici boso cada un pa esey", tabata e palabranan di lider di MEP.

Remarcable tabata cu cada un di e candidatonan a duna un tremendo presentacion riba escenario, tabata manera cu nan tin hopi experiencia caba, siendo cu cu excepcion

Marlon Werleman, kende a haci su re-entrada den politica. Marlon a duna di conoce cu e no por sinta un banda y mira e desastre cu e gobierno actual ta haciendo cu nos pais. Lider di partido a haci un apelacion riba dje pa yuda enforza e team cu mester brinda solucionnan na e problemanan financiero di pais Aruba, y Marlon a acepta despues di a consulta cu su famia. Marlon Werleman ta candidato pa districto di Paradera. Karel Maduro, di districto di Santa Cruz. Karel a acerca partido y pidi pa subi lista pasobra e no por soporta tanto manipulacion mas. Karel su conviccion Cristian ta pone cu e ta sinti cu e mestercombati tanto mentira. Karel tin interes especial pa traha cu adictonan, un problema serio den nos comunidad. Billy-Ann Rosel, tambe di districto di Santa Cruz. Billy-Ann ta mama di dos yiu chikito, y ta traha den mundo di aviacion. Billy-Ann tabata un di e motornan tras di e accion di protesta di ANA na Juni di 2011, y despues a protesta dos siman dilanti di Parlamento. E motibo pa cual Billy-Ann a drenta politica ta pasobra e ta sinti cu e mester sali pa derechonan di hende muher y hobennan, y crea mas oportunidad pa nan. Ronwayne Kock, di districto

VoxPopuliMEP@gmail.com

Vox Populi

Pag 8

MEI 2013

LOGRONAN DI MEP

RITZ CARLTON

CARETERA NOORD

HOTEL DIVI PHOENIX

HOTEL RIU

CARETERA NOORD

SPORT HOTEL

ALOYSIUS SCHOOL

WARDA DI POLIS NOORD

Vox Populi

MEI 2013

Pag 9

LOGRONAN DI MEP

COMPLEHO DEPORTIVO FRANS FIGAROA

SETAR TELESHOP NA NOORD

COMPLEHO DEPORTIVO FRANS FIGAROA COMPLEHO DEPORTIVO FRANS FIGAROA

COMPLEHO DEPORTIVO FRANS FIGAROA

SCHOOL KUDAWECHA

SCHOOL KUDAWECHA VoxPopuliMEP@gmail.com

Vox Populi

Pag 10

PUEBLO DEN DOLOR

UN PUEBLO ENGAÑA Y DEN DOLOR PARTIDO AVP NO A ELIMINA BBO Durante campaña pa eleccion 2009 partido AVP a priminti pueblo cu – asina cu nan drenta gobierno – nan lo elimina e BBO di 3%, ya cu segun nan, esaki ta e causante principal di aumento di costo di bida na Aruba. Sinembargo ya nan ta yegando na final di nan gobernacion y te ainda nan no a cumpli cu nan promesa di campaña, esta di elimina e BBO completamente. Lo unico cu nan a haci tabata reduci e BBO cu 1.5%, pero e poder di compra di nos ciudadanonan a sigui bay atras. Hecho ta cu e casi 4 aña di Gabinete Mike Eman ningun producto y articulo den tiendanan a baha den prijs, pero a subi drasticamente, poniendo varios hogar na rand di desesperacion.

AUMENTO DI PRIJS DI CORIENTE Y AWA Un di e otro promesa y mentiranan falso cu AVP a lansa durante campaña tabata cu ‘from day one’ nan lo reduci e tarifanan di awa y coriente cu 25.5% y den e siguiente aña nan lo reduci esaki cu un otro 25.5%. Pues en total un reduccion di 51%. Pa demonstra con grandi e mentira y manipulacion di AVP ta, partido MEP ta produci e tabelnan adhunto caminda nos por mira e desaroyo den averahe di prijs di coriente y awa pa hogar for di October 2009, esta e luna cu MEP a bandona gobernacion te cu December 2012. Nos por mira cu den 3 aña e averahe di prijs di coriente pa hogar a subi y di awa a baha. Sinembargo nos mester remarca cu e prijsnan di coriente y awa cu lo mester a baha cu 51%, te ainda AVP no a cumpli cu e promesa di campaña aki. Na lugar cu un hogar – teniendo cuenta cu e promesa di reduccion di 51% - paga un averahe di Af. 152,80 na coriente, awe e hogar aki ta pagando Af. 306,75. Na lugar cu e mesun hogar aki paga un averahe di Af. 79,80 na awa, awe e ta pagando Af. 137,05. Y si tabata tin un reduccion mes den e prijs di awa, esaki ta debi na e plantanan RECIP III, Seawater Reverse Osmosis II y e mulinanan di biento na Vader Piet cu ta proyectonan cu a inicia desde 2006, esta bao di Gabinete Oduber. Alavez miles di nos conciudadanonan ta sufriendo ultimamente, ya cu nan meternan di awa y coriente a wordo corta, lagando nan sin awa y den scuridad total.

AUMENTO DI PRIJS DI GASOLIN Y DIESEL Kende no ta corda con partido AVP durante gobernacion di MEP tabata haci fiesta ora cu – pa motibo di e aumento drastico di prijs di crudo riba mercado internacional – e prijsnan di gasolin y diesel a aumenta tambe na Aruba? E tempo ey AVP tabata demoniza comunidad cu ta pa via di Nel y MEP henter pueblo lo ta sufriendo di e aumentonan aki. Durante campaña pa eleccion 2009 AVP a priminti cu nan lo percura pa reduci e prijsnan di gasolin y diesel ora cu nan drenta gobierno. Sinembargo riba e tabelnan adhunto nos ta mira cu desde cu Gabinete Mike Eman a sinta na November 2009 e prijsnan di gasolin y diesel a aumenta barbaramente. Den 3 aña e prijs di gasolin a subi cu 30.7% y di diesel a subi cu 39.2%, siendo cu e prijs di crudo riba mercado internacional a baha substancialmente durante e ultimo 3 añanan.

MEI 2013

Vox Populi

PUEBLO DEN DOLOR AUMENTO DI PERSONANAN CU TA COBRA ONDERSTAND

Durante cu MEP tabata den gobierno e cantidad di personanan cu tabata cobra onderstand na 2005 tabata 2414 persona. Sinembargo, danki na e desaroyo economico positivo y cu MEP a crea cuponan di trabao duradero pa un y tur den e comunidad aki, e cantidad di personanan cu ta cobra onderstand a ser reduci drasticamente te cu 1846 na final di gobernacion di MEP. Sinembargo na momento cu Gabinete Mike Eman a haci su entrada den gobierno, e cantidad di personanan riba onderstand a subi y yega te na 2700 na 2012. Manera por ser mira den e grafico, un aumento drastico den apenas 3 aña di tempo.

AUMENTO DRASTICO DI CRIMINALIDAD Desde cu Gabinete Mike Eman a sinta nos por mira con criminalidad a aumenta den forma alarmante den e pais aki. Hecho ta cu durante e ultimo 3 añanan nos pais a wordo azota pa un ola di ladronicia den cas y negoshi y riba turista, atraco arma den banco y riba caya, criminalidad nunca bisto, hortamento di auto na granel, ilegalidad y violencia sin limite.

Pag 11

FINANZAS

RAPPORT RELIMINARIO DI IMF TA AVISA TEMPONAN DIFICIL NA CAMINDA PA ARUBA!

Dia 26 di April un delegacion di Fondo Monetario Internacional (“IMF”) a presenta un rapport preliminario di e situacion financiero di pais Aruba. Fraccion di MEP mester a reuni cu IMF prome cu e rapport aki a wordo traha, pero IMF a cancela e reunion na ultimo momento sin duna splicacion. MEP a sinta cu IMF un rato riba 26 di April, pero esaki ta despues cu IMF a traha su rapport preliminario. Pues comentarionan cu integrantenan di MEP a duna na IMF no a wordo refleha den e rapport preliminario di dia 25 April For di e rapport preliminario nos por conclui cu ainda Aruba no a yega e nivel economico cu tabata tin prome cu e crisis mundial. Esaki ta debi na e hecho cu den 2012 nos economia a cai drasticamente. IMF ta constata cu nos economia ta creciendo si, pero cu dificultad. Tocante nos situacion financiero, IMF ta mas critico: nos situacion financiero a deteriora drasticamente desde 2008. Aparte di esaki IMF ta avisa cu e aña aki mester tuma medida fiscal, cu mester ta riba dos area: baha gasto y aumenta entrada.

Riba e grafico adhunto nos por mira con durante e añanan 2007 te cu 2009 (Gabinete Oduber) e cantidad di crimennan a reduci drasticamente for di 6277 na 2007 te cu 4864 na 2009. Sinembargo na 2010 (Gabinete Mike Eman) e cantidad di crimennan a aumenta te na 8266, esta un aumento drastico di casi 70%. Hamas den historia di nos pais nos a conoce un situacion asina alarmente pa loke ta criminalidad y pa gran parti esaki ta danki na e eliminacion di Guarda Nos Costa, e radarnan di Raytheon, e visibility teamnan y e falta di un plan integral riba tereno di husticia door di Gabinete Mike Eman.

IMF a duna su opinion riba e maneho di gobierno actual cu apesar di tur e medidanan implementa, den cooperacion cu Dialogo Social, esakinan NO a duna e resultado necesario, pasobra a reduci e BBO, a tuma mas hende den servicio di gobierno y a haci gastonan

exagera, cu a pone e deficit aumenta. Y e resultado di e maneho cu a faya ta un deficit di 8.5% di GDP (aprox. 425 miyon florin) y un debe nacional di 67% di GDP (aprox. 3.2 biyon florin). Segun IMF ambos indicador ta demasiado halto, y e aña aki mester tuma medida pa baha e 8.5% te na 6%. Pa logra esaki gobierno a bisa cu e lo saca mas dividendo di companianan estatal, cu lo baha salario den gobierno y lo stop di gasta tanto. Di su banda IMF ta bisa cu esaki ta un bon paso, pero cu esaki no ta suficiente. IMF ta propone pa bin medidanan tambe pa aumenta entrada di gobierno: (1) introdusi un VAT (un tipo di BBO) di 15% (esaki ta tuma un tempo pa implementa (2) aumenta BBO bek na 3% (3) aumenta invoerrechten y mas accijns. MEP ta contra e proposicion pa introduci medida. MEP ta convenci cu un maneho mas responsabel mester soluciona e problema. Pero mester cuminsa awor mesora! Una vez cu MEP ta den gobierno na November di e aña aki, lo aplica un maneho financiero responsable, lo cuminsa cu baha e gastonan di luho, di coordinadornan, di viahamento y fiestamento y propaganda cu actualmente ta exagera. Esaki ta e prome paso pa pone orden financiero, sin cu mester castiga henter nos pueblo cu medida. VoxPopuliMEP@gmail.com

Vox Populi

Pag 12

MEI 2013

DEN TEMPO

Districto di Noord a desaroya grandemente, danki na e gobiernonan di MEP Compara cu tur otro districto na Aruba, Noord/Tanki Leendert ta e districto cu mas a crece durante e ultimo tres decadanan. Si na 1981 Noord/Tanki Leendert tabatin 7717 habitante, esaki a crece te 10056 habitante na 1991, 16944 habitante na 2000 y 21495 habitante na 2010. Sin duda algun cu esaki ta un crecemento substancial y pa gran parti ta atribui na e desaroyo turistico/ economico cu e districto aki a pasa aden, caminda hopi persona di otro districto a bin biba na Noord, ya cu asina nan por ta mas serca di nan area di trabao, esta e hotelnan situa na Palm Beach.

Vision di Plan Sasaki E desaroyo turistico aki no a bin sin mas, ya cu tabata partido MEP cu na comienso di añanan 80 a percura pa e plan di infrastructura turistico, esta Plan Sasaki y cual a percura pa mas cu 100 ha. di tereno wordo desaroya y p’asina por construi facilidadnan turistico, unda a construi varios caretera nobo, e.o. esun te Malmok. Esaki a encera no solamente construccion di hotelnan, pero tambe restaurantnan, areanan comercial y di recreacion, nightclubs etc. Hecho ta cu despues di ciere di refineria Lago na 1985, Plan Sasaki a

Vacation Club y tambe e unico hotel di 5 strea, Ritz Carlton.

Reconoce baluartenan di Noord

resulta e salbacion pa nos pais, ya cu mediante di e plan aki henter e area turistico den sercania di Noord por a wordo desaroya.

Proyectonan ubica na Noord MEP no solamente a percura pa Plan Sasaki, pero den transcurso di añanan a duna Noord e balor cu e merece. MEP a percura pa construi cientos di casnan di pueblo den e districto aki, a percura pa construccion di e Hulpbestuurskantoor Noord, Centro di Bario Noord, Planta di purificacion di awa na Bubali. E gran cantidad di camindanan den Noord y rond Aruba cu a ser construi durante gobernacionnan di MEP a pone cu te

hasta contrincantenan politico a duna un exgobernante di MEP e apodo di Diputado/ Minister Asfalt. Alavez durante e periodo di Gabinete Oduber III y IV varios ta e proyectonan cu a ser ehecuta na beneficio di e pueblo di Noord, manera e.o. construccion di Compleho Deportivo Frans Figaroa, construccion di Sporthotel y Technical Center Angel Botta, construccion di e Warda di Polis nobo, Teleshop, construccion di Scol Kudawecha y renobacion di Aloysiusschool. Ta hustamente bao di e mesun gobierno aki e desaroyo turistico a wordo amplia cu hotelnan, manera Riu, Divi Phoenix, Marriott

Alavez partido MEP semper a duna reconocimento na baluartenan di Noord cu a yega di haci hopi trabao valioso pa nos pais. Riba proposicion di MEP un gran Arubiano di Noord, esta Felipe B. Tromp (q.e.p.d.) a wordo nombra como e promer Gobernador di e pais aki. MEP a percura pa propone un otro gran Arubiano di Noord, esta Frans Figaroa (q.e.p.d.) wordo nombra como Gezaghebber di nos isla y awe cu tur honor e Compleho Deportivo na Noord ta carga su nomber. Hecho ta cu partido AVP nunca a yega di haci algo pa e pueblo

di Noord. Alcontrario, e proyecto di un HAVO/ VWO school na Noord cu Gabinete Oduber a laga atras cla pa ehecuta, e gobierno di AVP a prefera di hinca e suma reserva den e proyecto di Tram na Playa. Pa AVP e districto di Noord ta bon solamente pa construi un Parke di Molina y cual parke lo no beneficia Aruba ni Noord en particular. Tur desaroyo positivo cu e districto di Noord conoce te cu awe ta danki na partido MEP. Cu Awe Noord ta bunita, Noord a crece y Noord ta floreciendo ta trabaonan grandi di politiconan cu a origina di e lista di MEP. Pueblo di Noord tin un memoria social grandi y ta corda bon bon ken a traha na bienestar di e pueblo di Noord y ken ta contra pa Noord haya locual e merece pa su desaroyo.

PROGRAMA NA RADIO TUR DIADOMINGO 9.45AM TE CU 10.45AM BO PROGRAMA RADIA MEP 2013 NA RADIO HIT 94

Vox Populi

MEI 2013

Pag 13

SALUBRIDAD VISION DI MEP RIBA SALUBRIDAD PUBLICO:

NO POR TIN PRIJS RIBA SALUD NI RIBA BIDA DI HENDE otro paisnan.

Aruba ta riba e lista di â€œeurotransplantâ€? pa nos haya organonan pa nos hendenan, pero ta masha poco di nos pacientenan ta haya un organo pa por scapa nan bida. Esaki, naturalmente, mester di un legislacion nobo. E beneficio di e desaroyo aki ta cu esaki tambe por crea fuente di entrada pa nos isla.

Mas y mas tin desgusto den nos comunidad ora ta trata di salubridad publico. Awendia ta tarda masha hopi mes prome cu un cuidadano por mira su dokter of su specialista. Tin biaha e pacient mester warda 7 luna! Mescos ta e caso ora bo tin cu bay saca potret na hospital of haci testanan avanza, cual tambe tin tempo di espera masha masha largo mes. Hopi pacient ta keha riba e remedinan cu nan ta haya, debi cu AZV tin cu baha gasto, nan ta sinti cu nan ta haya remedy inferior, cu ta haci nan mas malo. Hopi falta ta wordo sinti tambe di un centro di

rehabilitacion na Aruba pa esnan cu mester rehabilita di un accidente of un maleza. Nos pais ta confrontando p r o b l e m a n a n serio den e area di salubridad, especialmente pa loke ta e calidad di cuido di nos hendenan. MEP ta compromete na mehora e calidad di cuido pa un y tur. Esaki ta encera pone mas dokter di cas pa por atende esnan cu ta enfermo mas liher pone mas specialista pa por atende cu pacientnan sin tin cu warda hopi elimina e bareranan cu ta stroba nos propio yiunan di tera di bin eherce nan profesion medico na nos pais crea mas centro diagnostico den cada districto y

asina trece e cuido medico mas cerca di e ser humano pone mas enfermero pa por brinda mihor cuido atende cu e problematica di e maleza cancer, cu a demostra di tin un indice demasiado halto na Aruba y nos mester investiga ta pakico, pa asina por evite y trate mas eficientemente duna mihor asistencia na esnan den necesidad cu material y remedi pa enfermonan. Cada un di e compromisonan aki lo costa placa, pero MEP ta convensi cu riba salud di hende no tin prijs, y sigur no riba bida di hende. Na mes momento MEP lo dedica atencion na e costo halto di cuido di salud. Caminda ta

necesario, lo baha gasto, pero esaki no por bay a costo di e cuido di salud di e ser humano. Pesey den e vision di MEP ta inclui pa desaroya Aruba como centro di referencia medico. Bow maneho di MEP nos lo crea un centro multidisciplinario, cu ayudo di hospitalnan di renombre internacional, pa crea un hospital general na unda nos por brinda servicionan specializa manera tratamento di malesanan di curazon y tratamento di cancer den tur su manifestacionan. Otro area importante ta e area di transplante di organonan. Na Aruba no tin legislacion pa cu esaki manera na

Den vision di MEP tin tambe pa desaroya Aruba como centro di tratamento of cirugianan estetico, y centro odontologico. Haciendo uso di e situacion geografico privilegia di Aruba, y teniendo e gastonan na nivel competitivo, por desaroya Aruba den un centro estetico, y na mes momento un centro pa relaha. Asina nos ta duna realse na desaroyo di turismo estetico na Aruba. Mirando e gastonan halto di e tratamentonan aki den otro paisnan, nos por desaroya un centro medico internacional na Aruba, y esaki lo por crea un fuente di entrada grandi pa nos isla. Y cu e entrada aki nos por segura un cuido di salud digno pa nos cuidadanonan.

VoxPopuliMEP@gmail.com

Vox Populi

Pag 14

MEI 2013

FINANZAS PUBLICO

MEP TA INFORMA DISTRICTO DI NOORD AUMENTO DRASTICO DI DEFICIT FINANCIERO Regularmente ta ser papia riba deficit financiero di nos pais. Pregunta ta, kico kier meen Deficit Financiero? Deficit Financiero ta e diferencia cu ta existi den presupuesto entre entrada y gastonan total di gobierno. Na momento cu e gastonan total surpasa e entradanan di gobierno, e ora ey nos ta papia di un Deficit Financiero. Y si e entradanan total ta mas halto cu e gastonan total, nos ta papia di un Surplus den presupuesto. Riba e tabel adhunto - compila for di cifranan oficial di Banco Central y IMF - nos por mira e desaroyo di nos deficit financiero y e deficit financiero relata na e GDP durante 2009 te cu 2012. Nos por mira claramente cu na momento cu MEP a bandona gobernacion na 2009 e deficit financiero tabata 163.1 miyon florin y e percentahe di e deficit relata na e GDP tabata solamente 3.6%. Den e siguiente 3 añanan di Gabinete Mike Eman, esaki a aumenta te na 188.7 miyon florin na 2010, 332.5 miyon florin na 2011 y 425 miyon florin na 2012. E porcentahe di deficit relata na e GDP a yega te 4.4% na 2010, 6.9% na 2011 y 8.5% na 2012. Sin duda cu na 2012 esaki tabata un record y hamas bisto den historia di nos pais. Mientras cu e norma Europeo pa loke ta deficit financiero ta 3%, Gabinete Mike Eman ya na 2012 a casi triplifica e norma aki. E cifranan aki ta compila for di relatonan oficial di Banco Central y tambe IMF. Sinembargo e dos ministernan Mike Eman y Mike de Meza tin mas cu 3 aña caba tur dia ta gañando nos pueblo cu e gobierno di MEP a laga un deficit financiero atras di 500 miyon florin. Riba e tabel adhunto nos ta mira cu esaki tabata 163.1 miyon florin.

Riba e siguiente 2 tabelnan nos ta trece padilanti e total di e deficitnan financiero bao di Gabinete Oduber (2002-2009) y nos ta compara esaki cu e deficitnan bao di Gabinete Mike Eman (2010-2012). Mester constata cu e deficitnan bao di Gabinete Oduber durante 8 aña a yega na un total di 682.3 miyon florin, cual ta equivalente na un averahe di 85.3 miyon florin pa aña. Durante Gabinete Mike Eman e deficitnan den 3 aña a suma na un total di 946.2 miyon florin y cual ta un averahe di deficit di 315.4 miyon florin pa aña. Algo nunca bisto, ya cu bao di Gabinete Eman e averahe di deficit ta casi 4 biaha mas hopi cu durante gobernacion di MEP.

AUMENTO DRASTICO DI DEBENAN NACIONAL Mientras cu nos deficitnan financiero a sigui crece durante 2010, 2011 y 2012, nos por mira riba e siguiente tabel con nos Debenan Nacional tambe a crece substancialmente durante e añanan menciona: For di 2.2 biyon florin na 2009 te cu 3 biyon florin na 2012. Tambe e porcentahe di debenan nacional relata na e GDP a crece for di 49.7% na 2009 te na 67% na 2012, mientras cu e norma pa Aruba ta 50-52%

AVERAHE DI DEFICITNAN

Sinembargo e gobierno di AVP no ta preocupa mes cu tur e aumentonan aki. Alcontrario Mike Eman ta sigui financia tur su debe y compromisonan door di ‘djis bay un tiki mas den rood”, manera cu e mes a declara. Hecho ta cu ta danki na e ‘djis bay un tiki mas den rood’ aki nos debenan nacional a yega te na 3.2 biyon florin na 2012 y debi na e debenan cu gobierno mester paga ainda na APFA (700 miyon florin) y tur e debenan ‘off balance’ di entre otro construccion di Hospital nobo (900 miyon florin), e proyecto di Urirama (250 miyon florin), construccion di 5 centro multifuncional (80 miyon florin), renobacion di John F. Kennedyschool (30 miyon florin), Green Corridor (290 miyon florin), finalmente nos debenan nacional lo yega te na mas cu 6 biyon florin. Un cifra espantoso cu lo bay hinca nos pais den un bancarota total. Pregunta: Kico lo para di e futuro di nos yiu, nieto y bisanietonan, kendenan lo bay hereda tur e debenan astronomico aki???

Vox Populi

MEI 2013

Pag 15

E MESA

E MESA DEN ACCION Partido MEP semanalmente ta tene conferencia di prensa na lugarnan rond di Aruba, cu e meta pa denuncia cosnan cu no ta bai bon, y pa enfoca riba proyectonan exitoso di gobierno di MEP. Entre otro e mesa a bay e siguiente lugarnan: Banco Central pa entrega un carta di protesta contra

e hecho cu IMF a nenga pa reuni cu oposicion. Centro Medico San Nicolas pa enfoca riba e vision cu gobierno di MEP tabata tin pa San Nicolas cu e bunita proyecto aki, mientras cu e gobierno actual no a haci ningun inversion real pa San Nicolas. Area di hotel, despues di atraca arma riba

joyeria, pa enfoca riba e importancia pa hasi e area aki sigur y liber di atraco, y presenta e vision di MEP con pa combati criminalidad. School na Kudawecha, pa enfoca riba un proyecto di gobierno di MEP cu realmente a contribui na desaroyo di e pueblo di Noord, contrario na e gobierno actual cu no a

haci nada pa pueblo di Noord.

Vista, ademas di da単o na salud di hende.

Corte di Husticia renoba, pa enfoca riba e proyecto di gobierno di MEP, y pa expresa preocupacion pa cu e ola di criminalidad cu ta azotando nos isla.

Keda pendiente pa mas proyecto cu e MESA ta bishita, pa denuncia cosnan cu no ta bon den nos comunidad y e solucion cu MEP ta presenta. Na mes momento pa mustra cu MEP si a cumpli durante gobernacionnan anterior.

Alto Vista pa enfoca riba e da単o cu e molinanan di biento na Urirama lo ocasiona na naturaleza y e paz na e kapel di Alto

VoxPopuliMEP@gmail.com

Pag 16

Vox Populi

MEI 2013

actividad di mep 17 MAART 2013