DIABIERNA 30 JUNI 2023

Oké Take Away

-Papaya stoba

-Moochi pisca ( picuda)

-Fried chicken

-Sopi galiña

Pedido:

747-0505

Diabierna 30 2023

RESTO HUMANO HAYA DEN RESTONAN DI SUBMARINO TITAN

Autoridad a informa cu nan a haya loke ta parce restonan humano den e restonan di submarino Titan cu aparentemente a implociona durante su trajecto pa Titanic.

Recientemente restonan di titan yega tera. Autoridadnan competente a tuma e restonan pa mas investigacion.

SECRETS HOTEL- THREE RIVERS REAL

ESTATE VBA TA RESPETA E DECISION DI CORTE

TA SIGUI CONSTRUI SOLAMENTE DEN AREANAN

CAMINDA PERMISONAN DI CONSTRUCCION A SER DECLARA IREVOCABEL

Minister Endy Croes a informa cu lus a cende na Palo Marga

MIEMBRO DI DOUANE

CONDENA PA TUMA

PLACA Y LAGA HENDE

CU REMEDI PASA NA

AEROPUERTO

Banco di Caribe ta entrega laptop na

Colegio Bon

Bini

Premionan ta wordo anuncia dia 15 di Augustus 2023. Tira e coupon aki den buzon na oficina di Solo di Pueblo na Sta Cruz 110, solamente entre 2or di atardi cu 4or di atardi.

Nomber y faam: …………….............................................................................................................................

Adres: …………………............................ Celular: ………………....... E-mail: …………….........................

1000 florin - 1000 florin - 1000 florin

elMar: eV chargeup level 3 super-fast charger ta live!

ELMAR ta entusiasma pa anuncia cu e tan anticipa level 3 super-fast charger awor ta activo na ELMAR Hato. Propietarionan di vehiculo electrico, prepara bo mes pa experiencia un nivel nobo di conveniencia y eficiencia pa bo necesidad di recarga bo vehiculo electrico.

Awor bo por recarga bo vehiculo electrico te cu 80% den menos di 45 minuut. Sinti libera di preocupacion riba distancia y maneha bo vehiculo electrico cu

trankilidad manera nunca antes! Nos ta dedica pa brindabo e miho solucion di cargamente disponibel.

No laga pasa e oportunidad pa disfruta di ELMAR su super-fast charger nobo “level 3”. Bishita nos app “evergo” awe mes pa registra pa EV ChargeUp of reserva bo sesion di cargamento y experiencia e conveniencia di nos fast charging station.

ELMAR ta entusiasma pa atendebo na nos level 3 super-fast charger na ELMAR Hato!

Minister Maduro ta informa:

PreSuPueSTo 2024 a baY Pa cafT duna Su oPinion

Ta trahando pa presupuesto 2024 tambe por keda entrega na tempo na Parlamento

E presupuesto preliminar di Pais Aruba pa aña 2024 a bay dia 22 di juni pa CAFT pa asina e organo di supervision financiero por duna su opinion.

Den e siman di 10-14 juli

CAFT lo por saca nan conseho y Gobierno lo tin cu prepara e reaccion riba esaki cu lo wordo inclui den e Memoria

di Splicacion cu lo bay compaña e concepto di Ley di Presupuesto 2024. Departamento Huridico lo por ricibi e concepto di presupuesto den e siman di 17 -21 di juli. Despues Departamento Huridico hunto cu Conseho di Minister lo por presenta e concepto na fin di juli of comienso di augustus na Raad van Advies pa asina Gobierno por haya nan conseho. Asina cu Raad van Advies keda cla cu nan conseho riba Presupuesto 2024, Gobierno ta haci

e cambionan necesario y ta brinda e concepto di Presupuesto na Parlamento. Tur esfuerso ta wordo haci pa por entrega e concepto di Presupuesto 2024 na tempo na Parlamento di Aruba, manera a pasa cu Presupuesto 2023.

Si tur cos cana bon, e debate den Parlamento lo por tuma lugar den e ultimo 3 luna di aña 2023 y e Presupuesto 2024 lo por keda aproba fin di december 2023. Despues

cu Gobernador firma e Presupuesto 2024, esaki ta bay pa keda publica den Landscourant pa por drenta na vigor na comienso di aña 2024.

Minister Endy Croes a informa cu lus a cende na Palo Marga

Diahuebs mainta Minister Croes a informa cu 26 lus a wordo cendi na Palo Marga y ta den fase di test.

Cu e inversion aki deporte di drag ta haya un input hamas antes visto, unda pista lo tin claridad sin igual pa e deporte por sali dilanti.

Solo di Pueblo ta felicita tur deportista y fanatico di dragracing.

Prome Minister Evelyn Wever-Croes:

Prome Minister den Parlamanto pa tratamento di dos ley importante AMBOS LEY A WORDO APROBA UNANIMAMENTE

hiba palabra y despues Prome Minister a hiba palabra. Despues a bin e votacion y e ley aki tambe a wordo aproba. Prome Minister a gradici Parlamento pa e sosten na unda ambos ley a keda aproba.

Diahuebs 29 di juni, den Parlamento di Aruba tawata tin reunion publico cu dos punto di agenda. 1. Cambionan tecnico den codigo civil y 2. Cambio den Statuut pa elimina e posibilidad pa impone un Algemene Maatregel van Rijksbestuur sin cu tin un base legal den rijkswet pe. Reunion tawata hopi cortico na unda tawata tin dos votacion. Prome Minister Evelyn WeverCroes tawata e Minister presente pa ambos ley.

Pa e prome ley niun Parlamentario tampoco Prome Minister tawata tin necesidad di hiba palabra y a bay di biaha na votacion y e ley a wordo aproba. Pa e punto di agenda 2, solamente Parlamentario independiente Ryçond Santos do Nascimento a

E di dos ley, Prome Minister a remarca, ta un ley cu ta un iniciativa di un Parlamentario di Hulanda un tempo pasa y ya Corsou y Sint Maarten a adapta e ley aki caba. E tema cu a wordo trata ta hopi cerca di e tema di autonomia. “Pa Gobierno di Aruba y pa Aruba completo, autonomia di nos pais ta hopi importante pasobra ta nos autonomia a yuda nos desaroya nos pais despues di aña 1986 y awe nos ta un di e paisnan pionero den recuperacion despues di e pandemia Covid 19. Danki na e Status Aparte y e forsa interno y duro di nos hendenan pa lucha pa hiba nos pais padilanti”, Prome Minister a expresa.

Pa e motibo aki tambe, Prome Minister a remarca, ta hopi importante pa

nos Colegionan Halto di Estado ta fortifica y ta mas independiente. E siman aki a firma un protocol cu Raad van Advies despues cu Parlamento a aproba e ley y awo Raad van Advies tin su protocol unda cu nan mes ta maneha nan personal y presupuesto pa paga salarionan. E siguiente Colegionan Halto di Estado pa wordo independisa ta Controlaria General y Parlamento y tambe Ombusman despues cu Parlamento aproba esaki. Di e manera aki, ta garantisa e prinicipio y fundeshi di nos democracia y nos autonomia.

Studiantenan cu ta bay studia den exterior Mester informa riba exigencianan di e pais caminda nan ta bay studia

no laga esaki pa e ultimo dianan, pasobra tin vacuna cu mester wordo duna den serie di mas cu un vacuna y mester tene cuenta cu e tempo nesesario entre e vacunanan. Studiantenan cu a perde nan prueba di vacunacion di ora nan tawata mucha por yama Seccion di Cuido Salud

Hubenil na 5224200 pa ricibi un copia di esakinan y studiantenan cu mester vacuna di entre otro Meningitis, Yellow Fever of cualkier otro vacuna por tuma contacto cu Seccion di Malesanan Infeccioso na 5224200 pa mas informacion y un cita.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_ volksgezondheid_aruba, subi nos website www.dvg. aw, yama nos na 5224200 of mail nos na servicio@ dvg.aw

29 juni 2023: Dentro di poco ta yega e momento cu studiantenan cu a caba nan estudio na Aruba lo tin cu sigui nan studio na paisnan den exterior. Ta conoci cu studiantenan di Aruba ta biaha pa diferente pais y region pa sigui cu nan studio.

Sea e studiante ta bay Hulanda, Merca of un pais den Latino America ta importante pa e studiante informa su mes riba exigencianan di e pais, scol of campus

cu e lo atende. Un di e exigencianan hopi biaha ta cu e studiante mester tin e vacunacionnan basico entre otro DKTP, MMR y Hip-B cu ta wordo duna na mucha for di ora nan ta baby na Wit Gele Kruis te cu 10 aña ora nan ta na scol basico.

Banda di e vacunanan aki riba menciona, tin paisnan cu ta exigi e vacuna contra Meningitis y otronan contra Yellow Fever.

P’esey ta importante pa tur studiante busca informacion trempan y

Informacion y programa Acto Conmemoracion 160

Aña Abolicion di Sclavitud denReino Hulandes

cu atende na e entrada y salidanan di autonan di mandatarionan. Su Excelencia Gobernador di Aruba lo yega pa 8:10 AM pa e programa cuminsa na tempo en conexion cu e discurso di su Mahestad Rey Willem Alexander lo tin transmision en bibo pa 8:27 AM. Na momento cu e programa termina, lo pidi atencion di tur presente pa salida di su Excelencia Gobernador di Aruba.

E invitacion ademas di PR Team di Gobierno y di Ministernan, tambe prensa en general ta invita pa cubri e evento. Ta pidi un y tur haci nan trabou den forma organisa y coordina pa no stroba trabou di otro. Miembronan di Prensa lo ricibi un badge pa por identifica nan mes durante cu nan ta haci nan trabou. Mandatario cu ta desea di wordo entrevista pa prensa, nos ta pidi pa haci esaki despues di e acto conmemorativo.

Persona di contacto cu prensa ta mi persona na cel: 562-9129. TeleAruba lo transmiti e evento en bibo. E parti protocolario lo ta den man di Team di Protocol di Gobierno di Aruba sr. Aaron Arenas y sr. John Flemming. Atentamente, Anexo – Programa 1 di juli 2023 Junior Arends Bureau Minister di Finansa

E aña aki dia 1 di juli proximo ta conmemora e di 160 aña di Abolicion di Sclavitud den Reino Hulandes. Pa conmemora e fecha historico aki, Gobierno di Aruba pa medio di Minister di Cultura ta organisa un ceremonia special pa e ocasion aki. Relaciona cu e programa di e Acto di Conmemoracion 160 Aña Abolicion di Sclavitud den Reino Hulandes, nos ta informa lo siguiente: Tur mandatario y invitado

ta ser spera pa yega na e Plenchi dilanti Museo Arqueologico Aruba na Schelpstraat 8 entre 7.30 AM pa 8.00 AM. E trahe ta Casual Elegante. Lo tin usher cu lo compaña e mandatario-, parlamentarionan y demas invitado na nan luga asigna. Pa garantiza seguridad di tur esnan presente lo tin presente VIP TEAM y agentenan policial presente. Ademas lo tin miembronan di compania di seguridad

Miembro di Douane condena pa tuma placa y laga hende cu remedi pasa na aeropuerto

Awe mainta Corte di Husticia a trata e caso penal cu Ministerio Publico a cuminsa contra un miembro di Douane, kende ta wordo acusa di a accepta placa pa laga un pasahero pasa cu remedi na aeropuerto.

SOLO DI PUEBLOpor a compronde cu aunke cu e miembro di Douane

D., ta desmenti di a pidi placa, el a wordo condena y entretanto a wordo kita for di Douane.

TUMA REGALO Y ABUSA DI FUNCION

Fiscal ta acusa D. cu riba 25 November 2021, el a haci mal uso di su funcion y a tuma regalo 50 florin y a laga un pasahero drenta cu medicina.

D. a desmenti di a haya placa. El a bisa Hues cu el a bisa e pasahero cu e no por drenta cu e medicina y cu mester bay Inspeccion di Medicina pa controla. Segun B., ora e pasahero a splica cu ta pa dolor, e ora ey di bon curazon, el a lag’e pasa.

Hues a bisa cu director di Douane a haci denuncia cu D. a viola su funcion door di pidi un pasahero placa y laga medicina pasa sin cu esakinan a keda controla door di Inspeccion di Medicina. D. a desmenti categoricamente di a pidi placa.

Hues a bisa cu e dama S. Douanero a declara cu e tabata trahando y a wordo acerca pa un hende kende a bisa, desde ki tempo ta cobra pa remedi pasa sin haya recibo. E hende a bisa cu un pasahero a bis’e. E pasahero a bisa cu el a wordo controla door

di Douane y cu Douane a bis’e cu si e paga 50 florin e lo lag’e pasa. E homber a bay pin na e bancomatico den aeropuerto pa paga e Douanero D. Segun D. el a bay pafor pa bay bebe awa y na dado momento el a mira e homber a cana bin riba dje y a dun’e man y el a sinti algo den su man. Hues a bisa cu e ta haya straño cu e pasahero a sali pafor caba y despues a duna D. algo. Hues a puntr’e si el a mira e placa. Segun D., e no a mira kico e homber a dun’e. Ta despues el a mira cu ta 50 florin dobla chikito. Un rato despues, el a wordo yama den oficina di Douane caminda S. tabata para cu e dos hombernan. Despues di a confront’e cu e pasahero, a kita su badge y a prohibi’e drenta tur oficina di Douane.

FISCAL

Fiscal ta haya legalmente proba cu D. a haya placa pa laga e pasahero pasa cu medicina. El a bisa cu e no ta kere declaracion di D. E ta kere e pasahero cu a bisa cu D. a bis’e cu si e paga e lo lag’e pasa cu e medicina. Na opinion di Fiscal, ora e pasahero a sali, D. a bay su tras pa asina haya su placa. Fiscal ta haya cu D. a mal usa su funcion door di cobra placa pa laga pasahero pasa cu medicina cu mester a wordo controla door di Inspeccion di Medicina. Fiscal a bisa Hues cu comunidad mester por confia riba integridad di Douanero. Esaki ta duna Douane mal nomber. Pa cu e castigo, Fiscal a bisa cu door cu ya a pasa casi 2 aña, e ta exigi 200 ora di

trabao pa comunidad y si D. no cumpli cu esaki, e lo mester bay 100 dia sera.

ABOGADO

Mr. Rosenstand a bisa Hues cu D. ta desmenti cu el a pidi placa. Na opinion di e abogado, ta e pasahero a ofrece placa. E abogado ta haya cu e pasahero tambe mester a wordo persigui, pa a cumpra un ambtenaar. El a sigui bisa cu e pasahero no a duna D. placa den e espacio di controla maleta. E pasahero a duna D. 50 florin, despues cu ya e remedinan a keda importa. E abogado a bisa Hues cu no ta e pasahero a bay keha sino e otro persona cu mester a haya e remedinan. E abogado ta haya cu no por prueba aki cu D. a haya placa. Na opinion di abogado, por considera esaki un regalo cu e pasahero latino a duna, pasobra D. a lag’e pasa cu e remedinan. E

abogado a bisa Hues cu e unico cos cu D. a haci ta laga e pasahero pasa cu e remedinan door di motibo humanitario. E ta haya cu Hues mester declara cu no ta persigui D. El a pidi adicional pa laga Hues Comisario scucha e dos miembro di Douane y e pasahero. E abogado ta haya cu e declaracion di e testigonan aki ta importante pa e caso di retiro di D. cu a apela.

SENTENCIA

Hues a sera tratamento di e caso y a dicta sentencia. El a bisa cu D. a admiti di a laga e pasahero pasa

cu e remedinan. Hues ta haya cu si un empleado di Gobierno haya placa, esaki ta violacion di su trabao y ta wordo considera corupcion. Hues ta haya cu D. a accepta placa pa a traha contra reglanan di su trabao. Hues a confirma e exigencia di Fiscal esta 200 ora di trabao comunitario y si no cumpli lo mester bay 100 dia sera. Hues a rechaza e peticion di abogado pa scucha e testigonan.

Despues di e sentencia, mr. Rosenstand a bisa Hues cu lo apela e sentencia.

SECRETS HOTEL- THREE RIVERS REAL ESTATE VBA TA RESPETA

E DECISION DI CORTE Y TA SIGUI CONSTRUI SOLAMENTE DEN

AREANAN CAMINDA PERMISONAN DI CONSTRUCCION A SER

DECLARA IREVOCABEL

, Three Rivers Real Estate, desaroyador di Secrets Baby Beach Hotel, pa medio di e comunicado aki ta desea di duna un aclaracion amplio pa loke a ser publica den un comunicado di prensa reciente relaciona cu e decision di corte pa mantene e suspension di permiso di construccion pa un parti specifico di e proyecto di Secrets Hotel. Na prome luga, Three Rivers Real Estate ta respeta completamente e decision di corte recientemente relaciona cu un disputa cu un permiso di construccion na un area specifico di e proyecto di e hotel. Mientras cu e sentencia aki ta limita e actividadnan di construccion den e area concerni te ora cu un sentencia di corte wordo emiti, e no tin influencia riba e continuidad di e resto di e proyecto, unda cu e permiso legal ya a ser declara irevocable pa e corte y, consecuentemente, e construccion ya ta andando.

E decision di corte, emiti pa corte di prome instancia, ta reconoce e necesidad pa sigui procesonan regulatorio y a dirigi su maneho pa no construi den e area den disputa te ora cu un decision wordo tuma pa corte relaciona cu e permiso di construccion cu ta wordo disputa pa algun habitantenan den e area.

"Mientras cu nos ta respeta e decision di corte relaciona cu e permiso di construccion pa e area den disputa, nos ta contento di por continua

e construccionnan den e seccion di nos proyecto caminda permisonan legal a ser declara irevocabel. E trabaonan aki lo wordo realisa cumpliendo cu tur e reglanan y guia aplicabel di e instancianan concerni.

Awor nos ta wardando e decision di e corte tocante e areanan den disputa," asina Sr. Alejandro Murcia, director di Three Rivers Real Estate a declara.

Three Rivers Real Estate ta keda comprometi pa un comunicacion transparente y mantene un Partnership solido cu pueblo di San Nicolas y henter comunidad di Aruba.

Riba e imagennan aki por mira e resultado final di e proyecto cu lo forma parti di Secrets Baby Beach Hotel.

MINISTER ENDY CROES TA DEN NEGOCIACION PA FIRMA

UN MOU NOBO CU SENECA POLYTECHNIC CANADA

Diaranson merdia, Minister Endy Croes hunto cu rector di Universidad di Aruba Sra. Viola Heutger y Minister Plenipontenciario na Washington Sra. Joselin Croes a bishita Seneca Polytechnic College na Toronto, Canada. Minister Endy Croes a indica cu a cuminsa cu negociacion cu Seneca Polytechnic College pa wak si e interesnan ta mutuo pa firma un MoU nobo. Seneca Polytechnic College a duna un presentacion y splicacion di nan cambio di maneho. Tambe, a dialoga riba diferente punto di interes manera colaboracion cu Universidad di Aruba pa intercambio di docente y studiante, programanan di investigacion y colaboracion cu por yuda Aruba sigui desaroya. E MoU nobo ta encera pa Aruba por haya mas colaboracion, cooperacion, intercambio y tambe pa nos studiantenan haya un miho tarifa di scol (schoolgeld). Depues di e reunion, Minister Endy Croes a haya un tour di e campus y facilidad. Seneca Polytechnic College ta conta cu cinco (5) campus y ta brinda mas di 150

estudio den diferente ramo, incluyendo negoshi, engeria y salubridad.

Minister Endy Croes a agrega cu loke cu a hala su atencion den e tour na Seneca Polytechnic College tabata e avion pa e estudio pa steward y stewardess y “robotics mechanical engineering”. Un estudio nobo, pero sigur inspirativo y innovativo. Minister Endy Croes a enfatisa cu e posibilidadnan di estudio na Seneca Polytechnic College ta grandi.

Sr. Keith Monrose, “Executive Director di Seneca International” a indica cu na Seneca Polytechnic College e studiante ta haya e conocemento-y habilidadnan pa trabou di futuro. Seneca Polytechnic College ta brinda e studiante e teoria y practica pa e transicion di estudio pa mercado laboral. Tambe, e scol ta brinda e studiante hopi oportunidad pa intercambia cu studiantenan di 150 pais na mundo.

Durante e tour a topa cu Cindy Wu, un studiante Arubiano cu ta den su delaster semester na

Seneca Polytechnic College. Cindy ta conseha tur studiante cu kier continua nan estudio na Seneca pa aplica, no tene miedo y no rindi. Na Seneca Polytechnic College bo ta haya sosten, bo ta sinti na cas y sinti cu bo ta pertenece na e comunidad.

Sra. Shalini Jaggan, “Regional Business Development Manager, The Caribbean, Seneca International” a expresa cu e studiantenan Arubiano ta fantastico. Tin hopi studiante di Aruba cu ta studiando na Seneca Polytechnic College. E studiantenan ta encanta e sosten y tur loke Seneca Polytechnic College tin pa ofrece. E scol ta brinda e studiante teoria y practica pa crece no solamente riba e nivel academico, pero tambe personal.

Pa finalisa, Minister Endy Croes a enfatisa cu ta sondeando e posibilidadnan pa cera un MoU nobo Seneca Polytechnic College. Pa asina brinda nos studiantenan di Aruba mas posibilidad- y careranan nobo na un tarifa mas economico.

Minister Endy Croes: A FIRMA DIFERENTE ACUERDO CU COLLEGE Y UNIVERSIDAD DI TORONTO, CANADA CU TA BENEFICIOSO

PA E STUDIANTENAN DI ARUBA

Diadomingo atardi, Minister di Enseñansa y Deporte Endy Croes a sali pa un biahe di trabou hunto rector di Universidad di Aruba Sra. Viola Heutger y Minister Plenipontenciario na Washington Sra. Joselin Croes na Toronto, Canada. Durante e biahe di trabou na Canada, a firma diferente Memoramdum of Understanding (MoU) cu diferente scol, entre otro, Centennial College, Sheridan College y Ontario Tech University. E acuerdonan aki ta brinda oportunidad na e studiantenan di Aruba pa eherce un estudio na Canada na un tarifa hopi mas abou. Alabes a bishita Seneca College y ta

haciendo cu negociacion cu nan. Ademas di esaki, Minister Endy Croes a probecha e biahe di trabou aki pa reuni cu studiante di Aruba cu ta eherciendo un estudio aya.

E studiantenan di Aruba a comparti nan experencia di estudio na Canada y a duna algun conseho na esnan interesa pa studia na Canada. Prome cu sali di Canada pa bay otro destinacion, Minister Endy Croes a reuni cu Consul General di Reino Hulandes, Sr. Harman Idema. Pa finalisa, Minister Endy Croes a indica cu e tabata un tremendo biahe di trabou, unda a firma diferente acuerdo cu ta beneficioso

“Bo ta desea di cambia bo yiu di scol y inscribi na un scol di SKOA?”

Den luna di juni mayornan tin e oportunidad pa cambia nan yiu di scol cu no ta resorta bou di SKOA pa e proximo aña escolar. Mayornan awo tin e oportunidad pa por haci aplicacion y inscribi na un scol cu ta resorta bou di SKOA te cu 12 di Juli 2023.

Con pa cambia di scol? Pa cambia oficialmente di scol y aplica na SKOA mester haci esaki oficial via un formulario. Mayornan por pasa busca e formulario aki na oficina di SKOA y yena esaki completo cu tur documentonan rekeri.

Tambe por download e formulario via nos website www.skoa.aw y yena esaki pa entrega na oficina di SKOA. Por entrega e formulario aki dia 10, 11 of 12 di juli 2023.

Documentonan

importante pa haci e cambio di scol pa e mucha:

● Ultimo rapport di scol (aña escolar 2022/2023)

● Uittreksel bevolkingsregister (papel di Censo)

● Copia di AZV-kaart

● Carta di Motivacion pa e cambio di

scol

● Certificado di Bautismo (si ta aplica)

Despues di entrega e formulario pa cambio di scol lo ricibi un respuesta di SKOA na final di luna di Juli.

Dicon scoge pa un scol di SKOA?

SKOA ta e organisacion di educacion mas grandi na Aruba cu ta ofrece educacion di calidad halto. SKOA tin un curiculo completo cu ta enfoca ariba e desaroyo y crecemento general di cada alumno y studiante. SKOA ta enfatisa su

balornan Catolico, comunicacion na nivel multilingual, diversidad y inclusion, innovacion y tambe actividadnan extra-curicular. Como mayor bo por ta sigura cu bo yiu(nan) lo ricibi un educacion completo na SKOA. Si bo kier pa bo yiu experiencia un forma diferente pa siña y discubri su potencial aplica na SKOA.

Pa haya mas informacion di tur e scolnan cu ta resorta bou di SKOA por bishita nos website www. skoa.aw. Por haci pregunta tocante cambio di scol via email na aplicacion@ skoa.aw. Pa contact nos directo por yama nos na (+297) 523 1800 durante orario di oficina.

MINISTER ENDY CROES A REUNI CU CONSUL GENERAL DI REINO HULANDES NA CANADA SR. HARMAN IDEMA

Durante biahe di trabou na Canada, Minister di Enseñansa y Deporte Endy Croes tabatin un reunion virtual cu Consulado General di Reino Hulandes na Canada. Durante e reunion a dialoga tocante diferente punto importante pa Aruba y pa nos studiantenan di Aruba. Durante e reunion virtual, e ehecutivonan di York University (YU) tabata presente y a presenta nan posibilidadnan.

York University ta conta cu 56.000 studiante. A ofrece intercambio cu Universidad di Aruba riba diferente tereno y a dialoga di e posibilidadnan pa nos studiantenan di Aruba. Siguientemente, Minister Endy Croes a haci un

peticion na Consul General Sr. Harman Idema pa yuda Aruba persuadi Gobierno di Canada pa Aruba por wordo reconoci riba e lista di Emerging Leaders in the Americas Program (ELAP), cual ta brinda e studiantenan internacional oportunidad di haya beca (scholarship) a traves di Gobierno Canades. Cu e programa di ELAP, e studiantenan por eherce un estudio na Canada durante seis (6) luna cu tur cos paga. Banda di esaki, e mandatario di Enseñansa a pidi consul pa haci un peticion na Gobierno di Canada y imigracion Canades pa reconoce e carta di Arubalening. Normalmente, un studiante di Aruba mester tin 10 mil dollar riba nan cuenta di banco pa solicita

pa nan VISA. Gobierno Americano si ta reconoce esaki y Canada ainda no. Minister Endy Croes ta expresa cu e ta spera nos logra esaki den un futuro cercano. Tambe, a pidi consul contribui den e aspecto di Biometric Test cu Canada ta exigi pa VISA. Actualmente, nos studiantenan mester bay haci esaki na Bogoto of Miami.

Ademas, a haci otro peticion na consul pa yuda yega den contacto cu compania Epic Games Store riba recomendacion di Sharidan College pa algun proyecto interesante. Fuera di esaki, a papia tocante e deseo cu Aruba tin pa consul organisa un evento anualmente pa e studiantenan di Reino Hulandes cu e meta di trece nan hunto y pa

keda den contacto cu nos studiantenan na Canada. Consul General Sr. Harman Idema a keda impresiona cu e idea aki y hunto lo haci un trabou pa realisa esaki. Finalmente, Minister Endy Croes a indica cu e tabata un reunion fructifero, unda a trece diferente peticion dilanti pa e desaroyo en general di enseñansa di Aruba y na biestar di nos studiantenan.

Den reunion via Zoom cu Secretario di Estado Alexandra Van Huffelen

GOBIERNO A DUNA SPLICACION DI PREPARACIONNAN PA E ACTIVIDAD PA

CONMEMORA E DI 160 AÑA DI ABOLICION

DI SCLAVITUD DEN REINO HULANDES DIA 1 DI JULI PROXIMO

ORANJESTAD - Via Zoom Meeting, Gobierno y Secretario di Estado Alexandra Van Huffelen a hiba conbersacionnan principalmente riba e tema di abolicion di sclavitud. Prome Minister Evelyn Wever-Croes a duna di conoce cu esaki ta un reunion regular cu ta tuma luga prome cu cada reunion di Conseho di Minister di Reino cu Secretario di Estado pa trata agenda di Aruba pero e biaha aki sinembargo no tawatin puntonan relevante riba agenda pa Aruba. Durante e reunion, a elabora riba e tema di "slavernij verleden" na unda cu a duna señora Van Huffelen

un splicacion di tur loke Aruba ta trahando riba dje pa otro siman.

Prome Minister a indica cu e topico di historia di sclavitud na Aruba ta keda un topico di interes entre Aruba y Hulanda. Ortro siman lo tin e actividad pa conmemora e di 160 aña di abolicion di scalvitud den Reino Hulandes. Esaki lo tuma luga dia 1 di juli proximo.

Secretario di Estado Alexandra Van Huffelen lo ta na Aruba otro siman 4 di juli pa un bishita di trabou hopi cortico.

VALIDO TE DIABIERNA 30 DI JUNI 2023, 18:00 ORA

TEMPO:

AWE TARDI Y AWE NOCHI: PARCIALMENTE NUBLA Y GENERALMENTE SECO

DEN MARDUGA Y MAYAN: PARCIALMENTE NUBLA CU UN AWACERO LOCAL

TEMPERATURA MAXIMO 33 GRADO CELSIUS

TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND

DI ORANAN DI MERDIA: 34 PA 40 GRADO CELSIUS

UV INDEX: 12

REGISTRACION DI TEMPERATURA (GRADO CELSIUS) Y

AWACERO (MM) DEN ULTIMO 24 ORA (8’AM PA 8’AM):

AIRPORT : MAX 34 / MIN 28 / 0.0 MM

WESTPUNT: MAX 33 / MIN 28 / 0.0 MM

STA ROSA: MAX 33 / MIN 28 / 0.0 MM

PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE.

BIENTO LO TA FOR DI DIRECCIONAN ENTRE OOST TE OOST- ZUIDOOST Y MODERA TE BASTA FUERTE,

POSIBLEMENTE FUERTE DEN RAFAGA; TEMPERATURA (GRADO CELSIUS) MAX / MIN LO

TA: 33 / 28

Minister Maduro di Finansa ta informa:

GOBIERNO TA LOGRA PA BAHA E NIVEL DI E DEBE NACIONAL CU PROPIO FONDO (SURPLUS) DESPUES DI HOPI AÑA

Maneho financiero serio ta dunando su frutonan

Recientemente Gobierno di Aruba a logra cumpli cu su necesidad financiero pa e prome mita di aña 2023 na un manera exitoso riba mercado local, haciendo uzo di fondo propio (surplus den presupuesto 2023) y un emision exitoso di bono di Gobierno riba mercado local. Di e manera aki Gobierno despues di hopi aña por a evita di crece e debe di nos Pais, door cu por a cubri parti di su necesidad financiero haciendo uzo di propio fondonan. Esaki ta prueba cu e maneho financiero serio di nos Pais ta dunando su frutonan.

A cuminsa baha e debe cu 35 miyon florin den e prome mita di aña 2023

Den aña 2023 Gobierno di Aruba mester paga un total di 473 miyon florin na debenan cu a wordo haci den pasado. Di e suma aki un total di 195 miyon florin mester wordo paga den e prome mita di aña 2023. Cifranan preliminario ta mustra cu Gobierno a logra paga parti di e debe aki cu 35 miyon florin cu a wordo genera fo'i propio fondonan di Presupuesto 2023. Esaki sigur ta un cambio y mehoracion grandi den e maneho financiero di nos Pais.

Surplus ta yuda baha crecemento di debe

Den añanan anterior Gobierno

cada bes mester a refinancia e pago di e debenan cu ta madura, pa motibo cu no por a genera fondo propio (surplus) cu ta necesario pa realmente por a cuminsa paga e debe bek. E prome resultadonan di aña 2023 ta mustra cu e aña aki esey lo bira diferente. Un cambio den e forma con ta atende cu e debe nacional a bira posibel danki na e resultadonan financiero den e prome parti di e aña aki. Gobierno di Aruba por a genera suficiente entrada pa por a paga 35 miyon florin na debenan bek, sin cu tabata necesario pa financia esaki. Esaki ta nifica cu efectivamente e surplus di 35 miyon florin a yuda pa baha e crecemento di debe den e prome mita di aña 2023.

A emiti un bono exitoso pa cubri e resto di e necesidad financiero pa mita di aña 2023

E restante di e 195 miyon florin, e 160 miyon florin cu mester a paga den e prome parti di aña 2023 a wordo paga pa medio di un bono di Gobierno cu a wordo emiti exitosamente contra un interes di 5,73%. E demanda pa e bono aki di parti di inverstionistanan y publico riba e mercado local a resulta di ta substancial y a keda registra na 125% mas grandi compara cu locual Gobierno a pidi. Esaki na su turno a pone cu e bono por a

wordo emiti na un prijs mas competitivo.

Mester baha debe pa por baha gasto di interes

E ta sumamente importante pa Gobierno baha e debe di Pais Aruba. Mas e debe crece, mas gasto tin di interes. Pa aña 2023 e debe nacional lo costa Aruba aproximadamente 262 miyon florin na gasto

di interes. Esaki ta un di e gastonan mas grandi cu Gobierno di Aruba tin y den Presupuesto 2023 por compara esaki cu gastonan presupuesta pa Ministerio di Enseñansa y Ministerio di Husticia cu ta dos di e ministerionan di mas grandi den Gobierno di Aruba. Mas placa bay pa cubri gasto di interes, ta menos placa ta resta pa por inverti. Pa e motibo aki mester baha e gasto di interes halto, y pa haci esaki, mester baha e nivel di e debe.

Gobierno di Aruba a indica den deliberacion cu, entre otro, inversionistanan, rating agencies y IMF, cu e intencion e aña aki ta, pa cuminsa baha e parti externo di e debe di Pais Aruba. Por bisa cu den e prome mita di aña 2023, Aruba a logra baha un 94 miyon florin di su debenan internacional, sea pagando bek of pa medio di e bono riba mercado local. Es-

aki sigur ta un bon señal cu Gobierno di Aruba ta hiba un maneho financiero serio cu ta duna su fruto.

Maneho financiero serio ta dunando su fruto

E resultado den e prome mita di aña 2023, ta un prome indicacion cu Gobierno di Aruba ta riba e bon caminda pa logra e meta pa baha e debe nacional cu aproximadamente 60 miyon florin den aña 2023. Minister Maduro ta informa cu e siguiente bono pa cubri e restante di e necesidad financiero di Gobierno di Aruba den aña 2023, lo wordo emiti den luna di juli y ta spera cu inversionistanan local un biaha mas lo sa di reconoce e balor di Aruba como un inversion solido. E mandatario di finansa ta gradici tur instancia y persona cu ta yudando pa asina por implementa e cambionan necesario y ta apoya e maneho financiero serio cu ta wordo hiba na bienestar di ful Aruba. Masha danki pa kere den Aruba!

E importansia pa e pueblo Boneriano di e tan spera deskulpa pa sklabitud di Rei Willem

no ku e kampanja Internashonal I Nashonan Uni di konsientisashon ku un perenigrashon di mas ku 460 dia den eksterior ta lobby I kreando konsiensa riba e sutuashon di violashonan di derechonan humano na Boneiru

3 -Nos pueblo ta wordu sorpresa

Ku e posibel deskulpa dor di Rei Willem riba 1 di juli 2023, komemorando 160 anja di abolishon di sklabitut den Reino Hulandes, e mesun dia lo tin un evento publiko organisa pa e gobierno di Boneiru den kolaborashon ku gobierno di Hulanda ku lo wordu televisa den un gran seremonia na Boneiru. Un hende lo puntra nan mes kiko e hendenan di Boneiru ta pensando riba e ultimo desaroyonan aki. Kiko lo ta e motivashon ku e Prome Minister Rutte prome I awor e Rei Hulandes pa pidi despensa siendo na komienso di 2022 nan tabata nenga algu asina pasobra nan tabata bisa ta kos di pasado i ku no ta nan?

Wel, por ta algun kos:

1 -Un kortina di huma pa skonde e hecho ku Boneiru ta ketu bai un kolonia pasobra na e disolushon di Antia Hulandes na 10 oktober 2010, nos isla Boneiru a wordu ankra den Konstitushon Hulandes bao di derechonan desigual. Nos outonomia ku nos tabata tin desde 1954 a wordu elemina I revoka, I Boneiru a wordu debolbe na un era-kolonial-di-gobernashon for di Den Haag. Tur Boneiru su desishonan I sen di impuesto ta bao di kontrol di Gobierno Hulandes.

2 -Pa kontrola e narativo I stop e grupo di derecho humano di James Finies ku ta ganando tere -

I ta asepta e status illegal pasobra nan a permanese inkonsiente di su propio historia di sklabitud I e historia di su antepasadonan ya pa e ultimo 80 anjanan esaki nunka a wordu sinja na skol E proseso di emansipashon di e pueblo Boneriano a wordu para, I nos no por realmente komprende kiko a pasa ku nos pasobra nos nunka a wordu, sinja, eduka, o informa di nos pasado kolonial di sklabitud I nos pueblo no tin konosemento o un defensa kontra e rekolonisashon kontemporario institushonalisa Hulandes nobo aki I e mas atroz depopulashon I genosida nativo sistemiko ku a surgi imediatamente pa medio di abuso di poder di e gobierno Hulandes.

Algun anja pasa riba prome di Juli mi mama di 75 anja a akompanja mi I skucha mi papia den misa di Rinkon titula “1 juli 1863 ta e dia di mas importante di nos historia”. Ora nos tabata kore bai kas bek e la komenta ku e la tende, na edat ku e tabata, pa prome biaha ku 1 di juli 1863 tabata dia di abolishon di sklabitut. E tabata un tempu hopi duru pa James Finies ku a kuminsa skirbi I hasi akshonan pa lanta e konsiensa di nos pasado di sklabitut I e liderazgo di nos isla I elite publikamente a kuminsa ataka James Finies pa ta “negativo”, ku “nos no mester papaia di nos pasado”, “sindroma di viktima” I hopi otro abuso mas.

James Finies a wordu denunsia na 2014 komo buskado di problema, kontroversial, asta yama rasista I ta kontra makamba pa lidernan di Boneiru ora ku e a tuma e kurashi pa pasa e pelikula renombra “Tula- e Rebelion” un relato di lucha inigual pa hustisia na 1795 na Korsou, un kolonia Hulandes. Nos a pasa e prome pelikula/dokumentario di hisotria-di-sklabitut di nos islanan ku a estrena na

Korsou. Komo ku no tabata tin teater na Boneiru e produktornan di sine I agentenan a hala atras pa pasa e sine aki na Boneiru. James Finies a disidi pa pasa e pelikula aki pa e pueblo di Boneiru den tur bario di Boneiru. E la hanja sosten grandi di Sr Albert Silie ku ekipo I ekspertiso pa pasa e pelikula. Na november 2014, James Finies ku un grupo di Boneriano desidido I konsiente di nan derechonan a lanta atrobe I kana e kaminda di emansipashon I igualdat riba fecha di komemorashon di e uniko lantamento di katibu dokumenta na Boneiru riba 10 november 1834. Nos a organisa un kaminata di protesta pa libertat “ E Spiritu di Martis di Katalina Janga ta bibu” na honor di Martis di Katalina Janga, lider di e lantamento di 1834. Nos kaminata pa libertat a start na plantashi di salu na Salinja den parti suit di nos isla I a kana dia I anochi non-stop pasa den tur barionan di Boneiru bai Rinkon, e prome establesemento na Boneiru I bolbe bek Kralendijk. Na e ofisina di gezaghebber I gobierno nos a start un protesta 24/7 ku a dura 222 dia I no a stop I no a bai kas te ora ku un referendum a wordu duna na e pueblo di Boneiru.

Deklarashonan di un historiado konosi, aktvista politiko I komentarista den media ku for e tempu ey te ku awe ta nenga di respeta e

akshonan I esfuersonan di nos organisashon I ta yama nos organisashon ku e nomber di “grupo di Martis di Katalina Janga”

Un otro lider politiko a skirbi un artikulo di prensa pa purba deskredita nos akshonan di lunanan di protesta komo si fuera ku nos “ ta yamando na spiritunan di Martis di Katalina Janga di pasado komo bruheria “ E importansia di un diskulpa pa e Rei Hulandes Willem pa e pueblo di Boneiru lo ta kasi nada I por wordu konsidera komo “lagrima di krokodilo”. Un kortina di huma disenja pa komunidat internashonal ku e intenshon pa hasi vago I skonde e realidat di e pueblo Boneriano ku a wordu nenga I skondi nan historia I ku no lo komprende pa kiko o dikon un despensa komo ku nunka a goza di igualdat I a permanese te ku hasta dia di awe subordina I kolonisa pa e mesun Rei Hulandes Willem I su gobierno.

Chauffeur bou influencia di droga of alcohol deteni pa core auto zig zag riba caminda

Palm Beach: Diaranson den careda di 9'or y 45 di anochi, durante patruya den area di hotelnan, e agentenan den e patruya di polis a nota un Hyundai Blanco cu basta hende den dje coriendo zig zag riba caminda.

Mesora e agentenan a duna e chauffeur di e Hyundai señal pa e para, esaki a sosode na altura di ex House of Cheng's pabou di e T kruising di Avenida Nelson O. Oduber. Mesora polis a bin com-

pronde cu e personanan den e auto ta riba un trip, tambe nan a ripara cu e chauffer ta bou influencia. Den e auto tabata tin holor fuerte di marihuana, mesora a cuminsa cu un control y a bin topa cu un grinder den e auto.

Polis a detene e chauffeur y cu transportwagen e la wordo hiba warda di polis, su amigonan a keda na pia y lo mester a busca lift.

Banco di Caribe ta entrega laptop na Colegio Bon Bini

ORANJESTAD:

Recientemente Banco di Caribe a haci entrega di laptop na Colegio Bon Bini. Banco di Caribe semper ta aporta na educacion di nos muchanan. Yudando Colegio Bon Bini cu e laptopnan, ta yuda e scol pa tin e materialnan necesario pa asina brinda e miho educacion na e muchanan cual ta nos futuro.

Colegio Bon Bini ta un scol primario cu ta situa den Madiki, Oranjestad

y a wordo funda na aňa 1968. A harbi su portanan oficialmente dia 24 di januari 1969. Colegio Bon Bini ta un scol di SKOA y e cabesante actual ta Sra. Sherissa Tsu.

E team di Colegio Bon Bini ta consisti di alumno, mayor y maestronan cu ta percura pa haci e ambiente placentero y sigur.

Actualmente tin 135

alumno. Nan ta traha cu animo y positivismo pa hiba nan scol y alumnon-

an dilanti.

Ta percura pa duna enseñanza di calidad na e alumnonan, tin un bon structura y ta percura pa disciplina na scol. Banco di Caribe ta contento di por duna su aporte na Colegio Bon Bini.

Riba e foto por mira Sr. Giovanni Croes y Sr. Elvin Maduro, Managing Director di Banco di Caribe hunto cu e cabesante actual di Colegio Bon Bini, Sra. Sherissa Tsu y muchanan di 5de klas

Despues di mas di 20 aña a tuma luga un torneo di internacional di Basketball na Aruba

Siman pasa 21 juni te cu 26 Juni despues di mas cu 20 aña a tuma luga un torneo di internacional di Basketball na Aruba cu a carga e nomber “Aruba Hoops on Fire”. Varios pais invita manera Curaçao a bin cu 5 team total Excel Basketball, Huskies Basketball, Sharks Basketball y tambe 1 team di Colombia Vaqueros Basketball nan tur a participa midiendo forsa contra otro pa mira cua lo bay cu e maximo premio. Aruba Basketball Bond conhuntamente cu The Sports Unlimited Foundation (Stealers Basketball) a traha hunto pa trece un torneo internacional di caliber pa duna e teamnan local di Aruba un experencia con

un torneo ta di Basketball. Un participacion di 100% di teamnan local a yuda engrandece e torneo. Teamnan manera Sportverening Aruba Juniors, Club Estrella, Impact Basketball, Dream y Stealers basketball hunto cu e teamnan internacional a participa den 3 categoria, 13U, 16U y 19U. Un gran fanaticada di Curaçao a acompaña e 5 teamnan, nan a trece un ambiente fenomenal den 2 facilidadnan na Aruba cu ta YMCA San Nicolas y Aruba Juniors na Oranjestad. Un total di mas cu 40 wega mester a tuma luga den 4 dia pa saca e maximo ganadonan. Mester bisa cu tur 2 facilidadnan por a gosa den un bon asisten-

TA BENDE 3 CACHO SHITZU

cia di parti di fanaticada di cada team tanto local como internacional. Den e diferente categorianan tabata tin un mescla di teamnan local y internacional. Den e categoria di 13U tabata tin 7 team consistiendo di 2 pool uno cu 4 team anto e otro cu 3. Sharks, Huskies, Impact, Aruba Juniors cu 2 team y Stealers basketball a bataya pa wak kendenan lo ta e top 4 teamnan pa bay play-off. Finalmente ta Huskies, Aruba Juniors, Dream Y stealers a bay play-off. Prome luga a keda Stealers Basketball, di dos lugar a keda Dream Basketball y na di 3 lugar a keda Aruba Juniors.

Den e categoria di 16U tabata tin mas ekipo, un total di 8 ekipo cu a wordo parti den 2 pool. Den e categoria aki tabata tin Sharks basketball un team cu atletanan experiencia internacional a bin bon prepara, Excel Basketball un ekipo cu pa prome biaha ta participa den un torneo pafo di Curaçao tambe a mustra un Basketball di bon nivel. E team di Colombia Vaqueros un ekipo completo cu un tremendo full court pressure defense a duna tur team dolor di cabes.

Pa cera e division aki 5 team di Aruba a bataya pa wak kende lo bay playoff. Finalmente 4 team a bay playoffs cu Vaqueros Basketball canando na prome luga hungando un tremendo basketball, sigui pa Stealers Basketball na segundo luga y finalmente

Sharks Basketball di Curaçao na tercer luga.

Den e categoria di 19U tabata tin menos ekipo pero asina mes tur ekipo a duna e maximo esfuerso pa tuma e prome luga. E teamnan participante den e categoria aki tabata Excel Basketball di Curaçao y 3 team di Aruba cu ta Aruba Juniors, Club Estrella y Stealers Basketball. Mester bisa

tambe cu den a categoria tabata tin tremendo show di dunknan di parti di diferente atleta manera Luis Cabrera di Stealers, Simeone di Aruba Juniors y di Curaçao Ivan Martijn. Publica a gosa di e hugadanan aki.

E resultado di den categoria tabata na prome luga Stealers Basketball, na di dos luga Club Estrella y na tercer luga Aruba Juniors. Durante e torneo di Aruba Hoops on Fire tambe a tuma luga despues di basta aña tabata tin un wega di exhibicion consistiendo mucha muhenan so. Aki tambe a participa 2 tremendo atletanan di pafo di Aruba. 1 atleta femenino di nos hermana isla Curaçao y

tambe 1 atleta femenino di Colombia. Esaki tabata un tremendo gesto di e organisacion pa habri e luga pa e dos atletanan aki participa den e torneo.

E atletanan local a haya un experiencia inolvidabel pasobra despues di basta aña nan tabata parti di un inicio atrobe di Basketball pa e ser femenino. Mester bisa cu e Aruba Basketball Bond y Stealers basketball por ta satisfecho con e torneo a transcuri e 4 dia. Tur atleta a gana experiencia durante e torneo aki. Ta di spera cu otro aña 2024 e torneo aki sigui.

Pa mas informacion por tuma contacto cu Geraldo F. Milton na 7443074

Rosario Bibo dialuna 3 di juli na Alto Vista

Dialuna awo, 3 di juli lo tin otro Rosario Bibo na Kapel di Alto Vista cuminsando pa 7 or y mey di anochi.

Na e ocasion aki lo gradici Señor pa e aña escolar cu ta terminando, pa tur esnan cu a gradua of bay over. Pa esnan cu no a logra, lo pidi Señor y Spirito Santo pa sigui guia nan durante e proximo aña escolar. Lo pidi Birgen di Alto Vista proteha tur esnan cu ta bay studia den exterior; pa nan tin exito den nan estudio, sa di adapta nan mes na otro custumbernan y cultura y pa semper mantene bon contacto cu esnan cu ta keda na Aruba. Un bon comunicacion ta fortalece e lasonan pa por tin exito den nan bida leu fo’I cas.

Nos lo tin tambe den orashon esnan cu ta sigui studia na Aruba of cu lo bay drenta mercado laboral. Manera custumber lo resa tambe pa tur enfermo, esnan den necesidad material y spiritual y pa paz na mundo.

Best Fighters den Aracari Taekwondo Cup

Den fin di siman a tuma luga e di dos clasificatorio di Best of the Best Truescore Aruba y varios atleta a duna bon bataya. Na final di e evento e 4 refereenan Internacional a entrega nan lista di nan miho bringadonan.

Den categoria Infantil e hoben Jeroan Nicholson di Chaco Taekwondo Academy a resalta pa di dos biaha. Jeroan Nichsolson ta un atleta cu un futuro briyante si e sigui practica Taekwondo na Chaco Taekwondo Academy.

Master Eric Barry di San Nicolaas Taekwondo Center tabata tin e damita Jalaya Lake bon scondi, pero e refereenan a descubrie durante su pelea.

Jalaya Lake a haci un cos cu a laga hopi hende cu wowo ariba dje, un tremendo bataya cu Jalaya Lake a duna den Aracari Taekwondo Cup. Nos ta spera mas di Jalaya Lake dia 2 di September.

Nicole Tromp di Estrella Taekwondo Center tabata

e speransa y revancha cu pueblo tabata warda pa mira. Nicole Tromp a logra gana su contrincante.

Nos ta felicita tur e miho bringadonan di Aracari Taekwondo Cup y ta spera mas di bosonan dia 2 di September.

Media Team

Brazil Taekwondo Stichting