1 minute read
Azkuna Zentroko Mediateka, konektatzeko, sortzeko eta pentsatzeko gune berria
Azkuna Zentroko Mediateka BBK barrutik eta kanpotik berritzen hasi da, sorkuntza artistikorako, ikaskuntzarako eta esperimentaziorako gune berri bihurtzeko, eta bertan pertsonek aukera izan dezaten kultura praktika, prozesu eta esperientzia gisa bizitzeko. Liburutegi bat besterik ez da, baina funtzioak, ibilbideak eta bilduma zabalduko ditu, Zentroaren sei programazio-lerroen inguruan. Literatura, komikia eta bideojokoa ditu ardatz, baina espazio berriak ditu diziplina horien inguruko sorkuntza, topaketa eta sozializaziorako. Leku berean kokatuta dago, baina, orain, Zentroko gainerako guneei, hiriari eta nazioarteari lotuta dago, Azkuna Zentroaren proiektu osoaren zati gisa. Teka gisa, ez du bere funtsa galtzen, baina kaxa hau konexiora, sorkuntzara eta gogoetara irekitzen da. Hala, Mediatekak sorkuntza artistikoaren, ikaskuntzaren eta ikerketaren euskarri den eredu berri baterantz eboluzionatzen du, ikuspegi berritzaile batetik eta harekin murgilduta dauden komunitateekin harremanetan.
Aldaketa hori 2019-2023 Programa Proiektuaren eta Azkuna Zentroak gizartearen eta kultura garaikidearen arteko lotura gisa duen xedearen barruan txertatzen da. Ia hamar urteko jardunaren ondoren, beharrezkoa zen Zentroaren kultura-motorretako bat berrikustea, motor hori erreferentzia bat baitzen ikasteko, ikertzeko, elkartzeko edo irakurtzeko egunero bertan izaten ziren pertsonentzat. Testuinguru horretan, jatorri, adin eta hizkuntzen dibertsitatea da balio nagusietako bat. Aldaketa-, eraldaketa- eta eguneratzeprozesu horretan, haren ADNari eutsi zaio, pertsonen egungo beharretara
Advertisement
egokituz, eta espazioan ere islatzen den kultura-eredu berri baterantz joz. Azkuna Zentroaren eraikineko hiru solairuak birdiseinatu dira konexio-maila desberdinak sortzeko, errazenetatik globalenetara. Horietako bakoitzean egiten den jarduerak konexio horiek sortzen duten soinumailarekin du zerikusia.
Lehenengo eta bigarren solairuetan, xuxurla eta zarata eremu komunitario baten isla dira. Programazioak laguntza ematen du Zentroaren programaziolerroekin zerikusia duten jardueretan parte hartzeko, jendearentzako arretako langileen laguntzarekin, horien gaitasunak zabaltzen eta hedatzen baitira, bitartekaritza-funtzio berriak gehituta. Hirugarren solairuan, isiltasuna da nagusi, jakintza eta jarduera bibliografikoa ardatz gisa dituen espazioan. Eraldaketaren barruan, seinaletika berriz diseinatu da, Zentro osoan egingo den moduan, eta klimatizazioa eta argiztapena ere bai, Azkuna Zentroko ingurumeniraunkortasuneko planean jasotako eran.
