Esta historia trata de dous personaxes moi especiais, que non seguen os estereotipos de xénero que prevalecen na sociedade actual. Aurora Condutora sempre contou co apoio da súa familia para facer o que lle gusta. Pero Dragoncín Cantarín ten medo a facer o que desexa porque non é o que os demais esperan del. Para intentar cumprir o seu soño, contará coa axuda de Aurora Condutora. Poderá logralo?
VALORES IMPLÍCITOS
A través deste conto preténdese fomentar a coeducación e a igualdade de xénero. Para iso, os protagonistas móstrannos a importancia da tolerancia, da empatía, da valentía e do respecto polas diferenzas, para lograr o benestar dun mesmo e dos demais, xa que é o verdadeiramente importante.
