Diamars 12 November 2019

Carni Stoba, Aroz, Banana & Salada

Afl. 11.00 Diamars 12 November 2019

Un team di Metal Shark di Warda Costa a intercepta un boto, cu 11 persona indocumenta abordo

Prome Minister Evelyn Wever-Croes:

GABINETE WEVER-CROES A LOGRA PRESUPUESTO BALANSA

Chauffeur a keda pega den Kia Rio despues di e bolter ariba caminda di Sero Cristal

A yega na acuerdo pa Universidad di Aruba haci uso di edificio di Maria Convent

Homber turista histerico haciendo hopi fastioso

Pag. 2

Diamars 12 November 2019

Orario di servicio di Abattoir pa temporada di December 2019

Un team di Metal Shark di Warda Costa a intercepta un boto, cu 11 persona indocumenta abordo

Willemstad, Korsou: Diadomingo den oranan di merdia durante cu e Metal Shark di Warda Costa tabata patruyando a topa cu un boto cu tabata mustra basta sospechoso, e boto tabata den becindario di Sta Barbara.

cu 11 persona abordo, tabata trata di 6 homber y 5 muher, tur tabata indocumenta y di nacionalidad Venezolano. Warda Costa a detene e capitan y tur persona abordo y a entreganan na Cuerpo policial di Corsou.

Mesora nan a bay haci un control y a topa

Servicio Veterinario di Departamento di Salud Publico kier recorda tur persona cu tin plania di sacrifica un cabrito, carne of porko pa consumo humano, cu esaki mester wordo hasi na Abattoir segun nos leynan. Matamento di bestia na cas ta ilegal y por tin su riesgo nan pa salud di hende.

Pa por coordina e fluho di persona, e proceso di sacrifica animal ta tumando luga a base di afspraak pues mester percura pa jama un dia prome pa confirma. Ta pidi encarecidamente pa trese e animalnan entre 7:00 y 9:00 di mainta y e ultimo dia pa mata bestia lo ta Diamars 17 di December 2019.

Tur persona cu mester haci uso di servicio di Abattoir pa sacrifica un bestia durante luna di December 2019 por hasi esaki for di Dialuna te cu Diahuebs parti mainta.

Pa mas informacion por tuma contacto cu Veterinaire Dienst na telefoon 5224310 of pasa personalmente na Veterinaire Dienst Barcadera 1.

PUEBLO A HAĂ‘A SU PEN BEK

Pa kualkier informacion solodipueblo@gmail.com of

☎ 585-9500

SMAC ta distancia su mes di informacion tocante Sra. Carnaval 2019

Diadomingo atardi, riba red nan social, por a tuma nota, varios comentario di diferente persona, tocante un acto di fraude cu a tuma lugar, y den e informacion aki, nomber di Sra. Carnaval

2019 a wordo menciona. Den nomber di SMAC su presidente, Sr. Jason Brown, kier a informa cu nos ta distancia nos mes di e situacion aki y lo duna

e oportunidad pa husticia hasi su trabao. Despues cu esaki tuma lugar, dependiento na e resultado, SMAC su board lo sinta y asina informa si lo bai tuma pasonan si ta necesario

Pag. 3

Diamars 12 November 2019

Lo vigila calidad di trabou cu FCCA ta bay inicia pronto mas di cerca

Manera aña 2020 habri lo percura pa e caminda di Kamerlingh Onnestraat wordo drecha Director di DOW sr. Marlon Croes a splica riba e trabounan eherci algun luna atras door di FCCA cu ta encera excavacion pa riooleering for di Tanki Leendert/Sero Patrishi bin direccion Kammerlingh Onnestraat y e proceso con e caminda a sak haciendo cu e caminda ta den mal estado. DOW den colaboracion cu FCCA y Wegenbouw cu a haci e trabou pa nan, a yega na e acuerdo pa drecha e trabou aki. Considerando cu ta drentando fin di aña caba, a opta pa haci esaki

manera cu aña 2020 habri. Pa por restaura esaki y trece den e estado bon manera mester ta. Pues comunidad por spera cu manera cu aña habri lo percura pa restaura e caminda den e estado bon manera e mester ta.

e calidad di trabou mas di cerca pa evita cu ora di cere bek, ta tuma luga locual cu a sosode den e caso anterior.

Banda di esaki FCCA tin un liña di riooleering pa tira den area di Tanki Leendert patras di Stern cual ta un proyecto grandi, pa cual lo tira liña te na Sero Patrishi pa conecta cu e sistema existente. DOW a otorga e permisionan pa nan por realisa e trabou aki, pero den e caso aki lo vigila

Chauffeur di Nissan Cube a scapa milagrosamente despues di a dal contra un container

Schotlandstraat Diasabra marduga pa mas o menos 3:50 polis a haya informacion di un auto kibra altura di e edificio unda Dienst Inspectie pa Onderwijs ta situa. Tawata trata di un Nissan Cube laga memey di caminda y sin plachi

number. E accidente aki a sosode ariba e caminda di Schotlandstraat direccion Ling And Sons. Segun nos a compronde un chauffeur masculino tawata na stuur momento cu e vehiculo a bay dal contra un container.

Milagrosamente e chauffeur lo a sali sin daño personal y a los e number bandonando e sitio. Momento cu polis tawata na e sitio su pareha a presenta y a splica polis un ke otro di loke a sosode. Polis a tuma tur

datos di e dama. Ora cu polis a caba di tuma tur informacion e chauffeur masculino mes a bolbe y a resulta cu e no

tin rijbewijs. Takelwagen mester a presenta pa move e auto di a sitio.

Pag. 4

Diamars 12 November 2019

Polis a detene un chauffeur cu tabata bou influencia y tabata tin dos criatura den auto

Palm Beach: Diabierna algo prome cu 11'or di anochi, chauffeur di un Nissan March a nota cu chauffeur di un Toyota Yaris Shinishi tabata treciendo e trafico den peliger, e tabata coriendo hopi malo y den e auto e tabata tin dos mucha chikito. Mesora e chauffeur di e Nissan March a bati alarma. Net pariba di Palm Beach Plaza polis a logra para e Toyota Yaris aki y mesora a bay atende cu e chauffeur. E chauffeur tabata mustra enberdad

bou influencia, despues a sali na cla cu e mesun chauffeur aki, un rato prome lo a dal un auto den e parkeerplaats di Marriott y kier a bringa cu un security guard di e hotel. Ela sigui core bay direccion Palm Beach Plaza caminda polis a logra par'e. Polis mesora a atende cune y a mustre riba e peliger cu e ta causando na bida di no solamente e dos criaturanan cu e tabata tin den auto, pero na su mes y tur den trafico, door di stuur auto bou influencia.

Polis a deten'e a pidi mesora transportwagen

y pa pa

transport'e pa Warda di Shaba, mientras e dos criaturanan tur spanta y

tristo a keda warda riba un miembro di famia pa bin buscanan.

Polis a detene chauffeur bou influencia cu a dal cu su Nissan March tras di un brommer

Tanki Flip: Diabierna den careda di 10'or y mey di anochi, presencia di polis di trafico a wordo pidi na e rotonde Tanki Flip pa un

boksmento, den cual un Nissan March a dal tras di un Brommer Harley Davidson. Na su yegada enberdad

e ta topa cu un Nissan March blanco i un Harley Davidson preto, na e sitio e pareha cu tabata riba e brommer ta conta polis cu nan tabata riba nan Harley Davidson y yegando e rotonde di Tanki Flip, e chauffeur di un Nissan March no a brake na tempo y a dal nan tras. Na momento cu e polis a bay atende cu e chauffeur di e Nissan March, ela ripara mesora cu e chauffeur tabata bou influencia, a pone supla y a bin resulta cu enberdad e chauffeur a bebe mas cu ta wordo permiti. Ela keda deteni y transporta cu transportwagen di polis pa Warda di Shaba.

Pag. 5

Diamars 12 November 2019

Prome Minister Evelyn Wever-Croes:

GABINETE WEVER-CROES A LOGRA PRESUPUESTO BALANSA Dialuna mainta Prome Minister Evelyn WeverCroes y Minister di Finansa Xiomara RuizMaduro, a anuncia e bon noticia riba tereno financiero. Gabinete Wever-Croes a logra cera presupuesto balansa pa 2020, cu surplus manera acorda den e maneho financiero y economico di Gobierno di Aruba y cu Hulanda. Prome Minister a expresa cu esaki a wordo logra cu hopi sacrificio, vision y dedicacion di Parti di Gobierno di Aruba como tambe e Pueblo di Aruba. Apesar cu no tawata facil, hunto a logra e bunita resultado cu awe por anuncia e bon noticia aki pa nos pueblo. E situacion financiero cu Gabinete Wever-Croes a encontra casi 2 aña pasa cu a drenta Gobierno,

tawata, manera Prome Miniter a expresa, “Nos no por a kere loke nos a encontra”. Gobierno a encontra un situacion financiero hopi penibel cu un deficit di casi 300 miyon florin. Gobierno a logra baha esaki pa 155 miyon florin pa aña 2018. Sinembargo e situacion financiero a keda dificil. Y hunto mester a tuma pasonan duro pa pone Aruba bek riba e rumbo di finansas saludabel. E deficitnan, e debe redobla den apenas 5 aña di gobernacion di e Gobierno anterior, tawata e causa di inflacion, causa di stagnacion economico, causa cu no por a inverti den enseñansa, den cuido di salud y cuido di di nos grandinan, entre otro. “Den menos di dos aña,

despues di decisionnan dificil, basa riba un vision, sacrificio, y compromiso pa saca Aruba for di e problema financiero, conhuntamente nos a logra presenta un

Kustwacht a salba marinero solitario di 74 aña

Kustwacht a salba un marinero solitario den Lama Caribe diahuebs. E homber di 74 aña tabata flotando cuater dia y tabata bayendo direccion

Saba. Su barco, Caribella, a keda sin combustibel. E cutter di Kustwacht, Puma, di St. Maarten, a

acudi na su rescate y a trece e marinero cansa abordo. Despues di esaki, e boto a wordo lastra pa Sint Maarten.

presupuesto balansa. Por bisa tambe cu Gabinete Wever-Croes a marca e prome Surplus den nos presupuesto despues di 12 aña. Esaki solamente por a wordo

logra door di dedicacion y un maneho structural di un Gobierno serio y responsabel”, Prome Minister Evelyn WeverCroes a duna di conoce.

Pag. 6

Diamars 12 November 2019

Chauffeur a keda pega den Kia Rio despues di e bolter ariba caminda di Sero Cristal

Sero Cristal/ Koeriboeri - Diadomingo anochi den careda di 9'or polis, ambulance y tambe Materiaalwagen a bay direccion Sero Cristal unda un auto a bolter. Den algun minuut unidadnan di rescate a yega e sitio y mesora a cuminsa evalua e situacion y tambe situacion di e chauffeur cu ta pega den e

auto. Tawata trata di un Kia Rio maneha pa un cabayero cu pa un of otro motibo a perde control door di posiblemente dal contra e barancanan na banda di caminda. Bomberonan mester a haci uso di e Jaw of Life

pa por a corta e dak di e Kia Rio pa por a yega na e chauffeur. Despues di basta minuut cu a Bomberonan a corta e dak a logra saca e cabayero for di e auto. Paramediconan na nan turno a prepara e chauffeur unda cu despues di e hibe den e Ambulance a sali cune direccion Hospital.

Pag. 7

Diamars 12 November 2019

Antilliaans Dagblad:

Polis na Aruba ta campeon pa traha overtime Como dienst, polis ta responsabel di e mayor cantidad di overtime, tanto den costo como den ora, segun e corant Antiliaans Dagblad. Pa algun di e empleadonan, esaki ta un complemento structural di nan salario. Polis tambe tin e mayor cantidad di personal di tur e servicionan ehecutivo. E cantidad di overtime a aumenta rond di 200 mil na 2015 pa rond di 250 mil na 2018. E tasa di personal a aumenta di 550 na 2015 pa 596 na 2018. E cantidad promedio di overtime pa persona, den funcion di e empleadonan cu a traha overtime den cualkier a単a, ta fluctua entre 400 y 500 ora pa a単a. Cu base riba 45 siman laboral, segun cual nos tin vakantie, dianan festivo y AO, ta calcula hunto den 7 siman, 534 empleado a traha overtime den promedio di 10 ora pa siman na 2018. E 150 empleadonan cu ta representa e mayor cantidad di overtime na 2018, ta responsabel di 134,545 oranan extra, e 54 porciento di e total. Pa e grupo aki, esaki ta ekivalente na un promedio di binti ora extra pa siman, cu 45 siman activo di trabao pa a単a.

Cinco empleado ta responsabel di mas di 1400 ora extra pa a単a. Esaki ta ekivalente na oranan extra structural di trinta ora pa siman. E promedio semanal aki por ta mas hopi debi na AO. Na 2018, abstentismo di polis tabata 6.5 porciento. E cantidad di dia di ausencia tabata di 15,482 y e cantidad di ziektemelding di 2.059. E duracion averahe di AO ta di 7.5 dia. Cu e datonan disponibel, no ta posibel determina den ki medida di AO ta e resultado di un overwerk debi na e overtime of si e ziektemelding halto ta causa di e falta di personal y, por lo tanto, di e oranan extra. CAft ta di opinion cu e vinculo cu ta causa e abstentismo y e oranan extra, mester wordo investiga mas a fondo. E administracion di e forsa policial ta indica cu e causa principal di overtime den cuerpo policial, ta e falta di personal. Esaki ta debi na un parti na e tareanan adicional cu ta wordo asigna na polis, por ehempel, den e contexto di e vigilancia fronteriso den kustwacht. Ademas, ta asigna mas y mas trabao na polis cu, segun leiding, por wordo realisa of financia pa otro organisacionnan, manera evento, unda cu

e organisadornan contrata security.

por

Ademas, leiding ta reconoce cu hopi empleado ta mira e ingresonan di e overtime como un parti integral di nan salario y tambe ta solicita prestamo of hipoteca cu banconan den funcion di nan salario, incluyendo e beneficionan di overtime. E alcance di e overtime den cuerpo policial, no ta sostenibel den terminonan di cantidadnan absoluto y relativo. Ademas overtime ta mustra un tendencia cu ta aumentando, apesar cu e cantidad di polis den servicio, a aumenta. E hecho cu un gran cantidad di polis ta traha structuralmente

cu servicionan dobel, ta implica riesgo tanto pa salud como pa e siguridad di e empleadonan y sociedad. Sin suficiente tempo di descanso, no por spera cu e agentenan por actua di manera alerta y decisivo den e aplicacion di ley. No ta existi un politica alternativo dentro di KPA pa aborda e oranan extra. No ta uza e posibilidadnan cu ley ta ofrece pa compensa e oranan extra cu e oranan di verlof. Aunke e medida no ta ofrece un solucion den e caso di falta di personal, por desalenta e oranan extraordinario excesivo of inadecua. Por ehempel, por establece un maximo

pa e cantidad di oranan cu ta paga. Debi na e variedad di trabao cu polis ta realisa, ta mas dificil visualisa cua lo mester ta e ocupacion rekeri, optimo of hasta minimo di e forsa policial na Aruba. Esaki por wordo haci mediante un analisis di trabaonan central y haciendo unc alculacion realista riba e base di e caracteristicanan di e area di captacion, cu mester ta un ocupacion minimo pa, por ehempel, e ehecucion di e trabaonan di aplicacion di ley y di investigacion criminal. Sin dicho analisis, unda e tumamento di decision ta wordo realisa a base di standardnan obhetivo, ta casi imposibel reduci overtime.

Pag. 8

Diamars 12 November 2019

Trecca Automotive a lansa autonan marca Renault na Aruba

Trecca Automotive desde dos aña pasa a cuminsa explora cu e marca di autonan Renault. A bende e prome modelonan cu companianan cu ta huur auto, pa por analisa con e autonan aki ta custuma na nos clima y careteranan. E resultado tabata asina bon, cu e compania a dicidi di habri un "dealership" y desde awe e autonan ta disponibel riba mercado local. Propietario Enrique Trimon ta orguyoso cu Aruba awor ta conta cu un marca di auto Europeo di un compania cu ta existi pa mas di 100 aña y cu e autonan ta bay na prijsnan hopi competitivo compara cu tur otro.

E autonan E auto faborito ta e Renault Logan, cu ta un auto compacto. E ta orienta pa famia y tin un bahul halto. E ta un sedan hopi recomendabel. E marca ta Frances hopi conoci. E ta un di e marcanan top di Europa. E modelonan disponibel desde awe na Aruba ta Duster, Koleos, Captur y Kwid. Aftersales Tur servicio cu no ta encera benta di auto ta cerca Garage Cordia Aruba. Pues si mester service e autonan of si nan haya nan den un accidente cu mester hinca e auto den garashi, benta di piesa, tur ta sosode na Garage

Cordia Aruba. Testdrive Naturalmente si bo kier sinti e auto, bo mester haci un testdrive. Reserva for di antemano, por pone un fecha y por testdrive tur modelo disponibel, cual ta 6. Pa otro aña lo bay tin dos mas. Tin un variedad grandi pa tur tipo di cartera. Situa na Tanki Leendert Por admira e modelonan di Renault na Tanki Leendert 170. Un y tur ta keda invita pa mira e modelonan. Orarionan ta den siman di 8'or di mainta pa 6'or di atardi y diasabra ta bay ta habri for di 9'or di mainta pa 1'or di merdia. Oficialmente nan ta habri dialuna awo pa publico, caminda cu por pasa mira tur e modelonan den nan showroom.

Tocante Renault Louis Renault

y

su

rumannan Marcel y Fernand a funda Société Renault Frères na aña 1899, pues 120 aña pasa. A bende e prome auto dia 24 di december 1898 na amigo di nan tata, esta un modelo Renault Voiturette 1CV. Awendia e compania yama Groupe Renault. E ta un di e poco marcanan cu ta produci varios auto di coriente y cu pronto lo ta disponibel na Aruba tambe. E compania principal ta situa na Boulogne-Billancourt, na Francia, tin un balor di mas cu 35 mil miyon Euro y tin mas cu 122 mil empleado. Ta bon pa menciona cu como grupo nan tin accion den varios otro compania di auto, manera Nissan (44%), Infiniti, Renault Samsung Motors (80.1%), Automobile Dacia (99.43%), Lada (50.1%), Renault Sport, Renault Sport F1 Team, RCI Banque y Mitsubishi Motors (34%).

Pag. 9

Diamars 12 November 2019

Hungadornan a disfruta di un concierto romantico

Wind Creek Casinos cu un anochi VIP durante concierto di Marco Antonio Solis Diadomingo anochi den un Harbor Arena completamente yen por a presencia un seccion den Premium VIP dedica completamente pa Wind Creek Casinos Aruba. Un exitoso campaña cu a resulta den un concierto romantico pa e hungadornan di Wind Creek Casinos cu un trato VIP. For di e momento cu e promotornan a anuncia e gran concierto di Marco Antonio Solis na Aruba den luna di November, e team dinamico di Wind Creek Casinos a crea un campaña atractivo pa tur su hungadornan. E hungadornan cu a acumula mas tanto punto hungando na Wind Creek Crystal Casino y Wind Creek Seaport Casino por a gana un entrada Premium VIP pa dos den e seccion di Wind Creek Casinos. Durante di e gran apertura di Wind Creek Seaport Casino a anuncia e 30 hungadornan cu mas punto acumula y asina otorga nan entrada VIP. Riba e mesun anochi aki tambe a entrega e 10 top hungadornan di casino nan entrada VIP pa disfruta asina di un anochi romantico. Tur hende cu a yega Harbor Arena por a mira e presencia di Wind Creek Casinos Aruba indicando

un entrada special pa e hungadornan invita. Na yegada cada hungador hunto cu nan invitado a wordo ricibi cu champaña, algun snacks exquisito for di e team culinario di Renaissance Aruba Resort & Casino pa duna nan e sentimento di Premium VIP. Despues nan a wordo hiba pa nan mesa y asina disfruta di e gran concierto di Marco Antonio Solis. Un trato VIP henter anochi cu premium open bar y snacks. Pa Wind Creek Casinos Aruba esaki tabata di sumo importancia di por a duna bek na su fiel hungadornan y mustra nan e aprecio pa hunga continuamente na Wind Creek Casinos. Un biaha mas nos por mira cu Wind Creek Casinos Aruba tin e ‘Rewards card’ cu mas beneficio cu cualkier otro casino na Aruba. No lubida di bishita e Player Services di Wind Creek Casinos Aruba pa bo ‘Rewards card’ y cuminsa acumula bo puntonan. Wind Creek Crystal Casino ta habri 24-ora pa dia y Wind Creek Seaport Casino ta habri for di 10’or di mainta te cu 4’or di marduga. Pa mas informacion por bishita e pagina di Facebook; w w w.f a c e b o o k .c o m / Cr ystalSeapor tCasino/ of www.windcreekaruba. com

Pag. 10

Diamars 12 November 2019

Prome Minister Evelyn Wever-Croes:

Pa prome biaha desde 2008, nos presupuesto lo tin un surplus:

SURPLUS DEN NOS PRESUEPUESTONAN PA FUTURO MESTER KEDA STRUCTURA Pa prome biaha desde 2008, Aruba lo tin surplus den su Presupuesto. Gabinete Wever-Croes a marca e prome Surplus den nos presupuesto despues di 12 aña. Presupuesto 2020 tin un surplus di 0.5%. Na aña 2008, 2003 y 1993 tawatin surplus. Cu esaki, ta di 4 biaha cu nos presupuesto tin un surplus desde cu nos ta pais pero e diferencia ta cu esaki ta basa riba un strategia y maneho financiero structural. Esaki, Prome Minister a enfatisa, ta suppose di keda asina tambe. Surplus den nos presuepuestonan pa futuro mester keda structura. Esaki lo pasa contal cu tin un gobierno responsabel. Gabinete Wever-Croes a tuma desicionnan pa pone e pais den e rumbo financieramente stabiel pa e keda asina tambe pa nos futuro generacionnan.

“No tawata facil, pero danki na e vision, dedicacion y e compromiso di Gobierno di Aruba y e sacrificio di pueblo, awe nos por cuminsa paga nos debe bek y baha e debe mas ainda den 2020. Pa aña 2021 nos ta cuminsa sinti mas alivio y mira e inversionnan cu pa hopi aña no a wordo haci den nos comunidad. Pa aña 2019 tambe, Gobierno ta cerando cu cifranan hopi positivo”, Prome Minister Evelyn Wever-Croes a duna di conoce. Prome Minister ta gradici tur colega Minister cu a haci sacrificio tambe y contribui na un Presupuesto 2020 balansa. Epecialmente, Prome Minister a gradici Minister di Finansa Xiomara Ruiz-Maduro y su ekipo di finansas y Ministerio di Finansas

cu a traha cu empeño y dedicacion pa logra esaki. Principalmente, Prome Minister ta gradici comunidad en general, nos pueblo cu a kere den vision di Gabinete Wever-Croes y a kere den e cambio cu e Gobierno aki lo trece na bienestar di su pueblo pa

cambia e rumbo financiero desastroso y negativo cu nos pais tawata bayendo aden, pa e rumbo positivo di bienestar y progreso. “Danki pa boso sosten y sacrificio. E no ta facil pero nos a logra e prome paso: un presupuesto sin deficit. Hunto nos a logra

y ta logrando pa asina nos por laga un miho pais, un miho Aruba pa nos futuro generacionnan. Nos ta paga e debe cu nos generacion a ocaciona y nos lo pasa un miho futuro na e generacionnan nos dilanti”, Prome Minister Evelyn Wever-Croes a expresa.

Homber turista histerico haciendo hopi fastioso

Cunucu Abou: Diabierna den careda di 1'or y mey di marduga, presencia di polis a wordo pidi cu urgencia na e compleho di apartamento Blue Village, pa un homber turista histerico y haciendo hopi fastioso.

Na yegada enberdad nan ta topa cu un homber turista procedente di Canada basta histerico, e agentenan policial a trata na papia cune y nan a bin compronde cu e problema a start na momento cu

e homber a haya un discussion formal cu su pareha, cu e homber a manera perde strea di nort. E homber tabata hopi histerico y tabata haci hopi fastioso.

E agentenan na e sitio a trata na calme, pero e no kier a rasona y no kier a sigui ordo di polis, no a keda nan nada otro di boei e turista y pidi pa un

transportwagen pa hibe Warda di Polis, eynan elo a haya un camber gratis, unda e no lo molestia niun hende, pa e calma y bin bij.

Pag. 11

Diamars 12 November 2019

A yega na acuerdo pa Universidad di Aruba haci uso di edificio di Maria Convent

Dialuna mainta den Parlamento a tuma luga un tratamento breve den cual a trata e ley pa por cera un acuerdo di uzo cu Universidad di Aruba pa e edificio conoci como Maria Convent. Por a logra e meta aki caminda cu un edificio di Gobierno cu ta para pa mas cu 10 aĂąa por wordo renoba y poni na bon uzo! Universidad di Aruba awo lo por sigui amplia y brinda opcion di estudio, ubicando e facultad nobo SISSTEM, unabes cu e trabounan di renobacion tuma luga. A

traves di acuerdonan cu a yega na dje cu fondonan Europeo, pa renoba esaki y restaura esaki den su estado original unda cu ta posibel. Ta gradici Parlamento di Aruba e aporbacion unanime y ta felicita Minister President sra. Evelyn Wever - Croes cu tabata hopi envolvi den e proceso pa yega na e punto aki y tambe Minister di EnseĂąansa sr. Rudy Lampe y Universidad di Aruba cu e facultad nobo. Brindando Aruba posibilidad nobo pa enseĂąansa na nivel universitario.

Pag. 12

Diamars 12 November 2019

Millennialnan mester lucha duro y SEPPA Hopi pais ta structura generacionnan a base di e fecha di nacemento (aña) pa categoriza cada generacion cu un nomber colectivo, manera na USA nan ta uza : E Silent Generacion naci prome cu 1945; Baby Boomernan naci di 1945 pa 1964; Generation X di 1965 pa 1980; Millinnials, naci entre 1981 y 1996; Post-Millinnials naci despues di 1996. Diferente instituto y tambe pais ta uza otro añanan pa demarca e diferente categorianan. Pa babyboomernan a uza 1945 pa motibo di e final di II guera Mundial. E generacion di millinnialnan tin di haber cu e hecho cu nan a experiencia e inicio di e siglo nobo. Post millinnialnan no a experimenta e cambio di siglo concientemente, pero nan ta biba den e siglo nobo. Na e momento aki tin un incertidumbre con futuro desaroyo lo ta a medio plaso y largo plaso. Tin problemanan grandi den futuro pa e gran parti di millennialnan.

solamente ta sobrevivi, su derechonan ta poco, no tin e derecho pa haci ningun fiansa, manera pa auto, pa hipoteca, placa pa spaar, lubida, etc.. E millennialnan kendenan a caba un studio, saliendo for di famianan normal, drentando e proceso laboral, ta cu debenan grandi di estudio, pues nan ta den un situacion dificil. Pues millennialnan y sigur tambe Generation X, kendenan no tin 46 aña ainda, boso tin retonan grandi boso dilanti, pues boso mester bay lucha duro pa mehora condicionnan di trabao y otro areglonan social pa sobrevivi dignamente e proximo 20 pa 30 aña.

Prome ta bon pa analisa e situacion actual di cada categoria. E Silent Generation ta e grupo grandi cu nos conoce cu ta pensioen actualmente, y tambe den e Baby Boomernan tin un grupo cu pensioen y otronan cu ta bayendo cu penshun. E babyboomernan a nace net despues di II guera mundial. No tin un demarcacion stringente, ya cu esnan cu a nace durante e ultimo añanan di guera tambe ta ser conta den e grupo aki, di Babyboomernan. Na Aruba e grupo aki a pasa den hopi lucha pero por bisa cu mayoria a Sali bon para, sigur e exempleadonan cu hopi aña di servicio na Lago, Coastal y Valero. Igualmente por bisa di esnan cu a traha na gobierno. Tambe e hopi profesionalnan den varios ramo na Aruba, sigur pa loke ta turismo. E grupo di Generation X awe ta den lucha fuerte pa nan futuro. E milllennialnan ta e grupo cu a caba di drenta den e proceso laboral, den un situacion economico hopi dificil. E sistema neo-liberal no ta amigo di e clase trahador y claramente por wak e den e desaroyo socioeconomico actual.

Den Sindicalismo casi bo no ta ricibi información y di formación not-not-not. Nos a ripara tambe cu ya pa mas cu 5 aña sigui no tin ningún actividad sindical ariba e dia mas grandi pa e clase trahador, 1-mei. Formacion awendia ta e parti mas ausente den e lucha sindical na Aruba. Cu excepción di FTA cu sa tene su encuentronan di formación, maske limita, pero comparando cu e otro sindicatonan e ta cos di yora. Pesey no ta bini lidernan nobo y bo ta haya sindicatonan manera TOPA, STA y SEPPA cu lidernan máximo tin mas cu 12 of 13 y 14 aña na timon, SEPPA mas cu 19 aña. Tristo ta cu nos no ta tende ni lesa di eleccionnan interno. Ken sa, cu e falta di formación por ta plannan diabólico pa no forma lidernan nobo. Sin formación no tin lidernan nobo y sin lider nobo ta e lidernan antigua mes mester keda. Pues tur cos ta ilustra con grave e crisis sindical na Aruba ta.

Un atake fuerte ariba e derechonan di trahador, esaki ta bisto den e cantidad abao di trahadornan afilia na sindicato den sector priva, a consecuencia di menasanan y nan ta cu derechonan limita. Den sector publico e afiliacion ta bon, pero cada biaha ta dura pa ricibi compensacion pa subimento di costo di bida, no tin Adelanto pa loke ta otro condicionnan di trabao. Tur caminda empleadornan no pa duna trabaonan fiho y nan ta contratonan. Hasta den sector politiconan a bira campion den e Un trabao a base di contrato, e

ta gusta zwaai cu publico, arte aki. trahador

Sindicalismo na Aruba den crisis Ta tristo pa menciona, pero mas cu nuca awe, sindicalismo ta den crisis. Casi bo no ta tende lidernan sindical, solamente ultimo tempo ora e Lucha sindical ta conoce un biaha mas e fenómeno di kita miembro di otro sindicato enbes di busca pa mas trahador ta afilia na sindicato. E fenómeno aki sigur a bira e modus aperandus di algun sindicato.

Formacion sindical mester ta tambe un tema cu gobierno mester pone den su presupuesto, pa yuda e clase trahador pa tin lidernan prepara, no pa gobierno dicidi con e formación mester ta y of bay, pero sigur sindicatonan mester tin hopi di bisa den e forma y contenido di e formación. Pakico mi ta bisa gobierno, pasobra constantemente nos por wak con gobierno ta fomento formación pa entrepeneurnan, esta pa lídernan di empresanan. Cursonan pa prepara Lidernan pa representa e trahadornan ta nulo. Laga nos no lubida cu e partido mayoritario den gobierno tin e ideología social-democrata, esta di tendencia Laboral, pues nan ta fayando barbaramente. Mi conseho na millennialnan ta, pa baha e adicción na rednan social, cuminsa mete

bo mes den e lucha sindical, iniciando bira miembro di un sindicato y después tuma liderazgo over for di e lidernan antigua. Eyfo tin grupo di lidernan retira kendenan ta dispuesto pa yuda. Pues millenialnan y otronan bao di 46 aña, boso mester lucha pa pone lidernan hoben y dinamico den sindicatonan Situacion den SEPPA y un Lider nobo. Nos ta bibando un tempo di cambio, awendia nos ta papia di corporate Gouvernance cu su reglanan con pa administra un entidad dignamente, tambe di integridad. Tur dos ta asuntonan esential, pero den sindicalismo esakinan ta teriblemente ausente. Hasta e reglanan básico di democracia cu elecionnan no ta existi mas cerca varios sindicato. Esaki ta tristo. Democracia ta mara na e statutonan y reglamentonan interno di e sindicato den cual tin e metanan, e normanan y balornan sindical. Integridad kiermeen respeta reglanan y leynan general pero mas cu tur ta respeta bo constitución (statutonan) pa pone e organonan dentro di e sindicato funciona.

Structura di SEPPA Te cu inicio di 2010, SEPPA tabatin un structura, unda cu un directiva tabata encarga cu e maneho y alaves cu control, e director of líder máximo tabata e presidente. Na 2010, después di discusión di como 10 aña den congreso y otro organonan di SEPPA, a cambia e statutonan di SEPPA, unda e structura pa dirigi SEPPA a cambia. Awor un comité ehecutivo ta dirigi e sindicato y e líder máximo ta e Secretario General. A bini un órgano nobo, cu e nomber “Directiva”, pa supervisa y controla e comité ehecutivo, aserca haci otro controlnan. E directiva tin un presidente cu autoridad limita, pero e mester dirigi reunionnan di directiva y congresonan. E función di presidente, cu tur su tareanan di prome cu 2010 a pasa pa e Secretario General. Pues e función di líder maximo di SEPPA a keda igual, solamente e nomber a cambia, e líder máximo cu tabata yama Presidente a bira Secretario General. Den e statutonan bieuw di prome cu cuminsamento di 2010, den un articulo ta para cu e líder máximo di SEPPA of Presidente ta keda 10 aña y congreso por dicidi pa solamente un biaha, pa alarga e periodo aki cu 2 aña mas. Pues maximalmente 12 aña e líder máximo por keda. Den e statutonan nobo ta para cu e lídernan di SEPPA no por keda eherce e mesun función pa mas di 10 aña. Continuacion pag 13

Pag. 13

Diamars 12 November 2019

Continuacion di pag. 12 Sra Brito ya tin mas cu 19 aña como líder máximo di SEPPA. For di final di maart 2000, Sra Brito ta funcionando como e líder máximo den SEPPA. Den e temponan aki cu nos ta yama moderno, bo ta haya esaki solamente den organisacionnan sindical hopi autoritario, cu un tendencia dictatorial, unda e poder ta keda cerca un persona y democracia ta ser degrada, unda defacto ta e líder ta dicidi tur cos, pues unda e líder ta ser yama dictador. Esaki ta e caso ora e órgano di control no ta existi, pues no tin supervisión, ni control. Na varios país LatinoAmericano den e periodo di dictaduranan Militar, siglo pasa den añanan 70, 80 y 90 bo tabata topa lidernan sindical despotico cu docenas di añanan na mando y kendenan sigur tabatin e apoyo di e militarnan na mando. Otro caracteristicanan, ora un líder pasa 10 pa 12 aña como líder di un organización ta cu e persona, den mayoría di caso ta tuma como normal actitudnan autoritario y

negativo. Tur caminda na mundo, den paisnan drechi, tin reglanan no-scirbi cu e forma realistico, pa lidernan máximo eherce nan trabao ta mara na periodonan. 1.Ora bo tuma un función nobo, como persona yen di entusiasmo pa eherce e función e prome añanan (3 pa 5), bo ta haci lo máximo pa siña e trabao (periodo di aprentice). On the job y cu otro formacionnan bo ta prepara bo mes pa eherce e función den e mihor forma. 2. Despues tin e periodo (+ 5 aña) cu tur dinamismo bo ta duna lo máximo na e organización, pa haci e trabao correctamente. 3. Despues di 10 aña ta bini e periodo di “Free Wheel”, a. bo ta tuma tur cos mas suave b. poco a poco e dinamismo ta cayendo, c. preparación no ta necesario mas,. Después di 14 pa 15 aña ta bini otro periodo unda, a. ta aparece e fenómeno cu yama flohera, ta yega trabao laat, ta traha 3 of 4 ora so, b. ta haci su entrada e papiamento cu ta bira algo sin fin (telele) y sin bisa mucho cos. c. e mentalidad pa

maniobra, pa manipula , pa dicta ta drentando mas y mas. d. e ta stomp af, e no tin mucho interés mas, e ta bira sin gevoel y mas cosnan negativo. e. e ta tuma actitudnan negativo, autoritario y hasta dictatorial, Mas largo e periodo aki dura, mas atrás e organización ta bay y igualmente e persona(nan) envolví, maske nan mes no ta conciente di esaki. Den SEPPA tin un silencio “mahos” ariba eleccion for di después di e congreso anual di 2013. Den e congreso anual di 2016 mester tabatin elección, tambe na 2019 cu ta cabando. Miembronan no a wordo avisa pa bay vota, tampoco no por lesa den e único revistanan di SEPPA, na final di 2016, 2017 y 2018 algo cu ta scirbi cu a tene elección of ta bini eleccion. Pakico silencio mahos? Pasobra elección ta e parti mas importante den un democracia y e silencio ta aparenta cu democracia no ta e caso mas. Loke ta importante tambe ta dunamento di información, miembronan ta carece di información ariba asuntonan

importante, p.e. awendia cu e problema di indexering no tin reunión general yama cu miembronan. Tambe falta e información cu tur miembro mester ricibi ta kendenan actualmente ta forma parti di e comité ehecutivo, kendenan tin e maneho den SEPPA y kendenan ta miembronan di directiva, cual ta e órgano pa supervisa y controla e maneho di comité ehecutivo. Tambe ki tempo tin elecion den SEPPA? Puntra cualkier miembro, e no sa. Integridad ta e alma di democracia dentro di un sindicato. Esaki no ta e caso mas den SEPPA. Mi ta di opinión cu ningún miembro di SEPPA kier esaki pa su Sindicato. Un táctica macabro pa no duna formación durante e ultimo añanan. Comité Ehecutivo den SEPPA e ultimo añanan no a duna ningún sorto di formación. Preparación y formación ta asina importante pa trece lidernan nobo, pues prepara e generación di relevo. E hecho pa no trece preparacionnan y ni formación pa lidernan nobo por ser mira como

un táctica macabro y sigur pa e función di Secretario General. Dor di no tin lidernan nobo forma, hopi lo bisa inconcientemente pa laga e lidernan anticua mes keda Pero con cu wak e, pa miembronan y delegadonan conciente, un líder nobo ta hopi mihor cu un líder cu ya tin mas cu 19 aña den e función. Teniendo na cuenta tambe cu un persona cu mas di 19 aña como líder sindical ya no tin e dinamismo mas, su flohera ta aumentando cada dia mas y mas, igualmente e mentalidad pa maniobra, pa manipula, pa ta autoritario y hasta dicta. Pues den tur sentido un líder nobo pa SEPPA ta e mihor solucion. Miembronan y delegadonan mester discuti e asunto aki na serio y tuma e mihor desicionnan. Tambe awor ta turno na millinnialnan y esnan bao 46 aña den SEPPA pa tuma e dirigencia. Gregorio Wolff 11 nov 2019 gregoriowolff@hotmail. com

Pag. 14

Diamars 12 November 2019

Fraccion di POR ta mira un etapa nobo pa San Nicolas cu construccion di Secrets Baby Beach Resort E siman aki, pa ta specifico, 14 di november inicio di un etapa nobo pa San Nicolas lo inicia. Miembronan di Fraccion di POR, Marisol LopezTromp y Alan Howell, ta sumamente entusiasma y positivo pa loke ta groundbreaking di Secrets Baby Beach Resort. Nan ta indica cu despues di casi 4 decada finalmente e lucha di diferente gobierno y ministernan lo bira un realidad. Durante casi 40 aña hopi a purba y a traha duro pa logra yega na un hotel pa San Nicolas y dia 14 di november awo un desaroyo nobo pa San Nicolas ta iniciando, miembronan di Fraccion di POR a expresa. Desde ciere di lago den decada di añanan 80 por a mira con e desaroyo di San Nicolas a stagna y e parti pariba di nos isla a bay atras y a keda hopi atras compara cu e resto di Aruba.

Awo cu e construccion di un hotel manera Secrets Baby Beach Resort porfin lo mira un cambio real na e parti aki di nos isla, un cambio pa bon, un cambio positivo tan anhela pa decadanan caba. E imapcto di e construccion di e hotel lo ta uno positivo cu lo por wordo sinti y mira for di inicio di construccion y cu lo continua despues cu operacion di e hotel. Lo bay mira cu lo tin mas oferta di trabou den diferente sector, lo mira un desaroyo economico, infrastructural y financiero cu lo beneficia no solamente San Nicolas y vecindario, pero henter nos isla. Ya caba por mira e interes grandi cu San Nicolas tin entre diferente inversionista y esaki lo crea mas espacio ainda pa loke ta e meta pa haci di San Nicolas e Cultural and Heritage City di Aruba, representando

asina un aspecto unico y diferente di lo cual ta e resto di nos isla. Cu e desaroyo di e hotel lo por mira un mayor volumen di hende den e area y lo enforsa e desaroyo historico y cultural cu ta trahando riba dje. Ademas ta diferente comerciante tanto grandi como chikito lo beneficia di e desaroyo nobo aki, simplemente pa duna

algun ehempel por menciona restaurantnan, taxistanan, tour operators, watersports, tiendanan y café’s, miembronan di Fraccion di POR a indica. Ta premira cu e tempo di constuccion lo ta di 18 luna, lo cual kiermen cu por spera e inauguracion di e hotel pa aña 2021 cual ta conta cu un inversion di 200 miyon pa loke ta e dos fasenan, e prome di 600 camber y e di dos di

300 camber. Marisol Lopez-Tromp y Alan Howell ta felicita San Nicolas y Aruba en general, Connected Capital, Grupo Martinon, Three Rivers Real Estate. y Gobierno di Aruba, specialmente Minister Otmar Oduber kende a persevera riba e vision di trece un desaroyo nobo pa San Nicolas. Pabien!

Pag. 15

Diamars 12 November 2019

Comunidad ainda ta na tempo pa registra ranchonan/ casitanan crioyo na DIP Manera ta conoci, desde cu Minister Oduber a asumi e responsabilidad como e mandatario encarga cu desaroyo teritorial, infrastructura y medio ambiente, a pone hopi enfoke riba e creacion di transparencia den e proceso di otorgamento di tereno. Como tambe transparencia den e manehonan cu tin na e departamentonan DOW y DIP. E maneho di mas recien cu ta wordo introduci ta pa regula e casitanan crioyo, conoci como e ranchonan rond di Aruba na costanan y riba rif. Pakico e maneho aki? (1) Pa control y vigilancia. E ta necesario pa regula locual ta pasando

cu e casitanan aki pa cual ningun hende ta parando responsabel. Hopi biaha tin hopi sushi rond di nan, ilegalidad cu ta tuma luga den nan y actonan inmoral. Cu e proceso cu ta cuminsa cu ne, esnan cu ta reconoce cu e casita ta di nan lo haya un permiso pa esaki y pa cual lo mester para responsabel tambe. (2) Pa evita cu e cantidad ta sigui aumenta. Desde cu a anuncia e maneho, no ta permiti pa mas di e casitanan aki wordo construi. A traves di imagenan satelite lo controla anualmente e cantidad di casita cu tin y si tin cu a bin acerca. Casitanan cu acerca no lo wordo permiti y lo wordo remove. E casitanan existe tampoco ta wordo permiti

pa amplia. Te cu aworaki DIP a haya hopi bon remarke desde cu a anuncia e maneho nobo di ranchonan / casitanan banda di lama comienso

luna pasa. Personanan a pasa y registra na DIP pa cual director di DIP Haime Croes a duna di conoce cu a ricibi varios persona. ‘Mas o menos 90 persona a pasa DIP pa inscribi y entre nan

algun a bay cu e formulario pa yena y trece esaki bek.’ Te ainda comunidad por pasa pa yene e formulario pa di e forma aki contribui na e control/ vigilancia y siguridad.

Varios ciudadanonan a keda sin mira "El Mas Querido" front row:

Señora Carnaval keha pa estafa pa miles di florin SMAC y ekipo di produccion di MAS ta distancia nan mes Un cantidad di ciudadano a cumpra nan ticket, tanto den e seccion general como VIP, pa e concierto tan spera di e cantante Mexicano popular, Marco Antonio Solis. Pero tin un grupo cu a sali hopi perhudica esaki y dialuna a haci entrega di nan keho. Ta ciudadanonan cu a paga un gran cantidad di placa pa nan ta den e prome fila pa mira e artista, pero esun cu "supuestamente" a bendenan mesa, nos ta papia aki na balor di 7000 florin, a estafa nan. Ciudadanonan perhudica a bay na warda di polis na San Nicolas y entrega keho na recherche contra e actual Señora Carnaval, Clarissa Arrindell, di a estafa nan pa un suma basta halto. Ta papia aki rond di 70 mil florin cu e lo a tuma pa carchinan pa bay mira e artista Mexicano. Ta papia aki di un tipo di areglo di pago, pero na

final di dia, e no a entrega e entradanan. Promotor di e evento, Steve Hudson, a confirma cu varios persona a acerk'e na su oficina, haciendo demanda pa nan entradanan cu nan a paga, pero no a haya. Tambe el a splica cu for di juni caba Arindell a reserva 14 mesa di concierto cerca dje pa loke ta e seccion VIP, cual hecho el a haci mesun cos cu e concierto di Ana Gabriel. Mirando cu esaki a bay bon, el a bay di acuerdo pa haci e mesun cos cu Marco Antonio Solis. Pero esaki a sali na su desventaha, consecuentemente cu hopi hende a bira victima di un estafa di marca mayor Mientras cu e dianan di e evento tabata acercando, e victimanan tabata haya mil y un escusa di parti di Arrindell y na final, hasta el a manera disparce for

di mapa, pasobra no por a haye ni riba WhatsApp y no tabata contesta su yamadanan, corda hay'e riba Facebook. Hecho ta cu tur esnan cu a paga pa asisti na e magno evento a wordo defrauda, mirando cu ta un personahe publico y cu ta inspira confiansa. Loke si por a tuma nota, ta cu algun hende a sa di spot Clarissa ta yega Island Finance y segun tin papia, cu su famia ta para su tras y cu awo ta purbando tur manera pa haci lening na banco pa asina cera e placa cu e debe. Ta mas of menos un 120 persona cu a sa di saca placa pa nan wak e artista di cerca, pero na final, a keda cu aros con coco. Nos lo keda pendiente pa desaroyo di e caso aki con e ta desaroya y con su desenlace lo ta. Ta di spera si cu Señora Carnaval, kende a gana e corona pa Empire Carnival Group,

sa di reconoce su eror y "paga loke e debe." SMAC y ekipo di produccion a distancia nan mes Loke tambe por a tuma nota den medionan social y prensa digital, cu tanto SMAC y e ekipo di produccion di e evento, a distancia nan mes totalmente for di e señora aki. E comunicado di SMAC ta bisa lo siguiente: Diadomingo atardi, riba red nan social, por a tuma nota, varios comentario di diferente persona, tocante un acto di fraude cu a tuma lugar, y den e informacion aki, nomber di Sra. Carnaval 2019 a wordo menciona. Den nomber di SMAC su presidente, Sr. Jason Brown, kier a informa cu nos ta distancia nos mes di e situacion aki y lo duna e oportunidad pa husticia haci su trabao.

Despues cu esaki tuma luga, dependiento na e resultado, SMAC su board lo sinta y asina informa si lo bay tuma pasonan si ta necesario.

Pag. 16

Diamars 12 November 2019

Exposicion di Love4Art Studio na biblioteca Love4Art Studio ta un grupo di 10 hende muhe creativo cu ta topa otro pa pinta. Un biaha pa aña nan ta mustra publico nan ultimo creacionnan. E exposicion anual ta tuma lugar di dia 11 di November pa dia 29 di November na biblioteca na Playa. Esaki ta habri henter dia y entrada ta gratis. E aña aki Love4Art Studio a scohe e titulo ‘Journey’ pa nan exposicion. Esaki ta un exposicion di cuadra di acrilico y obranan di assemblage. E damanan Artesano ta: Anna FitBuriakova, Carina Molina, Diana Hopman-Betjes, Dina Legger, Geneviève Wientjes, Gina Jie Sam Foek, Marianne Beijderwellen, Roelie Groenewegen, Sandra Slabbekoorn-Wijngaarde. Pa expresa gratitud pa e espacio na biblioteca y como un pago simbolico e damanan di Love4Art Studio a pinta un cuadra hunto. Love4Art Studio ta regala esaki na e biblioteca.

Pagina 17

Diamars 12 November 2019

DEN UN CONCIERTO RIBA FREEWINDS

Ami Mendez y “The Strangers” ta Uni Forsa pa Yuda Aruba Symphony Festival E Festival na juli tabata un exito artistico, pero no financiero, y e ta core riesgo di no por sigui. Diasabra 16 di november lo tin un concierto abordo di Freewinds pa recauda fondo pa yuda Aruba Symphony Festival sobrevivi. E grupo The Strangers cu e aña aki ta celebra nan di 55 aniversario, ta reconoce e importancia di mantene Aruba Symphony Festival na bida y a

ofrece nan talentonan gratuitamente na e evento aki. “The Strangers” ta consisti di Johnny Milan (bass guitar/coro), Frank Arendsz (drums), Alice Noguera (Cantante) Frank Bisslik (Cantante), Donny Daal (lead guitar), y Victor Camacho (piano/ keyboard). Cu nan repertorio di nan musica di tur epoca, especialmente di e decadanan ‘60, ‘70, ’80, nan lo deleita e gustonan musical mas exigente. Ami Mendez, e bunita y popularisimo “Consul Cantante” di Filipi-

nas tambe ta sinti cu nos mester haci tur lo posible pa nos no perde Aruba Symphony Festival y e tambe ta regala su popularidad y su talentonan di entretenedor y cantante e nochi ey. “Ami Mendez and the Last Minute Band” lo habri e programa hunto cu e orkesta di Freewinds y e Arubiano Reno Steba tocando baho y e conocido Cubano Lazaro Barizonte riba saxofon. Entrada pa e concierto ta costa $20 y tiketenan ta obtenible na DeWit/Van Dorp, na Plaza bookstore, Cas di Cultura y naturalmente na entrada abordo di Freewinds. Portanan di waf lo habri 7:30 pm y e concierto lo start 8 pm en punto.

Tipline: 585 9500

e-mial: solodipueblo@gmail.com

Aruba Symphony Festival ta hopi gradici na Freewinds cu a ofrece su teatro pa e evento aki, na

tur e musiconan cu ta toca pornada of casi pornada y ta reconoce Johnny Croes pa su trabou dificil di organiza y coordina e concierto.

Awor ta keda na nos pa cumpra un tikete pa e concierto di diasabra 16 di november abordo di Freewinds. Aruba Symphony Festival mester di ayudo di nos tur.

Pagina 18

Diamars 12 November 2019

CORTE DI HULANDA TA DICTAMINA CU GOBIERNO MESTER REPATRIA YIU DI MAMANAN CU A UNI NA ESTADO ISLAMICO Gobierno di Hulanda mester yuda activamente pa repatria yiunan menor di 12 aĂąa di nacionalidad Hulandes, cual mamanan a uni na e autodenomina Estado Islamico na Siria, segun corte di Den Haag, Reuters ta informa. Na e mesun momento, mamanan no mester wordo acepta, ya cu "nan tabata na altura di e crimennan cometi pa Estado Islamico y mester wordo husga." "E muchanan no por wordo considera responsabel di e accion di nan mayornan, pa con grave cu nan por ta," corte a destaca den un comunicado. Segun cifranan di e Agencia di Inteligencia di e pais, desde dia 1 di october, e militantenan di Estado Islamico cu a biaha pa Siria for di Hulanda a subi na 55 mientras cu e muchanan cu mayornan

Hulandes, a suma na por lo menos 90. Den cuadro di ley di 2017, cu ta permiti revoca e ciudadania Hulandes, e Estado a revoca nacionalidad di 11 combatiente y ta considerando mesun cos pa otro 100.

Pagina 19

Diamars 12 November 2019

ARUBA ONE HAPPY ISLAND LIONS CLUB TA INVITA COMUNIDAD PA PARTICIPA Charla Interactivo: “Diabetes kico bo sa di diabetes y cuanto riesgo bo ta core pa haya diabetes ?”. E charla aki ta publico y e enfoke ta pa comunidad hiba un bida saludabel y evita di haya e malesa di Diabetes. Dr. Dellanire Maduro, medico general, un dokter naci na Aruba cu a bay studia na Costa Rica

“Diabetes kico bo sa di diabetes y cuanto riesgo bo ta core pa haya diabetes ?”. Diahuebs 14 di November pa 7 or na MFA Paradera ORANJESTAD – Diahuebs dia 14 di november proximo ta Dia Mundial di Diabetes y e aña aki Aruba One Happy Island Lions Club ta scoge pa un campaña di prevencion di e malesa Diabetes door di informa, educa y concientisa nos comunidad riba e tema aki. Diabetes ta un epidemia global cu ta afecta hende homber, muher y muchanan diariamente rond di mundo. Diabetes ta un di e causanan principal di malesa cardiovascular, ceguera, problema cu riñon y amputacion di pia. Ta ser calcula cu un 629 miyon di persona lo ta afecta pa aña 2045. Club di Lions como or-

ganisacion di servicio comunitario, nos ta comprometi na yuda resolve e problemanan mas grave di mundo. Diabetes ta un di servicionan global di e 5 areanan, cualnan ta un desafio considerabel pa nos humanidad y nos ta kere cu ta nos deber pa enfrenta esaki. Aruba One Happy Island tin varios actividad relaciona e Dia Mundial di Daibetes y diahuebs dia 14 di November proximo hunto cu nos Colaborador Dr. Dellanire Maduro ta organisando un Charla Interactivo na MFA Paradera di 7 ‘or pm pa 9’or pm cu tin como tema

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

na 2009 y a gradua como medico na aña 2016. Despues di a bolbe Aruba, Dellanire a bin ta dedica e.o. como praktijkondersteuner huisartsen specialmente pa personan cu enfermedadnan cronico manera diabetes, presion halto etc. Dr. Dellanire Maduro ta duna diferente charla riba e tema di salud.

Bo por confirma bo presencia via whatsapp: 746-0428 / 569-0237 of manda un email na ohilclubaruba@gmail.com Ta pidi tur paricipante pa bini cu nan smart phone of un tablet y yega tempran pa por haci control di suco cual lo ta completamente gratis.

Pagina 20

Diamars 12 November 2019

ANTOMI RAMOS, CAMPEON DEN PREMIONAN DI BEST TORNEO DI BEACH TENNIS NA ARUBA OF THE BEST TAEKWONDO CUP 2019 TA CLA

Brazil Taekwondo Stichting su crem de la crem Best of the Best ta dia 16 di November cu participacion habri pa Aruba su atletanan. Paisnan cu a confirma nan participacion ta Surinam, Frans Guyana y Corsou. Despues di e Test Event a dicidi durante reunion pa haci un invitacion pa tur scol di Taekwondo na Aruba cu kier participa. Na 2020 lo bay bek na e clasificacion pa Best of

the Best pa asina scoge e miho bringadonan di Aruba pa bringa contra e Paisnan Internacional. Pemionan cu ta bay tin pa Best of Best ta Best Fighters den cada categoria pa mucha muher y mucha homber, nacional y internacional. Lo mantene e reglanan Internacional pa Best Coach. Tur scol ta bay tin e mesun derecho pa participa pa e Best Team Cup.

E hungado Spaño di Beach Tennis, Antomi Ramos a proclama diadomingo campeon di e torneo di Aruba den categoria individual, e cita mas importante di e calendario internacional. Ademas, p'e, e victoria aki ta hopi importante, ya cu e ta hibando cuater aña sigui perdiendo den e buelta di semifinal y na e ocasion aki, por fin el a logra bay cu e victoria, cu tabaa un di e obhetivonan grandi di e temporada. E torneo a disputa den un solo dia, disputando den un solo set di shete wega. Di e forma aki, Antomi Ramos, a pasa riba e Mericano Marty Salokas, den e prome buelta, kende el a derota pa e Brasileño Vinicius Font, kende a supera pa un contundente 7-3, ya den e semifinalnan a impone na e number uno leton, e di 23 di mundo, Maks Anderson, mientras cu den e partido pa e titulo, e tabata por cu e number 7 di mundo, e Brasileño Andre Baran, tambe 7-5. E evento ta tumando luga henter e siman, di tal forma cu entre dialuna y diamars lo

tuma luga e categoria mixto y diabierna diasabra y diadomingo e categoria ITF Masculino. Excelente 2019 pa Ramos E triunfo di e hungado Catalan ta sirbi pa refrenda su excelente momento di forma, ya cu algun siman atras el a triunfa tambe na Ouanalao Beach Tennis Tournament, ganando den modalidad doubles, hunto cu e Italiano Paolo Tronci, numer 20 di mundo. Ademas nan a haci doblete, ya cu nan a bay cu e dos torneonan eynan celebra, superando den e final e mesun rivalnan Portoriqueño Vladimir Helmut y Javier Mendez. Antomi Ramos, campeon di mundo na 2018, a firma un grandisimo temporada, unda cu el a subi den lo mas halto di e podium den e Weganan Mundial di Beach, a conkista plata den e Weganan Mediteraneo di Beach y despues a logra Brons den e Campeonato di Mundo di Beach Tennis.

Diamars 12 November 2019

Pagina 21

Pagina 22

Diamars 12 November 2019

Kico mi por haci si mi tin diabetes?

No ta existi un plan di alimentacion cu ta adapta na tur hende cu ta sufri di diabetes. Sin embargo, controla e zetmeel cu ta come ta fundamental pa mantene e glucose den sanger dentro di e nivelnan desea. Pa esey ta preciso conoce a fondo e distinto clase di alimento y por eligi esunnan mas adecuado di acuerdo con bo sucu ta den cada momento. Ademas, ta necesario tene na cuenta cu no tur zetmeet ta eleva e sucu den sanger di e mesun manera. Esaki ta depende di su indice glucemico, esnan cu tin un indice glucemico halto ta subi e nivelnan di sucu mas rapidamente cu esunnan cu tin nivelnan medio of abao. Sta e ultimonan aki ta loke tin cu conseha tuma pa esnan cu ta sufri di diabetes y den e caso di

consumi algun cu tin un indice glucemico halto combin'e cu otro cu uno abao. Aporte nutricional ta hopi importante Pa por planific adecuadamente bo alimentacion y eligi e ingredientenan mas conveniente ta necesario sa e tipo y cantidad di zetmeetl cu cada grupo alimentario tin. E berduranan ta dividi entre esunnan cu ta contene cornstarch y esunnan cu no. Entre e promenan nos ta haya batata, maishi y petit pois, esaki ta e grupo di berdura cu ta aporta mas na zetmeel pa cual tin cu modera su consumo. En cambio berduranan sin cornstarch manera snijbiet, bloemkool, tomati y wortel ta contene hopi poco zetmeel y su indice glucemico ta abao.

Ademas, nan ta aporta cu hopi vitamina, mineral y fibra loke ta convertinan den aliadonan grandi den e dietanan di esnan cu tin diabetes. Fruta ta contene zetmeel, pero mayoria di nan tin un indica glucemico abao. Expertonan ta recomenda incorpora nan den e alimentacion door di e nutrientenan cu nan ta aporta. Un bon opcion ta raspberry, strawberry y blueberry, cu tin un contenido abao di zetmeel y ta aporta na antioxidante y vitamina. Den e caso di eligi fruta seco na uga di fresco, ta necesario pone mas atencion na porcionnan: cu solamente dos cuchara di rasenchi, bo por incorpora te hasta 15 gram di zetmeel. Cereal (trigo aros, avena) y su derivadonan manera hariña ta un di e principal fuentenan di zetmeel. Pesey ta hopi importante limita e cantidadnan cu ta consumi y pone atencion na su grado di refinamento.

Como regla general, ta recomenda semper eligi cereal y hariña integral cu ta aporta hopi mas nutriente y tin un indice glucemico mas abao. Si e obhetivo ta controla e nivelnan di glucose den sanger, e productonan procesa a base di hariña refina no ta consehabel, vooral si tene na cuenta cu hopi biaha ta contene cantidadnan grandi di sucu añadi. Consehonan pa mantene diabetes bao di control Pa por gestiona bo diabetes ta necesario pa bo tuma control di bo alimentacion. Nos ta ofrecebo algun conseho pa yudabo haci'e: ● Planifica un menu semanal y calcula e racionnan di zetmeel di cada plato. ● Haci un lista di compra cu ingredientenan saludabel y trata di adkirinan cu anticipacion pa por tin nan na ora di cushina. ● Si ainda ora bo caba di come bo tin hamber, bo por coy un

salada di berdura sin cornstarch cu un dressing light. Lo bo sinti bo mes sacia incorporando hopi poco zetmeet. ● Eligi productonan integral na luga di refina. Consulta e labelnan pa sigura bo mes cu su principal ingrediente ta integral. ● Busca reemplas ingredientenan cu mayor indice glucemico pa otro cu menor indice. Tin bon substituto, manera por ehempel, por reemplasa un guarnicion di batata pa uno di batata dushi cu tin menor indice glucemico. ● Comproba bo nivel di glucose prome cu cada cuminsa pa scoge e alimentonan mas conveniente, di acuerdo con bo ta na e momentonan ey. Ta bon si bo por uza e glucometro tradicional, ta existi tecnologianan nobo cu ta facilita e tarea aki. Un di nan ta e mididonan continuo di glucose cu ta recoge datonan di nivel di sucu atrabes di un sensor implanta den e brasa y manda nan directamente na e celular di e pashent.

Pagina 23

Diamars 12 November 2019

Resultado Beach Tennis Panamerican Championship 2019 Brazil campeon den tur categoria

Diasabra ultimo, Aruba tabata e anfition pa e Pan American Championship di Beach Tennis. E campeonato aki a cuminsa diahuebs, 7 di november y a culmina, diasabra, riba un Bushiri Beach Arena completamente yen. E final den categoria femenino a wordo disputa entre 2 ekipo di Brazil cual nan ta Joana Cortez y Rafaella Miiler contra Flavia MuĂąiz y Marcela

Vita. E duo Cortez y Miiller ta logra gana y asina aki hiba e titulo di campeon pa nan pais Brazil. Den categoria masculino, un biaha mas 2 ekipo di Brazil a batalla, caminda VIni Font y Andre Baran a kita e titulo for di Marcus Ferreria y Thales Santo. Ambos ekipo ta di Brazil. Pa loke ta e categoria di mix, aki tambe por a mira un final entre Brazil

y Brazil, E duo, cu ya pa aĂąanan largo ta domina e categoria di mix mundialmente, esta Vini Font y Joana Cortez, ta perde nan contra Rafaella Miiller y Andre Baran. Beach Tennis Aruba kier a manda un palabra di danki na cada un cu a bin presencia e weganan durante e Panamerican Championship 2019 y alaves kier a invita Aruba completo pa pasa na

Bushiri Beach pa presencia e torneo di Aruba Open Beach Tennis cu lo continua te cu diadomingo 17 november

Pa mas informaciĂłn riba weganan, por bishit nos website na www.arubabeachtennisopen.com

Pagina 24

Diamars 12 November 2019

Tropical Bottling Co. y Patrón Tequila contento di aporta

Hungadonan local di poker tambe por participa den “World Series Poker Aruba” ORANJESTAD, Aruba - 11 di November 2019: The Casino hunto cu Island Gaming ta organisa “World Series Poker Aruba” entre dia 14 pa 24 di November na Hilton Aruba Caribbean Resorts & Casino. E evento aki ta masha grandi p’e isla. The Casino ta gradici Tropical Bottling Co. pa nan sosten p’e torneo y di yuda na esaki, asina Jaromir Petronilla, Sales & Marketing di The Casino Hilton, a expresa. E torneo lo cuminsa dia 14 di November y tur hende local ta bonbini. E evento ta pa hungadonan profesional di poker, pero e ta algo cu hungadonan local di poker tambe por participa na dje. Ta spera entre 165 pa 350 turista, kendenan ta hungado hunto cu nan famia y esaki lo ta un impacto grandi p’e turismo di Aruba den e periodo aki. Por compara e World Series Poker como e copa nacional di futbol, pero den e mundo di poker. Lo bay tin 10 renchi di poker cual ta e premionan p’e ganadonan. Lo bay tin 10 evento di cual 1 di nan lo ta e evento principal. Esaki lo ta dia 21 di November y The

Casino ta garantisa un premio di 250 mil dollar. A pone esaki pa atrae e hungadonan profesional di poker. E entrada di participacion na e evento ta 1700 dollar. Tropical Bottling Co. ta contento di patrocina e prome torneo di poker hunto cu Patrón Tequila. Na luna di april ultimo a anuncia cu Tropical Bottling Co. ta e distribuidor oficial di e marca aki. Pa-

tron lo showcase e torneo cuminsando dia 14 te cu 24 di November na The Casino Hilton. Esaki ta e prome torneo di poker cu ta tumando luga na Aruba, Tropical Bottling Co. ta sinti su mes hopi exita. Lizzi Arendsz, representante di marketing pa e portfolio di Bacardi, a splica cu e “Tear players final” dia 21 di november ta e evento mas grandi cu un cuart miyon dollar

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

na premio. The Casino y Tropical Bottling Co. ta invita tur hende pa presencia e torneo den e ballroom, pero tambe tur dia

den e casino lo tin weganan live di poker pa gana placa cash.

Pagina 25

Diamars 12 November 2019

TA ARESTA TATA Y YIU PA SECUESTRA Y VIOLA UN MUHE Y DESPUES BANDON'E DEN DESIERTO PA E MURI Stanley Alfred Lawton, di 54 aĂąa, hunto cu su yiu muhe, Shaniya Nicole Poche-Lawton, di 22, a wordo aresta e siman aki, despues di presuntamente a secuestra un muhe cu un arma di candela, na Las Vegas, Nevada y manten'e cautivo durante casi un siman den nan residencia den e parti zuid di California. E secuestro a tuma luga dia 30 di october y e victima a wordo golpia, viola y posteriormente bandona den e desierto nort di Los Angeles cerca di e Base di Forsa Aereo di Edwards. Ademas di permanece cautivo y ta someti na abusonan fisico y sexual, e victima a wordo obliga di saca placa for di un ATM pa entrega na su agresornan, ABC News a informa. E victima, di mas of menos 40 aĂąa, di cual iden-

tidad no a wordo revela, a wordo haya pa un miembro di polis militar diaranson, durante un patruyahe di e zona. "Bo tin hopi suerte di ta bibo," capitan Eddie Hernandez, di e Departamento di Sheriff di Los Angeles, revelando cu e victima conoce su secuestradornan pero parce ta ningun tipo di vengansa. Cargonan afronta E Oficina di Fiscal di Districto di Los Angeles a confirma cu cada sospechoso ta enfrenta cargonan di secuestro pa comete otro delito, intento di asesinato, secuestro desde pafo di e estado, violacion y tres cargo di robo for di ATM di prome grado. "Ta in caso vicioso: tabata cu arma, forsa. E victima a wordo traslada atrabes di e fronteranan estatal,

wanta den un cas dentro di un camber durante por lo menos un siman. Nos no sa den ki tipo di condicion e tabata deteni. Den algun momento, el a wordo agredi sexualmente y despues tuma

pa morto," Hernandez a splica. Abos ta deteni y a aplica un fiansa di 4.5 miyon di dollar riba e homber y un miyon di dollar riba su yiu. Nan mester presenta na

corte dia 12 di november, aunke e caso por wordo traslada na un tribunal federal, ya cu presuntamente nan a crusa frontera nan estatal cu e victima.

TA CAPTA FOR DI ESPACIO MANCHANAN GIGANTESCO DI SARGASUM CERCA DI E COSTA DI MEXICO E Agencia Espacial Europeo (ESA) a publica dia 8 di november un imagen, capta pa su mision Copernicus Sentinel-2, cu ta revela e presencia di manchanan giganteco di e alganan maron, conoci como "sargasum", a lo largo di e litoral di e isla Mexicano di Holbox. E imagen a wordo edita di tal manera cu e vegetacion cambia pa un color cora briyante Den e parti inferior por mira e vegetacion di e isla, un popular destino turistico y den e superior ta resalta e manchanan di sargasum acumula den awanan marino. E potret di ESA a wordo tuma dia 6 di juli ultimo, riba fechanan ora cu un gran cantidad di Sargasum a yega na e costanan di Mexico. Ademas di representa perdi-

danan miyonario pa e industria turistico, a constitui un menasa pa algun especie, manera e turtuga marino, cual patronchinan ta desolve (ponemento di webo) a wordo altera pa e presencia di e alganan aki. Sargasum ta un "habitat importante pa hopi especie, sin embargo ora cu e ta acumula a lo largo di e costanan, e ta putri y e ta produci un holor malo, causando problema tanto pa e medio ambiente como pa e industria turistico," ta indica desde ESA. E fluhonan di Sargasum ta iregular, pero ta evidente cu e corientenan marino ta hunga un papel esencial den e fenomeno aki cu ta spanta e empresarionan hotelero y ta lanta opinionnan controversial entre e cientificonan, kendenan tin hopi hipotesis y

poco certesa riba e causanan cu ta provocando e proliferacion di e alga. ESA ta monitoreando e Sargas-

um flotante den e area di Caribe uzanso dato di e misionnan Copernicus Sentinel-2 y Sentinel-3.

Pagina 26

Diamars 12 November 2019

Maduro Heavy Equipment N.V. Pa tur tipo di santo,piedra y graniet Pa trabao di rosamento y cobamento di fundeshi of Pos Tin special riba diasabra Rooi Bosal 49 Tel: 5851708/5943207/5931608

TA FURA

MATRAAS, MUEBLES, STOEL DI AUTO ORANGE MATRAAS FABRIEK

CONSTRUCTION Y MECANICO Ta haci trabow di coriente, verf, plumming, corta mata, haci cura limpi, drecha dak,

Yama 560-8568

HOPI DESCUENTO

Tune up auto

40% Y 50%, MERCANCIA NOBO TARABANA SOLO 5

593-4387 OF 588-7468

PA TAXATIE DI CAS Y PROPIEDAD

Abona na

awor! Yama 585-9500 of

e-mail nos na solodipueblo@gmail.com

TUMA CONTACTO CU

CERA ARUBA TEL: 561 5643

Tur marduga nos ta entrege den bo porta di cas! Noticia cayente, ta aki bo ta haye!

Pagina 27

Diamars 12 November 2019

Servicio na Comunidad Brandweer Polis Polis Oranjestad Polis San Nicolas Polis Santa Cruz Polis Shaba Tiplijn

911 100 102 104 105 107 11141

Ambulance San Nicolas Ambulance Sasaki Ambulance Wayaca

584-5050 582-5573 582-1234

Horacio Oduber Hospital Centro Medico San Nic. SVB AO Ziekmelding

527-4000 524-8833 527-2782

Lotto Merdia NOVEMBER 11

Lotto Anochi NOVEMBER 11

NOVEMBER 10 1. 7699 2. 2236 3. 8442

NOVEMBER

NOVEMBER 10 1. 0882 2. 6381 3. 9519

Servicio nan Elmar storingdienst Web storingdienst Setar storingdienst Digicel Reina Beatrix INT Airport Serlimar Arugas Guarda nos costa

523-7147 525-4600 117 145 524-2424 584-5080 585-1198 913

Aurora Funeral Home Royal Funeral Home Ad Patres Funeral Home The Olive trees Funeral Home

588-6699 586-4444 584-2299 582-0000

Fundacion Rode Kruis Fada Fundacion Respetami Fundacion Guiami Muhe den dificultad Telefoon pa hubentud Centro Kibrahacha Stichting Bloedbank Mary Joan Fundation Kiningin Wilhelmina Fonds

582-2219 583-2999 582-4433 587-1677 583-5400 131 588-3131 587-0002 588-9999 582-0412

Tipline: 585 9500 e-mial: solodipueblo@gmail.com

Flamingo NOVEMBER 10 1. 8811 2. 0266 3. 8428 NOVEMBER 11 09 18 19 26 27

November 9 03 05 20 24 33 18 L

NOVEMBER 8 03 05 15 27 04

Registracion di Best of the Best Taekwondo Cup a cera cu 78 participante

Best of the Best Taekwondo Cup ta tuma luga dia 16 di November den Centro di Bario Brazil y ta conta cu atletanan for di Frans Guyana, atletanan for di Surinam, atletanan for di Corsou, atleta for di Expect the Unexpected Taekwondo Foundation, atleta for di Stichting Impact Taekwondo Martial Arts & Sports Foundation, atleta for di Noord Taekwondo Center y atleta for di Brazil Tae-

kwondo Stichting. Awo cu registracion ta cera lo cuminsa cu e printing y poule indeling di e evento. Cu participacion di 3 Pais internacional unda cu ta bay tin e referee Olimpico Guillermo Rodriquez for di Venezuela cu lo bay para pa tur e peleanan di anochi cu ta cuminsa 6'or di atardi.

Pagina 28

Diamars 12 November 2019

Noticia na Españo

EL HAMBRE Y LA POBREZA QUE NUTREN LA TUBERCULOSIS EN ARGENTINA

La enfermedad infecciosa más letal ha regresado al país latinoamericano. La llaman la muerte blanca En un suburbio pobre de la capital argentina, los pantalones y la chaqueta vaquera de Cristian Molina esconden su delgadez enfermiza. Es la herencia de años de malnutrición que acabaron exponiéndolo a la tuberculosis que contrajo a principios de año. La enfermedad, compañera de la pobreza, ha vuelto al país. Molina tiene 26 años y vive con sus padres, seis hermanos y cuatro sobrinos en el poblado chabolista de Luján, cerca de la próspera Buenos Aires. Los médicos creen que uno de los hermanos se contagió de la enfermedad en la cárcel y se la transmitió a la familia al volver a casa. Los casos de la llamada "muerte blanca", estrechamente conectada con la malnutrición y la infravivienda, han ido en aumento desde el cambio de década, en paralelo con las sucesivas recesiones y la inflación que han castigado a la tercera economía de Latinoamérica. Actualmente, el rápido aumento de los precios y la desaceleración económica están empujando cada vez a más personas por debajo del umbral de la pobreza y recrudeciendo la carencia de vivienda y el hambre. En la primera mitad de este año, la tasa de pobreza superó el 35,4% en perjuicio del presidente Mauricio Macri, que perdió las elecciones generales del pasado 27 de octubre ante Alberto Fernández. "La tuberculosis es el efecto secundario de la pobreza", denuncia Laura Lagrutta, neumóloga argentina especializada en el tratamiento de niños infectados por la enfermedad. Según las últimas cifras de la Organización Mundial de la Salud, el último año se registraron en Argentina 10.320 casos de la enfermedad por contagio o recaída. Alrededor de 2010, el número de enfermos, que no había dejado de descender desde la década de 1980, volvió a aumentar. El último año se registraron en Argentina 10.320 casos de la enfermedad por contagio o recaída La tuberculosis, que mata cada día a 5.000 personas en todo el mundo, es una de las dolencias más mortíferas. La situación de Argentina, un país con una importante producción agrícola, es mejor que la de algunos de sus vecinos sudamericanos, entre ellos Brasil y Perú, donde la incidencia de la infección es mayor. Sin embargo, la prevalencia está creciendo a un ritmo preocupante. Marcela Natiello, coordinadora del Programa Nacional de Control de la Tuberculosis y la Lepra, informa de que la tendencia regresiva que había comenzado en la década de 1980 se invirtió en 2013 debido a "causas múltiples y complejas. La tuberculosis afecta sobre todo a las poblaciones más vulnerables, con bajos

Cristian Molina, de 26 años, toma la medicación contra la tuberculosis en su casa del poblado chabolista de Luján, en Buenos Aires, Argentina. recursos económicos, que viven en entornos pobres, mal ventilados y superpoblados", explica, y añade que más de la mitad de los casos se dan en la zona de alta densidad demográfica alrededor de Buenos Aires. Hospitales al límite Según los médicos, el aumento del número de casos ha llevado al límite de su capacidad a las plantas de los hospitales donde se trata a los enfermos. Patricia Figueroa, una trabajadora social del centro sanitario público Muñiz, explica que el centro se enfrenta a un problema de saturación debido al ingreso de un número cada vez mayor de enfermos de tuberculosis, que califica de "récord en la historia reciente". "Por esta razón, el hospital da de alta a los pacientes con bajo riesgo de contagio a fin de dar cabida a los de alto riesgo, lo cual es una práctica muy peligrosa", advierte, y señala que la clínica está intentado añadir más camas a otras plantas para poder aceptar a más pacientes. El hospital da de alta a los pacientes con bajo riesgo de contagio a fin de dar cabida a los de alto riesgo, una práctica muy peligrosa Distintos enfermos de tuberculosis de suburbios de toda Argentina cuentan que vivían hacinados en casas sin condiciones de seguridad, y que no tenían acceso a una alimentación variada y nutritiva. En Villa 31, un asentamiento chabolista de la capital densamente poblado, Luli, de 19 años, lleva un año de tratamiento desde que se contagió estando embarazada. Cuenta que, por fortuna, la enfermedad no afectó al bebé, que

ahora tiene nueve meses. La joven vive con su hijo y su pareja en un piso con un dormitorio y una cocina. La casa no tiene baño, y sus tres ocupantes duermen en la misma habitación. "Nos estamos mudando continuamente porque los alquileres son muy caros", se lamenta. Daniel tiene 40 años, reside en el mismo barrio y también está en tratamiento contra el sida, lo cual lo hace más vulnerable a la tuberculosis. Ha perdido gran parte de la movilidad debido a una herida en la cadera y a las cicatrices de los pulmones. Brígida Simaniz acabó el tratamiento contra la tuberculosis en mayo. Vive con sus dos hijos en el barrio de chabolas de Bajo Flores, en Buenos Aires, donde los tres comparten la misma cama. Le preocupaba contagiar la enfermedad a los niños. "Cuando me dieron el diagnóstico me asusté mucho porque no sabía que existía la enfermedad. Siempre seguí el tratamiento tal como me dijeron los médicos porque tenía miedo de contagiar a mis hijos", asegura esta trabajadora textil que gana 70 pesos (un euro) a la hora. "Aunque hiciese frío, por la noche abría las ventanas de la habitación para que circulase el aire", recuerda.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 29

Diamars 12 November 2019

PRONOSTICO DI TEMPO VALIDO TE DIAMARS 12 DI NOVEMBER 2019

SUDOKU

COMPILA: DIALUNA 11 DI NOVEMBER 2019 17:00 (21:00 UTC) TEMPO: AWE ANOCHI: PARCIALMENTE NUBLA I GENERALMENTE SECO DEN MARDUGA I MAYAN: PARCIALMENTE NUBLA CU UN AWACERO PASAJERO. TEMPERATURA MAXIMO 32 GRADO CELSIUS TEMPERATURA MINIMO 26 GRADO CELSIUS BAHADA DI SOLO : 6:11 PM SUBIDA DI SOLO : 6:36 AM. BIENTO: FOR DI GENERALMENTE DIRECCION OOST I MODERA; FORSA 3 TE 4 (12 TE 30 KM/ORA, 7 TE 16 NUDO) DEN DIA BASTA FUERTE TE POSIBLEMENTE FUERTE DEN RAFAGA; FORSA 5 TE 6 (31 TE 50 KM/ORA, 17 TE 27 NUDO) SITUACION GENERAL DI TEMPO: NA E MOMENTONAN AKI NO TIN DISTURBIO DI IMPORTANCIA PA E WEER DEN REGION LOCAL. DEN PROXIMO 24 ORA, HUMEDAD DEN NIVELNAN MAS ABOU DI ATMOSFERA POR PRODUCI UN AWACERO BREVE RIBA CIERTO PARTINAN DI E ISLA. CONDICION DI LAMA: OLANAN TA FOR DI DIRECCION OOST CU HALTURA DI 3 TE 5 PIA. FENOMENONAN SPECIAL: NINGUN TEMPO TROPICAL SIGNIFICANTE: NINGUN POTENCIAL DI AWACERO PA PROXIMO 24 ORA: 1 TE 3 MM; LOCALMENTE ESAKI POR VARIA. REGISTRACION DI TEMPERATURA (GRADO CELSIUS) Y AWACERO (MM) DEN ULTIMO 24 ORA: AIRPORT MAX 32 / MIN 27 / 0.0 MM PRONOSTICO DI TEMPO PA PROXIMO TRES (3) DIANAN: PARSIALMENTE NUBLA CU LOCALMENTE UN AWACERO BREVE. BIENTO LO TA MODERA FOR DI DIRECCION OOST; BASTA FUERTE TE POSIBLEMENTE FUERTE DEN RAFAGA TEMPERATURA ( GRADO CELSIUS) MAX / MIN LO TA: 32 / 27

Sopi di Letranan

Pagina 30

Diamars 12 November 2019

Dia di Oracion na Aruba 2019

Dia 31 mei 1996 e Obispo di Haarlem, mgr. H. Bomers, hunto cu su Obispo auxiliary e tempo ey, mgr. J.M. Punt, a duna, despues di a consulta cu e Congregacion di Doctrina di Fe, permiso pa e veneracion publicamente di Santa Birgen Maria bou di e titulo;” e Señora di tur pueblo”. Bou di e titulo aki Birgen Maria a parece na Amsterdam den aña nan 1945 te 1959 y a revela na un hende muher senciyo di nomber Ida Peerdeman, cu e kier ta conoci y stima pa tur hende como “ e Señora di tur Pueblo”. Of e MAMA di tur Pueblo. E la mustra riba e situacion, actual den iglesia y den mundo pa medio di impresionante visionan profetico. Den su mensahe nan e Señora di tur pueblo ta revela e plan, cu cual Dios kier salba

e mundo pa medio di su Mama. Pa enfatisa esaki maria ta duna tur pueblo y nacion un oracion y un imagen. E imagen ta representa e Señora di tur pueblo, ilumina pa e luz radiante di Dios, para riba e globo dilanti di e cruz di su Yui e Salbador. Cu kende e ta inseparablemente uni. For di e man nan di Maria por parti na tur esnan cu ta pidie pa e ta nan Abogado. E trupa di carne ta representa e pueblonan di henter mundo, cu lo no haya trankilidad te ora cu nan hisa cara mira e Cruz, e centro di mundo. E Señora di tur pueblo a dicta un oracion cortico y poderoso y poderoso pa preserva nos di degeneracion, disaster y guera. “ Boso, pueblo nan di e tempo aki, sa cu boso ta bou di proteccion di Se-

ñora di tur Pueblo. Invoca na dje como boso Abogado, pidie pa desvia tur disaster. Pidie pa deporta e degenaracion for di e mundo aki. Ta for di degeneracion ta bin Guerra. Pa medio di mi oracion, boso aki ta serka Dios” (31 di mei 1955) E ta pidi pa resa e oracion aki por lo menos un bes pa dia. “Mi ta sigura boso cu e mundo lo cambia”(29 di april 1951) Como mama di tur pueblo el a worod manda door di Tata y Yui pa trece union y pas na munda, pasobra:bou di e titulo aki y pa medio di e oracion aki e por salba mundi un catastrophe mundial grandi” (10 mei 1953) P’esey e Señora di tur pueblo ta pidi cu enfasisi pa un accion mundial grandi, pa asina plama su oracion y imagen. “Usa tur medio cu tin pa

bop or yuda y percura pa e distribucion, cada ken na su mes manera”

(15 di juni 1953)

E SEÑORA DI TUR PUEBLO Señor Hesucrito, Yui di Tata, Manda awor Bo Spirito riba tera Laga Spirito Santo Biba den curason di tur pueblo Pa asina nan keda warda Di degenracion, disaster y Guerra Cu E Señora di tur Pueblo Santo Birgen Maria Sea nos Abogado AMEN

Pagina 31

Diamars 12 November 2019

Zverev ta vence Nadal den ATP Finals, Tsitsipas ta derota Medvedev den bataya di debutante E number uno di mundo, Rafael Nadal, tabata tin un debut decepcionante dialuna den ATP Finals, ora cu el a cay contra e campeon defensor Alexander Zverez. E Spaño, kende ta busca su prome titulo den e

evento cu ta pone fin na e temporada y ta sigura pa cera e aña como number uno di mundo pa di cinco biaha den su carera, no a mustra signonan di e lesion abdominal cu el a sufir na Paris e luna aki, pero el a wordo supera pa

su rival. Zerev a kibra e servicio di e Spaño den di cinco y di shete wega pa keda cu e set inicial. Nadal a bolbe perde su sake na comienso di e di dos parcial, loke a permiti e Aleman encamina pa e victoria den

Autor Quito Nicolaas ta publica poesia

un partido unda cu el a conecta 26 tiro ganado y a gana 30 punto riba 34 cu su prome servicio. Den e prome partido di dia, Stefanos Tsitsipas a derota Daniil Medvedev den un choke di debutante den e torneo cu ta pone fin na e temporada. Tsitsipas ya a bin ta perde su cinco partidonan prome contra e Ruso,

pero dialuna e por a cambia e estadistica cu un gran actuacion. E Griego di 21 aña tabata tin un nivel soberbio den sake y no a afronta ningun punto di kiebro. Ademas, el a probecha su oportunidadnan pa keda cu e victoria. "Mi tabata tin kippevel durante e partido. Hunga den e torneo aki tabata un gran emocion, algo cu semper mi a soña," Tsitsipas a bisa. "Esaki ta un di e victorianan mas importante di mi carera, tur cos a sali hopi bon."

ORACION DI DIA

Un dia yena di bendicion di Dios rumannan y colma cu hopi amor y paz

Durante juni y juli di e aña aki a tuma luga na Medellin, Colombia, e di 29 Festival Internacional de Poesia de Medellin. E autor/poeta Arubiano, Quito Nicolaas, a participa na e festival prestigioso aki. A base di cierto criterianan un comite ta selecta e invitadonan pa e festival. E invitado mester entrega un poesia na Spaño, un poesia na Ingles y un ensayo tocante un di e temanan di e festival. E ensayo di Sr. Nicolaas tin como titulo “The Decadence of Human Rights Standards”. El a entrega tambe poesianan na Spaño, di cual un di nan ta traduci na Ingles. Na Medellin Quito Nicolaas tabatin diferente presentacion na bibliotecanan, Universidad, centro cultural di Andes y den un parke na aire liber. Su audiencia tabata bira hopi entusiasma ora e conta di nos idioma Papiamento. Tabatin oportunidad tambe pa sinta na mesa y comb-

ersa cu otra poetanan invita tocante literatura, cultura di lesamento y con pa stimula e lesamento di literatura. Algo cu el a vocifera fuertemente y su coleganan poeta/escritor ta di acuerdo cu ne ta cu lesamento y literatura ta traha na civilisacion di un pais y su pueblo. E Revista Prometeo a publica Memorias del 29o Festival Internacional de Poesia de Medellin, un tomo cu poesianan di e poetanan invita di Africa, America, Asia y Europa. Quito Nicolaas ta aparece den e tomo cu 3 poesia na Spaño y un na Ingles. Biblioteca Nacional Aruba ta gradici sr. Quito Nicolaas pa percura pa duna Ramon Todd Dandare un ehemplar pa entrega na departamento ArubianaCaribiana. Un gesto hopi aprecia. E buki ta den coleccion nacional na ArubianaCaribiana den Bachstraat.

“Nos ta cria inutil! Nos a djis cumpli cu nos deber!” Lc 17,10 Pa medio di e Evangelio di awe Hesucristo ta duna nos tres enseñansa. Na prome luga cu nos mester Sirbi, na di dos luga, cu nos mester ta Gradicido y por ultimo cu nos mester Cumpli cu nos deber. Cada un di nos aki na Aruba of unda cu nos por ta den mundo tin un tarea, un yamada, cu nos por traduci como un vocacion cu Dios como nos Creador a confia na nos. Bo no por bira cara y haci manera esey no ta e caso pa bo. Nos mester ta consciente di nos vocacion y cumpli cu ne. Sea gradicido na Dios pa tur loke cu nos tin y no laga e sentimento di pesimismo podera di bo. Como un hende batisa nos mester scucha e yamada y mescos cu cada un di nos tin nos derechonan como un Cristian Catolico nos tin nos debernan tambe pa haci loke cu nos tin di haci. Oracion: Señor Hesus, awe cu nos ta celebra e memoria di San Josafat, cu ta wordo yama “e ladron di almanan”, nos ta pidi Bo pa nos compromiso cu nos Iglesia por ta uno fuerte cu ta laga nos cumpli cu nos yamada di ser Santo compartiendo nos Amor cu tur hende cu nos ta topa den nos bida pero particularmente cu esnan menos afortuna, pa nan tambe por ta feliz y sinti nan mes cu nan ta wordo stima! Tur esaki nos ta pidi Bo den nomber di Cristo Hesus, Bo Yiu y nos Señor. Amen.

Pagina 32

Diamars 12 November 2019

Pakico boso ta hari?": Kanye West ta reafirma su intencion di postula pa e Presidencia y esnan presente ta explota di harimento E musico Mericano Kanye West a declara dia 7 di november cu e ta considerando cambia legalmente su nomber y reafirma su intencion di participa den e careda presidencial di su pais den 2024. "Ora cu hende bisa cu ta grosero pa yama bo mes multimiyonario, mi ta bisa cu mi por cambia legalmente mi nomber pa Christian Genius Billionaire Kanye West pa un aña te ora cu tur hende compronde exactamente loke e ta," e raper di 42 aña a bisa durante su intervencion na e evento Innovation Festival, organisa pa e revista Fast Company. Despues, e musico a comenta cu e tin pensa di

yega Cas Blanco, pero el a wordo interumpi pa e harimento di e publico. Pakico boso ta hari?", el a puntra cu un gesto serio. "Ora cumi postula pa e Presidencia na 2024, nos lo crea asina hopi trabao cu mi no lo core, sino cana," el a afirma, haciendo un wega di palabra. "Mientras boso ta lesa titularnan como "Kanye ta loco", uno di cada tres Afroamericano ta den prizon y tur e celebridadnan ta den un prizon tambe, pasobra nan no por bisa nada, nan no tin ningun opinion, nan tin asina tanto miedo," el a añadi. Tin cu destaca cu esaki no ta e prome biaha cu West ta papia publicamente di su posibel participacion

den e careda presidencial. Su prome anuncio a wordo realisa na augustus 2015, pero e tempo ey

el a bisa cu e tabata tin pensa di participa den e eleccionnan cu lo tma luga e aña cu ta bin "Mi a dicidi postula na e presi-

dencia na 2020", el a declara mientras e ta tuma un premio den e ceremonia di MTV Video Music Awards.

YouTube por elimina canalnan cu ta considera "comercialmente no viabel" E ultimo actualisacion di terminonan di servicio di e plataforma di video YouTube ta inclui un clausula cu ta otorga e potestad di elimina cualkier cuenta cu nan ta considera cu no ta "comercialmente viabel." E terminonan di servicio aki lo drenta na vigor entrante 10 di december. De e seccion "Suspension y cancelacion di cuenta", YouTube ta expone: "YouTube por cancela bo acceso of e acceso di bo cuenta di Google den tur

of parti di e Servicio, si YouTube ta kere, den su criterio exclusivo, cu e prestacion di e Servicio ya no ta comercialmente viabel." Hopi usuario ta preocupa debi na e ambiguedad di e relacion di e clausula, ya cu no ta detaya e parametronan necesario pa un cuenta wordo considera "comercialmente viabel." Riba rednan social e cambionan aki a genera miles di reaccion y comentario. Un discusion riba e tema riba Reddit ta suma ya

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

mas di 51 mil voto na fabor y mas di 3 mil comentario. Yvy Choi, vocero di YouTube a proporciona Mashable un declaracion, caminda cu e ta sigura cu e cambionan den e termionan di sericio a wordo haci cu e intencion di ta "mas facil di lesa" y pa sigura cu nan ta updated.

Abona na

awor! Yama 585-9500 of e-mail nos na solodipueblo@gmail.com Tur marduga nos ta entrege den bo porta di cas!

Noticia cayente, ta aki bo ta haye!