Issuu

E luna aki ta cuminsa paga e 5% pa e empleado

publico por cobra 100% di nan salario bek Diahuebs 22 Juli 2022

Solo di Pueblo

Aña 16 - edicion 728

E-mail: solodipueblo@gmail.

Prijs: Afl. 1.75

Sint Maarten, Curacao y Aruba a fada di maltrato; Hulanda ta Mal mama-bon madrasa MINISTER ENDY CROES A REUNI CU GRUPO DI DOCENTE CU A BIAHA PA FINLANDIA Minister di Finansa Xiomara Maduro:

Aruba a cumpli cu e condicionnan poni pa Conseho di Minister di Reino

Gobierno ta paga 5% di

recorte pasobra nos Pais tin cu bay bek na e normalidad.

Secreto di e 2 parasitonan di Terra Group;

Lotto a paga 19 mil florin na Terra Group pa un 'borrel' pa un firma di mou

Diabierna 22 Juli 2022

Minister di Finansa Xiomara Maduro:

Aruba a cumpli cu e condicionnan poni pa Conseho di Minister di Reino Gobierno ta paga 5% di recorte pasobra nos Pais tin cu bay bek na e normalidad.

Aruba a cumpli cu e condicionnan poni pa

Conseho di Minister di Reino

Gobierno ta paga 5% di recorte pasobra nos Pais tin cu bay bek na e normalidad. Na opinion di Gobierno, Pais Aruba a cumpli cu e 3 condicionnan pa paga bek e recorte di 5% na empleadonan publico, semi-publico y di fundacionnan asina Minister di Finansa a informa durante e conferencia di prensa extra-ordinario di Gobierno di Aruba. Gobierno a presupuesta e pago den Presupuesto 2022, Parlamento a pasa e Ley di LNT y e salario

di politico a keda corta cu 25%. Gobierno di Aruba a haci tur locual ta na su alcance pa keda cla y haci e pago bek. Como Pais nos ta convenci cu nos a haci tur locual ta posibel pa cumpli cu Hulanda, pero na final si no tin oido pa esey, Gobierno di Aruba mester carga su responsabilidad propio segun Minister di Finansa Xiomara Maduro. Despues di analisa e situacion Conseho di Minister a tuma e deci-

sion despues di a considera tur e puntonan menciona. No ta hustifica y desproporcional pa mas cu 5000 mama y tata di famia, nan entrada keda reduci den bista di e realidad. Gobierno a bay over na paga e 5% y den Presupuesto 2023 lo pone locual falta di e 12.6% pa wordo paga bek pasobra nos tin cu bay como Pais bek na normalidad segun e mandatario encarga cu Finansa Publico di nos Pais Aruba.

El'a bay cu ex minister Schwengle pa negocia contract cu CBN

Patrick Paskel a viaha riba stif di Lotto pa Canada cu ticket y daggeldvergoeding di $ 1000 pa dia Pesey e contract ta asina desventahoso E documento cu SOLO DI PUEBLO a haya, ta mustra cu Patrick Paskel tabata viaha pa Canada cu ex minister Schwengle. Lotto a paga su ticket y dune daggeldvergoeding di $ 1000 pa dia. El'a viaha den e team negosiador di ex minister Schwengle, algo manera negociador. Red flag a lanta mesora den Lotto, pasobra esaki ta contra di Good Governance, unda Lotto no zomaar por paga ticket cu duna placa na persona cu no ta parti di e fundacion. E pregunta cardinal ta: Ki experticio Patrick Paskel tin? Ki scol el'a caba? Ki diploma e tin? Segun nos tin entendi ni Paskel ni Andrade tin diploma. Nan a drop out di scol na edad jong. Pues, con por hiba un Don Nadie Canada pa negocia cu CBN? Paskel a confirma tambe cu e tabata na Canada cu Schwengle.

E tempo ey Schwengle a critica e contract di De Meza, cu tabata aun mas pio. Schwengle a bisa cu el'a bay pa mehora e contract desventahoso y buscando algo mas di placa pa Lotto, cual el'a haya tambe. Esey no kemen cu e contract a

bira bon, pero el'a keda mes malo, unda tur placa ta bay Canada. E violacion di regla di Lotto a tuma lugar, unda e fundacion mester a manda cobra bek pa e ticket y daggeldvergoeding. Te cu awe e no a wordo paga. Awor nos por compronde dicon

Paskel a keda bati manera rabo di lagadishi, pasobra kisas e lo mester por sa cu su declaratienan pa Lotto di 17.500 pa luna ta yegando na final. Ta ora pa Deporte haya bek su placa cu e merece.

Diabierna 22 Juli 2022

MINISTER ENDY CROES A REUNI CU GRUPO DI DOCENTE CU A BIAHA PA FINLANDIA ORANJESTAD: Recientemente Minister Endy Croes tabatin un encuentro informativo cu un delegacion di docentenan di Aruba cu a biaha april ultimo pa Finlandia. Un total di diescuatro docente di tres diferente scol primario na Aruba a participa den e proyecto aki cu ta wordo financia pa Erasmus Plus. Presente na e atardi ameno tabata coordinador di e proyecto di Erasmus Plus sra. Monique Breinburg, coordinador di Pius X School, sra. Saskia Maclean, cabesante di St. Dominicus sra. Caroline Cardose, sra. Emilaine Giel di Erasmus Plus alabes coordinador St. Dominicus College y sra. Zulaika Flanegin di Erasmus Plus y coordinador di St. Franciscus. Meta di e reunion ta pa informa e mandatario di Enseñansa di e sistema di educacion na Finlandia como tambe pa comparti nan experencia. E docentenan a bishita diferente scol na Finlandia pa mira con Enseñansa ta wordo organisa. Finlandia ta un di e miho pais na mundo riba den e tereno di Enseñansa. Finlandia ta un di e paisnan na mundo cu mas ta inverti den Enseñansa. Na aña 2021 Finlandia a inverti 7% di nan GDP den Enseñansa. Cada diez aña Finlandia ta cambia e curiculo. Educacion basico ta completamente gratis. Durante e reunion e docentenan duna un presentacion na e mandatario di Enseñansa di loke cu nan a experencia algun ehempel: e klasnan nan Finlandia ta consisti di un averahe di 24 studiante di

tur nivel, cada studiante ta haya e stof cu ta coresponde (adaptief onderwijs). Tin un ‘asistent’ den cada klas pa asisti e docente cu e alumnonan. E studiante ta traha segun su tempo y ta duna espacio pa cu esaki. Cada ‘les uur’ ta 60

minuut di cual 45 minuut e alumnonan ta haya les y despues esaki ta sigui pa 15 minuut pauze na unda cu e studiante por bay pafo pa hunga of hunga den e ‘breakout room’. Scol primario tin un duracion di 9 aña y e ta cum-

insa na edad di 7 te cu 16 aña. Muchanan bou 7 aña no ta obliga pa bay scol, no tin ‘leerplicht’. Si e mayor ta desea por manda nan yiu un scol preparatorio. Concluyendo Minister Endy Croes ta gradici e

docentenan pe presentacion como tambe pa comparti nan experencia. E mandatario a sigui bisa cu e ta un bunita proyecto y kere cu Aruba mester profundisa mas den e materia aki. Enseñansa ta e yabi pa futuro.

Diabierna 22 Juli 2022

Minister Dangui Oduber MINISTER ODUBER TA MANDA FELICITACION NA E 28 EMPLEADONAN DI DIVI RESORT RIBA NAN ANIVERSARIO

ORANJESTAD – Diaranson anochi a tuma lugar un ceremonia den e ballroom di Alhambra caminda a duna reconocimento na 28 empleado di Divi Resort. Aki e Director General di Divi & Tamarijn Sr. Marin Bijl a haci e entrega na su empleadonan. E trahadornan aki a cumpli nan aniversario den e segundo cuartal di aña 2022. Minister Oduber no tabata por ta presente pero manera semper Ministerio di Turismo y Salud Publico tambe ta presenta nos plakaat pa asina duna nos traha-

dornan den hospitalidad nan reconocimento mereci. E 28 empleadonan aki ta traha den diferente area y diferente resort di Divi. 8 empleado a cumpli 5 aña di aniversario 3 empleado a cumpli 10 aña di aniversario 8 empleado a cumpli 15 aña di aniversario 1 empleado a cumpli 20 aña di aniversario 3 empleado a cumpli 25 aña di aniversario 2 empleado a cumpli 30 aña di aniversario 1 empleado a cumpli 35

aña di aniversario 2 empleado a cumpli 45 aña di aniversario Un pabien sigur na sra. Emelinda Tromp y sr. Jorge Lugo cu ambos a cumpli 45 aña di Aniversario, esaki sigur ta di aplaudi. Emelinda a cuminsa traha Room Attendant den e compania na 6 di mei aña 1977, e tempo ey Emelinda tabata tin 17 aña di edad. Jorge a cuminsa su trayectoria na 24 di juni aña 1977 trahando como Houseman. Despues Jorge a traha como busboy, waiter, captain y desde 1989 como F&B supervisor. Divi Resort a habri su porta na Aruba den aña 1969 bou di e nomber Divi Aruba y awe tin 5 resort di Divi na Aruba. Hopi importante pa bisa ta cu 3 di e 5 resort nan aki ta di Timeshare. A keda demostra cu propietarionan di Timeshare ta cu Aruba den bon y den malo. 1. Divi Dutch Village Resort 2. Divi Aruba Phoenix Beach Resort 3. Divi Village Golf and Beach Resort 4. Divi Aruba All Inclusive Resort 5. Divi Tamarijn All inclusive Resort Minister Dangui Oduber ta manda palabranan di felicitacion y aprecio na tur e empleadonan di Divi Resort. Cada un di bosonan ta contrubui grandemente cu e sector turistico, brindando servicionan di calidad na nos bishitantenan. Minister Oduber ta bay sigui brinda e tipo di reconocimentonan aki na nos embahadornan turistico, paso nan ta e weso di lomba di e industria importante aki. Turismo ta nos unico pilar

economico y ta e driver di

nos economia.

Diabierna 22 Juli 2022

Secreto di e 2 parasitonan di Terra Group;

Lotto a paga 19 mil florin na Terra Group pa un 'borrel' pa un firma di mou

Recientemente e dos parasitonan di AVP, cu a chica placa di gobierno di Mike Eman, ta masha rabia cu a kibra contract cu Lotto. Nan kier busca tur sorto di forma pa trece e acontesimiento positivo aki, den lus negativo. Ta parce hendenan hopi hopi rabia, unda ta

incomprendibel cu nan ta hayando placa pa propaganda Lotto y nan ta bahando nan rabia contra Lotto. E secreto: Documentonan ta mustra e fiesta cu nan a haci, e cobransanan grandi. Riba

dia 24 di October 2017, nan a tene un borrel, un brindis pa firmamento di un acuerdo mou.

a firma? Unda e contract ta? Cuanto hende tabata tey? Kico nan a bebe y come?

Nan a cobra Lotto 19 mil florin. Terra Group no ta un bar, ni restaurant. Dicon ta Terra Group ta cobra? Ken tur tabata na e fiesta ey? Kico nan

Pasobra 19 mil ta otro suma ranca di deporte di Aruba. Claro cu nos por compronde nan rabia, pasobra nan 'cash register' a caba. Ya no tin mas

fiestanan absurdo cu cobransanan infla. Ta realmente un sinberguenza so, por biba riba custia di pueblo, esta Patrick Paskel, cu den su bida e no a haci nada otro cu biba riba custio di gobiernonan.

Prome Minister Evelyn Wever-Croes:

Gobierno di Aruba ainda ta den negosacion cu autoridadnan Venezolano

FRONTERA CU VENEZUELA NO POR HABRI Diahuebs 21 di juni, rumornan a cuminsa core na Aruba cu frontera lo wordo habri. Originalmente e informacion a sali for di medionan di comunicacion na Venezuela. Prome Minister Evelyn WeverCroes ta enfatisa cu e noticia aki no ta corecto y ta informa cu Gobierno di Aruba ainda ta den nego-

sacion cu autoridadnan Venezolano. Prome Minister a accentua cu e negosacionnan ta bayendo bon pero no facil pa habri frontera sin mas pasobra esaki ta rekeri hopi diplomacia di ambos pais y palabracionnan concreto di hopi medida di control mester wordo haci.

Prome Minsiter ta pidi tur ciudadano di nos pais, especialmente ciudadanonan Venezolano cu a haci di nos pais nan hogar, pa keda trankil y no kere noticianan cu no ta sali for di Gobierno di Aruba. Gobierno di Aruba ta sigui cu e esfuersonan pa yega na un apertura di frontera na forma responsabel

y controla, pero pa esaki mester di mas coopera-

cion di autoridadnan di Venezuela.

Diabierna 22 Juli 2022

Minister di Finansa Xiomara Maduro ta informa:

No obstante diferencia di opinion cu por tin Gobierno ta asumi su responsabilidad pa cumpli cu e empleado publico di Aruba E luna aki ta cuminsa paga e 5% pa e empleado publico por cobra 100% di nan salario bek la cu no tin salarionan hopi halto na Aruba.

Minister President a anuncia for di Hulanda cu tin un diferencia di opinion entre Aruba y Hulanda riba e condicionnan pa paga e 5% bek pa e empleado publico por cobra 100% di nan salario. Despues di a delibera cu Conseho di Minister, a dicidi pa no obstante e diferencia di opinion cu por tin Gobierno ta asumi su responsabilidad pa cumpli cu e empleado publico y ta bay over pa paga e 5% manera a keda aproba den Presupuesto 2022.

mento ta legitimo y husto Pa locual ta e cambionan cu Parlamento a haci den e ley di LNT, Minister Maduro ta splica cu nan ta legitimo y husto. Parlamento den cuadro di nan autoridad a bin cu un amienda den esaki cual ta basa riba dos punto. E prome punto ta e periodo cu por reduci e salarionan di esnan cu ta gana mas cu e norma. Esaki a bira 5 aña en bes di 2 aña conforme e consehonan di Raad van Advies y e Comision di Corporate Governance.

Aruba a cumpli cu e tres condicionnan pa paga bek Gobierno di Aruba ta opinion cu Aruba ta cumpli cu e tres condicionnan poni pa Conseho di Minister di Reino pa Aruba por paga bek e 5% di recorte den salario di e empleado publico.

Segun Minister Maduro, e cambionan aki ta wordo haci conforme e consehonan cu tin riba e ley aki. E di dos punto ta e suma di 130% di e salario di Minister President a ser adapta di 261 mil florin pa 329 mil florin, cual ta e suma sin recorte. Mirando cu e 261 mil florin tabata basa riba e salario di Minister President reduci cu 25 %. Minister di Finansa ta indica cu e recortenan 5% y 25% ta transitorio y no tabata e intencion pa esaki keda pa semper. Pa e motibo aki Gobierno a bay over na paga e 5% y den Presupuesto 2023 lo pone locual falta di e 12.6% pa wordo paga bek pasobra nos tin cu bay como Pais na normalidad. Parlamento na un manera husto a haci e cambionan aki, pasobra mester tuma como punto di salida

E pago aki ta presupuesta den Presupuesto 2022 y gobierno di Aruba a mustra Caft con lo bay cubri esakinan, esta cual ta e fondonan cu ta destina pa por paga esaki y den opinion di gobierno esaki ta cubri. Ademas gobierno a presenta na Parlamento di Aruba, e proyecto di Ley di LNT conforme e palabracionnan haci cu Hulanda. Tambe a mantene e recorte di 25% di e salario di e Parlamentario- y Ministernan. Cambio haci door di Parla-

e normalidad. Parlamento di su banda a splica riba e dos cambionan y Gobierno di su banda ta di opinion cu e cambionan haci pa Parlamento di Aruba, no ta mishi cu e principio di e ley. E ley a pasa na Parlamento, Gobernador a firma y awor Aruba tin un ley cu ta regu-

Gobierno no por para riba derecho constiticional di Parlamento Minister Maduro ta splica cu Gobierno di Aruba tin cu respeta e derecho constitucional di Parlamento pa haci cambionan den ley. Esaki ta mesun derecho cu ta conta tambe pa otronan den Reino, manera Tweede Kamer cu tambe tin derecho pa haci cambio den leynan. Ningun hende ta para riba e derecho constitucional di nos Pais. Gobierno di Aruba no por cumpli cu Hulanda pa pidi Parlamento pa haci cambio na amienda cu Parlamento a haci den e ley di LNT. Gobierno simplemente no por para riba e derecho constiticional di

Parlamento pa haci cambio na un ley via nan derecho di amienda. Gobierno ta asumi su responsabilidad Desde mei 2020, e aparato gubernamental, semi-publico y fundacion nan tabata solidario y a haci e sacrificio cu e recorte necesario di 12.6%. Gobierno di Aruba a bin ta haci tur locual ta na su alcance pa haci e pago di e 5% bek. Gobierno ta asumi su responsabilidad y ta tene cuenta cu e realidad cu tin un guera na Ucrania cu tin su efecto pa Aruba tambe na unda costo di bida ta bira mas caro. E situacion aki ta pone cu e pago di 5% di e recorte na empleado publico, semi-publico y na fundacion nan ta hustifica.

Diabierna 22 Juli 2022

Confusion grandi: Empleadonan di Citgo Sasaki a pensa cu tawata atraco y a resulta cu luga tawata na candela "A mira autonan core cu varios hende aden y a pensa cu ta un atraco, luga e hendenan aki tawata alehando di e sitio ora a mira candela" Caya Ritmo Eagle: diaranson den careda di 11 or y 40 a drenta un informacion cu un atraco lo a caba di tuma lugar na Citgo Sasaki. Mesora polis a manda un patruya na e sitio pero na yegada nan a topa cu e lugar scur y tawata mira candela. Na e sitio e prome truck di brandweer a pidi pa refuerso di un truck di brandweer mas. Hopi lihe a cuminsa evacua tur hende cu tabata cerca di e gas station. Polis a ponenan bay para basta leu, mirando e peligernan di candela, cerca di tankinan gasolin cu ta situa banda di panort. E tankinan ta bou tera cerca di unda ta yena tire. Hopi lihe brandweer a logra domina e candela pa e no sigui expande. Kiko ta pensa cu por a pasa E candela mes a cuminsa panort di Optica. Tin hanchi unda ta warda cos despues sigui bay nort bo ta haya e otro estableci-

mientonan.

ente mesora.

Na e sitio un fuente cu ta bon na altura a conta cu ta e kashi coriente mayor a pega candela, y esaki por a ser ocasiona pa posibel awa cu a bay den kashi.

Den dia lo por tin miho bista cuanto daño e esaki a causa, ya a wordo bisa caba cu ta un trabou grandi pa bay drecha esaki y sin laga afo cu lo costa miles di florin.

Por a mira cu e kashi a wordo destrui por completo door di e candela. Den e caso aki Elmar tawata e instancia mas importante pa a corta e cori-

Pues tanten cu e kashi coriente grandi aki no wordo drecha ningun establecimiento lo no por habri, debi cu no tin coriente.

Mayoria di e doñonan di e negoshinan situa eynan a

yega pa pone nan mes na altura di locual a sosode.

Diabierna 22 Juli 2022

Minister Rocco Tjon:

A REUNI CU PERSONAL DI SPD PA ASINA AMPLIA RIBA E DESAROYONAN CU TIN ANDANDO DEN CUADRO DI SALUD MENTAL Y ADICCION tematicanan aki pa mucha y hobennan. Banda di esaki, a papia tambe di e “building blocks”, pues e werkgroepen cu tin actualmente, cual ta trahando hunto pa concretisa e vision cu Aruba tin a largo plaso hunto cu PAHO.

ORANJESTAD - Algun tempo atras Minister di Husticia y Asuntonan Social Rocco Tjon a bishita SPD, y ayera a invita e personal di SPD pa un reunion special, caminda a brinda un splicacion amplio di tur e desaroyonan cu tin andando riba e tematica di salud mental y adiccion. Ta asina cu hopi bes ora ta papia di salud mental y adiccion ta pensa solamente riba respaldo, sinembargo, SPD ta hopi crucial pa cu e tematica aki tambe. A toca e tema di con ta bay surpasa e retonan den e tereno aki, a splicanan tocante e proyecto di “stichting hunto” y con esaki ta hinca den otro, cual lo consisti di un departmanto specifico pa atende cu e

Banda di esaki a toca tambe e parti legislativo, e parti di enseñansa, infrastructura, material, y financiamento. Pues un reunion sumamente positivo, caminda e personal mes a indica cu nan tambe ta wak e desaroyonan aki como uno positivo y a trece ideanan padilanti pa e parti di tecnologia manera software programs, cual ta algo hopi importante y un idea cu sigur lo conta cu atencion di Ministerio di Husticia y Asuntonan Social. Manera a bin ta menciona for di inicio, e personal ta para central den cada departamento, y pa e motibo aki, e ta importante tambe pa personal ta bon informa y involucra den dicho desaroyonan, y pa e motibo aki tambe nan ta forma parti di e stuurgroeop GGZ.

Diabierna 22 Juli 2022

Minister Xiomara Maduro di Finansa:

Gobierno di Aruba ta respeta e derecho constitucional di Parlamento

Minister di Finansa a menciona den e conferencia di prensa cu Ministro Presidente a splica e situacion di Pais Aruba na Secretario di Estado, pero cu Hulanda no ta comparti e mesun opinion di Aruba y ta insisti pa cambia e ley di LNT bek na Parlamento.

Gobierno di Aruba ta di opinion cu esaki ta contra di e principionan democratico di un país. Ademas den gobierno su bista e ley manera presenta y amenda ta carga e principio di e ley. Na Aruba ta mas o menos 7 perso-

na ta gana mas cu e suma den e ley y cu ley awo nan tin 5 aña pa adapta, locual ta un periodo rasonabel . Awo cu e ley a pasa, e trayecto a cuminsa tambe pa e personanan aki yega na locual ta poni den

ley. Esaki ta haci cu tambe cu tin regla y no por tin abuso awo pa dilanti. Pa e motibo aki Gobierno di Aruba no por cumpli cu e peticion di Hulanda pa exigi of acerca Parlamento pa nan cambia locual nan a amenda.

Diabierna 22 Juli 2022

Claudius Philips ta exigi pa Daury Rodriguez rectifica acusacion inhusto di pedofile

ORANJESTAD – Awe mainta den Corte di Husticia a trata e caso sumario cu Claudius Philips a cuminsa contra Daury Rodriguez relaciona cu e acusacion di Rodriguez riba facebook caminda e ta haya Philips pa pedofile. SOLO DI PUEBLO por a compronde cu Philips cu su abogado mr. Mohamed ta haya cu inhustamente Rodriguez ta acusa Philips di pedofile. Abogado mr. Arendsz Marchena di Rodriguez ta haya cu no por stroba Rodriguez di su libertad di expresion. Na opinion di e abogado Hues a condena Philips pa pornografia di mucha pero a bisa tambe cu Philips ta co responsabel pa abusa di mucha. ABOGADO TA CUESTIONA ACUSACION INHUSTO Mr. Mohamed a bisa Hues cu e caso aki ta bay riba e forma con Rodriguez ta acusa Philips di pedofile. E abogado a menciona un sentencia di Corte, caminda un

persona a hay’e ta rectifica pa a yama un otro persona pa pedofile. Hues a bisa cu e conoce e sentencia ey. Mr. Mohamed a bisa Hues cu e ta haya cu ta inhusto cu net despues di fayecimento di defunto Gario, Rodriguez ta acusa Philips di pedofile. Esaki a haya masha hopi atencion y Rodriguez ta crea e impresion cu Philips ta un pedofile, cual absolutamente no ta asina. E abogado a bisa Hues cu Philips, na 2011 a wordo condena pa pornografia di mucha. Philips a tene conferencia di prensa y a splica cu el a haci un fayo. E abogado a sigui bisa cu e palabra pedofile ta un abusador di mucha menor di edad. Rodriguez ta basa su mes riba e sentencia cu Philips lo a abusa di mucha cual no ta e caso. El a bisa Hues cu a manda carta pa Rodriguez stop y rectifica sino lo cuminsa un caso sumario. E abogado a bisa cu Rodriguez a laga sa cu e ta cla pa Corte y cu

Philips tin hopi caso di pedofile y cu e tin un morto riba su nomber. El a hasta bisa cu e ta considera Philips e pedofile mas grandi na Aruba. Mr. Mohamed ta haya cu Rodriguez no tin ningun prueba. E abogado a bisa Hues cu e publicacionnan di Rodriguez riba facebook a afecta Philips y su agrupacion Oreo. A para tocamento pa evita problema. E miembronan di Oreo ta wordo pinta como simpatisante di pedofile. Mr. Mohamed ta haya cu Rodriguez mester rectifica pasobra el a haci acusacion inhusto contra Philips. El a bisa Hues cu Rodriguez lo a haya video di un dama cu lo ta bisa cu el a wordo abusa door di Philips pero riba video no ta mira nada cla. Mr. Mohamed ta haya cu esey no ta hustifica pa yama Philips pedofile. El a bisa cu segun e dama cu ta acusa Philips, door di publicacion di Rodriguez el a dicidi di publica esaki. Mr. Mohamed a remarca pakico e dama aki no a haci denuncia for di tempo cu esaki lo a sosode cu ta mas cu 10 aña pasa. El a bisa cu e tempo ey Philips tabata den exterior ta studiando musica. Na opinion di mr. Mohamed, e denunciante anonimo tampoco no tin validez. El a pidi Hues pa ordena Rodriguez rectifica loke el a publica na Juni 2022. Mr. Mohamed a remarca cu mira pornografia di mucha no kiermen cu bo ta un abusador sexual di mucha. El a mustra cu Rodriguez mes 20 aña pasa a wordo condena pa algo cu el a haci. E ta haya cu tur hende tin e derecho di rehabilita di loke nan a haci den pasado. ABOGADO TA HAYA CU NO MESTER RECTIFICA Mr. Arendsz Marchena a bisa Hues cu e pregunta cardinal den e caso ta, si mester para e libertad di expresion di un persona. E abogado ta haya cu e interes di Rodriguez ta pisa mas cu e interes Philips. El a mustra cu na 2011, Philips a wordo condena pa pornografia di mucha y a haya 4 luna di prison condicional y trabao pa comunidad. Na opinion di mr. Arendsz Marchena, den ley penal e

pornografia di mucha ta cay den e categoria inmoralidad mescos cu abuso di mucha. El a bisa Hues cu ta Philips mes a download e pornografia di mucha, pues e mes a busca nan y no manera e ta pretende cu accidental el a haya nan riba su laptop. E nomber pedofile no ta nomber di abuso sexual sino un malesa mental cu mester haya tratamento. E intension di Rodriguez ta pa mustra cu Philips ta un pedofile. E ta haya cu e video di e dama cu ta denuncia Philips, no ta topico di discusion den caso pasobra e mesun dia Rodriguez a kita esaki for di facebook. Segun abogado tin dos denuncia contra Philips. Hues a pidi pa menciona nomber pero abogado a bisa cu el a papia cu mr. Mohamed y cu e caso ta mucho bieu. Hues a remarca cu for di unda ta saca cu Philips ta co responsabel di abuso di mucha. E abogado a menciona e sentencia di 2011, caminda ta menciona esey. E abogado ta haya cu e sentencia di Philips ta haci cu Rodriguez por considera Philips como pedofile. E ta haya cu Hues mester rechaza demanda di Philips. VIDEO DI DENUNCIA DI DAMA Hues a pidi pa pasa e video cu Rodriguez a post. A pasa esaki den Corte caminda e dama na yoramento ta bisa cu e tabata bay cu su mama na un hotel y cu Philips lo a abusa di dje den Philips su auto. E ruman homber a haya sa y a forza e dama pa bisa nan mama. E mama no por a soporta esaki y a mata su mes. E dama ta bou tratamento di psycologo. Hues a bisa cu e dama ta papia di abuso pero el a describi con esaki a sosode? Segun mr. Arendsz Marchena cu si. Mr. Mohamed a bisa Hues cu e dama ta bisa cu Philips a mishi cun’e pero no kier bay den mas detayes. Hues a puntra Philips si e conoce e dama y Philips a desmenti categoricamente di lo tabata cu un mucha den su auto na e hotel. Hues a puntra nomber di e dama y Rodriguez a bisa e nomber. Hues a sera tratamento di e caso y a bisa cu dia 10 Augustus 2022 lo tin sentencia.

Diabierna 22 Juli 2022

Parlamentario Edgard Vrolijk:

Aruba su nomber un biaha mas na halto den cuadro di integridad Awe mi kier a haci uso di e oportunidad pa gradici nos Minister di Finansas y Cultura pa su excelente trabao unda nos por a tuma nota cu Aruba a ricibi un evaluacion excelente fo'i Caribbean Financial Action Task Force CFATF, ya cu nos Pais ta cumpli grandemente cu e regla nan pa preveni y combati labamento di placa y financiamento di terorismo. Den Caribe ta Bermuda y Aruba ta e unico dos pais nan cu un resultado asina positivo. Un señal fuerte cu Aruba su sistema financiero ta integro y ta bon pa inversion y corespondencia bancario. Un vision cla di 2017 Na momento cu Gabinete Evelyn Wever-Croes I a huramenta y cu tur caso di corupcion andan-

do den caso di IBIS y Avestruz, $50.000 di sr Rincon pa sr Mike Eman, Minister Xiomara Maduro a pone un vision cla pa traha duro pa percura pa pone Aruba su nomber na halto. Asina a inventarisa e cambionan necesario den ley y a percura pa introduci e cambionan necesario y awe por wak cu e trabao duro a duna su fruto na e imagen di Aruba. Pueblo mester ta consciente pa cuida imagen di pais Aruba Pueblo mester ta consiente di e daño cu falta di integridad pero sigur actonan di corupcion por hasi na imagen di nos pais manera cu AVP y sr Mike Eman a haci na imagen di Aruba. Pero danki na esfuerso incansabel di Minister Xiomara Maduro cu awe

Aruba por tin un bon imagen pero sigur a trece confiansa y a manda e señal cu nos pais tin un sistema financiero integro cu ta brinda oportunidad sigur di inversion y corespondencia bancario.

Pabien na Minister Xiomara Maduro cu a sa di traha sin descanso pa drecha imagen di Aruba pero tambe finansas di pais Aruba den tempo di crisis.

Parlamentario Alvin Molina (MEP):

Invertiendo den deporte ta nifica cu nos ta inverti den siguridad Siman a habri Aruba cu un tremendo noticia. Dialuna mainta 18 di juli nos a presencia conferencia di prensa di Gobierno di Aruba na unda Minister di Deporte sr. Endy Croes a anuncia cu pronto Lotto pa Deporte ta bek den man di pais Aruba. Esaki sigur ta un logro importante y historico pa e mundo di deporte y pa Aruba. Minister Endy Croes hunto cu hunta di Supervision di Lotto pa Deporte a renegocia un acuerdo nobo y faborabel na beneficio di deporte, nos deportistanan y pa Aruba en general. E contracto cu Fundacion Lotto pa Deporte tawata tin cu Canadian Bank Notes tawata uno desproporcional unda den 10 aña di tempo Lotto pa Deporte a haya 34 miyon

y CBN a haya 104 miyon. Awoe cu e contracto nobo lo bay bolter e sumanan aki creando asina un espacio grandi pa inverti den deporte. Esaki ta significa cu den un futuro cercano tin mas oportunidad pa inverti den infrastructura di deporte, facilidadnan deportivo lo haya nan debido mantencion y atencion. Tambe lo inverti den nos deportistanan. Si nos inverti den deporte, bo ta invertiendo den siguridad di Aruba. Cada un hoben deportista, ta un hoben menos riba caya. Concluyendo palabranan di pabien na minister Endy Croes, ekipo negociado, Hunta di Supervision di Lotto pa Deporte y Gabinete Wever – Croes 2 cu e bunita logro aki cu sigur lo contribui na de-

saroyonan positivo na bi-

enestar di deporte y nos

deportistanan.

Diabierna 22 Juli 2022

89% di e total di pasahero cu a biaha for di Aruba den 2019 a wordo recupera den e prome mitar di aña 2022

Recuperacion di 101% den e di dos kwartaal di 2022 compara cu 2019

Oranjestad- Aruba Airport Authority N.V. (AAA) ta raporta riba Aeropuerto Internacional Reina Beatrix (AUA Airport) su prestacion pa cu e prome mitar di aña 2022; e cantidad di pasaheronan a aumenta considerablemente den e di dos kwartaal mustrando cifranan di recuperashon excelente compara cu e mesun periodo na 2019. E cantidad total di pasaheronan cu ta biaha for di Aruba cu ta genera entrada durante e prome mitar di 2022 tabata 577,143 cu ta representa un recuperacion total di 89% compara cu 2019. Prome kwartaal di 2022 Un recuperacion total di 101% a wordo raporta pa e di dos kwartaal di 2022 compara cu mesun period na 2019. Den luna di April 2022 un total di 110,983 pasahero a biaha for di AUA Airport. Esaki tabata 6% mas cu luna di Maart 2022. Den Mei 2022 101,570 pasahero a biaha, loke ta 8% menos cu e luna anterior. Den Juni e cantidad a subi considerablemente te na 105,788 cu ta 4% mas cu Mei 2022. Durante e di dos kwartaal di 2022 un total di 245,889 pasahero a biaha pa Merca, 4,896 pa Canada, 23,679 pa Europa, 13,025 pa Anitllas Hulandes y 30,831 pa Latino America. Un averahe di Passenger Load Factor (PLF) na salida (cantidad di asiento ocupa di e cantidad total di asiento disponibel abordo di un avion ora di sali for di Aruba) pa e mercado mericano di 90%, 89% y 90% a wordo raporta pa April, Mei y Juni respectivamente. E promedio di PLF pa tur

mercado tawata 86%, 86% y 89% respectivamente durante e mesun periodo. Den e di dos kwartaal di 2022 nos a surpasa e averahe annual di PLF na salida pa tur mercado di 2019, cu ta 85%.

Durante e ultimo 3 lunanan AUA Airport tabatin un averahe di 32 buelo pa dia, compara cu un averahe di 35 buelo pa dia den mesun periodo di 2019, pues solamente un averahe di 3 vuelo pa dia menos.

Na April, Mei y Juni AUA Airport a recupera 101%, 104% y 99% respectivamente di e total di pasahero saliente compara cu e mesun lunanan den 2019.E recuperacion total pa cu e di dos kwartaal

di 2022 a subi te na 101% compara cu 2019, cual ta un aumento di 24 punto procentual compara cu e recuperacion cu disfruta pa e mesun period na 2021.

Diabierna 22 Juli 2022

Parlamentario Edgard Vrolijk:

Mike alias”Yo no fui” Nos por a tuma nota cu lider di AVP sr Mike Eman un biaha mas ta cana rond ta manipula hende manera e la haci na 2009 unda abase di un campaña di elimina BBO y lo hiba un maneho financiero responsabel a gana eleccion y awe kier cana den pueblo y pretende cu nunca el a kibra un copi. Mike alias “Yo no fui” Un biaha mas sr Mike Eman ta manipula y gaña e adulto mayor mientras e sa cu debi na pandemia y un guera entre Russia y Ukrania cu nos conoce un inflacion pisa y cu ta algo cu niun gobierno na mundo tin control riba esaki. Pero Mike “Yo no fui” si tin culpa cu awe e ciudadano tin di traha mas aña pa yega na penshun debi cu AVP a subi edad di penshun. Hisa e edad no tawata suficiente, pero tambe a pone

pueblo paga mas na penshun pero na final di dia ora cu e ciudadano bay cu penshun ta atras e ta bay y cu mas cu 1000 florin pa luna sin conta e gelijkbedrag cu ela kita di e penshonadonan desde 2015. Mi ta spera cu el a conta e penshonado e crueldad ey cu nan poder di compra bay atras desde 2015 of Mike “Yo no fui” a lubida di conta esey? Pueblo no mester di politiconan populista Pueblo si sa kico a pasa desde 2009 ora a vota pa e populista Mike Eman alias “Yo no fui”. Bao engaño populista a yega na poder y a masacra nos finansas publico y su partido AVP a demostra di ta un organisacion criminal unda cu corupcion, labamento di placa, amistadnan cu coruptonan ta na ordo di dia.

cu a resulta cu dos Minister di partido AVP ta hayanan cu problema cu husticia. Un ta e caso IBIS y e otro ta caso Avestruz, sin lubida cu e propio sr Mike Eman a tuma $50.000 di sr Rincon cu ta sera pa corupcion.

Esaki a keda comproba ora

Tambe conta sr. Eman su amistadcu Carvajal y e mas pio tabata sr Eman su amistad cu Kiko Gomez y hasta unda su persona a baila cu Kiko Gomez, cu na final a ser condena pa mata contricante politiconan y ta forma parti di gangnan criminal.

Na final di dia pueblo hamas por ser engaña un biaha mas pa AVP y Mike “Yo no fui” cu ta su nomber di cariño den pueblo paso e nunca no a haci nada y su persona a renace despues di 4 aña di descanso den su penthouse.

Psychiater di Hulanda ta bin Aruba pa evalua casonan di asesinato cu Huesnan no ta contento ORANJESTAD – Un psychiater di Hulanda ta na Aruba pa evalua dos sospechoso di asesinato cu arma di candela. SOLO DI PUEBLO por a compronde cu e psychiater di Hulanda a bin Aruba special pasobra tin keho di dos Hues di Corte di Husticia riba psychiater di Aruba. DOS HUES NO CONTENTO CU RAPORT DI PSYCHIATER Den un periodo di 1 siman, dos Hues a expresa nan disgusto riba e raport di psychiater. Un di e Huesnan ta haya cu e

raport no ta duna suficiente informacion di e sospechoso, pa asina Hues por tuma un decision corecto. E otro Hues a cuestiona e hecho cu ainda no tin un psychiater disponible pa evalua e sospechoso. E promer keho tabata 8 Juli 2022 caminda Hues a tuma un decision mas tempran den e lamentable caso di tira mata e dama Shayuri (19) riba 4 Juni 2021, caminda e sospechoso principal ta Izak Principaal. Hues a mustra cu evaluando e caso, el a constata

cu e raport di psycologo ta mustra cu Izak no ta responsabel pa su actonan. Hues ta haya bon motiva di psycologo cu mester aplica ley di adulto y pone Izak na disposicion di Gobierno (TBS). Sinembargo, Hues ta mustra cu psychiater su evaluacion ta laga na desea. Psychiater ta haya Izak culpable pasobra ta e mes a bay haci’e. Hues no ta haya esaki suficiente splica. Tampoco Hues ta haya suficiente splica e conclusion di psychiater. E di dos keho tabata 14 Juli 2022, den e lamen-

table caso caminda Jason Mathilda a tira su tata E.Mathilda mata riba 13 December 2021. E caso aki a wordo posponi un biaha caba, pasobra no tabatin un raport di psychiater. Hues 14 Juli 2022 a bisa cu ainda no tin un psychiater. PSYCHIATER DI HU-

LANDA NA ARUBA Hues a bisa cu e por a compronde cu e siman aki, lo bin un psychiater di Hulanda cu lo bay evalua e casonan. E tin hopi experencia riba e tereno aki. E psychiater sa viaha mas biaha pa Antiyas Hulandes y Aruba.

Diabierna 22 Juli 2022

Parlamentario Setty Christiaans-Yarzagaray:

MOU entre Gobierno cu United Farmers Aruba ta un stap den direccion di seguridad di alimentacion

Diabierna ultimo Parlamento di Aruba tawata invita pa un firmamento di un MOU entre Gobierno di Aruba y United Farmers Aruba (UFA). Na Cunucu Chabelito situa na Santa Rosa a tuma lugar e firmamento aki mirando cu e lugar ta mustra simbolicamente e meta di e MOU. Den presencia di Minister Arends y Minister Wever hunto cu sr. Fung-A-Fat den nomber di miembronan di UFA y diferente invitado presente a firma un MUO como base di cooperacion y estimulo entre Gobierno y partnernan clave den comunidad di sector priva cu ta traha den e sector di agricultura na Aruba. Prome cu e Pandemia di Coronavirus caba Aruba manera gran parti di e paisnan na mundo ta trahando na e diferente

metanan di Desaroyo Sostenibel (SDGs), e asina yama agenda 2030. Un di e metanan principal cu ta forma parti di meta number 12 di SDGs cu ta Consumo y Produccion responsabel, ta e seguridad di alimentacion di cada pais. Motibo ta cu si poblacion na mundo keda crece na e nivel cu ta creciendo, den futuro ta premira cu cuminda ta bay bira mas schaars. Pesey un di e metanan stipula pa Nacionnan Uni cu e señala esaki, ta pa di awor caba stimula paisnan pone mas enfasis na produci mas y tambe produci mas alimentacion propio na cada pais. Durante e mainta aki por a tuma nota cu Minister Arends a menciona cu parti di su vision pa cu sector primario ta su compromiso pa aumenta e seguridad di alimentacion

pa 2025 na 15% y pa 2030 na 20%. Cu e MOU aki e ta spera un desroyo positivo pa pais Aruba mirando cu cooperacion entre Gobierno y partnernan clave ta ser stimula cu un termino di 3 aña. Mas Aruba logra produci su mesun productonan, entre otro productonan di alimentacion, por lo menos un poco menos dependiente Aruba por bira di desaroyonan inter-

nacionl cu e bista cu gran parti di productonan na Aruba ta wordo importa. Palabra di pabien ta bay na Minster Arends y Minister Wever y Gobierno di Aruba den su totalidad pero tambe na UFA y Santa Rosa pa firma e acuerdo di colaboracion aki. UFA ta spera di colabora tambe cu data pa asina Gobierno por tuma decisionnan cu

base di informacion den e sector agricultural. Parlamentario Setty Christiaans-Yarzagaray ta spera cu e colaboracion aki por contribui tambe no solamente na mas stimulacion den e plantamento na Aruba pero tambe criamento di bestia. Mirando cu esaki tambe ta un parti grani di importacion cu por ser transforma den produccion local.

Diabierna 22 Juli 2022

Parlamentario Setty Christaans-Yarzagaray (MEP):

No tin mas motibo pa postpone e pago bek di 5% President di pais Aruba, sra. Evelyn Wever-Croes, mester a bin Parlamento di Aruba pa pidi sentimentonan mirando cu Gobierno no por a duna Parlamento e instruccion aki. Awe por wak cu presupuesto ya wordo aproba incluyendo e pago di e 5% di recorte salarial di sector publico y semipublico, no incluyendo Minister y Parlamentarionan. Parlamento a pasa e ley di LNT, a pesar cu Parlamento a haci ahustacion na e ley segun su autoridad cu tin y segun tur informacion comparti door di tur e instanci-

Hopi atencion tin rond di pregunta si lo bay paga e 5% bek di e recorte salarial di 12.6% di sector publico y semi-publico desde cu e decision a wordo tuma pa motibonan di solidaridad a consecuencia di e crisis di COVID-19 pa asina yuda otronan cu a perde trabou. Sigur momento cu Hulanda a pone condicionnan adicional cu Gobierno mester a cumpli cu nan prome cu por paga esaki bek. Parlamentario Setty Christiaans-Yarzagaray ta di opinion cu ya no tin motibo mas pa no cuminsa bay bek na normalidad y paga e 5%. Motibonan pa su opinion ta cu e pago di 5% bek ta presupuesta den presupuesto

di pais Aruba di 2022. E ley cu ta duna Gobierno e apoderacion pa ehecuta principalmente gastonan y maneho, ta ley di presupuesto di pais Aruba. Na maart ultimo Parlamento di Aruba a aproba e presupuesto cu ta inclui e 5% pago bek. Alabes Hulanda a yega na acuerdo adicional cu Gobierno di Aruba pa e pago aki di 5% bek. Condicionnan principal tawata cu mester pasa e ley unda cu e placa aki mester ta presupuesta, mester pasa e ley di Normering Topinkomens (LNT) y cu politieke ambtsdragers (Minister y Parlamentarionan) no lo cobra nan recorte salarial di 25% bek awor. Pa esaki Minister

anan cu a wordo scucha den e proceso di e ley di LNT. Cambionan manera hisa e nivel di salario di topinkomens di sector semi-publico y NV’s di gobierno ta substancia basa riba e ley di voorzieningen politieke ambtsdragers su nivel y no riba e salario cu recorte mirando cu practicamente tur otro sector na Aruba ya a bay bek na nan salarionan normal. E temporada di transicion pa e nivel di salario stipula den e ley di LNT tambe a wordo cambia. Esaki pa motibo den comparacion con otro paisnan a haci’e, mirando cu Hulanda mes a duna mas tempo pero principalmente pa evita

casonan na cantidad contra Gobierno dilanti Corte pa no a aplica un tempo mas rasonabel di transicion na e topinkomen stipula. Pa e motibonan aki Parlamentario Setty Christiaans-Yarzagaray ta di opinion cu no tin ningun motibo mas pa pospone e pago di 5% na e empleadonan di sector publico y semi-publico y cu pa otro aña lo por yega bek na normalidad den nan salarionan. Ya ta mas di 2 aña caba ta aplicando e recorte y ta spera cu economia y finansas di pais Aruba pronto ta bek na nivelnan pre-COVID.

Diabierna 22 Juli 2022

Persona herida despues di accidente ariba parkeerplaats di hotel

L.G Smith Boulevard Diaranson merdia a sosode un accidente ariba e parkeer plaats di un hotel high rise, aki nan te hasta un persona a resulta herida. Tawata den careda di 3:20 cu ambulance a yega e parkeer plaats, unda e accidente lo a sosode. E persona herida tawata ariba suela rondona pa basta hende. Segun informacion un

vehiculo lo a herida un persona na su pia y pa e motibo aki presencia di departamento di trafico y departamento di seguro a presenta na e sitio. Paramediconan a opta pa transporta e persona pa Hospitaal unda e lo a haya tratamento mas avanza. Polis di trafico tambe despues di a compila su datonan a sigui su caminda.

Pagina 17

Diabierna 22 Juli 2022

Lotto-Paskel Gate #1: Prueba nobo ta mustra con Patrick Paskel ta cobra 17.500 pa luna for di Lotto

No tin placa pa deporte, pero pa socio di Mike Eman si tin! For di basta dia caba SOLO DI PUEBLO ta tras di informacionnan di Lotto, unda cos ta pinta masha mahos y masha scur pa e loteria nacional. Poco poco, mas y mas documento ta yega serca nos. Documentonan oficial cu no ta laga espacio pa ningun duda. Ora cu SOLO DI PUEBLO haci un publicacion, e ta un publicacion cu prueba, pa ningun hende por tilda nos di no a trece prueba. E documento nobo cu a yega e siman aki, ta mustra con Pat-

rick Paskel, e socio di Mike Eman, tin un contract di 17.500 florin pa luna cu e ta cobra for di Lotto. Mas tristo ta cu e contract aki, of e pago aki ta algo nobo, cu fechanan di 2017, 2018 y 2019. Pues, apesar cu Lotto mes tin un departamento di mercadeo, Lotto ta paga Patrick 17.500 pa haci nada. E mes un sorto di recibonan cu Patrick a custumbra di entrega, casi sigur traha pa e falsificadora di diploma, su casa Milly Paskel, cu tin e mal maya di falsifica diploma. Si analisa e caso aki bon, ta nifica cu Mike Eman a percurpa pa su socio ( den ATV15) haya

tur sorto di contract y enrikese su mes riba custia di pueblo. Claro, pasobra Patrick Paskel nunca a traha y nunca sa tampoco kico kemen haci un trabao naar eer en geweten. Dje mes un forma aki, Paskel a cobra 99.999 na RDA pa un apertura di un projecto di Algen, cual ey tambe tin sospecho cu e recibo ta falsifica. E pregunta ta: Dicon Patrick por comete tur e estafanan aki, y keda liber? Belasting dienst no ta tira control riba Patrick? No tin boeken controle, manera cu tur otro compania ta haya? Aki nos ta laga e prueba di 17.500 pa luna, di cual prueba

ta spesifica September 2017. Asina Patrick a chupa e caha di pueblo manera stofzuiger. Mas tristo ta cu e mes un tercio aki, ta hiba discursonan politico, bao capa di noticiero na radio, unda e ta saca su odio riba tur opisitor, faltando nan respet, insultando nan na un manera baho. Ta kico ta su intencion? Grita, insitiga, pa Mike su socio yega bek den Gobierno, pa asina e por sigui horta placa di pueblo? Nos ta bay mas leu: Digame con quien andas y te dire quien eres! Tur cu ta tene man cu ladron, ta mes sinberguenza cune!

Pagina 18

Diabierna 22 Juli 2022

Parlamentario Marco Berlis (MEP):

Gradus na 2018: AVP a goberna cu un modelo economico ekiboca! Gradus a adverti cu lo sigui añanan di recesion pisa pa pais Aruba!

Na aña 2019 gobierno di Aruba a logra algo cu e gobierno anterior hamas por a logra den ocho aña di gobernacion; un surplus chikito. E surplus aki ta e prueba di e maneho extraordinario di Gabinete Wever-Croes-I cu a bin haya nos economia na rand di un bancarota despues di e maneho desastroso y djodjomento di placa formal di Mike Eman. E surplus aki a bini pasobra e maneho di e gobierno nobo a pone prioridad pa sanea economia di e pais. Un economia cu mester a wordo reforma urgentemente pa por wordo salba y restaura. Ta pesey den un entrevista cu Rene Zwart pa Aruba Nieuws, riba 3 di April 2018 CFT voorzitter Gradus a bisa e tempo ey lo siguiente: “Aruba heft een verkeerd economisch model gehanteerd. Laat ik voorop stellen dat er op Aruba pas vanaf Augustus 2015 toezicht is. Op dat moment was de staatschuld al tot om en nabij de tachtig procent (80%) opgelopen. Het is waar dat Aruba tot 2016 aan de tekortnormen heeft voldaan, maar wel met heel veel “knip en plak werk.” Veel opgevoerde baten waren incidenteel. En er is een verkeerd economisch model gehanteerd. Om de economie in de recessivejaren te stimuleren is er door de overheid anticyclisch geïnvesteerd. Daarvan plukt Aruba nu de wrange vruchten.” Na 2015 caba e debe nacional tabata practicamente na 80% di

nos GDP mensen! Na 2015! Cu e modelo economico di e AVP tabata “verkeerd,” malo, na werki y a conduci na un “recesion!” Y cu e modelo economico desastroso aki di e maneho di Mike Eman, Aruba lo cuminsa piki frutanan daña di 2018 enadelante! Kiermen manera minister Xiomara Maduro y nos tur a bin ta bisa; “Awor e cuenta yega pa nos tur paga!” Gradus a bise, Gobierno a bise, Parlamento a bise, y Mike Eman mes tambe a bise den Parlamento; “Cu orguyo pueblo di Aruba lo mester paga e debe aki! E ta pa nos tur paga te cu 2044!” Ademas sr. Gradus ta pone enfasis cu hopi “knip en plakwerk” a wordo uza pa gobierno di Mike. Den otro palabra, Gradus a bisa: Hopi konkelmento a tuma lugar den presupuesto y hungamento cu cifranan. Hopi gañamento pa sconde e realidad di kico tabata pasando. Pesey e cifranan di Banco Central di Aruba ta mustra e maneho desastroso aki cu tur claridad. Ainda poco dia pasa den Parlamento, Mike Eman a gaba cu e lo “bolbe” uza e mesun modelo economico desastroso aki si e haya e apoyo di pueblo. Mike Eman kier sigui usa un “verkeerd economisch model,” cu a pusha Aruba den un recesion pisa, a causa un megadebe cu a introduci nos pais na e C(A)ft, Laft y a laga pais nos pais sin reserva pa confronta un pandemia mundial. Na September 2017, Aruba a conoce un gobierno cu a cuminsa cambia e rumbo di Aruba, y a pone Aruba su economia como prioridad. A baha gastonan anual di ministerionan di 12 miyon pa 2.3 miyon. Esaki so a haci cu a spaar den e

prome 4 añanan di gobernacion di Gabinete Wever-Croes 48 miyon na salario di friends and family di AVP.

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 19

Diabierna 22 Juli 2022

Parlamentario Marco Berlis (MEP): CAFT ta exigi pa cera Serlimar y pa laga RWZI rementa numa – part 1

Gradus y CAFT a stipula normanan cu ta irealistico y lo perhudica pais Aruba!

Na Maart 2020 pais Aruba a hay’e den situacion nunca antes bisto; un pandemia mundial cu a paralisa economia global. Esaki a pone nos como pais, cu un debe nacional cu tabata entre 80%90% di nos GDP, lomba contra muraya. Pakico? Pasobra nos hendenan mester a pone pan riba mesa, paga nan debenan y negoshinan tabata purba di sigui sobrebibi. Nos economia cu tabata na rand di bancarota causa pa gobernacion Mike Eman, no tabata duna espacio mas pa por fia placa den exterior. Un Gobierno sin placa, sin por yuda su pueblo pone pan riba mesa, a hay’e den un posicion hopi dificil. Ainda nos por scucha e gritonan di gremionan y pueblo tabata exigi gobierno firma pa caba cu Hulanda, sinembargo nos Minister President Evelyn Wever Croes a sigui negocia te na unda e tabata por. Tabata importante pa placa

cuminsa drenta caha di gobierno pa por a atende e situacion alarmante y yuda pueblo cu FASE, loonsubsidie y e basketnan di cuminda. Sinembargo, Hulanda a pone nos pais den un lugar diﬁcil, y enbes di yuda pueblo, salba e economia, yuda nos pais lanta bek riba su dos pianan, a probecha e situacion door di impone normanan colonial extremo riba nos. Awor cu turismo ta ﬂoreciendo atrobe y negoshinan a cuminsa coy forsa, tin hopi cuponan di empleo disponibel. E tempo di FASE, Loonsubsidie a pasa. Awor nos tin un otro reto. E reto contra e normanan di CAFT cu simplemente no ta realistico y cu mas bien ta un maltrato colonial. Awe mi kier trata dos di e normanan aki; - CAFT cu ta un organo cu ta duna conseho ta exigi pa nos cera Serlimar y manda mas cu 200 trahador cas. E norma aki di

CAFT lo causa 1) Pobresa pa 200+ famia y 2) cu Aruba lo bira sushi atrobe y nos lo tin un problema grandi di desperdicio tur caminda. Minister Ursell Arends a bisa e tin un plan pa Serlimar recupera sinembargo CAFT no kier rasona. CAFT no kier pa Aruba inverti awor den RWZI. Ta bon conoci cu RWZI mester e inversion di 16 miyon ﬂorin pa por update y upgrade e planta, pa asina esaki por opera un par di aña mas prome cu e planta nobo bin. E inversion aki ta uno urgente y necesario pa salubridad publico general por wordo sigura y nos industria turistico no wordo comprometi. Den otro palabranan CAFT kiermen laga muraya di RWZI kibra numa y laga awa sushi bay bandi caminda, hotel y contamina nos beachnan.

Ta pesey pueblo, mi no ta asombra cu oposicion ta keda grita cu gobierno mester cumpli cu tur e normanan di CAFT! Normanan cu lo tin consecuencianan grandi pa nos pais. Wel, e ta evidente cu ta esey nan kier pa pasa cu Aruba. AVP a mustra esey den nan gobernacion 2009-2017. AVP, esta Benny Sievinger, a hinca mas di 200 hende den Serlimar mancando e servicio aki completamente y den nan ocho aña di gobernacion a hinca 1 miyon so den RWZI! 4.4 Biyon gasta sin a pensa di duna Aruba un planta di RWZI nobo cu lo a costa nos 60 miyon so den tempo di bonansa!

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

Pagina 20

Diabierna 22 Juli 2022

GOBIERNO, UA, FUNDACION PANA Y KVK TA FIRMA E MOU PA “IMPACT HUB ARUBA”

Cu hopi orguyo KvK ta anuncia cu conhuntamente cu co-fundadonan Gobierno di Aruba, Universidad di Aruba y Fundacion PANA (Pa Amor di Nos Aruba) a logra di lanta un plataforma international cu tin enfoke riba e aceleracion di “start-ups” y “SME’s” a traves di proyectonan di incubacion. E plataforma aki ta yama “Impact Hub Candidate Aruba” y ta forma parti di un di e rednan mas grandi den mundo cu ta concentra su mes riba e creacion di comunidadnan empresarial. Mas cu 24,250 empresarionan y innovadornan ta conecta na e red aki na mas cu 100 ubicacion y 63 pais. Un di e metanan cu Camara di Comercio y Industria (KvK), Gobierno di Aruba, Universidad di Aruba y Fundacion Pa Amor di nos Aruba kier pa bira realidad, ta pa converti Aruba den un isla di incubacion comercial. E Impact Hub Candidate Aruba ta yuda acelera e transicion pa un econo-

mia nobo y resliente pa Aruba. Nos por bisa cu a persevera y ta tumando paso den e bon direccion. Riba 14 di juli ultimo a tuma luga e formalisacion di un acuerdo por medio di un “Memorandum Of Understanding” (MOU) pa lansa e Impact Hub Candidate Aruba. Esaki ta un documento caminda cu Gobierno di Aruba den representacion di Minister di Asunto Economico, Mr Geofrey Wever, Universidad di Aruba, Fundacion PANA y KvK a firma y asina mustra confiansa y colaboracion den e creacion di un plataforma pa incubadonan comercial na Aruba. E idea ta pa haci Aruba un isla caminda iniciativanan ta wordo stimula den un ecosistema di incubacion den cual tur e stakeholders ta yuda e comerciantenan den e incubacion comercial pa e negoshi por crece, ta exitoso y pa crea un miho base economico pa e isla den su totalidad. E concepto ta pa crea un comuni-

dad di incubacion comercial formalisa via e modelo Quadruple Helix. E colaboracion aki ta uno hopi significativo mirando cu ta combina forsa y participacion di sector publico via Gobierno, sector di conocemento via Universidad di Aruba, sector priva via KvK y sector social via Fundacion PANA. E participantenan ta haci e plataforma realidad y lo establece un fundacion bou di e nomber di “Impact Hub Aruba Incubator Programs”. Un di e aspectonan mas importante tras di esaki ta e colaboracion cu ta wordo crea y door di conecta tur e stakeholders ta haci posibel cu tur participante ta contribui na un solo meta y comparti actividad y conocemento tecnologico. Alabes, door di establece y conecta e diferente localidadnan di incubacion comercial na Aruba, impact Hub kier crea un miho ambiente pa negoshinan y start-ups caminda por colabora y asina desaroya Aruba den un isla di incubacion comercial.

E ecosistema ta brinda oportunidad pa comparti y baha cierto gastonan y ta stimula colaboracion via inovacion cerca e companianan. Impact Hub ta ofrece un espacio incubador pa start-ups, un co-working space pa compania chikito, un co-working space pa compania grandi cu ta ofrece su empleado posibilidad di traha remote y un co-working space pa digital Nomads. Companianan cu kier crece of expande nan servicionan of productonan tambe por haya e sosten door di participa den un incubador. Otro aspecto importante ta cu e incubador lo yuda e negoshinan via coaching, facilita servicionan y ta a base di e metanan cu ta inclui den e SDGs (Sustainable Development Goals) pero tambe por enfoca riba e sectornan prometedor manera Gobierno tin stipula.

Pagina 21

Diabierna 22 Juli 2022

Sint Maarten, Curacao y Aruba a fada di maltrato; Hulanda ta Mal mama-bon madrasa

Tanto Sint Maarten, Curacao y Aruba a tuma nan propio decision, kibrando cu e condicionnan Hulandes, cu na dado momento a bira insostenibel pa e gobiernonan. Sint Maarten a bay over na paga vakantiegeld, Curacao a bay over na paga gratifiacion di 1750 florin, y Aruba a bay over na paga salario cu 5%, bek na 100%! Den un carta pa Tweedekamer, Van Huffelen a skirbi: “Inmid-

dels is duidelijk geworden dat Sint Maarten tot uitbetaling van vakantiegeld, waarop was gekort, is overgegaan. De Curaçaose regering heeft besloten tot uitbetaling van een eenmalige gratificatie. In beide landen zonder positief Cft-advies of instemming van de RMR, waarmee zij zich niet houden aan eerdere RMRbesluitvorming.” E decision di e 3 gobiernonan pa asumi nan responsabilidad autonomo y kibra cu e condicionnan

di Hulanda, mester bira un signal bon cla pa Gobierno Hulandes, bo no por ta MAL MAMA, BON MADRASA.

Hulanda y Hulandesnan di poder mester bay recapacita, e oprecion, e forma con nan ta oprimi pueblo, cu no ta corecto.

Mal mama, pasobra bo sa cu tin un aumento di costo di bida, y bo kier HORCA e pueblonan. Pero pa Ucrania si ba cabi manda e siman aki 100 miyon Euro.

Bo no por haci tanto drama, pa un norm di finansas, cu ta diferenciabo di 1 aña pa yega na un surplus.

Pues, bo yiunan bo ta hala nan cu skop, tratanan manera katibo, pero aya banda ta zorg bon pa otro yiu cu no ta bo yiu.

Polis a detene 3 persona y a confisca auto den cual a bin haya droga tambe Dialuna anochi a drenta informe di un problema na Cantaloupestraat, mesora a dirigi un patruya na e sitio. Na yegada di e patruya a bin compronde cu un rato prome e trio aki a agredi y menasa hende den e sercania y awor a bolbe pa mas problema. Polis a yega na ora y a detene tur 3 sospechoso y ora cu a listra den e auto a bin logra haya droga tambe. Polis a confisca e droga y e vehiculo.

Pagina 22

Diabierna 22 Juli 2022

Apartamento patras di un cas na Jan Flemming a pega candela

Diamars atardi durante patruya polisnan atento di distrito 4 a topa cu un apartamento na candela patras di un cas na Jan Flemming, mesora a solicita yudansa di mas patruya y tambe di bomberonan. Na yegada di bombero meaora a inicia cu un combate pero mucho mas no por a logra scapa. Solamente a caba di paga e candela, autoridadnan ta investigando e causa di e candela.

Joyrider tabata trip cu 3 mucha muher den auto horta Diamars for di oranan tempran a drenta informe di joyriding di e Nissan Cube color silver numera A12413, msora a avisa tur patruya riba caya di e ladronicia aki. Durante transcurso di e dia a drenta varios informe di cu e vehiculo aki ta moviendo den e area di e highrise hotelnan pero no a logra spot e. Den oranan di atrdi a drenta otro informe di cu

e vehiculo aki lo ta na e rotonde banda di Ritz Carlton y bayendo zuid. Mesora a dirigi varios patruya den e direccion ey. E vehiculo a sigui bay zuid y na altura di ex Ratland a bay pariba. Eynan polisnan a logra spot e y a siguie y na altura di Palm Beach 90 e chauffeur cu tabata trip cu 3 otro hobencita nan tur a bandona e vehiculo y a split y a sigui na pia.

Den e huida e chauffeur a laga su 2 slofnan atras banda di e auto y a sigui na pia. Descripcion a ser duna cu e chauffeur cu e chauffeur lo ta bisti cu un shirt preto y petchi cora, varios patruya di strand, Noord, brigada motorisa y tambe K9 ayuda den e buskeda y a logra topa cu e chauffeur banda di e celsite pazuid di Old Cunucu House y mesora a mande vloer y a detene.

Un rato despues un otro patruya a logra detene 2 di e mucha muhernan cu tabata cun’e na Palm Beach pero tabata falta un mas pero e otronan ya caba a basha abao ken e otro mucha muher tabata y cone tabata bisti. Lo ta bon pa e mucha muher aki bay entrega su mes na un di e wardanan di polis pa evita nan sali bay buske y pasa maltrip.

Homber cu kap serio na cabes despues di a cay cu Scooter Electronico Diahuebs den careda di 2 or y mey di merdia. Alarma a wordo bati pa un persona cu a resulta seriamente herida desepues di un accidente cu un scooter electronico na Pos Chikito, na altura di Kaman Supermarket. Mesora a manda polis y ambulance na e sitio. Na yegada di polis di trafico, nan a bin compronde cu no ta trata di un accidente di trafico, pero cu e persona cu tabata core e scooter, lo tabata bou influencia di un of otro substancia y a cay for di e scooter y dal su cabes hopi duro ariba asfalt.

na su curpa, e tabata tin un corta basta grandi na su cabes y tabata sangra for di su horea tambe cu ta un indicacion di un posibel trauma serio na su craneo. Pa polisnan di trafico nan sorpresa esnan cu lo tawata cu e homber no a keda na e sitio, pero si a pasa man pa e Scooter bandonado e luga. E incidente a sosode pazuid di caminda, schuin tegenover di e supermarket. Na e sitio agentenan mesora a cuminsa tira bista unda tin Security Cameras y a acerca e doñonan si nan lo por coopera pa mira kiko a sosode.

E victima a ricibi diferente golpi

Paramediconan cu a yega na e si-

tio despues di a stabilisa e homber a sali cu ne dirección Hospitaal.

Pagina 23

Diabierna 22 Juli 2022

IBiSA Kamp 2022

Dialuna mainta dia 18 di juli a start e programa vacacional pa muchanan, IBiSA kamp organiza pa IBiSA tanto na Centro Deportivo Libertador Betico Croes y tambe na IBiSA San Nicolas Sport Centrum. Den e dianan cu a pasa muchanan por a practica diferente actividad fisico y tambe deporte pa asina keda activo pero tambe a haya charla di diferente instancia di Aruba. Muchanan a haya charla for di Juffrouw Ingela Lacle cu a siñanan con pa planta algun simia pa asina bira mata di fruta, flor of berdura. Meneer Ludwig Rasmijn di Santa Rosa a duna charla tocante mata di fruta y tambe cria di bestia, a splica na e muchanan cu mata

di kwihi ta nace y crece solamente na Aruba, e ta un mata cu nos mester ta orguyoso di dje. Tambe, Parke Nacional Arikok tabata presente y a duna charla tocante matanan y bestianan cu nan tin den parke, a duna splicacion cu e shoko chikito ta unico aki na Aruba. Pa loke ta actividad deportivo, muchanan ta gozando di weganan manera kickball, beach futbol, beach volleyball y mucho mas. Actividadnan ta sigui pa e siman aki y ta termina diabierna, dialuna otro siman IBiSA Kamp lo ta den bario di Savaneta y tambe den bario di Noord. Keda pendiente pa mas informacion riba pagina social di IBiSA.

Pagina 24

Diabierna 22 Juli 2022

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation

582-2219 583-2999 582-4433 587-1677 583-5400 131 588-3131 587-0002 588-9999

FOR SAL SALE Hyundai accent 2020

call 5694343

Pagina 25

Diabierna 22 Juli 2022

ELMAR; PROYECTO ONDERSTATION BALASHI NEW PROTECTION PANEL: Nos ta upgrading e sistema di proteccion di Onderstation Balashi. E sistema di proteccion ta un sistema cu ta monitor e switchnan di voltahe halto. Den caso cu tin un problema den e red di distribucion, e sistema ta habri e switch pa isola e problema y alaves informa nos di e sucedido. Adicionalmente, e sistema di proteccion aki ta comunica cu nos sistema di colecta data proveendo informacion esencial manera cuanto e load y voltage ta den e momento ey. Asina nos ta keda monitoria e red distribucion di serca.

Pagina 26

Sorteo 21 Jul 2022 Merdia

Diabierna 22 Juli 2022

Sorteo 20 Jul 2022 Anochi

DOW; Aviso importante ‼ Entrante dialuna 25 di juli 2022, for di 9’or di mainta te 7’or di anochi lo cera e brug di Green Corridor pa haci trabounan di mantencion. Desp di 7’or di anochi e brug lo habri parcial. Desviacion ta via e brug di Spaans Lagoen (teleruba) y Sabana Basora/Franse Pas. Duracion di e trabou akinan lo ta 2 siman.

Pagina 27

Diabierna 22 Juli 2022

PRONOSTICO DI TEMPO VALIDO TE DIABIERNA 22 DI JULI 2022 TEMPO: AWE ANOCHI: PARCIALMENTE NUBLA Y GENERALMENTE SECO DEN MARDUGA I MAYAN: PARCIALMENTE TE TEMPORALMENTE HOPI NUBLA CU UN AWACERO BREVE TEMPERATURA MAXIMO 33 GRADO CELSIUS TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 35 PA 38 GRADO CELSIUS UV INDEX: 12 BAHADA DI SOLO : 7:09 PM SUBIDA DI SOLO : 6:24 AM. BIENTO: MODERA TE BASTA FUERTE FOR DI GENERALMENTE DIRECCION OOST; FORSA 4 TE 5 (20 TE 39 KM/ORA, 11 TE 21 NUDO). DEN DIA FUERTE TE POSIBLEMENTE DURO DEN RAFAGA; FORSA 6 TE 7 (40 TE 61 KM/ORA, 22 TE 33 NUDO) SITUACION GENERAL DI TEMPO PA PROXIMO 24 ORA: UN OLA TROPICAL TA MOVIENDO DEN PARTI OOST DI AREA DI CARIBE. ESAKI LO TRECE POCO HUMEDAD DEN REGION CU POR INDUCI UN AWACERO PASAJERO TE BREVE DEN ORANAN DI MARDUGA Y MAINTA TREMPAN. DI OTRO UN BANDA POR BISA CU STOF FINI DI SAHARA DEN CONCENTRACIONAN VARIA LO STROBA VISIBILIDAD UN POCO DURANTE PROXIMO DIANAN. CONDICIONAN MARITIMO/ ESTADO DI LAMA: NA PARTINAN PROTEJE DI COSTA: LEVE NA PARTINAN ZUID: TRANKIL TE MODERA NA PARTINAN OOST TE NOORDWEST DI COSTA: GENERALMENTE MODERA AVISO/ ALERTA: NA OCUPANTENAN DI BOTO CHIKITO TA PIDI CAUTELA NA PARTINAN OOST TE NOORDWEST DI COSTA Y RIBA LAMA HABRI. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 TO 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA (8’AM PA 8’AM): AIRPORT : MAX 31 / MIN 27 / 0.0 MM WESTPUNT: MAX 32 / MIN 27 / 0.0 MM STA ROSA: MAX 32 / MIN 27 / 0.0 MM PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO PASAJERO. BIENTO LO TA FOR DI DIRECCION OOST I MODERA TE BASTA FUERTE; FUERTE TE POSIBLEMENTE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 27

DEPARTAMENTO METEOROLOGICO ARUBA

Pagina 28

Diabierna 22 Juli 2022

“Dios ta amor... y amor ta Dios, maske mi no ta na e mundo aki, tur dia lo mi ta banda di boso Curazon, mi por stens di loke Señor ta hasi” Salmo 33

Den nomber di famia nos ta gradici tur hende cu a duna nan atencion durante e dianan diﬁcil cu entierro di nos difunto stima:

Cu profundo tristeza na nos cuurason, nos ta anuncia fayecimento di noa defunto stima

Petra Isidora Thodé-Rasmijn miho conoci como “ Dora “ *19-05-1949 – †08-07-2022

Sr. Pablo de Cuba

Cariñosamente yama “Paluchi of Papadushi” *02-07-1943 - †15-07-2022 Esposa: Mama: Tata:

†Yolanda de Cuba-Croes †Willibrorda de Cuba-Paesch †Lamberto de Cuba

Na nomber di su: Shirley de Cuba Gilbert de Cuba y Ilsen Willems y yiunan Eugene y Mariela de Cuba-Kelly y yiunan Nieto(a)nan: Roxanne y Gabriel Prato-de Cuba y yiu, Roselyne de Cuba, Ingomar de Cuba y Camille Kelly, Gillian de Cuba y Mijullie Ras, Cylienne de Cuba Bisanieto stima: Andrew Prato

Yiunan:

†Petronilia de Cuba y yiunan †fFelipe (Taita) de Cuba Agustin de Cuba y yiu †Juan de Cuba, esposa y yiunan Martio de Cuba, esposa y yiunan †Maria Gomes-de Cuba, esposo y yiunan Hose de Cuba, esposa y yiunan

Nos kier a gradici na tur esnan cu a manda nan condolencia via telefoon,whatsapp, facebook of otro medionan social. Tambe na Aurora Funeral Home pa nan bon servicio. Alaves nos ta informa cu lo tin 3 santo sacriﬁcio di misa na Parokia Inmaculada Concepcion na Santa Cruz, pa descanso di alma di nos difunto stima: Diahueps 21 July 2022, Diasabra 23 July 2022 y Diamars 26 July 2022 tur ta pa 7 or anochi na Parokia Inmaculada Concepcion. Despues di ultimo misa lo tin un rosario na cas adres Cas Ariba 51 A.

Rumannan:

Cuña y swanan, sobrina y sobrinonan, comer y compernan Ihanan: Edwin, Violeta, Tonito, Pierre, Kendrik Mama di su nieto(a): Cecily Tromp Ex trahador di Bestuurkantoor, Ex trahado di Archivo Nacional, Ex miembro di sindicato SEPPA, Ex miembro di Aruba Center League, Ex-president di Calabas Blue Jays Demas famia: De Cuba, Paesch, Croes, farro, Kelly, Boekhoudt, Gomes, Tromp, Webb, Perez, Willems, Prato, Lacle, Simons, Britten, Matos, Ruiz, Vasquez, Alberto, Klerk, Carasquerro, D,Quiar, Flanigin, maduro, Hek, Bareño, Rodriguez, Lemus, Gomes, Disculpa nos si por a lubida algun famia Ta invita pa acto di entiero cual lo tuma lugar dabierna 22 di juli 2022 na Misa Sta. Filomena na Paradera di 2’or pa 4’or di atardi. Despues lo sali pa Santana Catolico na Paradera. Condolencia lo tuma lugar na Aurora Funeral Home diahuebs 21 di juli 2022 di 7’or pa 9’or di anochi.

Oracion di dia 22-7-‘22 Un felis comienso di weekend cu hopi bendicion di Dios yena cu hopi fe y speransa den nos Bon Dios. Maria Magdalena a bay bisa e discipulonan: “ Mi a mira Señor !” Huan 20,18 Awe nos ta celebra cu alegria fiesta di Maria Magdalena. Prome señora cu Hesus a scoge pa anuncia Su resureccion, yamada pa nos muri di nos picanan y resucita den santidad. Maria Magdalena tabata fiel y cu un amor grandi pa Señor. Cada dia, Señor ta haci un yamada na nos pa nos por hiba un bida cu ta agradabel p’E. Awe Hesus kier haci nos un pregunta di curason. Kico nos mester haci pa biba segun Su boluntad? Arepenti, converti, biba nos bautismo y haya salbacion. Amor ta e vehiculo importante pa nos fe, pasobra nos no ta scucha, ni wak, ni kere e hende cu nos ta stima cu ta Hesus. Laga nos habri nos curason, scucha Su bos y tin un encuentro personal cu Hesus, pa asina nos por cana e caminda di berdad y bida. Señor mester tin un luga den nos bida, curason y tur cos cu nos ta haci. Nos tin cu busca Hesus constantemente. Laga nos no tin miedo di proclama e Bon Noticia cu Hesus a resucita y comunica E regalo grandi di Dios Tata. Oracion: Señor, Abo ta fuente di tur bida pasobra Bo mes ta bida. Haci mi fe mas bibo, mas firme y mas grandi. Mi ta stima Bo y sigui Bo cu tur mi curason. Amen.

Pagina 29

Diabierna 22 Juli 2022

“Dios ta amor y amor ta Dios, maske mi no ta na e mundo aki, tur dia lo mi ta banda di boso curason, mi por stens di loke Senor ta haci”. Salmo 33 Cu inmenso dolor den nos curason, pero conforme cu e boluntad di nos bon Dios, nos ta anuncia fayecimento di nos ser stima:

Den cunucu di yerba berde e ta ponemi sosega. Pa mi bolbe haña forsa”. Cu dolor na nos curason, nos ta anuncia fayecimento di:

Sra. Vda. Angelica Hernandez-Dirkz Cariñosamente yama Machi of Antin *05 Juni 1932 – † 08 Juli 2022 Na nomber di su:

Nieto(a) nan:

Esposo: † Mario “Mai” Hernandez Yiunan: † Marina y Hendrik Kelkboom-Hernandez Maira Hernandez Raymond y Olga Ortencia Hernandez-Tromp Erwin y Vivian Hernandez-Thode Angelo y Jeanice Kelkboom-Wernet Elton Kelkboom Mayline Kelkboom y Giandro Frans na Boneiro Zohmaira y Eugene Helder-Filiciana y Famia Uka y Burthy Kock-Filiciana y Famia Zihnaira Filiciana y Edward Maduro Raymrick “Remy” Hernandez Leomar Hernandez y Edellyn Vasquez Bisanieto(a)nan: Jeanray Kelkboom Eugene Jr Helder y Jennifer Martes Eugemar Helder Eugöne Helder Zeninah Kock y Eduard Donata Zenon Kock Tataranieta: Elle-Mae Donata

Ruman: Francisca “Shon” Hernandez-Dirksz y Famia Demas rumannan den felis memoria. Tur su Sobrino(a) nan, Swa y Cuña nan, Prima y Primo nan, Iha nan, Comer y Comper nan, su bon bisiña nan. Demas Famia: Dirkz, Hernandez, Kelkboom, Tromp, Thode, Helder, Kock, Filiciana, Maduro, Wernet, Frans,Vasquez, Geerman, Rosel, Abath, Peña, Kelly, Croes, Martes, Donata. Ta keda invita pa compaña nos pa hiba nos defunto stima na su ultimo lugar di sosiego Diabierna 22 Juli 2022 for di 9or pa 11or di mainta na Misa Inmaculada Concepcion na Santa Cruz. Nos disculpa si den nos dolor nos por a lubida un of otro famia. Nos ta lamenta cu despues di entiero nos no ta ricibi bishita di condolencia na cas. Those we love…don’t go away. They walk beside us every day. Unseen, unheard, but always near, still loved, still missed and forever dear. Cu dolor na nos curason, nos ta participa fayecimento di nos ser stima:

Sr. Louis R.F. Pâris II Cariñosamente yama “Chito” *28-11-1941 - †20-07-2022 Acto di despedida lo wordo anuncia despues

Sra. Maria Catharina Dijkhoﬀ-Petrocthi *22-10-1948 - †18-07-2022 Na nomber di su: Yiunan: Milka, Samuel, Raquel y Lupita Rumannan: Candi, Livia y famia Cuña: Jessica Tromp y famia Prima stima: Karin Tromp y famia Tur su sobrino(a)nan, primo(a)nan, amigo(a) nan di testigonan di Jehova. Amigonan di Botica Paradera. Demas famianan: Dijkhoﬀ, Petrocthi, Boekhoudt, v/d Poel, Tromp, de Cuba, Britten y Pontiluis. Nos disculpa cu den nos tristesa nos por a lubida un of otro famia Acto di entiero ta tuma lugar Diasabra 23 di juli 2022, for di 9:00 pa 11:00 di mainta na Aurora Funeral Home y despues lo Sali bai pa santana Central na Sabana Basora

Pagina 30

Diabierna 22 Juli 2022

FORTALEZA PA FAMIA Scirbi pa Pastor Marcel Balootje.

BO YUDANSA TA BINI DI DIOS

“Dios ta vigila nos bida di un distancia ora cu e kier pa nos bin drumi den su dushi brazanan e ta yama nos bin cerca dje” Cu inmenso tristeza y dolor na nos curason pero agradecido pa tur locual e la nifica pa nos y conforme cu boluntad di Dios nos ta anuncia cu a bai den “Reino di Señor nos mama – wela – bisawela – tatarawela – tanta – suegra stima

Sra. Petra Boekhout – Werleman 19-07-1922 † 16-07-2022

David a bisa den Salmo 121 : Lo mi halsa mi bista na e seronan for di unda mi yudansa lo bini. Mi yudansa ta bini for di Señor kende a traha cielo y tera. Ora un hende pone su bista riba Dios e por spera tur cos for di Dios, pasobra e ta depende di Dios, y Dios a primint cu esnan cu confia den djE hamas lo no keda brongosa. Esey ta nifica cu e mayor of miho bisa , un tata cu ta stima su hogar tin su bista fiha riba Señor pa asina Señor yude guia su hogar, y e por tin semper pan riba mesa pa su yiunan. Deposita bo confiansa den Dios su yudansa, no ta algo temporal, pero ta algo constant, ta bo forma di biba, algo cu bo por duna testimonio di dje, pa tur hende por sa cu Dios ta berdadero y Dios ta cumpli. Mirando cuanto hende ta cay den trampa di materialismo y cuminsa pensa cu tur cos nan por y cu nan no tin mester di ningun hende , pasobra ta asina e diabel ta gaña hende haci nan orguyoso, pa asina e mantene nan esclavisa, nos mester corda tur hende cu tur cos bon ta bini di Dios ( Santiago capitulo 4:17). Pasobra Salmo 31 :19 ta bisa: Hopi ta e penanan di e malbado, ma esun cu ta confia den Señor misericordia lo rondone. Tin hopi hende ta busca yudansa den baho mundo, inmoralidad, idolatria y bruheria, y hopi ta aparta for di caminda di Dios, pensando cu asina nan por yega na cierto cos of poder. Pero kico ta bal mi tin hopi cos y mi no por drumi anochi, mi tin hopi cos pero mi no tin pas, mi tin hopi cos pero mi no

tin salud, mi tin hopi placa pero mi no tin amor y ta pesey famia a dividi , pasobra nan a bin nota cu mi ta stima cos mas cu hende.Esaki ta un situacion den cual hopi hende ta pasando, ora material a tuma dominio, y asina nan a perde amor pa hende. Palabra di Dios ta bisa cu Dios ta poderoso pa haci tur gracia abunda pa boso,asina ta cu teniendo semper suficiente di tur cos, boso por tin abundancia pa tur bon obra. Abundancia di pas, trankilidad, goso y amor eseynan ta locual cu ta haci bida rico. Especialmente e paz ta hopi importante pa nos, pasobra tin hopi hende cu tin tur cos pero nan no tin paz y trankilidad pa disfruta di bida. Juan capitulo 3 vers 27 ta bisa: Un hende no por ricibi nada, si esey no wordo duna na dje for di cielo. Juan capitulo 15 ta splika nos, cu pega na Hesus nos por logra tur cos pero lew for di djE nos no por logra nada. E yudansa cu Dios ta duna ta unico, e no ta costa placa , pero e ta exigi obedencia , constantemente, pasobra nos tin di corda cu Hesus ta e mata di wijndruif y nos ta e ramanan, un rama cu kita for di e mata ta seca y muri, pero un rama cu keda pega na e mata , semper lo duna fruta. Nos ta bibando den tempo trabahoso den cual e sistema di mundo ta hala hende for di caminda di Dios, pero Dios ta bisa nos pa perservera y hala mas serca Dios cu ta posibel te ora nos yega e meta. Sinceramente, Pastor Marcel Balootje.

Vuida di:

Johan Eligio Boekhout

Yiunan :

† Cornelis y Sylvia Boekhout Aida y † Chenco Harms y famia † Hose y † Coleta Boekhout y famia † Rosa Harms y famia Ronny Boekhout y famia Lidia Boekhout Chicka y George y famia Mario Boekhout Violeta y Arsenio Willems y famia Modesto Werleman

Nieto nan:

† Johan, Theodoor, Jolanda, Vivian, Stanley, Miquel - Jane, †Glenda, †Mirtha, Ludy. Michael y Fai Harms y famia, Marlene, Eveline Harms y yiu, Maureen Harms y Eugene Maduro y famia. Tony, Jacky, Raquelita, Mario, Sandra Boekhout. Rafy Harms y famia, Jacky Harms y famia, Suzy y Jorge Croes y famia, Sharine y Clive Winterdaal y famia. Shanandoa Wijshijer y Ivo Jacobs y yiu. Jayant Willems.

Subrino mas serca: Jacky Mercera y famia Bon amigo na Venezuela: Rafael Chirino y famia Y demas famianan: Boekhout, Werleman, Harms, Wijshijer, Henriques, Maduro, Willems, Winterdaal, Danje, Tromp, Jansen, Croes, Jacobs, Mercera, Lampe, James, Chirino nos kier a invita demas famia y conocirnan pa e acto di intiero cual lo tuma lugar Diasabra 23 di Juli pa 4or di atardi. Saliendo di misa Inmaculada Concepcion pa santa catolica pastor de Vries. E resto nan lo ta reposa di 2or di atardi den misa Inmaculada Concepcion. Nos ta disculpa si den nos tristeza nos a lubida algun number nan di famia. Despues di entiero no por ricibi bishita di condolencia na cas

Pagina 31

Diabierna 22 Juli 2022

Laga tur loke ta sperami ta bunita Laga tur locual cu mi encontra na caminda ta bunita Laga tur locual cu mi laga atras keda bunita i Laga esakinan termina den bunitesa.

Cu inmenso tristesa den nos curason nos ta anuncia cu a bay Sosega inesperadamente den brasa di Señor.

Sra. Antonia Gordiana Dirksz-Greaux

Cariñosamente yama: Chichi,Antonia of Dudu. *10-05-1952 - + 16-07-2022 Na nomber di su: Casa: Lucas (Herman) Dirksz Yuinan: Alicia Dirksz, y Esposo Luis Bislick Herman Dirksz (DJ HULK) y Esposa Maria Delgado Nieto y Nietanan: Valentino Dirksz y Alexandra Kock Loui-Angelo Bislick Leoncita Estephany Dirksz y Estevan Sanchez Lieshandra Dirksz y Jean-pierre Falcones y yiu (Hul) Enrika Dirksz y yiu Ashley Morgana Dirksz Bisanietanan: Isabella Falcones (Hul) Asher Bethencourt Ruman nan: Vicente (Nacho) y Sra. Teresa (Sita) Greaux y yuinan Nicolina y Anselmo Wernet y yuinan Mariana Greaux y yuinan Bernadeta (Deta) y Edward Stefania Sharlin Greaux (Hul) Sobrino y Sobrinanan: Gilberto Greaux y Lindsey Greaux y yuinan Pierre Greaux y Sherry Croes y yui Jamille Greaux y Luis Kwidama y yuinan Humphry Wernet Maureen Wernet y Van Truren y famia Brian Seraus Geraldine Terol-Seraus y Jim Terol y yiunan (Hul) Donna-Lee Diaz y yiunan (Hul) Joel Greaux, Nina y yiunan Swa y Cuñanan: Vda. Magdalena Croes-Dirksz y Juan Marin y famia (Teresa(Sita) y Vicente (Nacho) Greaux y famia) + Laurencio (jenki) Dirksz y Lucia (Rika) y famia Egidia Geerman + Nemencio Geerman y famia Marco Geerman y yiu (Hul) Tanta y Omonan: ihanan, primo y primanan, Comer y Compernan Amiga, Colega pa hopi Aña Griselda Croes y famia Patricia Arends Yepes y Roland Arends Famia Demas Famia: Dirksz,Greaux,Croes,Bislick,Delgado,Wernet,Seraus, Geerman,Odor,Ras,kemp,Ridderstap,Werleman,Van Truren,Terol,Kock,Falconi Oportunidad pa condolencia lo ta diabierna 22 di juli 2022 di 7:00 p.m. pa 9:00 p.m. Na Aurora Funeral Home. Acto di entiero ta tuma lugar Diasabra 23 di Juli 2022 for di 9:00 a.m. pa 11:00 a.m. Na misa Imaculada concepcion Sta.Cruz y despues pa Santana Maria Sta.Cruz . Nos disculpa si den nos dolor nos por lubida un of otro Famia

Pagina 32

Diabierna 22 Juli 2022