Dialuna 18 November 2019

LoinRibs cu Snijbonen, Aroz, Salada & Banana Afl.11 Dialuna 18 November 2019

accidente serio cu hende pega den auto riba e caminda grandi di camacuri

A traves di Gobierno su maneho transparente y consiste

Mas di 900 persona a ricibi nan carta di pre reservacion diabierna

dama chauffeur ta baha caminda y a dal palo di luz cu transformer kibra

sinterklaas y su Zwarte pietnan ta bek na aruba

Pag. 2

Dialuna 18 November 2019

accidente serio cu hende pega den auto riba e caminda grandi di camacuri

Accidente serio riba e caminda di Camacuri na altura di Do It Center, caminda dos persona a keda seriamente herida. Polis, ambulance y materialwagen di brandweer a presenta na e sitio. Un accidente cu te na e momento aki no ta conoci con exactamente e lo por a pasa. Diadomingo algo pasa di 4'or y mey di marduga, presencia di polis, brandweer y ambulance a wordo pidi cu urgencia riba e caminda di grandi di Camacuri na altura di Do It Center, pa un accidente basta serio cu herido y persona pega den auto. Na yegada enberdad nan a topa cu un accidente basta serio y a constata cu ta trata di un accidente entre un Ford Ranger Blanco numera A- 38034 y un BYD F3 shinishi numera A – 56513. Ambos chauffeur tabata hende homber. Na prome instante tur cos ta mustra cu tabata trata di un accidente semi frontal, den cual un di e autonan lo a hala parcialmente na e banda contrario y a bin topa cu e otro auto for di direccion contrario. E chauffeur di e pickup a wordo saca y benta den e mondi parti panort di caminda. E tabata keha di hopi dolor na su pia, pero segun nos a compronde e tabata mustra basta stabil y tambe e por a comunica cu e personal cu e yega pa duna e prome asistencia.

E otro chauffeur di e BYD su situacion tabata mas serio. Na yegada di ambulance mesora nan a cuminsa trat'e pa stabiliz'e y asina brandweer por a corta e auto y liber'e for di e situacion cu e tabata den. Brandweer cu hopi liher a yega na e sitio a cuminsa traha di biaha pa rescata e victima for di e auto BYD. Nan a corta e auto y asina logra saca e victima

for di e auto, personal di ambulance despues di a stabiliza e chauffeur di e BYD a transport'e tambe cu urgencia pa hospital. Un accidente cu hopi daĂąo material, cu ambos chauffeur a keda herida y a wordo transporta cu urgencia pa hospital, pero te na e momentonan aki no tin informacion oficial con e accidente aki a sosode .

Pag. 3

Dialuna 18 November 2019

Segun expertonan di belasting…

daphne Lejuez no tin razon riba su splicacion Un afvalheffing por ta un retributie y no necesariamente un belasting Algun experto den asuntonan di belasting a duna nan reaccion den fin di siman. Un di e motibonan primordial di e retiro di Daphne Lejuez ta e cobramente di afvalheffing. Segun e dama esaki ta un belasting y no por wordo cobra door di Serlimar pero via Belastingkantoor. Algun experto tin un opinion diferente, unda nan ta bisa cu e splicacion no ta cuadra. Den e caso aki e afvalheffing no ta un belasting, pero un retributie. Na Aruba nos conoce varios retributie cu ta wordo cobra directamente door di departamentonan of intancianan apuntra door di Gobierno.

Entre otro, Kamer van Koophandel ta un ehempel unda ta cobra un retributie. Asina tin varios otro ehempel mas. E ta un cobranza cu ta wordo haci pa Gobierno y usa pa un meta defini. Pues cu e afvalheffing mester wordo cobra door di belastingkantoor y cu mester tin un ley riba su mes, no ta corecto. E por wordo cobra door di Serlimar, pasobra e ta un retributie. SOLO DI PUEBLO ta spera cu mas experto por comparti nan opinion pa asina yega na un conclusion final.

Riba sospecho di estafa di mesa di concierto

clarisa arrindel ta deteni keto bay Tur cos ta mustra cu e dama Arrindel keto bay ta encarcela riba un investigacion di un posibel estafa di mas di 50 mil florin na kaarchi di concierto di Marco Antonio Solis. E dama tabata ofrece su clientenan pa paga e mesanan poco poco, pa cual e tabata ricibi e cent. Ora cu e mester a entrega

e kaarchinan, e no tabata por a cumpli cu esaki. E caso a hala hopi atencion y autoridad a actua rapido. Den menos cu 72 ora nan a busca e dama pa asina laga encarcele pa investigacion. E dama a tira culpa riba un tal D. Kock di Savaneta cu ta esun cu a disparce cu e

placa, sinembargo e tal D. Kock ta nenga di ta meti den e asunto. Algo mester a wordo haci cu e placa y awor ta buscando pa haya sa ta unda e placa a bay. Mientras tanto masha hopi hende a perde e soño di nan bida di mira Marco Antonio Solis den persona.

dama chauffeur ta baha caminda y a dal palo di luz cu transformer kibra Diadomingo den careda di 7'or y mey di mainda a sosode un accidente riba e caminda principal di Bubali. Mesora a manda polis di trafico y un patruya di Noord na e sitio. Na yegada nan ta bin topa cu un Toyota Corolla blanco cu a ranca un palo di luz cu su transformer completo y esaki a cay riba e auto. Polis a bay papia cu e dama cu tabata stuur e auto y el’a conta polis cu e tabata bayendo direccion di su cas y na dado momento pa un of otro motibo a baha caminda y a dal contra e palo di luz . E polisnan a pidi pa presencia di ELMAR mirando cu e palo di luz y e wayanan di coriente tabata colgando abao. E dama chauffeur no

tabata kier asistencia di ambulance, un cos

ta sigur cu e dañonan material ta considerabel.

Pag. 4

Dialuna 18 November 2019

sinterklaas y su Zwarte pietnan ta bek na aruba, pa asina sinterklaas por celebra su fiesta na aruba Sinterklaas y su Zwarte Pietnan tey bek y tur mucha bon mucha por spera un bunita regalo den e dianan aki for di Sinterklaas. Diadomingo pa mas o menos 10'or di mainta Sinterklaas a drenta waf di Paardenbaai, riba e barco Colorado, manera tur aĂąa e ta yega cu su Zwarte Pietnan pa yude parti regalo pa tur e muchanan bon mucha na Aruba. For di trempan caba por a mira un multitud grandi di hende acumulando riba Harbour Arena y tambe canto di e caminda bay direccion Oranjestad. Hopi mucha contento, varios chikitin yen miedo di Zwarte Piet. Ora e barco a drenta waf, Sinterklaas a wordo ricibi pa Su Excelencia Minister di Cultura, Xiomara Ruiz - Maduro, kende a yama Sinterklaas y su Zwarte Pietnan un caluroso bon bini na Aruba. Loke a hala nos atencion tabata cu e aĂąa aki, nos no a mira e cabay blanco, nos ta supone cu e cabay lo a bira hopi bieu, no por cana hopi mas y kier a keda sosega, pero esaki no a stroba Sinterklaas di bin Aruba. E cabay e aĂąa aki a wordo reemplaza pa un bunita auto Clasico, un Camaro Convertibel. Sinterklaas a sali for di Harbour Arena den e Camaro Clasico y a bay direccion Plaza Betico Croes. Mayoria di e Piet mester a cana bay Plaza Betico. Canto di caminda tabata tin masha hopi mucha y mayornan para ta warda Sinterklaas pa saluda e homber Santo. Sinterklaas a yega Waf den careda di 10'or di mainta y a yega Plaza Betico te den careda di 1'or pasa. Tabata tin asina hopi hende canto di caminda cu Sinterklaas a tarda hopi pa yega Plaza Betico Croes. Desde awe Sinterklaas ta na Aruba y por cuminsa spera regalo den e dianan nos dilanti.

Pag. 5

Dialuna 18 November 2019

A traves di Gobierno su maneho transparente y consiste

Mas di 900 persona a ricibi nan carta di pre reservacion diabierna

cantidad di retraso te na 7000 (desde aĂąa 1992 te cu 2012). Esaki ta significa cu awor a yega mitar caminda, prome cu por tin un database actualiza. E meta di DIP ta, pa no tin retraso mas den e sistema! Esaki ta posibel a traves di e maneho nobo cu Gobierno a introduci poco mas di un aĂąa y mey pasa!

Diabierna na Club Caiquetio a tuma lugar entrega di carta di Pre - reservacion pa tereno residencial. Pabien na e tur persona cu a ricibi nan carta di pre-reservacion, di e forma aki nan ta mas cerca di yega na nan hogar! DIP tabatin un retraso enorme den e cantidad di peticionnan cu no tabata wordo atendi cu ne, esaki a yega te na 14000 peticion pa tereno pa por construi cas. Awor aki a logra atende cu peticionnan y a baha e

Ta importante pa accentua cu cada persona cu a ricibi carta di pre-reservacion tin 30 dia pa demostra a traves di un carta, cu un instancia financiero ta dispuesto pa duna un prestamo y tambe dibe cantidad di acuerdo cu e forza y situacion di cada persona. Pues den e fase aki no mester cera un prestamo of hypotheek ainda! Pone atencion: Esnan cu no a busca nan carta, por pasa na DIP durante siman pa buske. Un otro punto importante ta cu den e fase aki no ta posibel pa ricibi extension, Pues cada persona desde awor aki ta responsabel pa e esfuerzo cu ta haci, pa yega na nan hogar.

Pag. 6

Dialuna 18 November 2019

Beth Twitty a habri riba e extorsion di Joran van der Sloot

Mama di natalee Holloway a bin bek aruba pa bishita e ultimo lugar cu su yiu tabata mucha muher na e mesa di poker. Van der Sloot actualmente ta sintando un castigo di 28 aña na Peru despues di a wordo condena pa e asesinato di e studiante Stephany di 21 aña na 2010. Ta geset pa e wordo extradita pa Merca, despues di a sinta su sentencia na 2038 pa enfrenta e cargonan di extorcion. Van der Sloot a casa cu e Peruano Leidy Figueroa den prizon na Juli di 2010. Un luna despues, autoridad a mand'e pa e notorio prizon Challapalca, situa halto den Andes Peruano, ora cu el’a menaza pa mata e director di e lugar cu e tabata cera cerca di Lima.

Ta casi 15 aña desde cu Natalee Holloway a "perde" na Aruba y hopi ta kere cu el’a wordo asesina pa Joran van der Sloot. Diabierna awor den un special di 20/20 na ABC, su mama Beth ta bishita e isla bek y a bay bek na e mesun beach unda cu su yiu muher di 18 aña a wordo mira pa ultimo biaha na 2005 pa prome biaha. E corant digital DailyMail. com tabata tin un preview exclusivo di e episodio caminda cu Beth tambe e discusion con nan a culp'e den parti pa e asesinato di e otro victima di Joran van der Sloot, Stephany

Flores Ramirez. Van der Sloot a huy bay Peru for di Aruba despues di a haya 25 mil dollar down payment di e 250 mil dollar cu el’a extorsiona di Beth Holloway despues di a bis'e cu e por revela unda e curpa di Natalee a wordo dera. "Algun hende a bisa, "wel Beth, si bo no a dun'e e 25 mil ey, probablemente e no lo a haya placa pa e bay Peru y mata Stephany," Beth ta bisa. Manera cu el’a haya e placa, el’a somenta, y cinco aña despues di e dia cu posiblemente el a mata Natalee, el’a haci mesun cos cu Stephany. Hasta el’a topa cu ambos

Figuero a papia pa prome biaha un poco despues di esaki, den un entrevista exclusivo cu DailyMail. com, insistiendo cu van der Sloot ta gentil, sensitivo, lief y no ta ningun monster. Tambe e ta insisti cu su casa a cambia desde cu nan a cuminsa cu e romance peculiar den prizon cuater aña pasa, bisando cu e ta un 'homber diferente' despues di a haya Dios y ta 'buscando pordon' pa e maldad cu el’a comete den pasado. Figueroa no a revela ki 'maldad' e tabata referi na e momento ey. Na September di e aña ey el’a duna luz na e prome

yiu di e pareha, un mucha muher. Nan a yama e baby Dushy na honor di e wela di Van der Sloot. Algun luna

despues Van der Sloot a wordo hinca den prizon, di acuerdo cu Figueroa, aunke e director despues a indica cu esaki no ta berdad.

Pag. 7

Dialuna 18 November 2019

Parlamentario Endy Croes:

Durante presentacion di WEB N.V

“a keda comproba cu Mike de Meza su decision di HedGinG a costa pueblo di aruba 230 MiYon florin” Parlamentario Endy Croes ta hopi contento cu awor tin claridad cu cifranan riba mesa pa por comproba e desaster di Mike de Meza y AVP pa cu e mal decision alrespecto hedging di Heavy Fuel Oil pa WEB. No obstante mester accentua cu staff di WEB a duna un presentacion sublime y hopi profesional contestando masha hopi pregunta pa asina trece claridad. WEB ta den full swing cu nan proyecto ARES (Aruba Renewable Energy Strategy) cual un otro dia nos lo bin mas profundo riba dje. Alavez WEB a splica nan vision y nan “motto” esta ReliableAffordable y Sustainable banda di Safety pa nan empleadonan cual ta e driver pa WEB Aruba N.V. Maneho y vision di MEP Den e proceso aki Parlamentario Endy Croes a splica cu a bira hopi cla cu desde a cuminsa introduci RECIP engines na aña 2006 (Reciprocating Internal Combustion Engines ) bao di maneho y vision di MEP pa reduci prijs di coriente pa pueblo e sistema aki a aumenta eficiencia cu minimo 30% den comparacion cu e sistema bieu. Banda di esaki introduccion di 10 molina di biento pa

diversifica produccion di coriente na un manera mas limpi y confiabel cual tambe a wordo introduci na 2009 bao gobernacion y vision di MEP ta mustra awe di ta duna su fruta y ta un di e mihor sistemanan cu WEB tin te cu awe den servicio. Energia limpi Parlamentario Endy Croes kier enfatiza cu tur e “show green” cu AVP a bin cune durante 8 aña no a funciona y finalmente a costa WEB y pueblo demasiado placa na green conferences y finalmente WEB a haye obliga di sigui cu e vision di MEP, esta pa inverti den mas planta di RECIP y SWRO. Na 2020 WEB lo introduci 6 RECIP Unit nobo cu capacidad di produci 102 MW. E 6 unit nobonan aki por wordo converti facilmente pa traha cu LNG gas cual ta un otro proyecto den pipe line cu e vision di energia limpi y mihor prijs pa pueblo. Proyecto di pipa di gas fracasa Tristo den tur e proceso noble aki durante 8 aña di AVP Mike de Meza a pusha WEB den un direccion no comun. Nos tur ta corda con Mike de Meza “e spanta balente di AVP” a grita den Parlamento na 2012 cu prijs di crudo lo

alcanza $500 dollar pa bari y a pusha WEB pa hedge riba 90% di fuel na un prijs di $ 92 dollar e tempo aya. Ni dos luna despues prijs di crudo a cay bao $40 dollar pa bari mientras Aruba a keda paga e prijs di $92 dollar pa bari. Mesun Mike de Meza y AVP pusha WEB pa inverti 17 MIYON den un pipa di gas pa Eccogas cual compania mester a produci gas for di sushi y bende WEB cual proyecto a fracasa y awe ta den corte pa WEB recobra su 17 miyon di pueblo bek. Riot Commando a bati pueblo Nos ta corda tambe con pa motibo di e mal decisionnan aki di Mike de Meza, dia 1 di Oktober 2014 pueblo a sali bay manifesta como cu WEB

a bay den “rood” y mester a aumenta tarifa di awa y coriente. Nos no por lubida con Mike de Meza y Mike Eman a tuma e decision pa duna autorizacion pa RIOT Commando pa subi caya y bati nos pueblo indefenso cu kincena y lastra hendenan femenino riba caya solamente pasobra nan a protesta contra e aumento di tarifa di utilidad y decisionnan debil di Mike de Meza. Prohibi pa Lubida! Prijs di coriente y Hedging Durante gobernacion di AVP bao Mike de Meza prijs di coriente a aumenta cu mas di 40% di .27 cent KWH (2009) pa .40 KWH (2013-2017). Awor finalmente Parlamento a ricibi comprobante cu e deal di HEDGING di Mike

de Meza a costa WEB y pues Aruba 230 MIYON florin. Esaki ta hopi repudiable locual Mike de Meza, Mike Eman y AVP a haci cu dicho compania estatal y cu pueblo. Parlamentario Croes ta termina splicando cu e vision nobo uso di Heavy Fuel Oil a baha cu 40% te cu aña 2018 y ta rumbo pa baha esaki mas na 2022 door di switch pa LNG. Parlamentario Endy Croes ta sostene WEB cu su vision nobo pero alavez tin un dolor na su curazon con Mike de Meza y AVP a desgracia e pais aki den tur sentido di palabra. Nada no ta scapa AVP. Un cos ta sigur: nunca pero nunca mas AVP. Hunto nos lo sigui dilanti y SIN MIEDO!

Pag. 8

Dialuna 18 November 2019

GABINETE WEVER-CROES:

Dos aña di determinacion, sacrificio, fe, union y perseverancia

cU vision Grandi Y reaL, Gabinete Wever-croes ta LoGrando bienestar Y proGreso 17 di November ta marca dos aña cu Gabinete WeverCroes a tuma e reto financiero, economico y social di nos pais pa asina hiba nos pais den e rumbo positivo pa laga nos generacionnan futuro cu un mihor Aruba. Dos aña, cu apesar di tur e retonan aki, nos a progresa y cumpli considerabelmente cu nos plan di maneho pa pone e ser humano central especialmente cu e fondonan cu nos a pone disponibel den e maneho social, algo cu e gobierno anterior a neglisha completamente, lagando atras un situacion social cu ta causa nos pueblo hopi dolor. Tambe cu e bon noticia cu Aruba a cera Presupuesto sin deficit, ta un prueba mas cu Gabinete Wever-Croes ta trahando cu visionnan grandi y real y determina pa logra progreso y bienester di nos pais merece. Gobierno di Aruba ta orguyoso di e hopi logronan obteni den dos aña. Riba e tereno economico, pa prome biaha Aruba a publica un vision economico 2019-2022 pa un economia fuerte y resiliente, den cual ta describi cual ta e areanan cu lo concentra riba dje den e periodo nos dilanti pa genera desaroyo economico di cual ta forma parti 6 sector prometedor pa diversificacion di Aruba su economia. E 6 sectornan prometedor ta den: 1) diversificacion di Turismo entre otro pa Turismo di Cultura, Deporte, Aventura y Turismo Medico. 2) Economia di conocemento entre otro di tecnologia solar y di oceano, educacion avanza den ciencia, technologia, ingenieria, matematica y solucionnan di ICT. 3) Agricultura. 4) Logistica, entre otro servicio aereo, y portuario. 5) Economia Circular, pa negoshi den material di desperdicio y reciclahe. 6) Industria Creativo, pa negoshi chikito y mediano den arte, musica, diseño grafico fotografia, diseño di website studio arte y moda. Bao e maneho di Gabinete Wever-Croes, Turismo cu ta nos pilar economic, a conoce un crecemento considerabel y cu cifranan positivo, apesar di tur e retonan. Januari te cu September 2019: Aruba su

turismo a aumenta cu 5.7% y entrada pa kamber di hotel a aumenta cu 8.4%. Prome tres lunanan di 2019, turismo a contribui cu Awg. 1094.1 miyon florin na nos economia. Varios proyecto a inicia y of ta den plan pa cuminsa pa asina eleva nos Turismo y alavez duna nos pueblo mihor lugarnan di recreacion familiar. E grito di pueblo pa un pais mas sigur, a haya atenion. Nos pais a bira mas sigur! A trece e helicopter bek, ta trahando pa pone e di 2 helipad na San Nicolas, a baha ladronicia na e casnan residencial, a trece e radar bek pa asina por controla nos fronteranan mihor hunto cu e metal sharks, Cuerpo Policial a haya tur material necesario, di Wifi den oficinanan te cu autonan nobo cu nan mester pa nan eherece nan trabao mas eficiente. Poniendo e ser humano central, Gobierno di Aruba a amplia e canasta basico cu 22 producto, mientras Minister di economia ta trahando pa bini cu un mercado popular, Gobierno kier facilita un lugar pa esaki bin tanto na Oranjestad como na SN. E meta ta pa e consumidor por cumpra productonan na prijs di costo. Gabinete WeverCroes a absorba aumento di gasolin na april cu 16 cent, na Mei cu 13.9 cent y na luna di Juni cu 7.6 cent, total 37.5 cent pa asina pueblo no haya un aumento drastico. Crisis plan Social hunto cu sector priva a logra bini hunto y pecura pa tur mucha cu ta bay Trai Merdia y no tin cuminda, haya cuminda. Ta trahando cu tur fundacionan pa duna e parti social e importancia cu nunca nan a haya. Hibando un maneho di nos localnan prome y kitando e ontheffing di gobierno anterior, a logra baha e desempleo di 8.9% (2017) pa 7.3% (2018), desempleo bao di nos hobennan tambe a baha di 19.4% (2017) pa 16.2% (2018). Pa Gabinete Wever-Croes Aruba ta prome, den un situacion dificil a percura pa aumenta e minimum loon cu 53 florin. Reforma Fiscal, e cambio husto a trece alivio pa esnan mas

vulnerabel Gabinete Wever-Croes a elimina impuesto riba entrada y riba salario pa 25 mil ciudadano, a rebaha impuesto riba entrada y riba salario pa 7 mil ciudadano, a baha prima di AZV pa pensionadonan cu 4%, a hisa reparatie toeslag cu 25,a hisa pensioen di viehez cu 25,- pa pensionadonan soltero y 42,- pa pensionadonan casa. Gabinete Wever-Croes a elimina grondbelasting pa 12 mil ciudadano, a rebaha grondbelasting pa 16 mil ciudadano. Commercio a haya un rebaho di belasting riba dividend di 25% pa 10% tambe den e reforma fiscal.

E cambionan importante aki, sigur ta wordo considera como un inversion den enseñanza di Aruba cu lo conduci na forma mas profesional Arubiano pa contribui na e economia di pais Aruba.

Gobierno ta inverti den Enseñanza di Aruba! Ta baha e interes di Aruba lening na 0%. E decision aki a wordo tuma mirando cu Gabinete WeverCroes ta considera estudio un parti esencial pa progreso di pais Aruba y bahando e interes di e Aruba lening pa 0% ta stimula nos hobennan mas ainda pa sigui studia ya cu na momento cu nan caba nan estudio e lening aki por wordo paga mas liher.

E vision di Gabinete WeverCroes pa innovacion a wordo basa riba un necesidad di cambio y di diversificacion. Como Gobierno nos ta comprometi na e Metanan di Desaroyonan Sostenibel (SDGs) y logra e obhetivonan aki pa aña 2020. Door di incorpora innovacion na nos enfoke riba desaroyo sostenibel, lo permiti nos pa probecha e olanan di oportunidadnan pa logra e obhetivonan aki. Danki na e inversion di 13.05 miyon di e 11 Fondo di Desaroyo di Union Europeo, tin un facultad nobo di Sustainable Island Solutions through Sciences, Technology, Engineering and Mathematics (SISSTEM) na Universidad di Aruba. Studiantenan Arubiano como studiantenan den nos region, por obtene nan grado di Bachelor den estudionan di Sciencia, Technologia, Ingenieria y Matematica (STEM) t tambe nan por obtene un Master den Sostenibilidad. Lo ofrece tambe un programa di Post Doctorado (PhD). Hunto cu tur esaki lo establece tambe un Centro Caribense di STEM y un Centro pa por haci investigacion riba Sostenibilidad. Innovacion na tur scol na Aruba ta un meta di pa Gabinete Wever-Croes. Tur scol básico publico ta hayando Smart boards pa nos muchanan no keda atras.

Cu e introduccion un e Plan Educacion Nacional, PEN, studiantenan di Aruba por tin mas opcion di estudio. A cera diferente acuerdo atractivo cu diferente universidad, pa amplia e posibilidadnan pa sigui studia sea na Merca of Canada.

Nos compromiso pa San Nicolas ta birando realidad. San Nicolas pa San Nicolas! Proyectonan entre otro remodelacion di caya principal di San Nicolas, hotel San Nicolas, Fast Ferry, San Nicolas Ports Authority, proyecto Baby Beach, Tourism

Gabinete Wever Croes a stop tur bendemento di tereno. A otorga mas di 1000 tereno na famianan Arubano, cu tabata wardando desde 1992 pa construi nan propio cas. A pone enfasis riba nos medio ambiente cerando e Dump na Parkietenbos nos no ta cla ainda, pero esey ta e meta final. Mirando e importancia di integridad pa Gabinete WeverCroes, na Oktober 2018 a institui e Departamento Bureau Integriteit Aruba (BIA). E departamento aki tin como meta pa aumenta e conscientizacion riba practicanan di integridad y pa sirbi pueblo aceptando yamadanan pa reporta, meld of/y duna keho pa cu falta y kiebro di integridad.

Oriented Police na San Nicolas, renobacion di Warda di Polis, Helipad pa helicopter baha na San Nicolas, y mas importante: mas atencion pa desaroyo di San Nicolas pa San Nicolas, ya dunando realse na nos vision y determinacion pa logra cosnan grandi P’riba di Brug. Pa prome biaha desde 2008, Aruba lo tin surplus den su Presupuesto. Gabinete Wever-Croes a marca e prome Surplus den nos presupuesto despues di 12 aña. Presupuesto 2020 tin un surplus di 0.5%. Cu esaki, ta di 4 biaha cu nos presupuesto tin un surplus desde cu nos ta pais y esaki ta basa riba un strategia y maneho financiero structural. No tabata facil, pero danki na e vision, dedicacion y e compromiso di Gobierno di Aruba y e sacrificio di pueblo, awe nos por cuminsa paga nos debe bek y baha e debe mas ainda den 2020. Pa aña 2021 nos ta cuminsa sinti mas alivio y mira e inversionnan cu pa hopi aña no a wordo haci den nos comunidad. Nos ta riba e bon caminda ! Esakinan ta den linea grandi, algun logronan di Gabinete Wever-Croes. Tabata 2 aña basa riba planificacionnan y ehecucionnan di un maneho sincero y responsabel di Gabinete Wever-Croes. Hunto nos a logra y ta logrando pa asina nos por laga un mihor pais, un mihor Aruba pa nos futuro generacionnan. Importante ta, cu nos ta paga e debe cu nos generacion a ocasiona y nos lo pasa un mihor futuro na e generacionnan nos dilanti. Esaki, danki na un Gobierno responsabel y un pueblo cu ta comprende cu sacrificio ta y determinacion, ta pone nos bek riba e caminda positivo. Pabien Aruba y danki pa e sosten durante 2 aña. Hunto nos ta logra mas.

Dialuna 18 November 2019

Pag. 9

Pag. 10

Dialuna 18 November 2019

25 y 40 aña sirbiendo comunidad

Hunto 65 aña di hubileo

Na Centro di Husticia na Macuarima tabata tin un otro etapa di celebracion. Ta trata aki di Sr. Edgar A. Rafaël kenda cumpli 25 aña y ta trahando na Strand Politie. Sra. Rosmin A. Croes cu a cumpli 40 aña trahando como coordinador di facilidadnan di bedrijfsvoering. Hunto nan a celebra 65

aña trahando den servicio di gobierno y pa cu KPA. Den presencia di Altocomisario di Polis sr. Andrew Hoo, colega y famia a haci entrega di e decreto gubernamental. Sr. Hoo a gradicinan pa nan esfuerzo, dedicacion pa

tur e añanan di servicio dedica na nos pais. Masha pabien na tur dos colega pa nan tempo, sosten, sabiduria, integridad y profesionalidad y sigui haci boso bon trabao pa Cuerpo Policial Aruba.

diabierna anochi na noord accidente cu persona herida

cu e Van aki a hala bay mey mey caminda y dal contra un SUV color blanco.

Diabierna anochi pa mas o menos 11:30 polis y ambulance a wordo informa cu lo tin un accidente serio pariba di e Warda di Polis bieu na Noord. Mesora patruya a bay na e sitio y

a constata cu tin tres auto envolvi.

Esaki a causa cu e SUV color blanco a kita bay despues dal contra un auto Suzuki color cora. Esaki tabata un impacto frontal.

Na e sitio por a mira e Van cu a lastra e cabaynan cu por ser mira ariba e Highrise Strip na Palm Beach. Parce

En total tres persona a resulta herida, unda cu Paramediconan a transporta tur pa hospital.

Pag. 11

Dialuna 18 November 2019

Aruba Bank ta anuncia ganador

“Yes aMiGoe! student campaign onLine” Aruba Bank a anuncia ganador di e campaña YES AMIGOE! Student Campaign ONLINE, Brandon Krosendijk. Durante di e periodo di campaña tur studiante di Aruba cu a ricibi un Amigoe op School y cu a aplica pa un Cuenta di Studiante via www.arubabank. com automaticamente a participa pa gana AWG 250,-. Alavez a brinda e studiantenan cu tin un Cuenta di Studiante di Aruba Bank caba, e oportunidad pa participa na e campaña door di referi un amigo of amiga pa habri un cuenta di studiante online via arubabank.com. Nos ta felicita e ganador Brandon Krosendijk y nos ta recorda tur studiante cu ainda ta desea di habri un cuenta di via arubabank. com cu esaki ainda ta posibel. E Cuenta di Studiante ta ofrece hopi beneficio pa e studiante. Sea bo tin planea pa bay studia afor of si bo lo sigui cu bo studio na Aruba

mes!. E Cuenta di Studiante ta ofrece e studiante hopi beneficio, entre otro pa por haci uso di Aruba Bank su Mastercard Debit cu Maestro, haci uso di e Aruba Bank App, y mucho

mas. Pa aplica of pa mas informacion bishita: https://www.arubabank. c o m / a c c o u n t s / current-accounts/ personal-student-account.

Pag. 12

Dialuna 18 November 2019

Den cuadro di dia internacional di mucha

videocLip di sHon poLis Mi aMiGo

Den cuadro di dia internacional di mucha cu ta riba e fecha di 20 November 2019. Cuerpo Policial Aruba a planea pa e luna completo di November ta dedica na nos muchanan. For di comienso te na final di november KPA a ocupa su mes cu diferente charla di concientizacion y tambe diferente presentacion na schoolnan , di esnan di edad chikito te cu ne teeners. Pa finaliza henter e temporada aki , KPA tin e grato placer pa anuncia

cu lo finaliza esaki cu un videoclip canta door di un hoben. “Shon Polis mi amigo” a nace for di aña pasa y e aña aki el’a wordo concretiza. Canta door di e hoben Jurion Martinez cu a dedica e cancion specialmente pa nos polisnan. Cu aprobacion di su mayornan KPA mes a percura pa realiza esaki. Mirando cu Jurion na edad hoben tin un aprecio grandi pa KPA , nos a dicidi cu e ta bay bira e Altocomisario pa 1 dia. Jurion cu tur su amigonan ta bira e agentenan di mas

importante di Aruba. Un videoclip na unda cu ta mustra e combinacion di nos polisnan conhuntamente cu nos hobennan. E idea di esaki ta pa ilustra cu nan ta nos futuro pero cu nos ta keda nan amigo polis den tur momento. For di rango di mas abao te cu esun di mas halto y nos departamento di administracion a participa pa asina hunto como famia nos dedica e dia aki pa nos muchanan. “Shon

polis

mi

amigo”

lo wordo lanza dia 20 November 2019 ariba nos paginanan oficial di KPA y den tur nos medionan di comunicacion. Nos ta gradici tur persona

cu di un manera of otro a yuda pa realiza un bunita proyecto pa nos muchanan. Corda bon , nos ta keda bo amigo POLIS..

Pag. 13

Dialuna 18 November 2019

Parlamentario Endy Croes: Benny “Avestruz” mester tuma su decision.

“no por destrui un pais na e forma aki y kier keda cobra” Parlamentario Endy Croes ta subraya cu tin hende ta bira sinberguenza ora nan bira politico y ta perde tur clase di gevoel. Otro ta cuminsa comete fraude y otro ta cuminsa biba di corupcion mientras tin otro ta bira ladron of ta horta asiento. Lamentablemente esaki ta e Aruba di awe. Segun Parlamentario Endy Croes, tur ta sintomanan di politiconan di AVP of liga cu AVP. Recientemente nos mester a protesta energicamente yamando reunionnan di (CHA) Commissie Huishoudelijke Aangelegenheden pa despues esaki desemboca den un reunion CC, esta Comision Central y p’asina tuma un decision interno cu ta baha Benny Sevinger for di avion. Benny Sevinger, e sospechoso number 1 den e caso cu a haya e

nomber oficial di Avestruz ta bao investigacion pisa cu 5 cargo riba su nomber. Benny ta wordo acusa door di Ministerio Publico pa 1. Valsheid in geschrifte, 2. Oplichting, 3. Het aanemen van steekpenningen (soborno), 4. Misbruik van zijn functie, 5. Opzettelijk/ gewoonte witwassen. Tur e acusacionnan aki inicialmente tin di haber cu corupcion den tereno unda algun hende a bira miyonario cu patrimonio di pueblo. Por a compronde cu e investigacion ta andando alabes na Corsou, St. Maarten, Panama, Miami y ta mustra di ta un investigacion di un banda criminal hopi grandi. Banda di tur esaki Benny a haya ta bon pa exigi parlamento cumpra un ticket di 3000 florin den business class pasobra

e ta sinti cu e tin derecho pa representa Aruba den reunionnan di Parlatino na Panama. Kizas Benny kier a usa e oportunidad bou capa di Parlamento pa regla algun cuenta bancario na Panama? Despues di hopi discusion a logra vota pa baha Benny

for di avion y cancela su vuelo. Lamentablemente un Parlamentario kende recientemente a bira independiente tambe a sostene Benny Sevinger fuertemente parando duro na e banda di AVP y despues kier sali usa e palabra integridad. “Het kan verkeren.”

Parlamentario Endy Croes ta kere si cu Benny mester duna respet na e instancia parlamento y entrega su retiro. Moralmente no ta netchi y elegante. Corecto ta pa duna ehempel na pueblo, parlamentario Croes ta termina bisando.

Durante oranan di marduga:

dama haya drumi den auto na banda di caminda

Diasabra marduga durante patruya polisnan a topa un dama drumi den su auto y cu motor di auto cendi. Polisnan a bay controle y a ripara cu e dama tabata bao influencia. Agentenan a ofrece e dama un lift pa su cas.

Pero e dama no tabata kier wordo transporta den e Transportwagen. Aki ta unda el’a cuminsa bira fastioso. Despues di e basta pasenshi di e agentenan, a logra convence pa e wordo hiba. Pa loke ta su auto un

Hyundai Accent esey si a keda atras na lock, ora e dama ta apto e por pasa warda busca su yabi. Damanan ta hopi den publicidad ultimamente relaciona cu auto.

Pag. 14

Dialuna 18 November 2019

BENNY NISBET PPA:

dos aÑa di Gobernacion pero Unda e caMbio reaL a Keda ? A BIRA TEMPO PA CUMPLI CU PROMESA HACI NA PUEBLO! DOS aña gabinete Wever Croes ! Masha pabien di parti di partido PPA na tanto partido MEP, POR y RED cu a logra e periodo aki gobernando pais Aruba bao di e crisis financiero, economico y social cu a afecta nos pais dentro di e periodo di nos Status Aparte! E pregunta ta: Kico a wordo logra exactamente? Y Kico a cambia den e panorama politico Arubano ? Relaccion den Reino Hulandes ‘di malo pa pior’! Locual poco por a kere ta cu e relacionan den Reino Hulandes entre Hulanda y Aruba a bira ainda mas pior durante e dos aña di gobernacion aki! Esaki pasobra CAFˇ basa riba e ley di LAFT a pone hopi presion riba gab. Wever Croes. Pero e realidad sorprendiente ta cu gab. Wever Croes a expande e presencia di CAFt y cu e rol cuestionable di Staten di Aruba a ‘zwak’ e posicion di gabinete Wever - Croes ainda mas. Pa colmo locual no ta normal diarazon proximo dia 20 di November comision di relacionnan den Reino Hulandes a manda pidi presencia di nos Ministro Presidente Evelyn Wever - Croes ……!! Crisis financiero: Riba tereno financiero e gobierno cu tin un signatura di MEP e locual cu ta hala atencion ta e hecho cu esaki ta un gobierno cu ta goberna basa riba Medida mientras cu durante henter eleccion MEP a splica nos pueblo cu nan a studia e problematica debidamente y cu lo NO tin mester di Medida !! E splicacion cu gobierno a bin encontra sorpresa nos di PPA no ta acepta ningun momento. Cu ocho aña den oposicion y hasta escritor di e estudio ‘Feestvierend ten ondergaan’ Hamas lo por tin sopresa pabo. Na mes momento PPA mester bisa cu e baste legal pa presencia di CAFT a termina December 2018 y pueblo a spera cu MEP lo a simplemente laga e acuerdo aki cu Hulanda termina ‘un morto silencioso’ como cu ta conoci cu MEP a organiza un marcha cu a termina den destruccion y candela dilanti y paden di parlamento pero tur hende a keda sorprendi ora cu gabinete Wever Croes apesar di mensahe fuerte di su propio miembronan di Staten a firma un protocol cu Hulanda pa expande e periodo di e presencia di CAFT cu 3 anja mas etc. Esaki a wordo sigui cu un ‘amienda’ di su propio coaliccion den Staten cu realmente a significa un mocion di desconfianza contra gab. Wever Croes y cu basa riba ‘integridad real’ gab. Wever Croes a yega su final fecha 6 di Juni 2019 !! Algo cu lo mester tabata hopi doloroso pa e gobierno pero cu nan mester a guli manda bao y haci como sifuera cu Staten tin derecho riba su opinion y cu aki ta trata defensa di e autonomia Arubano. ´ E hecho cu e ley di LAFT lo tin cierto punto empugna cu nos Staatsregeling y nos Statuut PPA ta di acuerdo cune sinembargo si bo propio gobierno ta bay pa Noord y bo Staten ta bay pa Zuid anto bo mester a saca conclusion si acaso ‘integridad’ lo ta asina halto den bo bandera. Realidad di bida ta cu e consecuencia di e actitud di

Staten di Aruba ainda no a termina y no cabe duda cu pueblo di Aruba lo haya su mes ta paga un prijs pa esaki. Crisis Economico: Riba tereno economico PPA ta considera cu gabinete Wever - Croes tabata mas ‘zwak’ y a tarda demasiado pa anuncia (1 aña y mey!) pa anuncia corda ehecuta su maneho. PPA ta di opinion cu e crisis financiero por wordo solamente salba door di un maneho ‘economico dinamico’ y lo mas menos posibel door di asina yama ‘medida’ cu ta pone demasiado pression riba e presupuesto familiar. Riba tereno economico e hecho cu e posibel UPGRADER no a wordo ehecuta y ta wordo considera cu esaki lo a faya mester wordo mira como un fayo di nos gobierno parcialmente ya cu na prome lugar a keda demostra cu mientras cu tabata warda pa mas cu un aña pa inversion real pa ‘transforma’ e x refineria den un upgrader durante un bishita di Prome Ministro Evelyn Wever - Croes na un Departamento Mericano a keda informa cu nunca CITGO ARUBA no a pidi ni informa cu nan lo ta cambiando e x refineria den un upgrader…..esaki tabata un fayo catastrofal di e.o. R.D.A pa cual nos Prome Ministro ta responsabel politicamente. Te na e momento aki no por bisa cu tabata iniciativa grandi cu lo por diversifica nos economia al respecto durante e prome dos aña di gobernacion di MEPORED! Pa locual ta trata nos desaroyo di Turismo aki si tabatatin algun desaroyo interesante. E.o. ora gobierno a yega na un comprendimento cu un hotel cu lo a wordo traha a wordo cambia y un hotel 5 streya lo wordo traha na Palm Beach banda di RIO, opinion di PPA apesar cu nos ta lamenta e sitio nos opinion ta cu Aruba su product lo mester di entre 3 pa 4 hotel di 5 streya pa eleva nos producto turistico. Varios hotel y condominium chikito cu tabata den construccion a termina durante e periodo di 2 aña !! Locual PPA ta considera como un projecto importante pa desaroya di San Nicolas lo bay bira e asina yama ‘ SECRETS BABY BEACH RESORTS’ cu segun PPA lo sirbi como e ‘yabi economico’ pa San Nicolas y Vecindario y PPA ta considera esaki un logro enorme di gabinete Wever - Croes. Riba tereno economico tin den proceso e projecto ‘Port City’ cual ta un projecto cu a hereda di e gobierno anterior cual PPA ta cuestiona seriamente e.o. como cu PPA ta considera cu no a wordo duna suficiente informacion na pueblo di Aruba pa pueblo tambe por huzga e projecto aki cu lo bin riba e tereno cu kizas mas valor economico riba nos pueblo. A. PPA ta puntra si e ‘Port City’ lo no bira un competencia pa Caya Gilberto Francois Croes tambe jama Caya Grandi. B. PPA ta puntra cu e poco cu nos por sa ta duna indicacion cu ta mas cu projecto dedica na ‘Real Estate’ cu ta un projecto dedica na desaroya un posibel pilar economico nobo pa nos Isla. C. PPA ta keda puntra pakiko No a envolvi cu projecto manera un WORld Trade Center cu lo a

diversifica producto economico di Aruba y lo a crea cupo di trabow di valor pa nos pueblo den futuro. PPA ta considera esaki un fayo di nos actual Gabinete Wever Croes apesar cu tin algun desaroyo interesante na horizonte !! PPA ta di opinion cu lo mester inicia cu mas projecto cu lo por tin un impacto grandi economicamente riba nos Isla……. Ainda segun PPA falta Vision y falta esfuerzonan pa ejecuta e Vision aki !! p.e. Missionan economico di Aruba pa exterior y participacion di Ministronan den Missionan economico di Reino pa exterior !! Tereno social: E hecho cu gabinete Wever Croes a pone un suma basta grandi disponibel pa e Ministro Social laboral por ejecuta un maneho cu ta tene cuenta debido pa e problematica social grandi cu Aruba tin ta wordo considera un hecho positivo. Sinembargo ainda pobreza ta sumamente grandi riba nos Isla, un 5000 hende sin trabow, hopi hende ainda ta biba di onderstand/bijstand cu realmente no ta jega pa un bida di calidad. Mas o menos un 40% di nos trahado ta biba di un ‘salario minimo’, mientras cu esnan cu ta cobra pensioen tampoco nan entrada ta mucho di gab. E promesa di aumento di salario minimo cu f. 100,00 te cu awe no a wordo ehecuta a aumentele solamente cu f. 50,-- mientras cu otro pomesa sagrado pa baha edad di pensioen bek pa 62 aña tampoco a ricibi atencion di gab Wever - Croes! Pendiente tambe ta cu gab Wever - Croes a priminti di cambia Ley cu ‘Uitzendbureau’s nan rol pa cu e trahador lo wordo limita of mas miho controla esaki lo a ricibi un atencion maximo di parti di nos ministro encarga cu Social y Labor pero ya a yega e periodo di DOS aña y no por a nota nada alrespecto. PPA ta puntra unda e maneho ta keda cu lo stimula hopi cu awor aki ta depende di un contribuiccion social pa labora maske ta un par di hora pa dia SIN cu esaki lo afecta nan ‘onderstand/bijstand’ al resperto ?? Cu e mensahe aki PPA no ta bisa cu nos actual gobierno lo NO ta hasciendo un esfuerzo pa solucciona varios problematica cu mester di soluccion sin embargo e esfuerzo ainda no a cristiliza den soluccion y desaroyo positivo necesario. CONCLUYENDO: Pesey e berdad mester wordo bisa pa den e siguiente dos aña cu falta realmente mas atencion wordo duna na cierto problematica y kizas logra solucciona parti y logra cierto desaroyo necesario pa nos pais. Entodo caso exito na gab Wever - Croes den e siguiente dos aña !!

Pag. 15

Dialuna 18 November 2019

Minister Otmar Oduber:

san nicolas merece e oportunidad di tuma parti activamente den e industria di turismo

E sitio historico caminda cu a realiza e groundbreaking di Secrets Baby Beach Resort tin un gran balor historico, specialmente pa e comunidad di San Nicolas. Hopi era a cuminsa y conclui na San Nicolas. Ta corda e periodo di fosfaat durante siglo 18 pa 19 caminda cu mester a core den Seroe Colorado pa yega sero Culebra pa bin traha. San Nicolas a bira e prome waf den Caribe cu tabatin cu por a exporta fosfaat pa diferente Pais. Economia di Aruba a saca bon probecho for di e industria.

E tereno y tunnelnan cu tin ainda, lo keda conserva como atraccion turistico y evidencia historico di e epoca di prosperidad aki di San Nicolas y Aruba. Era petrolero Despues tabata na aña 1929 cu e yegada di Lago cu e portanan a habri na San Nicolas cu e inicio di e era petrolero. E industria aki a brinda ‘por venir’ na miles di Arubiano y rumannan den Caribe procedente di diferente isla den region manera Saba, St Eustatius, Boneiro y Surinam. Den e tempo bon

di e era petrolero pueblo a haya oportunidad pa haya educacion avansa pa nan mes y pa nan yiunan. Cuido medico avanza, facilidad pa alimentacion na prijs economico y tambe casnan nobo y moderno pa biba. Durante di periodo di e segunda Guerra mundial ora cu Hitler a ordena atake riba e refinerianan di Aruba (Eagle y Lago), e pueblo multicultural cu a forma na San Nicolas y den barionan pariba di brug, a biba den momentonan di tension. Militarnan di Paisnan aliado a establece hunto cu nos hendenan pa proteha nos isla. E tempo ey, Lago tabata e refineria di mas grandi di mundo den produccion di y factor strategico y importante pa Merca y aliadonan gana e guerra. Sinembargo, durante e decadanan cu a sigui, San Nicolas a conoce hopi ‘ups and downs’. Modernisacion a bay pareu cu reduccion di personal y

despues instabilidad den mercadonan pertolero, a causa cierre y reapertura di e refineria na diferente ocasion. Cada bes tabata factornan externo y no interno, cu a perhudica e bienestar di pueblo di San Nicolas y Aruba. E pueblo humilde di San Nicolas a sigui lucha pa mantene nan mes cabez riba awa durante decadas. Consecuentemente tata y mamanan di famia a sacrifica hopi ora di nan dia den transporte pa bay traha den industria di turismo te na Palm Beach, pa por a cria nan famia. Era nobo pa San Nicolas Den añanan ‘50 e estadista Juancho Yrausquin a mira e potencial di Aruba y di su pueblo pa a crea e industria di turismo. Nos recursonan natural manera e clima cu solo y biento fresco, nos playanan di Palm Beach compara cu e hospitalidad di nos pueblo tabata e factornan ideal y e formula

di exito den turismo. Asina e prome hotel grandi cu participacion di Aruba a wordo construi Aruba Caribbean Hotel. Y despues mas hotel y restaurant cu otro negoshinan a sigui. Awor por mira cu San Nicolas ta habri pa un era nobo. San Nicolas no mester depende mas di factornan externo cu ta cera y habri porta di nan bienestar. E pueblo pariba di brug merece awor pa piki e frutanan di nan mesun sacrificio pa hopi aña. San Nicolas merece e oportunidad di tuma parti activamente den e industria di turismo. San Nicolas cu su recursonan natural, Seroe Colorado, su playanan y pueblo amable y trahado, combina cu e inversion di e prome hotel grandi, Secrets Baby Beach, ta bay dal e paso historico pa bira parti di Aruba su producto turistico.

Pag. 16

Dialuna 18 November 2019

apa un biaha mas a ricibi sinterklaas y su ayudantenan

Diadomingo mainta Aruba Ports Authority (APA) a habri su portanan hancho pa entrada di e homber Santo cu a yega for di Spaña hunto cu su ayudantenan. Gerencia di APA ta hopi contento di por ta sede di yegada di Sinterklaas, cu ta un personahe masha stima bao di mucha y adultonan. Gerencia di APA a bin ta preparando pa e yegada aki cu ta atrae un publico grandi cu a acudi na Harbour Arena unda cu nan a yega pa 10’or di mainta. Ta un di e poco veznan den aña cu e publico por yega te riba tereno di waf pa e bishita special aki. Manera e tradicion ta pidi, Minister di Cultura, Xiomara Ruiz Maduro, a ricibi Sinterklaas y su ayudantenan, mey-mey di un multitud di hende entusiasma. Na momento di yegada di Sinterklaas, tabata mara den waf di Aruba tambe Norwegian Bliss y Caribbean Princess. E crucero Norwegian Bliss ta un barco relativamente nobo, adkiri na April 2018 y a realiza su viahe di debut na Alaska. E ta diseña pa mehora eficiencia di energia y cumpli di e forma aki cu regulacionnan ambiental di Alaska. Sinembargo pa e temporada cu a caba di cuminsa, a pone pa rutanan den Caribe y den zomer 2020 ta bolbe pa Alaska. E tin un capacidad pa 4000 pasahero.

MS Caribbean Princess ta opera pa Princess Cruises, cu un capacidad di 3,600 pasahero, y tabata esun mas grandi di e flota di Princess te cu Juni,, 2013, ora cu Royal Princess a supera e record. MS Caribbean Princess tabata e prome crucero moderno cu un teatro na aire liber cu nan a yam’e “Movies Under The Stars".

Por bisa cu miles di turista cu tabata di bishita na Aruba e momento ey abordo un di e dos barconan aki, a experencia un di e fiestanan mas popular di Aruba. Mester bisa cu e multitud no a cambia compara cu otro añanan, sperando e homber Santo riba henter e ruta for di waf te cu Plaza Betico Croes, unda e celebracion di e yegada a sigui.

Pagina 17

Dialuna 18 November 2019

DURANTE ORANAN DI DIASABRA MARDUGA:

CUATER HOMBER BURACHI DETENI NA E MESUN MOMENTO

Diasabra marduga polisnan lo tawata bastante cu druk cu varios chauffeur burachi. Unda cu mester a bay over na detene tur y transportanan pa warda.

Den e casonan ma Koningstraat polis a laga ambos chauffeur supla y ambos a surpasa e limitenan stipula pa ley. A pidi Transportwagen pa hibanan warda.

Na Tanki Flip patruya a spot un auto coriendo basta malo y mesora a bay su tras y dune ordo pa para. Ora di bay controla e chauffeur a ripara cu di baina e por a para ariba su pia. Mas cu claro mesora a detene y pidi pa Transportwagen.

Durante cu esaki tawata tumando luga, un otro chauffeur a drenta verboden y polisnan a bay atende cune. A resulta cu e tambe tawata burachi, pues ya cu e Transportwagen ta eynane tambe a wordo hinka den dje pa bay warda.

Durante cu e patruya tawata tratando e caso aki esta na Tanki Flip informacion a drenta di otro dos caso mas, esakinan tawata den Koningstraat.

Un persona so no a wordo deteni, esey tawata un dama sinta na banda. Pero, e mester a sigui su caminda na pia of yama hende bin buske.

Pagina 18

Dialuna 18 November 2019

Tricampeon di mundo di MotoGP Jorge Lorenzo ta anuncia su retiro E tricampeon di mundo di MotoGP, Jorge Lorenzo, a anuncia diahuebs cu e lo retira di e actividad tras di e careda di fin di siman na Valencia. E marcha di e Mallorquin di 32 aña, tras di un temporada di lesion, ta laga un vacante codicia hunto cu su compatriota Marc Marquez, e seis biaha campeon di mundo di MotoGP, den e ekipo Repsol Honda. Lorenzo a bis cu su dificultadnan e temporada aki a hib'e na tuma e decision. "Mi gusta e deporte aki pero tambe mi gusta gana y mi a ripara cu e no ta posibel (...) asina ta…", el a sostene den e rueda di prensa. "Mi ta pensa cu ta e miho decision pa e ekipo pasobra Honda y Jorge Lorenzo no por lucha nan so pa drenta den e puntonan of un podium.

Tanto Honda como ami ta ganado y nos tin cu lucha pa gana," el a agrega. Lorenzo a muda di Ducati na final di 2018, pero tabata tin problema cu e forma fisico y e maneho di RC213V. E ta ocupa e di 19 luga den e clasificacion general, cu 25 punto den 18 careda y sin a drenta den e prome 10nan den un solo prueba, contra e 395 puntonan di Marquez. Lorenzo a bisa na principio di e luna aki cu tin mester di menos di un luna sin competi pa recupera completamente pa e proximo temporada, pero awo a dicidi pa caba cun'e. "Aunke semper mi a traha hopi intensamente y sin tabata na e luga adecuado y cu e personanan adecuado kisas mi no lo a yega te aki," el a añadi. E Spaño, kende tambe a

gana dos titulo mundial den e categoria di 250cc (awo Moto2) na 2006 y 2007, tabata campeon di MotoGP na 2010, 2012 y 2015 cu Yamaha. El a perde cuater premio

grandi tras di un caida durante entrenamentonan na Assen, Hulanda na juni y a sufri un fractura na su lomba. Tambe a wordo descarta e prome test di pretempo-

rada na Malasia na februari, tras di a fractura su pols robes mientras cu e tabata train na Italia y a oper'e.

Raymond Poulidor, leyenda di ciclismo Frances kende nunca por a gana e Tour, ta muri na edad di 83 aña E ciclista Frances Raymond Poulidor, famoso pa a keda na e portanan di gloria den Tour de France den varios oportunidad apesar di tin posibilidadnan inmehorabel di a ganam a fayece na edad di 83 aña, prensa local a informa diaranson. E rivalidad di "Pou-Pou" Poulidor cu su compatriota Jacques Anquetil kende a gana Tour de France cinco biaha, a domina e deporte Frances den e decada di 1960. Ora cu e carera di Anquetil a caba na final di e decada aki hopi a pensa cu a yega e momento di Poulidor. Pero esey no a sosode pasobra su caminda a wordo blokea pa e Belga Eddy Merckx, kende a

gana e Tour cinco biaha, entre 1969 y 1974. Merckx a bisa na e stacion di radio Frances RTL cu Poulidor tabata "un gran campeon, un gran homber y un gran amigo. Ta un berdadero perdida pa ciclismo." Poulidor a nace na 1936, a caba e Tour de France dna di dos luga tres biaha (1964, 1965, 1974) y na cinco ocasion e tabata di tres (1962, 1966, 1969, 1972 y 1976). Durante su carera el a gana e Vuelta a España na 1964, como tambe varios clasico manera "Monument" Milan-San Remo na 1961 y La Flecha Valona na 1963. Tambe el a keda cu shete etapa di Tour de France. E ta laga un dinastia ciclista: su

nieto, e Hulandes Mathieu van der Poel, ta un talento emergente kende a gana e edicion di e aña

aki di Amstel Gold Race na Hulanda.

Pagina 19

Dialuna 18 November 2019

FESTIVAL DI “DERECHO DI MUCHA” NA PLAYA PABAO PLAYA PABAO – Diarason, dia 20 di november, nos ta celebra "Dia di Mucha" na Aruba. Riba e dia aki tambe ta celebra "Dia International Di Derecho Di Mucha" . Pa e motibo aki directiva di Centro di Bario Playa Pabao ta duna reconocemento na nos muchanan den un solo actividad na Playa Pabao. E actividad aki ta tuma lugar diarason dia 20 di november y ta cuminsa pa 3’or di merdia y lo termina pa 8‘or di anochi. Nos

muchanan tin oportunidad pa hunga den “waterslide”, bula riba trampolin y den dinojump, hunga den luchtkasteel, monster truck, pinta cara y participa na diferente wega. Tambe muchanan tin oportunidad pa gana un celular .E notica agradabel cu a caba di drenta ta cu Jeon lo ta presente pa saluda nos muchanan. Tin oportunidad pa saca potret cu Jeon u mucho mas Entada ta completamente gratis. Muchanan

ta wordu invita pa bin cu nan trahe di baño pasobra ta bay tin un “waterslide”. Pa 6’or lo cuminsa un ora di locura sigi pa un show “Di Mucha Pa Mucha” cu presentacion di grupo di baile hubenil. E promer 300 mucha lo ricibi un recuerdo di e dia aki. Pues diarason dia 20 di november ta celebra Dia di Mucha y ban duna nos muchanan reconecimento riba e dia importante aki y laga nos manera un famia grandi asisti na e ac-

tividad aki cu nos muchanan na Centro di Bario Playa Pabao. Pues mayornan nos ta warda boso y bin compaña bo yiu(nan) na e actividad aki. Lo tin un bar (sin bebida alcoholico) y un cushina cu prijsnan di dia di mucha. Un danki di curason ta bai na Vertegenwoordig van Nederland na Aruba, SETAR y Asociacion pa Trabou Hubenil Arubano (ATHA) pa nan contribucion na e actividad aki.

Dokternan Italiano a extirpa un tumor celebral for di un musico mientras cu e tabata toca piano

Un ekipo di ciruhano di e hospital Bufalini di e ciudad di Cesena (Italia), a realisa cu exito un intervencion delicado cu tabata consisti den extirpa (kita) un tumor celebral for di un hoben musico mientras cu e tabata toca piano. E tecnica aki ta permiti e ekipo kirurgico elimina e masa tumoral evaluando den forma constante e estado neurologico di e pashent pa no daña e areanan di e celebro crucial pa e funcionnan cognitivo. Den caso di e hoben aki, e hoben musico a interpreta varios di su melodianan faborito riba piano durante cinco ora. Luigi Tosatto, director di e Unidad di Neurocirugia, a indica cu loke cirugia aki ta haci, ta "bastante rato y excepcional" ta cu pa prome biaha

nan a logra localisa algun area celebral specifico pa musica cu ta bastante compleho pa detecta, pa preserva e habilidadnan musical di e pashent durante e extraccion di e tumor. Durante e intervencion, nan a mapea y monitorea tres habilidad diferente di comprension musical den e pashent: e reconocimento di tononan melodico, ritmo y contorno musical.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 20

Dialuna 18 November 2019

HAMILTON TA MIA HOPI CAMBIO PA E PILOTONAN DEN 2021 Lewis Hamilton, e sextuple campeon mundial di Formula Uno, a predici movimentonan grandi entre e pilotonan pa 2021, y a sostene cu e ta spera cu Ferrari sigui ta e rival mas duro pa su ekipo Mercedes e proximo temporada. "Otro aña nos mester mira cambio entre e pilotonan, hopi cos ta pasando, cad apiloto ta papiando cu cierto ekiponan," e Britanico di 34 aña a sostene prome cu e Gran Premio di Brasil di fin di siman. Hamilton a sigura cu e corona tras di a keda segundo den e Gran Premio di Merca na Texas. Bon parti di e contractnan di e pilotonan ta vence na final di e proximo temporada y e amantenan di F1 ya ta specula unda

cada uno lo termina. F1 a revela cambionan importante den e reglanan pa 2021 y ta spera cu e autonan modifica ta haci cu e caredanan lo ta mas pareu y emocionante. Mientras tanto, e restriccionnan nobo di gasto lo mester limita e bentaha cu awo e miho ekiponan tin. Hamilton a cualifica Charles Leclerc di Ferrari y Max Verstappen di Red Bull, ambos di 22 aña como "e campeonnan di futuro." "Mi ta kere cu ambos tin estilonan di maneho preciso y agresivo, locual ta genial," Hamilton a sostene. "Den terminonan di kende lo bay gana, mi ta spera cu ainda mi tey pa purba di detene nan." "Mi ta kere cu Ferrari tin mas posibi-

lidad di rpesenta un auto cu por lucha pa e titulo mundial a corto

plazo," el a agrega.

ALEMANIA, HULANDA Y CROACIA TA CLASIFICA PA EUROCUP 2020 E seleccion Aleman di futbol a golea Bielorrusia diasabra pa clasifica pa e Eurocup 2020, algo cu tambe a bay pa Hulanda, Croacia y Austria. Matthias Ginter tabata e gran figura di e ekipo Germano den marca un gol y participa den otro dos. E defensor a habri e marcado den minuut 41 y despues a habilita Leon Goreztka y Toni Kroos, kendenan a extende e bentaha. E centrocampista di Real Madrid, Kroos, a logra un doblete cerca di e final den un partido den cual e keeper Manuel Neuer a wanta un penal di Igor Stasevich. Cu e victoria, Alemania ta lidera e Grupo C cu 18 punto y a seya su entrada pa Euro, mescos cu Hulanda, cu ta suma 16 tras di iguala 0-0 contra Noord Ierland.

Asadero San Cristobal na Sta Cruz Tur merdia cuminda cayente...

Noord Ierland a marca e di tres cu 13, pero no por a supera e ekipo oranje, debi na e resultadonan entre ambos. Croacia tambe a sigura un luga den e competencia, den gana Slovakia pa Grupo E cu golnan den e di dos parti di Nikola Vlasic, Bruno Petkovic y Ivan Perisic, pa suma 17 punto. Hungaria ta na di dos cu 12 y Wales na di tres luga cu 11. E otro clasificado di dia tabata Austria, cu a supera Noord Macednia pa keda na di dos den Grupo G,

tras di e ya clasifica Polonia. Mientras tanto, Belgica a sigura e prome luga di Grupo I den extende su racha perfecto goleando Rusia den Sint Petersburgh. Un doblete di Eden Hazard y un gol di su ruman homber Thorgan, a encamina e triunfo Belga, cu ta suma 27 punto contra 21 di Rusia. Ambos ya tabata clasifica. Romelu Lukaku a marca e otro gol di e "Diabelnan Cora" y Georgi Dzhikiya a desconta pa e local cerca di e final.

Pica Pollo - Medio Pollo y hopi cuminda mas

PA PEDIDOS Tel. 566-0319 Whatsapp Cel. 566-0319

Habri te nochi..

Dialuna 18 November 2019

Pagina 21

Pagina 22

Dialuna 18 November 2019

Dicon no ta bon pa mescla antibiotico cu alcohol? Mescla antibiotico y alcohol ta un acto cu no ta wordo recomenda nunca debi na e efectonan cu e por genera den e organismo. E motibo principal ta e efecto adverso of disminucion di e eficacia di e antibiotico cu alcohol por provoca. Of, lo contrario, e hecho cu e efecto di antibiotico ta potencia debi na e mesun motibo. Sin embargo, ta importante tene na cuenta cu no ta tur antibiotico ta actua mesun cos, pa cual no tur hende tin e mesun efecto den e organismo ora di mescla nan cu alcohol. Es mas, cantidadnan modera y casual di alcohol, generalmente no ta provoca interferencia den e efecto di mayoria di e antibioticonan. E problema, den e tipo di casonan asina, ta e efectonan secundario y e accion di alcohol den e sistema inmune. A continuacion, nos ta splicabo cu e efectonan cu e ta produci den e curpa humano den mescla antibioticonan y alcohol. Mescos cu distinto tipo di antibiotico den loke alcohol por resulta, specialmente dañino. Efectonan cu ta produci door di mescla antibiotico y alcohol Manera nos a menciona anteriormente, un di e resultadonan negativo cu ta produci ora di mescla alcohol cu antibioticonan ta potencia e propio efectonan adverso di e remedinan. Esaki ta pasobra algun antibiotico, manera amoxiciline, sa presenta efectonan secundario manera nausea, sacamento y diarea. Alcohol ta un substancia hopi iritante pa e mucosa gastrointestinal y ta hopi probabel cu e ta potencia e efectonan adverso aki. Tambe, otro problema ta e hecho cu e personanan cu ta den tratamento cu antibiotico, ta esnan cu ta padece di un infeccion. Esaki ta hiba cu nan tin mester di un sistema inmune competente pa combati nan. Alcohol por perhudica e accion di e sistema inmu-

resulta di ta hasta 10 biaha mas toxico pa e curpa. Asina eynan, e pashent ta intoxica rapidamente cu e dosis minimo di alcohol ingeri, siendo di biaha e efectonan secundario. Esakinan ta, sacamento, caida den presion arterial of palpitacion entre otro. Ta e mesun efectonan aki ta loke e pashent lo bay sinti cu door di bebe alcohol mescla cu antibioticonan menciona anteriormente. En concreto, e resultadonan ta como lo siguiente: ● Cuero ta bira cora ● Sodamento profundo ● Nausea y sacamento ● Steipi y mareo nologico, dificultando cura. Ademas, alcohol ta metabolisa den e higra pa e mesun vianan enzimatico cu ta metabolisa algun di e antibioticonan. Esaki ta provoca cu e higra ta traha procesando e alcohol, di manera cu e antibiotico no ta wordo corectamente metabolisa. E efectonan final no solamente ta di e reduccion di accion di e antibiotico. Tambe e acumulacion di metabolitonan toxico di e mesunnan aki, incrementando e incidencia di efectonan secundario. Antibioticonan cual nunca mester mescla cu alcohol Ta existi ademas antibioticonan determina cu, mesclando cu alcohol, por causa efectonan realmente dañino. Den e casonan mas grave, e mescla di antibiotico y alcohol por duna luga na e efecto disulfiram, den cual nos lo splica mas depsues. Antibioticonan cu ta causa e efecto disulfiram: ● Metronidazol. E antibiotico y antiparasitario aki ta wordo usa pa trata infeccion y algun gastroenteritis entre otro enfermedadnan. ● Tinidazol. Ta un antibiotico y antiparasitario, mescos cu Metronidazol, cu no mester mescla cu alcohol. Door di mescla alcohol cu e anti-

bioticonan aki e pashent lo sufri algun of varios di e sintomanan di e efecto disulfiram. Ademas, ta importante pa tene na cuenta cu no solamente tin cu evita bebe alcohol mientras a den tratamento cu e antibioticonan aki sino tambe ora di caba cun'e. No mester consumi alcohol te cu 48 ora despues di a stop di tuma Metronidazol. Igualmente, tin cu warda 72 ora despues di a stop cu Tinidazol. Kico ta e efecto disulfiram Formalmente conoci como Antabuse, disulfiram ta un producto cu ta wordo usa den e tratamento di alcoholismo. Cu disulfiram, ta evita pa e higra metabolisa e metabolitonan mas toxico di alcohol. Di e manera aki, alcohol ta

● ● ●

Dolor di cabes Dificultad pa hala rosea. Dolor den pecho

Ademas, den ocasionnan determina, e pashent tambe lo a experimenta vertigo, hipertension arterial y sincope. E poblacion di mayor riesgo ta personanan mayor di 65 aña, pa e hecho cu nan ta mas sensibel na e efectonan di alcohol. Igualmente tambe e pashentnan cu ta tuma un remedi cronico. Den conclusion, nunca ta recomendabel mescla alcohol y antibiotico. Aunke e efectonan no bay resulta semper asina negativo, e mescla nunca lo bay ta bon pa esun cu consumi'e.

Pagina 23

Dialuna 18 November 2019

ALPITOUR A SCOGE ARUBA PA NAN CONFERENCIA INTERNACIONAL MAS CU 160 AGENCIANAN DI BIAHE DI ITALIA A BISHITA NOS ISLA Recien nos isla a yama bonbini na un grupo grandi di Italia cu a scoge Aruba como cede pa nan conferencia internacional. Alpitour ta un organisacion grandi di biahe na Italia cu varios compania bao nan encargo. Entre otro e compania Turisanda cu ta consisti di agencianan di biahe ‘upscale’.

cia- nan ta prefera Aruba pa cu e siguridad cu nos isla ta brinda, pa e clima ideal y e variedad di accomodacionnan cu nos destinacion ta ofrece. Aruba ta un di e destinacionnan mas bendi pa e agencianan di biahe presente.

Nomber di e conferencia aki tawata: “Un futuro inconfundibel – E conferencia di Turisanda ta bay e isla di Aruba.”

Durante nan estadia di 7 anochi, un programa amplio y diversifica a wordo ofrece na e participantenan unda nan por a disfruta di e bunitesa di nos isla pa medio di excursionnan, eventonan y site inspections na diferente acomodacionnan.

Alpitour a scoge nos destinacion pa varios rason pero loke a resalta mas ta cu –apesar di e distan-

Aruba Tourism Authority kier a yama danki na tur esnan cu a haci e conferencia aki uno exitoso.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 24

Dialuna 18 November 2019

Plataforma Hobennan Profesional ta Informa:

Tatanan tin derecho riba dos dia liber en conexion cu e nacimento di nan yiu Dos dia di “vaderschapsverlof” ta suficiente of husto den e epoca cu nos ta biba aden? Nos a tuma nota di diferente comentarionan relaciona cu e tema di dianan liber pa tatanan ora cu nan yiu nace. Via di medianan social mama y tatanan a expresa nan disgusto pa e forma con “vaderschapsverlof” ta regla den nos leynan. Cu e articulo aki nos lo desea informa nos comunidad tocante e aspecto huridico di “vaderschapsverlof” y alabes hasi un analisis y comparacion cu otro paisnan den region y Europa. Nos no ta na altura si e tema aki ta un prioridad riba e agenda politico. Teniendo diferente circumstancianan na cuenta y evaluando e desaroyonan politico nos ta asumi cu NO, mirando e falta di interes cu tin pa adapta y modernisa nos leynan social y laboral. Sigur esaki no ta hasi e tema aki menos importante of interesante. Segun cifranan di CBS un total di 1000 baby a nace den anja 2012, registra den e ultimo Censo. Nos codigo civil cu ta reglamenta acuerdonan laboral ( leynan laboral) ta permiti pa esnan cu lo bai bira mama por baha cu un asina yama “zwangerschapsverlof”. E futuro mama por hasi uso di su derecho den e ultimo etapa di su embaraso den combinacion cu un periodo despues di parto. E ley vigente ta un duna un “verlof” di un total di 12 siman. Pa mas detayes di e derecho di “zwangerschapsverlof” por lesa y analysa Art: 7A: 1614CA BWA. Tur pareha cu recien bira mayor sa cu e periodo aki ta un reto riba su mes. Mayoria bes e persona cu recien a bira mama no por atende cu tur e retonan su so y su condicion post- parto no ta duna pa e por regla tur cos y atende cu tur e tareanan domestico. E ayudo pa e mama aki ta sumamente esencial y di balor agrega den e promer dianan despues di e parto. Si e tata no tey pa yuda, e mama lo por sinti cu e ta su so den e proceso y no ta sinti cu e tin e sosten nec-

esario. Imaginabo si e tata tambe por tey pa cuida su baby y yuda e mama ora e baby ta recien naci. Ambos lo sinti cu nan ta importante pa e baby recien naci y por medio di esfuerso colectivo reparti e diferente tareanan cu tin. E presencia di e tata sigur lo contribui na fortaleza di e famia. Actualmente tatanan na Aruba ta haya dos dia liber for di e momento cu e baby ta na cas. Saliendo for di e punto di bista di igualdad di genero y e importancia di e sosten di un tata den e prome dianan di bida di e baby, no por wordo nenga cu mester tin un construccion huridico cu ta regla “vaderschapsverlof”. “Vaderschapsverlof” a wordo introduci 1 april 2013 na Aruba. Mester menciona cu e esaki no ta un construccion huridico desconoci ya cu na diferente parti di latino America, islanan den Caribe y Europa esaki ta wordo regla. Basa riba art 7A: 1614 cd BWA e tata cu ta casa of ta biba hunto cu e mama di su yui pa un periodo minimo di un aña ta bini na remarca pa ricibi dos dia liber cu pago, e asina yama “vaderschapsverlof”. E dos dia nan aki mester wordo tuma den un periodo di 4 siman for di e mo-

mento cu e baby ta na cas. Mester enfatisa si cu tin un condicion mara na dje. E condicion ta cu e pareha mester ta inscribi na e mesun adres cu e baby. Pa ilustra e descrepancia den e dianan di vaderschapsverlof entre diferente pais nos a compila a siguiente grafico: E pregunta na comienso di e articulo aki tawata : dos dia liber pa e tata en conexion cu nacimento di su jiu ta suficiente den e tempo aki? E contesta riba e pregunta aki ta keda na cada un ciudadano, instancianan social, gremionan laboral y esnan encarga cu asuntonan social y labor pa duna atencion na e tema aki. E articulo actual ta dunando cada tata dos dia liber. Loke kizas por pisa ora di evalua si e ta keda mescos of cambia ta e consideracion cu union familiar durante e momento di wordo bendiciona cu un baby ta hopi importante mes. E presencia di e tata lo tin un balor imaterial pa e mama e di e baby y sigur e lo percura pa fortalese e famia durante e dianan special aki. E sosten emocional necesario di tata pa e mama tambe ta importante. E tata lo por alivia e presion

di e mama, pa e motibo cu e lo por tuma algun tarea domestico bou di su encargo. Nos por conclui for di grafico cu Aruba ta pertenece na e paisnan cu ta duna relativamente poco dia di vaderschapsverlof na e tatanan. Tin critica for di e comunidad riba esaki. E tema aki merece un estudio profundo y no tin duda cu mester adapta esaki. Tin diferente motibo valido pa amplia e dia nan di vaderschapsverlof, manera nos a menciona caba entre otro: • Presencia di e tata ta fortalese e laso familiar • Alivia e presion riba e mama, pa motibo cu e mayornan por reparti e tarea nan relaciona cu e baby of trabounan domestico. • E tata por ta un so-

steno emocional pa e mama di su yiu despues di parto, esaki por alvia e asina yama “post-bevalling depressie” Vaderschapsverlof na Hulanda Na principio Hulanda tawata conoce un vaderschapsverlof di 2 dia y cu posibilidad di ricibi 3 dia adicional despues di e parto. E dunador di trabou no mag di nenga e dianan adicional aki. Desde 1 januari 2019 y e introduccion di e ley ‘Wet invoering extra geboorteverlof’ e tatanan lo haya mas dia paga. Un persona cu por ehempel ta traha 4 dia pa siman 8 ora pa dia lo bini na remarca pa un totaal di 32 ora di verlof. Pero e oranan aki mester wordo tuma den e prome 4 simannan di nacimento di e yiu. Nos kier conclui e articulo aki cu e siguiente pensamento.E rol di tata tambe ta uno importante den un relacion. E laso entre e baby y su tata tambe mester haya su balor y wordo concretisa den nos leynan. Manera nos a remarca caba ta keda na cada un ciudadano, politiconan, instancianan social, gremionan laboral y esnan encarga cu asuntonan social y labor pa duna atencion na e tema aki. Nos ta recorda comunidad cu Tienda di Ley ta sirbiendo comunidad tur diasabra entre 3 pm – 5pm na Cas di partido AVP. Autornan: Wendrick y Wendert Cicilia & Gerick Croes

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 25

Dialuna 18 November 2019

Forsa Arma di Venezuela ta denuncia cu Merca a viola "un biaha mas" su espacio aereo E Comando Strategico Operacional di e Forsa Arma di Venezuela (Ceofanb), a denuncia diahuebs cu Merca a viola un biaha mas e tratadonan aeronautico internacional door di a ingresa den su espacio aereo cu un avion "spion" di USAF (Forsanan Aereo Mericano). "Un biaha mas Merca ta viola tratadonan aeronautico internaiconal door di a drenta cu un avion spion RC135 di USAF den e FIR (region di informacion di vuelo) controla pa RBV (Republica Bolivariana di Venezuela), sin cumpli cu e protocolnan y poniendo na riesgo e siguridad di e aeronavenan cu tabata den e espacio aereo," Ceofanb a precisa.

Den e ultimo lunanan, Forsanan arma di e pais Caribeño a denuncia menasanan reitera na su espacio aereo di parti di Washington. Dia 22 di october Ceofanb tambe a denuncia e sobrevuelo di un aeronave no tripula (drone) rond di e instalacionnan di e Compleho Refinador di Paraguana, den e estado di Falcon (noordwest di Venezuela). Di igual forma, dia 27 di juli, Ceofanb tambe a alerta cu un avion di origen Mericano a viola un biaha mas e espacio aki y cu esey, e siguridad aeronautica y e tratadonan internacional. Tame dia 19 di juli ultimo, e Comando di De-

fensa Aeroespacial Integral (CODAI) a detecta y a intercepta un avion di Merca, di e tipo EP-3E (di inteligencia y exploracion radioelectronico) den e

espacio aereo Venezolano. Mediado di e aña aki, e vicepresidente di Comunicacion di Venezuela, Jorge Rodriguez, a de-

taya cu e avionnan spion Mericano a realisa mas di 70 incursion den e espacio aereo di su pais.

Na india "barnan di oxigeno" ta masha na moda debi na contaminacion aromatisa, cu un total di 7 sabor, incluyendo apelsina y menta. E doño di e bar, Aryavir Kumar, ta afirma cu e no por a imagina cu e lo bay gana su pan di e manera aki. "20 aña pasa ningun hende por a imagina cu nan lo mester a bay paga pa un boter di awa puro, pero awo si nan ta haci'e," su clientenan sa comenta.

NATIONALE TOETS 2020 TRAINING: “REKENEN”

Na India ya tabata un di e paisnan mas contaminante di mundo, pero desde final di october, e polucion a alcansa un nivel critico debi na e kimamento di tereno den campo, te na e punto cu e habitantenan di e capital,

New Delhi, a haya nan mes obliga na acudi na "barnan di oxigeno" pa inhala aire limpi. The New York Times a realisa un reportahe riba un di e establecimentonan aki, yama Oxy Pure,

cual a habri su portanan na mei di 2019. Su oferta, den un sesion di 15 minuut ta di 4 pa 6 dollar. Den e luga, e clientenan ta hinca tubo den nan nanishi atrabes di cual nan ta inhala aire

(pa: alumnonan 6de klas school basico) Dianan:nov.15,16,22,23,29,30,2019 Ora:3:00-6:00 pm (diabierna) Ora:12:00-3:00 pm (diasabra) Lugar: Club Don Bosco (Noord) Docente : drs. Rudolf R. Kelly Info: 594-9771/562-2119/ 585-9774. Email: rr_kelly@yahoo.com

Pagina 26

Dialuna 18 November 2019

Maduro Heavy Equipment N.V. Pa tur tipo di santo,piedra y graniet Pa trabao di rosamento y cobamento di fundeshi of Pos Tin special riba diasabra Rooi Bosal 49 Tel: 5851708/5943207/5931608

TA FURA

MATRAAS, MUEBLES, STOEL DI AUTO ORANGE MATRAAS FABRIEK

CONSTRUCTION Y MECANICO Ta haci trabow di coriente, verf, plumming, corta mata, haci cura limpi, drecha dak,

Yama 560-8568

HOPI DESCUENTO

Tune up auto

40% Y 50%, MERCANCIA NOBO TARABANA SOLO 5

593-4387 OF 588-7468

PA TAXATIE DI CAS Y PROPIEDAD

Abona na

awor! Yama 585-9500 of

e-mail nos na solodipueblo@gmail.com

TUMA CONTACTO CU

CERA ARUBA TEL: 561 5643

Tur marduga nos ta entrege den bo porta di cas! Noticia cayente, ta aki bo ta haye!

Pagina 27

Dialuna 18 November 2019

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Lotto Merdia NOVEMBER 16

Lotto Anochi NOVEMBER 16

NOVEMBER 17 1. 3571 2. 7130 3. 1135

NOVEMBER 17 1. 2372 2. 8550 3. 5126

NOVEMBER

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds

582-2219 583-2999 582-4433 587-1677 583-5400 131 588-3131 587-0002 588-9999 582-0412

Tipline: 585 9500 e-mial: solodipueblo@gmail.com

NOVEMBER 17 01 04 19 22 23 November 16 14 16 18 23 32 17 K

Lotto Merdia NOVEMBER 17

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

POLIS DI HONG KONG TA IRUMPI FUERTEMENTE DEN UN UNIVERSIDAD INVADI PA MANIFESTANTE

Polis di Hong Kong a irumpi fuertemente den un universidad tuma pa manifestantenan, despues di a duna un ultimatum pa e hendenan bandona e area. Segun reporte, e agentenan a uza gas lagrimogeno y cañonnan di awa pa dispersa e multitud, mientras cu algun

persona a cende brugnan na candela cu ta conduci pa e centro educativo, AP ta informa. E operativo a tuma luga pa purba di saca e 200 personanan cu ta ocupa e campus universitario tras di un ola di enfrentamento cu a dura henter anochi.

Pagina 28

Dialuna 18 November 2019

Dia di Oracion na Aruba 2019

Dia 31 mei 1996 e Obispo di Haarlem, mgr. H. Bomers, hunto cu su Obispo auxiliary e tempo ey, mgr. J.M. Punt, a duna, despues di a consulta cu e Congregacion di Doctrina di Fe, permiso pa e veneracion publicamente di Santa Birgen Maria bou di e titulo;” e Señora di tur pueblo”. Bou di e titulo aki Birgen Maria a parece na Amsterdam den aña nan 1945 te 1959 y a revela na un hende muher senciyo di nomber Ida Peerdeman, cu e kier ta conoci y stima pa tur hende como “ e Señora di tur Pueblo”. Of e MAMA di tur Pueblo. E la mustra riba e situacion, actual den iglesia y den mundo pa medio di impresionante visionan profetico. Den su mensahe nan e Señora di tur pueblo ta revela e plan, cu cual Dios kier salba

e mundo pa medio di su Mama. Pa enfatisa esaki maria ta duna tur pueblo y nacion un oracion y un imagen. E imagen ta representa e Señora di tur pueblo, ilumina pa e luz radiante di Dios, para riba e globo dilanti di e cruz di su Yui e Salbador. Cu kende e ta inseparablemente uni. For di e man nan di Maria por parti na tur esnan cu ta pidie pa e ta nan Abogado. E trupa di carne ta representa e pueblonan di henter mundo, cu lo no haya trankilidad te ora cu nan hisa cara mira e Cruz, e centro di mundo. E Señora di tur pueblo a dicta un oracion cortico y poderoso y poderoso pa preserva nos di degeneracion, disaster y guera. “ Boso, pueblo nan di e tempo aki, sa cu boso ta bou di proteccion di Se-

ñora di tur Pueblo. Invoca na dje como boso Abogado, pidie pa desvia tur disaster. Pidie pa deporta e degenaracion for di e mundo aki. Ta for di degeneracion ta bin Guerra. Pa medio di mi oracion, boso aki ta serka Dios” (31 di mei 1955) E ta pidi pa resa e oracion aki por lo menos un bes pa dia. “Mi ta sigura boso cu e mundo lo cambia”(29 di april 1951) Como mama di tur pueblo el a worod manda door di Tata y Yui pa trece union y pas na munda, pasobra:bou di e titulo aki y pa medio di e oracion aki e por salba mundi un catastrophe mundial grandi” (10 mei 1953) P’esey e Señora di tur pueblo ta pidi cu enfasisi pa un accion mundial grandi, pa asina plama su oracion y imagen. “Usa tur medio cu tin pa

bop or yuda y percura pa e distribucion, cada ken na su mes manera”

(15 di juni 1953)

E SEÑORA DI TUR PUEBLO Señor Hesucrito, Yui di Tata, Manda awor Bo Spirito riba tera Laga Spirito Santo Biba den curason di tur pueblo Pa asina nan keda warda Di degenracion, disaster y Guerra Cu E Señora di tur Pueblo Santo Birgen Maria Sea nos Abogado AMEN

Pagina 29

Dialuna 18 November 2019

PRONOSTICO DI TEMPO VALIDO TE DIALUNA 18 DI NOVEMBER 2019

SUDOKU

COMPILA: DIADOMINGO 17 DI NOVEMBER 2019 17:00 (21:00 UTC) TEMPO: AWE ANOCHI: PARCIALMENTE NUBLA CU UN POSIBEL AWACERO BREVE DEN MARDUGA I MAYAN: PARCIALMENTE TE HOPI NUBLA CU CHANCE PA ALGUN AWACERO BREVE TEMPERATURA MAXIMO 32 GRADO CELSIUS TEMPERATURA MINIMO 26 GRADO CELSIUS BAHADA DI SOLO : 6:11 PM SUBIDA DI SOLO : 6:39 AM. BIENTO: FOR DI DIRECCION NOORDOOST I ZWAK TE MODERA; FORSA 2 TE 4 (7 TE 30 KM/ORA, 4 TE 16 NUDO) DURANTE DI ANOCHI I MARDUGA TEMPORALMENTE VARIABEL I ZWAK; FORSA 1 (1 TE 6 KM/ORA, 1 TE 3 NUDO). SITUACION GENERAL DI TEMPO: UN DISTURBIO ZWAK DEN DIFERENTE NIVELNAN DI ATMOSFERA TA MOVE POCO POCO BAI WEST I LO INFLUENCIA TEMPO DEN REGION LOCAL DURANTE PROXIMO 24 ORA. E SISTEMA AKI LO INDUCI HUMEDAD DEN REGION I COMBINA CU E BIENTO ZWAK TE MODERA, LO BAI OCASIONA MOMENTONAN CU HOPI NUBIA CU PROBABILIDAD DI LOCALMENTE ALGUN AWACERO BREVE RIBA E ISLA. CONDICION DI LAMA: OLANAN TA FOR DI DIRECCION NOORDOOST CU HALTURA DI 2 TE LOCALMENTE 3 PIA. FENOMENONAN SPECIAL: NINGUN TEMPO TROPICAL SIGNIFICANTE: UN AREA DI PRECION ABOU TA DESAROYANDO RIBA ATLANTICO CENTRAL I TIN CHANCE MEDIO GRANDI PA DEN PROXIMO 5 DIANAN BIRA UN CICLON (SUB) TROPICAL MIENTRAS E TA MOVE BAI NOORDWEST RIBA LAMA ATLANTICO. POTENCIAL DI AWACERO PA PROXIMO 24 ORA: 3 TE 10 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA: AIRPORT MAX 32 / MIN 25 / 0.0 MM PRONOSTICO DI TEMPO PA PROXIMO TRES (3) DIANAN: PARSIALMENTE NUBLA CU LOCALMENTE UN AWACERO BREVE. BIENTO LO TA ZWAK TE MODERA FOR DI DIRECCION NOORDOOST TE OOST; TEMPERATURA ( GRADO CELSIUS) MAX / MIN LO TA: 32 / 27

Sopi di Letranan

Pagina 30

Dialuna 18 November 2019

LIBERTINAHE SEXUAL TA CONDENABEL PA FIERNO E nificacion di fornicacion. Den e di 9 Mandamento di Dios Tata ta bisa, pa no comete e pika di fornicacion. E pika di fornicacion ta e relacion sexual prohibi pa Dios Tata, cu ta e pika di curpa y e ta condena hende pa fierno. E pika di fornicacion ta esnan cu ta biba den libertinahe sexual, parehanan cu ta biba companja sin casa pa Dios den e Sacramento di Matrimonio, esnan cu ta haci prostitucion, mamanan y tatanan soltero cu ta lanta famía den nan fornicacion sin casa pa Dios y esnan cu ta casa pa raad so. Den Bijbel San Pablo ta adverti, 1 Corintionan 6: 18-20; “Huy for di e relacion sexual prohibi, cualkier otro pika cu hende ta haci, ta

for di curpa, ma esun cu haci fornicacion ta comete pika contra di su mesun curpa. Of boso no sabi anto, cu boso curpanan ta tempel di Spirito Santo cu ta den boso, cua boso a haja di Dios y cu boso no ta pertenece na boso mes? Pasobra boso a wordo cumpra cu un prijs hopi caro, pues glorifica Dios anto den boso curpa, cu ta di Dios.” Na tur esnan cu ta biba den e pika di fornicacion, nan lo no drenta den e Reino di Dios, lesa den Bijbel loke Cristo Hesus ta bisa, Revelacion di Huan 21: 7-8 ta bisa: “ Esun cu triunfa lo hereda tur cos y lo Mi ta un Dios p’e y lo e ta un yiu pa Mi. Ma e cobardenan y esnan cu no ta kere y e abominabelnan y e matadornan y e fornicadornan y e hacido di bruhanan y e

ORACION DI DIA

Un feliz siman yena di bendicion colma cu hopi gracia di Señor na abundancia “E ora ey Hesus a bis’é: Mira atrobe! Bo fe den Mi a salba bo(Lc 18:42) Fe ta move montaña. Fiha nos bista riba Hesus y nos lo ta salba. No laga niun hende kita nos for di e caminda di Hesus, manera cu e hendenan a trata na haci cu e ciego bisando e keda keto. Hopi biaha ora nos ta den situacionnan dificil nos ta haya nos confronta cu diferente hende cu ta trata na kita nos bista for di Hesus bisando nos kico nos tin cu haci of cua caminda nos tin cu coy. No laga niun hende kita nos for di e caminda di Hesus pasobra Hesus ta e caminda, berdad y bida. No laga niun hende kita bo for di riba e caminda pa Hesus, pone bo fe den Hesus y sigui resa y haci oracion cu mas fervor y sin descurasha y lo bo mira cambionan grandi den bo bida. Oracion: Señor, laga mi fe bira mas grandi den Bo, laga Spirito Santo ilumina mi mente y curason pa asina mi fe y stimacion pa Bo bira mas grandi. Laga pa Hesus ta mi guia riba e caminda, berdad y bida. Amen.

adorador di diosnan falso y e ganjadonan, nan parti lo ta den tanki cu ta cende cu candela y zwafel, cu ta e di dos morto.” Den Bijbel Hebreonan 13: 4 ta bisa: “Laga bida di casa ser respeta pa tur y cana sin mancha, ma e fornicadornan y e kibradornan di matrimonio, Dios lo husga nan.” E kibradornan di matrimonio, ta esnan soltero cu ta biba companja of ta casa pa raad cu un persona divorcia cu ta casa pa Dios den sacramento di matrimonio den misa, nan tambe lo ser condena den fierno. Pasobra, e caminda di un persona divorcia mester keda habri pa Dios, pa nan por uni un dia y pa nan no bai biba den e pika di adulterio cu un otro persona. Pa un pareha por haci nan relacion sexual pa lanta famía, nan mester casa pa Dios prome den e Sacramento di Matrimonio den Misa, pa medio di un Sacerdote cu ta representa Dios como minister spiritual. Den Bijbel Marco 10: 6-9 ta bisa: “ Ma for di principio di mundo Dios a traha homber y muher. Pésey un homber lo bandona su tata y su mama y lo e

uni cu su muher. Y e dosnan aki lo bira un curpa, asina nan lo no ta dos mas, ma un solo curpa. Loke cu Dios ta uni, hende no ta permiti di separá.” Den e palabranan di Dios aki, e pareha ta casa pa Dios den e Sacramento di Matrimonio den misa, nan lo bira un solo curpa den bista di Dios y den e matrimonio aki, e pareha por haci nan relacion sexual pa satiface nan curpa y pa lanta un famía. Tambe den e Evangelio aki, Dios no ta reconoce divorcio, pasobra loke cu Dios a uni den e Sacramento di matrimonio, e pareha ta keda casa te na morto y no ta permiti pa hende pa divorciá.

e muher divorcia di su esposo y e bai biba of casa pa raad cu un otro homber, e ta comete e pika di adulterio contra di su mes esposo cu Dios a uni nan.

Den Bijbel Marco 10: 1112; Hesus ta bisa:”Ken cu bandona su muher y e casa cu otro muher, esey ta comete adulterio contra di su muher.

Den Bijbel 1 Tessalonicensenan 4: 3-5 ta bisa: “E boluntad di Dios ta, pa boso bira santonan y huy boso di fornicacion. Cu cada un di boso comportá cu su mes senjora den santidad y respet.

Y si un muher bandona su homber y e casa cu un otro homber, e ta comete adulterio.” Den e Evangelio aki, si un homber divorcia di su senjora y e bai biba of casa pa raad cu un otro muher, e ta comete e pika di adulterio contra di su mes senjora cu Dios a uni nan. Y si

Den e Sacramento di Matrimonio di Dios, maske cu e pareha a separá of a divorcia, nan ta keda casa pa Dios te na morto. Pésey e pareha divorcia, nan mester purba di uni atrobe cu otro y nan mester laga e caminda habri y no pone ningun persona den nan bida divorcia bibando, pa nan por ta salbá y pa nan por biba un bida Cristian dunando nan yiunan un bon ehempel.

No laga boso wordo hiba pa e mal pasionnan, manera tin hende ta haci cu no conoce Dios.” Un mensahero di Dios.

CLASIFICADO e-mial: solodipueblo@gmail.com

*

Cel.585 9500

Pagina 31

Dialuna 18 November 2019

MENSAHE DI LA BIRGEN DI GRACIA DI ARUBA Un bendicion pa tur esnan cu ta bay scucha Mi mensahe. Esnan cu ta scucha Mi, lo biba un bida Cristian y lo hanja nan pago pa bay den cielo na un lugar cu nan merece. Pakiko boso ta resa mucho pura? Mi ta gusta pa boso resa cu sentimientonan y di curason, anto e ora e oracion ta bay mas bunita cu jen di amor. Yora pa boso pikanan y confesa boso pikanan, prome cu boso muri den boso pikanan. Pasobra ora cu boso confesa, tur e pikanan lo wordo pordona. Ora Mi wak cada un di boso, ta duna Mi e deseo pa juda boso mas y mas.Tur esnan cu sa di e bida spiritual, mester biba mihor den nan bida. Laga boso alma keda lanta, limpi y puro. Mi yiunan, entrega boso bida na Mi Yiu Hesus prome cu ta laat. Tin tempo ainda pa ref lecciona, arepenti di curason. Mihor cu boso juda otro cu keda sin juda. Tambe juda tur esnan cu nan bida matrimonial ta den peliger. Papia cu tur esnan cu ta cla pa haci abortus, papia pa nan no haci'e. Tambe papia cu

parehanan, cu ta cla pa mata otro, pasobra esey ta bin door di debilidad, nan no ta resa y e diabel ta dominanan y e malo ta bira contento, ora e problemanan ta sosode. Esnan cu ta confia berdaderamente den Mi Yiu Hesus, nan no ta pensa asina ey. Mi yiunan, puntra boso mes, kiko boso ta mira; tin progreso den mundo of e situacion a bira mas malo cu nunca? Mi yiunan, kiko boso ta pensa, boso mester resa mas of no resa? Awor mas cu nunca, boso mester uni cu forsa pa sigi traha pa e Reino di Dios. Confia cu boso ta den Mi curason y den e curason di Mi Yiu Hesus. Uni mas den famia den oracion. Laga pa semper boso alma keda salba. Ricibi e regalo cu ta e cielo y e streanan briyante. Mi ta pidiendo pa boso resa mas. Tur esnan cu ta malo of ta sufri, por haya un milager. Tur esnan cu ta den soledad y cu ta biba deprimi, nan mester acerca personanan religioso pa juda boso. Pa esnan cu no por resa, nunca no ta laat pa sinja. Y ora cu boso cumpli cu

e oracion, boso ta bay dilanti cu sabiduria mas cu esnan cu tin anjanan ta resa. Yora y arepenti, bay na rudia y haci penitencia dilanti di e crus di Mi Yiu Hesus. No cansa di pidi fabornan, no salta e oracion pa e malo no ataka boso. Corda cu e tempo y e dia ta pasa liher. Ora cu boso ta bay Santo Sacrificio di Misa, boso ta ricibi Mi Yui Hesus den boso bida. No perde speransa nunca Mi Yiunan. Mi ta cu boso ta na fin di mundo, te na e Crus di Mi Yiu Hesus. Hopi di boso ta escohi pa traha pa Iglesia Catolico, haci'e cu amor. Mi yiunan, keda semper den e lus, aleja mas rapido cu ta posibel for di e scuridad, pasobra e scuridad ta tapa boso wowo y boso no lo bay wak e realidadnan di bida mas. Bida ta duro y boso mester tin fe pa vence y pa logra e victoria cu confiansa. Danki pa scucha Mi mensahe. Di boso Mama, La Birgen di Gracia di Aruba, cu ta stima boso pa semper. Amen

PUEBLO A HAĂ‘A SU PEN BEK

Pa kualkier informacion solodipueblo@gmail.com of

☎ 585-9500

Pagina 32

Dialuna 18 November 2019

Cientificonan Hapones ta descubri 143 geoglifonan nobo den e LIñanan di Nazca na Peru

Un ekipo di cientifico Hapones di e Universidad di Yamagata a descubri 143 geoglifo nobo den e Liñanan di Nazca y di Pampas de Jumana (Peru), como tambe den e areanan cercano, cu ta representa humano, animal y otro figura, segun e resultadonan di e estudio comparti pa e centro, ta refleha. E specialistanan, kendenan a studia e zona entre 2016 y 2018, a haya mayoria di e figuranan nobo aki den e parti west di e zona. Pa e estudio di e geoglifonan, cual antiguedad ta situa entre e añanan 100 prome cu Cristo y 300 despues di Cristo, a uza imagennan di resolucion halto y trabao di campo. En particular, nan a haya dibuho di sernan humano, mata y animalnan

manera colebra, pisca, parha, candela y otro criatura. Entre 2018 y 2019 y den colaboracion cu e empresa IBM Japan, e cientificonan tambe a identifica un geoglifo cu forma di figura humano cu tres elemento decorativo na nan cabes. Segun e specialistanan, ta trata di e prome caso caminda cu tecnologia di inteligencia artificial a yuda descubri e geoglifonan nobo aki. E ekipo ta purba di sigui cu e investigacion uzando tecnologia moderno cu ta permiti analisa un gran cantidad di dato den gran velocidad. Adeams, e investigadornan ta pretende di elabora un mapa di localisacion basa riba e resultadonan di nan trabao di veld. Di e forma aki ta pretende na promove e com-

prension di tur e Liñanan Nazca den su conhunto y acelera e investigacion, sensibilisando e publico riba e necesidad di proteha e Patrimonio di Humanidad.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Abona na

awor! Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!