14 minute read
ALGO DE NÓS
Advertisement
"Estes nove anos foron os mellores da miña vida. Os profesores, os compañeiros, as excursións… serán recordos gardados dentro de min para sempre. Grazas a todos por axudarme a crecer. Vouvos botar de menos!"
"No meu paso polo colexio fixen moitos amigos que me axudaron moito. Estiven moi contento e relaxado, non estaba nervioso. A miña mellor etapa foi 5º e 6º . Este curso pasou moi rápido. Cando empezou eu estaba moi nervioso porque era unha nova etapa con novos alumnos, pero co paso do tempo xa me fun acostumando.
"Grazas por ensinarme tantas cousas durante todos estes anos e por axudarme a ser mellor persoa.
"O meu paso polo colexio foi longo. Durante nove anos estiven aprendendo moitas cousas, divertíndome e, sobre todo, disfrutando. Os meus mestres ensináronme moito, non só a nivel académico, senón que tamén me ensinaron a compartir, a respectar, a escoitar…, todos eses valores que tan importantes son. Aínda que ás veces me parecera que tiñamos moitos deberes, sempre lles estarei agradecida aos meus mestres. Tamén penso que unha das cousas máis importantes do colexio son todos os meus compañeiros e compañeiras que me acompañaron durante todos estes anos, amizades que perduran dende que tiñamos tres anos e que perdurarán durante moitos máis. Penso que todo iso, os meus mestres, os meus compañeiros, os meus recordos… son o máis importante sobre o meu paso polo colexio.
"Aínda me lembro do primeiro día de colexio. Ao principio custábame entrar, pero logo sempre saía cun sorriso. Con Marisé, polas mañás, sempre faciamos algún xogo. Non había día que se lle escapara! Despois ao chegar a primaria, con Mónica, que estivo dous anos con nós de titora, houbo un “pequeno” cambio: comezamos a facer exames e exercicios. En 3º e 4º deunos Cristina. En 3º sorprendeunos cos grupos de Terra, Aire, Fogo e Auga. Xa en 4º empezamos o horto, pero durou pouco polo covid-19, pero seguimos facendo exercicios, ata dous traballos! En 5º , con Ana de titora (despois de tanto tempo) e por enriba con nós, tocounos a lotería! Iván e as súas cousas curiosas! Xa estamos en 6º . Canto tempo pasou! Este foi o mellor ano da miña vida. A miña conclusión é que foron os mellores anos da vida. Paréceme incrible que o tempo pasara tan rápido, entramos con dous ou tres anos e saímos con once ou doce e… xa nos imos!" "Estes nove anos que estiven no colexio foron moi especiais para min, xa que coñecín moitas persoas e aprendín moitas cousas que me axudaron na vida a ser mellor persoa.
Os profesores sempre estiveron aí cando os necesitaba e intentaron que aprendéramos á vez que nos divertiamos. Gustaríame volver a ter a mesma experiencia no futuro.
"Gustoume moito o meu paso polo colexio porque divertímonos. Os profesores son moi bos explicando e as clases son moi divertidas. Un bico e un abrazo.
"En resumo podo decir que esta etapa foi divertida, pero tamén algo dura. Entrei en 1º e os primeiros días foron moi duros, pero non me rendín e fixen amigos. Seguín adiante ata chegar a este momento da miña vida. A miña vida foi toda unha aventura. Gustoume todo, os profes que me axudaron cando non sabía algo, e os compañeiros, que tamén me axudaron moito para salir adiante.
"O colexio pareceume moi “guay ” . O quer máis me gustou foron as excursións, parecéronme moi chulas. Tamén me gustaron moito as festividades como o Entroido e o Samaín. Cada un destes anos foi unha experiencia nova, especialmente estes últimos polo covid, pero o bo é que xa terminamos a pandemia así que… a desfrutar! Quero dar as grazas ao colexio por ensinarme a sumar, restar, dividir, multiplicar, etc. Agradézovos a todos/as os/as profesores/as as leccións , ensinanzas e consellos para a vida destes nove anos. Grazas tamén por ensinarnos a traballar en grupo, unha das cousas máis importantes que hai que aprender. Aínda que polo COVID-19 non poidemos facer o noso horto de 4º , fun moi feliz durante todos estes anos.
"Sempre me acordarei da miña chegada ao colexio, cando coñecín por primeira vez aos profesores, os cales foron moi amables e cariñosos comigo e intentaron sacar o mellor de todos nós. Tamén, como non, de cando vin por primeira vez a todos os meus compañeiros de clase quew se converteron nos meus aliados de xogos e travesuras. O paso a primaria foi difícil xa que me tiven que adaptar a novos profesores e así ao longo dos cursos, pero… sexto foi un curso un tanto diferente porque era o nos último ano no colexio todos xuntos, Xa non imos coincidir todos no mesmo instituto e iso dáme moita pena. A verdade é que levo comigo un moi bo recordo, tanto dos profesores coma dos meus compañeiros e amigos, así que sempre vos levarei no meu corazón.
"Cheguei hai pouco, pero no tempo que estiven paseino xenial. Os mestres foron os mellores que se puideran ter e os compañeiros, moi amigables. Ó principio tiña medo polo cambio de colexio, pero este demostroume que nel sempre vai haber alguén que queira estar contigo.
"Son Xoel e destes nove anos do meu paso polo colexio quédome con moitas cousas, moitas experiencias e, sobre todo, cos compañeiros e profesores que fixeron moito máis amenas as clases.
"Todos estes anos con estes titores: Marisé, Mónica, Cristina, Niki e Ana, foron unha verdadeira marabilla. Ninguén quere máis ós seus alumnos ca eles. Buscan o mellor para nós e percorren terra, mar e aire ata logralo. Dame moita pena irme, pero sei que se me vou novos alumnos poderán gozar do colexio. Aproveitade todo o que poidades porque os nove anos que estades no colexio pasan voando!"
"Cando cheguei aquí, con tres anos, non sabía ler nin escribir. Aínda me lembro de cando tiven a varicela, de cando xogabamos coas regretas para aprender a contar ou de cando aprendemos os planetas cunha canción. Tamén de cando nos graduamos e algúns se foron subir ó casco romano ou de cando algún interrompeu a clase e Mónica castigou a todos menos ás nenas. Lémbrome tamén de cando nos confinaron. Faciamos clases “online” e eu vía un programa educativo na televisión despois das clases. Despois de nove anos de convivencia descubrín que todos os meus compañeiros son bos rapaces, aínda que con algún me levo mellor ca con outros. Tamén aprendín a ler, escribir e moitas cousas máis. Descubrín as cousas que me gustan e novas maneiras de aprender a estudar.
"Aínda recordo o meu primeiro día no cole, había un montón de xente. Todos estes anos, os profesores, os amigos, os recordos inesquecibles… Moitas grazas por todo!"
"A miña estancia no colexio foi divertida, foi aburrida, foi alegre e foi un pouco estresante. Tivo moitas cousas, tanto boas coma malas. Tamén tiven moi bos profesores e outros non tanto e tiven moi bos amigos que espero seguir conservando. Aprendín moito, pero non xa do libro, se non da vida e como comportarme. A conclusión disto é que foi unha moi boa etapa na que aprendín moito e o pasei moi ben.
"Botando a vista atrás a todos estes anos veñen á miña mente moitos recordos. Se penso en cada un dos meus compañeiros, sempre lembrarei os bos momentos e as risas compartidas, as festas, as excursións, os aniversarios, os recreos, os chistes, as anécdotas… Non só lembrarei ós amigos, senón tamén ós meus mestres que me acompañaron durante estes nove anos. Todos me axudaron a ser mellor persoa porque nun colexio non só che ensinan matemáticas, lengua… tamén aprendes cousas moi importantes como compartir, a amizade, o esforzo, a empatía… Por todo isto, sempre lembrarei o meu colexio con moito agarimo.
"A miña etapa no cole foi unha das mellores da miña vida porque aprendín moito. Os profesores portáronse moi ben e fixen moitos amigos.
"Ola! Son Marcos e podo decir que o colexio gustoume moito, malia os deberes que non lle gustan a ninguén. Encantáronme as excursións e, en xeral, tamén os profesores. Foi unha etapa da miña vida moi chula xa que puiden facer moitos amigos "
"Non nove anos que levo no colexio pasaropn moitas cousas. Aínda recordo o primeiro día, tiña medo porque estaba afeito á gardería. Aparte diso destaco que fixen amigos e paseino ben.
"Vou falar do meu paso por este colexio. A experiencia foi moi bonita, destacando os amigos e os profes. Os meus profesores sempre amosaron moita xenerosidade, cariño e fe en min. Desde infantil ata sexto de primaria houbo momentos de alegría e de tristeza, pero abundaron os alegres. Encántame como se traballa en grupo, os traballos, os momentos de risas, as saídas, os agasallos, as sorpresas… son recordos tan bonitos que nunca, nunca os poderei esquecer. Tamén é verdade que tiven momentos de agobio, de non saber que facer, e momentos de enfado como cando, despois de cinco anos coa mesma compañeira falamos con Cristina porque xa estábamos fartos. Desde entonces levámonos moi ben. Quero agradecerlles tamén ás miñas mellores amigas (Xenia, Noa Gallego, Jessica e Jimena) por todo. O colexio é coma unha casa, por que? Pois porque os profes son coma os nosos pais. Esta foi a miña experiencia no colexio.
"Para min unha das mellores cousas que fixeron os meus pais foi mandarme a esta escola. Os mestres son moi bos, trátannos xenial. Ademais fan sempre todo o posible para que todos os nenos nos levemos ben.
"O primeiro día estaba un pouco perdida, pero acostumeime. O único que podo dicir é que todo foi moi bo. Os profesores son moi bos, cólleselles cariño. Espero que o pasedes ben nos demais cursos.
"O meu paso polo colexio foi xenial. Co que me quedo é cos profesores porque apoiáronme en todo momento e confiaron en min. Este colexio é o mellor. Calquera que veña vaino pasar moi ben e aprenderá moitísimo.
"Nestes anos aprendín moitas cousas, como ler, traballar en equipo e facer amigos. Paseino moi ben. Unha das cousas que máis me gustou foi o agarimo, o amor e a paciencia que nos dedicaron os profesores día a día nesta etapa da nosa vida, aínda que algo que non me agradou nada foi a etapa de pandemia do COVID-19 xa que nos impediu ter varias experiencias e traballos que me tería gustado facer e compartir cos compañeiros, pero aínda así paseino moi ben. Gustaríame seguir lembrando estes momentos tan bonitos aínda que pase a outra etapa. Moitas grazas por todo aos meus profesores /as, compañeiros/as e amigos/as que estiveron aí en todo momento. Vouvos botar moito de menos!"
