Kianu su alegria
Jenilva (Jenny) CoďŹƒ-Alberto Outor
ki n a D MalsehbraĂĄ huntu ku mi pa se
17
er 20
desèmb 10 di
Kianu su alegria
Jenilva (Jenny) Coffi-Alberto Kianu su alegria © 2017, Jenilva (Jenny) Coffi-Alberto Fundashon Chikitin
Kòrsou 2017 Layout: Dajo Graphics N.V. ISBN-13:978-1979768849 ISBN-10:1979768846 Tur derecho reservá. No ta pèrmití reprodusí nada di e edishon akí di ningun forma, ni pa ningun medio, sin outorisashon previo i skirbí di editor.
Kianu su alegria
Jenilva (Jenny) CoďŹƒ-Alberto Outor
Kianu su alegria
6
Kianu su alegria
7
Na Dios tur honor i gloria Filipensenan 4:13 Mi por enfrentรก tur kos pa medio di Esun ku ta duna mi forsa.
Kianu su alegria
8
Kianu su alegria
9
Un kuenta skirbà a base di un echo di bida real pa mustra ku kaminda hende su man kai kòrtiku, Dios so por kambia e direkshon.
Kianu su alegria
10
Kianu su alegria
11
Un danki na tur ku a duna nan kontribushon den un forma òf otro.
Kianu su alegria
12
Kianu su alegria
13
Dediká na mi kasá
Oscar Ernesto Coffi
7-11-1967 ---- 14-6-2016
Kianu su alegria
14
Kianu su alegria
15
Kianu ta sumamente emoshoná. E ta sinti su kurason ta bati masha duru mes, pasobra su ruman ta bai nase. Ta falta dos anochi pa su mama Agnes bai hòspital bai duna lus na su ruman. E beibi su nòmber ta bira Ayadi, su mama a bis’é, un nòmber ku su mama mes a traha. Kianu tin 7 aña, e ta un mucha ku gusta kòmbersá i gusta yuda su mayornan ku e ta stima mashá. Hopi kontentu el a bira dia su mayornan a bis’é ku e ta bai haña ruman. Semper e tabata ke tin un ruman. Hopi di su amigunan tin un òf mas ruman. “Por fin mi ta bai haña un ruman!”, Kianu tabata konta tur hende ku e topa ku gran alegria.
Kianu su alegria
16
“Mi no por warda e dianan pasa pa mi mira mi ruman.” Kianu ta pidi su mama: “Mama, mi por pasa man na mama su barika?” Ta tur ora e ke pasa man riba e barika grandi di su mama. “Mi ta stima bo”, Kianu ta bisa su ruman. “E yuchi ta tende bo stèm”, su mama ta bis’é. “Atá! Mama! Wak forma di su pia!” Ratu ratu e ta mira forma di pia di su ruman na barika di su mama ora e ta mishi ku e barika.
Kianu su alegria
17
Agnes ta kòrda kla dia e mester a bai Venezuela pa hasi un tèst spesial pa chèk si tur kos ta bon ku e yuchi. Dòkter a bis’é ku e yuchi ta mucha muhé, pero e dòkter a bisa mas kos tambe. El a bisa ku e yuchi su kabes tin demasiado awa aden ‘waterhoofd’ i ku e ta teme pa su bida. E awa di mas akí, ta forma un preshon den kabes di e yuchi. E preshon akí ta stroba su serebro di desaroyá. E yuchi por bai tin hopi problema di salú. Dor di peso di e kabes e por bin keda sin kana tambe. Ora Agnes a tende esaki el a bira mashá tristu, pero su amor pa e yuchi a bira mas grandi ainda. Agnes a kuminsá ta stima e yuchi mas i
Kianu su alegria
18
Un kabes ku kantidat di awa normal (e parti pretu)
Un kabes ku kantidat dimas di awa (e parti pretu) Waterhoofd / Hidroséfalo
mas segun tempu ta pasa. E no a laga e informashon aki desanim’é. Ora Agnes a bini kas bèk el a konta su kasá Ernesto. Nan a yora i konsolá otro. Nan a pensa ta kon nan ta bai duna Kianu e notisia akí. Nan a pensa di bai keiru ku Kianu i buska e mihó momentu pa nan papia kuné. Riba un djadumingu despues ku nan a sali misa, nan a bai kome na un restorant. Kianu tabata alegre manera semper. Ora el a kaba di kome, su tata a kuminsá papia kuné. “Kianu, mama i papa ke Ilustrashon saká for di Patienten Informatie di Promedics
Kianu su alegria
19
bisa bo algu.” Kianu a bira kontentu i kuminsá hasi yen di pregunta un tras di otro. “Mi ta bai haña e outo ku mi a pidi tata, nos ta bai keiru Bándabou manera tata a bisa, mi ta haña un fiesta pa mi aña?” Su tata Ernesto a sigui papia: “Kianu, kaminda mama a bai, dòkter a bisa mama ku salú di e yuchi, bo ruman, no ta kompletamente bon.” Despues Agnes a sigui papia i splika Kianu na plaka chikí kon e situashon di salú di su ruman ta. Kianu a bira masha tristu pero umbé el a bisa su mama: “Mama, no preokupá, mi sa ku papa Dios por kura mi ruman.” Su mayornan a bisa Kianu ku nan tambe ta di mesun opinion. “Mama, ora nos yega kas nos por subi internèt pa buska un yuchi ku tin e mes problema ku mi ruman tin pa mi wak?” Agnes a primintí ku asina ku e haña un chèns, nan dos ta bai ‘google’ pa buska. Su siguiente siman riba djamars, Ernesto i Kianu a yega kas trempan for di skol mèrdia, kome i drumi un ratu.
Kianu su alegria
20
Atardi tabata un bon momentu pa Agnes i Kianu sinta tras di lèptòp pa nan buska informashon tokante ‘waterhoofd’. Asina Agnes a tek e palabra ‘waterhoofd’ a sali yen di plachi di beibi ‘hidroséfalo’. “Mama, asina mi ruman tambe ta den mama su barika? E yuchi akí tambe tin mas ruman?” Kianu ta mustra su mama un plachi ku e ta mira riba pantaya di e lèptòp. “Mi tin gana di sa si mi ruman tambe ta meskos kuné”, e ta bisa su mama. Agnes a probechá di e tempu pa bèl Mgr. Verriet Instituut pa buska mas informashon. El a splika Kianu ku Mgr. Verriet Instituut ta kaminda tin muchanan ta biba ku entre otro e tipo di problema akí. Aki nan ta haña kuido i terapia. “Mi por bai un dia pa mi mes mira nan?”, Kianu ta pidi su mama, kende a bis’é ku e ta wak un chèns pa traha un sita.
Kianu su alegria
21
Dianan a pasa i e yuchi ta serka di bai nase. Agnes ta mashá emoshoná pero e tin un sensashon straño tambe den su barika. Esaki no ta di e yuchi sino di su emoshon. For di otro mañan su bida lo no ta meskos, su bida lo kambia pa semper. Bida di su famia lo kambia pa semper. E yuchi di Agnes ta un yuchi masha spesial mes. E dia tan sperá ta serka di yega i Agnes a laba i strika tur e pañanan di e beibi. “Mi por pone nan den maleta, mama?” Kianu a bai kue e maleta pa pone nan aden. Tur ora Kianu huntu ku su mayornan ta hasi orashon. “Papa Dios,”
Kianu su alegria
22
Kianu ta resa, “laga tur kos bai bon ku mi ruman dia e ta bai nase.” Su mayornan tambe ta pidi Dios pa E kuida e yuchi durante nasementu via sesaria*, esta via ‘keizersnee’ i pa tur kos bai bon. Asina e famia kompleto ta preparando pa e miembro nobo ku ta biniendo. Regularmente sí Agnes su mente ta pasa riba loke dòkter a bis’é, kuenta ku e yuchi su bida ta kore peliger. Ernesto a drecha tur kos na kas asta e kama pa e yuchi tambe a haña un fèrf. “Papa, laga ami tambe fèrf un banda di e kama,” Kianu a pidi su tata. Agnes a laba e maksikosi limpi limpi i a dun’é un furu nobo. “Kianu, bo ke laba e bòternan di e yuchi?,” Agnes ta puntra. “Sí mama,” Kianu ta kontestá i kontentu el a bai laba nan.
* Sesaria (keizersnee): un operashon na e mama su barika pa por saka e yu.
Kianu su alegria
23
E dia a yega pa Agnes bai hòspital i el a bisa Kianu ku ta awe ta e dia. Kianu a bula na laira di kontentu. For di mainta trempan nan a drecha pa bai hòspital. Ei Agnes a haña un kamber masha bunita drechá i esaki a laga Agnes sinti’é masha dushi. Mustrando riba e kama ku tabata bunita drechá, Kianu di: “Hopi nèchi, mama!” Un zùster a bini den kamber serka Agnes pa hasi’é algun pregunta. El a kumindá Kianu i bis’é ku mañan lo e mira su ruman. Ku un mashin mashá moderno e zùster a skucha e yuchi su kurason i e tabata mashá kontentu pasobra tur kos tabata bon. El a laga Kianu tambe skucha e yuchi su kurason.
Kianu su alegria
24
Kianu ta puntra e zùster: “Ta bèrdat ta kurason di mi ruman?” El a keda masha emoshoná. Despues Agnes a haña su desayuno i e zùster a splik’é tur kos ku ta bai pasa e siguiente dia. Ora e zùster a bai, Ernesto a bisa Kianu pa duna su mama un brasa duru promé ku nan bai kas. “Ayó mama, ayó ruman”, Kianu a despedí. Atardi Kianu i su tata a bin wak kon Agnes a pasa su dia den hòspital. E siguiente mainta trempan Ernesto a hiba Kianu skol pa despues e bai hòspital. “Kumindá mi mama i mi ruman pa mi!,” Kianu ta bisa su tata pará na porta di skol. Asina Ernesto a yega hòspital, Agnes a puntra kon a bai ku Kianu i kon nan a pasa anochi. Ernesto a ripará ku Agnes a prepará su mes kaba pa e bai sala di operashon pa duna lus na su yuchi stimá. Un zùster a bin buska nan i na kaminda pa e sala di operashon Agnes tabata hasi orashon pidi Dios pa guia tur loke
Kianu su alegria
25
ta bai pasa. Ernesto tambe tabatin mag di keda den sala di operashon. Tur kos a bai bon i Ayadi a nase. Ora Agnes a mir’é el a keda impreshoná kon bunita su yuchi tabata. E yuchi su kabes tabata hopi grandi sí, i tòg Agnes tabata masha orguyoso di dje. Atardi Ernesto a pasa buska Kianu pa nan bai hòspital pa mira su ruman Ayadi. “Tata a mira mi ruman kaba?,” Kianu ta puntra su tata. Ora nan a yega hòspital su tata a bai kamber di beibi pa nan mira su ruman. Su tata a splik’é ku dor di e glas nan por mira e yu. Ayadi tabata drumi na e departamentu di beibi resien nasí (Neonatologie) pa e dokternan por kontrola i vigilá Ayadi bon. ‘Mi no por wak bon,” Kianu ta reklamá i su tata ta his’é pa e wak su ruman dor di glas. Kianu a keda enkantá ora el a mira su ruman. “Mi ruman ta nèchi!," Kianu ta bisa su tata.
Kianu su alegria
26
Despues di un par di dia Agnes i su yuchi por a bai kas. Ayadi a desaroyá i krese salú. Su kabes tambe tabata krese i kada dos dia mester a bai dòkter kuné pa midi e kabes pa chèk kuantu e kabes a krese. Kianu ke yuda su mama ku kiko ku su mama pidié pa e hasi pa su ruman. Tur ora Kianu ta banda di su ruman. E no ke pa nada pas’é. Ayadi a sigui krese i e kabes tabata sigui krese fo’i proporshon kompará ku su kurpa dor di e awa ku tabata di mas den su kabes. E awa di mas ta forma un preshon den e kabes. Esaki ta e motibu ku mester oper’é pa pone un pòmp den su kabes ku por yuda e awa di mas sigui kore bai den su kurpa. Ta loke dòkter a bisa. Agnes tambe a lesa esei den un buki ku el a bestèl ku ta duna tur splikashon tokante ‘waterhoofd’. Ora Ayadi tabatin 5 luna, un profesor a bini spesialmente for di Hulanda pa
Kianu su alegria
27
pòmp E slan di e pòmp ku ta sali for di kabes bai kurason òf barika slan kurason
barika
Ilustrashon saká for di Patienten Informatie di Promedics
operá su kabes. E milager ta ku ora dòkter a mira e potrèt di e kabes, el a bisa ku den e kaso akí Ayadi no mester haña un pòmp. Loke e ta bai hasi ta, kaminda tin e problema den e kabes e ta bai oper’é pa asina e awa di mas den e kabes por pasa bai den henter su kurpa manera normalmente ta pasa serka tur hende.
Kianu su alegria
28
E sistema aki di operashon ta mihó ku pone un pòmp pa Ayadi. Di e forma akí e preshon ta kita for di e kabes. I asina a pasa tambe! Ayadi a sigui desaroyá i bira un bunita mucha muhé. Kana sí tabata un problema p’e. E kabes tabata pisa hopi i e no por a haña un bon balansa. Ku 6-7 luna Ayadi a kuminsá bai terapia serka un *fisioterapista dos be pa siman pa e siña usa su mannan i su pianan. Mester a hasi hopi ehersisio ku Ayadi na kas loke e no tabata gusta pero semper Kianu tabat’ei band’i di dje pa yud’é. Ku dos aña Ayadi a lanta un dia para e so i a kuminsá kana. Esaki a trese hopi alegria serka Agnes i su kasá, anto Kianu a kore kue su man * Fisioterapista: un persona spesialisá den problemanan di moveshon di kurpa
Kianu su alegria
29
tene i yuda su ruman kana. Nan a keda kana rònt kas te ora Ayadi a kansa i kai sinta abou. Asina Kianu a sigui yuda su ruman kana te dia e so por a kana sin kai. Kada dos siman Ayadi tabata haña yudansa na kas di un instituto ku e tempu ei tabata yama SGE (awe SIGE). Tur ora ku nan sali bai un kaminda Kianu ta pendiente di su ruman. Kianu tabata ripará ku unda ku nan bai hende ta keda wak su ruman straño. El a puntra: “Mama, dikon nan ta keda wak mi ruman asina?” Su mama a splik’é ku ta komo su ruman su kabes ta grandi, hende ta keda wak e. E no mester preokupá ku esaki pasobra su ruman tambe ta un kreashon di Dios i Dios stim’é manera e ta. Esaki a trankilisá Kianu, pero kada bes ku e ripará ku hende ta keda wak su ruman e ta bisa su mama. Un bia ku un grupo di mucha tabata
Kianu su alegria
30
hari su ruman, e kos akí a molesti’é. El a kana bai serka nan i puntra nan ta kiko nan ta hari. Agnes a bai papia ku e muchanan i a splika nan tokante e kondishon di Ayadi i ku Dios ta stima Ayadi tambe. Agnes a bisa Kianu ku na Kòrsou bo no ta mira muchanan ku e problema akí òf otro sorto di problema físiko hopi riba kaya. Hende ku un desabilidat na Kòrsou no ta hopi visibel den komunidat. Hende no ta kustumbrá di mira nan i stima nan tampoko. Kianu a bisa su mama e ora ei: “Ami sí ta stima mi ruman manera e ta i ami semper lo ta banda di dje pa por defend’é.” Dia Kianu tabatin 10 aña, el a tene un sprekbùrt tokante ‘waterhoofd’ i el a haña un 10.
Kianu su alegria
31
Ku 4 aña Ayadi a kuminsá bai skol básiko. Despues ku el a pasa un tèst, el a sali di skol básiko bai skol speshal kaminda nan ta haña lès den grupo chikí. Su fisioterapista a rekomendá pa e hasi deporte pa su moveshon di kurpa bira mas mihó. Landa i kore. Asina Kianu ku Ayadi a kuminsá praktiká e deporte di atletismo huntu. Esaki ta masha bon pa kondishon. Kianu semper pendiente di su ruman, tabata vigilá pa niun mucha no harié ni tent’é. Den e tim ku nan dos tabata, hopi di e muchanan tabata semper kla pa yuda Ayadi ora algu pas’é. Ayadi a yega asta di partisipá na kompetensia di atletismo. Unda ku Ayadi
Kianu su alegria
32
bai, Kianu ta kla pa sali na defensa di su ruman stimá. Ayadi a kuminsá bai lès di landamentu tambe, na Mambo Beach. Komo ta huntu ku un mucha mas so Ayadi tabata haña lès, e tabata haña tur e atenshon nesesario. Ayadi a forma parti di Scouting Antiano den grupo 2 Luis Beltran. Ayadi a kuminsá for di Bever i a vlieg over dos biaha, di Bever pa Welp i di Welp pa Verkenner. Ayadi tabata masha stimá i protegá dor di e muchanan i e lidernan. Ayadi ta un mucha alegre, spontanio, kariñoso, semper kla pa yuda otro hende. Unda ku e yega e ta hòrta hende su kurason. Djadumingu na su iglesia e ta yuda kuida e muchanan chikitu. E gusta kushiná. Na kas, tur hende i spesialmente Kianu ta disfrutá di su platonan. Loke
Kianu su alegria
33
e gusta kushiná ta galiña. Akualmente e ta siña traha den un kushina di un hotel konosí. Ayadi ta gusta lesa, siña lenga strañero, manera hulandes, ingles banda di papiamentu ku e ta dominá bon. Gòspel ta su tipo di muzik preferí ku e ta skucha riba su telefòn pasobra e tin un relashon íntimo ku Hesus. Agnes ta gradisidu pa e forsa i perseveransia ku Dios Tata a duna e i Ernesto pa nan por a sostené, kuida i guia Ayadi, un regalo spesial di e famia, un motibu partikular pa selebrá BIDA.
Kianu su alegria
34
Kianu su alegria
35
Versonan di beibel pa animashon spiritual Echonan 17:25) Ni E no tin mester di nada ku man di hende por dun'é; E mes ta duna bida, rosea i tur sobrá kos na tur hende. Predikador 3:14 Mi a mira ku tur kos ku Dios hasi ta keda meskos; no tin nada di añadí ni nada di kita afó; Dios a traha nan asina, pasobra Dios ke pa hende tene rèspèt di djE. Salmo 116:12 Kon lo mi por paga SEÑOR tur bondat k'El a hasi mi!
Kianu su alegria
36
Salmo 143:8 Mustra mi tur mainta bo bondat, ta den Bo mi ta buta mi konďŹ ansa. Mustra mi kua kaminda mi por sigui, den bo man mi ta entregĂĄ henter mi bida. Huan 17:7 Awor nan sa ku tur kos ku Abo a duna Mi, ta bini di Bo. Salmo 139:13 SĂ, B'a forma mi te den mi mondongo, Bo a hila mi den barika di mi mama. Revelashon 3:8 Mi sa tur kos ku boso ta hasi. Tende, Mi a habri un porta pa boso, ku ningun hende no por sera. Mi sa ku boso tin tiki forsa, pero tòg boso a tene na mi mensahe i boso no a nenga Mi.
Kianu su alegria
37
Salmo 143:10 Siña mi hasi tur lokual ta agradá Bo, Abo ku mi tin pa mi Dios! Mare bo bon spiritu por guia mi riba tereno lizu. Efesionan 3:19 Mi ta pidi pa boso konosé su amor i asina keda yená ku e plenitut kompleto di Dios; e amor ei ta mas grandi ku kualke kos ku nos por konosé.
Kianu su alegria
38
Mi nòmber ta Jenilva (Jenny) Coffi-Alberto, mi tin 56 aña. Mi ta bini di un famia di 5 yu muhé i ami ta esun mayó. Mi ta mama di dos yu, Joïm, mucha homber di 19 aña i Daïc mucha muhé di 17 aña. For di 2016 Dios a disidí di laga mi sigui mi so ku e muchanan den bida i a tuma mi kasá Oscar Coffi serka di dje. Na aña 2000 mi a skirbi mi promé pensamentu. Despues di esei, mi a skirbi 25 pensamentu mas i dos kuenta pa mucha. Mi no a publiká nan ainda. For di aña 2014 mi ta forma parti di e organisashon Biblionef. Aki mi a haña e oportunidat pa laga mi inspirashonnan haña nan kaminda i asina mi skirbi pa mucha ku a kaba di kuminsá siña lesa. Loke ta fasiná mi ta e echo ku aunke e muchanan tin un vokabulario limitá, mi por a skirbi kuentanan komprendibel ku hopi kontenido. Mi a partisipá na kompetensia di Haiku na 2016 pa promé biaha i mi a sali number 4 den e 5 ganadónan.