MGA NILALAMAN
opinyon
Iskolar ng Bayan. Iskolar ng Katotohanan.
Inabandona ang Nalulunod na Masa
Ang Opisyal na Pahayagan sa Filipino ng Valenzuela City School of Mathematics and Science • Dibisyon ng Lungsod ng Valenzuela • Pambansang Punong Rehiyon • Tomo III - Isyu I • Hulyo 2024 – Enero 2025
lathalain
Kuwentong Sitsirya agham at teknolohiya
RapunZpill Kontra Oil Spill
balitanglokal
Pagharang ng PLV sa Writers' Workshop, kinuwestiyon ni Jon Jedwin Pineda
dibuho nina Jedidiah Jason Caputero, Ma. Michaela Sabile, at Lunnah Grace Gapido
Nanawagan si screenplay writer Jerry Gracio sa Pamantasan ng Lungsod ng Valenzuela (PLV) dahil sa pag-uutos sa mga mag-aaral na humingi ng permiso sa student affairs office nito bago lumahok sa Valenzuela Writers’ Workshop (VWW). Sinaad ni Gracio na ang kahilingan ay dahil sa paniniwala ng PLV na ang organisasyon sa likod ng VWW, ang Valenzuela Arts & Literary Society (VALS) ay diumano'y ‘leftist.’ "Nais kong ipaalala sa administrasyon ng PLV na walang pakialam ang OSA sa aktibidad ng mga estudyante labas sa pamantasan. Na napaglipasan na ng panahon ang bansag at pamamansag na ‘leftist’. Na kung pinagbabawalan ng PLV ang kanilang mga estudyante na dumalo sa mga aktibidad na inaakala nilang ‘leftist,’ isa itong uri ng redtagging. Inilalagay nito sa alanganin ang mga miyembro ng organisasyon,” ayon kay Gracio. Ayon sa isang mag-aaral mula sa pamantasan, hindi magandang isagawa ang pagharang dahil ang mga ito ay hindi magpapabuti sa talento at kakayahan ng mga magaaral. Binigyang-diin naman na dapat ay may kaalaman ang mga mag-aaral sa mga tuntunin ng paaralan upang maiwasan ang mga ganitong usapin. Pinaalalahanan din ng manunulat ang unibersidad na ang VALS ay inorganisa noong panahon pa ni dating Valenzuela Mayor Rex Gatchalian. Suportado naman ang VALS ng Commission for Culture and the Arts at Cultural Center of the Philippines Intertextual Division na iginagalang ng mga manunulat. Samantala, dapat ay agarang maaksyunan ang mga ganitong suliranin upang hindi na ito lumala pa.
balitangpambansa
Pisay Passers, hindi tinanggap ng PSHS ni John Lee Bincal Napilitan ang Philippine Science High School (PSHS) System na hindi tanggapin ang halos 5,800 kwalipikadong mag-aaral dahil sa kakulangan ng espasyo, na halos kalahati ng mga ito ay hindi nakapasa sa mahigpit nitong entrance exam. Batay sa ulat ng EDCOM 2 noong Enero 28, sa kabuoang 49,481 na aplikante mula sa 16 na kampus para sa taong panuruan 2022–2023 at 2024–2025, tanging 11,351 ang nakapasa sa PSHS National Competitive Examination, at 5,544 lamang ang nag-enroll. "Gaining admission into PSHS is competitive, with limited slots for a sizable pool of applicants," saad ng EDCOM 2. Karamihan sa 16 na regional campuses ng PSHS ay may kapasidad lamang na 90 hanggang 120 na mag-aaral, samantalang ang main campus nito sa National Capital Region (NCR) ay may kapasidad na aabot sa 240 na magaaral. Ayon sa komisyon, ang limitadong slots sa mga campuses at ang kakulangan ng suporta mula sa pamahalaan para sa mga gifted learners ay isa sa malaking problema sa sistemang pang-edukasyon ng bansa. Upang makapantay sa mga internasyonal na antas, kinakailangang palawakin ng bansa ang mga programang sumusuporta sa mga gifted learners upang maabot ang 533,502 hanggang 2.43 milyong mag-aaral. Nirekomenda naman ng komisyon na dagdagan ang bilang ng slots sa nasabing paaralan upang matanggap ang lahat ng kwalipikadong mag-aaral at palawakin ang suporta sa Department of Education (DepEd) Special Science High Schools labilang ang pagpondo para sa pagsasanay ng guro, mas maayos na laboratoryo, at mas maraming learning materials.
samganumero
Naisip mo ba kung saan napupunta ang mga buwis ng bawat mamamayang naglilingkod pangkabuhayan?
H
indi lamang isang listahan ng mga alokasyon at gastusin, ito ay isang deklarasyon ng mga prayoridad ng gobyerno at ng kinabukasan ng bawat mamamayan. Ang 2025 National Budget kung saan sa bawat pisong inilaan, nakapaloob ang pangako ng mas maunlad na ekonomiya, mas matatag na serbisyong panlipunan, at mas maayos na kalidad ng pamumuhay. Ngunit nagiging instrumento nga ba ito ng tunay na kaunlaran o isa lamang na pabigat sa taumbayan?
ONLAYN NA!
33.4%
Social Services
Php 2.121 T 29.2%
Economic Services
Php 1.853 T General Public Services
17.1%
Php 1.083 T Debt Burden
13.8%
Php 876.7 B Defense
6.6%
Php 419.3 B
Ayon sa Department of Budget and Management.