Diabierna 16 september 2016

URATACA CENTER

PorkChop Sauce Criollo, Aroz morro, Banana & Salada

Diabierna 16 September 2016 -Edicion-10 Vol.2066 Sta.Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Tel: 585-5212

DEN ACCION INESPERA....

XIOMARA A CONFRONTA PG DEN PARLAMENTO El’a bypass Minister y cuminza papia cu PG Andin Bikker evaluando sosten di PDR:

Prome Minister Eman tin cu asumi su responsabilidad riba e “geregistreerd partnerschap”

500 refugiado lo wordo acomoda na Sta. Cruz Y aparentemente 500 na Playa

Aruba a yega bek di Punta Cana cu premionan Internacional!

Wenyivet Wever Grand Prize Beauty World 2016 y Shariene Jacobs Pre Teen Beauty World 2016

Fiscal Mayor cu recompensa di Afl. 5.000 pa tip di oro den atraco arma

NO TA HULANDA TA RESPONSABEL?

Aruba mester stop di tuma responsabilidad pa asuntonan cu ta responsabilidad di REINO HULANDES. Aruba a keda bergonza….

CORSOU A DUNA ARUBA LES DEN SINDICALISMO Cinco Venezolano cu creditcard falso a purba pasa nan kaarchi na Sam’s

Pagina 2

Diabierna 16 September 2016

Partido MEP:

DICON PARLAMENTO A BIN CU AMIENDA # 7?

Conforme hurisprudencia di corte di derecho humano, cu ta vigila e tratado di derecho humano na cual Aruba tambe ta afilia, cada pais mester cumpli cu e exigencianan basico di derecho humano. E corte ey na 2015 a dicta cu parehanan di mesun sexo no tin e derecho humano pa matrimonio, pero SI tin e derecho humano di ‘family life’ pa biba cu otro. E mesun corte a impone riba tur pais afilia pa respeta e derecho humano di parehanan di mesun sexo. Y si un pais no kier ancra e matrimonio entre personanan di mesun sexo den su leynan, e ta obligue SI pa ancra un otro alternativa pa nan. Corte di derecho humano ta laga espacio pa cada pais tene cuenta cu su cultura, norma y balornan, pero limita. Pesey e corte ta duna e opcion na cada pais. Si e pais NO kier ancra e matrimonio di mesun sexo den ley, e pais tin e obligacion di

crea un otro alternativa. Si e pais NO crea e otro alternativa, un huez por dicta na fabor di ancramento di matrimonio di mesun sexo den nos leynan local. Na Aruba un huez a dicta na Mei ultimo den un caso similar cu debi cu gobierno tabata negligente pa ancra un derecho den ley (den e caso ey, derecho di un mucha pa haya e fam di su mama), corte a dicta na fabor di e mama y maske cu ley no ta permiti un mucha carga fam di su mama, toch corte a dicta na su fabor, pasobra gobierno tabata negligente den regla esaki. En bista cu e parlamentario de Sousa-Croes a anuncia caba cu e lo acudi na corte, e riesgo tabata grandi cu si Aruba no regla un alternativa pa parehanan di mesun sexo, cu un huez por a dicta na su fabor. Pesey mester a bin cu un amienda # 7: pa cumpli cu e veredicto di corte di derecho humano pa ancra un alternativa den ley, union civil, pa

Muher ta cana haci venta sospechoso den oranan marduga Diarazon, pa mas of menos 5'or y 26 di marduga, Central a dirigi patruya na un adres na Savaneta caminda cu un dama desconoci tabata bati na porta. Na esitio e dama Z. a declara cu e dama desconoci a yega pa 1'or di marduga pa bende un aparato. Rond di 5'or y mey di marduga, el ‘a bin bek y a cuminsa bati duro na porta y a grita cu e tin un celular na venta. Z. no a wak pafor pasobra e tabata spanta. Na yegada di polis ya e muher a bay. Patruya a controla den vecindario, pero no a topa ningun muher ta cana rond. Central a wordo poni na altura.

asina matrimonio keda un instituto entre hende homber y hende muher. Si amienda # 7 no a bin, y e alternativa di union civil no a wordo ancra den ley, awe e porta lo ta habri pa un huez dicta cu mester ancra e matrimonio entre persona di mesun sexo den ley. Y esaki no ta locual e comunidad Cristian ni Catolico kier pa

Aruba. E gran parti di nos comunidad, inclusivo clero y representante religioso a urgi parlamentarionan pa percura pa esaki no pasa. Pa haci tur lo posibel pa matrimonio keda e instituto entre hende homber y hende muher. E UNICO forma pa por a logra esaki, ta atraves di amienda # 7, den cual ta brinda un alternativa na parehanan di mesun

sexo, pa asina segura cu matrimonio ta keda entre hende homber y hende muher.

SI AMIENDA # 7 NO A BIN, MATRIMONIO DI PERSONA DI MESUN SEXO LO A BIRA POSIBEL NA ARUBA!

Pagina 3

Diabierna 16 September 2016

DEN ACCION INESPERA....

XIOMARA A CONFRONTA PG DEN PARLAMENTO El’a bypass Minister y cuminza papia cu PG Mr. Xiomara Ruiz Maduro a sorprende tur hende den parlamento di Aruba, ora cu diripiente, el’a probecha cu PG nobo di pais Aruba ta sinta den sala, pa e dirigi su mes directamente na dje. Despues di a pidi permiso di Presidente di Parlamento, Xiomara a bypass Dowers y el’a cuminza papia directamente cu e PG. El’a cambia di idioma y bay over den Hulandes. El’a puntra e PG, ta kico falta pa e por cuminza investiga e corupcion cu tereno di pueblo, unda tin tur prueba con Benny, Every y Abath ta pre fix e bon terenonan pa Leoncita. E-mailnan cu a lek, ta mustra cu Leoncita ta slijm cu Benny y unda Every ta fix tereno pa Leoncita. Ta reserva tal tereno y ta tip off Leoncita pe core manda su carta. Tin tur prueba riba mesa y aki Xiomara a score hopi halto mes. El’a mustra clase y a probecha e minuutnan aki pa penetra den cabez di e PG. Awor e PG tambe lo mester bay fiha su punto di bista y nos lo no duda cu e mester cuminza un investigacion, cual lo termina riba detencion di Leoncita, Every, Abath y Benny.

Aruba a duna presentacion tocante Traficacion di Hende pa Interpol Durante un training cu Interpol a duna siman pasa na Trinidad & Tobago tocante Traficacion di Hende den region di Caribe, Max Wernet di e Centro di Coordinacion pa Traficacion y Contrabanda di Hende Aruba, a haci un presentacion con Aruba y Reino Hulandes ta combati traficacion na un manera multi disciplinario y regional. E training na Trinidad & Tobago a wordo organiza door di Interpol bao di e nomber “Victim Identification, Refferal and Assitance” y ta parti di e “Project to Combat Human Trafficking in the Caribbean”. E training a dura 5 dia y tabata pa duna hefenan di inmigracion y Polis mas conocemento di e materia.

Interpol a invita Aruba pa duna e presentacion door cu Aruba ta bon conoci internacionalmente como un pais chikito cu ta ta combati y preveni traficacion di hende na un manera efectivo. For di aña 2007 Aruba un Taskforce Contra Traficacion y Contrabanda di hende, cu ta wordo dirigi door di e Coordinadora Nacional, mr. drs. Jeannette Richardson-Baars. E Taskforce ta consisti di departamentonan na Aruba cu den un of otro manera tin di haber cu traficacion of contrabanda, manera ta Cuerpo Policial Aruba, DIMAS, Departamento di Labor y IASA (Inmigracion y Guarda nos Costa). For di aña 2015 Aruba conoce tambe un Centro di Coordinacion pa

Traficacion y Contrabanda di Hende cu ta registra tur señal di traficacion, inicia investigacionnan di traficacion y duna training y informacion con pa reconoce señalnan di traficacion.

E delegadonan presente di Trinidad & Tobago, Jamaica, Guyana, Barbados, Saint Lucia, Belize y Turks and Caicos tabata impresiona cu e enfoke di Aruba y a mustra hopi interes pa un cooperacion den futuro. Esey ta cay bon cu e plan di Taskforce pa den 2017 - posiblemente hunto cu Interpol - organiza na Aruba un conferencia cu e titulo “Addressing Human Trafficking: promoting a multidisciplinary approach and regional cooperation”.

Pa e aña 2016 e Taskforce ta planeando algun training pa trahadornan di

aerolineanan, hotelnan, studiantenan y publico di Aruba.

Pagina 4

Fiscal Mayor a saca recompensa di Afl. 5.000 pa tip di oro den atraco arma

Diabierna 16 September 2016

State of the Economy prome trimester di 2016 levemente inflacionario, ya cu e “core inflation” (inflacion excluyendo componentenan di alimento y energia) a subi te na 0,7 porciento.

Fiscal Mayor a saca un beloning di 5.000 florin pa e tip di oro cu lo hiba na detencion y huicio di e sospechoso of sospechosonan di e tiroteo diamars 13 di September ultimo den un cas na Wayaca. Den e tiroteo aki un persona a fayece y un otro a resulta herida. E persona cu supuestamente a drenta den e cas y a los tiro, ta fugitivo desde e momento ey. Husticia ta sali di punto di vista cu e ta ainda na Aruba. E investigacion den e caso aki ta den plena marcha y ta den man di un team grandi di TGO, bao guía di fiscal. Recherche ta investigando tur posible pistanan. Den interés di e investigacion, lo no wordo duna mas informe na e momento aki. Si bo ta dispone di informacion cu posiblemente por hiba na solución di e caso aki, por fabor tuma contacto cu Polis. Bo por meld cerca señor Jacobs di e Team Bijzondere Projecten na Frankrijkstraat 7 (telefon 5273250). Bo por eventualmente yama tiplijn tambe (anónimamente) na 11141.

Awe lo presenta den Corte di Prome Instancia 16 di September 2016 Pa 8:15 am: Pro

forma. E.M.P. ta wordo acusa di a viola un persona riba 17 di Mei 2016.

Pa 8:15 am: Pro

forma. E.R.R.L. ta wordo acusa di abuso sexual di un mucha den e periodo di prome di Januari 2013 te 31 di December 2014.

Pa 8:15 am: Pro forma. D.A.C.O. ta wordo acusa di posesion di un arma di candela riba 29 di Mei 2016.

Pa 8:15 am:

Pro forma. J.F.P.M. ta wordo acusa di estafa y di a intencionalmente haci maluso di un identidad falsifica den e periodo di 31 di Mei 2016 te prome di Juni 2016.

Pa 8:15 am:

C.A.M.J. ta wordo acusa di posesion di un revolver riba 27 di Mei 2016.

Pa 8:30 am:

E sospechosonan P.F.H.G., C.D.A.H., A.A.H., L.L.C.G., A.N.B.. ta wordo acusa di, conhuntamente cu un otro of otronan, posesion di cocaine y hennep riba 21 y 22 di November 2015.

Awe Banco Central di Aruba (BCA) ta publica e asina yama State of the Economy pa e prome trimester di 2016. E publicacion aki ta provee un sinopsis di e desaroyonan economico local y internacional pa e trimester bao reviso y tambe su proyeccionnan pa e aña 2016 den su totalidad. E puntonan mas importante ta wordo presenta abao incluyendo un resumen di e indicadornan economico principal. Indicadornan disponible di e economia Arubano a demostra un debilitacion durante e prome trimester di 2016, refleha primordialmente pa un contraccion di 1,4 porciento den ingresonan turistico. Ademas, un mercado di credito cauteloso, bahadanan significante

den entradanan di impuesto riba comodidadnan y BBO, como tambe caidanan den diferente indicadornan economico, manera permisonan pa construccion, confianza di consumidor y importacion di alimento a enfatiza mas e condicionnan economico debil durante e trimester bou reviso. Riba e portada inflacionario, e promedio anual di e tasa di inflacion a continua su tendencia descendente durante e prome trimester di 2016 rebaha pa gran parti pa caida den prijsnan di gasolin. Ademas, un reduccion den tarifanan di electricidad (Januari 2016) y un consumo domestico debil a contribui na e continuacion di e nivelnan modera di prijs general. E desaroyo di prijs fundamental ta keda

Reserva di divisa neto a fortifica mas ainda den e prome trimester di 2016, creciendo cu Afl. 145,2 miyon te na Afl. 1.756,2 miyon, y na e nivel aki ta mas cu adecuadamente surpasa e normanan critico usa door di BCA, incluyendo e cantidad di lunanan di pagonan riba e cuenta coriente cu ta cubri door di e reserva di divisa neto (4,8 luna). Basa riba calculacion reciente di BCA, e economia Arubano ta proyecta pa expande cu 0,4 porciento den termino real pa 2016, despues di a experiencia un crecemento negativo na 2015 (-0,5 porciento den termino real). En general, e prome tres lunanan di 2016 a cuminsa lento den termino di actividad economico. Señalnan di un potencial crecemento economico pa 2016 lo materialisa solamente si e re-apertura di e refineria y inversionnan relata na esaki wordo ehecuta manera a wordo planea.

Pagina 5

Diabierna 16 September 2016

Andin Bikker evaluando sosten di PDR:

Prome Minister Eman tin cu asumi su responsabilidad riba e “geregistreerde partnerschap” Andin Bikker, lider di Partido Democracia Real den rueda semanal di prensa a cuestiona e Prome Minister Mike Eman, cu na opinion di PDR no ta asumiendo su responsabilidad riba e geregistreerde partnerschap. Segun Andin, prome minister Eman mes a core bay sconde na Bestuurskantoor, paga su television y bisti piyama di Spiderman bay drumi tempran, sin worry mes, practicamente, cu e tema di geregistreerde partnerschap. “Señor Eman tabata cana den gang intermedia y constantemente ta purba pa e tema aki bin dilanti pero na final di dia ta e nota di cambio cu Gobierno no kier a presenta, ta e base pa esnan cu a base di palabracion di Corte Europeo tin derecho di reglamenta den ley, por ehemplo, cu na momento un di e partnernan fayece nan por haya pensioen di viudo of viuda y cu den cuadro di belasting nan por paga un tarifa mas abao y asina aki por tin un trato mas preferencial, pa esnan cu a scoge bao di nos constitucion pa otro life style” Bikker ta sostene. Hecho ta cu mester bin un “invoeringsverordening”, pa entre otro, e ley aki bin na vigor y si señor Eman no asumi su responsabilidad, fraccion di PDR lo evalua di “suspende su sosten na e invoeringsverordening aki” pasobra nos ta haya cu gobierno no ta asumiendo su responsabilidad den esaki. “E amienda, na e manera

cu el’a wordo aproba, hamas ta habri porta pa e matrimonio pa esnan cu ta opta pa otro estilo di bida. Matrimonio ta keda entre hende homber y hende muher y esey a wordo salvaguardia, pero e schakel bepaling cu tabata tin riba mesa den e amienda di sra. Desiree De Sousa- Croes, esey si den mi concepto lo a habri e matrimonio pa esnan cu tin otro life style. En todo caso cu e amienda cu tur fraccion a sostene ta keda reglamenta e derecho riba pensioen di viudo y viuda y tarifa preferencial riba belasting ora un di e partnernan fayece”.

Esaki ta loke specificamente a ser aproba pa ehecuta e decision di Corte Europeo di Derechonan Humano. Andin Bikker ta lamenta cu tin hopi falta di informacion den comunidad tocante e embergadura di e amienda aki y Gobierno no ta contribuyendo pasobra e ta keda keto keto y caminda cu netamente ta cita na nota di cambio cu nan no kier a presenta, ta e base di e amienda cu tur e fraccionnan a sostene, pero en todo caso sr. Eman mester asumi su responsabilidad y si no ta asina, PDR lo evalua si no ta sostene e amienda aki.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 6

Diabierna 16 September 2016

500 refugiado lo wordo acomoda na Sta. Cruz Den e plannan di Mike Eman y su gobierno, por lesa cu proxiamente, Sta. Cruz lo bira e cas pa riicibi 500 Venezolano. Tin tur indicacion cu e situacion lo bay bira explosivo na Venezuela. Veneolanonan ya lo no por keda mas, si no bini un cambio democratico y si no bini e referendum revocatorio. Fuentenan ta bisa cu Nicolas Maduro lo faha su mes na poder y cueste loque cueste lo kier sigui masacra e pueblo pa 3 aña mas. Esaki lo bira un situacion masha dificil mes. Gobierno di Mike Eman tin pensa di tuma 500 Venezolano pa bin keda na Aruba. E informacion cu a lek ayera ta mustra cu e Venezolanonan aki lo yega na Sta. Cruz, na Sporthall. E informacion aki den pasado ya a wordo saca pa e sindicalista sr. Rene Bernabela, pero tur hende

a nenga e informe. Te hasta president di ASU cu ta doño di Sporthall a bisa cu ta gañamento. Awe nos por mira cu Rene

Bernabella a papia e berdad pa 100%. Ki dia e Venezolanonan ta yega? Nos no sa ainda! Tur cos ta depende riba kico sosode na Venezuela. Asina ta cu e pueblo di

Sta. Cruz, spera 500 Venezolano den boso centro. Un otro kamp lo wordo traha tambe na Dakota, unda lo acomoda 500 Venezolano, patras di oficina di SAC.

Gerencia di Departamento di Impuesto :

Tur cliente cu plach’i number temporario riba nan auto mester busca e plachinan oficial na Departamento di Impuesto Ta trata di clientenan cu tin number te cu A-66900

Departamento di Impuesto ta participa na tur cliente, kendenan actualmente tin plach’i number ‘A’ temporario riba nan auto, cu nan mester pasa busca e plachinan di number oficial na Departamento di Impuesto. Ta trata di clientenan nobo cu tin number te cu A-66900. E clientenan aki a ricibi un permiso pa nan mes traha e plachinan di number temporario y ponenan riba nan auto. E permiso aki ta valido solamente pa 30 dia. Mientras tanto

e permiso a caduca y tin basta cliente cu no a pasa busca nan plachinan di

number nobo – esun oficial – na Departamento di Impuesto.

Ta sumamente importante pa e clientenan cu na e

momentonan aki ainda ta coriendo rond cu plach’i number temporario, pa pasa na Departamento di Impuesto mas liher posibel y busca e plachinan oficial. Nan ta core risico di haya un procesverbaal, si acaso polis haya nan ta core riba caretera publico cu un permiso cu a caduca. E clientenan por pasa na oficina principal na Camacuri, na e local di custumber unda ta busca plach’i number. Ta pidi tur cliente pa trece e recibo di pago hunto cu e papelnan di seguro valido y e carta di permiso.

Pagina 7

Diabierna 16 September 2016

Rudy Richardson di MEP:

Gobierno actual a laga San Nicolas sangra muri y awor ta gaña trece un supuesto Festival di Arte

Mirando e ultimo hazañanan di GE II y e Minister di Turismo relaciona cu e supuesto Festival di Arte cu lo tuma lugar den e siguiente dianan mi no por keda sin duna mi opinion. E gobierno actual a laga San Nicolas sangra un morto natural desde 2009 te 2017. A laga comercio caba na nada, formacion di gang y bendemento di droga sin un maneho pa frena esaki. Prostitucion sin control y no a percura pa nada innovativo despues di a bay trip na Miami y New Orleans pa menciona algun di nan viahenan di placer cu a costa nos pueblo hopi placa. Problemanan social cu nunca a haya atencion, hasta e Departamemto di Asuntonan Social a wordo saca y manda Playa y awor pa campaña politico Minister Paul (Whatsapp) Croes y Minister Mike (MEGA DEBE) de Meza kier hinca Citgo desk den e ex - edificio di DOOV cu por a wordo usa pa hopi otro cos mas fructifero desde 2009. Un Biblioteca sin sala di estudio, sin airco anto un

HAVO/VWO incompleto. E hendenan aki no por ta serio cu un Festival di Arte. Riba dje varios ciudadano ta reclama pa e trato discriminatorio di e festival. Pa loke ta creacion di dos museo den 7 aña di tempo, cuanto cupo di trabao esaki lo trece pa nos pueblo? Awor riba dje ta bin cu hala di arte cu no tin nada di haber cu nos historia den e area aki di Aruba.

San Nicolas desampara

Den campaña di 2013 mi a presenta e plan di Embeyecimento di Promenade (see youtube) y pa nos traha riba e parti aki di San Nicolas prome pasobra e tabata mas facil den infrastructura y despues lo sigui traha riba e resto di e parti urbano di San Nicolas. Awe nos tin hala di pintura cu no tin net nada di haber cu nos herencia. Tantisimo logronan San Nicolas tin riba tereno di comercio, arte, deporte, academico, cultural. Cuanto hende di varios generacion prome a wordo involucra den

e organizacion pa por duna e proyecto su balor cultural? No por paga BBO na Hulpbestuurkantoor, segun MinPres Mike (KB 2014) Eman. Esaki ta un misterio. Tampoco por haya varios servicio gubernamental pero a endeuda nos pueblo cu MFA’s na Noord, Paradera y Savaneta lagando San Nicolas desampara den tur sentido. Hala di hende cu tey djis pa haci leuk pero no a cumpli cu e meta principal di duna esnan di e area aki nan balor agrega na e sociedad Arubano.

Un plan social economico E Minister di Turismo hasta kier reconoce un persona di Village cu ta conoci pa actonan ilegal. Otro muestra ora bo ta haci cos sin investiga debidamente. A cuminsa drecha Zeewijk beach despues cu esaki a wordo ignora totalmente y e lama ta contamina. Un peliger pa nos pueblo drenta e beach bao di e circumstancia actual. E piscadornan nunca a

haya e debido atencion y e cayanan den e area di Zeewijk ta uno di tercer mundo. E mesun fraccion di AVP cu a sostene e crimen contra San Nicolas pa 7 aña awor ta contento cu e reapertura di nos Refineria, despues cu nan a vota contra esaki na 2014 y 2015. Awor nan kier tin fiesta den un Carnaval Village incompleto pa 5 aña. Frena All-inclusive na Palm Beach pero ta regala un tal Leoncita mas di 50.000 m2 pa por construi hotelnan di All-inclusive na Seroe Colorado sabiendo cu e Revenue per available room (RevPar) ta menos cu un hotel tradicional y cu esaki no ta duna nos hendenan tips, no ta usa taxi y no tin spinoff effect tampoco pa crece e media clase di San Nicolas. Nos ta rechaza e mentalidad cu partido AVP kier pa nos pueblo, esta uno di dependencia político y un bida marginal. Drentando campaña electoral di 2017 mi lo presenta un plan social economico pa caba cu e abusonan structural di Mike Eman y AVP. Nos di Movimiento Electoral di

Pueblo lo lucha pa caba cu e segregacion economico cu ta bisto mas y mas e ultimo añanan. MEP a laga expansion di IMSAN cla pa un hospital completo, SVb, Setar Teleshop, Arubus Bushalte y un joya di proyecto na Palisiaweg pa nos grandinan. Proyectonan cu ta pone e ser humano central y duna tur ciudadano oportunidad igual. Mi ta termina cu e dicho di nos lider inmortal efm Betico Croes: “I would rather die on my feet, than to live on my knees.”

Pagina 8

Diabierna 16 September 2016

The Ritz-Carlton, Aruba ta celebra sabor local durante nan segundo evento anual “indulge aruba” oportunidad pa purba diferente cuminda y biña cu ta bay tin den e hotel su Ballroom. E evento ta e “Kick-off event” pa Eat Local Aruba Restaurant Month cu lo cuminsa dia 1 di Oktober. “Cuminda por yuda tur hende conecta cu un destinacion na un manera autentico” Stephen Toevs, Executive Chef di Ritz-Carlton, Aruba a

The Ritz-Carlton, Aruba ta conoci pa duna acomodación luhoso, servicio extraordinario y un experencia culinario excelente pa nos bishitante. Despues di Indulge Aruba su gran exito aña pasa, un biaha mas cu hopi orguyo The RitzCarlton, Aruba ta anuncia nan di dos evento culinario riba nos isla. Un evento cu ta tumando lugar diasabra dia 24 di September, Indulge Aruba ta diseña pa ta un celebracion di cuminda y biña na unda cu Aruba su mihor chefnan, incluyendo un variedad di restaurant y compania di biña ta participando. E evento lo tuma lugar den e hotel su Ballroom di 6’or di atardi pa 10’or di anochi, acompaña pa bon música, cuminda delicioso y premionan espectacular. Cu casi 20 di Aruba su mihor restaurantnan incluyendo The RitzCarlton su BLT Steak y Solanio lo participa, hunto

cu Marriott La Vista y Atardi, White Modern Cuisine, Tierra del Sol, Papillon, Taste of Belgium, Papiamento Restaurant, Screaming Eagle, +297

Restaurant, EPI Aruba, ASD, The Wine Room, Arion Wine Company, Pepia, Romar Trading, Vino del Sol, Brand Simex y mas, pa asina duna bishitantenan un

Tijna y Blow FL. 100.00 y GRATIS bo corte

menciona. “E evento aki ta duna tur bishitante e oportunidad unico pa por disfruta di e inspiración culinario distinto y pa saboria loke ta haci Aruba asina unico”. No perde e oportunidad pa experencia Indulge Aruba 2016 pa solamente 50 dollar of 90 florin. Kaarchinan ta obtenibel na Front Desk di The RitzCarlton, Aruba.

Pagina 9

Diabierna 16 September 2016

Falta cuater dia

Deadline pa entrega participacion pa “Elmar Mural Event” ta dia 20 di September Falta apenas cuater dia pa e registracion pa participacion na “Elmar Mural Event” cera. Elmar kier corda tur hoben interesa den participa, y cu no a haya un chens pa entrega nan pintura ainda, cu nan tin te cu dia 20 di September pa haci esaki. Elmar Mural Event ta e oportunidad pa hobennan expresa nan creatividad y talento pa medio di arte inspira pa e tema “Aruba Sostenibel”. E competencia nacional di pintura pa hobennan ta dividi den dos categoria di edad, esta entre 6 y 12 aña y entre 13 y 18 aña. Despues cu e competencia cera riba dia 20 di September un hurado lo scoge e pinturanan ganado basa riba originalidad y con e hoben(nan) a interpreta nan expresion di loke ta haci of por haci di Aruba un isla (mas) sostenibel. E arte di pinta of crea muralnan ta hopi na

moda actualmente internacionalmente y ta un area di arte cu ta sigui crece rapidamente. E artista local Robert Tromp ta envolvi den e proyecto aki di cerca y lo supervisa e exposicion di e obranan cu lo tuma lugar na Elmar Hato, unda cu comunidad por aprecia e talento di e participantenan. Tromp tambe lo duna un workshop tambe na e hobennan pa yuda y inspira nan den e desaroyo di nan talento. E pinturanan mester tin e formato A4/A3 y por entrega nan na cualkier oficina di NV Elmar, sea na Oranjestad, San Nicolas of Hato. Pa mas informacion y e criterianan pa participa, por bishita e website www.elmar.aw. Tin premionan atractivo pa e 10 ganadornan, entre otro un Gift Certificate di Maduro Travel. E premiacion lo tuma lugar

Felicitacion ta bay awe 16 September pa

Mirziah Azizah - Boekhoudt

cu a cumpli 7 aña. Dios bendicione cu hopi aña mas di parti Mami Julisa y Papi Angelo, rumannan Amir y Zahir. Tambe su welonan Helena , Mirna y Mando ta manda un braza. Un sunchi di parti bisawelonan Machinita y PaBetto, Padrino Gilbert y Madrina Melissa. Enjoy bo dia na Colegio Pastoor Kranwinkel y Traimerdia Paradera.

fin di September aki e hobennan lo ricibi nan premionan y Elmar lo

mustra cual di e muralnan lo wordo pinta riba muraya di e compania.

Pagina 10

Diabierna 16 September 2016

Drs. Booshi Wever di UPP:

Informacion rond di e “Amienda di Consenso” ta desembarcando den desinformacion, pa hustifica un postura intransigente di Parlamento Despues cu riba 9 di september ultimo Parlamento di Aruba a bay di acuerdo pa incorpora e posibilidad di “registracion di partner” den nos codigo civil, partido UPP a dicidi pa laga e capitulo aki pa loke e ta, mirando cu Parlamento cueste loke cueste toch ta dicidi di trata e asunto aki, sin cana e caminda mas corecto. Den e caso aki esun di un ley formal y cu debi na su impacto y aspecto fundamental, lo mester a bay den un proceso democratico di informacion, discusion y toma di decision. E meta di e proceso pa yega na un ley formal ta cu nos comunidad ta haya e oportunidad pa expresa su mes y na mes momento mitiga e consecuencianan, esta e division den pueblo cu hustamente nos ta experienciando na e momentonan aki. UPP, desde cu e topico aki di “union civil” a bira un “hot issue” algo mas cu dos luna pasa, no a sconde bou mesa cu ta trata aki di un topico hopi delicado y cu no por wordo trata sin mas den un par di luna. A pidi nos Parlamento y e parlamentarionan pa reconsidera e amienda proponi y pa deshaci di esaki y cuminsa cu un procedura mas formal di ley y trayecto di informacion. Ya pa hopi aña caba e punto di con pa regla union di parehanan di mesun sexo ta un punto fundamental na Aruba cu pueblo ta hopi dividi riba dje. Banda di aspecto religioso tambe tin hopi otro aspecto cu e ‘fast pass’ aki no por a regla sin mas. E caso conoci di Lamers-Oduber caminda a determina cu Aruba no por nenga e inscripcion di e matrimonionan di mesun sexo ta mustra con delicado e punto aki ta.Ta bin acerca cu “union civil”, manera kier introduci awo no ta un matrimonio pero ta crea cierto derechonan pa parehanan di mesun sexo. Otro derechonan sinembargo ta e otro articulonan den e mesun codigo civil, cu mester wordo adapta pa asina e “union civil” aki por wordo considera como tal. Por ehempel e derecho di uso

di fam di otro y pa por hereda, ta conta pa casa y yiunan so,segun nos leynan vigente. E manera cu parlamento a forza introduci e ley awor, no ta loke e pueblo mes tabata kier. Mas bien parce cu pa capricho di un grupito, nan entre nan, a dicidi pa henter Aruba.Nos a mustra riba varios otro aspectonan cu mester mas estudio prome cu por a regla esakinan, pero cu awor tambe a cay na awa. Dia 23 di Juli 2016, den nos prome comunicado, nos a mustra p.e. riba e posibilidad di laga esaki bay via un referendum. Nos a bisa tambe cu varios ta e parlamentarionan, tin di nan cu awe a vota contra, otro cu a vota pro, y otro cu a abstene, tambe a vocifera esaki. Pa UPP ta keda e pregunta, pakico toch e ansha pa bini cu e cambionan aki, incluso si ta por medio di un “amienda di consenso”? Dicon no por a yega na un consenso den un forma di un mocion cu ta duna gobierno e tarea pa bay studia y prepara un concepto di ley pa e topico aki? Dicon no exigi di gobierno pa hiba den esaki e trayecto di un Dialogo Nacional completo y proceso di informacion y discusion cu henter nos comunidad? Si na prome instante pa UPP e “amienda di consenso” a bira un punto final tambe den e discusion aki, e desinformacion cu a sigui despues di parti di tur esnan involvi, tanto pro, contra y neutral, a pone cu toch UPP ta sinti e necesidad pa reacciona riba esaki. UPP semper a y ta para pa su ponencia y principionan manera poni den nos manifesto y programa di campaña. Un di esaki nan ta: informa y educa e pueblo riba topiconan cu ta afectanan y cu ta contribui na un concientizacion real. Na momento cu

nos di UPP a ripara e splicaciony hustificacionnan di tal decision, ta dificil pa keda keto y no mustra riba e.o. riba e inconsistencia den pensamento y postura politico. UPP ta lamenta e hustificacion di e parlamentarionan. Di un banda ta bisa cu a rechaza e amienda di sra. De SousaCroes, siendo di otro banda bo ta tende e mesun parlamentarionan, particularmente di oposicion bisa cu sra. De Sousa-Croes a hala su amienda aden. Mientras cu esnan cu a abstene ta bisa cu nan ta para tras di nan lider pa loke ta proposicion di e “amienda di consenso”, ta bisa tambe cu nan no ta acuerdo cu e procedura hiba, unda gobierno ta keda totalmente afor y cu no a hiba un discusion nacional. Esaki

ta muestra di contradiccion den forma di pensa y actua. Mientras cu den e mesun oposicion tin hende ta mira cu mester a bin cu un proceso di informacion y culminacion den p.e. un referendum, nos por scucha un otro parlamentario hustifica cu unico momento cu referendum lo por conta ta ora cu kier sali for di Union Europeo y/of entrega nos paspoort Hulandes. Esakinan ta hustificacionnan cu un tono cu poco di intimidacion of di menaza. Esaki pasobra Corte di Europeo pa loke ta conserni derechonan humano, lo por obliga Aruba pa reconoce e matrimonio di mesun sexo si no regla e asunto di “union civil”.

Pagina 11

Diabierna 16 September 2016

Opendag “Dia di Masoneria 2016”

E “Orde van Vrijmetselaren in Nederland” of Ordo di Masonnan Hulandes ta declara diasabra 10 di September 2016 como e “Dia Nacional di Masoneria”. Na Aruba e anja aki e logianan di Aruba ta pone e opendag dia 17 di September 2016. Logia King Solomon ta habri su portanan pa publico. Masonnan ta kico eseynan ta? Kico bo ta ripara di nan, den e bida diario? E miembronan ta usa Masoneria pafor di logia? Tin hopi storia tocante di Masoneria pero pa hopi hende toch e ta keda un gran secreto. Ya desde un cantidad di aña e Masonnan Hulandes a desea di trece mas claridad riba nan actividadnan. P’esey cu riba diasabra 17 di September 2016 en conexion cu ‘Dia di Masoneria’ tur Logia Hulandes ta habri nan portanan pa publico en general. Na Aruba tin tres Logia Hulandes: “El Sol Naciente”- “King Solomon”“ The Middle Chamber”

y tambe un Logia Venezolano – “Hiram”. Pa esnan interesa e ta un oportunidad unico pa cera conoci cu Masoneria. E biaha aki tur e logianan di Aruba lo ta representa na e edificio di Logia “King Solomon” cu ta situa na Dadelstraat # 27 na Dakota di 10:00 di mainta pa 2:00 di merdia. Masoneria conoce hopi tradicion, pero tambe ta algo actual. Loke cu esnan cu no ta miembro sa di e hermandad, ta mayoria parti di e tradicion, e ritual y e simbolonan, manera e “paser” y “square”. Pero hopi biaha e Masonnan no ta bini huntu pa un ritual, pero pa un anochi di instruccion caminda un charla ta wordo teni y un intercambio di idea ta sigui. Discusion ariba politica y religion ta wordo evita, pero esaki no ta significa cu e topiconan aki di nos sociedad ta taboe. Purba gana un otro pa bo punto di bista no ta e meta. Masonnan ta pone nan opinion banda di otro y no contra di otro. Masoneria ta pa profundiza

den spiritualidad. Asina un hende ta siña conoce su mes mihor, p’asina e persona por aporta den construccion di un mihor comunidad. “Mehora mundo pero cuminsa cu bo mes”, por ta e slogan tambe. Masoneria ta reconoce e balor inmenso di e personalidad humano, e igualdad di tur ser humano, e derecho di cada ser pa independientemente busca e berdad y cada hende su responsabilidad pa su mesun actuacion pa haci of no. Transicion - desaroyo – ta

esencial den Masoneria. E caminda pa mehora bo mes, pa e Mason ta e caminda of e viahe simbolico pa e Luz. Masoneria ta kere cu cada ken na su manera sa cu tin mas cos entre Tera y cielo cu ta move humanidad, un asina yama principio superior. Cada Mason ta liber pa segun su mesun bista pa completa esaki y pon’e manera cu e ta desea. Esun cu ta kere den un Dios, e otro den e combinacion di forza di naturaleza y e otro den e ser supremo den su mes of den su consenshi.

Masoneria pues no ta un religion, pero e hermandad si ta spiritual. Bo ta interesa den Masoneria? E portanan di Logia “King Solomon” ta hancho habri riba diasabra 17 di September 2016 en conexion cu e “Dia di Masoneria” di 10:00 am pa 02:00 pm. Pa mas informacion wak e website www. dagvandevrijmetselarij. nl y http://www. vrijmetselarij.nl

Gerencia di Departamento di Impuesto:

E formulario di declaracion di inkomstenbelasting 2015 a sali E fecha oficial di otorgamento ta 1 di Oktober 2016

Departamento di Impuesto ta informa cu e formularionan di declaracion di inkomstenbelasting 2015 a sali. Ta trata aki di e formulario di declaracion pa persona residencia na Aruba. Durante luna di September e clientenan lo ricibi nan formulario via post manera custumber. E fecha oficial di otorgamento ta 1 di Oktober 2016. Pa ley e clientenan ta haya 2 luna pa yena y entrega e formulario. E ultimo dia pa entrega esaki ta 1 di December 2016. Prepara documento

Departamento di Impuesto ta recomenda pa cuminsa prepara tur documento necesario relaciona cu entrada y gasto di aña 2015 por ehempel: salario anual, pensioen di trabao, pensioen di viehez, pensioen di viudo of huerfano, entrada di huur di propiedad, entrada di ‘side-jobs’, carta di interes di banco y/of otro instancia, seguro di bida, comprobante di donacionnan haci, comprobante di gastonan di scol di yiu cu ta studia den exterior etc. E clientenan cu tin un empresa propio

(eenmanszaak), tambe mester prepara nan relato anual di aña 2015. Den caso cu e cliente mes no por traha e relato anual aki, ta recomendabel pa busca un consehero. Ayudo pa yena e formulario Manera custumber, Departamento di Impuesto lo tene su campaña pa yuda su clientenan yena e formulario. Mas detaye lo sigui despues. Trece copia Semper mester entrega e formulario original bek na Departamento di Impuesto. Ta recomendabel pa ora di

entregamento, trece tambe un copia di e formulario. Asina e cliente por haya un stempel riba su copia cual ta indica e prueba di entregamento. Yena y entrega e formulario ta un obligacion legal. Door di yena y entrega e formulario na tempo, e cliente ta evita

cu e ta haya un cobranza (taxativo) cu boet. E boet ta 5% di e suma di belasting y ta minimo Afl. 250,y maximo Afl. 10.000,-. Ademas pa medio di e declaracion, e cliente ta haya e oportunidad pa haci uso di su derecho di deduci su gastonan.

Pagina 12

Diabierna 16 September 2016

Remetido

NO TA HULANDA TA RESPONSABEL?

“Door di usa e garoti bon, mi a siña” Hopi hende ta keda asombra con mi sa unda mi ta bay. E triki ta pa explora pa scucha, pa sinti e ambiente por ehempel e parhanan cu ta canta den e matanan bandi misa di playa. Mi conoce nan tur. E stoepi gasta cu su buraconan mi sa bon pa unda no stap. Ora cu tin construccion di caminda, esey ta pami un oportunidad pa train. Mi tin un mapa den mi cabez di Playa, cada zonido cu mi scucha cu e tik di mi garoti ta yuda y ta guiami. Mas cu claro semper mi ta den contacto cu e hende. Mi conoce hopi hende cu ta yudami y sin cu mi a pidi pe. Mi ta aprecia cada lift cu mi sa haya ora nan mirami ta cana cu mi garoti bay cas y tambe cada splicacion ora mi ta rumbo pa un destino. Mi banco conocemi bon y nan ta percura mi haya mi servicio sin problema. Si bo puntra pa ayudo hende lo yudabo.

Aruba mester stop di tuma responsabilidad pa asuntonan cu ta responsabilidad di REINO HULANDES. E noticia den prensa cu Aruba ta preparando pa traha camponan pa refugiadonan di Venezuela cu tin pensa di sali di Venezuela, debi na e situación aya ta motibo di hopi preocupación special pasobra e agentenan secreto Hulandes na Aruba (un tal M.E y A.D) atrobe kier logra complace Hulanda pa nan haya un “goed voetje” cerca politiconan Hulandes. No tin duda cu Aruba semper ta cla pa yuda ora nos paisnan hermano mester di ayudo, pero semper nos a yuda según nos forza. E situación cu ta wordo pinta den prensa si ta mustra algo cu Aruba no por carga, pesey mester laga e asunto ey den man di Hulanda. Y esey por sin problema, pakico? NO ta HULANDA ta responsabel pa asuntonan exterior? NO ta HULANDA ta responsabel pa KUSTWACHT na Aruba? NO ta HULANDA a bira doño di Bonaire cu awor

ta teritorio Hulandes? Wel, pakico Aruba mester bay traha camponan pa refugiado na Aruba si HULANDA por djis laga Kustwacht tuma e refugiadonan y hibanan Boneiro caminda riba teritorio Hulandes por traha camponan pa refugiadonan (cu yega Aruba, Corsou y Bonaire) y mantenenan mescos cu a haci na Hulanda cu tur e refugiadonan cu na Europa a yega Hulanda. Hulanda tin hopi experiencia caba y tambe suficiente moda financiero pa tumanan y mantenenan riba teritorio Hulandes (Bonaire) manera ya Hulanda a demostra di por. Aruba no ta contra di yuda nos bisiñanan, loke ya nos ta haciendo caba (legal y ilegal), pero nos no por carga e gastonan grandi cu un cantidad grandi di refugiadonan ta trece cune. Of ta intención di Hulanda pa paga tur e gastonan di e refugiadonan na Aruba?

Tiro a wordo scucha na Mabon Diarazon, pa mas of menos 8'or y 5 di mainta, un persona a yama Central y a meld di a scucha tres tiro cu a bin for di e casnan di pueblo na Mabon. Patruya di San Nicolas a wordo manda na e sitio y no a topa nada en particular. Den Caya Butishi, polis a mira un bentana kibra. Na e percela pazuid di e negoshi Famia Supermarket, polis a mira un dama para. A puntr'e si el’ a scucha algo, cual el’ a declara cu el ‘a scucha cos kibra, pero cu e no sa di unda e zonido a bin. Pero no tabata tiro si, segun e. Central a wordo poni na altura.

Durante un mainta di informacion di garoti blanco strepi cora, nos cliente Pedro de Cuba mihor conoci como “Piet” a hiba palabra y a conta su testimonio y experiencia cu su demas colega- y clientenan di FAVI. Apesar cu bo ta haya e informacion di tempran for di FAVI, cu e dia lo yega cu bo lo mester cuminsa usa un garoti, toch bo ta warda y bo ta purba mobiliza sin dje, Despues di a dobla diferente palo di luz cu mi frenta, mi a dicidi di cuminsa usa e garoti. Tin biaha berguenza of e pensamento di “ Awor si mi ta inutil” ta strobabo. Dia cu mi a dicidi di cuminsa cana cu e garoti, tabata mescos cu dos saco di cement cu mi a carga pa un tempo largo cumi a pone riba vloer. E tabata un yudanza grandi

pami. Usa un garoti como guia no ta bay automaticamente. Bo tin cu train pa bo sa con pa us’e. Mi a haya e oportunidad di FAVI, pa bay afor na dos ocasion pa haya guia mas extenso con pa us’e. Amigonan y famia cu tabata rondonami a aplaudi mi decision pasobra nan a mira e cambio mesora. Nan a admira e curashi cu mi a tuma. Mi ta cliente di FAVI pa 37 aña . Mi no a para keto mi a keda activo. Mi a traha , mi a sigui curso, mi a duna les y mi ta haci tur cos independientemente. Tur mainta prome mi sali for di mi cas, mi ta pidi Dios danki pa e dia di awe y mi ta pidi’e pa e cuidami y protehami. Esey ta mi forza y ta dunami e curashi. Nunca mi no ta lubida di haci esey.

Mi kier encurasha otronan cu kizas tin nan garoti caba, pa nan us’e mihor. Sali di cas sea den grupo of bo so y siña haci’e bo mes, pasobra ningun hende no por usa e garoti pa bo. FAVI den cuadro di celebracion di dia internacional di garoti blanco strepi cora, ta informa nos comunidad y tur persona cu limitacion visual di e importancia di un garoti. Pa mas informacion of uso di e garoti blanco strepi cora por tuma contacto cu FAVI na 582 - 5222 of 582-5051. Si bo mira un persona cu un garoti di guia, dune su chens pa e explora y corda cu e persona aki no ta mirabo bon of no ta mirabo mes. Duna su espacio y si por acerk’e y puntre si e mester yudanza.

Pagina 13

Diabierna 16 September 2016

BENNY NISBET, Lider di PPA:

DEMOCRACIA REAL A MANDA TORPEDO CU DOS CABEZ …….UN DESTINA PA AVP Y UN DESTINA PA MEP….. ‘E CONCENSUS RIBA E AMIENDA DI DESIREE’ A DECEPCIONA E PUEBLO ‘CRISTIAN’ DI ARUBA ! E hecho cu mr. Andin Bikker lo a expresa cu E lo pensa su mes te pa expresa cu ora e ‘invoeringslandsverordening’ wordo presenta si E lo mester duna sosten na esaki!! Esaki aparentemente cu Ministro Presidente Mike Eman a logra sconde su mes pa e desaroyo aki mientras el’a laga e fraccionnan di MEP y Dem Real carga e dolor den pueblo despues cu nan a vota pa e ‘concensus riba e Amienda di Desiree’. E declaracion aki mester wordo bon analiza. Poco poco pueblo ta hayando e informacion con oposicion/ MEP y Dem Real a permiti nan mes pa wordo usa. Realidad si ta cu mr. Andin Bikker a funciona como ‘brug’ entre AVP y MEP pa asina logra e ‘consensus’ y awor e rosea di pueblo Cristian ta sinti masha cayente den nek di Dem Real. Aparentemente despues cu MEP y Dem Real a pone ‘zalf’ riba e blaarnan di AVP y a salba AVP su gobierno di cay votando pa e ‘consensus riba e Amienda di Desiree’ pueblo cristian a rabia masha. Pero pueblo a baha principalmente riba MEP pero aparentemente interno riba Democracia Real tambe mientras cu Min Pres Mike Eman/AVP cu su ausencia a logra sconde su mes pa e dolor aki. Analizando e declaracion di mr. Andin Bikker PPA ta conclui cu e ta un ‘zet’ esta un torpedo di DOS cabez. Den tur su dolor y frustracion di e critica y roseo cayente di pueblo Cristian di Aruba ….mr. Andin Bikker aparentemente ta siñando poco poco. Un di e

cabeznan di e torpedo ta destina pa mr. Mike Eman cu a logra sconde su mes basta bon di e capitulo aki !! SI bo studi’e bon E otro cabez di torpedo ta pa su propio coleganan den oposicion di partido MEP. Pasobra E momento cu pueblo realiza cu mr. Andin Bikker kizas lo hala su sosten aden esey ta habri wowo di pueblo ….cu tin un otro caminda pa cana…cu Lider di MEP, mr. Evelyne Wever Croes NO a conta e votadornan di MEP!! E no a conta votadornan di MEP cu MEP por reuni cu su votadornan y scoge pa no duna sosten na e ‘invoeringsverordening’ …niun rato!! E ‘consensus riba e amienda di Desiree’ no ta definitivo……..y esaki E lider di MEP NO a informa pueblo di Aruba. Y ningun no a nI splica e comunidad di LGBT esaki !! Aki bo ta mira cu tin hopi wega ta wordo hunga. A actua como sifuera …ora pasa e ‘amienda’ e cos ta cla pasobra e ‘invoeringsverordening’ lo pasa automaticamente… locual no ta berdad.

Oposicion di pafor di Parlamento: PPA no tin nada di haber cu kico ta sosode den ningun otro partido politico. Hibando oposicion di pafor di parlamento ta duna PPA e derecho di evalua gobierno su maneho pero tambe funcionamento di parlamento den su totalidad. Hopi vez nos declaracionnan lo ta encontra di e gobierno na mando pero de vez en cuando nos ta sinti e necesidad pa cuestiona e rol di Staten y e posicion cu cualkier fraccion a tuma den reunionnan di Staten. Esey simplemente ta democracia !! PPA ta un partido politico Independiente y nos ta evalua kada aspecto y huzga con e ‘interes general di pueblo di Aruba’ a wordo sirbi. Y aki PPA ta lamenta profundamente….cu tur informacion di PPA diahuebs dia 8 di September 2016 tabata indica cu e ‘amienda di Desiree’ a causa un division enorme den seno di

AVP!! Cu e division aki tabata asina enorme cu Liderato di AVP tabata tene debidamente cuenta cu lo por a desemboca den un eleccion. Lastima cu politicamente MEP y Dem Real a scoge pa bay pone ‘zalf’ riba e blaarnan di AVP y consecuentemente a scapa e gobierno di AVP. AVP un gobierno cu a abusa di pueblo añas largo!! AVP cu a causa un debe nacional enorme pa pueblo paga!! AVP cu ta ehecutando un lista di medida riba lomba di pueblo!! AVP cu ta responsabel pa e consecuencianan di ‘hedging’ y pueblo ta sufri bao di esaki …..y mucho mas. Y ora e momento di ‘division’ a yega…. en vez di laga AVP sinta riba su blaarnan …fraccion di MEP y AVP a scoge pa sostene AVP y pone ‘zalf’ riba e blaarnan aki!! Pa colmo un miembro di MEP a splica pueblo cu E a sinti’e poni lomba contra muraya …. cu mucho poco tempo …. pa studia e asunto y bay pueblo….y como tal nan cuatro a abstene….. cual ta indica cu nan NO tabata di acuerdo cunan Lider

di fraccion cu a dicibi di vota PRO !! Y awor tin hende cu kier rabia cu PPA pasobra nos ta duna nos opinion al respecto!! Henter Pueblo y tur partido no representa den parlamento tin e derecho di huzga y duna nan opinion manera nan ta wake… esey ta democracia ! lamentablemente e unico oportunidad pa a manda AVP cas a bay perdi….ningun hende ainda no sa pakico?? PPA no por yuda cu oposicion den Staten a comete un eror serio asina. PPA no por yuda cu un parti grandi di pueblo Cristian ta decepciona. Esey ta asunto di AVP, MEP y Dem Real…ta un parti di nan a vota pa e consensus….y mester biba cu e critica …no bin hinca PPA den e asunto aki…pasobra ta boso a vota den Staten ……..no PPA!! PPA ta mantene nos opinion manera nos a expresa nos mes.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 14

Diabierna 16 September 2016

Benta di auto .

TE KOOP Te koop drie gebouwen op commerciele locaties (rechts op de hoofdweg ) Geweldige locaties: Canashito,Cumana, Oranjestad, Washington en Palm Beach ( Montserrat) voor Commerciële doeleinden te gebruiken! Rechts op de hoofdweg waar uw bedrijf 24/7 wordt gezien. 1.Groot eigendomsterrein in Canashito. Grootte is 1800m2: huis met een 3 kamers en 2 appartementen gelegen op de hoofdweg van Santa Cruz naar Oranjestad ( t.w. Caya Betico Croes). (Met view op de Hooiberg) Gebouw staat rondom mooie residences. Prijs: awg. 350.000 (te onderhandelen!) Ver onder de executiewaarde! 2.Groot eigendomsterrein in Cumana (Morgenster ) Grootte terrein:1080 m2 op de hoofdweg Caya Betico Croes met bebouwde huis van 150 m2 Vraagprijs: Awg. 395.000 (ook te huur)

Ta bende Toyota Yaris y Toyota Camry Price 3500 fl pa cada un Call now 5694343 Ta bende Pick UP Isuzu Call 5694343

Ta Busca Auto Yaris

Grootte van het huis: 237m2 . Vraagprijs:awg 270.000 - (Ver onder executiewaarde)

Bon condicion, airco y standard of preferibel automatic.

Contactnummer: 569 - 4343

Call: 5694343

3. GROOT HUIS van 5 kamers en 2 appartementen in Oranjestad op de hoofdweg Caya Betico Croes.

Super Detox

Pa Cirrosis y 10 otro enfermedad (Poderoso desintoxicador y regenerador del higado ) Ayuda a desintoxicar y regenerar el higado, protegiendolo de los efectos nocivos del alcohol,los medicamentos y las toxinas ambientales. Contiene una combinacion de antioxidantes para ayudar a controlar el proceso natural de los radicales libres .

Maduro Heavy Eq.N.V.

Piedra #5/#6-Grijs-Tur tipo di Santo

Coba Pos-Fundeshi-Haci Tereno Limpi Puntra pa Special di Luna

*

Tel:5851708/ Cel:5931608/5943207/5620331 Email: mheqnv@hotmail.com

Ingredientes : Trebol Rojo ,extracto de cardo de leche , d-glucarato de calcio , sulforafano(de brocoli),bluperum,naacetil cisterna , alcachofa. Sugerido para : Salud optima para el higado. Desintoxicar el higado. Purificar la sangre. Estimular la produccion de bilis . Promover la produccion de orina y mucosidad. Regenerar las celulas hepaticas . Proteccion del higado por los efectos Perjudiciales del alcohol ,drogas y de toxinas del medio ambiente . Mantener concentracion adecuada de azucar. Hepatitis Higado graso Cirrosis Uso : 2 capsulas diarias. Ingerir com 8 oz. Liquido. Presentacion :60 capsula

Pa mas informashon yama na 5694343

Oportunidad empresarial Attention!!!

Those of you interested in a New and Excited way of generating “Residual Income” in your spare-time and achieve a level of Financial Independance, here is a realistic option, becoming one of the next Entrepreneur of the New Economy, the Economy of the XXI Century. For introduction to this opportunity. Please call 5694343

Pagina 15

Diabierna 16 September 2016

Aruba a keda bergonza….

CORSOU A DUNA ARUBA LES DEN SINDICALISMO Den e ultimo dianan por a tuma nota riba un accion sindical na Corsou, pa loke ta trata e empleadonan di refineria ISLA. Ya ta for di basta tempo cu e empleadonan di contratista ta lucha pa un mihor posicion y beneficionan. E accionnan a escala na tal nivel, cu tur otro sindicato a bin cay aden, pa asina duna un sosten conhunto pa e empleadonan di refineria. No solamente e sindicato di e refineria a bay guera y lucha, pero 23 otro sindicato cu NO ta concerni refineria a drenta huelga. Esaki a conduci cu nos por observa cu aki na Aruba, nos tin poco sindicalista cu no sa nan trabao ni tampoco nan responsabilidad. Aki na Aruba a para bira cu un sindicato ta worry solamento cu su empresa y ta

laga tur otro hende muri. Corsou a duna les, cu sindicalismo no ta solamente abo cu bo empresa, pero pa bienestar di pueblo, bo tin un responsablidad conhunto pa carga. Curaçao a bay plat ayera pa 70%, unda a kita awa y coriente den e lucha. Na final di anochi, gobierno no tabata por mas cu e presion y a cera acuerdo y a honra e empleadonan di ISLA, tur nan tres puntonan. Na Aruba hopi vez, sindicato di maestronan, polis, of WEB, kier bira lomba y no kier wak lucha di otro. Na e casino di Occidental Hotel, nan a kita 40 empleado, sin cu ningun dia, ningun sindicato por a uni pa e 40 empleadonan, pero a prefera di laganan bay muri. Ta realmente un berguenza pa mira con kens Aruba a keda,

para banda di Curaçao. Na Aruba, sindicalistanan kier posicion, fama, imagen, dinner, privilegio y oranan liber. Nan kier subi status y sinta banda di director. Ora nan

Cinco Venezolano cu creditcard falso a purba pasa nan kaarchi na Sam’s

Den oranan di atardi a drenta informe cu na Sam’s den Havenstraat

5 Venezolano a purba pasa un creditcard falso. Unavez cu nan a ripara

cu nan a ser atrapa, nan a core baha na awa y a bandona e sitio.

Se alquila....4 rent.....ta huur Local comercial @ Sta Cruz

Info:

7390101

topa Minister, nan kier fix trabao pa esposa, pa yiu, etc. etc. Pues, un berdadero berguenza pa sindicalismo di Aruba.

Atracadornan a bay cu 6000 for di ciudadano Diarazon, pa mas of menos 8'or di mainta, Central a ricibi un melding di un atraco cu a tuma lugar na Papilon. Segun e denunciante, diamars pa mas of menos 12'or y mey di merdia, el’ a bay su cas situa na Papilon, caminda cu el ‘a wordo atraca pa dos hende homber. Un di nan tabata tin un obheto skerpi cu el ‘a pone na su custia y a bis'e pa e no mira patras. Un di e hombernan a dal'e un biaha na su schouderblad robez y un biaha riba su pecho banda robez. Despues nan a puntr'e si e tin algo di balor den su cas. E por a scucha nan papia cu otro. Uno a bisa e otro pa mat'e. Despues nan a wordo yama y nan a bay di biaha. Nan a bay si cu un tas cu tabata tin 6000 florin aden, rijbewijs, ID y e kaarchi di AZV. E no a yama polis pasobra el’ a teme pa su bida y a pensa cu ainda e hendenan tabata den vecindario. El ‘a haya 6000 florin door di a hunga sam. E tabata tin'e den su tas pa asina duna un amigo cu ta malo pa asina e bay busca su salud den exterior. E caso aki tin atencion di polis.

Lipozene, obtenibel na Mega Outlet

Pagina 16

Diabierna 16 September 2016

Mega Outlet ta presenta su coleccion nobo! Mega Fashion! New Arrivals!

We love new things! Don’t you? Store Hours: Mon- Fri 12:00pm - 7:00pm Saturday 11:00am - 7:00 pm

Diabierna 16 September 2016

Pagina 17

Pagina 18

Diabierna 16 September 2016

Segun drs. Booshi Wever di UPP:

E gran logro di “amienda di consenso” aki a conveni e gobierno di Mike Eman cu a scapa di un problema Ta un berguenza pa tende di parlamentarionan bisa cu e actitud di Presidente di Parlamento y di lider di fraccion di AVP tabata uno di un “secuestro” door di usa menaza di tempo, pa bin caba cu e cos aki. Otro ta bisa di ta lamenta e actitud di Presidente di Parlamento cu pa motibo di tempo kier pusha e cos aki den strot di Pueblo y no a duna nan e oportunidad pa por papia cu e pueblo. Tur e consecuencia di esaki ta cu e falta di informacion aki cu no a tuma lugar a y ta causa

division den pueblo. Tambe un otro parlamentario awor aki ta papia di por hala su sosten atras na e amienda aki, si gobierno no sali afor y duna cara. E sosten aki lo wordo hala atras ora di trata e ley di introduccion (invoeringsverordening). Mientras cu e parti di ley aki ta algo tecnico cu por te hasta haya sosten di esnan cu a vota contra of cu tabata ausente. Mirando e hustificacionnan debil aki, ta pone cu UPP no por a keda sin reacciona.

UPP ta kere cu na momento cu parlamentarionan tabata sinti cu nan lo ta wordo secuestra, of cu kier pasa algo den strot di pueblo, of cu e procedura no ta uno transperente, of cu ta gobierno mester carga e procedura aki, nan por a abstene di vota of trata e “amienda di consenso” y bini cu un mocion. Pasobra e amienda di sra. De SousaCroes tampoco tabata tin e sosten den su propio seno. UPP ta convenci tambe cu e gran logro di “amienda di consenso” aki a conveni e

Call now 741 8669

gobierno di Mike Eman cu a scapa di un problema y na mesun un momento libera Mike Eman di un responsabilidad cu e mester carga riba e aspecto aki. Pa loke ta concerni e menasa di Corte Europeo, UPP ta kere cu na momento cu parlamento a cuminsa cu un proceso, por medio di un mocion y presion riba gobierno (di parti di e 7 nan di AVP cu a vota voor), Aruba por mustra Corte Europeo cu e ta den un proceso. E proceso aki cu lo mester bay den forma di dialogo y na final cu un veredicto di pueblo por medio di un referendum (cu awor mas hende ta mira cu lo mester a sosode). Dificilmente Corte Europeo lo por stroba un proceso asina. Banda di esaki pakico laga Europa determina pa medio di su corte nos decisionnan. Ta custumber caba di mas cu 350 aña cu Europa, por medio di Hulanda, ta impone riba nos. Pero si nos como Aruba mustra cu nos ta tratando e asunto aki, cu nos ta mei mei di un proceso, dificilmente Corte Europeo por obstaculisa esaki. Mientras cu na Corsou p.e. a cuminsa cu un investigacion cientifico kico ta e pensamento tocante homosexualidad den e perspectiva cultural y social di e comunidad, aki na Aruba a bay ta hiba e discusion a base di emocion. Intencion di investigacion na Corsou ta, cu esaki mester contribui na e discusion tocante e topico aki, unda for di pespectiva local, e perspectiva di e propio cultura, bin cu solucion propio, en vez di esun for di e perspectiva y pensamento Hulandes/ Europeo. Y na momento cu bo crea conciencia riba esaki, bo por crea maneho tambe. UPP kier un biaha mas subraya cu como un partido social democrata ta contra

tur tipo di discriminacion y cu nos lo bringa tambe pa elimina cualkier tipo di discriminacion. Pero como partido social democrata ta necesario tambe pa e proceso di cambionan ta habri, transparente y democratico, dunando pueblo e oido necesario. UPP ta lamenta cu na Aruba nos a laga un oportunidad bay sin atrobe mira riba e bienestar di nos comunidad. Un oportunidad pa medio di un discusion nacional yega na e comprendemento necesario. Un discusion den un forma sensato y cu tur serenidad, manera desde inicio UPP a pidi pe, pa evita e division cu nos ta experienciando na e momentonan aki. E mesun cos aki UPP a pidi na 2014, na momento di impasse entre Gabinete Mike Eman y gobierno Hulandes. Esta pa forma un frente nacional y atravez di un cumbre nacional yega na puntonan di salida pa scapa pais y nos autonomia. Pero e tempo ey tambe interes partidista a prevalece. Pero UPP tin di constata cu banda di e gobierno mas malo cu Aruba a conoce den su historia, Aruba tin di anda tambe cu e Parlamento di mas mediocre di tur tempo. Un actuacion pober ya for di basta tempo caba. Demostrando asina cu nos sistema democratico parlamentario definitivamente ta birando obsoleto.

Diabierna 16 September 2016

Endy Croes a sali pa Monterrey Mexico pa atende un board meeting di WBSC

Recientemente a sali pa Monterrey Mexico Endy Croes presidente di Aruba Sofball Bond pero tambe vice presidente di WBSC (SD) esta World Baseball and Softball Confederation Softball Division pa e region di Caribe unda lo bay tin un board meeting hopi importante.

DIASABRA DIA 17 DI SEPTEMBER 2016 1/1.. BAN CONVERSE — LANDHA HENRIQUEZ

3/2.. I WANT YOU - BEARSON CAL 4/8.. CAFE DEL MAR —MAT AND FUTURISTIC 5/3.. LA CARETERA — PRINCE ROYCE 6/11.. SIN TI — UNA PIERO 7/4.. PICK UP THE PHONE — LUPE FIASCO 8/13.. THE SHOW MUST GO ON — CELINE DIONE 9/19.. EVEN THOUGH — BRIAN JAMES 10/14.. KISS THE SKY - JASON DERULLO 11/ 17.. LOSE CONTROL — MAT SIMONS 12/16.. MAS MACARENA — LA GENTE DE LA ZONA

Na Mexico tin un agenda cu 25 punto importante pa atende cual sigur lo bay ta dos dia di reunionnan largo.

Lo sigui avansa riba un projecto di Men’s fast pitch softball “The Elite 8” y Premier 12. Tur esakinan ta projectonan grandi cu probablemente lo wordo televisa.

ARUBAS TOP 20 2/5.. THAT LOVE — SHAGGY

Promer cu esaki Endy Croes mester a stop 1 dia na Fort Lauderdale pa atende un board meeting di ECASC esta cu ehecutivonan di islanan habla inglesa di Caribe pa despues continua pa Mexico.

Den tur e cambionan cu a bin ta tumando lugar ultimo aña nan den structura di Baseball y Softball awor ta toca turno pa entreotro traha un plan pa presenta na IOC ( International Olympic Committee) den ki formato clasificasion di cada continente pa cu weganan olympico 2020 lo tuma lugar. Klaro esaki lo mester wordo aproba tambe pa IOC.

Pagina 19

13/ 18.. CAREY ME — KYGO - JULIA MICHAELS 14/ 6.. OH LA LA — CAROLINA MARQUEZ 15/10.. SI BO KIER BO BAY — STEPHAMIE ATANIRO 16/— BASILA — HILDWARDS DUSHI BAND Cambionan grandi y constantemente modernisacion y adaptacion di stuctura ta tumando lugar. Endy Croes ta fungi den rolnan importante riba e nivel aki. Networking riba e nivel aki ta hopi importante pa asina finalmente Aruba por cosecha exito di esaki.

nivel aki. Tambe el a bisa cu poko poko pero sigur mester keda adapta y cambia nos mentalidad di competi den nos atletanan na Aruba pa asina alkansa esnan den nos region cu a desaroya bay laga nos. Nos ta riba e bon caminda y desaroyo ta continua hunto.

Papiando cu Endy Croes el a spilka di lo representa Aruba cu honor riba e

Na regreso lo duna mas informacion.

17/20.. AGUITA DEL CIELO — SUPER GRUPO GREY 18/—B O B O — J BALVIN 19/— ONE DANCE ALEX AIONA 20/ 12.. LOVE YOU 4 EVER — D U R O

SATURDAYS FROM 4.00 - 6.00 P.M.

Pagina 20

Diabierna 16 September 2016

Aruba a yega bek di Punta Cana cu premionan International!

Wenyivet Wever Grand Prize Beauty World 2016 y Shariene Jacobs Pre Teen Beauty World 2016

GLW Foundation ta anuncia cu Sharienne Jacobs y Wenyivet Wever a conkista dos titulo maximo na e certamen Beauty World International na Punta Cana, Republica Dominicana. Durante un siman e director di e franquicia George Winterdaal a biaha hunto cu Sharon y Richard cu ta parti di GLW Foundation pero tambe mayornan di Sharienne pa cubri e evento tambe cu por ser mira desde e siman aki riba e Facebook page: Miss Teen Aruba International. Aruba a

competi den 2 categoria cu ta Pre Teen y Miss. Sharienne Jacobs, un hobencita no desconoci den mundo di beyesa a representa Aruba den e categoria di Pre-teen y Wenyivet Wever 2nd runner up Miss Teen Aruba International 2015 a representa Aruba den e categoria di Miss. Nos dos representantenan a sa di conkista hopi cu nan carisma y amabilidad. Despues di un siman di diferencia competencia Sharienne y Wenyivet a logra varios premio. Sharienne a logra: Best

Special di dia Ta spuit tur fundeshi cu 5 aña di Garantia Pa comehein.

Call: 5694343

Costume, Best Gala Dress, Elegancia, Mihor Pasarela, Amistad y e titulo maximo Pre-teen Beauty World 2016. Wenyivet a logra: Miss Beauty Princess Hotel (Bikini) escohi mei mei di tur candidata pa e propio hendenan di e Hotel, Best Smile, Best Gala Dress, Mihor Pasarela, Beautiful Face, Miss Amistad y Grand Prize Beauty World International. Wenyivet a resulta e ganadora maximo ‘overall’ pa di dos aña consecutivo pa Aruba ya cu Daniela Piazzi, 1st runner up Miss Teen Aruba International 2015 a logra e titulo aki na 2015 pues esaki ta un BACK 2 BACK pa nos isla y sigur un logro grandi pa GLW Foundation. Otro aña exitoso pa GLW Foundation. E cuadro di honor di 2015 a representa Aruba excepcionalmente y cu hopi amor. Hilary

Gibbs, Miss Teen Aruba International 2015 a logra Best Smile, Best Gala Dress y Top 7 na Miss Teen Americas2016 na El Salvador. Daniela Piazzi, 1st runner up Miss Teen Aruba International 2015 a logra Best National Costume y Grand Prize Beauty World 2015 na Republica Dominicana. Shevonne Mejia, Miss Teen Model International 2015 a logra Miss Teen Model International , Best Gala Dress y Segunda Princesa Miss Teen Mundial 2016 na El Salvador. Sin lubida

Marsheline Kock cu a representa nos den e certamen Miss Teen Turismo Mundial y a logra e premionan Best National Costume, Loreal Hair, Best Body, Best Gala Dress GLW Foundationt a sumamente orguyoso di tur su reinanan y ta gradici tur esnan cu a aporta na cada exito di cada representante di Aruba. Despues di un otro aña yen di exito, reto y emocion, GLW Foundation ta bisa danki y e compromiso cu Aruba ta sigui.

Pagina 21

Diabierna 16 September 2016

Japan Karate-Do Ryubo-Kai Aruba ta gradeci comunidad di Aruba pa nan sosten

Tatichi Snack Take Away Menu pa 16 SEP 2016 HEALTHY:1 - Kerri Kerri (tribon), Maishi, Pampoena, Mangu - F13,50 HEALTHY:2 - Chicken Broccoli, Maishi, Pampoena, Mangu - F12,50 REGULAR:1 - Kerri Kerri (tribon), Funchi / Pan Bati of Arros, Salada Rooibiet, Batata Banana Hasa - F 13,50 REGULAR:2 - Gallinja c/Broccoli, Arros Blanco of Moro, Salada Pasta, Batata Banana Hasa - F12,50 REGULAR:3 - Fish Cutlet C/Sauce, Arros Blanco, Salada Pasta, Batata, Banana Hasa - F12,50 Foam Box 8” x 8” SOPPI CARNI 16 oz F 8,50 24 oz F 12,50 Pan Cu: Bakijouw, Mix Seafood, Galliña Hasa, Carni Stoba, Spam y Banana y Kerri Kerri (chuchu)

Recientemente Japan Karate-Do Ryubo-Kai (JKR) Aruba a organisa un caminata. Un actividad caminda pueblo di Aruba en general como tambe nos alumnonan huntu cu nan famia, amistades y conocirnan por a participa y asina pasa un rato agradabel, trahando riba nan salud y condishon hasiendo movishon. Meta di e actividad aki tawata ta pa recauda fondo pa e stichting di JKR pa asina por brinda nos alumnonan mas oportunidad pa sigui desaroya nan mes den e practica di arte marcial.

JKR kier a extende palabranan di gradicimento na tur persona, mayor, alumno, comerciante y/ of instancia cu a hasi e caminata aki posibel, sea door di cumpra ticket pa participa den e caminata, door di sponsor cu fruta of cu doorprize, door di duna un man den e organisacion di e caminata mes of den cualkier otro manera. Den nomber di tur alumno di JKR masha danki di curazon pa cooperacion duna na e deporte di karate! Cu boso apoyo nos por crea mas posibilidad pa nos alumnonan

desaroya nan mes den un ambiente sano, caminda nan por sinja no solamente practica e deporte di karate, pero tambe nan por sinja disciplina, respet pa nan mes y pa otro y caminda nan por sinti mas sigur di nan mes.

NOS TIN SERVICIO DI DELIVERY Entre 11.30am pa 1.00pm Yama Prome cu 10or Am. NO MENOS CU F12,50 PA ADRES Por Yama Nos Libremente na 582-6553 / 592-0567

Nos ta spera di por sigui conta cu sosten di pueblo di Aruba en general y di e comerciantenan.

Nos ta situa na KAS PALOMA #27

Pa mas potret di e evento aki y pa mas informacion tocante JKR Dojo Konishi bishita nos FB page: w w w.f a c e b o o k .c o m / DojoKonishiAruba

Horario: DIALUNA PA DIABIERNE 6:30a.m - 2:00p.m DIASABRA 7.00am - 1.00pm

Pagina 22

Diabierna 16 September 2016

ECASC lo lansa e promer Caribbean Cup na 2017

Reunion na Fort Lauderdale cu ehecutivonan di Softball di ECASC tabata hopi fructifero Inicio di siman Endy Croes presidente di Aruba Softball Bond kende tambe ta maneha diferente posicionnan internacional a sali pa Monterrey Mexico pa atende un board meeting di WBSC. Endy Croes mester a hasi un stop di 1 dia na Fort Lauderdale unda na Marriot Hotel tabata tin un ECASC board meeting. ECASC ta e confederacion di islanan den Caribe bou di 2 miyon habitante. Di e meeting aki a sali basta projecto interesante pero un di nan sigur ta e vision pa lansa Caribbean Cup Championship den 2017. Kiko esaki ta ensera? Tur paisnan miembro di ECASC lo wordo invita unda e equipo campeon di e klasse mas halto na e isla tanto Femenino como masculino lo competi contra otro pa e titulo maximo di Caribe. Un idea noble cual lo brinda oportunidad na nos atletanan Femenino y Masculino pa competi riba nan mesun nivel y keda desaroya bo potencial. Lo continua pa arma e projecto aki y na November 2016 lo tin un otro board meeting na Headquarter Plant City Florida pa midi e avansenan pa asina por anucia esaki promer cu fin di aĂąa officialmente. Pues campeonnan di Aruba tanto masculine AA y Femenino AA lo tin oportunidad den 2017 pa hunga contra campeonnan di otro islanan pa e titulo maximo den Caribe. Aruba a ricibi tur oportunidad pa host e promer Caribbean Cup pero Endy mas cu klaro no ta den e posicion pa firma algo asina como cu gastonan envolvi ta halto y projectonan asina mester

wordo carga pa gobierno di turno. Cualkier dia den future Aruba lo disfruta pa host un di e evento nan asina. Trabounan ta continua cu hopi passion pa contruibi y engrandese e deporte di softball tanto nacional y tambe riba plataforma internacional.

Pagina 23

Diabierna 16 September 2016

Noticia di polis..... Polis a detene bendedo di droga banda di Moomba Dialuna, pa mas of menos 1'or y 50 di marduga, central ta dirigi patruya pa Holiday Inn, caminda un persona tabata purba di bende droga cu turista riba beach dilanti Holiday Inn. Eynan a papia cu personal di siguridad, kende a comenta cu un homber desconoci, tabata ofrece droga na turistanan. Ta trata aki di un homber di un haltura di mas of menos 1.80, postura delega, color scur y tabata tin un jeans blauw y un camisa beige manga largo bisti. A bay controla riba beach di Holiday Inn, pero no a mira nada. A dicidi di bay caya direccion nort, y na altura di Moomba Beach, a mira un homber cu a cuadra cu

For Sale

e descripcion duna. Den cuadro di esaki, e homber a keda deteni. Polis a puntr'e si e tabata tin algo particular cun'e, cual el a contesta cu e tabata tin 'weed' riba dje. A base di esaki a haci un control mas profundi na su paĂąanan y a bin haya den su saco di carson drechi patras, algun saco di plastick cu marihuana den dje, un stick di marihuana, un saco doorzichtig cu un substancia parecido na cocaina, un saco chikito cu un puiro berde y un saco chikito doorzichtig cu puiro roos. A base di esaki, el a keda deteni y hiba warda di polis pa mas investigacion. Central a wordo poni na altura.

Tipline: 585-9500

Cushina di Nestor

Walk In Freezer, Marca Kolpak

Habri tur diabierna y diasabra di 11 or pa 2 or.

9'8" hancho x 11'7" largo x 8' 3.75" haltura

Platonan di 9,-

Color blanco: Prijs nobo na Merca Us$ 9.500.00. Landed na Aruba pa Afl. 21.000.00

Asking price: Afl. 9.900.00 OBO

Yama 739-0101

Spare ribs stoba, galiĂąa stoba, Balchi pisca, Platonan di 12,50 Moochi pisca corra Moochi di Jampou 14,50 Tambe nos tin cabaron Lomito Cocolishi stoba

Por yama pa pedido na 569-0131 Y tur diadomingo e tremendo BBQ na Siribana.

Pagina 24

Diabierna 16 September 2016

Alberto Klabér di Brazil Taekwondo Stichting a reuni hunto cu Aischal van der Linde y Aaron Jacobs

Diaranson anochi Alberto Klabér a reuni hunto cu Aischal van der Linde y Aaron Jacobs tocante di e desaroyo di Brazil Taekwondo Stichting y e plan di 2016/2017. Aaron Jacobs a presenta e relato di e di 9 Aruba Caribbean Cargo/Arumia Logistics Taekwondo Cup 2016. Aischal van der Linde y Aaron Jacobs ta e dos trainernan y coach di Brazil Taekwondo Stichting. Awor aki ta formalisando tur e tareanan pa asina hiba e atletanan na un nivel mas halto. Na e di 9 Aruba Caribbean Cargo/Arumia Logistics Taekwondo Cup di diasabra ultimo Aischal van der Linde y Aaron Jacobs a coach e atletanan. Nan mester a bringa contra di otro y e dos coachnan tabata tin un rol importante di mira con tur e atletanan a bringa cu hopi respet pa

nan teamnoot. Aischal van der Linde y Aaron Jacobs ta mira un futuro briyante den e atletanan di Brazil Taekwondo Stichting si nan sigui e caminda. Alberto Klabér a trece pa dilanti tocante di tur e eventonan cu tin nos dilanti, unda y kende ta desea di bay cu e atletanan como nan coach. Awor aki ta preparando pa e President’s Cup na Portland cu ta G2 y clasificacion pa Pan Americano 2017. Aaron Jacobs ta bay hunto cu e 5 atletanan di Brazil Taekwondo Stichting.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Laga Solo di Pueblo cubri bo celebracion, bo fiesta, b-day, of casamento!

Yama nos fotografo na: 748-3293

Pagina 25

Diabierna 16 September 2016

Empleado di luna di augustus

Filomena Tromp ta e curason di cushina di Hospital

Recientemente Dr. Horacio E. Hospitaal a pone nan ‘Empleado di Luna’ di Augustus “in the spotlight” cu un bon sorpresa, hopi alegria y un aplauso masha grandi. John Fun, kende ta e clustermanager di Facilitair Bedrijf, como hefe di e empleado honra, esta Filomena Tromp , a laga sa cu Filomena ta literalmente “e curason di cushina di hospital”. Filomena Tromp a cuminsa traha na Hospital San Pedro di Verona na januari di aña 1972. E tabata traha den e “brood keuken”, esta e cushina unda cu ta prepara sandwich pa e pashentnan. No a pasa mucho tempo cu Filomena a bira un tipo di “invalster” pa e dietista di hospital y tabata yuda den e parti administrativo di e trabao di e dietista. Ora hospital a muda pa e edificio na Eagle Beach, Filomena Tromp a wordo ofreci retonan nobo. Esaki a inclui traha cu e prome sistema automatisa di cushina. Tabatin cambionan grandi y e no tabata sa di e trabao, pero el a tuma su responsabilidad nobo y haci su tareanan cu masha

entusiasmo. El a forma parti di e introduccion di e di dos sistema automatisa, y actualmente ta trahando riba introduccion di e di tres sistema automatisa pa cushina den su funcion actual di “Logistiek Medewerker Keuken”. John Fun ta splica cu Filomena ta haci un trabao hopi importante. E ta colecta tur datonan di e pashentnan pa loke ta trata nan pedido di cuminda; e ta tira e listanan cu e cokinan ta haya pa nan prepara, y ta monitor e menunan cu tin disponibel. Ademas, Filomena ta esun cu ta percura pa tur e pedidonan wordo traha y pa nan sali tur siman pa e menunan cu ta wordo prepara e siguiente siman. Cu e conocemento cu Filomena Tromp a adkiri, ora cu e ta monitor e menunan, e ta dicidi tambe cua cuminda ta apto y cua no ta por sirbi e pashentnan, y e ta kita e cumindanan cu ta por ehempel mucho vet for di e menu. E trabao di Filomena no ta facil, e ta responsabel tur dia pa 250 pashent, cada un cu un dieet cu ta pas cu su condicion. John Fun a subraya cu sin Filomena

e cushina no por draai, e team ta hopi contento y ta para 100% tras di e decision pa nombr’e empleado di luna. E ta un

Servicio Rapido

Mario’s Septic Service

560-3500 / 565-4477

orguyo masha grandi cu a scoge Filomena pa e honor aki. Filomena mes a conclui bisando, un poco

emociona, cu p’e e anuncio tabata un sorpresa grandi y e ta hopi, hopi contento cu gerencia di hospital y su coleganan a nomin’e.

Pagina 26

Diabierna 16 September 2016

Sudoku

Botica na Warda: 10 Sep 2016 - 17 Sep 2016

Botica Central Botica San Nicolas

Rooster di dokter na Warda IMSAN pa luna di SEP 2016

Solución

MA -- DI -- WO -- DO 01 LINDEN V/D VR 02 LUCHMUN

MA 19 RAMAUTAR DI 20 TROMP WO 21 VIS DO 22 BRITT-CROES VR 23 DE CUBA

MA 05 RAMAUTAR MA 26 EVERY DI 06 TROMP DI 27 GIEL WO 07 VIS WO 28 LINDEN V/D DO 08 BODERIE DO 29 LUCHMUN VR 09 BRITT-CROES VR 30 RAMAUTAR MA 12 DE CUBA DI 13 EVERY WO 14 GIEL DO 15 LINDEN V/D VR 16 LUCHMUN WEEKENDDIENST 03 – 04 SEPTEMBER * 10 – 11 SEPTEMBER * 17 – 18 SEPTEMBER * 24 – 25 SEPTEMBER *

LINDEN V/D LUCHMUN RAMAUTAR TROMP

Numbernan di Emergencia: Central di Brandweer

911

Polis

100

Sanicolas

104

Sta Cruz

105

Oranjestad

102

Shaba

107

Tip Line

11141

Hospitaal

527-4000

Centro Medico San Nicolas 524-8833 Ambulance

Wayaca

582-1234

Sanicolas

584-5050

Pagina 27

Diabierna 16 September 2016

Noticia di polis..... Lindor tabata cana sunu cu pida hero den su man na Savaneta Dialuna, pa mas of menos 7'or y 10 di mainta, durante patruya, central a dirigi polis na altura di House of Cake na Savaneta, pa un persona cu tabata cana sin paña riba caya. Mirando cu tabata tin otro patruya den vecindario, nan a bay di biaha na

e luga. Na altura di e santana na Savaneta, un habitante a mustranan un persona cu tabata cana direccion zuid.

cu el a bin na mundo y tabata tin un pida hero den su man. Patruya a pone Lindor sinta riba vloer y pa e keda keto.

Na altura di Flying Fishbone Restaurant, patruya a topa cu e conocido adicto ambulante Lindor. E tabata manera

Lindor a compronde y a wordo deteni, despues pa wordo hiba na warda. Central y personal di SPD a wordo poni na altura.

Permanent Make Up? Dilailah Beauty Clinic Tel: 856-7272

Mucha di 8 aña a wordo mordi pa e mesun cacho den dos siman Dialuna, pa mas of menos 1'or y mey di merdia, Central a dirigi patruya na un adres na Pos Chikito pa un intermediacion.

el a wordo mordi. DG a papia caba cu e doño di cacho, kier intermediacion. Ningun hende no tabata na e adres.

Eynan a papia cu e homber DG, kende a declara cu su yiu homber a wordo mordi pa di dos biaha pa un cacho cu ta keda na un adres eybanda. Segun DG, durante cu su yiu di 8 aña ta cana bay scol, el a wordo mordi pa e mesun cacho. Siman pasa caba

Polis a mira cu e pia drechi di e mucha berdad tabata mordi. A mustra polis e cacho cu a morde e mucha, cu na e momento esaki y un otro cacho tabata mara. Esaki tin atencion di polis. Central a wordo poni na altura.

Nochi di Pelicula cu:

“Norm Of The North” Diabierna, 16 di september, directiva di Centro di Bario Playa Pabao, ta organisa otro “nochi di pelicula” pa e muchanan di Playa Pabao y di Aruba engeneral. E anochi di pelicula ta completamente gratis cu e posibilidad pa cumpra popcorn, hotdog, chips y refresco na prijsnan di

famia. Nos ta cuminsa pa 7’or pm y ta termina 8.30 pm. Pues esaki ta un bon opurtunidad pa nos muchanan gosa di un pelicula cu nan mayornan. Un invitacion ta bay na mayornan pa compaña nan yiu(nan) y bin disfruta di e “nochi di pelicula” na Centro di Bario Playa Pabao”.

Yos Septic Tank Service

Chica pos y habri tuberia Pa un bon servicio y mas informacion tuma contacto cu Nena Dirksz na 7482689 of Jose Dirksz na 5666144 Paradijs #09 - Oranjestad, Aruba.

Prome cu bo cera telefon, nos ta para dilanti bo cas! Mas rapido cu YOS no ta existi!

Pagina 28

Diabierna 16 September 2016

CLASSIFICADOS... CHAPI VERF Nos ta chapi, verf cas, rosa tereno, y limpia, tira sushi na dump. E prijs mas barata na ARUBA WHATSAPP 561 1397

Servicio pest control

Taduna servicio di pest contra comehein pa fundeshi na 3.50 pa metro cuadra.

Call now 7418669

TA BENDE TA BENDE TA BENDE TOYOTA TERCEL 1999

GAI PA SOPPI Y ALGUN GALINJA CANTIDAD TA LIMITA

AUTOMATIC AFLS. 1700

TERRA PA MATA (DI CABAI) AFLS.40 PA YARDA

TEL:594-9531 / 568-9059

PA MAS INFO 594-1317

HYNDAI TUCSON 2009

GEKEUR Y TA DEN BON CONDICION ALFS.16.000,-PA MAS INFO 600-6020 E TA STANDARD

TA HUUR na Santa Cruz TA BENDE FOR SALE

TA HUUR

Un apartamento luhoso: 2 kamber, sala, comedor, cushina, baño y cura.

Tereno pa pone trailer max. 40 pia. Como vivienda pa un periodo di 2 aña. Esaki ta siua na Westpunt. Trailer MESTER ta gekeurd of den bon estado. Awg. 500,00 pa luna. Pa luna afl. 1200, exclusief awa y coriente. Tin carport!

Pa mas informacion yama 738-0101 / 739-0101

Borg: 1200 fls. Tel. 5941402

Ta bende un motor 1.3 liter cu su transmission di Un Suzuki Baleno

BYD 2010

Por yama na: 569 -0131 of whatsapp!

Vehiculo staciona dilanti caminda principal di canal 22 na Santa Cruz

Awg 9,999

Yama awo 569 4343

Resultado di number: Diahuebs 15 September 2016 Merdia

Anochi

Catochi

Catochi

0191 8090 7776

7869 0015 0528

Zodiac

Zodiac

1750 Scorpio

7562 Scorpio

Big 4

Big 4

5101

4741

Diario

Super 4

4816 6467 0908 Curacao

0526 4298 7676

Backhoe & Bobcat Services

2453 Lotto di dia

10-12-19-23-29 PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Tipline: 585-9500

Lanta sushi, rosa tereno, coba pos pa fundushi santo y piedra Pa mas info yama 593-5050 of 592-1116

Pagina 29

Diabierna 16 September 2016

Nomina bo dirigente, newcomer y proyecto escolar preferi pa un premio nacional

Kende of cual proyecto lo gana un Appel di Oro? e celebracion di Luna di Enseñanza.

Appel di Oro ta un iniciativa cu a crece for di e premio “maestro

di aña”, cual a wordo institui pa Departamento di Enseñanza. E prome

premionan Appel di Oro a wordo otorga na Oktober 2015 durante di

E entusiasmo pa e premio di excelencia den enseñanza ta hopi grandi y pa aña 2016 ya caba Departamento di Enseñanza a ricibi algun cien nominacion. Departamento di Enseñanza ta invita tur persona cu conoce of sa di un cabezante, “newcomer” y/of proyecto escolar, como tambe maestro of maestra y/ of actor di sosten cu ta merece wordo poni “in the spotlight”, pa manda nan nominacion aden na e link riba e website www.ea.aw. Tin un categoria mas, esta e “Lifetime Achievement

Award” pa cual por nomina un persona cu a dedica un gran parti di su bida na enseñansa.

Formularionan pa registra un nominacion por escrito tambe ta obtenibel. Den e publicacion aki Departemento di Enseñanza ta duna un poco extra atencion na e categorianan Cabezante, Newcomer y Proyecto di School, cu un mencion special di e ganadornan como un dedicacion special na no solamente e ganadornan, pero na tur persona cu ta traha den e funcionnan aki of ta contribui na e proyectonan di school. Oportunidad pa entrega nominacionnan ta habri te cu dia 19 di September proximo y tur miembro di nos comunidad por entrega un of mas nominacion.

Premio Appel di Oro 2015 a honra: Cabezante di Aña: Enseñanza Primario – Janine SolianaVingal (Colegio Santa Teresita); Enseñanza Secundario – Frank Mulders (Avond HAVO San Nicolas); Enseñanza Special – Joselyne Oduber (Emmaschool) y Enseñanza Superior – Glenn Godijn (Academy of Fine Arts & Design Aruba). Newcomer di Aña: Enseñanza Primario – David Simon (Scol Preparatorio Washington); y Enseñanza Secundario – Rolf van der Zande (Colegio Arubano). Proyecto den School: Enseñanza Primario – Colegio Frere Bonifacius / Ipad Project; Enseñanza Secundario – International School of Aruba / 3D Hand; y Enseñanza Special – Scol Scucha Nos / Proyecto di Conscientizacion Cochleair Implantaat.

Pagina 30

UN IMAGEN SUMAMENTE ABOMINABEL DI DIOS, parti 2

E atrocidadnan di e dios di Israel no ta yega na un fin: pa mustra su pueblo stima cu E ta e jefe maximo, e ta obliga nan – segun Ezec. 20:26 anto – pa kima nan yuinan como sacrificio na su persona. E exigencia aki bo por haya caba den Exodo 22:29, na unda e ta duna algun regla encuanto sacrificio; e.o. “e prome yui homber lo bo duna mi”. Anto awor e mito paulinico di e sacrificio di e Unico Yui pa kita nos picanan, ta bira mucho mas comprendibel.

otro banda e ta recompensa nan – segun Dichos 26:10 (“the great God that formed all things …. rewards transgressors”). Pues, adictonan na bijbel, boso por sigui peca trankilamente! Toch lo bo bay cielos!

Ta bin aserca cu e dios di e testament biew aparentemente no tin nada contra pa forza hende bira canibal. Den Jeremia 19:9 e ta bisa: ”tambe lo mi hasi nan come e carni di nan yuinan homber y muher; nan lo come carni di otro …..” E dios sumamente rencoroso aki ta bisa den Ezec.5:10 “pesey e tatanan lo come nan yuinan y e yuinan lo come nan tata”. Mira tambe Lev. 26:29 pa algo semehante. Den Deut. 28:53-57 y den Jes. 49:26 lo bo encontra actonanan di ‘Señor’ cu te hasta den un pelicula di Dracula lo no ser permiti (“lo mi hasi cu bo opresornan ta come nan propio carni y di nan propio sanger nan lo bira burachi manera cos ta biña nan a bebe ….”).

Pa evita malcomprendemento, mi kyer pone akinan bon cla cu mi NO ta atacando Dios den e articulo aki, pero SI mi ta criticando pisa e concepto/idea di Dios cu e pueblonan Israeli tabata tin y cu demasiado hopi hende ta cargando te dia di awe! Y ta cu e mesun idea trocí aki di Dios, e ‘pastornan’ evangelista continuamente kyer menasa nos pueblo cu maldicion y fierno si nos no hasi loke nan ta desea! Si bo tende nan hasi esey, lo bo no hasi malo si bo manda nan limpi, limpi di unda nan a sali. En corto: f..... nan y nan dios tambe!

Na dado momento, den Mal. 2:3, e dios hudiw te hasta ta menasa di smeer pupu riba cara di su pastornan! Por Dios, con serio nos mester tuma e dios-ey? En principio bo por saca for di bijbel asina tanto atrocidad di dicho dios, cu bo por yena decenas di pagina mas. Pero laga nos menciona solamente un cos chikito mas, regardando ‘pika’ – un nocion cu te ainda na aña 2016 ta di crucial importancia pa masha hopi hende (kita e nocion indica for di mesa y henter cristianismo ta cay den otro manera un casita construi di piedra di domino). Di un banda e dios antiguo ta fulmina continuamente contra tur tipo di pecador, di

Nos por conclui awor cu e dios di e biblia ‘te den su higra’ ta yen di rabia, sed di venganza y ta gusta imensamente pa drama sanger di hende: e bijbel ta crea un imagen horribel di Dios.

Solamente den dos frase chikito e dios-ey ta ser menciona como amor – riba cientos di pagina e ta ser describi como un ser horrendo, cu ta hasi cosnan cu lo pone cualquier diablo pasa pa un angelito. Casi 2000 aña pasá caba Marcion di Pontus a conclui cu e dios di e testament byew, mester ta un otro dios cu esun di Hesus. E tabata tin tur razon di mundo – maske cu el a ser expulsa for di e iglesia di Roma pa bisa esey. Pero na dado momento e ‘Palabra di Dios’ t’asina consequente, pa admiti – p.e. den Isa. 45:7 – cu e maldad den mundo no ta bini di satanas, sino di e dios hudiw mes: “I form the light and create darkness; I create evil – I, the Lord, do all these things”. Esaki ta ser comproba den Lam. 3:38 unda ta pará: “Is it not from the mouth of the Most

High that good and evil come?” Y Amos 3:6 ta hasi e pregunta retorico: “Shall there be evil in a city and the Lord had not done it?” Mi no ta kere cu e ‘Lord’ (den su estado absoluto anto) ta ocaciona e maldad den cualquier ciudad of den mundo. Pero sí t’asina cu Dios a regala e ser humano libertad di escohencia; e ta liber pues pa determina completamente riba su mes kiko pa hasi of laga di hasi. Por ehemplo, e tin e libertad pa – sin usa cualquier proteccion – hinca dos pida waya den un stopcontact …. Y si despues bo haya un shock, bo no mester culpa Dios of Bida pa bo miseria. Of grita: ta Dios a pone mi hasi’e. Of mas bobo ainda: the devil made me do it! Mescos tambe Dios no lo castiga bo eternamente den fierno – pa ningun ‘pika’. Personalmente mi no ta gusta papia den terminologia di bon y malo, pasobra esakinan finalmente ta keda asuntonan masha subjetivo. Pa duna un ehemplo hopi actual: e presidente mericano ta haya ta ‘bon’ pa manda miles di solda pa Irak pa bay mata hende ayanan; di otro banda, rebeldenan extremadamente islamita y nacionalista ta haya ta ‘bon’ pa explota por medio di un bom soldanan mericano (y nan mes tambe den e proceso). Si encaso Isaias 45:7 y e otro pasashinan biblico a spanta e lector devoto, mi kyer trese bow su atencion cu Iglesia Catolico ta interpreta dicho pasashi di Isaias como “un manera profundo pa recorda nos riba e gobernacion y poder absoluto di Dios den historia y den mundo” – y e Papa ta continua –“pa di tal manera educa nos pa haya mas confianza den E”!!! (alinea 304 di e Catecismo). Ta con trocí bo mente mester ta, mi dios, pa pensa/inventa algo asina?!

RAM

Diabierna 16 September 2016

Clausura di aña academico di e programa Organization Governance and Management

Despues di a inverti hopi tempo y dedicacion e studiantenan cu no tin e asina yama herkansing por disfruta di nan vacacion. E aña academico 20152016 di Universidad di Aruba a clausura oficialmente dia 17 di juni pa e studiantenan di Organization Governance and Management (OGM). Anualmente e estudio OGM ta celebra e clausura di aña academico cu un evento pa evalua e aña y aprecia tur esfuerzo cu studiantenan a displega. E aña aki e evento a tuma lugar na e Acomodacion Multifuncional di Noord (MFA Noord). E slogan di e dia tabata ‘refleha riba pasado pa prepara pa futuro’. E meta tawata pa e studiantenan refleha riba nan desaroyo pa asina nan por pone metanan nobo pa sigui crece y desaroya den e areanan personal, academico y profesional. Ademas studiantenan den e di dos aña a presenta nan proyectonan pa e modulo Community Project. E presentacionnan tabata hopi interesante. E studiantenan a demonstra

claramente cu nan por a combina teoria cu practica y den e mes un rosea nan por a contribui na proyectonan den nos communidad. Den e cuadro aki studiantenan a colabora cu e sigiuente fundacionan cu ta Fundacion Padu, Fundacion Museo Arubano, Switch Foundation y ATHA (‘Asociacion Trabou pa Hubentud na Aruba’). Tambe un grupo ta trahando un investigacion preliminario pa e proyecto Alimento di Minister di Asuntonan Social. E team di Organization Governance and Management kier a felicita tur studiantenan di UA y di Aruba cu a pasa tur nan modulonan, a bai over y esnan cu a gradua na scolnan secundario. Tambe kier felicita especialmente studiantenan di OGM mes cu ta preparando pa gradua den luna di juli. Por ultimo kier a haci uso di e oportunidad pa gradeci e empleadonan di MFA pa e bon trato y hospitalidad cu nan a brinda e studiante y docentenan di OGM.

Pagina 31

Diabierna 16 September 2016

Salmo di Dia

Dios a papia pa medio di su Yui 1 Prome aya Dios a papia hopi biaha y na hopi manera cu nos antepasadonan pa medio di e profetanan, 2 pero awor, den e delaster dianan, El’a papia cu nos pa medio di su Yui. Dios a crea universo pa medio di djE y a dun’E tur cos pa semper den posicion.

Biblioteca Nacional Aruba

Taty Frans, mucha di bientu i laman

3 Den djE gloria di Dios ta resplandece, E ta semehansa di Dios su ser. Pa medio di su palabra poderoso E ta mantene tur cos. Despues cu El’a haci posibel cu pica por keda pordona, El’a tuma lugar na man drechi di e Mahestad den shelo. 4 E ta halsa riba angelnan y a ricibi un titulo cu tambe ta surpasa esun di nan.

Oracion di Dia Den e Evangelio di awe nos por lesa cu Hesus tawata pasa door di ciudad y pueblonan pa predicá e Bon Noticia tocante Reino di Dios. E tawata tin huntu cu ne e diesdos disipelnan pero tambe algun hende muher, Den e cultura Hudiew no tawata un bunita bista pa un Maestro ta rondoná cu hende muher. Pero Hesus cu ta e Maestro di Misericordia ta kibra tur sorto di protocol di e cultura tradicional y E ta ricibi nan cu un balor especial. Pa tur hende Hesus tin lugar den su curason pasobra Hesus no ta haci distincion di persona. Di e hende muhernan mas prestigioso perteneciendo na e clase mas halto te na e pecador di mas grandi cu a wordo sacá for di e abismo di su miseria cu ta Maria Magdalena. Precisamente e ta esun cu despues a haya e privilegio di comunica na e disipelnan e noticia di mas grandi cu Cristo Hesus a resucitá. Dios Amoroso Abo no ta haci distincion di persona. Mi ta pidi Bo pa laga mi muri huntu cu Bo Señor den tur mi picánan pasina mi por resucita huntu cu Bo den un bida nobo. Danki Señor pa duna cada un di nos e oportunidad y e speransa pa wordo salbá y haya bida eterno pa medio di Cristo nos Señor kende como Dios ta biba y reina te den siglo y siglonan.

Amen

Laga Solo di Pueblo cubri bo celebracion, bo fiesta, b-day, of casamento! Yama nos fotografo na: 748-3293

Biblioteca Nacional Aruba a ricibi un ehemplar di e buki pa mucha ‘Taty Frans, mucha di bientu i laman’ Ilustracion pa e buki ta di sra. Ariadne Faries. Denise de Jongh-Rekwest a coordina e proyecto y a haci redacccion final di e buki. Tanto Ariadne como Denise a bini Aruba diferente biaha pa e Festival di buki pa mucha di biblioteca. Na juli, Taty Frans, windsurfer profesional, naci na Boneiro, a bin Aruba pa competi na e di 30 Aruba Hi Winds.Taty Frans ta un surfdo Freestyle profesional. Na 2006 y 2010 Taty a sali na di dos lugar riba e lista di clasificacion mundial di windsurf freestyle. Taty a diseña su propio fin freestyle pa planki di surf. Den e buki aki por lesa tocante di bida y aventura di e heroe Boneiriano. Na Biblioteca Nacional Aruba a ricibi un ehemplar for di man di un mucha homber, sobrino di Taty. Asina muchanan di Aruba tambe por lesa ‘Taty Frans, mucha di bientu i laman’. E buki aki ta un iniciativa di Stichting Lezen & Schrijven Bonaire. Fundashon

Lesa

Ta

Dushi

Bonaire CN tin un mensahe den buki pa mayor: ”Bo yu no por lesa ainda? Lesa pa bo yu! Motibo pakico lesa pa bo yu ta importante:... Lesa pa bo yu no solamente ta dushi, pero tambe ta hunga un ròl hopi importante den desaroyo di e yu. Un mucha ta siña hopi ora ta lesa pe. Na promé lugá lesamentu ta hopi bon pa desaroyo di idioma. Durante lesamentu e mucha ta siña palabranan nobo i kon un frase korekto mester ta. Dor di papia ku e yu tokante e buki ku ta lesa for di dje, ta stimulé pa ta mas aktivo ku idioma tambe. Na di dos lugá muchanan ta siña skucha i konsentrá mas mihó ora ku ta lesa pa nan. Lesa pa e yu ta stimulá su fantasia tambe.

Pagina 32

Diabierna 16 September 2016

PRONOSTICO DI TEMPO VALIDO TE DIABIERNA 16 DI SEPTEMBER 2016 COMPILA: DIAHUEBS 15 DI SEPTEMBER 2016 17:00 (21:00 UTC) TEMPO: DIAHUEBS ANOCHI: LEVEMENTE TE PARCIALMENTE NUBLA CU CHENS PA UN AWACERO BREVE DIABIERNA: PARCIALMENTE NUBLA CU DEN ORANAN DI MARDUGA I MAINTA TREMPAN CHENS PA UN AWACERO LOCAL TEMPERATURA MAXIMO 34 GRADO CELSIUS Y TEMPERATURA MINIMO 27 GRADO CELSIUS. SOLO LO BAHA AWE NOCHI 06:41 PM Y LO SALI MAYAN MAINTA 06:29 AM. BIENTO: MODERA TE BASTA FUERTE GENERALMENTE DIRECCION OOST;

FOR

DI

FORSA 3 TE 5 ( 12 TE 39 KM/ORA, 7 TE 21 NUDO) DEN DIA POSIBLEMENTE FUERTE DEN RAFAGA; FORSA 6 (40 TE 50 KM/ORA, 22 TE 27 NUDO); SITUACION GENERAL DI TEMPO: DEN PROXIMO 24 ORA, AIRE HUMEDO I INSTABIEL LO WORDU TRANSPORTA PA REGION LOCAL. NUBIANAN LO FORMA PRINCIPALMENTE DEN ORANAN DI MARDUGA I MAINTA TREMPAN I PRODUCI UN AWACERO RIBA ISLA DI ARUBA CU LEVE POSIBILIDAD E ORA EI DI STRENA CU LAMPER. CONDICION DI LAMA: OLANAN DI LAMA LO TA FOR DI DIRECCION OOST CU HALTURA DI 3 TE LOCALMENTE 6 PIA TEMPERATURA DI SUPERFICIE DI LAMA 29 GRADO CELSIUS. FENOMENONAN SPECIAL: NINGUN TEMPO TROPICAL: TORMENTA TROPICAL IAN TABATA MOVIENDO NOORD-NOORDOOST RIBA ATLANTICO CENTRAL I NO TA UN PELIGER PA AREA DI CARIBE. -JULIA A SUAK BIRA UN DEPRESION TROPICAL I TABATA MOVIENDO OOST DI COSTA MERICANO DI SOUTH CAROLINA. JULIA NO TA FORMA PELIGER PA AREA DI CARIBE. -DEPRESION TROPICAL NR.12 TABATA MOVE DEN DIRECCION WEST RIBA AWANAN DI OOST ATLANTICO I TA SOLAMENTE UN MOLESTER PA NAVEGACION MARITIMO. REGISTRACION DI TEMPERATURA (CELSIUS) Y AWACERO (MM) DEN ULTIMO 24 ORA : AIRPORT HADICURARI

MAX 33 / MIN 27 / 0.0 MAX 31 / MIN 27 / 0.0

PRONOSTICO DI TEMPO PA PROXIMO FIN DI SIMAN: PARCIALMENTE NUBLA CU CHENS PA UN AWACERO; BIENTO LO TA GENERALMENTE FOR DI OOST Y LO TA MODERA TE BASTA FUERTE, POSIBLEMENTE FUERTE DEN RAFAGA. TEMPERATURA MAX/ MIN LO TA: 33/27

Noticia di polis Auto a hera pasa riba polis den Kamerlingh Onnestraat Dialuna, pa mas of menos 8'or y mey di mainta, patruya di Oranjestad durante un control di trafico, a mira un Toyota Tercel blanco cu e hood y bahul color preto, ta core den Kamerlingh Onnestraat. Pa control, polis a duna e señal pa stop, pero esaki no a cumpli cu esaki. Es mas, e conductor a hisa su velocidad y a dirigi e auto riba un agente. E polis a reacciona di biaha door di bula na banda pa asina evita cu e wordo gedal pa e auto. Su colega mas dilanti, cu tabata para banda di caminda, a mira cu e auto no a para y a bay para mey mey di caminda y a duna e conductor un biaha mas e señal pa e para, cual e conductor no a cumpli. E colega mester a

bula rapidamente na banda pa asina e tambe evita cu e wordo agredi. Polis a nota cu e conductor tabata tin un camisa oranje bisti cu manga cortico y un pechi blauw riba su cabes. Tambe a nota cu e conductor tabata tin un cadena di kralchinan preto cu blanco. Fuera di esey a nota cu e conductor a drenta den Hubadastraat, direccion pabao. Polis di biaha a drenta den nan auto y a bay tras di e auto, pero a perd'e den Hubadastraat. Di biaha a tuma contacto cu e centralista y a pone na altura di loke a pasa y a pidi pa ristra e plachi di number di e auto, pa asina controla, cual a confirma cu e plachi ta pertenece na dicho auto. A busca den e bario di Madiki Kavel y Bushiri pa

e auto y rond di 8'or y 40 a tuma nota cu e auto tabata staciona dilanti un cas den Santa Helenastraat. Eynan a papia cu un homber kende a declara cu e ta habitante di e adres. Tambe el a wordo puntra pa e doño di e auto. Na mes momento a mira un hende ta papia den cura, caminda cu nan a reconoce e conductor di dicho auto. Den cuadro di esaki el a keda deteni. E homber a bin resulta di ta AFLL, naci na Colombia y biba na Savaneta. E sospechoso a wordo hiba na warda di Playa caminda cu el a keda presenta dilanti di fiscal auxiliar. Despues di interogacion el a keda encarcela pa asina e keda na disposicion di husticia. Tambe el a wordo pasa pa Recherche kendenan lo sigui cu e investigacion.