8
DIE BONTEBOK
KAAPJAG PRESIDENT Jag wat ’n geleentheid
E
k het al baie op my plaas gejag, maar nooit ’n groot geleentheid daarvan gemaak nie, tot vanjaar toe ’n goeie klomp vriende van my, my nooi om saam met hulle in die Oos-Kaap te gaan jag, sommer vir ’n week lank. Wat ’n voorreg en ondervinding was dit nie, sommer van die eerste dag af. Ons het die Maandag ons gewere ingeskiet sodat ons die volgende dag kon gaan Koedoes jag. Ek het my 200 jaar oue voorlaaier, met ’n pan (flint lock), saamgevat om te kyk of hy nog sy keel kan skoonmaak. Ons het hom ge-olie, kookwater deur die loop gegooi, die loop geborsel tot dit mooi skoon was. Gelukkig is my een vriend ’n swartkruit kenner en het al sy gereedskap byderhand gehad. Toe is dit tyd vir die eerste
skoot, in groot afwagting, kruit is in die loop gegooi, lappie met bal ingesit en met die laaistok vasgestamp. Kruit is in die pan gegooi, die pan is toegemaak en die haan is gespan. Gaan dit werk of nie? Almal staan in afwagting, die selfone reg om foto’s te neem of om die dokter te bel. Ek weet nie. My vriend lê aan en trek die sneller. Dis net rook en ’n hengse knal wat daar uitgekom. Toe wil almal eers ’n kans hê om ’n skoot te skiet. Wat ’n voorreg was dit om met so ’n ou staatmaker te skiet. Die eerste dag het ons niks koedoes geskiet nie. Die aand het ons gebraai en lekker gekuier. Daar was baie goeie kokke in ons geselskap wat lekker kos kon maak. Die volgende dag het ons gaan blesbokke skiet. Ek was gelukkig om drie te kry. Die dag daarna
Johann Strauss het ons weer vir koedoes gaan soek en een geskiet. Ons moes werk vir hom, want daar mag nog net bulle gejag word. Sal nooit weer ’n swaar loop veld toe vat nie. Hy dra darem te swaar. Die laaste dag moes daar toe vleis bewerk word en is daar toe gewerk hoor. Alles mooi in kratte en biltong klaar gesout. Net vir ophang as jy by die huis kom. Ek besef toe wat jag saam met goeie vriende vir ’n mens beteken en hoekom daar so baie planne gemaak word om ’n lekker jag te gaan. Dit is wel duur, maar vir die siel en jou geestestoestand beteken dit so baie dat dit alles die moeite werd is. Daar sal nog baie baklei word om die voorreg om te jag vir almal wat lief is vir die natuur so te hou. Ons as Kaapjag sal alles in ons vermoë doen om die aanslae af te weer, al is dit deur Chasa waar ons geaffilieer is. Al moet ons hof toe gaan. Ek weet ons lede sal ons ondersteun, want hulle koester dieselfde waardes en is lief vir hulle skietgoed en vir die voorreg om te jag. Jaggroete
