PAG. 1
DIABIERNA 31 MEI 2024
Afl.
REUNION PUBLICO PA BIN UN UN RWZI NOBO DEN PARLAMENTO
1.25
DIABIERNA 31 MEI 2024
GERLIEN CROES A RECTIFICA Y PIDI DISCULPA NA MINISTER PRESIDENT Diahuebs atardi Parlamentario Sra. Gerlien Croes durante su discurso den parlamento a extende su disculpa na Promer Minister di su acusacionnan cu e no tin prueba pe. Pues el'a rectifica su ponencia. Gerlien a lansa acusacion falso, bisando cu Evelyn ta accionista of heredero den compania di abogacia di su tata, esta, Sr. Hendrik Croes. Sra. Wever Croes a refuta e acusacionnan
aki bisando cu ni e, ni su tata ta doño di e compania di abogado. E unico doño actual ta Sr. Anthony Ruiz. Pues, ni como heredero, Sra. Wever Croes lo toca parti. Hendrik Croes tin 82 aña y a stop di traha cu 80 aña, pues tin 2 aña cu no ta trahando mas. Gerlien Croes a purba di crea un storia falso, sin tin ningun prueba di loke la trece dilanti. Ora a yega su turno, el'a pidi disculpa pa su
acusacionan sin prueba, indicando tambe cu e lo no kier haye dilanti corte.
12 HURADO A HAYA DONALD TRUMP CULPABEL DEN CASO DI FRAUDE CU PAGONAN HACI NA MODELO PA CUMPRA SILENCIO Diahuebs atardi 12 hurado den corte na Merca a trece nan husgacion dilanti. Tur 12 hurado, unanime, a haya cu Donald Trump ta culapebel di falsifica administracion pa sconde pagonan haci na un modelo "Stormy Daniel". Den añanan anterior Donald Trump a manetene un relacion cu e modelo. Na dado momento a paga e modelo 130 mil dollar pa cumpra su silencio, den porta di eleccion. E
pago di 130 mil no ta viola ningun ley, pero a declare como gastonan di abogado. Esey si ta un delito. Como ex president di Merca, dia 12 di juli Hues lo dicta e castigo cu e lo haya. Como ex presidente, casi sigur e lo no bay cera, pero lo por haya otro sorto di castigo. E sentencia no ta strobe di core pa president, pero si por strobe di emiti su voto.
POLIS A CONFISCA 2 AUTO FOR DI PINDASTRAAT RELACIONA CU LADRONICIA